بادئ الموضوع تاريخ البدء
  • المشاهدات 14,411
  • الردود 243
إنضم
1 يوليو 2008
المشاركات
129
مستوى التفاعل
0
النقاط
0
يابناااااااااااااااااااااااااااااااااااااات اللي بتشور علي بدعي لها و عندها خبرة تطمني لأني في بداية حياتي وماأبغى اتطلق :icon1366:
الحكاية بأختصار اني تزوجت رجل هو البكر في عائلته ، وأمه تعزه كثييييييييييييييييييييييير وتغار عليه كثير لأنه بالنسبة لها كل شي ، بحكم اهمال زوجها لها اللي هو طبعاً خالي أبو زوجي، يعني الحرمة بالمعنى العامي ((نسرة)) وزوجها هاج منها ،واللي راح فيها أنا طبعاً لأنها تتعامل مع زوجي على أنه زوجها،المهم مرت أول سنة اللي تخللها طبعاً حملي:no: وأنا متحملة خالتي اللي مابقى إلا تطب تنوم معنا فالسرير ، أقول يابنت معليش أمه -بكرها- حبيبها- متعودة عليه- وألفها من هنا ومن هنا ،المهم ولدت بعد سنة وشهر من زواجي بتوأم بنات :clap:وطبعاً خالتي مااااااااااااااااااااااااااااااااااااااااااااااتت وبدأت الحرب المعلنة، خصوصاً أن بنتها ماتنجب من ثمان سنوات يعني الغيرة اشتغلت صح وبدال مايكون لي خصم واحد صار لي خصمين وياقلبي لاتحزن ........
حياتنا اندمرت اكثر واكثر بعد ماجو هالبنات بدال مايكونون رابط أقوى مثلنا مثل أي زوجين، لكن وش تقولون في الغيرة وفي كيد حواء اللي طلعت آدم من الجنة،،،،،،
وابتدينا على مرتك ماتمشي على طوعك ومرتك ماتحبنا ومرتك ماتمشي معنا مع العلم انهم يادوب معاهم ابتدائي وأنا معاي دراسات عليا بس وراهم وراهم في كل مكان ولا يعجبهم العجب ولا الصيام في رجب، ان جيت مرة بالأسبوع ليش ماجت مرتين؟؟؟
وان ماحضرت عزيمة ليش ماحضرت؟؟؟ وان حضرت ليش مادخلت معنا ؟؟؟ وان دخلت ليش ماضحكت ؟؟؟ وان ضحكت ليش ماحكت ؟؟؟؟؟ وياااااااااااااااااااااااااقلبي لاتحزن:crazy: المهم هم ناس شرانييين ومعروفين بهالشي عند كل العالم بس احنا ماسألنا كويس والأدهى والأمر ان زوجي الطيب مايقدر على زعل أمه وأمه هاذي لاعبه فينا لعب هي وأخته العقيم ، والحللللللللللللللللللللللللللللل ياعالم أنجدوني
زوجي ماعاد يتحمل ضغطهم عليه ورفضي أنا لأوامرهم وضاع بيننا وصار من الضغط يمد يده علي وهو والله يحبني موووووووووووووت ،بس يضرب واحد ولايقنع عشرة اللي هم أهله طبعاً ، أنا طلعت عند أهلي كذا مرة وهالمرة أبوي طلعني وقرررت أطلب الطلاق البنات عمرهم 8أشهر والله راحمتهم وجدتهم ميب راحمتنا ، لدرجة أنها ماصدقت أني عند أهلي وصارت تاخذ بناتي مني وتنومهم عندها ليالي وماخذة شغالتي معهم عشان تضغط علي وتحرمني منهم ،،
ومكلمة على أمي تقولها إذا مارجعت ترى بأخطب له ،،،
وهالحرمة كانت تبي تاخذ مني بناتي وأنا مع ولدها لأنها محرومة من أنها تصير جدة من ثمان سنوات كيف لما أترك ولدها ..



