ابي سفري متكامله خاصه سفر العزايم كيف ؟
ومن كل صنف كم نوع؟
ملا حضه السفر السعوديه (رز ولحم) الاساسيه
هذا طلبك غلاتي
1) طريقتي في ترتيب السفرة..
===========
أولا: السلطات:
حطيت نوعين بس ..في صحنين بيضاوي الشكل ..كل صحن قسمته نفصفين لأن العشاء مقسم الى صحنين كبار في سفرتين..
اول نوع هو الفتوش وكلن عارفه ..حلو وسهل والكل يحبه..
المقادير:
طماطم- خيار-جزر - فجل- كلها قطعتها انصاف حلقات نحيفة جدا..
واضفت خس شرايح + بصل اخضر..
الصوص: زيت زيتون- سماق- ملح-عصير ليمون=
خلطت المقادير لحالها..والصوص لحاله ودخلته الثلاجة..وقبل التقدين بنصف ساعة خلطت السلطة والصوص وغرفته بالصحون..وزينت الوجه بأعواد الفيشار الحار اللي يجي بعلبة اسطوانية..
االنوع الثاني : سلطة سيزر :
المقادير:
خس امريكي مقطع شرائح عريضة + حبة جزر مبشور + توست محمص مربعات صغيرة للزينة
الصوص: علبة زبادي + ملعقتين مايونيز وممكن تزيدي + عصير ليمونة + ملعقة صغيرة خردل معجون
خلطت كل نوع على حدة ودخلتهم الثلاجة..وقبل التقديم خلطت السلطة والصوص وغرفتهم بصحن التقديم وعلى الوجه جبن تشيدر مبشور والتوست المحمص
ثانيا :: المقبلااااااات:
حطيت ثلاث انواع مقسمة على صحنين..مثل طريقة السلطة,,,
اول نوع: ورق العنب:
المقادير:
قاررورة ورق عنب العالالي - 2 بصل - 2 طماط- حزمة بقدونس - عصير ليمون- زيت زيتون - قرفة - بهار حلو - ملح - كاسين رز مصري منقوع ومصفى
تخلط الخضار والبهارات بخلاط البصل ويضاف للارز وتحشى الورقات..
تصف حلقات بصل ثم طماطم ثم بطاطس ويوضع ورق العنب..
= نضع في كاس : ملعقة ملح + ملعقة صلصة + ثوم مفروم ويحرك مع ماء مغلي ويصب في قدر ورق العنب..ويملا الباقي ماء ويكبس على النار او بقدر عادي ( كل وحدة وطريقتها ),,اذا نضج يصب عليه زيت زيتون + ليمون ويترك ليبرد تماما خارج الثلاجة..ثم يقلب في قدر بايركس ويغطى ويدخل الثلاجة لحين التقديم..
==============
ثاني نوع : البتزا ..ميني بيتزااااااااا يم يم
المقادير:
يوضع بالخلاط مايلي : ( كاس ماء دافي+ م خميرة+ فنجال سكر+ذرة ملح+بيالة زيت+ 3 م ك حليب بودرة)
بعد الخلط يصب في اناء به كاسين دقيق وتعجن باليد وتترك العجينة لتخمر..
الحشوة: انا شوحت بصل وطماطم وفلفل بارد كلهم بمقادير متساوية..+ بهارات وملح..وخليتهم يبردوا ..بعدها طحنتهم بالطاحونة..
تفرد العجينة وتقطع حسب الرغبة وتدهن بالحشوة + شرايح زيتون + رشة جبن موزراريلا وتدخل الفرن من تحت وفوق ( كل وحدة وفرنها) لمدة ربع ساعة..
=============
ثالث نوع : سمبوسة بالجبنة:
سمبوسة غوار محشوة جبن مثلثات ..ومقلية..
وهنا طريقة تزييني للطبق :
نأتي الى حلويات العشاااااء ..
وآآآه بس ..ههههه..انا ضعت معها ..مااقاوم...خخخخ
حطيت ثلاث انواع :
اول نوع :: تشيز كيييييك :
المقادير :
3 علب بسكوت شاهي + واحد ونص اصبع زبدة ذائب بحرارة الغرفة + ملعقة او ملعقتين قشطة ..لزوم التماسك ..تخلط وترص في صينية متحركة..
الطبقة الثانية : 400 جرام جبنة فيلادلفيا وممكن استبدالها ب 12 حبة كيري..
علبة قشطة + علبة قشطة خفق + 5 بيضات + 3 فناجيل سكر
تخلط بالخلاط وممكن زيادة الجبنة حسب الساكة المطلوبة..تسكب على طبقة البسكوت .. تغلف الصينية بالقصدير بالخارج حتى لا يتسرب الخليط..
تدخل الفرن من تحت نصف ساعة او ثلث ساعة او حسب فرن كل وحدة ..
وتحمر من فوق شوي 5 دقايق..
علامة التماسك ..يدخل عود اسنان ..اذا خرج نظيفا ..تكون علامة التماسك..
يدخل الثلاجة لحين التقديم..
عند التقديم يسكب على الوجه صوص جاهز..انا استخدمت التوت الازرق..ونسيت اصور العلبة..وللمعلومية العلبة تكفي استخدام مرتين..
واللي ماعندها ..ممكن تحط فراولة مقطعة شرايح ويصب عليها جلي بالليون دافئ وثقيل ..ويدخل الثلاجة ليتماسك..
=============
ثاني نوع : كيكة سوداء بالصوص ..رووووووووعة :
عملت كيك عادي ( بيتي كروكر ) ودخلته الثلاجة ..قبل بيوم
في يوم العزيمة ..سويت الصوص :
المقادير 3 سنكرس ابو ريال ونص+ 3 مارس ابو ريال ونص = على حمام مائي..اذا بدوا يذوبوا ..يضاف علبة قشطة ويخلط ويسكب على الكيكة فورا..
===========
ثالث نوع : حلى كاسات من اختراعي :
جهزت الكاسات :
اول طبقة شوي بسكوت مطحون ثم رشة (حليب نستله مع جبن كيري) ثم كيكة سويسرول سادة ثم رشة ( خليط نستله) ثم كيك سويسرول ثم فواكة مشكلة ثم رشة بسكوت مطحون ثم رشة خليط النستله..ثم كيك سويسرول ..اخر شي دريم ويب ..حطيته في ورق زبدة مبروم مثل القمع ورسمت خطوط تغطي وجه الكيك وفوقه حطيت فواكه مشكلة ووردة دريم ويب ..
هنا صور الحلويات على الطاولة :
ومن الجهة الاخرى:
اللحين قربنا نخلص :
نجي للفواكه : حطيت تفاح - برتقال - موز - كمثرى - عنب احمر - عنب اصفر - كيوي.. ورتبتهن في انيتين ..
============
وهنا الشكل الاخير للشلة الكريمة على السفرة قبل مايقلطون الرجال ...
