يالفريق .... نكتب يومياتنا هنا....

[zoomyat]

دكتوره الحقينا بجدول الاسبوع الثالث عن اخربط بكره

 

[سكون البحر]

صباح الخير بناااااااااااااات

كيفكم

انتو متى تدخلون انا ادخل صبح ما شوف احد فيكم

المهم اخباركم وعلومك

انا بصراحه مخففه واااااااااايد الااسبوع الي راح واليوم اول يوم في الاسبوع ثاني

الله يوفقنا يارب​

نعم للرشاقه "نعم للحياه" نعم للثقه بالنفس

 

[zoomyat]

صباح النور براءه
انا ادخل اول ما اوصل الشركه ^__^ ..

مرايم اشوف مشاركاتها ما شاء الله الساعه 3 الفير

 

[نفاف دبي]

صباح الخير يا حلوات.. شخباركم ؟

شكلي للأسف بنسحب من هالتجمع و من هالنظام الغذائي لأني اكتشفت البارحة إني حامل:dunno: ... ما توقعت بس من بديت أسوي رياضة الشهر اللي فات شكلها المبايض تنشطت عندي و حملت:in_love: .. الحمدلله على كل حال بس كان ودي ولدي (9 شهور) يكمل عالأقل سنة .. في البداية زعلت شوي لكن بعدين استغفرت و تذكرت كيف كنت أتمنى أحمل أول زواجي و كيف غيري يعاني عشان يحصل هالنعمة .. بس والله خايفة يزيد وزني على هالحمل أكثر:sadwalk: ..لأني وزني زاد 10 كيلو عقب حملي الأول و الحين أخاف يزيد بعد مثل قبل .. شو أسوي ؟؟

يا ريت يا أستاذة ندى لو تفيديني أقدر أستمر على هالنظام و لا ما ينفع للحوامل؟ .. لا و المشكلة الحين أني أرضع ولدي ما يرضى ياخذ حليب صناعي:shutup: .. بس الصبح لما أكون بالدوام يشرب بالغصب من اليوع ؟؟

 

[zoomyat]

نفاف
مبروووووووووووووووووووووووووووووووك الف الف مبروووووووك ..
زين ليش ما تشطفين من صدرج الحليب واتخلينه حق ولدج اذا هو مايحب الصناعي؟
انا كنت جي اسوي في بنتي
اشفط لها مرتين .. مره بالليل قبل لا انام واحطه بالثلاجه ومره الصبح قبل ماروح الدوام ..
ويكفيها رضعتين واذا احتاجت اكثر امي كانت تعطيها ماي او اتسوي لها يانسون عشان الغازات

======
انا من ساعه تقريبا تريقت توست اسمر مع جبن قليل الدسم وشربت عصير برتقال مكس مع جريب فروت

 

[سكون البحر]

نفاف مبروك الغاليه

الله يحفظ لج ولدك يارب

zoomyat

انتي اليوم الاسبوع ثالث ؟؟؟؟؟؟؟؟؟؟؟؟؟؟؟

 

[zoomyat]

لا اليوم اخر يوم فالاسبوع الثاني

 

[( روح )]

مرحباااااااااا

شحالكن يا رشيقات

أنا من يومين ما دخلت النت انشغلت شوي

مراااايم
مبروك على هالإنجاز الرائع وإلى الأمام إن شاء الله

بس حبيبتي ترا الجزر من الممنوعات انتبهي

zoomyat

الله يعطيج العافية يا رب

براءة

بعد انتي الله يعطيج العافية هههه

نفاف دبي

مبرووووووووك حبيبتي والله يتمم لج على خير ويسهل عليج يارب


بالنسبة لأخباري تفشل الصراحه

طبعاً يوم الجمعه خليته مفتوح لأني زرت اهلي

يوم السبت كان تمام لين فالليل

لكن بعدها :tears: ماقدرت اقاوم كنت مكتأبه بسبب الدورة اللي متعبتني ومب طايعه تنزل...وكلت بسكوت شوي وشبس شوي وشوكليت شوي

