بادئ الموضوع تاريخ البدء
  • المشاهدات 5,502
  • الردود 74
إنضم
7 يناير 2008
المشاركات
2,026
مستوى التفاعل
0
النقاط
0
الإقامة
دار زايد..بوظبي
شو بقول...أف ..قلبي متروووس..مو حقد والا غيرة...
لا..الحمد لله ما احقد انا ..
لكن متروس قهر ..وفي نفس الوقت شفقه على فئة من الناس!

الحمد لله ألبس الزين..سواء ثياب..أو اكسسوارات..وحتى الألماس والذهب..
أشيل أحسن الشنط..وانتعل أحسن النعل ( والقارئ بكرامة)..أعيش في بيت جنة ولله الحمد..
أشتغل ..أروح وأيي..وربي رزقني بصحبة خيرة..وامي وابوي واخواني..في عيوني..
الحمد لله..

لــــــــــــــــــــــــــــــــــــــــــــــــــــــــــــــــــــكن..

عمري ما قلت ..انا البس ماركة كذا..انا اتعطر بعطر كذا..انا بسافر خمسين مرة في السنه لبلاد كذا..
انا ما اشرب الا ماي كذا...وانا معدتي ما تتقبل الا هذا الأكل..:dunno:


صراحه من يقول جي..يا نقص فيه يا ما شايف خير!


عاليه..انا بلوزتي بربري..شنطتي ديور..وترا نظارتي غوتشي..
اوووه ما قلت لج..كعبي LV ..مناكيري شانيل..روجي لانكوم..
ومسكرتي ايف سان لوران..!!!!!!!!!


يالأخت ..ما ودج تخبريني ملابسج الداخليه من وين؟؟؟؟:bleh: هههههههههههه

قلت لكم..من يقعد يكرر ويعيد في هذا الشي ويشوف الناس بنظرة دونيه..يا فيه نقص..يا ما شايف خير..

النعمة حلوة..والخير حلو..والماركات بعد حلوة..وعليكم بالعافيه..لكن بعد
التواضع جميل..والقناعه كنز..والدنيا مو كلها ماركات..ولا البربري والديور
بييون وياكم في القبر..!!!!!

الحمد لله والشكر على نعمة العقل وعلى نعمة القناعه..واسأل الله لي ولكل من تقرأ حروفي
بأن ترظى بما قسم الله لها من النعم:bigsmile:

ملاحظة : دوومي شكلها متعقدة من هالفئة من الناس:1eye:
 

witch

New member
إنضم
16 ديسمبر 2006
المشاركات
687
مستوى التفاعل
0
النقاط
0

ضميني وياج
انا وحدة متعقدة حتى النخاع من هالفئة ... قبل كنت اقعد و اسمعهم و على قولة اختي نظراتي لهم تقزز و شفقة :schmoll:
الحين اسمع و اضحك و اقول الحمدلله على نعمة العقل

صج ناس مدري وش تبي ... لبستي الماركة الفلانية و الماركة العلانية ، طيب و بعدين ؟

اللي يضحك اكثر و اكثر اللي مب شايفين خير

لما تييج وحدة ما تعرف شي و فجأة ربج انعم عليها و صارت تعرف الماركة الفلانية و الماركة العلانية .. تقوم تقلب و تعامل الناس بدونية و على انها اعلى منهم و ارقى منهم .و تعايرهم ليش يشترون من المكان الفلاني و العلاني .. يامي نسينا ما كلينا !! ... كلها يومين ترى من كنتي ما تشترين الا من المكان الفلاني والعلاني ... و كنتي ماتعرفين شي عن الماركة الفلانية و العلانية

الامر قابل للتطنيش لكن لا صار هالنوع من البشر مقابلك اربع و عشرين ساعة .. شي و ربي يضحك يضحك ماادري تنبط جبدي منهم اسمع لهم اشفق عليهم اطنشهم ف بالاخير اقعد اضحك و امشي ..

الله يهديهن و يصلح حالهن

<<<< تحسينها يا دوومي عالية متعقدة حدها من هالفئة

هههههههههههههههه و سلامتكم


 
إنضم
7 يناير 2008
المشاركات
2,026
مستوى التفاعل
0
النقاط
0
الإقامة
دار زايد..بوظبي
ههههههههههههههههههههههههههه...

الله يقطع ابليسج يا ويتش..

ايه والله صاادقة في كل كلمة كتبتيها...