هل أرجع لها الرجال؟؟؟
وكيف اتصرف مع أمه لورجعت؟
 
إنضم
1 يونيو 2008
المشاركات
99
مستوى التفاعل
0
النقاط
0
الإقامة
في قلب من أحب
غاليتي خليه يجي يم أهلك وكلميه وقولي له زعلك ماهو من أهله

زعلك أنه مد أيده وأنك بترجعين بشرط مايمد يده عليك لو وصلت فيه العصبيه

والزعل ذاك المواصيل واللي يحب زوجته مايمد أيده وقولي له أنت ماخذني من بيت أهلي ماخذتني

من الشارع وأنك متربيه وتعرفين الأصول في أحترامك لأمه

ورجعي عشان بناتك حرام والله يشوفون هالشي وهم تو صغار

وماعليك لو رجعتي أن ماتحتكين فيهم أكثر من اللأزم ولك زياره وحده بالأسبوع وماأنتي مسؤله

عنهم المسؤل هنا ولدهم وماتحاولين تذكرينهم عنده بشر أو غيره عيشي حياتك

وهذا الشي راح تشرطينه وقت مايجيك من باب تفادي المشاكل وأنك ماتبين تعرضينه هو

للمشاكل بينك ويخسرك وتغضب عليه أمه بيني له أن لك حق وأمه حق بس من دون


أن يفتح إذنه للقال والقيل وأنك تحاسبين تصرفاتك من ربك قبل تحاسبينها أنها أم زوجك


وهنا مسؤليه الرجال كبيره لأنه الأكبر وتشوف فيه زوجها وولدها يعني لاتحاولين تذكرين

قدامها روحاتك وإلا أيش جاب لك أو عطاك تجنبي أي شي يسبب لها الغيره
وكلميها قدامه وعطيه بنفسه يوصل لها الهديه
يمكن هالشي يأثر فيه مباشر ويشوف اللي مايشوفه

أكسبيها عشان تكسبين زوجك وراح تشوفين بعينك كيف راح تخف المشاكل بالتدريج


والله والله ترا العمات حليوات لو بلغ فيها ذاك المبلغ لو شافت زوجة ولدها بعين بنتها


يعني أنتي حسبة أمي وشوية هدايا وشوية كلام حلو لها لاتركزين على الأمور التافه


خلي بناتك عندها لو عندتي راح تعاندك ويمكن بالمستقبل يفيدك لو بغيتي تسافرين أو تطلعين

مع زوجك يكونوا بإمان مع جدتهم


وربي يوفقك ويصلح ذات بينكم طمنينا على رجعتك بإذن الله
 
إنضم
19 مايو 2008
المشاركات
111
مستوى التفاعل
0
النقاط
0
اختي تبي نصيحت ارجع لان الرجال ما فيه شي ينعاب
لكن امه المشكله يعني كان زوجك يبي راحت البال لا يخلي اي وحده فيكم تلتقي بالثانيه
يعني كل واحدة فيكم ما تجي الثانيه ولا تلتقي
اختي بكرا تزوجه وتاخذ بناتك وانتي تجلسي تتموتين في اليوم ميت موته وانتي تبي بس تشوفينهم
وبعدين روحي على موضوع المتسلط للاستاذه موزه كتبت عن الحماة المتسلطه وكيف التعامل معها
 

وصيت قلبي~~

New member
إنضم
12 مايو 2008
المشاركات
350
مستوى التفاعل
1
النقاط
0
هلا اختى
وربي مافيه بيوت ماتخلى من مشاكل ام الزوج
فما بالك ام محرومه من زوج يهتم فيها ومحرومه تشوف ذريه بنتها لاتكونين مع الزمن عليها وتحرمينها من بنات فلذه كبدها
حبيبتي
فكري في شغله قبل ماتزعلين انتي اذا ربي اطال بعمرك بتشوفين اللي تسوينه في خالتــــــــك وربي انه دين وسيرد
لك فكري حتى في شوفه نفسك وهي ماتدري عن اللي بنفسك بيجي يوم يطلع فيه الاحسن منك .......
اشغليها بالهدايا بالمديح احبيها اجعليها امك الثانيه اذا رحتي لها خذي معك قهوه شي يصلح لها اكل يصلح
وراح تتطمن ان ولدها قريب منها
وتحبــــك
وبالنسبه لزوجك لايسمع منك انتقاد في امه ولا اهله
هذه نصيحه اذا اردتي ان تحافظي على بيتك ربما مشاكلك مع زوجك انتى السبب فيها لذا تغاضي وسامحيه بعد مايجي ويعتذر
وكلام امه مجرد تهديد لاتعلم الى اي مدى يكون وقعه في نفسك والله اعلم
 

