¨°o.O (الزوج العنيد♥ الطفل الكبير) O.o°¨ مشكلة و حل♥

[شذا الليل]

عاد بقولك وضعي الله يبدله من هم وحزن الى فرج قريب يارب انا زوجي مايشتغل طيب وعنودي وغير كذا مرضه نفسي يعني كيف تحاولي تعالجيه وكيف تقنعيه بلعمل جلست معاه اربع سنين كل بعد فتره اذكره بلعمل وخاصه ان عندنا ولد يابو فلان لازم من العمل عاد مايسمع وغير كذا جالس لحاله يعني النقاش وربي مو بس صعب الا اصعب من الصعب عاد تتوقعوا ان يمكن ماعنده شهاده بقولكم والله انه خريج هندسه وذكي بللغه العربيه بس المشكله انه بيعاند نفسه لين بلفعل مرض نفسه بلعناد كل شئ يبغاه بهواه مايحب احد يتدخل فيه حتى اهله هو الصح والدنيا كلها خطأ وطبعا ناتج من مرضه الى مااتعبه المرض وصار فكره اسوء من الشئ الجدال معاه يجي بعده ياضرب ياطرد عشان كذا بقولكم مو كل شئ بلمسايسه يجي يعني قد مااحاول واخوانه واهله مانفع اتعبني واتعب ولدي فتركت البيت له وعاد براحته متى ماحس انه غلطان بيتراجع انا حبيت اقول قصتي مع اني ذكرتها لكم من ضمن المشاكل الي اتمنى احصل لها حل وردتوا علي الله يجزاكم الجنه بس حبيت ابين لكم ان مرات العناد يمرض الانسان الله يشفي مرضانا ومرضى المسلمين ودعواتكم يابنات

والله قطعت قلبي يا خلود

طيب ايش الحل من وجهة نظرك

لا للانفصال

نعم للاصلاح

ومن هنا راح نبدي رحلة العلاج معاه

العناد وصل لمرض نفسي أو إنه فكرة العمل هي الي مسببة له مرض نفسي وكره للعمل

لازم نعرف بالضبط وين المشكلة

اسمعيني زين الله يحفظج

زوجك محتاج لصدمة تصحيه من الي هو عايش فيه

ويمكن زوجك كان مدلل لأنه كانوا متربين على الدلال والدلع يطلعوا عنيدين وبعدين ينتظروا من والدينهم يتحملوا مسؤوليهم حتى بعد الزواج وطبعا هذا ما يصير

والمطلوب هو تعرضوه لصدمة

يعني ممكن تتفقوا إنه يا انت يا ابوه يا امه مريض مرض خطير ظهر فجاة الله يمنع عنكم الشر إن شاء الله

وبعدين محتاجين لمبالغ كبيرة عن العلاج والعملية مثلا

ولازم تشتغل أو بحس بالندم بعدين لأنه ما قدم المساعدة لأقرب الناس له

وممكن تطيحين في الفراش جذا مريضة عرفت وتبلغين أهلك إنهم ينشرون الخبر في عائلتهم

بس بشرط إنهم ما يدقرون يدخلون عليك أي أحد لانك تعبانة حيييل

وجوفي مرض تحتاجي له انك تظلين في الغرفة ولما بي زوجك عشان يجوفك طبعا مثلي المرض ومثلي انك زعلانة منه حيييييييييييييييل

ولا تكلميه بس اطاليه وخلالص وبعدين بعدي وجهك عنه

بعد ما يطلع من غرفتك خلي وحدة من خواتك أو أمك تكلمه وتقول له انت السبب في الي سويتيه فيها ما راتاحت معاك من خذتك كانت مفكرة انها خذت رجل يعتمد عليه ويكون لها سند وعون ما خذت واحد كاره الشغل وما يبغي يشتغل

الحين راح تفتك منها وبتم ولدك من دون لا ام ولا أب يهتم فيه وراح يكون عالة على الناس


