مرحبا اختي وعساك بديتي في التغيير وفكرتي في نفسك شوي
خيتو قبل كل شي انصحك تلتجيء لله هو اعلم بحالك اكثر من اي شي واكثر من نفسك لا نعلم ما سبب التغير له لعله تغير منك او مرض روحاني حسد او غيره فدايما نحط كل التوقعات وتاخذين كل الحلول والحل دايما بيد الله سبحانه ويقلب القلوب كيف يشاء في غمضة عين صبرتي سنة وثلاثة اشهر خلاص الحين ان شاء الله اتتغيرين للأفضل ولازم تحطي في بالك انك ما تريدين خراب بيتها ولكن تاخذين حقوقك والعدل لان الدنيا دوارة ودايما الحلال الذ واقوى والحمدلله على كل حال
ولازم تعرفين اللي صار لك هذا خير لك فالله يقول (( وعسى أن تكرهوا شيئا وهو خيرا لكم)) الحين لازم تقوين نفسك وشخصيتك
لحين شو تسويين؟؟
تبدين تقرين سورة البقرة يوميا تختميها ولو اي شي حاول يمنعك اقريها ((واذا صار معك اي شي زادت المشاكل او غيره من ضيق ونعاس عرفي ان اللي بينكم مرض روحاني)) فاستمري عليها لمدة لاتتقل عن 40 يوم هذي السحر الحلال تعمل العجايب قري عنها من جوجل
الاستغفار يوميا اقل شي 1000 مره وكل ما كثرتي كن احسن واقوى
الاذكار الاخرى
الصدقه ولو بريال وادعي بعدها باللي تحبيه
قيام الليل
الدعاء بيقين وانت مؤمنه ان ربنا راح يحققه لك
الحين راح نتكلم
زوجته ناقصها حنان الاب من كذا وافقت ع واحد كبير في السن تقريبا بينهم 25 سنه فرق كبير واعتقد زوجك ناقصه الدلع والغنج وكل واحد الحين معوض الثاني من كذا انت مهمشه ولانك انت سمعتي لهم يهمشوك بعد
انت شخصيتك شماليه من فصيلة الدم وشخصيتك جامدة لا تحبي الدلع ولا الرومانسية والعاطفه ما معاك الصوت مرتفع وتاخذين الشي بالقوة والمنازع وغيره من صفات الشماليين شخصيتك خاليه من الانوثه الا القليل وزوج ناقصه كل هذا وخف يكون زوجك نمط جنوبي لازم تعرفي شو فصيلة دمه عشان نعرف كيف تتعاملين معاه وتعرفي اخطائك وكيف تجذبيه لصوبك
يا اختي الحين لازم تقوين شخصيتك وتطنشين تصرفاتهم البيت باسم زوجك يعني بيتك مثل بيتها خذي راحتك انت اللي مقوتنها بسبب خوفك وتحسسك اتركي التحسسات بعيد وعرفي كيف تاخذين حقوقك لازم تستخدمين الكيد مثلها
الحين لازم تسوين خطه لك في التغيير احضري ورققه ولم ورتبي شو تريدي تخففين وزنك وتهتمين بنفسك وتطورين من ذاتك
لازم تسوين راضه اشتري بدلة رياضة سبورت حلوه وافتحي اليوتيوب وبغرفتك سوين رياضه ((لازم تقللين الاكل حاولي تاكلي نص الاكل اللي تاكليه قبل)) ولو دخل زوجك وشافك تسوين الرياضه لا تشوفين له ولا شي كأأنه ما موجود استمري وكملي وطنشيه وتدلعي اكثر ونطي وكل شي عادي ما كنه احد موجود ولا تنتظري منه اي مبادرة او سؤال او يجيك يركض يحتاجلك صبر لان التغير اللي يشوفه يحتاجله وقت طويل ويحتاجلك تطنشينهم
ولازم تسوين جدول من خلطات لوجهك ولجسمك حمام مغربي واهتمم باقدمك وكل شي حاولي (( ما عندك مكاين روحي السوق واشتري اللي تبغيه انت اولى بفلوسك ودلعي نفسك اللي اهملتيها واهملها من حولها بسببك))
التطوير الذاتي لازم يوميا تقرين اي شي مواضع النت تارس ومليان مواضيع حلوه وجميله المنتدى فيه مواضيع حلوة كثير كثير وراح تستفيدي كثير منها وتقوي شخصيتك وثقتك في موضوع مثبت عن المواضيع المتميزة في قسم الزوج والزواج ابدي منه واقري وطبقي
انوثتك لازم تسترجعيها تكلمي بصوت اخف من طبقت صوتك اللي الحينن تستخدميها واي شي يضايقك او اي مشكله ومنازع في البيت خلها هي تتنازع وترفع صوتها وانت اسكتي وطنشي واستخدمي تعابير الوجه والحزن وان انت المظلومه وهم ظلموك صوتك ابدا لا يرتفع لا منازع ولا شي استخدمي لغة العيون والجسد ((تعلميها اقري وطبقي وشوفي صور الاطفال الابرياء وكيف حركاتهم دلع مع حزن حاولي تتعلميهن وتطبقي وتدرب ع كل شي في غرفتك))
خليك غامضه معاهم ولا تذلي نفسك عشانهم البيت بيتك ولا يهمك كلامها وغيره وهي تقنعه بدلعها وانها مظلومه الحين انت لعبي الادوار انت المظلومه وتكلمي بلغة العيون معاه ولا تتكلمي معاه الا القليل وخليك مع اولادك تلعبين وتركضين ونسيهم عمايل ابوهم خليه يشوفك وانت كيف عايشه حياتك لان الرجل تجذبه المرحه الواثقه من نفسها
فلوسك اختي وين تروح؟؟
اي مساعده تساعديه وقفيها انت احق فيها تساعديه وهو يصرف عليها اصرفيهن ع دلعك وقولي له سوري حبيبي احتجت لهن ااو رحت الصالون وصرفتهن او اشتريت لي لبسه ولو غاليه لا ستخسري ع نفسك ابدا انت تتعبي وتشقين وجازاك كذا خليه هو يصرف عليك وعلى اولادك روحي له فلان ولدك يبغى كذا واذا قال ما عندي قولي ماعليه باكر وروحي له اليوم الثاني مره ولا تتنازلي عن الطلب وشوي شوي طلبي لك اشياء لا تصرفي من فلوسك فلوسك اصرفيها ع نفسك ودلعك ولازم تحتفظي بفلوس لك جمعيهن بدون لا يعرف احد يكونن سند لك باكر
خيتو الحين هذه الفترة طنشيهم وبس خليك مبتسمه في وجههم ولو يسويون اللي يسونه انت اسكتي ولا تتنازعي ولا ترفعي صوتك خليك مرحه والعبي مع اولادك لا تقتلي نفسك عشانه وتنسي لذة العيش والحياة اخرجي انوثتك وافتخر بنفسك وتدلعي واذا جاك يهاوشك انت شوفيه بنظرات حزن ولا تتكلمي معاه وبعدها روحي عنه ولا تكلميه واذا زعلتي من حاجه لا تناظري في عيونه وكلميه ع قد سؤاله وخليك حزينه ومع اولادك العكس العبي وامرحي بس هو
ولما يكون بالغرفة وهو يراسل بالفون انت بعد كلمي خواتك بالوتس واضحكي ولا كأنه موجود اضحكي وامرحي واذا سألك شو فيه قولي ولا شي واذا شفتيه عصب طنشيه وكملي واضحكي وعادي وشوفيه بكل برائه وانت مبتسمه
الحين اللي ما فهمته وين تروح فلوسك؟؟
وشو ظروفك؟؟
وكيف يعامل زوجك اولاده؟؟وبنوتتك؟؟
ليش هي معاها خادمه وانت لا؟؟
هل يعطيك حقوقك في الفراش؟؟والحقوق الثانية؟؟
يطلعكم يمشيكم؟؟ولا بس هي وكم مره بالاسبوع يطلعون؟؟
متى تروح تزور اهلها وانت متى تروحين؟؟
وهو وين يروح؟؟يزور اهلك او اهلها؟؟
عطيني معلومات اكثر اذا تقدري
ولازم تجيبين فصيلة دمه اسأليه
اتمنى اسمع منك اخبار حلوة ورد ع الأسألة