يمانيه

New member
إنضم
10 مايو 2007
المشاركات
351
مستوى التفاعل
0
النقاط
0
العمر
40
هلا اختى
وربي مافيه بيوت ماتخلى من مشاكل ام الزوج
فما بالك ام محرومه من زوج يهتم فيها ومحرومه تشوف ذريه بنتها لاتكونين مع الزمن عليها وتحرمينها من بنات فلذه كبدها
حبيبتي
فكري في شغله قبل ماتزعلين انتي اذا ربي اطال بعمرك بتشوفين اللي تسوينه في خالتــــــــك وربي انه دين وسيرد
لك فكري حتى في شوفه نفسك وهي ماتدري عن اللي بنفسك بيجي يوم يطلع فيه الاحسن منك .......
اشغليها بالهدايا بالمديح احبيها اجعليها امك الثانيه اذا رحتي لها خذي معك قهوه شي يصلح لها اكل يصلح
وراح تتطمن ان ولدها قريب منها
وتحبــــك
وبالنسبه لزوجك لايسمع منك انتقاد في امه ولا اهله
هذه نصيحه اذا اردتي ان تحافظي على بيتك ربما مشاكلك مع زوجك انتى السبب فيها لذا تغاضي وسامحيه بعد مايجي ويعتذر
وكلام امه مجرد تهديد لاتعلم الى اي مدى يكون وقعه في نفسك والله اعلم
الله يجزيك الجنه ع هالنصيحه
ويا اختي العزيزه اذا الله انعم عليكي بالذريه لا تقولين اخته العقيم ولا توصفين أمه بالنسره
مثل ما قلتي محرومه من زوج ومحرومه من أحفاد
وحاسه انك انتي اخذت ولدها اللي كان ما يهتم ولا يحب غيرها
وصارت تغار منك
هي حرمه كبيره داريها وعامليها بالطيب والحسنى ومهما تقول لا تردين عليها
توجهي لارضائها واحتسبي الاجر
وعيشي بين زوجك وبناتك
واعيني زوجك ولا تضغطين عليه فوق ما هو مضغوط لانك راح تكونين انتي الخسرانه
وبالتوفيق
 
إنضم
1 يوليو 2008
المشاركات
129
مستوى التفاعل
0
النقاط
0
ياناس انتو ماانتو فاهميني ، أنا اتعامل مع هالمرة بنفس الطريقة اللي انتو تنصحوني فيها، أداريها وأناظر خاطرها وماأجيها الا ومعي قهوة وحلا، وأمثل أحياناً أني اموت فيها عشان رضازوجي، لكنها لما شافت طيبتي ماحبتني بالعكس تمادت وصارت تطلب مني تضحيات موب مفروض ان الزوجة تقدمها أساساً لحماتها وربطتها بحياتي الزوجية،مثل((المرة اللي تحب زوجها المفروض تمشي مع أهله أياً كانوا، وتجي وتجيب بناتها المتزوجات وتنام عندي أول ماطلعت من النفاس ))عشان تنكد على وعلى ولدها...
أفهموني ياجماعة المرة هاذي تكايدني كأني ضرتها ، وماتخاف الله فيني، بدليل أنها ماخذة بناتي ألحين مني، وانا أكلمكم ألحين وبناتي عندها..
حرام عليكم أنا أم بعد وهي مالها أي حق فيهم..
هذا بدال ماتقولون لي أنو ربي بيجازيها أنو بناتها يصير فيهم نفس الشي، أنا كويسة مرة مع هالحرمة ووطيت على نفسي كثير وهذا جزائي ، خربت بيتي وخذت بناتي وشتتني أنا وعيالي وزوجي..
هذا حتى لفظ أم حرام يطلق عليها ، لأنها لو أم كان ماسوت فيني وفي ولدها هالشي كله عشان نخضع لسلطتها وطريقة حياتها وأتخلى أنا عن دوري كأم وأخليها تربي بناتي..
زي تربيتها لعيالها تربية مهزوزة ومافيها ثقة بالنفس وناس مسيطر عليهم وعلى أفكارهم حتى زوجي وهو الولد الكبير موب عارف ياخذ قرار واحد فحياة الزوجية اللي هو السيد فيها مريح مخه ومخلي القرارت لها ..
برأيكم في حرمة منكم تقدر تعيش هالحياة حياة تدار بالريموت كنترول من خارج المنزل.
أساساً أنا كيف احترم زوجي..
 
إنضم
1 يوليو 2008
المشاركات
129
مستوى التفاعل
0
النقاط
0
أبغى الراي السديد منكم ، أنا أفكر جدياً بالطلاق، من الصعب الوحدة تعيش مع رجل خواف ومن مين من حرمة، كيف بيحميني وبيحمي بناته بعدين...
 
