أستاذة ناعمة ساعديني الله يخليك ........ ويابنات أبي فزعتكم

[عذبة أنتي]

أختي يبغاني ضعيفة فكرتيني بنفسي لكن احمدي ربك انك في سكن مستقل و بعيدة عنهم وبالتالي راح يكون تأثيرك على بناتك اقوي صدقيني انا في نفس البيت والحمدلله ولدي عمره 8 شهور ومتعلق فيا بدرجة تثير غيرتها زكانت احيانا تستفزني وتاخدو مني ومثلا تعطيه اكل ما يناسب عمرو او تحممو في الشتاء في المطبخ والولد يبغى يموت برد ويبكي وانا ابكي وهى تضحك لكن انصحك بطريقتي لاني انا قعدت في بيت اهلي 4 شهور وعندما رجعت بيتي داومت على صلاة الليل والدعاء وقراءة البقرة ودايما ادعي اللهم اشغلها في نفسها واحيانا سرت انزل ولدي مع زوجي وانا ماانزل لمن تدري اني ابغا انام او ارتاح تطلع الولد تاني صدقيني عشان اولادنا كل شي يهون اذا على قولك اولادها ومهملين ما تدري عنهم راخ تنتبه لبناتك حاولي انك تركزي على زوجك وتبعدي عنها وماتردي عليه وخليك دوما مع الله وعشان البنات كل شي يهون

 

[بيالة شاي]

لكن وش تقولون في الغيرة وفي كيد حواء اللي طلعت آدم من الجنة،،،،،،

الله يعينك وفعلا مشكلتك صعبه ...وان شاء الله تلقين حل

ولكن حبيت انبهك ان مايجوز تقولين ان كيد حواء هو اللي طلع ادم من الجنه

 

[(:دلوعة بلقيس:)]

هلا حبيبتي يبغاني ضعيفه

فديتك والله

الله يريح قلبك ويفرج همك

ياعمري انا مو متزوجه بس مخطوبه

لكن ان شاء الله اذا تزوجت ان ربي يسخر لي زوجي

ويرزقني بالذريه الصالحه

الله يخليك لبناتك وييسر امرك ويشرح صدرك

ويرزق من حيث لاتحتسبين

ان شاء الله راح اتكلم عن جلستك الجايه معه

والله يجيب الخير من عنده ان شاء الله

 

[(:دلوعة بلقيس:)]

