¨°o.O (الزوج العنيد♥ الطفل الكبير) O.o°¨ مشكلة و حل♥

[لمسة سحر]

معك ياشذا الليل لان اللي تتكلمين عنه عانيته مع زوجي واهله ( التسلط والعناد )

 

[ليتني احتويك]

موفقين والله يعينااااااااااااااااااا

 

[شذا الليل]

عيوني أم أحلى بنت ولمسة سحر

ما ادري إذا ملاحظ لديك هذه الصفات التي لاحظتها انا في الزوج العنيد

أنه الزوج العنيد يستغل الزوجة من كونها لابد عليها تتحمل مسئولياتها المنزلية ومع الأولاد، يعتمد عليها في هذه النواحي ويعتبر امور البيت مهمة جدا لذلك عليك التضحية وتقديم التنازلات

كذلك يحاول بعض الأحيان تغيير خططج من خلال حجج واهية لا داعي لها

والأخطر من ذلك أنه ممكن يخوفك من الأمر الذي ترغبين به وتحاولين اقناعه

وهنا تضعف الزوجة ساعات وتخاف انها تقوم بهذا الفعل نظرا لما قد يحصل لها مستقبلا وبالتالي تتحمل المسئولية

تقول الزهر الجوري بأن على الزوجة احتواء الزوج وبالحب والحنان تستطيع التغلب على الزوج العنيد نعم ذلك صحيح

ولكن عندما ناتي إلى قرارات مصيرية مثل السفر أو الدراسة والتي هي رغبة صديقتنا أم احلى بنت

كيف ممكن نتغلب على الزوج العنيد

لي عودة لأبدا بالامثلة

انتظريني يا أم احلى بنت ​

 

[شذا الليل]

راح احكي عن نفسي الحين

كنت عنيدة معاه في كل شي وما كنت احصل شي

لاحظتوا

صار يسميني العنيدة وكنت أقول له أنا مثلك

وبعدين كنت أقوله وبالتدريج انت نسخة من أبوك اعترض لا لا

قلت له يس نسخة من أبوك

جوف شو تسوي وجوف شو يسوي راح تتاكد أنك مثله

طبعا هذا الي قلته في سطور بسيطة لم يتم في أيام وشهور

بل استمر طبعي هذا سنين

إلى ان صحوت من غفلتي

بكلمة من اختي الكبرى

لا تكوني عنيدة ...سايسيه ( يعني خذيه بالسياسة )

وراح تقدرين تسوي اي شي تبغيه منه ولا ابشرك بتغييره

فكرت في كلامها كثير كثير

والنتيجة راح أقولها الحين مع والديه ومعه زوجي الغالي الحبيب​

 

[شذا الليل]

كيف تعاملت مع والديه

أولا :الوالدة كله مبتسمة في وجهها ، وحتى لو وعصبت أقول لها الوالدة اليوم زعلانة يمكن شي مكدر خاطرها

فتقول لا يا بنتي ما في شي

بدأت تحكي عن مشاكلها

وبعدين ترجع لأسلوبها التسلطي والمتعصب

أغير الموضوع بسرعة وأقول لها تبغين شاي خاطري في شي يهدي اعصابي حاسة نفسي مشدودة

تقول زين يا بنتي

ثانيا :والده يدخل في كل صغيرة وكبيرة بس من دون علم طبعا زوجي

يبغي يخطط حياتنا

بس كل شي ان شالله والله صح كلامك ، انا بعد دائم أقول لزوجي جذا بس الله يهديه تراك تعرفه يا عمي

ما عليه بحاول معاه

اتصل اطمن عليهم

واتصل اسالها عن حلةول لمشاكل ولو كانت وهمية وأخذ رايها وأقول لها نعم الراي بصراحة لو ما شورج ما كنت بعرف شو بسوي

شايفين السياسة ......وبجذا صرت العاقلة الي تسمع الكلام والمطيعة ....بس ما شرط انفذ كل الي يقولوه

بس المهم ارضيهم ...

ونصيحة

كل الكلام الي يدور بينج وبين والده ووالدته لا تقوليه جدامه بيني له انج تحبيهم وبس

لا خلاف لا خلاف

وانهم يحبونج أكثر وحدة في العايلة

لحظات وراجعة ​

 

[الزهر الجوري]

متابعة تسلمي شذا الليل .......