إنضم
1 يوليو 2008
المشاركات
129
مستوى التفاعل
0
النقاط
0
أشكرك ياأختي أميرة لكن فقيرة على ردك الحلو ونبتك الحلوة،وصدقيني لو جتني مرة ولد تسوي معاي زي اللي أنا أسويه مع خالتي ألحين يافرحتي ياهناي، لأني أعاملها أحسن معاملة وزوجي عارف هالشي وهذا اللي قاهرني ألحين من اللي يصير لي ....
لكن ياحبيبتي المسألة موب مسألة بر المسألة مسألة سيطرة على أفكاره وقراراته ،والدليل إني عن أهلي ألحين بكمل شهرين وهو غلطان ولا عرف يجي ويصلح الامور، أنا أعرف زوجي مايصبر عني ولا يسوي هالتصرفات إلا أحد وراه
 
إنضم
1 يوليو 2008
المشاركات
129
مستوى التفاعل
0
النقاط
0
افهموني المرة قاعدة تقرر وين نروح ووين نجي، وكيف نربي عيالنا ووش نأكلهم ووين نوديهم والمفروض أنها أول ماتدق علي أكون عندها بظرف دقيقة، والمفروض تجين عندي أكثر من أهلك، وين هذا من الدين وإلا من الشريعة، وايش له علاقة بزوجي وبالعقد اللي بيني وبينه
 
إنضم
14 مايو 2007
المشاركات
2,550
مستوى التفاعل
0
النقاط
0
الإقامة
السعوديـــــــة
حبيبتي انا حاسه فيك

تدرين قصتك ذكرتني بروايه قد قريتها

نفس التسلط نفس المعامله نفس الاحداث

تدرين وش صار بالنهايه طاحت هالعجوز مشلوله

ومين ساعدها زوجة ولدها الضعيفه وعلى الفكره زي هالنوع تري مايهمهم تزوج ولدها من وحده

ثانيه وتريح راسها وماعاد تشوفين بناتك

اذا مارجعتي له انتي الخسرانه والله انتي اللي بتخسرين

بعدين زوجك انتي اللي قلتي بنفسك تربيته مهزوزه

وتحت يد ام متسلطه ومن دون ابو يعني امه هي ماسكه الدورين

دور الاب والام والزوجه زي ماتقولين يعني كيف تبينه يغير شي

مابيده يغيره تسلط امه من يوم ماانخلق وهو يعيش معها

وياما سيطرت عليه وعلى حركته وعلى لبسه واكله وشربه ونومه وقعدته وطلعته

وهو ولدها الكبير كل الحريم العجايز كذا ماادري ليه يزوجون عيالهم اذا هم ماهم قادرين يستغنون عنهم