اول شي حبيبتي ​

انتي تكلمينه والا لا ​

اذا كلمك قولي له ابيك تجيني ابي اتفاهم معك ​

حددي وقت معه يجي لبيتكم​

واكشخي واللبسي وابدا لاتبينين انك متأثره من غيابه عنك ​

بعد كذا اجلسي معه لوحدكم اتمنى تكونون لوحدكم من دون اي احد ثاني يتدخل لان ​

اذا في طرف ثالث وكان من اهلك في احتمال كبير انه ​

راح يجرح زوجك بالكلام ​

افضل شي تكونون لو حدكم وانتبهي دموعك ​

اعطيها اجازه ولا تخلينها تنزل الا اذا مره خلاص ​

وصلت الخنقه عندك لدرجه ماتقدرين تمسكينها ​

خليك واثقه من نفسك وجاده وابعدي عن العواطف والحركات ​

اللي لاتودي ولا تجيب ​

بعدين خذي معك دفتر وقلم ​

وروحي عنده واجلسي معه طبعا بعد السلام والسؤال عن الاحوال ​

قولي له عاجبك حالنا كذا ​

ابي بس جواب منك وش رايك بوضعنا ​

عاد قولي له شوف ياقلبي انا بنت ناس ​

ومتعلمه والشي اللي يصير بحياتي ​

انا ماكنت في يوم اتوقعه انه بيصير ​

انا ماني سيئه لدرجة انك ماتسئل عني شهرين ​

اليوم ناديتك علشان نجلس مع بعض كزوجين ​

عاقلين فاهمين ويحبون بعض ​

انت تحبني والا لا ​

طبعا اذا كانت اجابته نعم قولي وانا بعد احبك ​

واتمنى اعيش انا وانت وبناتي حياه ​

حلوه سعيده خاليه من المشاكل ​

وعلشان كذا انا اليوم بسجل كل رغباتك ​

وانا بعد عندي رغبات ابي منك تحترمها ​

وتطبقها ​

وطبعا شوفي وش هي رغباته وشروطه ​

وبعد كذا قولي له انا ياقلبي ​

سعيده معك وانت مو مقصر علي وعاد ​

امدحيه وانفشي ريشه طبعا خليك هاديه ​

انيقه ونظرات كلها انوثه وانتي تمدحين ​

مافي مانع من انك تمسكين يده ​

ومن هالقبيل طبعا هو بيخق اكيد ​

وبيسمع انتي وش نفسك تقولين له ​

قولي له انا بس اللي مزعلني اني هنت عليك ومديت يدك علي ​

وهذا اخر شي كنت اتوقعه من حبيبي وابو بناتي ​

انت سندي في الحياه تقوم وتضربني وانت ظالمني ​

خلاص انا زعلانه منك على هالشي ​

لانك ضربتني ومهما حاول يبرر قولي له ​

مهما كانت الاسباب هذا مو اسلوب تعاملني فيه ​

اتمنى تكون اخر مره ترفع يدك علي وتضربني ​

لانك لو سويتها مره ثانيه راح تجرحني جرح ​

ماراح انساه ​

بعدين قولي له في شي ثاني بعد منكد علي ​

انا احب خالتي اللي هي امه بس ماادري هي ليه ​

ماتحبني ماتتقبلني على اني مااقصر معها ​

طبعا اذكري مواقف سويتيها لها ​

وقولي انا اشوف فيها امي ومن هالسوالف ​

خليه يحس انك عاقله وقولي له بس انا ​

مايضايقني غير حركة فرض الرأي ​

والاوامر اللي خالتي تقولها لاتقولين امك علشان يحس ​

انك محترمتها ​

انا عارفه انها امك وماتقدر تقول لها لا ​

بس انا زوجتك مالي ذنب ​

اللحين نبي نتفق على شي​

ويكون الحل الامثل في مثل حالتنا ​

احنا مانقدر نمنع خالتي ونقول لها لاتدخلين في حياتنا ​

بس نقدر ناخذ منها رايها ونسمع منها اوامرها ​

ونشوف اذا تناسبنا نطبقها اذا ماتناسب حياتنا ​

خلاص انا وانت اللي نقرر كل شي ​

انت رجال البيت ومن حقك انك تقول وش تبي ​

وتقرر هذا بيتك وانا زوجتك نتشارك في ​

امور حياتنا نشوف احتياجاتنا احتياجات ​

بناتنا احنا ادرا بشؤوننا وشؤون بيتنا ​

اللي يناسبنا نسويه واللي مانبيه نخليه ​

وعاد اللحين ارجعي لبيتك وحساب خالتك وبنتها بعدين ​

بس اهم شي تسوين نفسك البنت اللي مافي احسن منها ​

وماتسوي شي وانا متاكده انك كذا ​

بس يااختي طنشيهم تري الحقران يقطع المصران والله ​

زي هالاشكال احقريهم وسوي اللي تبين ​

بس اهم شي ماتطولين لسانك عليهم ​

لان مثل هالاشكال تدور عليك الزله​

 

[طموحةلكن!!]

