أستاذة ناعمة ساعديني الله يخليك ........ ويابنات أبي فزعتكم

[سياسة التغيير]

يارونة هم ياخذونهم ليلة في الاسبوع ينامون عندهم ، وقلت لأبوي كل شي إلا النوم قال ماأبغى أدخل معاهم في مشاكل ،يعني ياخذهم اليوم المغرب يرجعهم بكرة المغرب،إذغ تشاكلنا معهم بتسوي أمه أكثر، يعني وش رايكم أناديه هاليومين ، أبوي يروح لهم فالبيت يتفاهم معهم ، وأنا أقوله تعال أتفاهم معك ، ماعاد بقى إلا أحب رجله وأقول رجعني والا وش رايكم
انتو قاعدين تخوفوني انهم قاعدين يحشونه وهذا اللي باين لأنه مافي أي تقدم من ناحيته

 

[prnsesحلا]

شوفيحبيبتي اتصلي عليه بكره وقولي له بعد السلام ممكن تجي بيت اهلي ابي اتفاهم معك اذا قام يتعذرقولي له الموضوع ضروري وما يحتمل تاجيل ولزمي عليه انه يجي بعدين حبيبتي انتي ماقاعده تذلين نفسك له بالعكس انتي بهالتصرف قاعده تحافظين عاى كرامتك لان رميتك فبيت اهلك كذا وبدون سؤال عنك فيها اهانه لك بعدين لاتكثرين معاه الحكي سلمي وقولي لوسمحت ابغاك ضروري ممكن تجي واذاتعذر قولي الموضوع ضروري مايحتمل تاجيل وكلميه بجديه وحزم واذا تبين انا مستعده اعيد الكلام الي قلتلك تقولينه له واكتبلك بالضبط شتقولين له بس ماجاوبتيني زوجك من النوع الي يحبك وما يستغني عنك اوممكن بسهوله يفرط فيك بعدين كم صار لك زعلانه فبيت اهلك وهو ولامره اتصل او حاول يتصل عليك او حاول يراضيك بعدين ممكن تقولي لي وش سبب زعلتك بالضبط علشان اقد ر اساعدك لان والله مريت بالي انتي فيه والحمد لله تغلبت على هالمشكله صدق خالتي ماتغيرت بس الحمدلله زوجي شوي تغير وصار لي حياتي الخاصه وولد انا اربيه بدون اي تدخل من احد والله اني حاسه فيك علشان كذا ابغى اساعدك قبل ماينهدم بيتك بس اتصلي فيه باسرع وقت لان خالتك قاعده تقسي قلبه عليك والله يعلم شقاعده تقوله

 

[سياسة التغيير]

زوجي يحبني موت والدليل أني طالعة من البيت وأنا أقوله أنا ماراح أقعد على ذمتك ، ماراح أقعد على ذمة رجال يضرب ،وكان فاصل السنترال عشان ماحد يتصل علي م أهلي مايبيني اتصل باهلي واروح وأخليه أنجن لما شافني ألم شنطةأغراضي، مشاكلنا الدائمة بسبة طلعاتها ، تقول أي مكان أروح له تصير معي وتشترط بناتي التوأم يكونون معي ، وتتصرف قدام الناس أنها تحبني لأن في ناس كثيرين داعين لها ، ويقولون الله يعين بنت الناس عليك، خالتي علاقتها حتى مع خواتها وحمواتها سيئة جداً وكلهم يدعون عليها،

 

[سياسة التغيير]

والمشكلة صارت أنه بسبب أمه قالت لي تروح غصب لعزيمة مسويتها مرة أخوها لبنتها العروس،جمعة في مزرعة في قرية، تخيلي....
ولازم تجي غصب عنها وتجيب البنات معها غصب مع العلم أني ماعندي شغالة وموب راضي يشتري لبس أروح فيه ، واليوم اللي قبله كنت رايحة للدكتورة معي ضعف عام ، وبناتي توأم عمرهم سبع شهور وأكرف كرف الشر ، خلصي من الكرف وألبسي ولبسي بناتك وروحي لعزيمة خارج الرياض وأرتزي عشان أمي تبي كذا، انتي تعبانة طيبة قرفانة مشغولة أو ماعندك رغبة موب شغلها الاتصالات نازلة زخ على جوالي أنا من الوقاحة تخيلي، من العصر وينكم، تقوم ولدها من عز نومه ، وتعالوا بسرعة، وياويلها أن تغيبت عن جمعة وحدة لخواتي ماخذة أخوها أنا موب ولدها ، وهالرجال رجل كرسي، لا يهش ولاينش،

