يا نقص يا ما شايفين خير!

[غلا جابر]

:icon26:دومي عاليه ... حبيبتي الله يعز شانج ..:icon26:

اشرايج نتعاون مع الغاليات اللي يقرون موضوعج ونحط

:icon30::showoff:استراتيجيه التعامل مع المريضات بهذا الهوس؟:icon30::clap:

انتظر ردج يا العاليه:bye1:

تحياتي وغلاتي ​

 

[نفوووله]

مرحبا..
عجبني موضوعج وايد وماحبيت اقراه من دون ما ارد..
انا اعتقد ان هالشي غرور ومفوشر..
وانا شخصيا ماحب اتعامل مع هالفئة من الناس واكرههم بعد!!
طرت على بالي سالفة صارت جدامي في احد الايام بالمدرسة..
طلعت يم باب صفي اتطمش على اللي رايح والجاي..
ولمحت بنت حدها مغروره وكلها ماركات من فوووق لي تحت! جوتيها (تكرمون), ساعتها, ريشة شعرها, شنطتها, قميصها.. ولو قدرت جان مريولها بعد سوت فيه حركة!!
المهم طافت يمها بنت وداست على ريلها بالغلط..
ما وعيتها والا صرخت على البنت جدام كل البنات وهي تقول: جوتيي!! تدرين بجم انا شاريته!! فرده منه وحده بس تسواج وتسوى اهلج!!
المسكينه البنت ماعرفت كيف تتصرف من الاحراج ومشت بسرعه..

اما انا تميت اشوف هالمغرورة بنفس خايسة وقلت في نفسي هذي وهي بخير جذي تسوي عيل الفقارة ما ينلامون!!

صج بطت جبدي..
عبالهم الناس حشرات عندهم!

 

[متألقة دائما]

دوووووووووومي عااااليه أحبك في الله
موضوعك اكثر من رااااائع
بصراااحه انا هذه الفئة من البشر لا اطيق التعااامل معاة
أشعر بتفاهة تفكيرهم وأهتمامتهم
طبعا مولاني مااهتم بلعكس لكن ماله داااعي في الرااايحه والجايه
أقول وأتكلم عن نفسي .. لكن ......
مثل ماقلتي يانقص ياماشيفين خير
ومااااافي احلى من التوااااااضع ومن توااااضع لله رفعه
ولو كل شخص يحااول يسمو بروحه وأخلاقه وأفكارة
ماكان شفنا هالنوعيااااات من البشر
تقبلي مروري
ودمتي بخير ومحبة

 

[سلة فواكه]

وانا قلبي مو بس متروس الا بينبط على هالفئه ( المكفخه )
انا اشوف انه فيهم نقص في شغله معينه ويدارونه بالكشخه والماركات
يعني شي غريب اذا واحد لبس ماركه ؟؟؟؟ اذا كان شي غريب وعجيب عيل ليش في ماركات بالدنيا

 

[دوومي عالية]

غلا جابر..هلا وغلا..:cupidarrow:
فكرتج جدا جدا جميله...وانا أؤيدها..
يله نبدى منج...وعطينا كم حل...ونحن من وراااج يالغاليه:clap:



نفووله...وي ..وي صج خمه اللي ما تستحي..لا حول ولا قوة الا بالله..
صراااحه..صج ناااس مكفخه....بنشووف يوم القيامه اذا ماركاتهم..يتدخلهم الجنة:icon28:
لا حول ولا قوة الا بالله..
سلمتي على المداخلة نفووله...وفي رايج شو الحل للتعامل مع هذه الفئة؟؟؟


متألقد دائما...موضوعي نور بمرورج يالغلا...:cupidarrow:
صدقتي يا اختي..الوحدة يعلى شانها بأخلاقها ..مش بشو لابسه..
عزيزتي..شو الحل في رايج؟؟؟؟


سلة فواكه..حي الله من طل علينا..:clap:
سكتي..انا اللي بنبط منهم....
ساعات ودي ابط راااسهم ببوكس..هههههه..بس اتعوذ من بليس..
الغاليه..كيف انتي تتعاملين وياهم؟؟؟؟؟؟؟

 

[نفوووله]

من رايي مافي حل غير الحقران
لان الحقران يقطع المصران!!
وانا كلش بعد ماحب المجامله!!
وبسرعه اترفز واعصب..
نسايرهم بعد الواحد شيسوي! ياختي الدنيا زواله وكلنا عيال ادم وحواء!!

 

[دوومي عالية]

ايه والله..الدنيا زواله...

ومثل ما قلتي..الحقران يقطع المصران..لووووول

بس انا ودي..اعطي كف يرن للي تيلس تتخقق علينا....

ما ابي اسكت..لأني بنبط!!!!

نفوووله....يصير اعطيها كف؟؟؟؟؟

تحياتي لج

 

[غلا جابر]

صباحكم عسل يا الحبيبات

يلا نبدي طرق التعامل ونبي مساندتكم

برايي

هذا النوع لا يستحق نظرة اهتمام منا يستحق فقط النظره العابره
مثلا انجبرتي تشوفينها تسلمين عادي روح طيبه ومرحه وابتسامه تنور :shiny:

اذا تكلمت عن الماركات معاج ايديها وقوليلها عليج بالعافيه دون الدخول بأية تفاصيل قولي حق نفسج هذي حرام مريضه وانا لازم اقدرها لكن بدون ان تتكلمي عن نفسك أبدا:icon-mos:

واذا تكلمت مع غيرج وتبيج تسمعين فعاااادي انتي خليج كووووول لا اهتمام بحديث المهووسات:shiny:

واذا لاعت جبدج فعلى قولة نفوووله عطيها كف :busted_red::blow:

ها اشرايكم فيني انفع اشتغل بسجن:icon30:

تحياتي وانتظركم:harhar1:

غلا جابر:icon31:​

 

[دوومي عالية]

تسلمين لي يا غلا جابر على هذي الحلول الحلوة..



وتراني انا اللي قلت بعطيها كف..مش نفوووله...هههههه صادوه ^_^


وأحب أضيف شي..إن لو كانت تبيج تسمعين وهي تسولف بصوت عالي مع صديقاتج مثلا...

احلى شي عشان تبطين جبدها..انج انتي بعد تسوين نفسج تسولفين مع اللي يمج..وتقولين بصوت عالي..

وع وع وع احس ماركة ديور (او اي ماركة هي تكون تتكلم عنها) احسها ماركة cheap حدها..

يا ربي ما اعرف كيف الناس يشترون منها...ههههههههه...احسهم cheap مثل الماركة..خخخخخخخ

:harhar1::harhar1::icon30::harhar1::harhar1:

وعاد ييبي لج اسم ماركة ثانيه..ويلسي تمدحي فيها..لين ما تبنط هذيج..هههههه

شرانيه انا ...ادري...:harhar1::icon30:

 

[نفوووله]

ايه والله..الدنيا زواله...

ومثل ما قلتي..الحقران يقطع المصران..لووووول

بس انا ودي..اعطي كف يرن للي تيلس تتخقق علينا....

ما ابي اسكت..لأني بنبط!!!!

نفوووله....يصير اعطيها كف؟؟؟؟؟

تحياتي لج

اكيد حبي
عطيها كف وطيبي خاطرج..
بس بعدها استغفري ربج خخخخخخخخ
عجبتني فكرتج وايد.. جاري التطبيق

 

[الرقيقة]

موضوع في الصميم عالية جزاك الله خيرا

والمشكلة هناك ناس كثيرون يخجلون منهم ويصدقونهم ولا يعلمون أنهم مجرد عرائس جراجوز

 

[غلا جابر]

السلام عليكم .. وين فن التعامل ؟؟ ..
وين مشاركاتكم في وضع الإستراتيجيه؟؟

دومي عاليه .. صح كلامج اللي تفضلتي فيه بس تصدقين انا جربت الحقران والرد البااااااارد..
وكانت النتائج احلى

مثلا امدحت نفسها أو مدحت ماركة شرتها .. عاد إنتي ردج يكون (لا .. صج .. ماشالله .. عليج بالعافيه)
وبعدها غيري الموضوع

صدقيني معاهم لا تتكلمين عن نفسج أبدا أبدا تدرين ليش لأنها من غيرتها منج تلاحظ كل شي عليج

وتدري إنج من النوع اللي يلبس وما يتكلم
والناس عندهم عيون ويشوفون

وسلامتكم ​

 

[جوري الشرقية]

موضوع حلو وعسل مثل صاحبته ...
احب الناس الراقيين في التعامل مثلج عالية ...
لكن نصادف نس ثانيين فيهم نفس التفكير اللي تقولينه ... مااحب اجلس معهم واوجع راسي بهم احسهم طفوليين ...
على قولتج كلنا نحب الماركات مو لانها ماركات ولله ودي تكون الصناعة الوطنية مثلها لكن للسف وش نسوي احب الماركات لانها كواليتي ومتقنة ... فقط مو لأنها اسمها كذه اوكذه او لان سعرها مرتفع ... ومايهم الواحد شو لبس ماركة او لا المهم انه بداخله انسان محترم يقدر الناس بارواحهم يعني مثلاً انا حبيتج وانا ماشفتج ولااعرفك لكن حبيت روحك الحلوة ...ومايهم شو مالبستي ابد ابد ... الناس ارواح مو ماركات...
تسلمين على فتح الموضع اللي معصبني ومنرفزني فعلاً ....

 

[( ريانة العود )]

الله يعطيك العافيه ياأخت عاليه
والله انك صادقه نشوف هذى الفئه كثير
صدقيني ما يقو هذا الكلام الا المتغطرس
ولى مكتشفها فجئه وكمان الى عنده نقص في شخصه
الحمد لله على نعمته​

 

[دوومي عالية]

الرقيقه...هلا وغلا..نورت صفحتي..بوجود الناس الراقيه مثلج:blush-anim-cl:
وصدقتي..هم بس عراااائس للأسف...

غلا جابر..المشكلة اني لما اسكت..يتماااااااااااااااااااادون..
وانا انبط..ما اقدر ايود عمري..ههههههه
بس حركتج فن:cupidarrow: وبطبقها... ان شااء الله


جوري..فديت قلبج انا...وانا بعد حبيتج لأنج وحدة والنعم فيج..
ما شاء الله عليج ادب واخلاق وطيبة..
وصحيح كلامج..الإنسان بأخلاقه وجوهره..
وانتي جوهر ..وبعد مظهر..انا وااثقه:icon31::shiny:


ريانة العود..اايه..للأسف متغطرسين حتى النخاع..الله لا يبلانا
تسلمين لي يالغلا على مداخلتج العزيزة على قلبي:blush-anim-cl:
حياج دووم فديتج

 

[باقة امل]

:blow:صح يا بنات واللي يبط الجبد اول ما يشفون شنطتك ....هذي اصليه والا تقليد ...ارد عليهم وي يحليلج تراج ما تعرفين الجديد اكيد تلبسين من الموضه مالت الشهر اللي فات ....وتنقهر وتنبط ....اموت من هالتفاهات ...اقول لهذه الفئه خذو شنطي وماركاتي واعطوني الصحه وراحة البال ...وسلامتكم

 

[دوومي عالية]

يا سلاااااااااااااااااااام عليج يا باقة أمل....
تعجبيني والله...

صدقتي..راحة البال والصحه..هي أغلى كنوز الدنيا والله....

شرفتيني يالغلا بمرورج العطر

 

[احمر]

هاي بنات
انا عندي لكم سالفه تستغربون صراحه
كنت جالسه معها اعرف حالتها وحالت زوجها واهلها الله يرفعهم كلهم والله حلاتهم يعني موش ولا بود يعني مالها داعي تتكلمين عن الفلوووس وانك تقدرين تشترين بهالسعر ولا يهمك المهم

كنت جالسه معها ونتكلم قالت لي شوووفي جوال اختي ذيه ذهب يعني الحبات حقاته الي فيها الارقام مصنوعه من الذهب قلت يوووه معقوله ماشاء الله ومصورته في الجوال وانا قاعده اشووف الصوره في الجوال قالت تعرفين اقول للزوجي مره رخيص وابشتري زيه وانشاء الله راح اشتريه هالشهر زي اختي مره مره رخيص تعرفين بكم قلت لها بكم قالت (5000 الف ريال ) مره مره رخيص راح اشتريه حتى اتهاوش انا وزوجي هوا يضحك علي وانا اقوله اشتريه
انا في هاللحضه انصدمت مررررررررررره مو على السعر على الي صار قدامي يعني معقووله تجين تتكلمين بهاالشكل قدامي وانا اعرفك واعرف حاللتك (والله والله انو من صارت السالفه الين الحين ماشترت شي تحمد ربها على الجوال الي معها )

وانا لمن قالت كذا قلت لها حلووو الله يقويك روحي واشتريه وبنفسي اقول الحمدالله على النعمه

ومشكوره اختي على الموضوع نطلع فيه الي بخواطرنا
وصراحه كل كلمه قلتيها ميه الميه والله انك كفو :icon30:
مشكووووووووووووووووره
​

 

[يرووونه]

اهلين اختي دوومي عاليه صدقتي هذي فئه تعاني من نقص
فاتحاول تعوض هذا النقص بلفت الانتباه
والله مساكين وتلقين الوحده منهم تتسلف وتحط نفسها وزوجها في ديوووووون
بس عشان تلفت انتباه الناس..

 

[*فطامي*]

ههههههههههههههههههههه

اسلوبج وااايد ضحكني

انا واجهت وايد من هالناس ..و في بعض الاوقات اشفق عليهم حتى ..لاني احسهم مرضى ..يبون يراوونج انهم في احسن حال بأي طريقه

اشكرج على صراحتج ..و على كلامج ..و انا معاج في كل اللي قلتيه