:blush-anim-cl:اختي الدنياماراح تطول ومو من المعقول تخربي بيتك عشانها ماتدرين وش يصير تنقلين بيت جديدوالايصيرشئ لها يلهيها ودوام الحال من المحال بس لاتنسين تحتسبي الاجر ومافيه شئ بيضيع وهالدنيا كلهاتسوى انك تحملين الغل عل اخواتك المسلمات :icon26:ولماتموت بتدكري كلامي وبتعدرينها لانهاامه وكبيرة وجاهلة ودايم ادعي ان الله ينصرك:clap:

 

[prnsesحلا]

اهلين اختي يبغاني ضغيفه انا عانيت في بداية زواجي من نفس المشكله خالتك نسخه عن خالتي وانا بعد زوجي الكبير في اخوانه وعانيت مشاكل مايعلم فيها الا الله تتدخل بحياتنا بشكل مو طبيعي تخيلي من شهر العسل وهي تتصل عليناوتحرضه علي لاتخليها تكلم اهلها كل يوم ترى المكالمه غاليه لاويوم رجعناتحقيقات مسويه علي المحقق كونان كل يوم تتصل على زوجي وين رحتو ومن جاكم هذاغير انها كل شوي طابه علينا تخيلي تجي تزورنا الساعه11 الضحى كل يوم لاوبدون ماتتصل لاواناحامل بالشهر الثامن تخيلي تجيب بناتها وتجي تتعشى عندي وهم بدون ماتتصل اوتقول ترى بجي وانا اهلي وارحب غير انها تحرض زوجي علي زوجتك شايفه نفسها علينا زوجت ك ماهي سنعه تخيلي من الوقاحه قدامي تجي عند زوجي وتوصف له الحريم بنت فلان مافي اجمل منها وغيره مع اني انا والله العظيم وبشهادة كل من شافني ملكة جمال واخلاقي ماعليهاوالله انه ام صديق زوجي تقولي قدام زوجي الله يهني زوجك فيك والله انك جوهره لاوالناس يقولون لخالتي ام زوجي وين لقيتو هالبنت الله يهنيكم كل هذا ولا عاجبها والله موغرور بس من قهري تبغانا على كيفها تتحكم فبنا زي ماتبي تخيلي يوم حملت امسكت فيني الاتقولين لي وش جنس المولود وماارتاحت لين ماقلتلها لين ماجايوم حرضت زوجي علي وانا فالنفاس عنداهلي استغلت وجوده عندهم وخلقت مشكله من سبب والله اقل من تافه وخلت زوجي يسمعني كلام بحياتي ما سمعته طبعا بالتليفون انا من الصدمه مقلت ولا كلمه لاني مو مصدقه انه هذا زوجيلان زوجي يحبني ولاعمره كلمني بهالاسلوب هنالماشفت انها تبي تخرب بيتي وتقدر اتحكم بزوجي اتصلت علا زوجي وقلتله ابغاك بكلمتين طبعا حمدلله ان ابوي يوم زواجي مسك زوجي وقاله شف يولد الناس مشاكلكم حلوها بينكم بدون ماحد يدري واذا تخانقتو موتجيني زعلانه انا ماعندي بنات يزعلون ويرجعون لان المراه اذا طلعت من دارها قل مقدارها ترى ان جتني زعلانه مالها رجعه حلومشاكلكم بينكم بدون لاح يدري ومن هنا قلت له نفس الكلام الي قالته لك دلوعه تقريبا بس زدت عليه ان اهلك مالهم اي دخل فحياتنا ومن اليوم ماراح اسمح لاحد انه يتدخل فينا حنا لنا حياتنا الخاصه تبي اهلن وسهلا ماتبي انت فطريق وانا بطريق انا احبك وشاريتك بس الا كرامتي وحياتي الخاصه وانا توني صغير والف من يتمناني وترى امك ماهي خسرانه شي ولدنا هو المتضرر معليش حبيبتي مااقدر اكمل الحين اذا ودك اكمل بكمل لك بعدين لان عندي لك كلام كثير بس المهم لاتخلين زعلكم يطول لان مو فصالحك تلقين الحين انواع التحريض والمؤمرات عليك

 

[راقية جدا]

ماشاء الله دلوعة بلقيس ماقصرت قالت كل اللينفسي اقولة لكن باسلوب رائع الله يحميها

اما بالنسبة لي انا كمان بقول لك ارجعي بيتك والله لو طلبتي الطلاق انت الوحيدة اللي راح تندمي وتعاني و وبعدين احمدي ربك ان زوجك يحبك ماعليك في امه قولي لها حاضر حاضر حاضر ولا تسوين غير اللي يعجبك وحاولي لفيها من هنا ومن هنا الين الله ياخذ امانته ويريحك ( توني كنت اقرأ موضوع العضوة ألبي ومعاناتها بعد الطلاق هي وصغيرتها والله اني حزنت عشانها بغض النظرعن سبب انفصالها )

 

[فتاة الخير]

انا صار لي مشكله قريبه منك ودقيت على شيخ وحلها لي وطلب رقم زوجي وفهمه الوضع وانه مايجوز له يظلمني عشان امه (وصار معي طبعا )وقال لي ان طالت تعالو لي في بيتي وراح يفهمه كل شي0000وراح يكون معك صدقيني..
وان كان زوجك فيه خير لك راح يظهره لك.. والا لاتنازلين عن حقوقك..؟؟
ودقي على الشيخ وخبريه بكل صغيره وكبيره وراح يرتاح بالك.. زجاااااءا لاتترددين....
والشيخ اسمه السالم ورقم جواله 0505139998
وادعي لامي واختي بلشفاء وتسخير زوجي لي..
وطمنيني عليك..قلبي معاك..

 

[سياسة التغيير]

حبيتي فتاة لخير مرررررررررررررررررة مشكورة أنا فعلاً كلمت شيخ ونصحني وش أسوي ، لكن أنا خايفة من نقطة أنه يكلمه ، تكون مو فصالحي ، طبيعة الرجا تختلف ترى ،بس صار أن عم أبوي وأبوي راحو لهم فالبيت وكلموه وعم أبوي شيخ كبير وفاهم محترم وانشالله خير ، ومع كذا أ نا خذت الرقم حق شيخك ((الله يشفي لك الوالدة وأختك وتكونين أسعد زوجة فالدنيا يارب))

 

[سياسة التغيير]

أنا أهلي تدخلوا يايارونة لأن الموضوع فيه ضرب ، لأني زوجي حبيب مرة وينضغط من أمه نفسياً ، وياليت تكملين لي عشان أحس أن فيه أحد زيي، وفعلاً خالتي تغيضني لما تاخذ بناتي تنومهم عندها، ترجعهم قاصة شعرهم أو محنيتهم ، وهكذا يعني كأنها هي الام ،والله يعينني إذا رجعت بس لأن الحرب بتصير مكشوفة عيني عينك مومعقولة ان زوجها وولدها ماراح يقولون الحكي اللي قاله أبوي وعمه لزوجي لما كانوا يعقلونه،وأنا ودي أتأخر شوي فالرجعة عشان يحس زوجي باللي كان عنده واللي خسره ، وماعاد يتعود هالحركات ويشوف وش وصلتنا أمه له، على أني مو أول مرة اطلع لبيت أهلي ، بس الله يهدي خالتي ويرزق بنتها ويشغلها فيها ، مع إني متأكدة أنو ماراح تسوي مع بنتها نفس اللي سوته معي ، ولا راح ترضى أحد يسويه لها وبعد بتدعي عليه..

 

[سياسة التغيير]

دلوعتي الحلوة ، كنت حاسة أنك ماتزوجتي، وكلامك يدل على عقل وحكمة انشالله مايصطدم بواقع الحياة الزوجية اللي يدوخ ويخلي الواحد يغير قناعاته لأنك تصطدمين بناس حتى ماعمرك سمعتي عنهم، اللي يخلي لي جداتي وأهلي والله أنهم برداً وسلاماً على حريم عيالهم، ماأدري هالناس اللي اللي ناسبناهم من وين جايين وليش يعاملون بنات الناس كذا، عموماً حبيبتي أنا ماأكلم زوجي هالفترة كلها، بس أنه حاول الاسبوع اللي فات يدق من رقم غريب سمعت صوته بس مارديت ،وكلامك مرة حلو بحاول اتدرب عليه واسيطر على نفسي وأبعد عن العواطف والله يعينني، أنا ودي المبادرة تجي منه، وانشالله حظك فالبطيخة قصدي((الزواج)) يكون عسل بس عليكي بالدورات انتي وزوجك قد ماتقدرين

 

[فتاة الخير]

على فكره يا اختي ان كنتي خايفه ياخذون بناتك مو من حقهم البنت بالشرع مع امها الى زواجها؟؟؟
انا توفى ابوي وانا عمري سنه وبعدها تزوجت امي ..وصار عمري 17 وبعدها بدا المسلسل بين امي واخواني من ابوي الله لالالالالالالالايسامحهم يبغون اعيش معهم واترك امي اللي مانامت عينها ولا ذاقت العيشه يوم جو لنا ,, ورفضت قدامهم اني اتخلى عن امي وهم بمدينه بعيده عنا..وكان يضحك اخوي ويقول اخذك غصب ولو صحتي اعطيك مصاصه (قمة الاستهزاء)؟؟وسالنا القاضي بالمحكمه قال:البنت مع امها.
ودعيت ربي بجوف الليل وجاء الفرج بعد معاناة دامت 4اشهر ..هذا غير اللي زينوه بامي يومها كانت مع ابوي (يتهمونها باانه تكلم رجال )لكن كان ابوي (الله يرحمه )واقف معاها....وراحت الدنيا سووووووالف.
ولاتنسين دعوة المظلوم مستجابه وخالتك مطاوله في هالدنيا الله يكفينا الشر..
واضرب لك مثال ...
بعد خطوبتي اخبرنا اخوي الكبير وقال ابسال عنه ؟؟ وكل مادقت امي عليه قال ارد بك ؟؟وست اشهر على هالحال ؟؟وخطيبي جاه احباط ؟؟وصاحت امي وتقبلت القبله ودعت عليه انه يتعذب مثل ماعذب بنتي ..
وتمت الامور على خير بفضل الله ثم بفضل زوج امي اللي وقف معي وقفه ما انساه ..
وبعدها بسنه ..وش صااااااااااااااااااااااااااااااااااااااااااااااااااااااااااااااااااااااااااااااااااااااااااااار؟؟
صار لاخوي حادثثثثثثثثثثثثثث وصار في غيبوبه ونزيف داخلي وانقطع جزء من المعدة ومن كبده وصار طريح الفراش فترة طويله ثم تعافى بعد ماتعذب؟؟
ولكن انا مانسيت تلك الدعوة اللي دعتها عليه؟؟لكن ماذكرتها فيها اخاف يانبها ضميرهاااااااا؟؟
واكثري الاستغفار والدعاء والفرج قريب ان شاء الله ؟؟
وانا قلت بعد الزواج ابرتاح من المشاكل ؟؟بعدها عرفت ان المؤمن مايرتاح حتى يضع قدمه بالجنه..

 

[دالينا]

السلام عليكم ورحمة الله وبركاته
اتمنى من الله ان يرد لك زوجك ابو بناتك
ويسخره لك ولبناتك

 

[prnsesحلا]

اهلين اختي يبغاني ضعيفه سبحان الله حركات خالتك زي خالتي بالضبط انا ادرس بالجامعه واول ما ولدت اصدرت خالتي اوامرها لزوجي ان الولد بيكون عندها اذا رحت للدوام واذا جيت هم بجيبونه لي لبيتي خصوصا انهم جيراني جدارنا جنب اجدارهم والله لايوريك كل يوم تحممه وتتطلع روحي على مايجبونه لي تخيلي ماتجيبه ا لا العصر وانا ميته من القهر لين جا يوم جابته بالفنيله الداخليه بس وتوها مروشته وحنا فعز الشتا تخيلي هنا انا قلت خلاص وسويت مشكله وقلت لزوجي شف انا كل شي اتحمل الاولدي من اليوم راح احطه عند امي طبعا هو درى بالي صار بس زي نوعية رجلك ماقدر يقولها شي وقام يدور تصريفه يقولها لامه تخيلي لازم كل يوم يودي ولدي لاهله واذا يوم ماراح لهم تزعل خالتي على زوجي وتخانقه كل هذا تبغى ولدي يتعود عليهم تخيلي يقولها ماما وانا يناديني باسمي لاواذا قال ماما ترد نعم واذا ناداني باسمي تضحك وتقول يازينها بشفايفك تصدقين ساعات احس انها انسانه مريضه اوتغار مني بس لازم تحلين هالمشكله ومااحد يقدر يوقفها عند حدودها الازوجك لازم ييقوي شخصيته ابسط شي انه يقولها ايه وحاظر ولايسوي الي تبغاه ويطنش شوفي اختي مفتاح الحل زوجك قولي له لا تسمع لها ولاتسمع لي وبصراحه لازم انه يعرف انك بنت ناس خير انشا الله يضربك ووضحي له انك ماتقدرين تعيشين مع انسان مصيرك ومصير بناتك في ايد امه بيني له انك محتاجه لانسان تحسين معاه بالامان فهميه ان انتي وبناتك امانه فرقبته وان الله بيساله عن الامانه وانه رجال له كلمته وكيانه وين رجولته اهله حقهم على العين والراس بس مو على حساب زوجته وعياله ارجو انك ماتفهمين كلامي على انه تحريض ضد خالتك بالعكس عاملييها بكل طيب واحترام حتى لو ماتستاهل لان بيجي يوم يكون عندك زوجة ولد ونصيحه لاتخلين زعلكم يطول لان وجوده عندها موبمصلحتك واحرصي ان زوجك يعرف غلطته ويعض اصابعه ندم على اليوم الي فكر يزعلك فيه وبي اسالك بناتك عندك ولاعندهم واذا عندهم لازم تجيبينهم عندك وعلى فكره لو بحكي لك على خالتي وسوالفها معي بشيب راسكبس الحمد لله بعد معاناة زوجي شوي تغير يعني في تحسن شوي طبعا عقب ما طفح الكيل ووريته العين الحمرى طبعا هو ماتغير مررره بس احسن شوي بس حركات خالتي الله يهديها لي بكره مستمره اللهم سخر لها زوجها واصلح ام زوجها وسخرها لها والمسلمين اجمعين

 

[سياسة التغيير]

يارونة بحكم أنك مجربة ،تخيلي خالتي والبنات كانوا فبطني تقول لي انتبهي تخلينهم يتعودون عليك، عوديهم علينا أحسن ،هي مسيطرة على حياتة ولدها وهو متزوج وأنا حرام عياي المواليد يتعودون علي، ياناس عمركم شفتوا ظلم زي كذا بالله، وتاخذ مني عيالي ينامون فحضنها وأنا عند أهلي أنوم بدون بنياتي اللي عمرهم 7شهور وهي عيالها نايمين قدام عينها وش ذنبهم هالبنات ياناس ، تفرق بين أم وبناتها وتقول بناتي ،
بأي منطق أحاكي ولدها هاذي وكيف أحاكيه بدون ما أجرح أمه وأخته هذا شي صعب تخطيه، يارونة أنتي وش قلتي له عشان تغير شوي ، الله يثبته ويغيره للأبد أنا أكره هالحرم ولاأبي بناتي يتربون بطريقتها لأن بناتها والله واللي هم عمات بناتي عمرهم في العشرينات والصلاة والله مايعرفونها نسأل الله العافية

 

[prnsesحلا]

