**روايه (مذكرات زووجه محترمه جداا )...

[سحابه نجد]

ويع يابودحيم ليش هذا جزاها ام دحيم

مسكينه هذه الحرمه الله يكون في عونها

ما عليج نزوه وتعدي على خير بس يطلع

الي براسها بعدين يرجع لك يا الغاليه

الرجال لا يعرفون شئ اسمه هذا جزاها ...
او هكذا انت -ترد الأحسآآن
يعرفون شئ واحد ...
أنه هذا حق من حقووقهم .. والله اعطآآة للرجل .. وهو التعدد ..

أعجبنى شئ فيك..يانبراس الشرق - آآفق القرآآءة الوآىسعه - الغير مقيدة ..

 

[زهوووور الريف]

والله احيانا اقول في نفسي : سبحان الله يمكن التعدد هو الأفضل للرجل والمرأة ..يمكنه أفضل من البقاء مع زوجة واحده ... **لأن لو لاحظنا حالنا مع حال أزواجنا الحين .. أقل شي اللي تشتكي انه ما يقعد معاها ... كل وقته أو أغلبه برى البيت .. و أيضا حتى اللي زوجها متقاعد وجالس في البيت ،، سبحان الله تشتكي من مقابله وتدخله في أمورهم ..... هذا شي ... والشي الثاني ان الحين أغلب الزوجات تشتكي من سالفة ان زوجها يطالع أفلام أو مواقع ويطلق نظره في الحرام .. او بعضهم يتجه لطريق الحرام فعلا والعياذ بالله .. فلو تصورنا انه متزوج من أربع مثلا .. يمكن يكون منشغل بين الاربع بيوت وطاقته كلها رايحه بينهم سواء مع نسائه او في متايعت البيوت والابناء ................. لكن السؤال : هذا الزوج ؟ هل سيعطي كل ذي حق حقه ؟؟؟؟ هنا الخوف .... انا كم مرة أطرح هالموضوع عند الحريم أقول يمكن زوجي لو يتزوج وحدة ثانية تصير حياتنا أحسن ،، لكنهم دائما يخوفونني ويقولون هل تضمنين انه بيعدل ؟ هل تضمنين انه وانه و...... والصراحة هو الموضوع يخوف لأني أشوف وحسب ما أسمع أن الزوج ماله خلق عياله اللي من زوجه وحده ولا يدري عنهم ولا عن دراستهم ،، فاشلون يفتح له بيتين والا ثلاثة ؟ اضافة الى انه حتى زوجته الاولى ماله خلق يتابع امورها ويقوم بدور الراعي الذي امره الله تعالى به ولا يهتم بتوجيهها دينيا ولا يدري عنها الا القليل .. فكيف سيعدد هذا الرجل ؟.......................................... آسفة أختي لو كانت مداخلتي مالها داعي ،، بس مدري ليش جا على بالي اني أقول هذا الكلام ... شكرا لك مرة أخرى .. وبانتظار التكملة بارك الله بك .**

 

[سحابه نجد]

زهور الريف ...


التعدد والزواج الثانى ... مثل النصيب .. مالا احد دخل فيه .... ابد ..
بغض النظر .. هل سيعدل أو لا .. هل ستكون الحيآآة متوازنه أم لا ..
الحيآآة باكملها فيها اشياء احيانا نستغرب .. ليش تصير .. !!!
ونعترض .. وانه مو من العدل انها تصير ..
هذا تسخط على آآمر الله ..
لاكن ارجع واقول لك ..
الله كتب انه يكون نصيبك عند هذا الأنسان الى هو زووجك ..
وكتب الله انه يرزقك بالعيال .. الى عددهم كذا ..

الله كذالك كتب نصيب .. انه يكون فيه زوواج ثانى ..
يعنى المووضوع يرجع ألى النصيب .. والقضاء والمكتووب .. والأيمآآن المطلق في هذا كله ..

(هذي وجهه نظري في الأمر كله .. )

-صديقه عندى قريبه من قلبي جداا .. ومتدينه والتزآآم وحافظه لقرآآن الله ...عندها سته من الابناء

وأكبر بنت عندها أنخطبت في الصيف وزواجها قريب ..
وزوجها طيب ووحنون عليها- لها اكثر من سبع سنوات ... فيها ( مرض السرطآآن في العظام )
حاليا هي تأأخذ الكيمآآوى .. وتتأألم عند كل مووعد ..
وأابكي من اجلها كثيرا .. وتصغر كل الأموور عندى .. حينما اسمع عنها شئ محزن ..
نبكي على قضايآآ البشر حولنا .. وننسئ انه عندنا قضايا خآآصه فينا ..