بس انتي وش عليك منهم هي كذا انخلقت متسلطه وعاشت متسلطه وبتموت متسلطه

انتي ماتقدرين تغيرين فيها

واخته كذا انخلقت عقيم وبتعيش عقيمه وبتموت عقيمه

وزوجك ماراح تقدرين تغيرينه اذا هذا طبعه قبل ماتتزوجينه

اكيد راح يستمر عليه

بس انتي عارفه وش مصيرك اذا عندتي

انتي اللي في النهايه راح تخسرين بيتك زوجك بناتك

ويازينك وانتي مطلقه تعرفين وش معنى مطلقه

الدنيا والناس مايرحمون ولا اذا هذي شخصية حماتك

مااقول غير تحلمين تشوفين بناتك اذا تطلقتي

وحتى لو رحتي محاكم وجيتي البنات بيجلسون 7 سنين بالكثير

وهم راجعين لها واذا تزوجتي احلمي تشوفينهم

انتي اللحين مانتي لوحدك علشان تفكرين بالمشاكل انتي

مسؤوله عن بنتين مااعتقد انهم راح يسامحونك لانك ابعدتيهم عن ابوهم وعن جو الاسره

وبعدين هالعجوز ماتدرين كم باقي لها في الدنيا

وموت الكبار في السن صاير كثير هالايام وكل شي بأيد الله

بس انتي ان شاء الله ربي بيكتب لك عمر طويل وانتي صغيره والعمر قدامك

عيشي حياتك وارجعي لزوجك وقولي زعلك منه علشان مد يده

بس وارجعي واستحملي ولك الاجر ماعليه بتقولين راح الصبر

جيبي صبر ثاني وثالث ورابع واحمدي ربك انها ماهي معك

في نفس البيت

خذي نصيحتي بكره والله تتحسفين لو عندتي وزوجت زوجك

يصير بدال الشريكه اللي هي امه شريكتين

ويصير بدال ماهم امه واخته عليك يصير في طرف ثالث بعد

وتشاركك في الصغيره والكبيره

الله يوفقك ان شاء الله ونبي نسمع خبر حلو انك رجعتي لبيتك

لان بناتك مالهم ذنب وعلشانهم حاربي اي قوه تواجهك
 
التعديل الأخير:
إنضم
1 يوليو 2008
المشاركات
129
مستوى التفاعل
0
النقاط
0
جزاك الله خير يادلوعة بلقيس وشكراً على مرورك الراقي ..

بس تتوقعين لو استمريت معه ، راح أربي بناتي زي كل الأمهات براحتي ، راح يصير الموضوع بدل مايكون شخص واحد مسيطر عليه ، عائلة كاملة، تتوقعين هذا عدل
أرجع وأقول سيطري على حياتنا ياخالتي وقرري بدال زوجي، تتوقعين أستاذة ماجستير ترضى أنو امرأة أمية تقرر لها حياتها ، شايفة هذا شي طبيعي .....
ليش ماأصارح زوجي بالواقع وأقوله تبغاني كذا وبدون تدخل من أمك والا أنا فبيت أهلي مرتاحة ، وأحل مشكلتي جذرياً
أنا مظلومة والله عارف هالشي وبينصرني..
 
إنضم
1 يوليو 2008
المشاركات
129
مستوى التفاعل
0
النقاط
0
أنا بها الطريقة موب قاعدة أحارب القوة اللي تعترض حياتي الزوجية بالعكس أنا قاعدة أستسلم لها تماماً
 
إنضم
14 مايو 2007
المشاركات
2,550
مستوى التفاعل
0
النقاط
0
الإقامة
السعوديـــــــة
ياعزيزتي ابدا لاتخلين وحده مثل هذي تخرب بيتك مهما كانت الاسباب

قلبي انتي مو من الشارع انتي بنت ناس ولك اهلك ويحبونك ومرتاحه عندهم

وهذا الشي حلو جدا

والغلط راكب زوجك من راسه اللين رجوله والا يترك حبيبته وزوجته وام بناته شهرين

وهو يحبها ويموت عليها الا لسبب وهو امه

بس حياتي خليك حقانيه شوي لو ام زوجك ماهي موجوده بحياتكم

كان ضربك كان تركك شهرين كان صار مثل الدميه غيرها يحركها

كان هالمشاكل موجوده كان داس على اعصابه وعلى رجولته وعلى كرامته

وعلى بيته شفتي كيف طبعا اجابتك راح تكون لا لانها لو هي ماهي في حياتكم

كان كل اللي صار واللي بيصير مو موجود

هذا ان دل على شي يدل على ان زوجك ماله ذنب هو مسير مو مخير

خلاص تعود كذا وبيستمر كذا اللين مالله ياخذ امانته واللي هي خالتك وترتاحين

انا حاسه فيك والله حاسه اشين ماعلى الانسان انه ينظلم وينهان ويسوي المستحيل ولا

يقدر يرضي

كل اللي تسوينه زي لما تمسكين حفنة رمل وتنثرينها في البحر

يعني كل شي تسوينه ماتطلعين بنتيجه

خليها شيليها من بالك لاتنزلين لمستواها ربك فوقها وفوق كل ظالم

ونهايتها شينه وبيجي اليوم اللي تشوفين فيها اللي يرضيك

لا الله ولا عباده يحبون الظلم بس انتي

زوجك يحبك وبناتك بعد مالهم ذنب انك تعيشين بعيده عنهم ولا حتى انتي

مالك ذنب حبيبتي

عيوني مافي حل غير انك ترجعين والله هو الحل المناسب مهما كان

انتي تقولين

بس تتوقعين لو استمريت معه ، راح أربي بناتي زي كل الأمهات براحتي ، راح يصير الموضوع بدل مايكون شخص واحد مسيطر عليه ، عائلة كاملة، تتوقعين هذا عدل