 

[الزهر الجوري]

من ناحية الزوجة لازم تجاري زوجها (مثل ما ذكرت اختي شذا الليل )وتتنازل ولا تعاند وتحاول ان تفهم زوجها ان التنازل ليس خسرانا ،فهذي ليست حرب وانما يعيشان في نفس السفينة .
الزوج العنيد يحتاج الصديق فالتحاول الزوجة ان تكون صديقته...وتستخدم روح الدعابة امكن...

 

[الـحـاالـمـه]

اهلين صبايا ,, كيفكم حبيباتي ,,


احلى شي انو شذا الليل قاعده تكتبلنا تجربتها في الموضوع

نستفيد ونتعلم اكثر عن طريق التجااارب

وكويس لحقتي حالك شذا لانو فعلا العنيد ناخدو بالسيااسه

الي سويتيه مع اهل زوجك مره حلووو وتصرف سليييييييم


بانتظاار تكمليلنا وتحكيلنا ايش سويتي مع زوجك ياعسل



الزهر الجوري انا ايد كلامك لازم الزوج العنيد تتعامل معاه زوجتو بحب واحتواااء


​

 

[خلود بكر]

السلام عليكم ورحمة الله وبركاته والله الرجل العنيد اظن انه اصعب من الطفل العنيد عاد الطفل تعانديه هو ولدك مايقدر يقول شئ غير انه بيعاند اما زوجك عناد فوق عناد النتيجه خساره والي هي الطلاق بسبب غير مقنع وخاصه ان العناد استطيع اني اقضي عليه وباأسلوب الي هو اسايره واسوي الي اانا ابغاه كل يجي بس بلمسايره والله لو اعاند بخسر لكن لو اساير بكسب عاد في امور اقدر اسايره بس في امور تدمر اسره بكاملها وهنا عاد المسايره خطأ يعني لو زوجي يسوي يسوي محرمات كبيره ويعاند فيها ممكن توصل للمجاهره هنا لو سايرته من جد بيجاهر ومايهمه اش يكون وضع اولاده ولاحتى يهتم بااخرته وعاد هنا ماينفع ابد اساير وقول لا ماابغى اعاند وبتحمل وبساير هنا اقول افضل شئ ان وصل للمجاهره اتركه واترك المكان الي هو فيه عشان غضب رب العباد لاينزل علينا ونحن ساكتين على غلطه ومن جد بيحسب انه عادي ومو مهم فبيكمل طريقه عشان كذا مو كل امر اساير فيه موضوع عادي اسايره اما موضوع كبير لاانتبه مو عشاني بس عشان اولادي والله يصلح الامور ويحنن قلوب المسلمين

 

[خلود بكر]

عاد بقولك وضعي الله يبدله من هم وحزن الى فرج قريب يارب انا زوجي مايشتغل طيب وعنودي وغير كذا مرضه نفسي يعني كيف تحاولي تعالجيه وكيف تقنعيه بلعمل جلست معاه اربع سنين كل بعد فتره اذكره بلعمل وخاصه ان عندنا ولد يابو فلان لازم من العمل عاد مايسمع وغير كذا جالس لحاله يعني النقاش وربي مو بس صعب الا اصعب من الصعب عاد تتوقعوا ان يمكن ماعنده شهاده بقولكم والله انه خريج هندسه وذكي بللغه العربيه بس المشكله انه بيعاند نفسه لين بلفعل مرض نفسه بلعناد كل شئ يبغاه بهواه مايحب احد يتدخل فيه حتى اهله هو الصح والدنيا كلها خطأ وطبعا ناتج من مرضه الى مااتعبه المرض وصار فكره اسوء من الشئ الجدال معاه يجي بعده ياضرب ياطرد عشان كذا بقولكم مو كل شئ بلمسايسه يجي يعني قد مااحاول واخوانه واهله مانفع اتعبني واتعب ولدي فتركت البيت له وعاد براحته متى ماحس انه غلطان بيتراجع انا حبيت اقول قصتي مع اني ذكرتها لكم من ضمن المشاكل الي اتمنى احصل لها حل وردتوا علي الله يجزاكم الجنه بس حبيت ابين لكم ان مرات العناد يمرض الانسان الله يشفي مرضانا ومرضى المسلمين ودعواتكم يابنات

 

[عتاب عشاق]

انا اعاني من عناد زوجي
يبغى الدنيا على كيفه واوقات يتكلم وكانه هو الصح وانا وكل الناس الغلط
الله يهديه
لكن انا ولله الحمد من خذيته ربي برد على قلبي رغم اني عنيده كنت لكن معاه خلاص تعبت وصار حتى لما يصارخ ماارد عليه واذا رديت احسسه انه الصادق والكل غلط...

