ياناس لحقوا علي انا منصدمه بقوه وما ادري شسوي بحالي
سلام , ما بطول في طرح المشكله اولاً انا اشتغل في احدى المدارس المتوسطه في الشرقيه ومتزوجه وعندي 3 عيال انا من اول ما اشتغلت بالمدرسه هذي وفي بنت بالصف اللي ادرسه انا مره عاجبتني هالبنت جميله بشكل لا يوصف يعني مدري وش اقول بس هي بيضه ورشيقه وشعرها ناعم وطويل وتهبل حتى صوتها فيه نعومه مو طبيعيه المهم انا علاقتي بطالباتي مره قويه فـ هي لما طلبت رقمي عطيتها من حسن نيه وصارت تسولف معي وكذا فكرة مره اني اعزمها لعندي ف البيت ونتكلم صار وعزمتها وجات لعندي وصارت تجي لي واروح لعندها وخصوصاً لما عرفت ان امها مطلقه وهي عايشه مع ابوها وهو اللي رباها تعاطفت معها واعتبرتها مثل بنتي خلال كل هذا طول الوقت زوجي كان بعيد عني غير عن قبل ودائما ماسك التلفون ويسولف طول الليل طبعاً نار الغيره اشتعلت بقلبي قلت بجلس معه وبتفاهم معه جلسنا وتكلمنا قال اني موب مهتمه في نفسي ولا فيه وانا مو مقصره معه ابد وقال يبغى يتزوج انا تضايقت وحزت بقلبي استشرت خواتي قالوا سوي نيولوك واهتمي فيه اكثر بيرجع لك سويت كل شي وتمنيته يقول لي كلمه وحده بس حلوه لما سألته شرايك قال زينه انا وقتها قلت لازم اشوف جواله وش فيه وش ما فيه انتظرته ينزل عند اهله واشوفه نزل واخذت الجوال وشفت شي وقف لي قلبي ما عرفت شقول ولا شسوي شفت يتكلم مع طالبتي بكلام ما قاله لي بشهر العسل وهي طايحت له مغازل وحب وغرامم ولا كأنه زوج معلمتها قلت يمكن ما تعرف انه زوجي ف تعمدت انها تشوفه معي و شافته وياليتها ما شافته شفت بعيني نظراته لها انا ارتفع السكر عندي وطحت ودخلت المستشفى وصحيت وكان جنبي قلت له ليش سويت كذا ابغى افهم ما رد علي قال هو يبغاها بالحلال انا وقتها فكرت بنفسي شلون طالبتي تتزوج زوجي وش بتكون صورتي قدام الطالبات وقدام المعلمات واهلي تمنيت متت ولا شفت هاليوم حاولت اخليه يغير رايه بس ما نفع استشرت صديقتي قالت شي بعيد عن الواقع ....تزوجها وسكنها ببيت لوحدها وانا ساكنه بشقه انا وعيالي بعدين قال بننتقل لبيتها انا ظليت ساكته ما تكلمت قلت هي توها صغيره يوم يومين وتبتعد عنه بس من لما سكنت معها وانا اشوفها بعيوني تدلعه وتتدلع عليه هو دايخ عليه انا قلت ليكون مسحور قريت عليه وسويت كل شي بس مع ذلك دايخ عليها قولوا لي وش اسوي انا مليت ما اقدر اعيش كذا افكر اتطلق ومن جهه ثانيه افكر بعيالي ما ادري شسوي ساعدوني تكفون الله يوفقكم
اسم الموضوع : ياناس لحقوا علي انا منصدمه بقوه وما ادري شسوي بحالي
|
المصدر : الأستشارات الزوجية العامة