معلومات أنثى بعطر الورد
- إنضم
- 11 يوليو 2014
- المشاركات
- 3,981
- مستوى التفاعل
- 2,034
- النقاط
- 113
بسم الله..
دا بوست طويل شوية. هو تحصيل لتجربة شخصية ومشاهدة فيديوهات كتيرة عربية واجنبية بتتكلم عن الشخصية النرجسية.
بالنسبة لي اكتشاف وجود الشخصية دي حوالينا بالكم الرهيب ده. كان حاجة جديدة جدا. لوقت قريب كنت مش قادرة افهم تصرفات الشخصيات دي. وكنت شايفة في حاجة غلط بس مش قادرة امسكها بأيدي. أو اثبتها للناس. وكنت على وشك فعلا افقد ثقتي في نفسي. من شدة اللامنطقية اللي حواليا واللي مش لاقية حد يقولي اني صح.
اللي انا هفضل ااكده. ان ربنا كبير اوي اوي. وان لله يدافع عن الذين آمنوا. وان اجتمعت الأنس والجن على أن يضروك بشئ لن يضروك الا بشئ قد كتبه الله عليك. فلا تخافوا ولا تحزنوا.
أنا عشت عمري كله مع الشخصيات دي في كل مكان بيت. وشغل ودراسة ومعارف. وعمري ما قرأت ازاي اتعامل معاهم. ومع ذلك اكتشفت لما اتفرجت على الفيديوهات. ان ربنا كان بيلهمني التصرف الصحيح اللي جنبني وصولي لمرحلة الإضطراب العقلي او الشخصي.
ما تزعلوش انكم نوع الشخصية العاطفية اللي وقعت بسهولة في الفخ النرجسي. وفكروا في حياتكم هتلاقوا ان نفس الشخصية دي كانت سبب نجاتكم وسبب رحمة ربنا ليكم في مواقف كتير. بفضل ربنا وحده انا كنت مع احد الضحايا وبحاول اخرجها من الفخ وهو ده اللي نجاني وخلاني الاحظ اني في نفس الشرك. وبصراحة بحب لين قلبي. بحب مشاعري اللي بتتحرك تجاه اي مخلوق ضعيف. بحب الرحمة و اني اكون سبب لفرحة الغير.
بس المشكلة الحقيقية. مش اننا قلبنا طيب. المشكلة اننا بنتفهم اننا بنشحت المشاعر. عشان كده لازم مع لين القلب يكون فيه عزة نفس. ولازم نعرف اننا من حقنا نقول لا. وان اي علاقة فيها تهديد بالبعد او عدم تبادل المشاعر. هي علاقة مبتورة قبل أن تبدأ. ولا تستحق ان نبذل اي جهدللاحتفاظ بها. لازم نتعلم ان رأي الناس فينا لا يشكل اي فرق لثقتنا في نفسنا. وان اهم حاجة ما يرضى الله ويسعدنا.
نيجي بقى للشخصية النرجسية.
بالنسبة لي كنت بقول عليهم قلوبهم مريضة. حقودين. غيوريين. ضحايا لعقد قديمة من صغرهم. مع الفيديوهات والقراية فهمتهم اكتر. هم أشخاص ضعيفين جدا جدا جدا. ما عندهمش ثقة في نفسهم بسبب تراكمات حياتية من صغرهم. اللي اتعرضوا له من تمييز عن اقرانهم. سواء إهمال. كلام جارح. تدليل زايد ثم تجاهل. عنف لفظي وبدني وسخرية. خلاهم يبنوا جدار سميك حول مشاعرهم. خلاهم خايفين يمروا بالالم ده مرة تانية. عقلهم بطريقة لا ارادية وكحيلة دفاعية بيخلق سيناريو يرضيهم وخلوهم يتقبلوا حياتهم.
بيخافوا من حاجات كتير. بيخافوا من تحمل المسؤلية. بيخافوا من الإهمال. أو الرفض. بيخافوا من اي نقد. بيخافوا من رأى الناس فيهم. بيخافوا من الوحدة والمرض والموت. بيخافوا من الفشل في اي حاجة.
عشان كده بنفتكرهم بيكذبوا وهم في الحقيقة بيعيشوا السيناريو ده فعلا في دماغهم فمتاكدين انهم صادقين. بنفتكرهم بيتعمدوا أذية غيرهم او استغلال الآخرين او انهم بيكرهوا اللي حواليهم. في الحقيقة هم ما لهمش نفس التكوين بتاعنا. هم ما يعرفوش يعملوا غير ده. ماعندهمش المعطيات اللي تخليهم قادرين على الحب أو التعاطف. أو انهم يفهموا انهم بياذوا غيرهم. لان فعلا هم مش بيجبروا حد على حاجة. هم بيقنعوهم.