من كل شي شوي

آآآآآآآآآآآآآآه فضيحه الصراحة

وعلى شان تنزل الدورة شربت حليب خالي الدسم حطيت فيه حبه حمرا مطحونه وهال وزنجبيل وشوي فلفل اسود

والحمدلله يوم قمت اصلي الفجر نزلت

تريقت خبزه وحليب خالي الدسم مثل اللي شربته فالليل

والغدا تغديت عيش وعدس وسلطه وسمج مشواي يعني مب نفس النظام

لأني اللي أعرفه إن الرجيم واليوع ويا الدورة مب زين

فببدأ بالنظام عدل بعد ما يطوف 3 ايام من الدورة

اتمنى أ.ندى إن كانت تقرا يومياتنا تفيدني بخصوص هالموضوع

موضوع الدورة والرجيم

يعني معروف ان الجوع وشرب الماء الكثير يأثر سلباً على الدورة

شو نسوي في هالحالة

​

 

[zoomyat]

روح روحي
الله يعينج انا لاعت جبدي وقت الدوره وكنت بموت واكل كاكاو !! هئ هئ
مأساه هالدوره ..

بس تعالي شو سالفه الرجيم والدوره اول مره اعرف هالشي؟

 

[( روح )]

روح روحي
الله يعينج انا لاعت جبدي وقت الدوره وكنت بموت واكل كاكاو !! هئ هئ
مأساه هالدوره ..

بس تعالي شو سالفه الرجيم والدوره اول مره اعرف هالشي؟

هلا حبيبتي

الله يسلمج

مب زين تيوعين وقت الدورة ومب زين تشربين ماي وايد

لأن هالشي يأثر على الرحم والمهبل ويسبب الهوا والتوسعات والمياهه في الرحم

يعني إذا كلتي عدل المعدة بتضغط على الرحم فما في مجال لدخول الهواء

الصراحه ما كنت مؤمنه بكل هالأشياء إلا يوم جربت بنفسي

على شان جذيه ماقدر اجازف واسوي رجيم وقت الدورة
​

 

[zoomyat]

ااااااااااااااااااااااااااااااه

لحقوني !!!

يبالي طراقات محترمه هئ هئ هئ


خربت الرجيم اليوم ... مزاجي متعكر مادري ليش ...
جان اقوم اطلب لي مارجريتا بيتزا من دومنوز هئ وكلت !

بس عشان ما اسامح نفسي باجر باذن الله بصوم

 

[zoomyat]

اويي الاسبوع الثالث الدكتوره حطته ...
واغلبه خضار مسلوقه وانا موووووووووووووول مب صديقه الخضره خخخخ..

الحمدلله اني من باجر بصوم يعني اسبوع كامل صيام باذن الله ..

بس بصراحه في شي !
منو يتعشى سمج؟

 

[تــولــيب]

بالعكس حلو !!!!!!!!!!

ووين الخضار اللة يهداج ؟؟؟.......... الا كلة لحوم او كبدة ..الحمد للة اني احبها .....
الخضار مو من كثرها ..حطيها مع الدجاج في الفرن عشان النكهة والعصارة ولا تاكلينها ,,اخذي سلطة ..
البرنامج تقريبا الغداء ...يوم دجاج ..ويوم لحم (لحم/كبدة) +سلطة وخضار .
الفطور ماتغير الا البيض ..!!!

 

[تــولــيب]

تنبية !! بيان !! تحذير !! اعلان !!
ما فية وجبة مفتوحة .........!!!!!!!!!!!!!!!!!!!!!
ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​

 

[zoomyat]

مرايم ههههههههه
كل هالاكل شو تبين فالوجبه المفتوحه؟
الحمدلله اليوم انا صايمه ... ويالسه افكر اذا سويت فطوري شوربه ..
والسحور مكتوب غدا اليوم لحم مشوي ... شكلي بسويه فالفرن ^__^ ... بس متى باكل السحور؟ ماقدر اكل وانام على طول بموت من الحموضه !

استاذه ندى ..
سؤالين الله يخليج ..
الاول هل مسموح لي اشرب شوربه؟ وبما اني ماحب غير شوربه ماجي الشعيريه .. احم بتذبحني خخخ ..

الثاني . متى انسب وقت للسحور؟

 

[فرحة عمري]

صباح الخير
كيفكم ياحلوين
مشية على الرجيم حسيت بتحسن وراحة واجد من الناحية النفسية صج متغير وزني وايد بس هم احس بتحسن
المرحلة القادمة هي اصعب لا داخل العيد ( كل عام وانتم بخير ) والمنتدى بتقدم و إزدهار .
سوالي لدكتورة : ممكن استبدل السمك بالليل بالتونة او زبادي تعرفين حبيبتي العشاء حفيف احسن ؟صح
ابي اسلك عن العسل مع كوب ماء ساحن على الريق يخرب النظام ولا لا ؟ كمرة اسئل ماكو حد يرد على استفساراتي يمكن لاني يديه على المنتدى ومالي مشاركات وايد بس بسبب طبيعة شغلي .

 

[سكون البحر]

صباح لخير بناااااااااات مبروك لخولكم الاسبوع ثالث

ابشركم وزنت وطلعت نزله 2 كيلو الحمد الله رب العالميييييييييييييييييييييييييييييين

ليششششششش تخبصون يا بناااااااااااااات

لا وفضيحه بختي الغاليه زووو طلبه من المطعم ونتظرات مش تخبيص عا سريع ههههههه فيها نتظااااااااااار ولا حتى قالت خلص بكنسل طلب

 

[zoomyat]

فرحه عمري ..
الدكتوره ندى ما ترد على الكل ... بس يوم تفضى اتشوف الاسئله واترد عليها ...
لا تحاتين بترد عليج ان شاء الله قريب

---------
براءه
سكتي الله يخليج لا اتخلين حد يشوف فضيحتي خخخخخ
تراني ما تغديت امس .. ومتريقه من الصبح وماكلت شي !
ومن رجعت الشقه يلست انظفها (كان عندي يوم التنظيف العالمي خخخ ) وليييييين الساعه 8 تعبت وحسيت اني بموت جوع! فكرت فكرت واخر شي وصلت للبيتزا وترا ما يتاخرون كلها 10 دقايق وواصل عندي خخخ

 

[فرحة عمري]

مشكورة حبيبتي zooymatعلى ردك علي وجزيك الله الخير ان شاء الله وخيراً حصلت من يرد على

 

[سكون البحر]

فرحه عمري ..
الدكتوره ندى ما ترد على الكل ... بس يوم تفضى اتشوف الاسئله واترد عليها ...
لا تحاتين بترد عليج ان شاء الله قريب

---------
براءه
سكتي الله يخليج لا اتخلين حد يشوف فضيحتي خخخخخ
تراني ما تغديت امس .. ومتريقه من الصبح وماكلت شي !
ومن رجعت الشقه يلست انظفها (كان عندي يوم التنظيف العالمي خخخ ) وليييييين الساعه 8 تعبت وحسيت اني بموت جوع! فكرت فكرت واخر شي وصلت للبيتزا وترا ما يتاخرون كلها 10 دقايق وواصل عندي خخخ

جزهم الله خير ما تخرو عليج مره ثانيه لا تحرمي نفسك وبعدين تخبصي
كلي ريوقج وغدكي لاتقولي ما لي نفس الحين

وبعدين تخبصي والله اناكذي كنت بس الحين اقوم صبح وان ما لي نفس اكل بس اكل والغداى مرررات اخره عشان مجوع العصر بس لززززم اكل كلي