لا هذا مو عدل بس انتي تتوقعين عدل انك تخلين بناتك بيد وحده ماترحم 24 ساعه

طول الوقت معاها وانتي عنصر زائد بس ينقال لك كلمة ماما من بعيد

طيب فين اهون عليك يعيشون معاها طول العمر بساعاته ودقائقه وثوانيه

ويتعلمون منها ويمكن يقولون لها ماما وترسخ عندهم مبادئ الشخصيه

المهزوزه ترضين والا يعيشون معك بسيطرتها اللي ممكن انك تغيرينها

وتشطبين شي وتعدلين شي بناتك وانتي ربيهم خليها تقول تتكلم

تتشرط بكره بناتك يعرفون ان انتي الصح وهي الغلط هذا اذا عاشت

لبكره بس لما هي تربيهم بترسخ في عقولهم اشياء ثانيه وطاقات

عندها باقي مافرغتها هذا اذا ماكرهتم فيك فكري للمستقبل لاتفكرين

لبكره ولا لبعده ولا لسنه الجايه ولا للي بعدها فكري لقدااام لبعيد

انتي استاذة ماجستير مو جاهله علشان تحسبين حساب بكره وبس

وين الطموح والامل الاصرار والمثابره العزيمه والجد

وين راحوا ماعليه تحملي

كثير ايام تمر علينا نخير بين امرين ويكون كل الاثنين سيئين

بس لازم نختار لازم نقرر وش نسوي طيب

نضطر نختار الاقل سوء كثير وخاصة ً هالايام

كاثر الظلم وداخل في كل شي وين ماتروحين

الظلم موجود طول ماهالبشر عايشين

بس في فوقهم اللي اقوى منهم واللي خلقهم

بس لازم التنازلات كثير كثير مررره نتنازل وندوس

على كرامتنا مره واحتياجاتنا مرااات علشان تمشي الحياه

في كل مكان في عنصر مسيطر ولازم نعيش علشان تمشي الحياه

في المدرسه الا مايصير في مدرسه مسيطره

تطفشك وتكرهك دراستك بس وش تسوين

تكملين توقفين حياتك العلميه علشان شخص لا

تضغطين على نفسك وتصبرين وتصبرين اللي ماتنتقلين لمرحله

ثانيه وينفرج حالك

في الجامعه كثير بنات ينفرض عليهم تخصص معين بس مااستسلموا

ليه علشان مايجلسون في البيت وينتهي مشوارهم الدراسي

بشهادة ثانوي يضغطون على نفسهم وعلى رغبتهم واحتياجاتهم

ونفسيتهم ويكملون ويخلصون بشهاده ترفع راسهم

و..و..و..و..الخ

مليانه الدنيا بامثله واشياء تشيب لها الراس

خليها على ربك بس انتي

لا تسوين زي اللي مو عاجبها تخصصها وجلست

في البيت واليوم تعض اصابع الندم

كل اللي حولها وكل اللي تعرفهم جامعيات وهي لا

لا تسوين زي البنت اللي تزوجت وتطلقت

وصارت هي المطلقه مابين خواتها وصديقاتها وقريباتها

وعيالها بعيدين عنها وهم مع عيالهم مرتاحين مع اني مااشوف بيت

ما يخلوا من المشاكل

تخيلي نفسك تسوقين سياره اوكي وهي سيارة حياتك

تحطين في بالك كل الاحتمالات اللي ممكن انها تعترض طريقك

صح اللحين لو صار ولقيتي مطب او اي شي مرتفع يعترض سيارتك

خلاص انتهى امرك ماعاد تعرفين وش تسوين لازم تفكرين

انك تتخلصين من هالموقف علشان تكملين مشوارك وتمشي سيارتك

ومافي شي مستحيل ابدا

وماعليك غير انك ترجعين وتدعين ان ربي يفكك منها

ويشغلها بنفسها او تموت وترتاحين ويرتاح زوجك

وكل شخص هي مسيطره عليه

والله ياعمري لا تخربين حياتك علشان وحده ماتستاهل منك

كلمه وحده كبري عقلك وتعاملي بمنهج العقل مو العواطف

والاحاسيس لان الوضع تغير ومافي مجال للعاطفه اللحين

انتي ام مو لحالك بناتك محتاجين لك وانتي بعد

وخاصة في هذي الفتره فترة التربيه وترسيخ المفاهيم

من شهر الا 3 سنوات كل ام تحرص انها تكون

بجانب اطفالها وتتحدى كل العالم علشانهم

والله انا اعرف وحده من قريباتنا

كل حياتها ماخذتها بالعناد

وماكانت تفكر ابدا تفكير منطقي كل شي عندها تسويه كذا

على باب الله بس انا ماأللومها لأنها اميه وزياده على كذا

عاشت مع ام متسلطه ويتيمه بس لما تزوجت كان تسمع لامها في الصغيره والكبيره

وهي ماكانت تفكر بعقل وتعاند زوجها عناد وجابت 5 اولاد

وبعد عشره طويله ماتقل عن 12 سنه طلقها زوجها

وجالسه عند امها في منطقه وعيالها في منطقه ثانيه

تدرين وش صار تركت عيالها في سن حساس

مابين 9 سنين والسنه واخذت معاها الطفل اللي عمر سنه

وتركت واحد عمره سنتين وشوي مع ابوه

المهم ياقلبي ان طفلها اللي عمره سنتين ونص

كبر ودخل المدرسه وعاش طول هالفتره من دون

ام ترعاه تحضنه تحتويه تفهمه تعرف رغباته

دخل المدرسه لا اهتمام ولا اي شي

لانه فاقد عنصر اساسي اللي هي امه

المهم ان هالولد فاقد حنان امه واهتمامها

ورعايتها رسب وعاد في الصف الاول الابتدائي

3 مرات تخيلي والسبب شي بسيط ان مافي احد

يقوله ياماما روح ذاكر تبيني اساعدك جوعان شبعان خايف

مرتاح يكفي وجود الام حتى لو كانت اميه

والعيال الثانين الله اعلم بحالهم كل واحد له حال

والله يكسرون الخاطر وهي تكسر الخاطر اكثر

وولدها اللي كان عمره سنه وجلس معها كل اخوانه

يكرهونه لانه عند امهم وهم لا

شفتي كيف

لا تقولين وين ابوهم مافي احد يهتم فيهم انا اقولها لك

اذا الام ماهي موجوده لا تتوقعين من اي شخص ثاني انه يهتم في اطفالك

لان مافي احد يفهم عيالك غيرك

تدرين لو بيدها ترجع كذا بس ديكور بالبيت بس تكون مع اولادها

وترتاح بوجودها معاهم وهم بعد وهذولي

اولاد مابالك بالبنات اتوقع انهم ماراح يسامحونك

لانك بعيده عنهم والله اذا هذي جدتهم لا بيشوفون خير

ولا بيعيشون بخير ولا بيذوقون لسعاده طعم

على الاقل وجودك انتي يمثل حاجز امان

يحميهم من جدتهم المتسلطه لانها تحس

انهم بناتها مو بناتك فتوقعي منها

اي شي وكل شي بس بوجودك انتي تقدرين

تحلين وتربطين وتعدلين وتبدلين بس لما يكونون

تحت يدها وقدام عيونها انا اقدم لك تعزيتي في بناتك

شخصيه مهزوزه بنات مسيرات تربيه فاشله وعيشه نكد

مافي ام معهم مافي ام تحميهم لو راحوا عند ابوهم نفس الشي

نفس التربيه مالهم ذنب تجيبينهم وترمينهم للنار

طولت عليك بس اتمنى من كل قلبي تفكرين بعقل

وبكل عقل لسنوات بعيده بين يدك وردتين

وردتين مليانين حياه وبرائه وطفوله

وسعاده لاترمينهم تحت رجول ناس ماترحمهم وتدوس عليهم

انتي جبتيهم وانتي لك الحق فيهم
 
إنضم
29 يونيو 2008
المشاركات
60
مستوى التفاعل
0
النقاط
0
أنا مع كلام اختي ( دلوعة بلقيس ) كلام منطقي ماشاءالله عليها وعقلاني بعيد عن العواطف الي تتكلمين عنها أختي( يبغاني ضعيفه ) أنتي لأني مثل مايقولون عايشه المشكله الأن صايره ماتسمعين غير قلبك بس ولا تفكرين الأبقلبك بس فأنتبهي أختي أم التوأم راجعي حساباتك من جديد وابعدي عن عواطفك في الفتره هذي شوي وحاولي تحكمي عقللك وتفكري في المستقبل والبيوت كلها مليانه مشاكل ومافي أحد خالي صدقيني ومن شاف مصيبة غيره هانت عليه مصيبته راجعي حساباتك مره ثانيه
ولاتنسين قبل كل شي استعيني بالدعاء في كل خطوه من خطواتك وان شاءالله ربي بسهلك امورك
 