 

[كريستاله ورديـه]

أنا مشكلتي أناقش في الأمور اللي يطلبها،،،وهو يحسبها عناد فيعاند أكثر
وقبل كم يوم صارت مشكله كبيره بيني وبينه على موضوع تافه،،،كانت راح تأدي للطلاق
لكن ربي ستر،،،
ولما جلست مع نفسي ومررت شريط حياتي اللي يحتوي على ناس أعرفهم مرو بتجارب أقسى مني وألحين أزواجهم ماشاء الله نفس الخاتم بيدينهم،،،،
طلعت كل السالفه >>>إن الزوجة بطبيعتاه لازم تتنازل عن بعض الأمور لترضي غرور الرجل
وبعدها كل وحده وشطارتها في تغيير الأمور اللي ماتبيها،،،لكــــــــــــن
الصبــــــــــــــــــــــــــــــــــــــــر
أما باللنسبة للرجل العنيد،،،فأتوقع والله أعلم إن جميع جنس الرجال فيهم هذا الأمر فطره
يعني التربية والبيئة تلعب دور،،لكن تركيبة المخ والجسم تلعب دور أيضاً،،،وهو نفس الطفل،،،لازم تحسسينه إنه هو أهم واحد في الحياة،،
فالرجل مثل الشجر أفرعها متعددة لكنها تنبت من نفس الجذع..​

الله يسخر أزواجنا لنا يارب العالمين،،ويارب نقدر نطبق هالكلام إذا مرينا بمشاكل:22:
دمتم بود​

 

[متزوجه ولكن]

افضل اسلوب للتعامل مع الزوج العنيد تتجنبين عناده تماااااااااااااااما
تقولين له ابشر وسم الي تبي بيصير ولما يحس انه انتصر ومشى كلمته وانك كنتي مسالمه معه وماعاندينه
بيضعف قدامك بعد ماتعطينه الحريه التامه
يعني قولي له ابشر ومن عيني ذي قبل هذي

وبعد شوي تعالي وقولي له ياليت تجيب لي هالغرض كنت محتاجته اظهري ضعفك له وحاجتك لطلبك
وماتلقين الا طيب الخاطر

اسوأ اسلوب معانده العنيد
هذا بيخلي حياتك نكد ومشاكل مالها نهايه
العنيد يحب يحس انك مطيعه له وماتخالفينه ابدا ولو تجارينه ثم تاخذين حقك الي تبينه منه كامل

لما يبدأ مثلا بعنادك
قولي له انا مررره عنيده وماحد يقدر يعاندني الا انت
الي تامر فيه انا اسويه
انا ما اقدر اعاندك
اعاند الناس كلهم الا انت

حسسيه باهمية كلمته ورايه وماتشوفين منه عناد

العنيد انسان ضعيف
يحط حيله بالعناد يحسبها قوه
لما تحسن انه ضعيف اعرفي كيف تكسبينه بكل سهوله
احيانا ممكن تضطرين تتنازلين عن اشياء بالبدايه عشان تكسبينه وتشعرينه بطاعتك له
لكن بالنهايه انتي الكسبانه
يكفي انك بتكسبين قلبه بتقليلك للمشاكل الي ممكن تكون بسبب تطاول العناد بينكم

 

[الزهر الجوري]

ف بعض الاحيان الزوج ما عنيد بس يحاول يغيض المرأة ويعاند عشان يظهر حال المراة انه هو الصح
زوجي والحمد لله مو عنيد بس بعض الاحيان يعاندني ولخت قبل لم يعاند اتضايق واناقشه بس ما كان فيه فايدة والحين اسكت عنه مثلا اليوم الصباح كنت انظف وحابة ارتب السيارة فناديتة عشان اشوف راية ف بعض الاشيان واعرف الي يحتاج اتركة بالسيارة والي ما يحتاجة ولكن عاند وقال تعاي انت انا اتضايقت مو معقولة اخذ الاغراض واروية سكت عنة ولا نادية ولما شافني داخلة ومخلصة وانا ساكتة مريت عليه اشوفه ولا كنه شي صار ورحت فجاني بروحه وحب يعرف شو صار ....
لني قبل اعانده لكن اليوم كسرت نفسي وهذا الطريقة من فترة متبعتها اني ما اعانده والحمد لله المشادات اقل بكثير ....شكرا

 

[الزهر الجوري]

ومن واقع حياتي ايضا
والدة زوجي عنيدة كثير مو مثل ابو زوجي طيب ولا يعاندك ابد بس اهي تحب انه الي تريده يصير .
مثلا
انا مو من العيلة يعني من منطقة بعيدة عنهم فطبخي طرقه تختلف عنهم . بس وربي يعلم طبخي احلى يطلع لا هي لازم تريدني اطبخ ع طريقتهم فالبداية كنت اعانده من باب اني لا راي وطريقتي ما راح اتنازل دام اللي اسويه صح .وكان دايم تتكلم وتضايقني لاني ما اسمع الي تريده.
بس بعدين قلت ابعد عن المشاكل لاني من النوع الي ما احب ام زوجي تضايق علي او تتشاجر معي فقمت اعمل مثل اكلهم لما يكونوا موجودين بس لما اكون بحالي اسوي بمزاجي والحمد لله ما قامت تعاند وتحطني اطبخ ع راحتي .....

 

[شذا الليل]

حبيبتي خلود بكر

صحيح ما كل النصائح تنفع لكل الأزواج لأنهم مختلفين في الشخصية وطبعا الي ينفع لزوجي ممكن ما يصلح لزوجك وهكذا لكن يا قلبي لا مانع من المحاولة بس حطي في بالك يقين من انه الي تسوينه لرضا الله تعالي
والله ما يخيب ظنك أبد ابد

طبعا أم احلى بنت تحاول إنها تدرس

ونفس الحالة أنا كنت اتمنى أدرس وخاطري كثير كثير هالدراسة وكان هو معارض ولما بدانا أول نقاش كان مقفل على طول

لكن لكن لكن

بدأت بالزن عليه بس بحنية

كانت حجته المصاريف

بس بدأت أفكر وأقول ممكن نسوي جذا وجذا وتقفل الموضوع

وقلت في خاطري خلاص لازم ما أتكلم في الموضوع لأني حنيت زيادة في الموضوع

بس بدأت اذكر قصص وهمية وفي منها واقع عن صديقات لي راحوا يدرسوا وأزواجهم واقفين معاهم ومسانديهم

وكنت بس أقول الله يوفقهم

وقفل الموضوع

وبعدين عرض هو الموضوع ومن نفسه يالله ما تبغي تدرسي فكرت فيها ولقيت غنا ممكن نسوي جذا وجذا

طبعا فرحت الدنيا ما وسعتني وقلت له بس إنت تقول إنه ما في مصاريف

قال فكرت ودبرتها

وفديت روحه واقف معاي وقفة يا رب يحميه بس ويخليه لي ويرزقه كل الي باله

 

[شذا الليل]

يعني أقدر أقول لكم يا بنات

إن الزن والزن والزن يفيد

بس بحنية وحنان ودلع وكل خفة

كل شي تبغيه مهدي له وحطي خطة وكلميه فيها وبكل هدوء إذا بدأ بمشكلة أو صراخ قولي على رايك واتركيه لحاله

 

[شذا الليل]

- حاولي تكوني متماسكة في تعاملج معاه وتستعيني بالله وتكثري من الدعاء إنه الله يسخر لج هالانسان
- تذكري انج تحبينه دائما وهذا دافع لج إنج ترضيه ودافع لج إنج تتجاهلي تصرفاته

- دائما وأبدا تذكري انها مشكلة هينة مقارنة بالمشاكل الثانية

- فكري بطباعه الثانية والي يتميز فيها وقارني راح تلاحظين إنه الي معاج إنسان رائع وعناده شي تافه

- لما ما تردي عليه أبدا وتدعي له بالهداية دائما وتتركيه فتلاحظي إنه يقدرك وأكيد بيقول في نفسه هالزوجة وين بلاقي مثلها وايد متحملتني بس مب لازم تسمعينه ​

-

 

[شذا الليل]

طيب يا حلوات

لكم طبعا نصيحة وخاصة للحلوات معانا

* أي عنيد في له نقطة ضعف ممكن من خلالها تستغليها عشان تغيرين رايه فمثلا أنا زوج احدى صديقاتي يتاثر بالأدلة القرآنية والاحاديث وقصص العبرة