 

[سياسة التغيير]

وأثرها جايبتني عشان تمثل على مرة أخوها أني أموت في مرة ولدي ، وهذي كانت داعية عليها والبنات في بطني، فتبغى تثبت لها أني حبيبة، والله بناتي مايجون في يدي ا إذ وقت الغيار الله يكرمك ، كأنها موصية بناتها ومعطيتهم فلوس، بناتها لايقعدون بيدها وعلى أنواع الحلويات والاكل اللي ماتبين بناتك ياكلونه ، وبعد مارجعنا أتشت عليه وماأكلمه 3أيام وصار مايجي إلا 7 الصبح وبعدين صارت مشادة قوية طلع فيها كلام جارح وخذ مني موبايلي وقطع التليفون بعدين راح لأبوي في مكتبه يشتكيه، أبوي جا أخذني الليل لبيتهم كل هذا عشان ((عزيمة)) وأمه نايمة فبيتها سعيييييييييييييييييييييييييييييييييييييييييييييييييييييييييييييدة

 

[حبيبت رشيد1]

الله يكون في عونك ياقلبي ويسرلك اموووووورك

 

[prnsesحلا]

اهلين اختي اسمعي كلامي زين واتمنى انك تفكرين بكل كلمه اقولها ولاتزعلين اذا كان كلامي قاسي ويشهد الله اني خايفه عليك وابي مصلحتك خصوصا اني عشت معاناتك صراحه انتي غلطانه ماكان لازم تروحين العزيمه اصلا انتي ماانتي ملزومه انك تجاملين احد على احساب صحتك وراحتك كان قلتي لزوجك اسفه اناتعبانه ماقدر اروح ولاهو واجب اني اروح حتى لو زعل انتي لازم يكون لك شخصيه موب على كيفه ايمشيك واكبر غلط سويتيه انك حطيتي حرتك فيه ماكان لازم اتااتشين عليه هو ماله ذنب امه المسؤله وهذا طبعنا حنا الحريم نفرغ القهر فازواجنا والغلط الاخير الي سويتيه انك طلعتي من بيتك خذيها مني نصيحه مهما اكبرة الشكله بينك وبين زوجك لاتطلعين من بيتك حلو مشاكلكم بينكم بدون علم اي احد والمراه اذا اطلعت من دارها قل مقدارها بكره يصير الوضع عنده عادي يقول ايه زي كل مره تزعل وترجع بعدين انتي يوم طلعتي تركتيه لها تلعب بمخه وتكرها فيك ولاتستغربين اذا جاك متغير ميه وثمانين درجه ترى طول هالمده هي قاعد اتدرسه وتشحنه عليك والغلطه غالطتك ماكان لازم تطلعين من بيتك اسفه اذا كلامي زعلك بس والله ماقلت هالكلام الا من خوفي عليك ولاني احبك والله لو اختي بنت امي وابوي بنفس المشكله كان قلت لها نفس الحكي بس ماجاوبتيني كم لك فتره زعلانه وماحاول زوجك انه يصالحك اويتصل فيك

 

[prnsesحلا]

