~ في ظل غياب الرقابة .. اعاني لوحدي ~

[قطوه قطر]

سلامت يدج حبيبتي بانتظارج

 

[نرجس7]

طهور إن شاء الله
خطاج السوء الغلا

 

[محبة الطاعات]

بسم الله الرحمن الرحيم​

​

فتحت عيوني :38:​

* هند: في وين انا ياترى؟؟ .. آآآآآآآآآآآه, يعني في وين صج اني غبية اكيد في البيت من ملمس الغطى مبين, بس شلون الـ3 حبات ما اثروا فيني شكلي كان لازم ازود, بس امي ما خلتني اكمل, بسرعه طبت علي .. مو مشكلة اليوم ان شاء الله لي كرة ثانية, لأني خلاص بجد مليت من سجن المؤبد هذا و لازم انهي حياتي.​

و سبحان الله انت تريد و انا اريد و الله يفعل ما يريد, في هذا اليوم امي جات عندي على العصر تقريبا و قالت لي بصوت مليان بالعصبية و الغيض:" قومي بدلي ملابسج بنروح السوق" انصدمت و رفعت راسي و عيوني مفتوحة على آخرها و قبل ما اتكلم كملت امي كلامها و قالت لي بنفس اللهجة:"خمس دقايق و الاقيج وراي بالسيارة" و طلعت و سكرت الباب بقوة وقتها حسيت اني خايفة على فرحانه لأني بطلع, و بسرعه بدلت ملابسي و طلعت و لقيت امي تنتظرني بالسيارة, رحنا السوق و طول الوقت انا كنت اناظر امي مستغربة لانها كانت قاعدة تجهزني للمدرسة لكني ما تجرأت اسألها و اصلاً كنت ما اتكلم من تأثير الصدمة علي.​

المهم لما رجعنا البيت دخلنا غرفتي و بديت اقايس المريول الجديد ولأول مرة بحياتي ما اكون فرحانة و لا قاعدة اناقز (اقفز) من الفرحة بمريولي الجديد و لا مليت البيت من صراخي فرحانة بالمدرسة بالعكس كانت لحظات باردة ماليها الهدوء و الصمت​

* ام احمد: هاااا المريول مضبوط ؟؟ يعني ما يحتاج له تعديل؟؟
* هند: اي مضبوط .
* ام احمد(بلهجه حاده): الا ما سألتيني, ليش رايحين السوق؟؟ و ليش شرايه لج اغراض و ملابس مدرسة و انتي أصلاً ما بتروحين مدارس؟؟
* هند(نزلت راسها بالأرض و تمنت الأرض تنشق و تبلعها): .......
* ام احمد(بلهجة اشد قسوة): مب محتاجة اشوف ويهج وله اسمع صوتج الي يعور اذني عشان ارد عليج, انا قررت اخلي حضرة جنابج تداومين بالمدرسة مو عشان سواد عيونج, لا عشان اليوم نزل اسمج بالجريدة بتدخلين علمي و الكل دروا و اتصلون يباركون و طبعاً ابوج وصل له الخبر و لو دري اني منعتج من العلمي و هو حلم حياتج ما بتعدي عليه اي جذبة احذبه اكيد بيعرف و ساعاتها بياخذج انتي و اخوانج مني .. عن نفسي انتي ما هميتيني رحتي وله متي, لكن اخوانج ما اقدر على فراقهم عشان جي مضطرة ادخلج المدرسة عشان خاطر اخوانج, و لكن سمعيني زين و حطيني على بالج عدل ليكون احلم فيج مجرد حلم انج رجعتي حق حالتج الأوليه لأنه في المرة الأولى ربج رحمج مني لكن المره اليايه لا بيهمني ابوج و لا بيهمني كلام الناس بطبق على نفسج لين ما تزهق روحج بين ايديني, فــــــــــــــــــــــاهــــــــــــمـــــــــــــه؟؟؟؟؟​

كلماتها نزلت علي مثل الصاعقه يعني انا قبل كنت ادري انها ما تحبني لكن هذي اول مرة تأكد لي الموضوع, قطعت الامل عندي انها ممكن تحبني في يوم من الايام و للحين اتذكر هاللحظة اللي عمري ما بنساها لأن لليوم حتى لو تقولي امي انها تحبني مليون مرة مجرد يمر علي طيف هالذكرى احس اني اكره نفسي وا تمنى اني اموت عشان ترتاح مني. ​

​

و مرت الايام طويلة و ثقيله .. كان باقي للحين شهر و نص على ما تخلص الاجازة, كنت احس الوقت بطئ, و يا كثر ما كنت اصيح على سجادتي و انا اتمنى ان الأيام ترجع و اللي صار يكون مجرد حلم و لكني اصحى على الواقع المر اللي ما كنت قادرة اتأقلم معاه, و ياكثر ما صحيت و انا أتأكد من اليوم و التاريخ عندي امل ان الوقت يرجع لو لحظة لو ثانية امحي فيها فضيحتي لكن كل هذا كان مجرد احلام و امنيات .​

و يا كثر ما كنت اوقف بالساعات جدام المكان اللي ادري ان امي مخبيه في تلفوني و افكر في قلبي​

* هند: ليش ما اسرق تلفوني دقايق بس دقايق اكلم وليد و اعطية رقم تلفون ابوي خله يجي يخطبني و يطلعني من الهم اللي انا فيه و خله يقول لأبوي انه عرفني من وفاء اختة (كنت اعرف اختة لأنة كان يسولف لي عنها و يسولف لها عني) و اكيد وليد ما بيتاخر بروحة يتمنى هالموضوع تمني و بقولة يجي يخطبني الحين الحين و بترجاه و هو ما بيقول لأ و اكيد بيجي البحرين عشان الملكة و لما نملك بقول له عن القصة كلها و ان امي صادتني اكلمة و هذا الي خلاني اقوله يسرع بالموضوع و بقوله يقعد فترة الاجازة بالبحرين عشان يطلعني و يفسحني و يخرجني من هالمؤبد اللي انا فية, اوووووووووف .. بس و الله اخاف من امي, آآآآآآآآآآآآه يلا مالي غير الصبر.​

و كانت حالتي صعبة و اوقف جدام التلفون بالساعات و لكن خوفي من امي كان مانعني لاني كنت اقول اكيد بتدخل علي فجأة و هالمرة ما في رحمة اخرتي الموت ذيك المرة الله ستر لكن هالمرة الله و اعلم و اللي كان مصبرني على حالتي المدرسة كنت ادري انها كلها شهر و نص و ادخل المدرسة و انسى معاها كل هالهم .​

و مع قله الاهتمام و حالتي النفسية السيئة جداً زاد علي مرضي و صارت تجيني نوبات ما اقدر اتحمل فيها المرض و كانت النوبات تستمر معاي بالايام و يكون الالم فيها 3 او 5 ساعات متواصلة و ساعتين بالكثير راحة و ارجع لنوبات الألم و في يوم من الأيام كانت علي نوبة المرض و كانت شديدة و دخلت علي امي الغرفة كانت بتاخذ شي و انصدمت من شكلي كان وجهي احمر بشكل ملفت و تحت عيوني اسود امي خافت لكن كابرت و قالت لي بلهجة قاسيه خارجياً:"شفيج ليكون مريضة؟؟؟" و انا بعد كابرت و عاندت و خفت ان لو قلت لها اني مريضة تفكر اني ابي اروح الطبيب عشان اقابل واحد عشان جي هزيت لها راسي بالنفي و في داخل قلبي كنت اقول:"بمووووووووووووت" و في اقل من لحظة زلت من لساني شبة صرخة و لكنها نبهت امي علي و طالعتني امي بغضب و خوف و قالت:"شفيج تصرخين ليكون مريضة؟؟ وله فيج شي؟؟" وقتها كان الألم مسيطر على تفكير و لا أرادياً هزيت لها بالأيجاب و قالت لي:"زين عيل دام الدنيا ظهر, قومي بدلي ملابسج بوديج الطبيب بس بسرعه" و طلعت عني و انا على طول قمت ابدل ملابسي و كنت اطالع الغرفة ما ادري ليش كنت حاسة اني بفارقها لكني تعوذت من بليس و رحت حق امي اللي كانت تنتظرني بالسيارة.​

​

رحنا الطبيب و من حظي كان الدكتور الي دخلت عندة مصري و الدكتور انفجع من حالتي​

* الطبيب(يكلم امي): ايـــــــــــــه؟؟ هوا انتوا ساكتين عليها ليه؟؟ حرام عليكم.
* ام احمد(بخوف): خير يا دكتور شفيها هند؟؟
* الطبيب(بعصبيه): هند لازم يتعمل لها عملية .. ما تسكتوش على حالتها, دي حالتها صعبه, شوفي انا حعمل لها تحويل على دكتور جراحة كبير خاص حتروحوا له النهاردة و يمكن يعمل لها العملية بكرا.
* ام احمد(مفجوعه): باجر .. بس لهذي الدرجة حالتها خطيرة.
* الطبيب: ولو سكتي عليها اكثر بنتك حيزيد عليها المرض خديها له النهاردة.
* ام احمد(مهمومه و تفكر بالفلوس):طيب ان شاء الله يصير خير.​

خذتني امي عند الدكتور و الخوف كان باين بعيونها و كانت معصبة ما ادري علي و له على الفلوس بس اللي اتذكرة اني كنت متضايقة لاني كنت حاسة اني انا السبب و لما رحنا عند الدكتور, الدكتور عصب و قال لازم يسون لي الجراحة باجر و اليوم ادخل المستشفى امي انصدمت من السرعه اللي المفروض ادخل المستشفى فيها و ان ما عندها فلوس تكفي عشان جي اتصلت على عمتي اللي احبها و قالت لها السالفة من اول ما صادوني لغاية ما تدهورت حالة مرضي و وصتها انها ما توصل الموضوع لأبوي لان ابوي ممكن ياخذني انا و اخواني و عمتي تفهمت و نقلت لأبوي موضوع مرضي و ابوي قال بيدفع لنا تكاليف العملية و امي لانها كانت ما تبي تكلف على ابوي قررت انها تدخلني بغرفة عامة بمستشفى رايح فيها, على فكرة ترى انا ما دريت ان امي قالت لعمتي الا بعدين.​

​

المهم رحنا المستشفى و رحت على الغرفة اللي بنام فيها و قعدت في سريري و قالت لي امي انها بتروح البيت تريح شوي و بترجع المغرب حطت الاغراض عندي و تيسرت, و على المغرب قالو لي الممرضات ان امي اتصلت و قالت انها ما تقدر تجي .. انا انصدمت من كلام الممرضات و حسيت بحزن لاني وحيدة و ما عندي احد و محد يحبني و الي جمبي كلهم عجاير و لكن عايلاتهم عندهم و بكيت و بكيت و بكيت و ظليت ابكي لغاية ما نمت على مخدتي المبلوله بدموعي و في صباح اليوم الثاني صحوني الممرضات و قالو لي عملية انا انصدمت الصدمة الثانية كيف ادخل العمليات اول مرة بحياتي و محد عندي لا ام و لا اخ و لا احد من عايلتي لكني توكلت على ربي و قلت شاء الله و ما قدر فعل و دخلت العملية(امي كانت موقعة على اوراق العملية مع اوراق دخلولي المستشفى).​

​

و على الظهر جاتني امي و هي جايبة معاها اشيائي الباقية و انصدمت لما شافت عجوز عريانة تتمشى بالقسم كانت حرمة عجوز و لكم على عقلها شوي لكن امي انفجعت من الموضوع و لما جات عندي انصدمت انها لقت سريري فاضي قلبت الدنيا و ما قعدتها, وين بنتي؟؟ و انتو كيف تدخلونها العمليات بدون ما تقولون لي؟؟ و كيف بنت للحين عمرها 15 سنة تقعدونها في غرفة وحدة مع وحدة عريانه؟؟ و من هالكلام و طبعاً الممرضات و الدكاترة تجمعوا بالغرفة كل واحد يحاول يهديها من صوب و في خضم هالاحداث دخلوني الغرفة و انا تحت تأثير البنج و اتأوه من الآلم نزلت دمعة من عيون امي و مسحت على راسي و على فكرة انا كنت شبة واعيه و حسيت فيها و التفت على الممرضه اللي جنبها و قالت لها:"الحين .. الحين تطلعين لبنتي غرفة خاصة من تحت الارض, انا مو لاقيتها بالشارع عشان تسون فيها جدي, وله و الله لأقلب المستشفى على راسكم." و بالفعل طلعوا لي غرفة خاصة و في نفس اليوم ودوني لها و انا ما ادري عن الدنيا لكن الي كنت اتذكرة اني كنت كل ما انقلب كنت اشوف عيون امي اللي ماليتها الدموع و هي تمسح على راسي و تسمي علي و كنت احس بفرحة لكن سرعان ما اغط في نوم عميق مرة ثانية, و لما صار الليل فقت و انصدمت من اللي شفته كانت الغرفة مليانة حريم و يهال كانو خالاتي و عيالهم, عايلتي كلها كانت بالغرفة وقتها حسيت بالحب لما سمعتهم اللي تقول "اكي هنود صحت" و اللي يرد عليها:"اي صحت البنت للحين تحت تأثير البنج" و اللي يعقب على كلامهم:"بس صوت نفسها تغير اكيد بدت توعا" و اتذكر عيال خالتي التوأم الصغار واقفين عند راسي اللي يناديني و اللي مبحلق يطلع عيوني تتحرك وله لا, ما اخبي عليكم حسيت بشعور جميل و تمنيت ان العالم يوقف و اني اعيش في هذي اللحظات باجي عمري و لكن كلها دقايق و الممرضة داخله تصحيني عشان تعطيني 3 ابر و انا موتي الأبر اخاف منهم لدرجة مو طبيعيه و لأني اخاف منهم و امي تدري فيني جات امي و نوف و خالتي ام نوف و كم ممرضة و مسكوني عشان الممرضة تضربني الأبر الـ 3 و من الخوف بكيت و صارخت و الكل استعطفوا لحالي و خافوا علي و لكن الي اتذكرة هو دموع امي و كلماتها الي كانت تهون الموضوع علي و كأني طفله عمرها 3 سنوات و بمجرد ما ان غرست الممرضة الأبرة الثالثة في جسمي حتى نمت نومة عميقة.​

صحيت بعدها و الدنيا كانت هدوء و بقمة الهدوء و البرود انقلبت في سريري و شفت على الطاولة اللي جنبي بوكية ورد احمر و تلفون و في على بوكية الورد بطاقة و فوق التلفون ورقة و قلت خلني اشوف بطاقة البوكيه اول​

الحمد لله على السلامة يا الغالية و ان شاء الله تقومين لنا بالسلامة​

نوف​

ما ادري ليش و انا اقرا تمنيت ان يكون هالبوكية من وليد اللي ما كنت ادري عنه شي لكني فرحت يوم شفت اسم نوف و قررت اني اشوف الورقة اللي على التلفون​

لما تصحين و ما تلاقين احد يمج فتحي التلفون و اتصلي علي​

استغربت و من اللي حاط لي ورقة بدون ما يكتب اسمة؟؟ و لكن قبل ما افكر او حتى اطرح السؤال كامل داخل عقلي انفتح الباب و دخلت نوف و في ايدها اكياس و على طول جاتني ركيييييييييض يوم شافتني صاحية و حظنتني و بوستني و قالت لي:"الحمد لله على السلامة يا الغالية ما تشوفين شر يا عمري انتي", و كلها دقايق الا امي و خالتي ام نوف داخلين ​

* ام نوف: اووووو كا هنودة الحلوة صحت من النوم.
* نوف: اي شفتي شلون قلت لج قلبي حاسني و انا قلبي ما يخطي ابد.
* ام نوف: بس درينا ان حسيتي الحين بتبلشينا, المهم ام احمد تستاهلين سلامة هند.
* ام احمد: الله يسلمج, ها هند ان شاء الله الحين احسن.
* هند: اي الحمد لله احين احسن من امس.
* نوف: الحمد لله ان شاء الله دوم سالمة يا الغالية.
* هند: الله يسلمج.
* نوف: ترى لا يقصون عليج انا اللي خليتهم يجون و له اهم كانو بيقعدون.
* هند(تايهه): ......
* ام نوف: كليتي البنية بقشورها خليها ترتاح شوي, يمه هند احنا كنا نازلين نتفطر و نوق ما كانت قادرة تقعد على الكرسي رجتنا رج كأن الكرسي فيه شوكة كل شوي تقول لنا قوموا يمكن هنودة قعدة و قوموا يمكن هنودة قعدت لغاية ما جابتنا بدون فطور.
* هند: ههههههههههه.
* ام احمد: الله يخليها لج و لا يحرمج منها و يستر عليهم يارب.
* ام نوف: تسلمين, اميييييييين يارب.
*هند: يما هذا التلفون من وين؟؟, لقيته جنب راسي وفي عليه بطاقة.
* ام احمد: اي هذا التلفون هديه من خالتج سعاد و انا حطيته عند راسج عشان لما تصحين تكلمينا عليه.
* هند: اها.
* نوف: المهم هنودة لما تصحين من الحين انا اقول لج كل يوم انا وياج بنفتر بالمجمعات كلها و بخليج تحفظينهم لان الدكتور قال لازم تستجمين.
* هند: ههههههههههه ان شاء الله, الا يما صج على طاري الطلعه متى بطلع.
* ام احمد: تو الناس الدكتور قال حالتج للحين خطيرة و محتاجة راحة بالمستشفى لازم يحطونج تحت المراقبة جم اسبوع و بعدين بتطلعين و ليش مستعجله على الطلعه تو الناس على الدراسة خلج مرتاحة.
* هند: اها.​

​

و بالفعل بعد جم اسبوع طلعت و لكن طلعت و انا علاقتي قوية بنوف لانها كانت كل يوم تزوني اهي و امها و عدتني انها ما تتركني بعد ما اصير طيبة و كانت عندي مواعيد عند الدكتور حق مدة طويله لان حالتي كانت صعبة و بعد 3 ايام من طلعتي من المستشفى دخلت علي امي الغرفة​

* هند: يما هاج التلفون خلاص انا طلعت من المستشفى ماني بحاجتة.
* ام احمد: هههههههههههه, لا خليه عندج.
* هند: بس يما انا ما ابيه كفاية اللي صار.
* ام احمد: و انا متأكدة ان اللي صار ما بيتكرر.
* هند: بس يما انا خايفة على نفسي و تدرين انا قلتها قبل و الحين اكررها التلفون على البنت بهالسن مو زين.
* ام احمد: بس انتي ما تعرفتي على الصبيان بالتلفون انتي تعرفتي عليهم بالنت.
* هند: اي بــــــــــــس ......
*ام احمد(قاطعتها): بس انا عندي ثقة فيج الحين و اللي تبي الخراب تدله مو شرط التلفون و بعدين انا ما بكون مثل اول انا الحين براقبج 24 ساعه و بكون صديقتج اي شي تبينه قولي لي عنه و حتى لو بليس وزج على الموضوع اياه مرة ثانية قولي لي و انا مب مصرخة عليج و لا بطقج لاني صديقتج و بساعدج تتخلصين من هالموضوع.
* هند(فرحانة): من صجج يما!!!؟؟؟؟؟
* ام احمد: اكيد من صجي و له عيل ليش اقول لج هالموضوع.
* هند: الله يخليج لي و لا يحرمني منج يا الغالية احـــــــــــــبـــــــــــــج.
* ام احمد: ههههههههههههه, بس ما سالتيني شنو الي خلاني اتغير؟؟
* هند: شنووو!!!!؟؟؟؟؟؟؟
* ام احمد: لأنج يوم كنتي نايمة تحت تأثير بنج العملية كنت تهلوسين و قلتي انج ما كنتي تبين تقولين لي عن الالم اللي فيج لانج كنتي خايفة اني اشك فيج انج بتقابلين صبي.
* هند(خجلانة و خدودها صاروا حمر): يما انا ما كنت ابي ازعلج مني مرة ثانية.
* ام احمد: و انا ما يزعل منج طول ما انتي ما تسوين هالاشياء مرة ثانية .. انا ابي منج وعد الحين ان هالموضوع ما يتكرر مرة ثانية و ابية يكون وعد قول و فعل.
* هند: وعد.
* ام احمد: و انا بانتظار انج تكونين قد هالوعد.​

يا ترى شنو صار مع هند؟​

و صج امها قد الكلمه وله لا؟​

و شنو التطورات اللي بتصير بينها و بين نوف؟​

خلكم معاي بالجزء الجاي ان شاء الله:37:​

 

[هدوء أميرة]

رائع عزيزتي سلمتي والله انتظر بفارغ الصبر
​

 

[مهر الجنان]

روعة
الحمد لله على سلامتج

 

[محبة الطاعات]

بسم الله الرحمن الرحيم​

السلام عليكم و رحمة الله و بركاتة​

​

قطوة قطر ​

الله يسلمج يا الغالية​

و مشكورة على المرور :37:​

​

نرجس7​

تسلمين فديتج​

و خطاج اللاش​

و مشكورة على المرور :5:​

​

ام همس المعطائة​

تسلمين يا الغالية على مرورج​

و ان شاء الله البارت الجاي بنزله بعد شوي :37:​

​

مهر الجنان ​

انتي الروعه كلها حبيبتي​

و الله يسلمج يارب​

و مشكورة على المرور :37:​

 

[سمراء بلادي]

الحمد لله على سلامتج يالغالية والله يومية انتظر اشوف نزل بارت لو لا؟:19:حتى ظل بالي عليج ان شاء الله تكونين احسن ومبين عليج من البارت الحلو اللي نزل وننتظر التكملة وتسلمين :35:

 

[بلقيسيه كوول]

الحمدلله على السلامة وماتشوفين شر
وبانتظارك ان شاءالله تكون هند استفادت من الي حصلها
واكيد مافي ام ماتحب بنتها بس احيانا القسوة والخوف من الدلع الزايد يؤدي الى هذا الشعور

 

[حلا شرقي]

بانتظارك ....

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

اولا سعيدة جدا بردودكم الحلوة

ثانيا امس كتبت بارت طويل و يوم جيت بنزله انمسح و انقهرت عليه

عشان جي باجر ان شاء الله بكتب بعيده مرة ثانية

و ثالثا حبيت اخبركم اني ما راح انزل بارت كل يوم مثل قبل

لان حاليا رجعت الجامعه و بتتلخبط اوقاتي شوي فبنزل لكم على راحتي اتمنى انكم تعذروني

بجاول قد ما اقدر اني انزل بارت كل يوم بس ان شاء الله اقدر

السموحة منكم يا الغاليات على فكرة ترى الأحداث الجاية قوية حدها انتظروني

​

 

[محبة الطاعات]

بسم الله الرحمن الرحيم

بقى من الاجازة نص شهر, يعني اسبوعين, يعني 14 يوم, يعني 335 ساعه, في هذا الوقت اعترف لكم صج اني كنت مدلعه من بيتنا و الكل كانوا يراعوني لدرجة اني حسيت اني صرت انسانة ثانية, انسانة اول مرة اعرف انها موجودة في داخلي انسانة تجمع بين الأنوثة + الثقة بالنفس, و هذا ما كنت ادري انه موجود فيني اصلاً, و لكني ظليت احس طول هالفترة بحنيني لوليد و لكلامة الحلو و كنت حاسة اني مشتاقة له وايد وايد وايد و لكني كنت اقول في قلبي انا خلاص رجعت على مبادئي لا وليد و لا غير وليد و الحياة مستمرة لكن لأني مريضة و ما اقدر اطلع من البيت كانت تعدي علي ايام امي تتركني في البيت بروحي و تطلع و كنت امسك التلفون و اجلس اناظره
​

* هند: آآآآآآآآآآآآه, يا وليد و الله اني مشتاقة لك و لكلامك الحلو, صج ان اهلي مدلعيني بس للحين محد يقولي كلام حلو, طلباتي مجابة لكن ما في كلمة حلوة يا ترى اتصل عليك و اعطيك رقم ابوي, الحين انا ما ابي شي غير الخطوبة الله يرحم ايام زمان كنت تترجاني و انا اللي اتعزز و الحين انا اللي اتمنى و انت ......, آآآآآآآآآآه يا ترى يا وليد شنو حالتك الحين؟؟؟ حزين على فرقاي؟ وله تدور علي؟ وله لقيت لك غيري؟وله شنو حالتك بالضبط يا ترى؟, و الله اني محتارة و ماني عارفة شنو اسوي؟؟؟؟؟؟​

و طول هالفترة كانت نوف تزورني كل يوم و كانت كل يوم تسألني عن وليد و خالد و ياترى انا مشتاقة لذيج الايام وله لا و من هالكلام لغاية ما جاء اليوم و كان تحديداً في الأسبوع الأخير من الاجازة ​

* نوف: هنودة بقول لج على اعتراف.
* هند: خــــيـــر؟؟
* نوف: تتذكرين ولد جيرانا اللي قلت لج عنه علي (الفانيلا ايس كريم) اعتقد انج عرفتيه؟؟
* هند: ايييي شفية؟؟؟
* نوف: ذاك اليوم انا كنت رايحة السوق مع امي اجهز حق المدرسة ناقصني جم شي و تخيلي شنو صار.
* هند(متحمسة): شنو؟؟؟؟
* نوف: امي كانت داخله المحل و انا كنت للحين عند السيارة اعدل حجابي عند مراية السيارة الا يطوف لج واحد بالسيارة شـــــــــــــخـــــــــــــط, و يقول نووووووووووووووووف احـــــــــــــبـــــــــــــج .
* هند(فاتحة عيونها على اخرها و مصدومة): و بعدين شصار؟؟؟؟؟؟
* نوف: لفيت الا اشوفة كان طالع نصة من السيارة و هو يصرخ اقول لج انا قلبي بغى يوقف شلون يتجرأ يسوي جي و بعدين لو درا ابوي يعني امي اوكي بس هذا السوق يم بيتنا و يمكن يوصل خبر لأبوي.
* هند(على نفس حالتها السابقة): و بعدين؟؟؟؟؟؟؟؟
* نوف: و لا شي ركضت على المحل بعد ما غطيت وجهي خفت احد يشوفني وله يعرفني لكن يا هنود ما تدرين شنو صار بعدين.
* هند(نفس الحاله+متحمسة زيادة): شنو؟؟ شنو؟؟ شنو؟؟
* نوف: خلصنا من المحل و يوم جيت ابي اركب السيارة الا اشوف ورقة مدعوسة عند الباب من الصوب الي اقعد فيه و كانت ورقة كبيرة كانها رساله اقول لج اخذتها بسرعه و خبيتها في شنطتي و رحت البيت و فتحتها ...
* هند(قاطعتها): و شنو مكتوب في الورقة؟؟؟؟؟؟؟
* نوف: كان علي اللي كاتبها و كان كاتب انه حبني لان في يوم سمع الشباب ربعه يتكلمون عني و هو دافع عني لانه ما يرضى ان احد يتكلم عن بنات الناس جي و لكن ربعة قاموا يجننونة في البداية و يقولون له انت تحبها, لغاية ما حس انه متعلق فيني و انه صج بدا يحبني و الحين اهو ما يقدر يعيش لو ما يمر جنب بيتنا و يشوفني اطل من السطح و هو خاطرة ان العلاقة تتطور بينا و كان كاتب لي رقمة تحت بالورقة.
* هند(بحماس زيادة): و اتصلتي عليه؟؟؟ تحملي تغلطين نفس غلطتي .. شوفي انا شصار فيني و اتعضي.
* نوف: لا مينونة انا اكلم صبي على اخر عمري .. لا حبيبتي انا اذا الصبي ما يحفي عشاني ما اعطية ويه, يا حلاتني و يا مسهلها و انا مكلمته جي ببرادة.
* هند: لا ببرادة و لا بحرارة, تركي عنج الصبيان ترى ما وراهم الا الهم و الضيق.
* نوف: لا حبيبتي انا مثل النحلة اشرب من رحيق كل وردة شوي.
* هند: شلون يعني؟؟؟؟
* نوف: يعني يا طويلة العمر انا اخلي الصبيان يجنون علي و يحفون وراي و لي وصلوا حدهم و خلاص بيعطوني الرقم ما اخذه و اخليهم جي معذبين بنار لا هم طايليني و لا هم قادرين ينسوني.
* هند: حرام عليج.
* نوف: لا يستاهلون.​

مبدأ غريب مبدأ نوف هذا و اول مرة اسمع فيه لكن شكله كان حلو و كان خاطري اجربة اجنن الصبي و ما يمسك علي ذله و لا يقدر يسوي لي شي و بنفس الوقت اكون اخذت منه كلام حلو قد ما ابي (علاقة انانية) لكني للأسف ما كنت ادري ان البنت اللي تسوي جي تكون رخيصة جدام نفسها و جدام ربها و هو الأهم.

صح اني تمنيت اني اسوي هالشي لكني ما سويته, بدت المدرسة و بدت الدراسة و بديت انشغل معاها لكن نوف ما نستني ابد و كانت مصممه انها تجرني للطريج اللي هي فيه و في مرة من المرات في اجازة الاسبوع طلبت نوف من امها ان نطلع احنا وياهم و نروح المول و كانت هذي اول مرة اطلع فيها مع نوف بمكان عام مثل المول.

في البداية نوف طلبت منا ان احنا نتمشى لوحدنا و انا مثل الهبله وافقت و قلت حق امي اللي كانت خايفة على نفسيتي بسبب كثرة المواعيد و الأطباء و كانت توافق لي على اي شي انا اطلبة منها, و بالفعل تمشينا بروحنا و لاحظت شي على نوف انها كانت مو طبيعيه كانت تتلفت يمين و يسار و تطالع الصبيان بنظرات غريبة نظرات اول مرة اشوفها و كلها فترة بسيطة و صادة هالنظرات و كلها دقايق و احنا نتمشى و حسيت في واحد يمشي ورانا و لا ارادياً صادتني الحالة الهستيريه اللي تصيدني لما يقرب منا صبي خوف و رعشة و مو قادرة اوقف على ريولي لكن نوف كانت تمشي بثقة و مو مهتمه للموضوع, وشوي الا الصبي يكلمنا او بالاحرى يكلم نوف و سلم عليها و هي طنشت انا من الخوف التفت عليه و حسيت ريلي مو شايلتني و تسندت على الجدار و وقفت مكاني نوف خافت علي ان يكون صايدني شي و حاولت تسحبني لكن انا ابد مو قادرة و شوي الا الصبي واقف جنبنا و يسأل نوف:"خير صديقتج فيها شي؟؟", هني انا لا شعورياً صادتني حاله هستيريه من الضحك المو طبيعي و فقعتها في وجهه ضحكه قوية و بصوت عالي ملفت للنظر و الكل قامو يطالعونا و انا طحت على الأرض لاني خلاص مافيني شعور و جلست على الأرض و انا ضحك و اضحك و اضحك نوف بالبداية كانت واقفة وياي و شوي و تركتني و مشت و انا ظليت على حالي و ما فقت الا لما حسيت بنظرات الناس المريبة لي وقفت و قمت اركض ادور نوف و انا ادور بين الناس شفت وحدة واقفة مع واحد استغربت لأن هذي الوحدة هي نوف و الواحد هذا هو الولد اللي مساعه كلمنا, و نوف ما ردت عليه قربت منهم و الصبي اول ما شافني ارتسم على وجهه الضيق و القنوط و قال بعلو صوتة:"بتاخذينه و له بمشي دام يات رفيجتج؟؟", نوف هزت راسها بالنفي و انا لا اراديا اقلدها التفت الصبي علي بنظرات كلها غضب و عصبية ممزوجة ببعض الخجل و كانت هالنظرات هي بداية نوبة ضحك جديدة تنتابني لكن هالمرة نوف شاركتني لانها كانت تضحك على ضحكي و الصبي لما شافنا نضحك عصب و تنرفز و مشى عنا و ظليت انا ونوف نضحك و نضحك لغاية ما وصلنا البيت يومها و احنا ما في شي بينا غير الضحك انا اضحك من الخوف و الهستريا و نوف تضحك على ضحكي الغريب

​

لليوم اتذكر مشاعري في هذا الموقف يعني هذي اول مرة يقرب مني ولد بالطريقة اللي قرب فيها هالولد مني, صح اهو كان قاصد نوف بس انا كنت وايد قربيه منها, لغاية هاليوم اتذكر برائتي و عفويتي في هذاك الموقف اتذكر مشاعر اتمنى انها تعود لاني بجد لليوم كل ما اتذكر تفاصيل حياتي احس نفسي رخيصة, المهم في هالليله ما قدرت انام كنت وايد متحمسة حق الموضوع و كان خاطري اجرب اني اكون مكان نوف بس صعبه وايد صعبه يعني انا شكلي مقارنتاً بنوف و لا شي, نوف فل ميك اب و انا ما اعرف احط حتى جلوس اصلا وقتها ما كنت اعرف يعني شنو جلوس و كان المكياج بنظري روج و بس و هذا غير لفة حجاب نوف اللي على الموضة و انا لفتي كأني وحدة بالـ 50 لأني كنت اقلد امي و وايد اشياء و فوارق بيني و بين نوف من جي كان الموضوع مجرد فكرة و حسيت باحباط بعد ما تذكرت هذي الفوارق يعني شنو اللي بيخلي الصبيان يتركون نوف و يجون وراي؟؟

و مع مرور الأيام و الوحده القاتله و نوف اللي كنت اشوفها تغازل و محد يقول لها شي و هذا كله غير وسائل الأتصال اللي صارت متوفرة لي 24 ساعة بسبب مرضي و في ظل غياب الرقابة .. اعاني لوحدي ارجع لماضيي وله استمر في مبادئي؟؟, و تحديداً يوم اربعاء اتذكر هاليوم بكل شي فيه, امي راحت مع اخواني السوبر ماركت يتبضعون للبيت و انا كنت لوحدي كالعاده, اتذكر وقتها كنت زهقانه و نفسيتي تعبانه و التلفزيون ما فيه شي, سكرت التلفزيون و ظليت رايحة و جايه في المجلس و رايحة و جايه و رايحة و جايه .

​

* هند: الشوق ذبحني ابي كلام حلو مو
قادرة ابي وليد .. ابي وليد .. ابي وليد (أبليس عامل عمايلة) و الله اني حاسه كأن في قلبي حرارة مو طبيعيه .. حرارة حارقتني مو عارفه شنو اسوي, آآآآآآآآآآآآه .. خلاص انا برجع اكلم وليد بقوله يجي يخطبني انتهى الموضوع بس بالنت دقايق بدخل على ايميلي القديم و حتى لو كان مو موجود بعطيه رقم تلفون ابوي و بطلع.
​

و بخطوات مليانة خوف و رهبه و رجفه مو طبيعيه و دقات قلبي تدق و تدق و تدق جربت من الكمبيوتر و فتحتة و قبل ما افتح مسنجري القديم سميت و قلت يارب قويني انت تدري انا ابي كل شي بالحلال دخلت المسنجر و جيت ابي اكلم وليد ما ادري كيف ما شفت ايميله دورته و قريت كل الأيميلات الي عندي و ما لقيته مرة و ثنتين و ثلاث و انا مو لاقيته خفت و انرعبت و ما كنت عارفة شنو السالفة و قبل ما اقلب الايميلات للمرة الرابعه سمعت الباب قاعد ينفتح و طيراااااااااااان سكرت الجهاز من الشاشة و على غرفتي لكن للحين الكمبيوتر كان شغال دفنت نفسي في سريري و قعدت اقرأ قرآن لعل و عسى تهدى دقات قلبي اللي كنت حاسه انه باقي له شوي و يطلع من صدري و فجأة انقطعت عن العالم من هول الصدمة الي تذكرتها و هي الجــــــــــــــــــــــــــــهـــــــــــــــــــــــــــــاز
مفتوووووووووووووووووووووووح ما ادري شلون حسيت روحي مشلولة مو قادرة اتحرك و كأن في احد رابطني و حسيت روحي مخنوقة مو قادرة اتنفس و ان خلاص كلها دقايق و بتدخل امي ثايرة علي و بتخنقني و بموووت و انتظرت و انتظرت و انتظرت و كأني بالفعل في انتظار الموت

هل هند بتنكشف للمرة الثانية؟
و شنو بيصير معاها؟

احداث مثيرة اوعدكم فيها بالجزء القادم ان شاء الله:37:

​

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

سمراء بلادي

الله يسلمج يا الغالية

و مشكورة على الرد الحلو اللي فرح قلبي

عسى ربي يسعدج اللهم امين

و مشكورة على مرورج حبيبتي

بلقيسيه كوول

الله يسلمج و الشر ما يجيج حبيبتي

و مشكورة على المرور الراقي :37:

حلا شرقي

اسعدتني بصمتج:5:​

 

[ام اسارين]

ماشاءالله اسلوبك روعه انتظرك

 

[هدوء أميرة]

انتظرك ​

 

[start change]

ننتظظظظظرررررررررركي

 

[مهر الجنان]

ناطرين بشوق

 

[حلا شرقي]

على قولتج انا متابعه بصمت وانشالله بعلق على نهاية القصه..........
بانتظارك.....

 

[RE78EM]

عسي المانع خير طمنينا عليج محبة الطاعات ماتعوداناها منج اطولين بصراحه ال ميز قصتج زوجتي العزيزه كان تسلل البارتات فعشنا القصه من غير ماننسى الاحداث بس على العموم الغايب عذره معاه واتمنى لج التوفيق

 

[مهر الجنان]

طولتي علينا
عسى ما شر حبيبتي

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

ام اسارين

مشكورة حبيبتي

ردودج الاحلى يا الغالية

اسعدني تواجدج :37:

ام همس المعطائه

مشكورة ابوي على الرد

و ان شاء الله الجزء القادم اليوم بنزله :37:

​

start change

مشكورة حبيبتي على مرورج

و ان شاء الله اليوم على الفجر يخلص البارت الجديد :37:

مهر الجنان

مشكورة حبيبتي على الرد و ان شاء الله ما بتنتظرين اكثر

لأن ان شاء الله اليوم ينزل البارت الجديد :5:

و طولت بسبب ظروف الدراسة السموحة يا الغالية :37:

حلا شرقي

يوم قريت ردج بصراحة تحمست و حسيت باحباط بنفس الوقت

ما ادري ليش حسيت ان الرواية مب عاجبتج

على العموم متحمسة ابي اعرف شنو اللي بتقولينه

مشكورة حبيبتي على مرورج و الله يعطيج العافية :37:

RE78EM

كل يوم ادخل و ابتدي بالبارت الجديد لكن النوم يغلبني

ما تتصورين شكثر كان هالأسبوع صعب علي بالجامعه

و الله اني ارجع البيت و عيوني منتفخه من كثر التعب

كله تقراير و امتحانات منتصف و للحين تو الناس

و هذا كله غير بيتنا اللي بنغيرة قريبا و لازم ارتب اغراضي عشان النقله

صج صج هالأسبوع كان صعب و متعب

بس ان شاء الله بهالاجازة بعوضكم و بحاول اكتب اكثر من 6 بارتات بأذن الله

و اتمنى انج و باجي العضوات تعذروني و السموحة منكم :37:
​