فكر زين وصلح حياتك يا ولدي .... وخليها تبكي وتبكي وتقول راح اخسر بنتي بسببك وجذا

راح يبدأ يحس ويتأثر بس الرجال والله ما ينفع معهم الا جذا وانت تعبانة يعني مب خسرانة شي

والله يوفقك

ونحن معاك ​

 

[شذا الليل]

انا اعاني من عناد زوجي
يبغى الدنيا على كيفه واوقات يتكلم وكانه هو الصح وانا وكل الناس الغلط
الله يهديه
لكن انا ولله الحمد من خذيته ربي برد على قلبي رغم اني عنيده كنت لكن معاه خلاص تعبت وصار حتى لما يصارخ ماارد عليه واذا رديت احسسه انه الصادق والكل غلط...

حبيبتي عتاب الشوق

العنيد لما بتناقشيه كوني واثقة من معلوماتك زييييييييييييييييييييييين

ومتاكدة وتكون مبنية على أسس علمية صحيحة 100%

يعني ممكن تتهربين من النقاش في هذيك اللحظة وتروحي تبحثين وتمكنين معلوماتك وبعدين يا حلوة تروحي تناقشيه

إذا النصائح الي انا فعلا أستخدمها أثناء نقاشاتي معاه

- ما أكون مهزوزة في نقاشي
- مبني على أسس علمية
- ما أكون مترددة لأنه راح يحصل نقطة ضعف فيني
- استشهد بشخصيات هو يعتز فيها
- استشهد باحاديث وقصص لعبرة من واقع السلف الصالح
- أكون ذكية في تعاملي وهادئة
- أنا ما يهمني إني أكون انا الصح أو غيره بس الي يهمني إنه يفهم إنه ما دائما هو كلامه الصحيح لانه كل ابن آدم خطاء
- كوني ذكية في أثناء نقاشج معاه

بس لما تبغين يحقق لج شي جوفي وين نقطة ضعفه بالضبط وبعدين تدلعي عليها وبكل خفة أمرج مطاع

بس إذا رفض لا تكثري وايد ، بس بعد فترة وجيزة ارجعي زني وبكل خفة عصب اتركيه وهكذا

عندج 5 مرات زن وبعدين تقول له ابشر ما عاد اكلم في هذا الموضوع مرة ثانية

والله يسير حالنا بيفكر بروحه انه الي يسويع غلط ولازم يسوي الي الي في خاطرج

والله عن تجربة هالأمور وكانت ناجحة معي

والحين الله يخليه ويحفظه ويحقق له الي في باله

ادعولي يا بنات وادعوا لزوجي الله يحقق له الي في باله

آمين ​

 

[شذا الليل]

ومن واقع حياتي ايضا
والدة زوجي عنيدة كثير مو مثل ابو زوجي طيب ولا يعاندك ابد بس اهي تحب انه الي تريده يصير .
مثلا
انا مو من العيلة يعني من منطقة بعيدة عنهم فطبخي طرقه تختلف عنهم . بس وربي يعلم طبخي احلى يطلع لا هي لازم تريدني اطبخ ع طريقتهم فالبداية كنت اعانده من باب اني لا راي وطريقتي ما راح اتنازل دام اللي اسويه صح .وكان دايم تتكلم وتضايقني لاني ما اسمع الي تريده.
بس بعدين قلت ابعد عن المشاكل لاني من النوع الي ما احب ام زوجي تضايق علي او تتشاجر معي فقمت اعمل مثل اكلهم لما يكونوا موجودين بس لما اكون بحالي اسوي بمزاجي والحمد لله ما قامت تعاند وتحطني اطبخ ع راحتي .....