نسيت اسالك وشرايك بالكلام الي قلته لك قبل الي فيه شروط الرجعه وهل نويه اتسوين القلت لك عليه ووتتصلين فزوجك ولا لا ترى انا سويت نفس الي قلتلك اتسوينه والحمد لله زوجي بدى يعملي حساب وعرف اني انا ماني انسانه ضعيفه علشان يتحكم فيني هو وامه وقام يحترمني اكثر من اول وماقام يفرض علي رغبات امه وماقام يسمع كلامها زي اوليعني اضربلك مثال قالتله لا تجيب لها شغاله وفي رمضان الي فات جبت شغاله مؤقته شهر هي نجنت وقامت تقوله ليش جبتلها شغاله قدرت تمشي كلمتها عليك ومن ذا الكلام المهم زوجي قالها الشغاله من افلوسها يقصدني انا وانا مادفعت شي هي الي جابته والحقيقه انا مادفعت ولا ريال بس هو قال كذا علشان يسكتها صح هو احيانا يسمع كلامها بس والله اهون من اول طبعا هو مابدا يظهر هالتحسن عليه الايوم انا ماقمت اتنازل وماسمح لامه انها تتدخل فين وشوفي اوامر زوجك طيعيها بس اوامر امه لاتطيعينها واياك تمشي كلامها عليك صحيح خالتي ماتخلينا فحالنا لازم تتدخل وتحاول تحشر انفها بكل صغيره وكبير وتنتهز اي فرصه على شان تقهرني وتستفزني وتسوي معاي مشكله على اتفه الاسباب بس انا صراحه ماعطيهم وجه علاقتي الحين معهم رسميه اشوفهم مره فالاسبوع ساعتين واطلع اهم شي اني اقوم بالواجب وبس تصدقين مره سوت لي مشكله على سبب تافه وحرقت قلبي وماخلتني افرح باول عيد لولدي عاد انا كنت زيك اتصرفت بدون تفكير ورحت فشيت خلقي بزوجي منالحره الي فقلبي قلتله امك ماراح ترتاح لين مااتطلق اوتجين جلطه منها واموت وبعدين ندمت اني قلت هالشي والله سوالف خالتي معي تصلح فلم اوروايه ماتتصورين وشكثر انا متعاطفه معك واذا تبين اي شي تراني حاضره وفي الخدمهوطمنيني عن اخبارك انشاء الله اسمع خبر انكم تصالحتوا وانشاءالله زوجك يتغير ويكون زي ماتبين اللهم سخر زوجي لي وسخر لجميع المسلمات ازواجهم اللهم امين

 

[سياسة التغيير]

آمين يارب العالمين ، وأنا لي شهر وثلاثة أسابيع ، وأنا مستعدةأسوي اللي قلتيه والدليل إني رحت اليوم زارا وخذت، لي لبس أحمر حلو، وأنا نحفانة مرة ، و خذت حليب مقوي ومزيد للوزن ، وقدمت اليوم على مداؤس أهلية وقبلوني ، راتبهم موب مقنع ، لكن ابضطر له عشان ألقى دوام يلهيني عن المصايب اللي بتقابلني إذا رجعت ومفكرة أصبغ شعري، أنا وودي أطول لأن أقاربهم بدوا يعرفون وهم يحبون اللقافة وتتبع الاخبار، خالتي نقطة ضعفها الناس لأنهم يدعون عليها وهي تمثل عشان تلغي الفكرة ، وخصوصاً خواتها، مافي وحدة تحب مشاكلها الزوجية تنتشر بس معرفة ناسهم ، ممكن تحميني في المستقبل لأن خالتي بهالشكل بتصير مكشوفة، اللي قاهرني أنه يقول بناتي لما تجي الشغالة بيرحون لأهلي في الاسبوع ثلاث مرات عالأقل وانتي عارفة هالكلام وش ممكن يجر ، نوميهم عندنا ، تعودنا عليهم وغيره وغيراته، كله عشان يتعودون البنات عليها هذا بالنسبة لي مشكلة ،لأني اكره طباعهم وتربيتهم، والله أن المدرسة اللي قدمت عليها بعيدة مرة ولاتسوى راتبها2500 بس كله عشان افتك منهم تعالي وأرجعي، بعدين أنا زيك حاولت أقنع زوجي ياما وتشاكلت معه بسبة هالعزايم بس قررت هالمرةأستخدم اسلوب ثاني وهو الصمت والاعراض اللي أدى لهالمشكلة وطلعتي لبت أهلي، بعدين ترى الللي مطلعني أبوي ،بعدين عرفت إني أنا شمالية غربية وهو جنوبي غربي ، وأكثر مايحبطه الاعراض...

 

[سياسة التغيير]

بعدين مستحيل ماأروح العزيمة ، وأخته وأمه مشتغلين تلفونات من عصر الله ، ومن قالك إني مارفضت، بس هاذي أوامر الماما لو مارحت بتصير كارثة ، وبتقول ممشيتك، أقل شي بيقول باخذ بناتي مالك كلمة عليهم وانتي انطقي فالبيت، ترى خالتي موصلة زوجي لحالة من العبط والحمق يرثى لها انت الرجال ، وانتبه تركبك وهاذول بناتنا موب بناتها ألخ ألخ ، بعدين انتي عارفة اني رحت لبيتي من شهر بجيب منه أغراض بدون علمه ، وتخيلي ورش شفت شي يخلي أي زوجة وأم تنهار لام ملابسي ومربطهم بأكياس الزبالة السوداء الله يعزك ومن يقرأ، والله أعلم إذغ كان هذا شغل رجال وإلا حرمة ، ومافي ولاقطعة من ملابسي في دولابي عارف اني بجي للبيت ومجهزهها كرسالة وهذا اللي مضحكني، لأن لو رجال حطها فبيت أهلي وجاب معها الورقة، واللي ضاغطني إذا جبت سيرة هالموضوع بيعرف اني دارية، وإذا ماجبت وتظاهرت اني مارحت للشقة بموووووووووووووووووووووووت قهر

 

[سياسة التغيير]

هاذي لحالها يبي لها تأديب ، انتي عارفة أن شغالتي جاية من شهر ويجيب البنات لنا بدون ماينزلها وهي معه، يعني شوفي وهاذي كلههههههههههههههههههههههههههههههههههههههههها حركات حريم إما بالتربية أو التحريض
وعرفت أنها تاخذ بناتي معها فمسايييرها وهم عندها وبدون أذني ،الناس يشوفون بناتي وأنا ماأعرف، ويجوني بملابسهم اللي كانت فشقتي
مين دخل بيتي وجاب ملابس بناتي من دولابهم ؟؟؟؟؟؟
حسبي الله على الظالم وجعلها تشوفها في بنياتها قدام عيني يارب
الله أكبر الله أكبر الله أكبر ممانخاف ونحذر الله أكبر عدد ذنوبنا حتى تغفر
أجل تقولها أمي ولدك يمد يده على بنتي تقولها ليش هو معلم عليها هذا ((ضرب سنة)) تبغى يعلم علي
تحكي عن السنة وبناتها مايعرفون الصلاة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[prnsesحلا]

شوفي ياقلبي الحقيقه انك امام خيارين ياما تسكتين وتحملين الي قاعد يصير او جربي تسوين الي قلتلك عليه وانشا الله باذ ن الواحد الاحد انه اموركم باتحسن وتراك غلطانه لاتتخلين زعلكم يطول وبعدين انتي وش الاهم عندك زوجك ولا خالتك تقولين ابطول لان الناس بدو يدرون وخالتي اكثر شي يضايقها ان الناس يدرون ترى كل ماطال زعلكم زوجك بيقسى عليك اكثر لاو بيحقد عليك وبيكرهك منالكلام الي قاعدين يحشون مخه فيه ولا تلقبن الحين زاد موقفك سؤ ء وتقوله شف زوجتك افضحتنا ومابقى احد مادرى انها زعلانه وسيرتنا صارت على كل اللسان انا اعرف هالاشكال مايرتاحون الالما يفرقون بينكم الله لايقولها انشاء الله والله يجعل كيدها في نحرها انشاء الله انا لو مكانك والله الحين اتصل بزوجي ولا اتركه لها تلعب بعقله والله المسكين تلقينه بيموت من شوقه لك بس الي عنده تلقينها محرمه عليه انه يراضيك وحالفه عليه مية يمين انه مايراضيك بساءلك خلافك معاهابس على المشاوير والطلعات اذا على كذا بس تحملي واذا اكثر لااياااااااااااااك اتحملين وبالنسبه للكلام الي قلتلك اياه ابغاك ماتقولينه لزوجك الا وانتي مقتنعه بكل كلمه تقولينها ماجاوبتيني هو ماحاول يصالحك

 

[prnsesحلا]

الهم فرج همها وسخر لها زوجها ورده لها ردا جميلا ياارحم الراحمين وكل من اراد بها سوء اشغله بنفسه الل ارزقها السعاه والطمانينه وبعد عنها كل مكروه واصلح لها ذريتها واجعلهم من البارين بوالديهم واقر عينها بزوجها واصلح لها شانها كله ولا تكلها لنفسها طرفة عين اللهم اااااااااااااااااااااااااااااااااااااااااااااااااااااااااااااااااااااااااااااااااااااااااااااامين