اهلين ياعمري والله اني حاسه بكل كلمه قاعده تقو لينها ومجربه هالاحساس البشع ترى اصعب شي عالا الو حده انها اتحس انها مظلومه من الانسان اليتحبه والي المفروض يكون احن الناس عليها ولي يدافع عنها ويحمي حقوقهابس حسبي الله ونعم الوكيل في ناس مايخافون الله بس لاتخافين الله موجود ماينسى احد اكثري من قيام الليل وادعي ان الله يسخر لك زوجك ويصرف خالتك عنكم ويشغلها في نفسها وترى دعوة المظلوم مستجابه اهم شي الحين بناتك لازم يرجعون لحضنك بالطيب ولابالغصب لان هذا الي بيكسر خشم خالتك هي اصلا تلقينها حطتك فراسها وتبغى تطيرك باي طريقه وهي مكيفه على هالوضع البنات وفحضنها وزوجك عندها وهذا الي تبي وتلقينها تقول لزوجك طلقها وشتبي فيها وانامستعده اربي بناتك وغيره وغيره من الكلام الي زي السم بس لوكنوا البنات عندك بتحس هي وزوجك بالضعف وساعتها هي بتقوله رجعها لانه مشتاقه لبناتك خصوصا انها متعلقه فيهم بعدين انتي وشلون تسمحين لهم ياخذون بناتك ولاتقولين اخاف اجرح في امه وخواته حبيبتي حطي لك قاعده فحياتك لاتجاملين اي احد واي كان على حساب سعادتك ولا تظغطين على نفسك الاعشان زوجك وعيالك والباقي بالطقاق وبعدين اذا كلمتي زوجك كلميه باسلوب وباللين مر وبالشده مره علشان يحس بجدية الموقف ولا ترجعين الاوانتي حاطه شروط اولها ان خالتك مايحق لها انها تتدخل فخصوصياتكم انتي زوجه وابسط حق لك انك تحسين باستقلاليتك ثانيا بناتك حددي لهم ثلاث اواربع ايام بالاسبوع لمده لاتتجاوز اربع ساعات يشوفون اهلهم بس وانتي زوريهم يوم بالاسبوع مره ثالثا والاهم غير مسموح له يمد ايده عليك ايا كانت الاسباب راببعا ذكريه برجولته وانه هو الوحيد القادر على اتخاذ القرار ياما يشتري سعادتكم اويبيعك انتي وبناته برخص التراب وقولي له انا صدق احبك واموت فيك بس مااقدر اعيش مع انسان مايقدر يحميني انا وبناتي ومصيري بناتي في ايد امه امك على عيني وراسي وحقهاعليك واجب هذا شي مافيه كلام وانا اعين واعاون في برك بامك بس موعلى حساب حياتي وبناتي وامدحيه اشوي قولي له انت انسان واعي وانا اعرف ان مايهون عليك اني انظلم وينداس علي وادري انك انسانتخاف الله وما ترضى بالظلم وان شخصيتك قويهلازم 00تكذبين اشوي00 وقادر على اتخاذ القرار الي فيه مصلحتك ومصلحت بيتك وبناتك شف ياولد الناس تبيني هذي شروطي تبيني اهلا وسهلا ماتبيني الله يوفقك مع غيري ووفقني مع غيرك وبناتي فحضانتي شرعا وقانوناوبيني له انك ماراح تفرطين فبناتك وان انتي ترى لك الحق فيهم تسعه وتسعين بالميه وقولي له انا توني صغيره والف من يتمنا اظفري بس وماني خسرانه شي بس بناتك الي بضيعون وينحرمون من ابوهم وركزي على انك تمدحينه وتتغزلين فيهمره وتشدين عليهوتهددينه مره واختمي كلامك باخر شي قلته لك وصدقيني انا استخدمة هالاسلوب وبعدين اياكي واياكي انك تتننازلين عن اي حق من حقوقك لانك لو تنازلتي الحين راح تعيشين حياتك تحت سيطرة خالتك لاوبكره بتكره بناتك فيك هذي اول خطوه سويتها مع زوجي واهم خطوه وانشالله بكمل لك بس ترى اهم شي لاتتنازلين واتمنى ان ربي يفرج همك اللهم سخرلها زوجها وام زوجها وكل من اراد بها سوء اشغله بنفسه ابي اسالك شلون زوجك معك تحسينه يحبك وما يستغنى عنك ولا ممكن يفرط فيك

 

[فتاة الخير]

انا لازم اخش عرض..؟.
بصراحة اختي انك على بالي ..
واسمحي لي ان قلت لك انك مالك شخصيه؟؟ليش ياخذون بناتك وانتي موجوده على الدنيا..؟؟
بسرعه جيبهم لو بالقوة..وقولي البنات مع امهم مهما صااار..لالالالالالالالالالالالالاتسكتين ارجوك..
ولاتخافين مردوده لامه مهما صار ..راح تذوق المر( حسبي الله عليها )وزي ماقالت يارونه عادي تدخل براسه يطلقك
البنات وولدها عندها ..وش تبغى فيك..؟؟؟؟الله يفرج لك..

 

[prnsesحلا]

وينك اختي يبغاني ضعيفه وفتاة الخير معها حق بس انتي مو شخصيتك ضعيفه بس يبغالك من يشجعك انك توقفين بوجه خالتك وزوجك لازم يحس بالمسؤليه ويعرف انه مااخذ بنت ناس مووحده من الشارع ووقفي المهزله الي قاعده تصير بحياتك ترى بناتك وزوجك وسعادتك راح يضيعون من ايدك اذا استمر وضعك كذ وترى زوجك من النوع الي ما يفيد معاه الا الاسلوب الي قلت لك عليه وريه العين الحمرى علشان يعرف ان الله حق وان انتي مانتي ضعيفه علشان ياكلون حقوقك ويلعبون بحياتك وقفي هالمهزله الي قاعده تصير بحياتك وخالتك لازم زوجك يوقفها عند حدودها وترى ماانتي مجبوره تتحملينها خلي علاقتك فيها رسميه زياره فالاسبوع والسلام رضت اهلا وسهلا مارضت بالطقاق هي فبيتها وانتي فبيتك وطمنيني عليك والله قلبي معك

 

[ريموني]

عزيزتي

قبل ان اضع رايي في مشكلتك افضل ان اعلق على بعض الكلمات اللتي ذكرتيها بقصد تنبيهك وتذكيرك لا اكثر

ذكرتي كلمة (( عقيم )) عن اخته ........ ما رايك في تلك الكلمة اليست قاسية ومعذبة في حقها !!

لا انصحك بتكرار تلك الكلمة عنها مهما تكن الاسباب لانك حتما لا تريدين هذا المرض لاحدى بناتك في المستقبل

تعلمين (( كما تدرين تدان )) ولو بالكلمة ..........

ثانيا : ذكرتي بان حواء اخرجت ادم من الجنة ......... غاليتي تلك كلمة شائعة ولكنها مهينة في حق امنا حواء

فمن الافضل عزيزتي ان تذكري بان (( الشيطان عليه اللعنة هو من وسوس لامنا حواء وابينا ادم ............ ))

غاليتي اشعر بحالتك النفسية حينما تكون ام الزوج تتقصد المشاكل وتنقل الاحاديث للزوج ..... واتفهم مدى حزنك

لتمادي زوجك ورفع يده عليك وذلك بسبب ضغط والدته عليه من كل الجهات ............

والحل عزيزتي هو ان يتخذ والدك موقف حازم مع زوجك ليضع الحدود اللازمة للعلاقة في ما بينكما وبين الوالدة .....

همسة في اذنك :
لم لا تكون هناك محاولات منك لتكسبي محبة ام زوجك واخته المريضة (( عافاها الله ورزقها ))....... سترتاحين عزيزتي

كثيرا وباذن الله تعم السعادة وتخيم على اسرتك ......

موفقة

 

[سياسة التغيير]

أخت ريموني جزاك الله خير لكن((عقيم)) وصف وليس مسبة ولا أقصد بها هذا الشيء ،وهذه الانسانة لو عرفتيها أو عاشرتيها كرهتي حياتك كرهاً شنيعاً وياما آذتني حتى وأنا حامل،بعدين خالتي أنا حاولت أكسب ودها بكل الطرق بالهدايا بالمدح بالمجاملات، لكن لا فائدة بنتها اللي تحكين عنها هاذي وراها وراها وسمعتها في كل مكان أعوذ بالله من الغيرة