مرحبا الزهر الجوري

بالنسبة للطبخ فتصرفج صحيح 100% أم زوجك مفكرة إنه زوجك ما راح يتأقلم مع طبخك فعشان جذا تعاند
تحاتي ولدها ما ياكل خخخخخخ

بعد الي سوييته حلو جدا وكان ذكي وبجذا كسبتيها وانت مرتاحة وهذا الي نبغي نوصل له الراحة يا بنات

ونحن شو خسرانين إذا بطلنا عناد معاه على العكس بنكون مرتاحين وبعد بنكسبه في صفنا يعني 2 في آن واحد (تايد ) خخخخخخخ امزح يا بنات

بس عليكم بالهدوء والذكاء وتغيير حتى من شخصيتج عشان تظهر له شخصية جديدة بلمسات سحرية غيييييييييييييييييييييير

دمتم سالمين حبايبي ​

 

[الزهر الجوري]

مشكورة حبيبتي شذا الليل ع التعقيبات والنصائح الحلوة وخاصة انها بالفعل شكلها مجدية كثير ....تسلمي

 

[الزهر الجوري]

اختي زوجها عنيد كثير عيت منه وهي طبيعتها هدئة يعني اذا تناقشه بكل هدوء او تسكت اذا رفض بعد كم مرة طلبها ....مثلا
هو يشتغل فمنطقة وهي ف البلد وهو بامكانه ينتقل معها عشان يكون معها بس ما رضي ابد حاولت تقنعه وغير كذا قالت طيب انا اطلب نقل عندك بس بعد ما رضي والحين سكتت عنه ...
بعض الاحيان تكون بروحها هي واولادها بيتها يعنى هو مو موجود بالبلد فتحب تروح عند الاهل وانكون كلنا الاخوات فيعاند وما يتركها تروح مع انه ما في مانع اصلا هو مو موجود واجازة في عزيمة ...مسكينة ما في طرق الا وحاولت معه ....
بس تطلب وتسكت يمكن يوم ولي اسبوع وايجوفها ساكته وايوافق بروحه ...وتقول الحمد لله الحين بدا يتغير شوية مو واجد...

 

[شذا الليل]

اختي زوجها عنيد كثير عيت منه وهي طبيعتها هدئة يعني اذا تناقشه بكل هدوء او تسكت اذا رفض بعد كم مرة طلبها ....مثلا
هو يشتغل فمنطقة وهي ف البلد وهو بامكانه ينتقل معها عشان يكون معها بس ما رضي ابد حاولت تقنعه وغير كذا قالت طيب انا اطلب نقل عندك بس بعد ما رضي والحين سكتت عنه ...
بعض الاحيان تكون بروحها هي واولادها بيتها يعنى هو مو موجود بالبلد فتحب تروح عند الاهل وانكون كلنا الاخوات فيعاند وما يتركها تروح مع انه ما في مانع اصلا هو مو موجود واجازة في عزيمة ...مسكينة ما في طرق الا وحاولت معه ....
بس تطلب وتسكت يمكن يوم ولي اسبوع وايجوفها ساكته وايوافق بروحه ...وتقول الحمد لله الحين بدا يتغير شوية مو واجد...

مرحبا الزهر الجوري وشكرا لج يا قلبي

أولا بالنسبة لاختج لازم تعرف أسبابه الي هي مخلتنه يمنعها من الخروج لبيت أهلج وشنو وجهة نظره بالضبط من هذا الأمر عشان تبدأ تحط الحلول المناسبة لذلك

كمان بالنسبة لانتقاله لعمل ( فرضنا إذا حصلت له وظيفة وبراتب اعلى وبشكل مغري معقووووووووووولة ما بيرجع ) إذا ممكن إنها هي تبحث له عن عمل ومن دون علمه وبطريقة معينة وبعد محاولات والتوكل على الله راح يستجيب الله لدعائها ويرجع يشتغل في نفس البلد

بالنسبة للزيارة *يمكن في حساسية صايرة معاه ويا اي أحد من الاهل أنا اعطي أمثلة فقط ممكن تكون صحيحة أو خاطئة
كيف ممكن تشيل هالحساسية؟؟؟؟