 

[prnsesحلا]

نسيت اقول لك انابعد زوجي جنوبي غربي سبحان الله وام زوجك زي ام زوجي بالضبط وترى زوجي زي زوجك طيب ويحبني بس مشكلته امه وهو متعلق فيها تخيلي يقول لي انا احب امي اكثر من ابوي مع ان خالي ابو زوجي عسسسسل ماشفت زيه انسان تخيلي وانا فالنفاس يتصل فيني كل يوم يتطمن علي وعلى ولدي ويسالني اذا محتاجه شي طبعا بدون ماتدري حرمه المصون والله يعاملني زي بنته ولا يوم ضايقني بكلمه لا والي يقهر انه مدلع خالتي على الاخر ومعيشها ملكه هي تامر وهو ينفذ تدرين انها كانت مقاطعه اهله وماتخليه يزورهم لا وحارمه هله يشوفون عيالها سبحان الله احس انهاتسوي كذا معي لانه تخاف يصير فيه زي ماسوت بام زوجها وعلى فكره ترى زوجك مافيه منه لاتضيعينه وش احسن يكون هو مو زين او امه موبزينه ترى انتي بتعاشرينه هو موب امه

 

[وردة فل]

اختي:يبغاني ضعيفه
قريت قصتك من أولها ,والبنات ماشاء الله عليهم ماقصروا في الحلول ,
لكن حبيت أضيف على كلامهم لاتنسين حبيبتي(سهام الليل)
والله انها لاتخطئ,جربيها واستمري عليها,الجئي الى حبيبك بالدعاء
في وقت نزوله في آخرساعات الليل,وفي أوقات الاستجابه,وأكثري من
الاستغفار والصدقه بنية تسخير زوجك لك...
وباذن الله سوف ترين النتيجة قريبا.

نصيحه:اقرئي مقالات الاستاذه ناعمه عن التعامل مع المتسلط
واقرئي قصص العميلات بتمعن لتستمدي منها القوه وتستفيدي
منها وسجلي في ورقه النقاط المفيدة لك في التعامل مع المحيطين بك,
وانصحك أيضا بقراءة كتاب[لاتكن لطيفا أكثر من اللازم] اعملي بحث
عنه في قوقل,,
واجعلي علاقتك رسمية جدا مع حماتك مع قوة الشخصية (التي يفتقدها زوجك)
وانحيه جانبا بقدر المستطاع عن صراعهم معك
ولاتنسي(العلاقة الرسمية؛قوة الشخصية ؛الصرامة)
في التعامل معهم..

وفقك الله في دينك ودنياك وأعاد لك زوجك وبناتك,,

اختك وردة فل,​

 

[البحر غدار]

طمنينا شو صار معك

 

[سياسة التغيير]

الله يجزاك خير ياوردة فل بسوس كل اللي قلتي لي عليه ، وبالنسبة للكتا ب ألحين بدوره، وسهام الليل معاي طول الوقت وأكيد بتصيب

 

[سياسة التغيير]

مشكورة أختي( البحر غدار) على مروروك الحلو وانشالله بطمنكم جميعاً

 

[سياسة التغيير]

هو لما جا ياخذ البنات في الأسبوعين اللي فاتوا قال لأبوي ليش ماتجي معاي لأن الموضوع انتهى، موب شايفة أنه شينة في حقي أني أناديه أنا واتفاهم معاه ألحين أحس اني بحط راسي تحت رجله هو وأمه

 

[سياسة التغيير]

وبتقوله شفت زي ماقلت لك هي اللي بتجي، أبوي لما راح لهم قاله الله الله في أمك بس برا حياتك الزوجية وضرب له أمثلة كثير حتى أبوي ضرب له مثال في نفسه ، وأنا كلمت خالي في التليفون وكان سلبي كثير، أبوي يقول ان خالك ذهب بس مشكلته زوجته ،وهو قالهم أنا سويت خمسسين بالمية من الموضوع والباقي عليكم يجي ولدك وأمه ويتفاهمون مع البنت، وتتعهد أمك تطلع من حياة البنت، بس للأسف لألحين ولا خطوة غير اللي قلت لك من شهر كامل