(اسالك يازهور الريف ) أئ الم - اصعب واقسئ من هذا الالم
حين تعرف انها راح تفآآرق اولادها وبيتها وزوجها .. وحين تكون بنتها على ابواب الزوواج وقد تعيش لهذاك اليوم .. او لا تعيش !!!

زووجها كل ثلاثه اشهر يذهب بها الى مكه من آجل ان تمكث هنآآك شهر .. خآىئف عليها ان تموت وهي لم تعتمر ..
(تصغر كل الاموور .. عندى وانا أرآآها في هذا الحآآل ... ولا تسوى في نآآظري جنآآح بعووضه )
اليس بأحق ان نؤمن ان الله حق .. وان ماقاله حق
وان كل ماكتبه الله لنا هو حق ..
وانه كل هذا مكتووب في كتآآب محفووظ ..
هل نتأألم من زواج ... زوج ...
أو نتأألم من الأبتلاآآت في الحيآآة

دائما نصيحتى .. التى اضعها امامى ( انظري الى اعلى ,,, صووب الثريا .. ارتفعي عن الحياة الدنيا )
فهنآآك رب .. لن يخذلك ابدا ..

لقد اثرتى حفيظتى .. يالغاليه
وسكبتى دمعتى ..


يسعدنى مروورج وتفاعلك ... يالغلا ..

 

[سحابه نجد]

**الجزء.. (25) الأخيرة

.. ماحدث شئ قد لا يصدقه عقل ..الأحداث تتسآرع .. .. كانها تركض سريعا ..
واتصلت الممرضه على .. ( ابو دحيم ) .. ومافيه آجآآبه
قالت الطبيبه لا زم حالا عمليه من اجل أنقآآذ الاطفال .. الاكسجين يقل ..
واتصلت مرة ثانيه .. وبعدين جآآوب ..
قالت له : لازم تحضر حالا .. (زوجتك ام دحيم ).. عندها ولادة ...و
لا بد من توقيعك على ورقه العمليه القيصريه
قال: حالا .. انا جآي .
ونص سآآعه وأهو يوقع على الاوراق .. واشووفه واهو ينآآظرنى من خلف الزجآآج
ودمعته ... تنسكب بصمت .. ويمسحها .. مايبينى آآشوفه
ويناظر الممرضآآت وهم يحطون المّغذي ودكتور البنّج يعطينى ابرة أألبنّج ..
ويشووفنى واناآآتآآلم .. وأتقلب يمين ويسآآر من الألم ..
وواكثر من خمسه من ألاطبآآء ..كانوا عندى .. يتشآآورون في موضوع ولادتى ..

.. وجآء يبي يكلمنى ..
قاله الطبيب: مو ووقته .. لا تكلمها .. !!!
قال : ابي اقول لها كلمتيين .. بس قبل ماتدخل غرفه العمليآآت
قال له الطبيب: بسرعه لو سمحت .. وسألنى الطبيب: عاوزة تحملى مرة ثانيه - او نعمل لك .. ربط انابيب ..
قلت: ابي ربط آآنآآبيب .. مآبي احمل مرة ثانيه

وجآء عند راسي ابو دحيم .. وقال لى :
انا مابغيت الزوواج- بس انتى قلتى لى .. تزووج .. صح يام دحيم ..
أبي اقول لّج .. أنى طلقتها اليوم ..
سألته وانا فرحآآنه ..
كيف صار .. هذا ..قال: اطلبت انى اطلقك .. يام دحيم .. وانه شرطها الوحيد لا اتمآآم الزواج .. قبل لليله الزواج .. وانه اعطيها اورقه طلاقج بالثلاث .. وهذي الورقه - تبيها صباحيه زواجها ..
عشآآن ماترجعين لى ..
انا سمعت منها هالكلام .. وماقدرت انى املك أعصآآبي ...ورميت الطلاق عليها وبالثلاث .. ماأحد يبعدنى عن ام دحيم ..
لو ابيع الدنيا والى فيها .. مااابيع شريكه عمرى ..
أم دحيم .. سامحينى .. أنا آسف على كل لحظه سببت لج فيها ألم ..سامحينى قبل ماتدخلين غرفه العمليات
ويمسك أيدى .. وأدموعه تنزل ( اول مرة أشوف ابو دحيم بهذي الدمووع )
ام دحيم .. اوعدج ووعد .. يبقى معي ليووم الدين .. انه كل الى تبينه بيصير ..
ووعد منى .. ماوقف في طريق طموحك ..
أأهم شئ عندى .. انتى .. ابيك .. ترجعين لبيتى ولحياتى ..
وانا اسمع .. واحس البّنج .. مفعووله .. يدخل فينى .. وبديت افقد الوعي ..
قلت له: سامحتك يأبو دحيم .. واحللك , ابيّحك .. من كل شئ ... قدام ربي ..

وانا في بدايه البنّج .. ويمرشريط حياتى .. قدام عينى .. ...

واتذكر امي ..
واتذكر اليتيم الى انا كفلته (وشلون بيصير الحال عليه )
واتذكر .. اخواتى في الله الى يبكوون من شآآنى ويدعوون لى ..
اتذكر ( مديرة الدار ) يوم قالت... لن يخذلك .. رب العالمين
واتذكر .. اخوى (صالح ) .. واهو يقول الله معك .. لن يتركك ..
تذكرت انها اصنع المعرووف .. ووارميه بحر
تذكرت الأمهآآت الى كنت أدرسهم واعلمّهم .. وهم يدعوون لى ان الله يوفقنى وويسخر لى زووجي
تذكرت الضحك .. مع (ابو دحيم .. )..
تذكرت حبي ووشغفي بالقرآآن .. وحفظه ..

وتمر احداث حيآآتى كالشريط أمآمي
واسمع أبو دحيم .. يقول : ووالله .. انى مآآعاد أرجع للسوابق المآآضيه .. يأم دحيم ..
سامحينى ..

.. ودخلت غرفه العميات .. اكثر من ثلاث ساعات .. وبعدين يومين في غرفه المتآآبعه
والملاحظه .. وصحيت من الغيبووبه الى كنت فيها .. والالم .. مازال يلازمنى ..
كأنى وولدت من جديد .. واتنفس من جديد .. وفتحت اعيونى .. على ضوء الشبآآك امآمي
وو ألقى ابو دحيم .. ووجهه قلق .. علي .. وتعبآآن كأن له اكثر من يوم .. مآآنام
وشآآفنى وابتسم .. وقال : الحمد لله على سلامتج يالغاليه .. لى ثلاث ايام ماعرفت انام .. وكنت قاعد عند غرفتج
أعيالج .. ينتظروون يشووفونج ... شووفيهم ..
والتفت .. والقى ( التؤآآئم ) بنت وولد ..
واحآآول انى احظنهّم -وماقدرت .. العمليه تؤلم .. جداا ..
-ياربي ماأحلاهم ...
الله يطعم كل محرووم ..
مرت أأياام على وانا في المستشفى .. اللهم لك الحمد ..
غرفتى مليئه بالزهوور والورود ..
كثيرين نآس زاروونى .. حتى بعضهم أنا ماعرفه ..
(ومديرة الدار ).. زارتنى .. وقالت لى : كنت متآآكدة يام دحيم انه الله ناصرك -لا محآآله
عندى ثقه ان الله معآآج


ورجعت لبيتى .. والقى الشغاله موجودة .. واشوف اعيالي ..
اللهم لك الحمد .. ومشت حياتى .. بعد كل هالامور الى صارت .. زينه لا يكدر صفوها
سوى الاشياء البسيطه
استكملت دراسه (دعوة وشريعه ) ..

واصبحت معلمه للقرآن (امهآآت )
لازلت احمل في محفظتى ( الصدقآآت والتبرعآت ) وأودي الامآآنات .. الى اهلها

زوجي دائما يذكرنى .. وويكرر كلمه معتآآدة .. حفظتها من كثر مايقولها ..
الكلمه هي ( يام دحيم أحتووينى ) انا أأضيع بليآآج
لا تتركينى لوحدى .. الشيطآن .. يلعب برأسي ..
أقعدى معي
خلييج حنوونه ويآي ..
لا تؤاخذينى على عصبيتى .. وتهووري ..
تحملينى ..
أم دحيم .. لا تتركينى .. فأنى آآضيع ..



... اللهم لك الحمد الفضل اولا .. واخيرا الى الله - الذي انعم علينا نعم ظآآهرة وبآآطنه
يبي لها شكر ..

**دفتر مذكراتى .. خلاص انتهت آخر وورقه فيه .. ماعاد احتآآج ألى الفضفضه
عندى زووجي افضفض عليه متى ماأحتجت ..
وماعادلى لزمه بدفتر مذكرات .. ... عطيته ادحيم .. قلت له
خله كله شخآآبيط ..متى مابغيت ..
فرح دحومي .. قال: أنتهت مشاكلج يمه .. مافيه فضفضه
قلت: مافيه فضفضه .. محتآآجين الى عمل .. وانتآآج فقط
وكذالك لا أأ انى أصبحت زووجه محترمه جداااا

http://www.youtube.com/watch?v=niE3_sFWMS0&feature=related

تصبحون على الف عآآفيه ورووقآآن ...
وشروق معطر بر يح الخزامى والياسمين ..

 

[سحابه نجد]

قبل مأروح آنام .. صرااااحه فتحتوا قريحتى لكتآآبه القصص والروآيآآت ..
شكرا جزيلا .. لكم ..

تصبحون على خير ..

 

[بلقيسيه كوول]

رووووعه ماشاءالله امتعتينا وافدتينا نراك في روايه ومذكرات اخرى سلمت يمينك وجعل الله ماتكتبين في ميزان حسناتك

 

[ام اسارين]

شكرا لك ياسحابة نجدمذكرات بجد روعه
ماشاءالله

 

[سمراء بلادي]

الله يعطيها على كد نيتها ويصلح احوالنا جميعا بوركتي عل هذه المذكرات المحترمة جدا اسعدتينا يالغالية وافدتينا بارك الله فيك

 

[ديم..]

راااااااائعه وننتظر ابداعكـ في القادم

اصنع المعرووف .. ووارميه في البحر هذي قاعدتي في الحياه

 

[سحابه نجد]

مساء معطر بذكر الرحمن ..

بلقيسه كوول ..
شكرا لج .. ممنونه لمرورج .. يالغلا

ام آآسارين .
يسعدنى مروورج .. يالحبيبه

سمراء بلادي ..
يسعدنى حضورج .. يالغلا

ديم ..
ربي يسعدك وويحفظج ...يالغلا ..

راح أستكمل هالرووايه .. مشتآآقه انى اغّرد من جديد على أغصآآن الحيآآة .
مازالت .. الحيآآة تدعونا كي .. نفتّش بين طيآآتها .. عن الالم .. والامل ..
ونغرد تغروودة وانشوودة الحياة .. (تستحق ان نعيشها .. بكل مافيها .. )

***يبي لى ووقت ارتآآح .. واخذ اجآآزة مؤقته... وننبسط في أيآآم العيد
ولنا موعد قريب مع الجزء الجديد من( مذكرات ام دحيم ).....
انتظروونى ..

كل عام والجميع بخير .. ومن العآآيدين الفآآيزين ..

 

[نبراس الشرق]

يعطيك العافيه سحابة نجد

وكل عام وانتي بخير
وعيدك مبارك وعساكم من عواده
وان شاء الله ننتظرك بعد العيد
ياعسل​

 

[ام صبا الاموره]

بارك الله فيك رائعه

 

[سحابه نجد]

الجزء (26)....
... من قبل فترة .. كنت أحب انى اكتب في دفتر مذكراتى .. بس قلت .. لا .. اقعدى مع (أبو دحيم )وتكلمى معه في امورك ..
وفضفضي عليه ..
بس أنا اكتشفت شئ .. انه الرجل مايحب الحرمه الى دائما تشكي ووتتكلم عن أمورها الخاصه ومشاعرها .. الداخليه واحسآآسها ..
يبي منها انها تعطي .. بس .. وماتآآخذ أهتمام أحد ..
الزووج .. يبيج جاهزة له .. ولاكن مو مستعد أنه يقعد .. ساعتين معآآج من شآآن تقولين له عن تعبك ووآحاسيسك ... ومدى ماتشعرين فيه .
والى يصير ويآآج
وأنا الحين .. بعد -سبع سنوات .. افتح دفتر مذكرات جديد .. وطبعا حطيته عندى في المكتبه فووق آآخر رف
صارت عندى مكتبه ماشآآء الله .. وفيها كل كتب علم النفس .. وكتب الشريعه والعقيدة ..
-بعد ماتخرجت من الجامعه ( دعوة وشريعه ) .. طلبت من (ابو دحيم) انى اتوظف ..
وكان معآآرض وبشدة ..
حاولت معه بشتى الطرق .. ومرة ازعل . ومرة اجيه بالمسايسه ..
وفي الاخير .. توظفت .. في مدرسه (أهليه ) من الصبح .. ألين مابعد الظهر والراتب مايسوى ..
وكذالك .. اشعر في داخلى مو هذا الشئ الى أنا آبيه .. اشعر بالنفور من هالووظيفه وماعندى شئ اعطيه فيها .. والجهد هبآء منثوورا .. ولا شئ أحصدة من هالتعب .. ولا شئ يرضي نفسي فيها
عندى طموووح .. أنى اكوون شئ .. واخدم الناس واصبح معرووفه .....
عندى طموح أنى اكون مساندة للمسآآكين وأخدم المجتمع ... وكل طاقتى انى في هالمجتمع ومع الناس ..
المدرسه .. لا تحقق لى هالشئ .. وفيها سلبيات كثيرة .. ماقدرت أنى اتآآقلم عليها
وتركت المدرسه ..
وأول واحد أنبسط .. هو (أبو دحيم ) ...
وقعدت في البيت ..

صابنى خموول وأكتئآآب .. وحاله نفسيه ..
شعرت بالفراغ ..
وماعندى شئ أسويه واكثر شئ زاد هالأمر عندى ..
أعيالي .. الكل استقل بدراسته وماعدت هاذيك الأم الى كنت أرتب لهم امورهم ودراستهم وآشاركهم
وحتى بنتى( بسمه )... ملابسها هي الى تختآرها
وتروح للسوق مع أخوانها ..
وتتمشئ مع أبوها ..
ودراستها الجامعيه .. مستقله فيها ..
يعنى انا صار تدخلى في حياتهم محدود ...
... والى زاد هالأمر .. سؤ في نفسي ..
(أبو دحيم ).. دائما متذمر وعصبي .. ومايعجبه شئ .. لا الطباخ الى أطبخه ..
ولا الكلام الى نسولف فيه ..
ودائما متوتر ويبي يخرج .. خارج البيت ..........
صرااحه يلفنّى شئ من .. الخموول والفتور .. وأشعر أنى ماسويت شئ بحياتى ..

صار هذا الأحسآآس يلازمنى ..
قالت لى صديقتى : رووحي لطبيب نفسي .. راح يعطيك كبسوولات .. تهدى هذى الأفكار الى معآآج
سوى سوآآتى .. وراح ترتآآحين
قلت لها : اهلنا القديمين -ليش مآآصابهم نفس ماحصل معنا .. من فتوور وتعب نفسي .. وشعورهم أنهم غير مهميّين
في حياتهم وووالادهم ؟؟
قالت صديقتى : أهلنا القديمين عندهم شغل خارج نطاق بيوتهم .. عندهم الشغل في المزارع وفي الصحراء وعندهم أنهم يحملون كل شئ على رؤؤسهم .. يحملون ويولدوون ويقومون بالبيت وبالاهل .. وبالزووج .. ويساعدون الزوج كذالك خارج البيت . وبعدين آيش عرفك .. ممكن هالاحسآس كان معاهم ... بس مايقولون ..!!
وين زمآآنا عن زمآآنهم !!
قلت لها : بعد نحن كذالك عندنا آشياء مهمه .. وأكثر منهم .. بس لو أآآشوى نعطي المسؤؤليه وحريه القرار .. ونكون اقوياء آآمام رغبات انفسنا الداخليه ونترك الخووف ..