لما تدخل معاه في نقاش مثلا أو موضع هي محتاجتنه تقول بس الرسول عليه الصلاة والسلام قال جذا وجذا

والصحابي (...) عمل جذا ونحن مسلمين ونمشي على كلامهم

* أو ممكن له قدوة معينة او يتأثر بآراء ناس معينين فمثلا يتأثر بكلام والدته فإذا حابة تقنعيه تقولي له ليه والدتك رايها جذا معقولة إنت غير عنها وبجذا كسبتيه ومن دون ما يكون لكي أي راي يعني من الأساس

* بعضهم ممكن تغيرين رايهم لما تعطينهم شي يحبونه فهمتوا قصدي يا حلوات :31:

* او ممكن خلال جلسة المساج

* تخيري نقطة ضعف يا أم احلى بنت وحاولي انفذي فيها خطتج الهجومية وبكل نعومة تامة

* ونحن معاج

لي عودة ​

 

[شذا الليل]

السلام عليكم ورحمة الله وبركاته والله الرجل العنيد اظن انه اصعب من الطفل العنيد عاد الطفل تعانديه هو ولدك مايقدر يقول شئ غير انه بيعاند اما زوجك عناد فوق عناد النتيجه خساره
والي هي الطلاق بسبب غير مقنع وخاصه ان العناد استطيع اني اقضي عليه وباأسلوب الي هو اسايره واسوي الي اانا ابغاه كل يجي بس بلمسايره والله لو اعاند بخسر لكن لو اساير بكسب عاد في امور اقدر اسايره بس في امور تدمر اسره بكاملها وهنا عاد المسايره خطأ يعني لو زوجي يسوي يسوي محرمات كبيره ويعاند فيها ممكن توصل للمجاهره هنا لو سايرته من جد بيجاهر ومايهمه اش يكون وضع اولاده ولاحتى يهتم بااخرته وعاد هنا ماينفع ابد اساير وقول لا ماابغى اعاند وبتحمل وبساير هنا اقول افضل شئ ان وصل للمجاهره اتركه واترك المكان الي هو فيه عشان غضب رب العباد لاينزل علينا ونحن ساكتين على غلطه ومن جد بيحسب انه عادي ومو مهم فبيكمل طريقه عشان كذا مو كل امر اساير فيه موضوع عادي اسايره اما موضوع كبير لاانتبه مو عشاني بس عشان اولادي والله يصلح الامور ويحنن قلوب المسلمين

طبعا أنا أأيد خلود بكر في كل الي قالته وإنه في بعض الأحيان يكون العناد فيه خسارة للطرفين لأنهم العنيدين ما يهمهم إلا نفسهم وكل شي عندهم أحيانا عادي وهذا واقع

طيب ايش لازم تسوي لما بتلاحظي إنه راح يبدأ يجاهر تبتعدي على طووووووووووووووول

عشان ما يتمادى أكثر ، إنت ممكن تدخلي معاه في نقاش بس من لما تحسي إنه ساعة الخطر حانة على طوووول تتحججي بأي حجة وتغادري المكان


نجي للمحرمات الي ممكن يسويها

أنا عندي لك حل إنت ممكن تدبري خطة عشان تحاولي تبعديه عن هذا المحرم

طبعا انا ما ادري شو نوعه لكن بتكلم على العموم

تختلقين قصة أو اتفاقية مع اخوج او تتلكمين عن احدى صديقاتج ساكنة في دولة ثانية أو مكان بعيد وتقولي إنه زوجها يسوي هالشي المحرم وجاه مرض .....................

راح يسألك كيف قولي له لأنه هالشي يسبب جذا وجذا وجذا ...................

بس لازم تكوني متأثرة ووتبكي حيييييييييييييييييييييل قبل لا تنفذي الخطة هاي عشان يصدق إنك زعلانة كثير من الي صار في زوج صديقتك

وإنه والله ما تستاهل ولا يستاهل اولادهم

إذا ما قدرتي ممكن تكتبين القصة وترسلينها على الايميل بس من ايميل جديد ما يعرفه

وممكن تخلي أي واحد من اخوانج يساعدج في تنفيذ هالتجارب

ونحن معاك

ربي يصلح حالك وحاله اللهم آمين ​