تتصل فيه في يوم وتقول واحد من العيال تعب علي وما عرفت شو اسوي وفي ليل فاتصلت في أمي أو اوبي أو احد اخوانها ووداني المستشفى وقعدوا معاي واهتموا في الولد لحد ما طلعنا
وتكرر هالحركة كل اسوعين بس بشكل ثاني عن نفسها جاتني آلام في البطن مثلا واتصلت على اخوي جاني ورحنا العيادة وهكذا

هنا راح يدق ناقوس الخطر ويقول الأسرة محتاجتني كل مرة يمروا بظرف وأنا بعيد عنهم
طبعا هي تقول له في التلفون الحمد لله حصلت احد اييني وطبعا ما تخبره هالاخبار الا بعد بيوم فيقول لها ليش ما خبرتيني تقول ما حبيت أقلقلك بليل أو في ساعة المشكلة وإنت بروحك تعبان

**هنا راح يحس انك مقدرتنه ولا تتكلمي في انه يجي لا لا خليه بروحه يقرر اي لكم

***قولي له سمعت عن وظيفة في مكان معين وما شالله رابته مغري سمعت وحدة تتكلم عنها ومحتاجين شهادة جذا وجذا لو عندي هالشهادة بقدم عليها مثلا

هاي خطط دفاعية لتغيير العنيد

والله يسير حالها ويقرر يرجع لها
​

 

[الامل المر]

اختي شذا الليل لي صديقة ريلها يريد يترك العمل على اساس يريد يشتغل ف الاعمال الحرة على اساس يبيع ويشتري سيارات مع العلم انه يشتغلها وخسران فيها بس هوه يفكر انه لو تفرغ اكثر بيهتم اكثر ويربح من ورى هذي الشغلة وضايقة بيها الدنيا مع انها تعبت من الكلام معه لنها تفكر ف عيالها ومصاريفهم وبيتها

 

[شذا الليل]

اختي شذا الليل لي صديقة ريلها يريد يترك العمل على اساس يريد يشتغل ف الاعمال الحرة على اساس يبيع ويشتري سيارات مع العلم انه يشتغلها وخسران فيها بس هوه يفكر انه لو تفرغ اكثر بيهتم اكثر ويربح من ورى هذي الشغلة وضايقة بيها الدنيا مع انها تعبت من الكلام معه لنها تفكر ف عيالها ومصاريفهم وبيتها

مرحبا اختي الأمل المر

طبعا صعب اقناع الرجال وخصوصا في مسألة العمل ، بس تحاول تحطي الكمبيوتر فاتح على قصة تاجر فشل وخسر كل امواله لانه غامر اكثر من مرة وفي النهاية تحطم وضاعت حياته بسبب تهوره وإنه ما سمع نصيحة الأقرباء منه وممكن تكتب القصة بروحها إذا ما حصلت قصة جاهزة وتجوف نتجتها وأثرها عليه

ثانيا لازم تقنعه وبشتى الطرق انه الوظيفة امان مب له لاولاده مب معقولة ما يفكر فيهم بس بهدوء تام وممكن تستخدم الأفكار الي طرحناها قبل معاه

الله يسير لها امرها وطمنينا عنها حبيبتي

 

[مي نور البدور]

اختي شذا الليل انا زوجي عنيد في موضوع دراستي رافض جدا يعني كل ما فتحت معه موضوع تكملت دراستي يرفض بشده ودون نقاش يعني كل سنه افتح معه موضوع الدراسه يقولي لازم نجيب اخو او اخت ل عيالنا وعلى هذا الحال ومره يقول ما ابيك تدسين عشان انا المسؤل منكم ومره يقول انا ما ابي احد غريب يربي عيالي ومن هالكلام علما ان زوجي دكتور وانا لم اكمل الثانويه العامه وكل ما اقوله لازم اكمل دراستي كيف ترضى الناس يقولون علي ان مستوى دراستي اقل منك يعصب بالمره ويقولي لا تجيبين طاري الناس ماعلي منهم ويستحقرني اذا قلت الناس يقولون ومن هالكلام وبعدها ما صرت اقوله من هالكلام صرت اقول فرضا صار لك شي مع الزمن لازم شي يسندني بعد الشر عليه يقول راتبي التقاعد بيكفي يعني اجيبه شمال يجيبني جنوب وهو من شخصيه الرجل الشمالي الشرقي

 

[الزهر الجوري]

مشكورة اختي شذا الليل ع الافكار الحلوة
هو مو رافض انها تروح عند الاهل بس الاوقات الي نتجمع فيها او حابة تغير جو بعض الاحيان ما يرضى تروح بيقولها باكر او بعد يومين يعنى عناد بس بس اهي تطنشه فالنهاية ع الوقت الاكل نجوفها يايه هذا بعض الاحيان اذا لان .....
ع العموم مشكووووورة كثير وراح اوصلها افكارك ...
بس فالعمل هو حاب عمله كثير وما راضي يغيره ...وفي امكانيت نقله يعني سهل بس احس صعب تلاقي له عمل براتب اكثر ....
مشكووورة

 

[الزهر الجوري]

عزيزتي مي نور البدور ..
انا زوجي شمالي شرقي وانا دارسة جامعي سنة وحدة واتزوجت وحملت وطلعت برضاي يعني كان معطني حريتي فالدراسة بس المشكلة الظروف ما مساعدة فاخترت اطلع ولما احن للدراسة واكلمة يرفض وكل مرة كذا ..بس اسكت ولا ازن واطنش ..والحين هو ايقولي اذا تحبي تدرسي كمبيوتر وتدخلي دورات انا ما عندي مانع .... واتمنى ان يوافق زوجك ع دراستك ونفس الشي اهو يفكر الحين ياخذ الدكتورة ولما كنت اطرح الشهاداة بين واياه يتضايق ولا يحب يسمع اني افكر انه يفكر جذيه واسكر الموضوع ولا اذكره ...

 

[شذا الليل]

مشكورة اختي شذا الليل ع الافكار الحلوة
هو مو رافض انها تروح عند الاهل بس الاوقات الي نتجمع فيها او حابة تغير جو بعض الاحيان ما يرضى تروح بيقولها باكر او بعد يومين يعنى عناد بس بس اهي تطنشه فالنهاية ع الوقت الاكل نجوفها يايه هذا بعض الاحيان اذا لان .....
ع العموم مشكووووورة كثير وراح اوصلها افكارك ...
بس فالعمل هو حاب عمله كثير وما راضي يغيره ...وفي امكانيت نقله يعني سهل بس احس صعب تلاقي له عمل براتب اكثر ....
مشكووورة

تصدقي يالغلا احدى صديقاتي زوجها ترك الوظيفة الي يحبها بس عشان الراتب وعشان يتحسن وضعهم

لأنه هو رجل ولازم يتخمل مسؤولية البيت بكل الي فيه

يعني وين الأهم الشغل الي يحبه والي بيتي وعيالي واني اسهر على راحتهم والا اخلي عيالي وزوجتي على اهلي أو اهله

إذا فكرنا من هاذي الناحية انا أظن الزوج هو المسؤول عن الزوجة بكل شي راحتها من سوق ومستشفى وغيره مو اي احد ثاني

فإذا كان بعيد شو فايدته صحيح يوفر أمور معيشتهم بس المطلوب أشياء أكثر ​

 

[شذا الليل]

اختي شذا الليل انا زوجي عنيد في موضوع دراستي رافض جدا يعني كل ما فتحت معه موضوع تكملت دراستي يرفض بشده ودون نقاش يعني كل سنه افتح معه موضوع الدراسه يقولي لازم نجيب اخو او اخت ل عيالنا وعلى هذا الحال ومره يقول ما ابيك تدسين عشان انا المسؤل منكم ومره يقول انا ما ابي احد غريب يربي عيالي ومن هالكلام علما ان زوجي دكتور وانا لم اكمل الثانويه العامه وكل ما اقوله لازم اكمل دراستي كيف ترضى الناس يقولون علي ان مستوى دراستي اقل منك يعصب بالمره ويقولي لا تجيبين طاري الناس ماعلي منهم ويستحقرني اذا قلت الناس يقولون ومن هالكلام وبعدها ما صرت اقوله من هالكلام صرت اقول فرضا صار لك شي مع الزمن لازم شي يسندني بعد الشر عليه يقول راتبي التقاعد بيكفي يعني اجيبه شمال يجيبني جنوب وهو من شخصيه الرجل الشمالي الشرقي

بعض الرجال مو بس عنيدين إلا أنانيين وغير جذا ما يحبون زوجتهم تستمر في دراستها يخاف تكون بعدين أحسن عنه وممكن زوجك يفكر في هالناحية وأعتقد زوجك من هذا النوع سمحيلي لانه بعض الدكاترة يحبون ياخذون من نفس وظيفتهم او موظفة في وظيفة مرموقة لما زوجك ياخذك وانت مو مخلصة ثانوية ممكن يكون من هذا النوع

أنا ما اقلل من قيمتك لكن احط لك صورة دارت في بالي حبيبتي
ويمكن من قبل تفكيره انه ما ياخذ وحدة تشتغل عشان تربي العيال

غلطت لما ما شرطت عليه م البداية وقبل الزواج انك تكملين الدراسة

إنت لا تجيبي له انك تبغين تسندين نفسك بالدراسة

قولي له الله يخليك ويطول لي في عمرك ما مقصر علي بشي ربي يحفظك بس ودي اتعلم زيادة بما انه العيال صغار عشان اساعدهم في المذاكرة بعدين

كيف بذاكر لهم وأنا نسيت كل شي

لازم اتعلم بيفعني وبينفع عيالي

لا تجيبي له طاري الشغل أبد

وبعد ما تخلصين دراسة ابدي في مسألة الشغل وهكذا

كوني ذكية في تعاملج معاه

لا تصري ممكن تطرحين الموضوع بقصة وحدة من صديقاتج راحت تدرس وابدي معاه انه مب مقصر وغيره واستمري عاد انت

لا تزعلين من الي قلته قبل بس يمكن انت بعدج صغيرة وما تفهمينهم زين

الله يوفقج يا عمري وييسر لج أمرج​

 

[الـحـاالـمـه]

شذا الليل ماشااء الله عليكي كعاادتك مميزه جدا

مااسكه الموضووع وتساعدي كل البنات

الله يوفقك يااااااااااااارب



****


عزيزتي مي نور البدووور

اتضاايقت لوضعك والله احس فعلا لازم تكملين درااستك

بس انتي غلتطي لمن قلتيلو انك بتكملي عشان كلام الناس ومقارنتهم بزوجك
بالعكس بيني انو رغبه عميقه داخليه منك
وكمان خلي عيالك عذر قولي لمن اكمل دراستي بتزيد مداركي وثقافتي اكثر
وبتزيد ثقتي بنفسي وبقدر اربي عيااالي بشكل احسن
وماابغى بكره ينظرو لامهم انها مو متعلمه لانو احنا بزمن اللي ماعندو جامعه
مو متعلم مابالك باللي مو مكمله الثانويه

وبيني انك بتعوضي التقصير وبتشدي حيلك عشان توفقي مابين الدراسه والبيت والعيال


نوعي باساليب طلبك وكثري منها خليه يعرف انو انتي مصممه جدا

مثل ماقالت شذا الليل الزن يجيب نتيجه لكن الزن الهادئ الناعم
اتكلمي بالموضوع بمجرد ماتحسي انو بدا يعصب او ينقلب على طول وقفي الموضوع وغيريه
او قومي من عندو

اكتبيلو مسج على الايميل ومره اكتبيلو رساله وحيها بظرف وحيها بمحفظتو او جيبو
او بسيارتو نوعي باساليب الطلب ودايما رددي اعرف انو عندك قلب مايرضى يكسر بخاطري
ويوقف بطريق احلامي

ودايما قولي السبب اللي خلاني اوافق اني اتزوجك وانت دكتور
اني كنت عارفه انك انسان مثقف وواعي وتحب العلم والتعليم
وماترضالي انا وعيالي الا نكون بدرجه عاليه من التعليم

وانا افضل لو تتبعي اسلووب الرسااايل احسن مره على الايميل ومره كتاابه على الورق
خلي يفكر بكلامك الحلو الجميل من غير لا يضطر يدافع او يرفض بسرعه من غير تفكير



والله يوفقك حبيبتي ​

 

[ام احلى بنت]

ماشاء الله
شذا الليل
والحالمه كفوا ووفوا
حتى انا استفدت من كلامك يالحالمه عندك اسلوووب رائع في الاقناع وشذا وبسجله عندي
فعلا كثر دق يفك اللحام بس دق بااسلوووب جميل

وشكرا لبابيرووووووووو

 

[*روعه*]

مشكووووووووووووره على طرح الموضوع يا عسل .. لي عوده لاقرأ المزيد وافيد واستفيد

 

[papero0o]

بنات عندي لكم اعلان هااااااااااااااااااااام​

الموضوع هذا راح يستمر لاسبوعين يعني الاربعاء ماراح افتح موضوع جديد ​

و ان شاء الله راح نصوت لافضل موضوع مر علينا في هذا الشهر نصوت له و تعيد فتحة من جديد و نتناقش فية من جديد و نتكلم عن الحلول الي اطرحوها الاخوات في الموضوعااااااات​

و الله يوفق الجميع​

 

[لمسة سحر]

والله برافو عليك مشرفتنا .....
فعلا الموضوع مهم ويبغاله مناقشه و أمثله وحلول أكثر ..
والبنات ماقصروا وأبدعوا خصوصا شذا الليل والجوري ...
ربي يخليكم ياغاليات بسسسس نبي منكم المزييييد ...
كيف نقدر نكسب اهل الزوج العنيدين ؟؟؟؟
عطونا اساليب وامثله ياحلوات ...

 

[سلايس]

السلام عليكم اختي الغالية..اشكرك عى هذه الفكرة الرائعة..التي سيستفيد منها الجميع
اولا اذا كان الزوج عنيدا..يجب ع المرأة ان تتحلى بالصبر وطولة البال والهدوء
ولاتقابل العناد بالعنادا..لان ذلك سيترتب عليه مشاكل كثيرة ربما ستؤدي الى الطلاق..
من راي اذا ان تسكت لحظة عناد زوجها..ولاتتفوه بكلمة..اى ان يهدأ..واذا ارادت ان تغير راي زوجها العنيد في موضوع ما..فلتتبع الحكمة..تستغل لحظة الصفاء حيث يكون مزاج الزوج ع البراد يضحك يسولف..لحظتها تفاتحه بكل هدوء..او تعمل له الطبخة الي يحبه..وهم يسولفوا ع الأكل تحاول تفاتحه باسلوب هادي.. الزوج العنيد يحب المراة التي لاتعانده..وتسكت لحظة غضبه وعناده..ويحب هدوءها ونظرتها المكسورة..اكيد راح يرجع ويطيب خاطرها

 

[الزهر الجوري]

مشكورة شذا الليل فعلا كلامك مهم جدا ان يكون الاب جنب الاولاد والزوجة ويتحمل مسؤلياته وراح اخذ بنصيحتك الحلوة واخبر اختي ....تسلمي