...
وبعد كلامي مع صديقتى .. وهاذاك المساء ... وقفت آمآآم مرآآيه غرفتى .. وأكلم نفسي ..
أنا الحين ووصلت لفوق الخمسه والاربعين ....
التؤآآم في المدرسه ألحين ...
صارت الشعرات في شعرى كلها وأغلبها أبيض .. تعبت وأنا اصبغ هالشعيراات كل مرة ..
ولو نظرت ألى الخلف ... أيش سويت !!!
الحمد لله .. سويت أشياء كنت أتمنآآها .. بس أشوف ألى تمنيته صار .. وأشوف أنها أنبثقت كذالك آآمنيات
و أبيها كذالك تتحقق .....
كل امنيآآتى ,, كانت سهله ..
شئ واحد الى موسهل .. الى هالوقت اشعر أنه الفتور بينى ووبين زوجي مازال .. يتعمق .. ويزيد ..
اصبحت حتى في أجتماعنا وفي كلامنا .. وفي امورنا هنآآك شيخووخه .. مبكرة ومو وقتها .. ألحين
ويش اسوى ؟؟
طبعا أنا مأقدر أنى ارجع ألى عشرين سنه مضت ..
ولا اقدر انى اصير شأبه حلوة ..
ولا اقدر أنى .. اكوون شخصيه اخرى جديدة ..

.. وتفأأجآآت أنه ( أبو دحيم ) وواقف عند باب غرفتى .. وأنا اكلم نفسي ..
ويبتسم ..
ويقول : ووش فيك ؟؟
قلت: حزينه على أيامنا الماضيه .. تمنيت أنى أأسعدتك أكثر من كذا ؟؟؟
قال : ماقصرتى معي في هالسنين .. كثر الله خيرج... كنت نعم الزوجه المتفآنيه الحبيبه والطيبه ..
ووقف جنبي .. آآمآم المرآآيه .. قال: ام دحيم .. ماكنّج .. صرتى عجوز .. وشعرج صار شعرتين بس ولو أمسكها .. طاحت . وبدآآت السمنه تغزو .. هالجسم الجميل والترهل .. وحتى ووجهك بدآآت الخدوود تطيح ..
قلت: باسم الله عليك .. يارب مأحسدك على شبابك وجمالك .. ههههههه
الكرشه عندك يأبو دحيم .. تمددت .. وتفلطحت .. والسيقآآن .. زادت نحف ..
والصلعه ..ماشاء الله ولا شعرة يتيمه موجودة فيها بالغلط ..

وضحكنا مع بعض أنا اعلق عليه وهو يعلق على ..
وقعدنا نسولف ..
قلت: ابو دحيم ..عمرى .. انا أشعر بالفتوور .. معك ..والرووتين ..
قال: هذى الحيآآة .. الحياة عجله .. تكون سريعه .. وحلوة .. وجديد ة في كل شئ .. بعدين تبداء تصير قديمه .. وتهرم ... وتصير عجوز -وبعدين نستبدلها بأخرى جديدة ..
..قلت: أيش تقصد ؟؟
قال: ماأقصد شى .. اسف .. ..
قلت: عندك هالأحساس ؟؟؟
قال: أيه عندى ..نفس هالأحساس .. بالفتور .. بس الرجل مايبين عليه ومايقول .. نعم اشعر بالفتور في كل شئ والرووتين وأشعر أنها الحياآة صارت ممّله ..
وحتى الموظفين الى عندى في المكتب .. أكرة احيانا أنى اقابلهم ..
لاكن -ايش نسوى .. الحياة تمشئ ..


.. أشوى الا اعيالي داخلين علينا .. ونسولف مع بعض .. ونضحك مع بعض .. ...
الغريب انه الولد الكبير يطلب منا نبحث له عن بنت الحلال .. يبي يتزووج ..
وهذا الى آآكد لنا أنه كبرنا بحق ووحقيق ..
كتبت ماحصل معي .. هذا النهآآر ..
ربما أجد جواب .. لا اشياء في خيالي ..
حين يمتلاء علينا المكآآن بكل شئ .. ومو ناقصنا شئ ... ليش نشعر بالفتوور .. والفراغ ...
وحينما يحيطوونا الأحباب .. ونتركهم .. نشعر بالفتور والفراغ ..
مالذي يملاء هذا الفراغ .. وهذا الكيآآن الفارغ الموجود بدواخلنا ...




صباح هذا النهآآر .. كم هو جميل ويشرق بالنور .. والبروودة .. والضياء والفتور ..
والحب .. والاهمال ..والسلام والحرووب
متناقضآآت ..تجتمع ... ولا يد لنا فيها .. ....


مع موعد اخر ..وصفحه من صفحات حياتى ..

 

[سحابه نجد]

نبراس الشرق ..
كل عام وانتى طيبه ..

أم صبا الأمورة ..
يسعدنى متابعتك ...