اللهم عافنا..يا رب..

تسلمين لي يالغاليه..على تعليقج الأكثر من راااائع..لا حرمني ربي من هالطله..
 

احساس جديد

New member
إنضم
5 يوليو 2007
المشاركات
556
مستوى التفاعل
0
النقاط
0
حبيبتي دومي عاليه
الفئه هذي فعلا فيها نقص من جد
وعلي فكرة هي فئه تمتهن الكذب وللاسف
وكأن المرء يقاس بما يلبس
ودائما النرجسيه عندهم كبيرة
والمشاعر لديهم مفتعله
والله كأنك معنا اليوم يادومي عاليه
اليوم وحده من المعلمات تتفلسف وتقول اللي مايشتري من الفيصليه
ماعنه ذوق ابدا
وأنا لايمكن البس ولا عيالي يلبسون الا ماركه
ولااشتري الا بذيك القيمه ( وخذ يادجل )
وعلي كلامك حافظه اسماء الماركات حفظ (لكن انكشفت)
تكلمنا انا ووحده من المعلمات توها جايه من قريه مع زوجها
وتسأل وش احسن الاسواق بالرياض للاطفال
قلت روحي للنمر او سلام مول
او صحاري
قالت وع لاتروحين غير الفيصليه محلات كشخه والباقي اسحبي عليه
التفت عليها وقلت هي نفس المحلات ونفس الاسعار بس الاسواق تختلف
قالت لالا ولو كله شغل قراوه
بعدينا حكينا عن سوق بجنوب الرياض
وتقول وحده من المعلمات ان فيه اشياء حلوة
قلت فعلا انا اروح اشتري لولدي من هناك احيانا
قالت المغرورة ايه انا كنت فيه امس
التفت عليها قلت وين الفيصليه والماركات
ودك شفتي وجهها ذيك اللحظه
الكل يقدر يلبس ماركه
والاناقه ماهي بالماركة لكن بالذوق
 
إنضم
7 يناير 2008
المشاركات
2,026
مستوى التفاعل
0
النقاط
0
الإقامة
دار زايد..بوظبي
هههههههههههههههههه...فديتج يا احساااس..

ايه والله صدقتي يا اختي.. الأناقة ما هي بالماركة هي بالذوق..

يا اختي قلت لج المكفخ واللي مش شايف خير هو اللي يسوي جيه..

عاد انتوا ما شاء الله عليكم في السعوديه كل اسوااقكم تينن وانا امووت فيها صراحه..سواء ماركة او لا

تحياتي لج يالغلا :)
 

رماني

New member
إنضم
19 مارس 2008
المشاركات
9,435
مستوى التفاعل
0
النقاط
0
الإقامة
قلب زوجي
الحمد لله على كل حال راضية ومقتنعة بقسمة ربي لا اتباهى ولا اتفشخر ، واحلى قسمة من رب العالمين ابو محمد الله لا يحرمني منه.
 

~BUTTER~FLY~

New member
إنضم
20 أكتوبر 2006
المشاركات
1,709
مستوى التفاعل
0
النقاط
0
ساعتي

وأقراطي

عقدي

وخاتمي


ملفعي


شحاطتي

ملابسي

شباصتي

كلها ماركات

وأنت حبيبتي

مم ماذا ؟؟

من الطين خلقت

والى الطين تعودين

//////////////////////////////

شكرا لك دووومي :blush-anim-cl:تقبلي كلماتي
 

همس الداخل

New member
إنضم
28 ديسمبر 2007
المشاركات
1,598
مستوى التفاعل
0
النقاط
0
الإقامة
SA
الموقع الالكتروني
🔗

مرحبا علوووووو....

كيفك؟؟؟ من شفت اسمك قلت لازم أشاااااارك حبيبتي موضوعهااا....

ويوم دخلت شفت الموضوووع لازمتني ضحكه لم تنتهي للان....ههههههههههههه...

عن نفسي....أنضم لكم أيضاا...
بصرااحه هالنوعيه ملت الدنيااا.............وين مانرووح نلقى هالناس الماركهـ....!!.

الله يهديهم ويصلحهم......هي فعلا عقدة نقص...الله المستعاااااااااااان..

وأنا بعد احب الماركاات..
.بس في البشر...أحب الصناعة الوطنية...وأفخر بصحبتهاا...
 
إنضم
7 يناير 2008
المشاركات
2,026
مستوى التفاعل
0
النقاط
0
الإقامة
دار زايد..بوظبي
رماني.. الحمد لله على نعمة القناعه..والله يزيدج من فضله دااائما....سلمت على المرور أخية..:icon26:



الحائرة...قووووووووووووووووووووووووووووووووووووووووووووووووووويه:clap::clap:
في الصميم..... عجبتيني الصراااااااااااحه........الله يوفقج ويحفظج وين ما تكونين:icon26:


همس الداخل....حي الله هموووووسه....هههههه..وانا بعد كنت اظحك يوم كتبت الموضوع..:1eye:
وانا مثلج احب الماركات..واحب الشي زين..لكن كل شي بعقل..وكل شي بتواضع..
وانا بعد اموووت في الأصلي من البشر:msn-wink:
مرورج..عطر صفحتي يالغلا..
 

ShaRoOosa

New member
إنضم
16 نوفمبر 2007
المشاركات
883
مستوى التفاعل
0
النقاط
0
الإقامة
ㄨ ј ℓ đ đ α н ㄨ
السلام عليكم ورحمة الله وبركاته ..

صدقتى والله دومي عاليه هذه الفئة ترفع الضغط بصراحه ماله داعي ياأختي تتفاخري
بما عندك من ماركات خصووصاا لو اللى قدامك الحمدلله شايف خير ..

بقولكم قصة صارت معاي ..

وحده من صديقاتى الله يهديها ويصلحها كانت دائماا تعلق على كل شي ألبسه

وفى يوم طلبت منى أقلها على الأماكن اللى أشتري منها وأنا طبعا قلتلها

ومن يومها كل يوم تجي الدوام تجيني تقول شوفى أشتريت ساعه من ديور وأخذت عطر شانيل

واليوم بروح أشتري نظارة بولغاري ..

أنا بدون مقدمات .. قلتلها يابنت الحلال انتى مو شايفه خير خلاااص اشتري على كيفك الله يهنيك

والله حزنتنى بس من جد أنا ماأستحمل أحد من هذا الفئه وأنا أعتقد مو شايفين خير ..


شكرا يااقمر لطرحك هذا الموضوع ..
 

صمتي مهابة

New member
إنضم
28 مايو 2008
المشاركات
203
مستوى التفاعل
0
النقاط
0
الإقامة
قالوا الهوية قلت ظبياني
تسلمين يا دوومي على الموضوع الفنان
لأن بصراحة كان لازم ينكتب عنه خصوصا بعد طفرة الماركات<<<< حتى الكاكاو غلفوا بغلاف على شكل ماركات ههههه
ما أقول غير الله يهدينا ويهديهم
 
التعديل الأخير:
إنضم
12 يناير 2008
المشاركات
799
مستوى التفاعل
0
النقاط
0
يادوووووووومي ياحلو مواضيعك يتهيئلي هالفئه عندهم عقده مزمنه اسمها ماركه ههههههههههه
والحين المقلد تارس السوق ماتفرقين بينه وبين الحقيقي
غاليتي صراحه موضوعك مهم ويتكلم عن حاجه منتشره بين الناس من الجنسين على حد سواء
وانا عن نفسي احب اشتري الي يعجبني ومش مهم عندي ماركه او غيره
تسلمين غاليتي
لك ودي
 
إنضم
7 يناير 2008
المشاركات
2,026
مستوى التفاعل
0
النقاط
0
الإقامة
دار زايد..بوظبي
ShaRoOosa ..حي الله هالطله..حي الله مصورتنا..
ايه والله يا اختي..شفتي كيف؟؟؟
والله عواار راااس..خلااااص فهمنا..فهمنا ان نظارتج من شانيل..وشنطتج من بربري..
وانتي من وين؟؟ خخخخخخخخخ
تسلمين لي على المرور..يا حلوة:clap:


السهم الجريح..ههههههههههههههه ..صدقتي..الله يخلي بو ريالين..:smoke1:
مرورج عسل فديتج..


صمتي مهابه..شفتي حتى الكاكاو ما سلم؟؟!!!!! لا حول ولا قوة الا بالله..الواحد يشتري الزين ويكشخ..بس مو يتخقق على خلق الله..والا شرايج:msn-wink:



عاشقة الضباب..ويا حلو طلتج الجميله على مواضيعي...الله يصلح حال امة محمد..
وانا بعد مثلج..احب اشتري اللي يعجبني..سواء ماركة او لا..والوسطيه فيها خير:msn-wink:
 

ms-reem

New member
إنضم
19 يناير 2008
المشاركات
2,051
مستوى التفاعل
0
النقاط
0
يا هووووووووووووووو

ياحبي علاوي حطيتي يدك عالجرح وصدقتي بجد انتي نسخة مني
انا يوم كنت بالجامعة اذا جلست مع بنات من هالشكل اصاب بالغثيان ومو نقص فيني كل شي البسه والحمد لله انا بنعمه
والبس كل شي حلو لكن ما اتكلم الا اذا سالوني من وين اقول
بجد ينرفزوني واحسهم تافهين وعقولهم سخيفة الله لا يبلانا
احبك واشتقت لطلتك
وحشتييييييييييييييييييييييييني
:clap::clap::clap:​
 
إنضم
7 يناير 2008
المشاركات
2,026
مستوى التفاعل
0
النقاط
0
الإقامة
دار زايد..بوظبي
بنوووووووووووووووته....
يسعد لي هالويه انا:msn-wink:
حي الله الغاليه..
ايه والله يا بنووته..غثيااااااااااااااااااااااااااااااااااااااااااااااااااان من قلب..
قلت لج نقص في هالناس..الله لا يبلانا..
سلمتي لي على المرور..:msn-wink:
 

نفيلة

ملكة متوجة
إنضم
17 أغسطس 2007
المشاركات
1,198
مستوى التفاعل
1
النقاط
0
الإقامة
فانكوفر كندا
مغرورة انا اجل مغرورة ...
و كيف لا اكون ...
فانا منذ ولدت لا اكل الا من ...
ولا اشرب الا من ...
ملابسي تختارها امي بعناية من ...
و حفظاتي تشتريها من ...
حتى ملعقة اكلي كاسي و صحني كانت من...
كبرت و تعلمت ان اكون من ...
البس انتعل احمل من ....
لا ارضى باقل منها ولا من....
فكيف لي يا صويحباتي ان لا اكون من....
المغرورات المزهوات بانفسهن ...

عالية اعاذنا الله ان نكون منهن
لكن لتريحي راسك
اما ان
تخبريها شو ما شايفة خير
او ان
تبدي تفاهة ما تقول و كانها انسانة لا قيمة لها

لك صادق التحايا
 

غلا جابر

New member
إنضم
27 مايو 2007
المشاركات
810
مستوى التفاعل
0
النقاط
0
العمر
44
الإقامة
الكويت
دومي عاليه ... صج انه طرحج مستواه عالي

والله يا الحبيبات ما كتبته دومي عاليه أنا أعيشه يوميا ... بدون مبالغه ..
فأنا أسرتي ماشالله كبيره .. وفيها الكثير من المريضات اللاتي تكلمت عنهم

تصدقون يا بنات ان هذا النوع من البنات يكسرون خاطري
تدرون ليش لأن هالبنت لم تجد بداخلها ما يظهر جوهرها اللامع(بالعاميه انسانه فاضيه من الداخل) فأختارت أن تبرزه حقيبتها الماركه أو فستانها أو ,,, أو.....

عكس اللي تليس الشي دون أن تنظر إلى ما قيمته ...

بإختصار قناعتي تقول

أنا من أعطي ما أرتديه قيمه .. أنا من أجمله ... أنا من أعطيه زهوته .. وليست ماركته

والله يشافي كل مريضه بهوس (الأنا )

دومي عاليه ... تسلمين يا الغلا ... لقبج فيه شموخ
الشموخ الجميل الأنثوي



تحياتي

غلا جابر
 
إنضم
7 يناير 2008
المشاركات
2,026
مستوى التفاعل
0
النقاط
0
الإقامة
دار زايد..بوظبي
عشق الخيول...حي الله هالطلة:msn-wink:


نفيلة..ههههههه..المشكلة اني لما اقوول..يسكتون فترة..بعدين يردون لنفس الموال:dunno:
الله لا يبلانا يا اختي...والله يهديهم..
مرورج راائع مثلج حبيبتي..:icon30:


غلا جابر..حي الله اهل الكويت..صحيح من يقعد يتكلم عن نفسه 24 ساعه هو انسان ناقص من
داخل..ويحاول يعوظ النقص من برع!
سلمت على مداخلتج الجميلة..وانتي كذلك اسمج يدل على العزة والغلا:msn-wink:
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى