اول شي حبيبتي
انتي تكلمينه والا لا
اذا كلمك قولي له ابيك تجيني ابي اتفاهم معك
حددي وقت معه يجي لبيتكم
واكشخي واللبسي وابدا لاتبينين انك متأثره من غيابه عنك
بعد كذا اجلسي معه لوحدكم اتمنى تكونون لوحدكم من دون اي احد ثاني يتدخل لان
اذا في طرف ثالث وكان من اهلك في احتمال كبير انه
راح يجرح زوجك بالكلام
افضل شي تكونون لو حدكم وانتبهي دموعك
اعطيها اجازه ولا تخلينها تنزل الا اذا مره خلاص
وصلت الخنقه عندك لدرجه ماتقدرين تمسكينها
خليك واثقه من نفسك وجاده وابعدي عن العواطف والحركات
اللي لاتودي ولا تجيب
بعدين خذي معك دفتر وقلم
وروحي عنده واجلسي معه طبعا بعد السلام والسؤال عن الاحوال
قولي له عاجبك حالنا كذا
ابي بس جواب منك وش رايك بوضعنا
عاد قولي له شوف ياقلبي انا بنت ناس
ومتعلمه والشي اللي يصير بحياتي
انا ماكنت في يوم اتوقعه انه بيصير
انا ماني سيئه لدرجة انك ماتسئل عني شهرين
اليوم ناديتك علشان نجلس مع بعض كزوجين
عاقلين فاهمين ويحبون بعض
انت تحبني والا لا
طبعا اذا كانت اجابته نعم قولي وانا بعد احبك
واتمنى اعيش انا وانت وبناتي حياه
حلوه سعيده خاليه من المشاكل
وعلشان كذا انا اليوم بسجل كل رغباتك
وانا بعد عندي رغبات ابي منك تحترمها
وتطبقها
وطبعا شوفي وش هي رغباته وشروطه
وبعد كذا قولي له انا ياقلبي
سعيده معك وانت مو مقصر علي وعاد
امدحيه وانفشي ريشه طبعا خليك هاديه
انيقه ونظرات كلها انوثه وانتي تمدحين
مافي مانع من انك تمسكين يده
ومن هالقبيل طبعا هو بيخق اكيد
وبيسمع انتي وش نفسك تقولين له
قولي له انا بس اللي مزعلني اني هنت عليك ومديت يدك علي
وهذا اخر شي كنت اتوقعه من حبيبي وابو بناتي
انت سندي في الحياه تقوم وتضربني وانت ظالمني
خلاص انا زعلانه منك على هالشي
لانك ضربتني ومهما حاول يبرر قولي له
مهما كانت الاسباب هذا مو اسلوب تعاملني فيه
اتمنى تكون اخر مره ترفع يدك علي وتضربني
لانك لو سويتها مره ثانيه راح تجرحني جرح
ماراح انساه
بعدين قولي له في شي ثاني بعد منكد علي
انا احب خالتي اللي هي امه بس ماادري هي ليه
ماتحبني ماتتقبلني على اني مااقصر معها
طبعا اذكري مواقف سويتيها لها
وقولي انا اشوف فيها امي ومن هالسوالف
خليه يحس انك عاقله وقولي له بس انا
مايضايقني غير حركة فرض الرأي
والاوامر اللي خالتي تقولها لاتقولين امك علشان يحس
انك محترمتها
انا عارفه انها امك وماتقدر تقول لها لا
بس انا زوجتك مالي ذنب
اللحين نبي نتفق على شي
ويكون الحل الامثل في مثل حالتنا
احنا مانقدر نمنع خالتي ونقول لها لاتدخلين في حياتنا
بس نقدر ناخذ منها رايها ونسمع منها اوامرها
ونشوف اذا تناسبنا نطبقها اذا ماتناسب حياتنا
خلاص انا وانت اللي نقرر كل شي
انت رجال البيت ومن حقك انك تقول وش تبي
وتقرر هذا بيتك وانا زوجتك نتشارك في
امور حياتنا نشوف احتياجاتنا احتياجات
بناتنا احنا ادرا بشؤوننا وشؤون بيتنا
اللي يناسبنا نسويه واللي مانبيه نخليه
وعاد اللحين ارجعي لبيتك وحساب خالتك وبنتها بعدين
بس اهم شي تسوين نفسك البنت اللي مافي احسن منها
وماتسوي شي وانا متاكده انك كذا
بس يااختي طنشيهم تري الحقران يقطع المصران والله
زي هالاشكال احقريهم وسوي اللي تبين
بس اهم شي ماتطولين لسانك عليهم
لان مثل هالاشكال تدور عليك الزله