 

[لك غلا محد وصله]

مسااء الخير مبروك افتتاح الجزء الثااني من يومياات زوجه محترمه
وفعلا الروتين ممل
وخااصه عند ماايكبر الاولاد
متابعه لك

 

[سحابه نجد]

مسااء الخير مبروك افتتاح الجزء الثااني من يومياات زوجه محترمه
وفعلا الروتين ممل
وخااصه عند ماايكبر الاولاد
متابعه لك

الله يبارك في عمرك ..
ولا يحرمنى من متآآبعتك ..
.. وانا مسرورة جداا لوجودك هنا .. معي ..

 

[نبراس الشرق]

كلنا نعاني من الفتووووووور والملل من كل شيء

نحتاج الى التجديد وقتل الروتين انا وجدته في ممارسة

الهوايات والاعمال الخيريه التطوعيه ومساعدة الاخرين

وتفريج كربهم والاجتماعات العائليه ومع هذا عندنا فراغ

كبير , يعطيك العافيه غاليتي

 

[سحابه نجد]

الجزء (27),,,,
رحت ابي اكتب في دفترى .. أمور حصلت لى في خلال الايام الى راحت ...
اللهم لك الحمد ... صدق انى اشعر بالطفش والفتوور .. بس مو دائما احس الحيآآة متغيرة وفيها تغيرات جديد ة ..
الى صار معي اليوم شئ غريب ..
وحدة من الجيران .. جآيه اليوم تسالنى عن عمر بنتى (بسمه ) .. تبي تخطبها لولدها ..
قلت: بنتى لسه صغيرة .. ماحولها زوااج الحين .. وبعدين جامعه ..لا خلصت جامعه .. يصير خير ..

(هذا الاحسآس انه بنتك تنخطب ..) صرااحه علامه على تقدم العمر ...
واشوف بنتى تستعد تبي تلبس .. واجيهآ واحظنّها ..
وتسالنى متفأأجئه: يمه ... وش فيه ؟؟
قلت: مافيه شئ .. بس اشتقت انى احظّنج .. من زمآآن ماحظنتج ..
فديتج والله ..

اتذكر يوم كنت في عمر بنتى ماكان طآآري الزواج .. يمر ولو مروور على البال والخاطر ..
وكنت نآآسيه هالمووضوع وسآآليه عنه .. وعآآيشه كل اوقآآتى ..
الحين البنآآت لازم انه نزوجّهم .. من كثر مانسمع عن هالأنفتآح في الانترنت .. والتلفزيون والبلاك .. والخدمه والماسنجر
اشياء اطلعت .. واعيالنا غاطسيين فيها ومن دون ماندري ..
وحتى ادق الاشياء والخصووصيه .. يدروون عنها ..
سبحآآن الله ..
اتذكر ولد جآآرنا قبل اسبوع .. كان جواله مع اولدى .. وفتحت الجوال صدفه .. ابي اشوف الأسماء الى عندة ..
انا ماشفت اسماء .. انا شفت صور .. ورووابط .. غريبه شنيعه ..
يعنى معقوله اهله مايدرون عن هالجوال والى فيه
خانقت أولدى وقلت له: رجع تليفوونه ... ولا عاد تأخذة مرة ثانيه ... ترا بازعل عليك ..

بنتى عندها هوايه الكتآآبه والرسم .. وانا اشجعها على هذا ابيها تشغل ووقتها في اشياء تهذب لها النفسيه وتفريغ لها في أأوقآت تكون فيه طفشآآنه
خليتها تشترك في منتديات انا اشوفها واراقبها
على انها دائماتكرر كلمه: يمه .. ماعدت تلك الصغيرة الى تخآآفين عليها .. اتركينى وحريتى .. يمه !!!
يمه انا كبرت
والولد: الثانى ... هذ هو الى مطلع اعيونى .. من غيابه وسهرآآته
واذا قلت لا ابوة ..
قال : اتركيه .. هو يرووح ويرجع .. لا تحآآتحينه .. أنا يوم كنت صغير ,, كنت مثل هذا وأأاردئ ...

عندى شئ يقول : فييه فراغ ... فيه .. نفس خاليه .. مالعمل ؟؟

هذاك اليوم كنت عند (امي ..) ربي يحفظها ويخليها لنا .. واشتقت انى ارووح لمدرسه التحفيظ ..واشتقت الى ربيعآآتى وابي اسولف معهم .. ورحت لهم ..

ورحت لهم .. ودخلت المدرسه الى لى منهااأأكثر من سبع سنين انا ماجيتها ..
لقيت صاحباتى .. كبرووا .. وبدآ العجز يظهر عليهم (ماأأتعسنا في هذة الحياة ) .. نريد ان نكون اصحآآء معآآفين
وشباب باستمرار .. وملامحنا أأصابها الذبول ..
وبعد السلام والتحيه .. والكل يسأأل عن حال الأخرى ..
ادمعت عينآآي على هؤلاء .. ماأأكنها الاوقات الجميله جمعتنا مع بعض .. وماكنآآها الايام جأأت بنا هنا ..
وماكنا كنا هنا في اوقآآت مضت ..
ويخبروونى عن فلانه انها توفت .. وأنها فلانه .. ماتقدر تجئ للمدرسه ..
وفلانه .. رحلت بعيدا .. ومن بقى ومن رحل .. !!!
حيآآة .. والمبانى والسقف والحجرات والكراسي بقت .. مكانها تنتظر افواج اخرى تاتى ..
والبشر يتجددون .. وياتى اخرين ... !!
يالله .. هكذا الحيآآة
وحضرت المحاضرة الى موجودة وكانت تتكلم : عن الحياة وماهي مهمتنا فيها سوى العبآآدة والدعوة الى الله وقول الحق .. عشت جو رووحأنى في هذة اللحظات القليله مع هذة الكلمات التى تشع نورا وبهآآء

-مريت غرفه المديرة وسلمت عليها واعرفتنى وسألتنى عن احوالي وأموري .. قلت لها : طيبه اللهم لك الحمد ..
وسالتنى ان كنت توظفت...
قلت: نعم .. بس تركتها ..ماناسبتنى وماناسبت تطلعاتى ..
انا طمووحي خدمه الناس وأعلم القرآآن لكبار السن واتعلم القرءأأت السبعه من القرآآن
طلبت منى أنى اتوظف عندهم في الدار .. وان اكون متطوعه معهم ..
لاأنها تعرف انى متفآآنيه في هذة الأمور واحبها واعشقها ..
طبعا فرحتى لا تعادلها فرحه ... واشوى واتذكر ابو دحيم ...
وموقفه ... صرااحه ..
ماقدرت انى اجآآوب عليها ..
قلت : عطينى فرصه .. لمدة اسبوع وبأرد علييج .. ؟؟؟
قالت: لا تشيلين هم المواصلات .. متوفرة .. !!

قلت: بأرد علييج ... الأسبوع الجآآي ..
صراحه أنا في موقف لا احسد عليه وخآآصه انه الدار تبعد عن بيتى تقريبا نص ساعه وأزيااادة مع الزحمه ..
وابو دحيم .. موته وسم رووحه انى اطلع من البيت واتوظف .. واشتغل ..
يشووف انها الحرمه مكانها في البيت .. وطبعا راح يزيد في المشآآكل والكلام والحّنه والرّنه ..

وانى مهمله في بيتى وأعيالي .. وانى مقصرة معه .. ومقصرة في واجباتى ..
صرااحه انا في امر لا احسد عليه ..

مشتآقه انى اقعد في ووسط الأمهآآت وكبار السن وأخذ من حياتهم وتجاربهم .. وهم اسآآسا يعطوون لك قابليه تنعش قلبك وحياتك ...

وأتذكر كلمه قالتها المحاظرة : انها حياتنا عمل ودعوة .. وانها جهآآد في كل شئ
وحتى أنت ونفسك .. ام انها ترووضك .. او انت ترووضها لطريق الحق ..
أنها العمر لحظات .. وانفآآس .. سواء صغيرة او كبيرة ..
اجعلها في طاعه



رجعت لبيتى .. وانا محتآآرة في امرى .. ابي اقول لا ابو دحيم ...
عن موضوع توظيفي في ( الدار ) وخآيفه من ردة فعله .. وصراخه وأخنآآقه ...

اللهم .. انى استخيرك في ىمرى كله عاجله واجله ..
الى موعد قريب اكتب عن الى صار مع ابو دحيم ...

 

[مهر الجنان]

سحابة نجد
مبدعة

الرواية رووووعة

سلمت اناملج

اسلوبج وايد حلو يجذب
من زمان مادشيت المنتدى

بصراحة بدعتي بهالرواية (بالعامية)

 

[مهر الجنان]

توني اشوف ان فيه تكملة 