يالفريق .... نكتب يومياتنا هنا....

[تــولــيب]

]مراااحب خواتي ...............
شلون كان يومكم ....؟؟؟؟؟ اقترح ان كل المشتركين في الفريق يكتبون سوالفهم .... ويوميلتهم ... هنا...
بس الاسئلة تكون في نوضوع (نعم للحياة ..... )
لاني حاسة ان الدنيا مخربطة ؟؟؟
انا كان يومي يجيب العافية ....!!!!!!
قمت متأخر .. وتريقت توستة سمرا مع حبن بوك ... كوب حليب لو فات مع سكر وشوي شاي.

تغديت عيش ابيض مع خس وطماط ... ويتعشى روب ...

ما حسيت بالجوع أبدا ,,,,,,,

اللة يتمم على خييير ...

ترى اكلي اليوم اكثر من اكلي العادي ومنوع .....,,,,,!!!!!
شلون آكل وااايد واضعف اكثر ....؟؟؟؟؟؟
تجياتي للاخصائية ....:icon26::icon26::icon26:

على فكرة حلوة طريقة المسجات ...ان شاللة ما يكون فيها ردود عشان مايضيع الموضوع وتكون في المتناول ؟؟؟[/quote]

 

[تــولــيب]

شنو ...محد مسوي الرجيم ....الا انا ؟؟؟؟؟؟؟

وين العالم والجماعة ؟؟؟؟؟؟؟؟

​

 

[zoomyat]

الغاليه شو سالفه المسجات؟ وكيف نشترك فيها ؟؟

عن نفسي يومي كان شوي متعب ..
الصبح فالدوام وقمت متاخره فمالحقت اسوي لي توست اسمر فاضطريت اني اكل كرواسون (اعرف بتهزأ على هالشي بس شو اسوي مت يوع!! )..
الغدا اكلت ديايه مشويه ..
العشا سويت لي توست اسمر مع جبن لايت وخيار ..

وبس

قلت عشان الصبح ما اتوهق .. بجهز ريوقي قبل ما انام وبخليه فالثلاجه

 

[تــولــيب]

كاروسان ...كاروسان ..يالظالمة ....متروس زبدة...
شيفكج من الاخصائية ..؟؟؟؟؟:icon28::icon28:

الرويق اسهل شي ....مايبي لة هالترتيب ...؟؟؟؟؟

انا بكرة بتريق توستة وجام اناناس ....
والغداء يد دجاجة مشوية معها شوي ليمون ...((في خاطري من الحين ))

والعشا ...تفاحة ولا ...برتقالة ...

 

[zoomyat]

خخخخخخخخخخ شو اسوي! والله مب بايدي دوامي يبدا 7 ونص الصبح وقمت من النوم ساعه 7!! زين لحقت على الوقت لان عندنا امشددين على الوقت اذا تاخرت دقيقه يحسبونها تاخير واذا تاخرت اكثر عن مره اخذ انذار ..

بس خلاص اخر مره ان شاء الله ... من اليوم بجهز ريوقي من الليل عشان الصبح بس اخذه ^__^ ...
بس بشكل عام ولله الحمد يوم اطبخ ماحب اصلا احط زيت فالاكل ... الا قطره يعني تقدرين اتقولين ملعقه وحده بس وفي اغلب الاحيان ماحط ابدا ..
يبالي كم يوم لين اتعود على الرجيم .. لاني الحين احس بجوع بين الوجبات لاني تعودت اكل بسكوته او اشرب عصاير بين الريوق والغدا ..
وافكر اني اصوم عشان اعود بطني على الصبر .. وبعدها يوم باكل اكل الرجيم مابحس بالجوع ...
شو رايج مب فكره حلوة؟

 

[( روح )]

اختي zoomyat اشربي ماي قد ما تقدرين...بيساعدج وايد على التحكم في الجوع
وممكن تاكلين خيار كل ماتحسين بالجوع...لانه مافي سعرات حراريه وبيشبعج..

بالنسبة لي انا بادية تخفيف من اسبوعين تقريباً..الحمدلله خفيت 2 كيلو...واحس إن معدتي بدت تتعود على قلة الأكل...فببدأ بالنظام اللي حطته الأخصائية لنا وإن شاء الله خير...

بس بنات على شان تكون النتيجة حلوه...سوو تمارين بس مب يومياً على شان ما تملون...3 مرات في الإسبوع...ممكن تمشون يوم وتلعبون رياضة في اليوم اللي بعده....بس اهم شي تمارسون التمارين ببطئ لأن التمرين لو سويتيه 10 مرات ببطئ كأنج مسويتنه 100 مرة بسرعه...

وتمنياتي لكم بأجسام رشيقة للأبد

 

[zoomyat]

روح روحي ..
مشكوره فديتج على الرد

هذا اللي اسويه كل ماحس باليوع اشرب ماي اشرب ماي ...
ومن بديت الرجيم معاكم وعندي كورس فالشركه بس في قسم ثاني بعيد شوي عن القسم اللي اشتغل فيه .. فكنت يوميا امشي من مكتبي للكورس يعني 10 دقايق روحه و10 دقايق رده ^__^

البارحه مت من اليوع بالليل ! ماعرفت شو اسوي ... والشيطان يوسوس في مخي عشان اخرب الرجيم.. بس تميت مقاومه واقول لا لا لا ..
لين رقدت حليلي نفس اليهال يوم امهاتهم يهؤونهم وينامون خخخ ..
الحين فالدوام ويوعانه واشوف سندويجتي اقول في قلبي اكلها ولا اتريا عشان ما ايوع لين الظهر خخخخ
بحاول اصبر عمري لين الساعه 9 عقب بتريق عشان على الاقل ما ايوع لين الساعه 3 ونص يوم بخلص الدوام

 

[( روح )]

حبيبتي zoomyat تبين نصيحتي

اشربي نسكافه او شاي أو ماي دامج تحسين باليوع ( مسموح لنا في النظام) بس بدون سكر او سكر الحمية

وحاولي ادسين السندويش على شان ما تشوفينه كل شوي...

بالنسبة للعشاء...طبعاً كان فواكه....عقب ما تاكلين الفواكهه اشربي ماي وايد ..بتحسين بالشبع

وحاولي تقسمين الفواكه على دفعتين...الدفعة الأول بداية وقت العشا....والدفعة الثانية اخريها شوي على شان ما ترقدين باليوع...( غمضتيني هههههههه)


بالنسبة لي الحمدلله انا لين ألحين ماشيه صح على النظام...وامشي ساعه يومياً...واسوي تمارين بس مب يومياً على شان ما امل...
النظام احس به وايد مريح الحمدلله....واللي مساعدني شرب الماي الصراحة

ومع خالص حبي للجمي

على فكرة وين باقي الأخوات مافي تفاعل

شكلهن يوعانااااااااااااااااات ههههههههههههههه

 

[نفاف دبي]

أنا وياكم من فترة بادية تخفيف الأكل يعني بداية نوفمبر... و ريوقي عبارة عن توست أسمر مع مرتديلا .. تغيير لأني ما أحب الجام... و مليت من الجبن كل يوم...

مرات أحن للبيض ما أدري أكيد ما يصير ناكل بيض ولا ليش البيض بنقاطعه عشان غلوا سعره .. صاير ب 18 و قبل كان ب 12 ..

ترا اليوم خربت الريجيم بس لا تخبرون علي .. كان خاطري بدونات .. فخذ وحدة من المحطة و عليها شوكليت و داخلها بافاريان .. يمي يمي لذيذة ..أدري إني شريرة...لوووووول

و شو بعد شرب كوفي بدون سكر .. و شربت عصير برتقال ( أدري مخالف ) بس بدون سكر .. لا تطردوني خلاص .. من الشهر الياي بنتظم عدل .. بس والله أيوع بالدوام وايد.. يا ناس لين العصر وايد الصراحة على حبة توست بس...

و على فكرة أنا كل يوم أروح النادي أدش الجيم ساعة و بعدها أيروبيك ساعة ..

و من الشهر الياي ببدأ كلاسات اللاتين دانس و يمكن بعدين بعد أشترك بالسباحة بنفس النادي... بس ترا نقصت كيلوين

و المدربة البارحة لي البرنامج و حطت لي برنامج يركز على البطن و الأرداف و إن شاء الله نخف بصحة و عافية يارب ..

و أحب أهني الكل باليوم الوطني السادس و الثلاثين و إجازة سعيدة لشعب الإمارات الحبيب

 

[zoomyat]

روح روحي
المشكله اني ماحب النسكافيه ولا هالسوالف
انا حدي شاي حليب خخخخخ واذا اوني بغير شاي بالنعناع ..
ومرات اشرب قهوتنا العربيه مب دوم ... على حسب اذا الكفايين في جسمي ناقص خخخخخخخخ << اذا مر يومين ماشربت شاي احس ان في شي ناقصني خخخ

كنت سايره العياده وانا راده اشوف مطعم الطازج وبطني يقول يلا يلا خخخخخ شرير مستوي بطني ,,, بس قلت ترا عندهم دياي مشوي ... وتميت افكر اخذ دياي مشوي ولا اسير البيت اسوي لي استيك مشوي !
المشكله ماشي وقت اليوم
بالليل بنسير البحر ومابنرد لين الاثنين وللحين مب امجهزه ولا شي ! وابغي امر محل الاطفال اشتري ثياب شتويه حق بنتي ,. احس الف شغله عندي وبطني يصيح يوعان خخخ

 

[zoomyat]

نفاف دبي
شريره انتي .... ماكله دونات وانا خاطري في ايس كريم توت مال اووووووووووول اللي بو نص خخخخخ
بس ماسكه عمري
لا وازيدج من الشعر بيت ! قبل ماسوي رجيم وابدا وياكم .. كنت سايره الجمعيه ومب امخليه نوع كاكاو كندر ما اشتريته !!
الحين يوميا جدام عيوني اطالعهم وريلي ياكل وقلبي يتقطع ابغي بس اقول لالا للحين ماسكه عمري عدل ...
مصيبتي الدوره يوم تيي اتخرب كل شي وموعدها هالاسبوع .. بس شكلها بتتاخر لان ماشي كاكاو خخخخخ

 

[أ.ندى الجدعاني]

عن جد زعلت

في اللى ملتزم وفيه اللى مخرب ,,, النظام


النظام هذا مريح جدا ... ليش تدورون وراء السمنه باى وسيله ... ليش



من جد ... ماحب ان اعطيه بكل ماعندى

والمقابل عدم الحماس ....
​

 

[( روح )]

لاااااااااااااااااا يا أستاذة ندى

كله ولا زعلج

صدقيني ملتزمين بالحرف

والحمدلله ما نحس بأي تعب وجوع

والله زعلتوني أنا بعد منكم خواتي

نفاف دبي
فديتج شو هذااااااا اللي خبصتيه هههههههه
حرام عليج دونات عاد وبالشوكليت بعده
خربتيها عدل

أقول وين النادي الي تسيرين له
فخاطر اشترك في نادي يكون جريب عليّ
وماعرف غير نادي دبي لسيدات
بس المشكلة إنه غالي ويجبرونج إنج تشتركين في كل شي على شان يكون لج الحرية في استخدام كل شي في النادي

بس أنا مابغي غير السباحه والإيروبيك المائي واليوغا
وماطاعوا إلا لازم ادفع 3000 درهم للإشتراك

والله متوهقه في قلة المادة هالأيام
اغراض العيد...ودورات المنتدى
الله يعيني

اختي zoomyat حبيبتي

لايكون تشربين شاي بحليب رينبو

تعرفين ملعقة وحده منه تعادل في الدسومه 9 معالق من الحليب الطازج كامل الدسم

الحمدلله انا مخليتنه من 6 سنين تقريباً

تعرفن خواتي ليش إنتن مب قادرات تسيطرن على اليوع

بسبب إن المعده عندكن مب متعوده على قلة الأكل

بس حرام عليكم النظام اللي حاطتنه أ. ندى
بدون أي تحديد في الكمية يعني على راحتكن على الآخر في الكمية

شو المشكلة حبيباتي


خواتي الله يخليكم لا تزعلون الأستاذه ندى علينا

يالله نبغي همتكن حبيباتي :showoff:
​

 

[*أريج المحبة*]

أحلى سلام لحبيباتي الرشيقات ..أما بعد
أول يوم في الريجيم جابوا صاحباتي صينيتين حلى ..تخيلوا !! :icon1366:و أزيدكم من الشعر بيت جايبين الفطور سندوتشات كودووووو.:icon1366:..بس الحمد لله قاومت بس شربت قهوة معاهم ولا مديت يدي على باقي الأشياء
:clap::clap: ...وأمشي في الحديقة ساعة .. وباقي الأيام ماشية مزبوط (باستثناء سرقات بسيييييطة)...الله يثبتنا ..ماأدري ليه لما أبدأ في الريجيم تبدأ العزايم والحفلات والعشوات ..سبحان الله ..
*ملاحظة*
حبيت أسأل استشاريتنا الرائعة هل ممكن آكل شابورة بر بالنخالة مع الشاي الأخضر في الفطور لأن أنا أداوم وأحس التوست والكورن فليكس مايمسك ..أجووووع ؟؟؟؟​

 

[عذب المعاني]

انا معاكم ان شاء الله

والله يوفقنا

 

[تــولــيب]

يااااي ....الله يسلمكم ...
تريقت كورن فلكس ..
تغديت مكرونة ...شلوووون ؟؟؟؟؟؟؟؟؟؟؟؟؟
طبخت شوي مكرونة ... وسلقتها ...
وخذت كم حبة طماط وقطعتها وطبختها بدون دهن طبعا ...شوي فلفل اسود ..وشبت ..بقدونس ..ليمون..!!!!
بعدين حطيت المكرونة مع خلطة الطماط ... بدون ملح أبدا ...عوضت بالليمون ...
وانا احطها في الصحن ...طاحت كم حبة من المكرونة ...قلت انا ...لا ..لا ..لآ ..لا ..لا ولا حبة تطيح ..كلش ..مكانكم في بطني ..؟؟؟

تعشيت ...طبعا فواكهة ...جح ...وكيوي ...

احلى شي ..؟؟؟؟

انتو شخباركم ..؟؟؟؟

تحياتي للاخت ندى ...

 

[( روح )]

مرحباااااااااااااااااااااااا

صباحكم رشاقه ههههههههه

شو الأخبار؟؟ إن شاء الله ماشين تمام بالدايت

وإن شاء الله ما شي سرقات مني ومناك
ههههههه

مرايم يا قلبي
وينج؟...فتحتي الموضوع لنا وغبتي عنا عسى ما شر حبيبتي

حلوه طريقة المكرونه إن شاء الله بسوينها

بس أنا بعدني اليوم رابع يوم لي

الحمدلله ماشيه على الدايت تمام التمام

أريج المحبة وعذب المعاني
مرحبا بكم معانا ونبغي همتكم في الدايت

​

 

[سكون البحر]

السلام عليكم ورحمه الله وبركاته
انا اليوم اول يوم معكم
وطباعه الموضوع الي كتبتها الخصائيه في نعم للحياة نعم اللرشاقه نعم للثقه بالنفس والحمد الله واااااااايد تشجعات والحين رح اقرهم اكثر من مره خاصه صفحه اولاء
تحيات للخصائيه نــــــــــــــــــــــــــــــد وقولها مشكوووووره
ورح اكمل معكم ان شاءالله تعال
تحياتي

 

[سكون البحر]

مسكم الله بلخير
انا اليوم ماشيه اوكي الحمد الله بس ما مشيت عيالي تعباني
شوي من تغير الجو وصغير الله يحفظه ماخلني بحالي

ان شاءالله باجر صبح اذا قدرات وهم نيام بمشي
والله كريم

 

[*أريج المحبة*]

يسعد مساكم

يسعد مساكم يا حلوين ..
مشكورة حبيبتي *روح روحي *على الترحيب
" أخجلتي تواضعي ":blush-anim-cl::blush-anim-cl:..
أنا في اليوم الرابع والحمد لله ماشية ..وتصدقون أحس إني تبرمجت داخليا على أني ابتعد عن كل الممنوعات..وأشكر أستاذتنا على فكرة الفريق :icon30:صرت ألتزم أكثر بالنظام أنا عملت ريجيم قبل كذا لكن لازم يسير فيه لخبطة ..لكن هالمرة عشان احنا مع بعض يعطيني تحمل وإرادة أقوى
:showoff::showoff::showoff:
ولا شرايكم ؟؟؟؟ ..​