همس وفاء

New member
إنضم
18 فبراير 2008
المشاركات
30
مستوى التفاعل
0
النقاط
0
ابختصر لك ياقلبي انتي متاكدة من حبك لة وحبة لك والي يصير بنكم من تدخل اهلة
فياغاليتي لاتنهزمي وتخليهم يتهنون انهم خربو عيشتك ارجعي لزوجك مو مكسور لالالالالالالالا
خليه يعرف قدرك وقيمتك وبعدين حاولي ياقلبي بطريقتك تبعدينه عن اجواهم واللة يحقق لك منكاك
بس ضناك لاتشاورين احد فية شاوري قلبك وهو يدلك وان مع العسر يسر
 
إنضم
1 يوليو 2008
المشاركات
129
مستوى التفاعل
0
النقاط
0
الله يعطيك العافية يادلوعة بلقيس كلامك يجنن ودفعني لقدام،أي والله عشان عيالنا نسوي كل شي،ونضحي،ونعض عالجمر، بس ادعولي ربي يسخر زوجي لي ويشغلها بنفسها وببناتها
 
إنضم
1 يوليو 2008
المشاركات
129
مستوى التفاعل
0
النقاط
0
مشكوووووووووووووووووووووووووووووووووووووووورة حبيبتي همسة وفا على مرورك الجميل
 
إنضم
14 مايو 2007
المشاركات
2,550
مستوى التفاعل
0
النقاط
0
الإقامة
السعوديـــــــة
اشكرك عنفوان امرأه تسلمين ياقلبي

ــــــــــــــــــــــــــــ

حبيبتي يبغاني ضعيفه


الله يوفقك يارب ويسعدك ويفتح لك ابواب السعاده والفرج

امين

ريحتي بالي وقلبي بكلامك ايه هذي النتيجه اللي

ابيها انسانه فاهمه واعيه واستاذه رائعه

تفكر بطريقه عقلانيه

وراح ادعيلك من كل قلبي

يا ودود يا ودود، ياذا العرش المجيد، يا مبدئ يا معيد،

يا فعالا لما تريد، أسألك بنور وجهك الذي ملأ أركان عرشك،

وأسألك بقدرتك التي قدرت بها على جميع خلقك،

وأسألك برحمتك التي وسعت كل شيء، لا إله إلا أنت،


يارب العالمين اللهم اني اسئلك بكل اسم هو لك سميت به نفسك

او انزلته في كتابك او علمته احد من خلقك

واسئلك بعدد من سجد لك في بيتك الطاهر

ان تفتح ابواب الرزق لحبيبتي واختي ام التوأم

وتقر عينها بشوفت بناتها وزوجها

وتسخر لها زوجها وحبيبها وتبعد عنها

شر من عاداها وترد كيدهم في نحرهم

يارب اشغل ام زوجها في نفسها يارب
 
إنضم
1 يوليو 2008
المشاركات
129
مستوى التفاعل
0
النقاط
0
مشكووووووووووووووووورة حبيبتي دلوعة بلقيس على الدعوة اللي تريح القلب ، بس إذا جاني يتفاهم أنا محتارة أقوله ايش بالضبط أنا شايلة فقلبي كثير بعد الشهرين اللي فاتوا ، وبدال ماأحكي في النتائج اللي وصلتنا لها أمه واللي هي مشكلتنا مدة اليد والاهانات قدام البنات ، أحس اني بحكي طول الوقت عن أمه وأخته وطريقته هو بعدم الاحساس بتأثيرهم ، وخايفة أهينهم وأجرحه، أبغى أكون عقلانية قدر الامكان وماأبغى العاطفة واللي صار بعد قعدتي في بيت أهلي وأخذهم لبناتي يأثر على كلامي،،،،،،،،،،،،،،،،،،،،،،،،
اللي صار بيننا هالمرة شي كبير كان بيوصل للطلاق وادخلوا فيها أهلي وأهله أبغى أستفيد من هالشي بقدر الامكان وأطلع بالنتيجة المرجوة دون ماأجرح أحد بالعربي أبغاها يصحى للي قاعد يصير حوالينه..
ساعديني يادلوعة..
 
إنضم
1 يوليو 2008
المشاركات
129
مستوى التفاعل
0
النقاط
0
الله يرزقك من حيث لاتحتسبين يادلوعة ، ويسخر لك زوجك ويخلي لك عيالك يارب ، ويحبب خلقه فيك
 

كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى