وتحطمت حياتي والسبب هو...........

[ahzan gulb]

الله يصلحه لج يارب ويهديه

واهله الله بيرد عليهم لا تحاتين

 

[رقة مشاعر]

لاأخفيكم يابلقيساتي الحبيبات
بصراحة اعيش بصراع داخلي شديد وما أدري هل هذا يعني اني احبه والا لا؟
وياكثر ما أتكلم معه وأعاتبه وأصيح وأنا ميته من القهر على اللي سواه فيني كله طبعا لحالي يعني في خيالي انا وبس
بصراحة تصرفاته خلت العيشه معه ماتنطاق...

دلوني انصحوني بصراحه لاعاد ارتحت بنومي حتى اذا طلعت مكان عام او سوق واشوف اب مع ولده يلعب معه ويضحكة والله ان دموعي تنزل موحسد لاوالله الله يسعدهم ويزيدهم بس اقول بنفسي ليش زوجي مكان يلعب بنتي والا ولدي؟؟؟؟؟؟؟؟؟؟

حتى اذا جاء من الدوام تخيلوا انه يقول لعيالي وهم جاين طايرين له من الفرحة يقولهم استنوا علشان افصخ ثوبي والله كان يحز بخاطري مرررررررررررررره ليش كذا؟؟؟؟؟؟؟؟؟؟؟؟؟؟
ليش شايف عيالي وسخين لاسمح الله رغم اني كنت اذا جاء ميعاد رجعته اغير ملابسهم واغسل لهم واعطرهم

والله راسي راح ينفجر من كثر التفكييييير

 

[رقة مشاعر]

أهلين حبيباتي بعد غياب فترة عنكم سأخبركم بالجديد

بع 3 أشهر يرسل زوجي رسالة ويقول فيها خوذي اللي تبينه من البيت وطفي الانوار وخلي الكبس شغال أنا مسافر)
هذا نص الرسالة
ومن بعدها ارسلت له رساله وقلت له مامعي مفتاح ارسل المفتاح وحطه عند السايق
ومن ثم دق وانا مارديت وقال وين مفتاحك
فقلت له عندك بيتك
ومن بعدها ارسل له ابوي رسالة وقال فيها انه يرسل ورقتي ويلتزم بمصروف العيال وراتب الشغالة
ومن بعد اسبوعين ارسل 400 ريال وانا ما ادري وش تكفي لتكفي لملابس او مستشفى او بامبرز الله يكرمكم او ترفيه او دواء
ومن بعد تقريبا اسبوعين ارسلت له رساله وكتبت فيها
ياأبو...... ارسل ورقتي ومانبغى نلجئ للمحكمة والتزم بمصروف العيال ورواتب الشغالة والا تعال خذها هي والعيال
وارسل المفتاح ابغى اغراضي)
ارسلتها العصر ومن بكرا يظهر يرسل رسالة ويقول فيها
كل هذا علشان دفتر ابو ريالين رفضت اجيبه وقلت لك اطلبه من البقالة وقلتي اشقه)
ثم ارسلت له رساله
لاوالله مو انا اللي اهدم بيتي على اشياء تافهة بس راجع نفسك وبصراحة خليت الحياة مستحلة بيننا الله يسامحك ابغى المفتاح)
ثم ارسل
عطيني سبب واحد اللي يخلي الحياة بيننا مستحيلة
فأرسلت
قلت سبب واحد بس انت عمرك ما قدرتني او احترمتني حتى من كلمة بيتي حرمتني وطول عمرك تبيني اصبر واتحمل واعطي وبس
ثم ارسل يقول
انا ما اخطيت بحقك بس قصرت اني ماوفرت دفتر للبيت)
ما قهرني الى انه نسى كل اللي سواه وماتذكر الى اتفه شي من جد ينرفز
ومن ثم اتصلوترددت اني ارد والا لا لكن بالمرة الاولى قالوا لي أمي وابوي ليش مارديتي وشفتي وش عنده
على ها الاساس رديت وجلسنا نتكلم ساعة بالاول يتكلم بكل استهتار مو مصدق اني مصرة على الطلاق
وانا قت له اذا تبي تتكلم بموضوع الاولاد اهلا وسهلا غير كذا ماعندي شي اقوله ومازال مستهتر الا ان قلت له انه ابوي راح يروح للمحكمة الاسبوع الجايفلا تتفاجئ اذا جاك ورقة من الشرطة فقال هو وش شرطته وليش قلت علشان يستدعونك للمحكمة فلما شاف الموضوع من جد تغير اسلوب كلامه وباء يقول انا شاريك وانا راح انفذ كل اللي تبينه وانا وانا
فقلت له هذا الكلام اللي تقوله مو غريب عليك سمعته الاف المرات وتلتزم شهر شهرين ثم ترجع مثل اول وأردى
وقلت له بس تمسكيني تم ترجع مثل اول
وصح نسيت اقولكم
انه لما قلت له خلينا نتكلم بموضوع العيال قال وشلون يعني يصيرون عندك قلت له لا طبعا عنك انت ابوهم قال هم والشغاله يصرون عندي قلت له ايه تجيبوهم لي خميس وجمعة وقال هاه هاه قلت اذا ماتبي تجيبهم لاتجيبهم جبهم بس يوم واحد
ومن ثم قلت له مو حرام عليك تعيش اولادك باليتم وانت على قيد الحياة وتخلي الكل يتصدق عليهم قال من اللي يتمهم قلت مو سالفة بعدهم عن ام واب بل العكس عيشتهم هناء بيت اهلي افضل بكثير من حالهم عند ام واب مو متفاهمين والى ام اساسا مو حاسه بأمان واطمئنان
وبعد ما أدرك ان السالفة من جد قال لي طيب استخيري
قلت له انا لي 3 اشهر وانا استخير ومرتاحة لطلاق قال اوف كل هذا وارتبك مو عارف وش يقول ومن ثم قال انا طلاق مو مطلق والله لو السيف على ارقبتي قلت له انت دخلت حياتي بكل هدوء اخرج منها بكل هدوء قال والله طلاق ماراح اطلق انتي سوي خلع تبين العيال اذا كبروا يقلون ليش يابابا طلقت ماما ويقلون عني كلام مو زين قلت لا تخاف ماراح يقلون عنك كلام ولاشي ومن بهدها قال بروح اصلي ونكمل بعد الصلاة قلت له لا خلاص انتهينا....

وفي المغرب دق وانا مارديت
لأنه ليش ارد احس انه ما فكر يردني الا لما حسبت امه المصاريف وشافت ان ولدها اساسا مايقدر يفتح بيتين ولا يقدر على الصرف فأكيد قالت له العب عليها باللسان(بالكلام)

وبصراحة ما ادري انا صح والا خطأ؟؟؟؟؟

بصراحة ما ودي ارجع لأنه ماراح يتغير وانا واثقه من الشي
ورائي ابوي يقول اذا بترجعين بشرط طنشينه وتكوني قويه وتعيشي حياتك
بس بصراحة انا ما أقدر اطنش أو اصير قوية أبغى اعيش بهدوء وبراحة ابغى احد يحس فيني ويراعيني ويحبني من جد مو كلام وبس والله تعبت ومليت من المشاكل والزعزة مالي كلمة والله ثم والله ابغى استقر وارتاح
وبصراحة من جهة ثانية اخاف اندم تدون ليش؟؟؟
واللي مخوفني اذا بغيت اتزوج هل بيقبل بعيالي اولا الزوج الجديد؟؟؟؟لأني ما أبغى ازعزع عيالي او اشتتهم
وانا ارعرف ابوهم اذا جته حرمه قوية والله ان ينسى ان له عيال
أنصحوني يأهل الخير
وانا بصراحة احبه وما أحبه

 

[همـــس الروووح]

خلاص ارجعيله وطلبيه راتب شهرياً الفين ريال الف لك والف للعيال

والاكل والشر عليه واغراض المدارس عليه وحطيه شرط من شروووووطك بورقه عند المحكمه

وانه يخليك على راحتك ولايضيق عليك ويخليك تزورين اهلك متى مابغيتي

بالتوفيق ان شاء الله

الله يرده لك رداً جميلاً

 

[دلوعة بكين]

يا قلبي والله ما عندي خبره كثيره بس يارب يفرج همك

ويسعد حظك ويوفقك ويرقق قلب زوجك يا رب يا كريم​

 

[رقة مشاعر]

أهلين بلقيساتي اشكركم على الاهتمام
اختي همس الرووح انا وسبق شرط عليه مصروف شهري لي ولعيالي 1000 ريال 500 لي و500 للعيال وشرط عليه اني اروح يومين لأهلي
بالبداية وافق وقال بس هذي شروطك والله حرمة قنوعة
ومن ثم رد مثل ماهو لامصروف ولا طلعات واذا جيت اروح لبيت اهلي يبدأويقول كل يوم تروحين ويبدأ الون لين ينرفزني وحتى لو أطلع أكون متضايقة ولا استانس بطلعة.

انصحوني ودلوني

 

[ام البطل الصغير]

الله يفرج همك وينصرك على من ظلمك ويسعدك في الدنيا والآخره يارب ويسخركم لبعض و يفرجهاااااا عليك ِوصبري علشان اعيالك​

 

[واثقة]

بما انه لان لك ارجعي له واسمعي كلام ابوك شوفيه عرف شخصيته وقال لك تطنشينه وتعيشين حياتك وتصيرين قويه


زوجك هذا الأسلوب اللي ينفع له .. وبيحبك اكثر


قلت لك في رد سابق شوفي زوجك اذا شمالي فهو ما ينفع معه الا هذا الأسلوب



قوي قلبك ولا تقولين ما اقدر


احسن لك من تشتيت اولادك والزواج من زوج ثاني ما تدرين كيف بتكون شخصيته وكيف حياتك معه


وناعمه قالت قبل اللي تفشل مع زوج تفشل مع البقيه لأن الرجال كلهم متشابهين


قوي من نفسك وغيري شخصيتك واستفيدي من المنتدى

 

[فديت عمره]

الله يفرج همج ...

 

[حرب الأحساس]

زوجك ممل جدا وقاااااااسي وماعنده احساس قريت مشكلتك كلها وحااااااااااااسة فيك بس فعلا لو حس بقوتك وصدقك فأنك ماتقدرين ع الوضع الي كان بيصحى لكن لو زي كل مرررررررررة وبس كلام ماعاد بيهتم
قوليله انا راضية بنصيبي واحب نفسي وما أرضى كائن من كان يهينني
لي احترامي يا أختي فجري حبك لنفسك انت ظلمتي نفسك!!!!!!
ليه مافيه زيه رجااال!!!! -مع انه مو رجال- ليه نفسك مالها عليك حق!!!!
ليه وين كرامتك !!!!!انت ماكنت طيبة !!!!انت ظلمتي نفسك!!!!!
ماحبيتي نفسك بيحبك هو ؟؟؟؟؟؟
ماحترم ذاتك وخليتهم يتطاولون عليك !!!!! بيحترمونك
بتقعدين ضعيفة كل الناس يتطاولون عليك !!!!!!
افهميني انقهرت عليك وعلى الي سويتيه بنفسك
بصلي وبكمل بس لاتزعلين مني
واذا زعلتي قولي وبأرضيك يالغالية تراني أختك

 

[رقة مشاعر]

أبدا ما زعل يالغالية...
على قولتة المثل من سبك حبك(هههههههه)
بس انتي ماسبيتيني وانا ياحبيبتي ما ازعل من الصراحة لأن الصراحة مهما كانت جارحة الا انها مريحة في النهاية وانا ادري اني ضعيفة ولابعد حسااسة فوق الازم ورومانسية وما ضيعني غير رومنسيتي وحساسيتي وطيبتي

 

[رقة مشاعر]

أهلين بلقيساتي الحبيبات

حبيت اقولكم عن الجديد

رحت الخميس انا وأخوي وبنتي لبيتي قصدي بيت زوجي واخذت ملابسي حاول يتكلم معي فقلت له لي رجاجيل تتفاهم معهم لأن دائما هذي طريقته اذا جيت اخذ ملابسي جاء يتكلم ويحاول يرجع المياه لمجاريها
المهم
انا صعدت فوق وهو كلم اخوي ومن ثم جاء اخوي وناداني علشان اجلس معهم ونتفاهم وليتني ماجلست حسيت بغصة تطعن قلبي
ما حسيت انه جاد وما خذ المسألة بكل سخرية وضحك ولا لم قال له اخوي ليش تنام برا (خارج)غرفة النوم
تدرون وش كان رده.؟؟؟

قال بيتي وانام بالغرفة اللي تريحني
ولما قال له اخوي طبعا انا اوجه الكلام لأخوي ومن ثم هو اما يرد او ينتظر السؤال من اخوي لما قال وين تروح بالليل متأخر مهما كان هذي زوجتك ولازم تحس بالراحة والامان
قال وين انا عايش بالعسكرية اكتب وين اروح ومتى اجي قال له اخوي لا بس هذي زوجتك وش يمنع اذا جيت تطلع تقول لها انك رايح لفلان او اي مشوار
المهم انه ما جاوب على عن سبب تاخر بالليل وخروجه االمفاجئ بمنتصف الليل..
ودار حوار جلس حوالي ساعتين او اقل شوي بس حسيت اني ماطلعت بنتيجة
ومن ثم اخذت ملابسي وطلعت من البيت
وامس اكلم الشيخ قال لي الشيخ هو مايسأل عن عياله قلت ابدا ولايدري هم احياء والا اموات
قال لي الشيخ طيب ارسلي له رساله الان وقولي فيها ان عيالك مشتاقين لك
وقال الشيخ ردي علي لما يرد واذا مارد فلا ترجعين له واطلبي الطلاق
وفعلا سويت مثل ما طلب مني الشيخ الا اللهم اني ماكتبت وامهم مشتاقة لك لاني حسيت فيها ذل لي وخاصة انا اعرف تفكيره
والا الان مارد ولابرسالة وانا الان اكتب لكم الصباح الساعة 5:57وانا يوم ارسلها في الليل الساعة 11:20
احس اني الان منهارة وتعبانة نفسيا بقوووووووة
وخاصة ان خالي دخل في الليل العناية المركزة
ما ادري من وين الاقيها لالقيها
رضينا بالهم والهم مارضى فينا
شوري علي لأني تعبت من جد
خايفة من بكرا وخايفة على مستقبل عيالي ومصيري ومصيرهم
اللهم اجرني في مصيبتي واخلفني خيرا منها.....

ادعوووووووووووووووولي وادعوا لخالي شاب في مقبل العمر السلطان ينهش جسده كفانا الله شره وعافى خالي وجميع مرضى المسلمين...

 

[NANDOOOOS]

الله يفرجك كربتك ويأجرك في مصيبتك حبيبتي بعد كل الفترة الطويلة اللي جلستي فيها ببيت اهلك اعتقد انها كافية علشان تقررين مصيرك هل انتي قادرة تكملي حياتك مع هذا الانسان او انهي حياتك معه بصراحة انا اشوف انك انسانة متردده ولا اعرف سبب ترددك هل انتي مازلت ترغبين في الحياة معه ولو علشان الاطفال او انك مازلت تحبينه انتي مو عارفة بالضبط ماتريدين استخيري وضعي حد لامورك اما تستمرين وتغيرين شخصيتك بمعنى تطنششششششششين وتتحملين او انك تنفصلين عنه وترتاحين من الحيرة والتفكير وانا اشوف اذا شفتي منه رغبة في التغير علشانك ولو كانت بسيطة ارجعي وسايسي امور حياتك وانسي الرومنسية والحساسية الزائدة واشتغلى وعيشي لنفسك واطفالك واذا مو قادرة على التغيير انفصلي عنه وعيشي حياتك والفترة اللي عشتيها عند اهلك اعطتك تصور عن حياتك لو حصل انفصال لاقدر الله الله يفرج همك ويكون في عونك ويشفي خالك يارب العالمين
مــــــلاحظة
ماوضحتي لنا حال اطفالك كيف

 

[كافيه لاتيه]

البنات كفو ووفو

 

[لا مبالية]

تكملت المشكلة...


ادري ان الكل راح يتسأل وين المشكله كل اللي ذكرته يصير في كل بيت وعادي..............

&&&&&&&&&&&&​

وهناك نقطة مهمة اني عمري مااقتنعت فيه ما احس انه الزوج المناسب لي رغم اني عمري ما وضحت له شي بل العكس هو يفكر اني ميته فيه.......

........

فضربه لي واهانته لي امام عيني لم تغادرني ولا لحظة....


...

مع أنني لا أحب أبدا أن أرد على مشكلة زوجية ، لأن الطرفين لابد في كل مشكلة من أن يسمع منهم ، ويقول كل رأيه لنفهم أبعاد المشكلة من جميع النواحي .
ولكن لم أحب أن أمر على موضوعك بدون تعليق ،، وارجو منك احتمالي قليلا ..
تأملي معي كلامك ، وباذن الله ستهتدين للسبب ، وتقبلي معي كلام العقل وابتعدي قليلا عن كلام العاطفة .
العقل يقول أن ما جرى في حياتك ، أحداث تحدث في بيوت كثييييييييرة لا زالت عامرة ، ولم تفكر أحدى النساء اللاتي عانين منها بمثل تفكيرك ، بل تقول بينها وبين نفسها ، سأصبر وأرى ، سأدعي وأتفائل لعل الله يعدل الحال .
يا أختي ، العقل يقول ، زوجك رجل تربى في مجتمع شرقي بحت ، لم يتعامل مع الأنثى في حياته ، الأنثى كانت إما أما ، أو أختا ، أو عمه ، زوجك انسان لم يتدرب ولم يتعلم كيف ينفذ عبر ثنايا مخك ليدرك ما تعانين ، ويجد له الحلول .. ولم يتدرب على ملامسة الأنثى وفهمها واحتوائها الى أن تزوجك .
فهل حاولت أن تعلميه كل ما ترغبين ، أم أنك أكتفيت بدور المتفرج المنتظر ليعلم هو ما تريدين ؟
وبقيت متفرجة ترغبين منه أن ويعاملك حسب ما تتوقعين .. ثم بكيت وضجرت ، واستندت للفكرة التي سبق أن رسخت في ذهنك ،والتي اقتبستها من كلامك ( أنه غير مناسب لك ) ونفذ اليها ابليس ليرسخها أكثر بعقلك ، ويكبرها ويكبرها ، ويريك محاسن زوجك قد تعجب غيرك ، ولكنها لا تعجبك ، وأراك أنه جاف ، لايبالي بصغارك حينما قال ( انتظروا سأبدل ثوبي ) وهي عبارة عادية جدا ، ولكن ابليس اللعين نفذ الى عقلك وقال ( ياااااااااه يابختي المايل وش ذا الرجال الصلف الجاف الفج الخالي من المشاعر ؟ وش فيها لا جوه عيالي وحضنهم زي باقي الناس ... الخ من شغل ابليس )
ارجو أن تجيبي على سؤالي الموجه لك باللون الأحمر ، وبعدها سأحاول أن أجيبك بنصائح وحلول قد تنفع ، وقد تقنعك ، لن تخسري شيئا من الرد والمحاورة ما دمت تطلبين الحل .​

 

[ماءالورد]

لامبالية = كلامك عين العقل

وذكرت كلمة في ثنايا حديثك أقسم أنها محور ضعفك قلت لو جات لعيالي زوجة أب قوية ماراح يفكر في عياله

أختي كوني واثقة ... قوية ...حددي أهدافك ... واندفعي بقوة للوصول إليها

ادرسي شخصية زوجك ... لاتقولي مشتت ,,, بل أنت المشتتة ... ركزي ...

خططي للتغيير ... كل هذا ليس من أجلك بل من أجل العيون البريئة ...

أقسم لك أني أشعر بمعاناتك ... لكني ألومك لضعفك ...

ثم إنك إن تطلقت وتزوجت هل سيأتيك رجل أفضل ... ألم تقولي (الرجال كلهم زي بعض)


على الأقل هذا أبو عيالك (ارض بقردك لايجيك أقرد منه )

وعلى قول أبو زوجي (نار الزوج ولاجنة الأهل )


وهذي النار أنتي تحوليها جنة بذكائك وسيااااااااااااااااااستك ...


الله يفرجها عليك عاجلا غير آجل ...

ويبقى الحكم لك أنت فأنت أعلم بحياتك فعدد سطور حكايتك لايفي بعشرة 5سنوات ...


لك تحياتي...

 

[رقة مشاعر]

اشكر الجميع على هذا الاهتمام جعله الله في موازين حسناتكم

اما انت ياختي اللي سألتيني سأجيبك بكل صراحة زسأنتظر ردك

فهل حاولت أن تعلميه كل ما ترغبين ، أم أنك أكتفيت بدور المتفرج المنتظر ليعلم هو ما تريدين ؟

كم يعلم الله كم من رسالة وحديث دار بيننا لكي اخبره عما اريد وعما احب وماهو الطريق الي لكن دون جدوى في نفس اللحظة يكون متجاوب معي جدا بس يجي موقف وليش موقف بعد يوم والايومين ولا كاني قلت شي ومن ثم أعيد لدرجة اني مليت من التكرار



اما الاخوات اللي قالوا اني ضعيفة فهذا حق فلا اريد ان اختار لنفسي مصير حياتي وحياة اولادي

حال اولادي بمنتهى السعادة لدرجة ان بنتي لما اقولها ياماما ماتبينا نروح لبتنا تقول لا ياماما قول لها ليش تقول ماما بابا بس يهاوشك
(قسم بالله ماتخيلون وشلون ها لكلمة تكسر ظهري وتطعن في قلبي ومن بعدها اضم بنتي واصيح)
كان بودي بنتي مايرسخ في بالها الى الشي الحلو والذكرى الجميلة....

ومازلت محتارة وخاصة بعد رؤية رائيتها بعد استخارة وقال لي الشيخ ان الجاي اصعب من اللي راح وان من بعدها وانا منحاس فكري ومن كثر ما افكر واخذ بنصيحة الشيخ وانا تعباااااااااااااااااااااااااااااااااااااااااااااااااااااانة من جد



اللهم اجرني في مصيبتي واخلف لي خيرا منها

 

[لا مبالية]

فهل حاولت أن تعلميه كل ما ترغبين ، أم أنك أكتفيت بدور المتفرج المنتظر ليعلم هو ما تريدين ؟

كم يعلم الله كم من رسالة وحديث دار بيننا لكي اخبره عما اريد وعما احب وماهو الطريق الي لكن دون جدوى في نفس اللحظة يكون متجاوب معي جدا بس يجي موقف وليش موقف بعد يوم والايومين ولا كاني قلت شي ومن ثم أعيد لدرجة اني مليت من التكرار



/quote]

طيب .. أنت جاوبت ، وأنا رح ارد عليك ،رغم صعوبة التدخل في مسألة بين الزوجين ، لأنه لو تركت زوجك يحكي من وجهة نظرة المسألة رح تفاجئي ، أنه ينظر لها بمنظار مختلف تماما .
من الواضح في ردودك ، وشكواك ، والمواقف البسيطة الي حكيتيها ، أنه نقطة الخلاف بينك وبين زوجك ، ( عدم وجود لغة تفاهم بينكم ) . انت لك متطلبات ، وبراسك طريقة حياة معينة تحسي أنها رح تريحك ، لكن للأسف طريقة الحياة هذه تتطللب تغيير جذري، بطبع زوجك ، وانت ماعندك أو ماظل فيك صبر .
بالنسبة لكتابتك الرسائل ، وبيان طبيعة التعامل الي تبغينها ، استغربت الصراحة ، لأنه أجوبته تدل على أنه فعلا ماهو فاهم أنت اش تبغي بالضبط ، وشايف أنك مكبرة أشياء تافهة ( من وجهة نظره ) وبتدوري المشاكل والنكد ، وكان ماخذ السالفه باستخفاف ، لأنه فعلا مو فاهم أنها مجموعة تراكمات من مشاكل وتصرفات ، واحداث يومية ، تجمعت ، وتجمعت حتى صارت مثل السد بينك وبين زوجك ، صار فيه حاجز غير مرئي سواء منك أو منه ، هو بالفعل الان مستغرب منك لأنه حاس أنك بايعته عشان اشياء بسيطة وممكن تعدي .
اذا قرأت كتاب ( رجال من المريخ ، ونساء من الزهرة ) صدقيني رح تفهمي طبيعة الرجل ، وطبيعة تصرفاته اللي نعتبرها نحن النساء ، برود وجلافة ، وماهي الا طبيعة تصرف فطر عليها الرجل ، الرجل يعتني بالتعبير بالأفعال عن اهتمامه بالأنثى ، مو بالأقوال ، ويعتبر مجرد عمله والصرف عليكم دليل على تمسكه فيك ، ومايعنيه كثير أنه يحقق لك الإشباع العاطفي ، مادام بيحقق لك الإشباع الجنسي .
واتمنى أنك تتأملي جيدا كلام الأخت ( ماء الورد ) وتقرأيه وتفهميه ، لا أن تمري عليه بسرعة ، أنت الان تقولين ، سأتطلق ، فكري ماذا بعد الطلاق ؟ تشتت لأولادك ، ولا تقولي لي فرحانين بالسكن عند أهلك كلها كم شهر وبيبداو يسألو عن ابوهم .
وبالنسبة لك ، الرجال كللللللللللهم سوى زي ماقالت الأخت ( ماء الورد ) مارح تاخذي واحد يفهم عليك ، ويحتويك ، ويسمعك كلام رومانسي .. وأحب أقول لك إن طبيعة حياتك ، تتكرر في كثير من البيوت ، لكن انت فاهمة أن الزواج تعلق بالزوج ، ورومانسية ، وتفهم لاحتياجاتك ، وكرم من الحبيب سواء معنوي ومادي .. أحب أقولك لا ، معظم الزواجات ماهي كذا ، وأهم شي بالزواج هو المسؤلية ، لو ماكان عندك أولاد ، كان قلت لك دوري راحتك ، لكن اش يضمنك أن الطللاق فيه راحتك ؟ وأكبر دليل على أنه مافيه راحتك ترددك ، وحيرتك ، وطلبك للمشورة والنصح .
يا اختي مري وشوفي مصايب النساء في هذا المنتدى ، الي زوجها لوطي، والي زوجها زاني ن والي زوجها مدمن مسنجرات وسفر ، وغيره وغيره ، وكلهم عندهم الرغبة في تغيير الزوج ، والعيش معه ، وتحسين حياتهم وخوض معركة الفوز بحياة زوجية هادئة وآمنة ، وباذن الله الله مارح يخيب رجاهم .
نصيحتي لك ، اقرأي المواضيع التي في قسم الزوج والزواج عن الاستقلال العاطفي ، وحملي كتاب نساء من الزهرة ورجال من المريخ ، وكتاب الأنماط الشخصية ، سواء من هذا المنتدى أو من غيره وفي هذا المنتدى رح تجديها بقسم قراءات ودورات .
واعطي نفسك فرصة للتفكير ، والقراءة ، وبعدها قرري اللي يصلح لك . ووياليت كانت عندي روابط لبعض الأخوات اللي ندموا بعد الطلاق رغم أنه كان برغبتهم ، وبتلاقي مواضيعهم كثير بالمنتدى ، عشان اوضح لك صورة ما بعد الطلاق .

أتمنى لك كل خير .​

 

[ماريز]

أخبارك حبيبتي
متابعة لقصتك من البداية وودي أعرف وش صار عليك طمنيني

 

[آيــــــــــات]

لا حول ولا قوة الا بالله

اسأل الله أن يكتب لكِ الخير ويفرج همك ويزيح كربتك عزيزتي..