مشكلتنا مع الشخصية النرجسية اننا عايزين نعاملهم كاشخاص عاديين شبهنا بالضبط. اننا مش قادرين نتقبل انهم مختلفين تماما. بنتكلم عنهم بالانتقام والكره ومتعلقين بيهم. وفاهمين اننا ممكن نغيرهم. يا جماعة أشهر الشخصيات النرجسية " فان ماكسين" بيقول في احد محاضراته. انهم فخورين بشخصيتهم. وده لان المستقبل بتاعهم فعلا. افلام الخيال العلمي اللي بتتكلم عن تحكم الروبوت والآلة في المستقبل هيكونوا هم الآلة دي بذكائهم ومكرهم. وخلوهم من اي مشاعر انسانية.
مشكلتنا اننا كنا بنتعامل مع احد برامج الذكاء الصناعي زي ليكسا. وصدقنا انها بني آدم حقيقي. ومستنين انها ترجع زي اول مرة قابلنها. لازم نفهم ونتقبل حقيقة اننا بتعامل مع آلة. لا تعرف سوي تزويد احتياجاتها من الوقود او شحن بطاريتها. وان كل ما نسمعه منها من كلمات قد تحمل تعبير عن مشاعر. ما هو إلا تعبير عن احتياجها للشحن. وان ده مدخلات اكتشفت انها بتمكنها من تلبية احتياجاتها. ولا علاقة له بنا او بمشاعرنا.
تعاطفنا معاهم او رغبتنا في إصلاحهم او تسأولنا هم هيتعاقبوا ولا لا. هيندموا في يوم من الأيام. ننتقم منهم ازاي. كلها افكار عبثية. مفيهاش اي منطق. انتم كأنكم بتقولوا انتقم من العربية ازاي بعد الحادثة اللي خبطتني فيها. وهل ممكن اعلم العربية انها ما تخبطنيش تاني.
احنا اتخبطنا خلاص عشان مكناش واخدين بالنا من العربية. بعد ما عرفنا وفهمنا تفكيرنا يبقى ازاي نقف على رجلينا تاني وازي نوصل من غير ما نتخبط تاني.
اهم حاجة ثقتنا في نفسنا. اهم حاجة علاقتنا بربنا. رأي الناس تحت رجلينا. يوم ما نقابل شخصيات حقودة او غيورة نتجنبها. ما نحاولش نتحداها. ما ينفعش نقف قصاد قطار ونقول احنا احسن منك. اكيد هيدوسنا. الصح اني لو ما كنتش انا أحد الركاب او سواق القطار . ابعد عنه تماما. حتى لو كان اقرب الناس لينا.
ابوك. امك. اخواتك. ده نوع من الابتلاء. وربنا لا يكلف نفسا إلا وسعها. يبقى الصبر. والدعاء والاستعانة بالله. وربنا لا يتخلى عن عباده. اتعلموا. اشتغلوا. عبروا عن مشاعركم بالكتابة او باي موهبة. ارقصوا والعبوا رياضة بيخليكم ما تدخلوش في مرحلة اكتئاب. كل واحدة او واحد موجودين في الجروب هنا معناه انهم لسه فيهم نفس. انهم لم يتم تدميرهم.
ما تشغلوش نفسكم بالشخصية النرجسية وتحليل تصرفاتها. فكروا انتم ازاي تقدروا تهربوا بحياتكم بعيد عنهم.
ما تقعدوش تفتكروا في ما سببوه لكم من اذي. ابداؤوا احلموا بحياتكم الجاية. مهما كان عمركم ومهما كان اللي خسرتوه. لسه فيه ايام جاية.
لو قررتم البقاء بالقرب من النرجسي يبقى لازم تتعلموا. تجاهل كل تصرفاته. لازم تتقبلوا حقيقته كالة. لازم ما تتوقعوش منه لا مشاعر ولا تقدير ولا تغيير. ده هيساعدكم انكم تعيشوا في راحة الي حد ما.
بس لو فعلا خايفين على أولادكم وعلى نفسكم لان ممكن تبقوا آلة انتم كمان. يبقى لازم الهروب والبعد.
