يا نقص يا ما شايفين خير!

[مغامرة]

دومي عالية..
موضوع حلو و اقعي
كل ما أسير مكان, الصالون مثلا , يتمن يطالعن شنطتيه ...النعال...الساعة.. متفيجاااااااات...
الدنيا مظاهر؟؟!!
أكره هالفئة صدق....وايد سطحيات..و يوم تيلسيين تسولفين معاهن..والله أسخف عن سوالفهن ماشى...
والله تعجبيني يا عالية أنت راقية...و نا نظرتيه ما تخيب في الناس​

 

[أحلى رواضي]

أنا معاج يا أختي دومي عالية يا نقص (حالة مرضية ) أو مو شايفين خير
الفئة هذي جدا كريهة و هم من دون ما تسألينهم عن اللبس يخبرونج من وين اشترو و كم السعر

و مشكورة الغالية على الطرح الرائـــــــــــــــــــــــــــــــــــــــــــــــــع

 

[كتكوتة زوجي]

اوووووووووووف اكرة دووول الناس صحبات اختي كدااا يقهرووو وانا لمن كنت ادرس في الجامعة اشوف عالم تسوي كدة بس ما اعطيهم وجة ويبااان عليااا انو حركااااتكم بااااايخة تراااا ما اعرف اجامل

 

[ليل الشتا]

دومي عاليه ...........وبأذن الله دوم عاليه
ودمك دمك عسل
غثونا هالناس أكثر شي ماشايفين خير أنا أقول كذيه لأن عندي بنات الفقر في ويها لكن من تشوف فلوس تلعب لعب

 

[دوومي عالية]

شكرا لكن حبيباتي جميعا..على ردودكن الطيبة..


الغاليه نبع النجوم...إنتي الأرقى والله..تسلمين لي ..

والحبيبة ليل الشتا..إنتي اللي دمج مثل العسل..لا حرمنا الله من وجودج..

 

[الحوت الابيض]

الحمد لله على كل حال بس جد في كثير ناس من هالفئه استغفر الله
احنا ماراح انروح بالماركات الجنه احنا ايمانا يودينا الجنه وليست ملابسنا
يسلمووووووووووووووووووو

 

[دوومي عالية]

الحوت الأبيض..صحيح اختي..الماركات مش هي طريقنا للجنه!

سلمت على المداخلة اللطيفة..وربي يحفظ لج اولادج يا رب

 

[بنت ملك]

موضوعج حلو يادمي عالي ..
والي ضحكني أكثر ردود غلا جابر كيف ترد على هاي الفئه :bleh:
انا عن نفسي يبطون جبدي تقولين محد يعرف ماركات غيرهم:icon28: ..
وانت لو مالبستي ماركه خلاص مافيج ذوق ومال اول :thumbdown:
تذكرت وحده الله يذكرها بالخير:strongsad: .. راوتني ساعتها 3 مرات
وقالتلي هاي هديه من زوجي وتقول شوبارد وفي كل مره وانا ابينلها انه الخبر يديد عليه وانا اقول في خاطري كم مره بتقوليلي :crazy:
وهاي الفئه الواحد يطنشهم ويرد عليهم بكل برود والله بيقفطون ومابيرمسون مره ثانيه ترا هاي الطريقه مجربه :icon30:​

 

[أحلى عسل]

هلا حبيبتي دومي عاليه بصرااحه موضوعك رائع مثل صاحبته أناكثيرأقابل زي هذي الأشكال من جديرفعون الضغط أنا الحمدالله دايماألبس أحسن شي لكن ماأجلس أتفلسف زي بعض البنات من جدمرض النقص فيهم وتحسيهم سخيفين وكل همهم الماركات والكلام عنهابس ايش نسوي ما أقول غير الله يشفيهم

 

[دوومي عالية]

بنت ملك..ههههههههه..والله ظحكتيني..بل 3 مرات عاااد..اتخيلج وإنتي كل مرة تسوين نفسج..اول مرة تشووفين الساعه
..ههههههه....صح كلامج..الرد ببرود ولا مبالاة هو أحسن حل..
مرورج رااائع يالغلا..تسلمين


أحلى عسل..إنتي الحلا كله فديتج..إيه والله يا اختي..هالناس فاظيين وسخيفين..الله لا يبلانا..
شاكرة لج مرورج الرائع يالغلا

 

[أشرقي]

خوووش موضوع يا حلوة:msn-wink:
آنا بعد ما أتأقلم نفسيا مع هالنوعية:blow: على قولتج كل واحد يقدر يشتري ماركة بس أهم شي الذووووق:blushing:اللي باط جبدي ان كل مصمم شاف روحه قال بحط tagعلى تصاميمي وتصير ماركة:sly:
عيل حتى آنا بسوي لي ماااركة خاصة!!
والحمد لله عن نفسي قنوعة :cupidarrow: لأن الوحدة لازم تعرف ان الله سبحانه راح يحاسبنا فلس فلس:no:
تتوقعين لو قالوا لهذي الطايرة بالماركات تعالي تصدقي بالمبلغ ترووووح طيران تتصدق:crazy:
ولا تقعد تكسر حساباتها:nosweat:​

وما عند الله خير وأبقى:clap:​

 

[دوومي عالية]

أشرقي..

إنتي الأحلى يالغلا...

ايه والله لو قالوا لهم تعالوا تصدقوا...بتحسب ألف حساب وحساب..وبتقول ما عندي!

الله يهديهم ..والله يصبرنا عليهم..خخخخخخ

تسلمين لي على المرور الحلو

 

[كلي هموم]

دومي عاليه:icon26: ياحليلج انا اعرف وحده تخبرني من وين ملابسها الداخليه والله

زين انا شكو هي لابسه ملابس داخليه اساسا ولا لا مو عاد تقولي ماركتها مره وصلتها معاي وقلت لها انزين كم مقاسج وسكتت كنها حست انا الموضوع مب زين

بس ثاني مره رجعت وقالت هاذي البسه شريتها من بيربري قلت لها انا ماسمعتي بماركة ابو ريالين:1eye: قالت ايه اسمع فيها بس ماشفتها وربي اني قلتها وانا امزح:bleh: بس ماتبي يفوتها اي شي

اعتقد انهم مريضات ولا هالحين صار كلن يلبس ماركه وش فيها طيب

جبتيها على الجرح والله

 

[دوومي عالية]

كلي هموم..هههههههههههههههههههههههههههههههههههه
والله انج عجيبة يا اختي...
عافانا الله يا اختي...لا تشغلين بالج معاهم .....

وربي يوفقج ويرزقج بولد الحلال عاجلا غير آجل حبيبتي

 

[وليدة الحب]

اي والله صدقتي...

انه وحده ما احب هالنوعية من الناس اتضايق لما اقعد معاهم....

صج جنهم ما شايفين خيررر...والا محد عنده فلوس غيرهم...

الحمدلله على كل حال وعلى نعمة العقل....

يسلمو ع الموضوع الحلو...

دمت بود...

 

[دوومي عالية]

وليدة الحب..

تسلمين لي على هالمرور الحلو..
بارك الله فيج أختي..وشاكرة لج تعليقج اللطيف

 

[دلـــوعـــة]

دووووووومي عاليه

ياسلام عليج ... جبتيها في الصميم

هالناس فعلا يرفعون الضغط ... كلامهم ماله داعي واحس ان هم اصلا مالهم داعي

الحين شو تفرق شريتي من بي اتش اس ولا شريتي من مكان عادي ؟؟؟ شلون الناس راح تعرف ؟؟

يعني بتتركين قراطيسهم وسعرهم عليهم ؟؟

اذا حاطه مثلا روج من ديور بتكون شفايفها تلمع وتبرق واذا من محل عادي يصيرون براطم ناقة ؟

والله حاله مع هالبشر

المهم الشي يكون مرتب ومتناسق وحلو ومناسب ,,, مو مهم ماركه او لا

الله يعينهم اللي يفكرون جذي ,, احسهم مدووخين ورا الماركات وراسهم بينفجر وهم يفكرون كيف يتفاخرون قدام الناس

اف لو بقول اللي بقلبي مايكفيني رد يبيلي منتدى بكبره <<< كاتمة بقلبها طول هالمده وساكتة هههه

ماتحرمينا من مواضيعج العسل ياعسل

فمان الله

 

[دوومي عالية]

هههههههههههههههههههههههههههه..الله يقطع ابليسج..براطم ناااقه عاااااد

والله ظحكتيني يا دلووعه..

الله كريم يا اختي..ناااس ما عندهم سااالفه ..شو نسوي بعد..

تسلمين حبيبتي على المرور ..جزااج الله خير..

 

[الرميصاء]

انا ماادور على الماركات حاجة اعجبتني اشيلها وانا مقتنعة
ياجماعة في ناس تموت من الجوع وماهي لاقية تلبس
الى الله المشتكى كلامي هذا للي ماترضى تلبس الا ماركة وتتبطر على النعمة

 

[دوومي عالية]

الرميصاء..

جزااج الله خير..وكلاامج عين العقل..

الله يهديهم يا رب..

تسلمين لي على الطلة