مهما كان واخد عليكم تهديدات. مهما كان اللي هيشيعوا عنكم. خدوا القرار. استعينوا بربنا ووكلوه. والله. والله. والله الشخصية دي جبانة جدا. ولو اتأكد انكم فعلا مش ممكن ترجعوا له تاني. بيوفر مجهوده وانتقامه. وبيبدا في البحث عن ضحية جديدة. ما تخافوش. ما تستسلموش. اخرجوا صدقة بنية رفع البلاء وان ربنا ييسر لكم الخير. ركعتين في جوف الليل والبكاء والتضرع لله.
ربنا كبير. ربنا بيحبكم ومش هيتخلي عنكم. وافتكروا قول رسول الله صلى الله عليه وسلم
( ما كان الرفق في شيء إلا زانه ...الحديث ) ولما سأل رجل رسول الله صلى الله عليه وسلم عن أفضل الأعمال، أوجزها له في صفات ذكر منها : ( لين الكلام وبذل الطعام ... ) ( مسند أحمد ) .
وإذا كان قصدنا الفوز برضا الله عز وجل ، والنجاة من النار ، فإن المسلم لينال باللين ما لا يناله بالغلظة والشدة ، كما في الحديث : ( حُرِّم على النار : كل هيّن ليّن سهل ، قريب من الناس ) صححه الألباني : صحيح الجامع 3135).
ويمكن أن يكون تكلف السلوكيات اللينة مدخلا إلى اكتساب اللين القلبي ، فقد شكا رجل إلى النبي صلى الله عليه وسلم قسوة قلبه فقال له : ( إن أردت أن يلين قلبك ، فأطعم المسكين ، وامسح رأس اليتيم ) حسنه الألباني : صحيح الجامع 1410) .
وقسوة القلب قد تكون أحيانا نتيجة المعاصي ، ومظهراً من مظاهر غضب الله سبحانه وتعالى على العبد ، ولذلك يقول مالك بن دينار : ( ما ضُرب عبد بعقوبة أعظم من قسوة قلب ، وما غضب الله على قوم إلا نزع الرحمة من قلوبهم . ) .
وأخيرا حبوا نفسكم. اكرموها. وترفقوا بها ما تشغلوش نفسكم بحد غير نفسكم.
وزيدوا من استحقاق انفسكم وعلاقتكم ببعض و وتقديرك النفسي وثقتك بنفسك امام الناس واللي حوليك وانتبهي لكلامك اللي يكون في صلحك اوزنيه قبل ما تنطقيه بوعي كامل للموقف وبتقديري النفسي ?????
دا بوست طويل شوية. هو تحصيل لتجربة شخصية ومشاهدة فيديوهات كتيرة عربية واجنبية بتتكلم عن الشخصية النرجسية.
بالنسبة لي اكتشاف وجود الشخصية دي حوالينا بالكم الرهيب ده. كان حاجة جديدة جدا. لوقت قريب كنت مش قادرة افهم تصرفات الشخصيات دي. وكنت شايفة في حاجة غلط بس مش قادرة امسكها بأيدي. أو اثبتها للناس. وكنت على وشك فعلا افقد ثقتي في نفسي. من شدة اللامنطقية اللي حواليا واللي مش لاقية حد يقولي اني صح.
اللي انا هفضل ااكده. ان ربنا كبير اوي اوي. وان لله يدافع عن الذين آمنوا. وان اجتمعت الأنس والجن على أن يضروك بشئ لن يضروك الا بشئ قد كتبه الله عليك. فلا تخافوا ولا تحزنوا.
أنا عشت عمري كله مع الشخصيات دي في كل مكان بيت. وشغل ودراسة ومعارف. وعمري ما قرأت ازاي اتعامل معاهم. ومع ذلك اكتشفت لما اتفرجت على الفيديوهات. ان ربنا كان بيلهمني التصرف الصحيح اللي جنبني وصولي لمرحلة الإضطراب العقلي او الشخصي.
ما تزعلوش انكم نوع الشخصية العاطفية اللي وقعت بسهولة في الفخ النرجسي. وفكروا في حياتكم هتلاقوا ان نفس الشخصية دي كانت سبب نجاتكم وسبب رحمة ربنا ليكم في مواقف كتير. بفضل ربنا وحده انا كنت مع احد الضحايا وبحاول اخرجها من الفخ وهو ده اللي نجاني وخلاني الاحظ اني في نفس الشرك. وبصراحة بحب لين قلبي. بحب مشاعري اللي بتتحرك تجاه اي مخلوق ضعيف. بحب الرحمة و اني اكون سبب لفرحة الغير.
بس المشكلة الحقيقية. مش اننا قلبنا طيب. المشكلة اننا بنتفهم اننا بنشحت المشاعر. عشان كده لازم مع لين القلب يكون فيه عزة نفس. ولازم نعرف اننا من حقنا نقول لا. وان اي علاقة فيها تهديد بالبعد او عدم تبادل المشاعر. هي علاقة مبتورة قبل أن تبدأ. ولا تستحق ان نبذل اي جهدللاحتفاظ بها. لازم نتعلم ان رأي الناس فينا لا يشكل اي فرق لثقتنا في نفسنا. وان اهم حاجة ما يرضى الله ويسعدنا.
نيجي بقى للشخصية النرجسية.
بالنسبة لي كنت بقول عليهم قلوبهم مريضة. حقودين. غيوريين. ضحايا لعقد قديمة من صغرهم. مع الفيديوهات والقراية فهمتهم اكتر. هم أشخاص ضعيفين جدا جدا جدا. ما عندهمش ثقة في نفسهم بسبب تراكمات حياتية من صغرهم. اللي اتعرضوا له من تمييز عن اقرانهم. سواء إهمال. كلام جارح. تدليل زايد ثم تجاهل. عنف لفظي وبدني وسخرية. خلاهم يبنوا جدار سميك حول مشاعرهم. خلاهم خايفين يمروا بالالم ده مرة تانية. عقلهم بطريقة لا ارادية وكحيلة دفاعية بيخلق سيناريو يرضيهم وخلوهم يتقبلوا حياتهم.
بيخافوا من حاجات كتير. بيخافوا من تحمل المسؤلية. بيخافوا من الإهمال. أو الرفض. بيخافوا من اي نقد. بيخافوا من رأى الناس فيهم. بيخافوا من الوحدة والمرض والموت. بيخافوا من الفشل في اي حاجة.
عشان كده بنفتكرهم بيكذبوا وهم في الحقيقة بيعيشوا السيناريو ده فعلا في دماغهم فمتاكدين انهم صادقين. بنفتكرهم بيتعمدوا أذية غيرهم او استغلال الآخرين او انهم بيكرهوا اللي حواليهم. في الحقيقة هم ما لهمش نفس التكوين بتاعنا. هم ما يعرفوش يعملوا غير ده. ماعندهمش المعطيات اللي تخليهم قادرين على الحب أو التعاطف. أو انهم يفهموا انهم بياذوا غيرهم. لان فعلا هم مش بيجبروا حد على حاجة. هم بيقنعوهم.
مشكلتنا مع الشخصية النرجسية اننا عايزين نعاملهم كاشخاص عاديين شبهنا بالضبط. اننا مش قادرين نتقبل انهم مختلفين تماما. بنتكلم عنهم بالانتقام والكره ومتعلقين بيهم. وفاهمين اننا ممكن نغيرهم. يا جماعة أشهر الشخصيات النرجسية " فان ماكسين" بيقول في احد محاضراته. انهم فخورين بشخصيتهم. وده لان المستقبل بتاعهم فعلا. افلام الخيال العلمي اللي بتتكلم عن تحكم الروبوت والآلة في المستقبل هيكونوا هم الآلة دي بذكائهم ومكرهم. وخلوهم من اي مشاعر انسانية.
مشكلتنا اننا كنا بنتعامل مع احد برامج الذكاء الصناعي زي ليكسا. وصدقنا انها بني آدم حقيقي. ومستنين انها ترجع زي اول مرة قابلنها. لازم نفهم ونتقبل حقيقة اننا بتعامل مع آلة. لا تعرف سوي تزويد احتياجاتها من الوقود او شحن بطاريتها. وان كل ما نسمعه منها من كلمات قد تحمل تعبير عن مشاعر. ما هو إلا تعبير عن احتياجها للشحن. وان ده مدخلات اكتشفت انها بتمكنها من تلبية احتياجاتها. ولا علاقة له بنا او بمشاعرنا.
تعاطفنا معاهم او رغبتنا في إصلاحهم او تسأولنا هم هيتعاقبوا ولا لا. هيندموا في يوم من الأيام. ننتقم منهم ازاي. كلها افكار عبثية. مفيهاش اي منطق. انتم كأنكم بتقولوا انتقم من العربية ازاي بعد الحادثة اللي خبطتني فيها. وهل ممكن اعلم العربية انها ما تخبطنيش تاني.
احنا اتخبطنا خلاص عشان مكناش واخدين بالنا من العربية. بعد ما عرفنا وفهمنا تفكيرنا يبقى ازاي نقف على رجلينا تاني وازي نوصل من غير ما نتخبط تاني.
اهم حاجة ثقتنا في نفسنا. اهم حاجة علاقتنا بربنا. رأي الناس تحت رجلينا. يوم ما نقابل شخصيات حقودة او غيورة نتجنبها. ما نحاولش نتحداها. ما ينفعش نقف قصاد قطار ونقول احنا احسن منك. اكيد هيدوسنا. الصح اني لو ما كنتش انا أحد الركاب او سواق القطار . ابعد عنه تماما. حتى لو كان اقرب الناس لينا.
ابوك. امك. اخواتك. ده نوع من الابتلاء. وربنا لا يكلف نفسا إلا وسعها. يبقى الصبر. والدعاء والاستعانة بالله. وربنا لا يتخلى عن عباده. اتعلموا. اشتغلوا. عبروا عن مشاعركم بالكتابة او باي موهبة. ارقصوا والعبوا رياضة بيخليكم ما تدخلوش في مرحلة اكتئاب. كل واحدة او واحد موجودين في الجروب هنا معناه انهم لسه فيهم نفس. انهم لم يتم تدميرهم.
ما تشغلوش نفسكم بالشخصية النرجسية وتحليل تصرفاتها. فكروا انتم ازاي تقدروا تهربوا بحياتكم بعيد عنهم.
ما تقعدوش تفتكروا في ما سببوه لكم من اذي. ابداؤوا احلموا بحياتكم الجاية. مهما كان عمركم ومهما كان اللي خسرتوه. لسه فيه ايام جاية.
لو قررتم البقاء بالقرب من النرجسي يبقى لازم تتعلموا. تجاهل كل تصرفاته. لازم تتقبلوا حقيقته كالة. لازم ما تتوقعوش منه لا مشاعر ولا تقدير ولا تغيير. ده هيساعدكم انكم تعيشوا في راحة الي حد ما.
بس لو فعلا خايفين على أولادكم وعلى نفسكم لان ممكن تبقوا آلة انتم كمان. يبقى لازم الهروب والبعد.
مهما كان واخد عليكم تهديدات. مهما كان اللي هيشيعوا عنكم. خدوا القرار. استعينوا بربنا ووكلوه. والله. والله. والله الشخصية دي جبانة جدا. ولو اتأكد انكم فعلا مش ممكن ترجعوا له تاني. بيوفر مجهوده وانتقامه. وبيبدا في البحث عن ضحية جديدة. ما تخافوش. ما تستسلموش. اخرجوا صدقة بنية رفع البلاء وان ربنا ييسر لكم الخير. ركعتين في جوف الليل والبكاء والتضرع لله.
ربنا كبير. ربنا بيحبكم ومش هيتخلي عنكم. وافتكروا قول رسول الله صلى الله عليه وسلم
( ما كان الرفق في شيء إلا زانه ...الحديث ) ولما سأل رجل رسول الله صلى الله عليه وسلم عن أفضل الأعمال، أوجزها له في صفات ذكر منها : ( لين الكلام وبذل الطعام ... ) ( مسند أحمد ) .
وإذا كان قصدنا الفوز برضا الله عز وجل ، والنجاة من النار ، فإن المسلم لينال باللين ما لا يناله بالغلظة والشدة ، كما في الحديث : ( حُرِّم على النار : كل هيّن ليّن سهل ، قريب من الناس ) صححه الألباني : صحيح الجامع 3135).
ويمكن أن يكون تكلف السلوكيات اللينة مدخلا إلى اكتساب اللين القلبي ، فقد شكا رجل إلى النبي صلى الله عليه وسلم قسوة قلبه فقال له : ( إن أردت أن يلين قلبك ، فأطعم المسكين ، وامسح رأس اليتيم ) حسنه الألباني : صحيح الجامع 1410) .
وقسوة القلب قد تكون أحيانا نتيجة المعاصي ، ومظهراً من مظاهر غضب الله سبحانه وتعالى على العبد ، ولذلك يقول مالك بن دينار : ( ما ضُرب عبد بعقوبة أعظم من قسوة قلب ، وما غضب الله على قوم إلا نزع الرحمة من قلوبهم . ) .
وأخيرا حبوا نفسكم. اكرموها. وترفقوا بها ما تشغلوش نفسكم بحد غير نفسكم.
وزيدوا من استحقاق انفسكم وعلاقتكم ببعض و وتقديرك النفسي وثقتك بنفسك امام الناس واللي حوليك وانتبهي لكلامك اللي يكون في صلحك اوزنيه قبل ما تنطقيه بوعي كامل للموقف وبتقديري النفسي ?????
