&& ملف الجنوبي && رجل الحب والاحضان &&

[صمت وخجل]

​

مساءكم الله بالخير ....
اولا اسال الله ان اكون عند حسن ظنكم ... وهذا الملف تابع للملفات السابقه ...​

** اللهم صلي وسلم على سيدنا محمد **​

المراه تتحكم بها مشاعرها والرجل يحكمه تفكيره وعقله ... ​

تعيش الفتاه تحلم ان ياتيها فارس احلامها لكي تعيش معه بهدوء ورومانسيه واحلام لاتعدى ولاتحصى واكثر احلامها ان تعيش كالاميره التي تامر ولا ينرفض لها طلب وزوجها كالخاتم بااصبعها ويغدغد عليها بالفلوس وكل اجازه يسفرها وان لايفارقها ويبقى لها لوحدها وتعيش في هذي الاحلام حتى يشرف الفارس وياتي لخطبتها وتوافق على امل ان تتحقق الاماني وتاتي اليوم الذي يجمعهم وتنصدم بالواقع الذي يخالف احلامها وتعيش بحيره ويأس وتنسى هويتها وتخسر احلامها ومنهن من تغوص بابحاره لاجل تصطاد قلبه وتعيش بحياه كانت تتمناها وتفوز بااحلامها ..... ​

ياتــــــــــــــــــــــــــــــــــــرى ماذا وجدت في بحر الجنوبي رجل الالتصاق والابتعاد ؟؟؟؟ ​

تعالو نبحر ونسبح ببحر الجنوبي ونصطاد قلبه الحنووووووووووووون ...​

​

راح اقوولكم ماذا لقيت في بحره .. لقيت صدفه وفتحتها لقيت فيها رجل يسمى صاحب الجنووووبي نعم صاحبه ... الجنوبي يعشق اصحابه ولكي يعشقك صيري اقرب صديق للجنووبي !!!!!!!!!!!!!! ​

اكيد تتسالوووون كيف نكون صديق لرجل لايفهم تفكيري وكيف اصاحب شخص دائما عالصامت لايتكلم معي !!!!!!!!!!! ​

( اول خطوه لتصاحبي الجنوبي )​

الجنوبي يحب ان يتحدث عن مغامرته وعن اصحابه وعن هواياته فشاركيه الحديث وبيني اهتمامك وراحتك بسوالفه وتحمسي مع مغامراته ولاتقاطعي حديثه انما ابتسمي معه
وشاركي هواياته اذا يحب الكوره شاهدي معه الكوره واعرفي اخبار الرياضيه لن يااخذ من وقتك 15 دقيقه ويوم مباره النادي الذي يشجعه البسي لبس الفريق وارسمي اللوانه على عيوونك لكي يشعر بحماسك ... وان كان يحب البلاي ستيشن العبي معه واعملووووو تحدي والفائز له جائزه وهو يختارها ... الجنوبي يحب من يشاركه حياته الاجتماعيه فحددي يوم بالاسبوع لزياره الارحام وبيني له مدى فرحتك به وبالزياره ... واساليه عن اصحابه وبعد كل فتره قولي له اعزم اصحابك وانا بجهز كل شئ رتبي بيتك عطري المكان وبخريه وجهزي اشياء مميزه لكي يفتخر بك امام زملائه ولاتبيني له كرهك لاحد اصحابه .... ​

راح اقول لكم موقف صار لي مع الجنوبي في بدايه حياتي كان يسولف لي عن اصحابه فكان احدهم خائن ويسمونه الزير انا قلبي احترق وصار كل مايجيب سيرته اتعصب وابوز في وجهه واقول ذا الشخص خائن ماارتاح له لا عاد تروح معه ... فصار يخبي عني سوالف صاحبه ويطلع معه ولايعلمني فبهالطريقه بدا الصمت يدخل بيتي وصار زوجي يتردد ان يخبرني بسوالفه ولاحظت هالشئ والحمدلله صححت غلطتي وقلت له وش رايك باكر تعزم فلان وزوجته لعندنا هذي اول خطوة لاسترد ثقته فيني ... وبعدها صرت اساله شخبار فلان وش جديدكم معكم شئ مغامرات ؟؟ ......... وحبه حبه لين رجع مثل اول .......... فالجنوبي لاتبيني له كرهك لشخص هو يعزه بالعكس شاركيه حب من يعزه ... ونقطه ثانيه اذا طلعتم لسوق واشتريتي لنفسك لاتنسينه ولو بشئ بسيط جدا اهم شئ انك تشاركيه بكل شئ وبكذا تكووووني جنيتي اول لؤلوه من بحرررررررره .......... ​

​

أرحب بجميع إستفساراتكن حول بحر الجنوبي ... ​

 

[$دمعه غلا$]

بصراحه الجنوبي حبوب وسهل بس مشكلته التسويف بالذات اذا كان فيه غربي كل يوم بكره بكره حقته ذي مدري متى تجي انشاءالله
صمت الله يعينك ويسدد خطاك وينفع بك بيوت المسلمين امين ويجعل ماتخطينه خالصا لوجهه الكريم

 

[صمت وخجل]

بصراحه الجنوبي حبوب وسهل بس مشكلته التسويف بالذات اذا كان فيه غربي كل يوم بكره بكره حقته ذي مدري متى تجي انشاءالله
صمت الله يعينك ويسدد خطاك وينفع بك بيوت المسلمين امين ويجعل ماتخطينه خالصا لوجهه الكريم

فعلا الجنوبي حبوب وسهل جدا كالطفل يحتاج من يسايسه ........ تسلمين خيتو على هالدعوووووووه الحلوة ......

 

[~الأميره~]

هلاوالله والله يجزاك كل خير ويسعدك..

ابي اعررف كيف ارجع ثقه الجنوبي فيني..

وجايتك بالاسئله الله يعينك يارب..ههههههه

 

[ღ لحن الحياة ღ]

بدايـــة موفقـــة عزيزتــي ,,,

بارك الله فيك وأعانك ووفقك لكل خــــــير ​

 

[ايمو ..]

الله يجزاك خير صمت على ها الدررر االلي كتبتيهايالغلااااا

صموته استمري وحنا متابعين لك خلنا نعرف كل اسرار ها الجنوبي اللي متعبنا معاه هههههههههه

 

[حكاية قمر]

متابعة معك يا عسل...

 

[حكاية رحيل]

مبروك تشريفك للملف

كيف نوفق بين عزة النفس وبين مماطلة الجنوبي وتسويفه المبالغ فيييه؟

يعني انا عزيزة نفس اطلب مرتين واصيح مرتين ثم خلاص اعاف الشيء معد ابيه

وحضرة الجليد مايحس بحالك ؟

 

[خيط زري]

ياحظنا صمت وخجل عميدتنا

مبرروك التميز فالك التوفيق حبيبتي


ألاحظ زوجات الجنوبيين فيهم عزة نفس وانا زيك ياحكاية يمكن مأثر فيني التربيه

اغلب اهلي كذا << للأن نمطي ضايع

 

[خيط زري]

ليتك ماقلتي رجل الحب والاحضان تلحقنا عيون زوجات الشمالييين
:25:
ملف الجنوبي رجل الجليد والمصالــه :15::19:

 

[غاده 2]

مبروك للجميع الملف الجديد ...ومبروك لعمدتنا الغاليه ...
متابعه معك والموضوع دايركت للمفضله ...
اما سالفتك مع صديق زوجك صارت لي بس مع امه ... اكتشفت ان الجنوبي اذا انتقدتي احد من احبابه فانتي المنبوذه بالنهايه .... فعلشان تصريين غاليه لازم كل اللي يحبهم تحطينهم فووق راسك ولا تجيبين سيرتهم بشي مو حلو ... اذا جبتي سيرتهم بشي مايعجبه كأني اشوفه يحط علييك اكس احمر ...
اما موضوع عزة النفس ... مادام انك زوجه لجنوبي لازم تمسحين هذي الكلمه من قاموسك وتسحبين عليها سيفووون ...
بعدين اختصري على نفسك ولا تطلبين هذا الشي الا اذا كنتي قريبه من مكان الطلب اللي تبينه مثلا انتي تبين شي من الصيدليه لا تعبين قلبك وتطلبنه وانتي بالصاله ...لا ..اذا طلعتوا اي مشوار ومريتو مع صيدليه قولي ابي هذا الغرض من الصيدليه ... واذا مريتوو على محل سبااكه قولي ابي هذا الغرض من هذا المحل ... اريح لقلبك بس ...
اشوفكم على احسن موضوع ... :37:

 

[نجود1404]

وطيب وان كان الجنوبي يكذب على اقل شي
مستغربه انكم تقولون انه يحب الاحضان ؟!؟!؟!
انا لي سنتين مافكر يحضني نهاااائي
عجزت اعرف الجانب الرومنسي فيه
وكيف افتح معه مواضيع رومنسيه ساعات اقول يستحي وساعات اقول عنده برود

 

[المذنبه]

خخخخخخخخخخخ
انا جنوبيه غربيه وفعلا (التسويييف معي )
كثيييير ودائم اقول للي يطلبني بعدين بعدين ليما اطلع روحه
لكن اسعى كثير اني اتغييير
والحمدلله بدا تحسن في
وان شاء الله لافضل
مشكوره موضوع مميز
​

 

[آحتآج حنآنك]

يعطيك العآفيه صموته
من متآبعينك
موفقـه

 

[بنت السعوديـه]

السلام عليكم ورحمة الله وبركاته
هلا ومرحبا فيك غاليتنا صمووته
اسال الله لك التوفيق والسداد

نفسي اعرف عن الجنوبي اكثر ودي افهمه وهويفهمني ابغى ابدأ حياتي معه من الصفر بس موقادرة من شماليتي الزايدة وقوانيني الصارمه
ياليت تساعدوني​

 

[صمت وخجل]

هلاوالله والله يجزاك كل خير ويسعدك..

ابي اعررف كيف ارجع ثقه الجنوبي فيني..

وجايتك بالاسئله الله يعينك يارب..ههههههه

هلا بيكي خيتو .... الجنوبي انسان حساس يحب يرى من حوله مرتاحين فاانا لا اعرف وش الخطا الي ارتكبتيه حتى فقد ثقته فيك ؟؟؟؟

المهم بقول بصفه عامه ان اخطاتي بحق الجنوبي فااعتذري منه وخلي ملامحك فيها حزن وخجل لانه يتعب لاشاف الناس حزينين وقومي بكل واجباته وابتعدي عنه حتى تهدا الامور ولاعاد تعتذري مره اخرى لان الجنوبي لرجعتي اعتذرتي له يحس انه مظلوم وانك اخطاءتي خطا فادح فاان تجاهلتي وعشتي يومك معه واديتي كل شئ فااكيد راح ينسى ....


وانتظر منك لاعرف وش الخطا الي ارتكبتيه بالضبط عشان اعلمك وش تسوين وشو تقوليله ؟؟؟ ​

 

[الخقهـ!]

الله يسعدك مشكوره ومنتظرين ابداعاتك القادمه :35:
اسلووبك شيق للغااااايه !!

 

[صمت وخجل]

بدايـــة موفقـــة عزيزتــي ,,, ​

بارك الله فيك وأعانك ووفقك لكل خــــــير ​

تسلمين يالغاليه ​

 

[صمت وخجل]

الله يجزاك خير صمت على ها الدررر االلي كتبتيهايالغلااااا

صموته استمري وحنا متابعين لك خلنا نعرف كل اسرار ها الجنوبي اللي متعبنا معاه هههههههههه

ان شاء الله راح نسبح لين نعثر على كل اسراره ونصتاد قليبه ..... افا افا اشلون تقولين للجنوبي متعب ترى ان فهمتيه مافي اسهل منه واحن منه يالبى قلبه ....
​

 

[صمت وخجل]

مبروك تشريفك للملف

كيف نوفق بين عزة النفس وبين مماطلة الجنوبي وتسويفه المبالغ فيييه؟

يعني انا عزيزة نفس اطلب مرتين واصيح مرتين ثم خلاص اعاف الشيء معد ابيه

وحضرة الجليد مايحس بحالك ؟

ربي يبارك بحياتك ..... بقولك كان مبداي في الحياه اني فيني عزه نفس مايفهمها البشر بس مع الجنوبي تناسيتها عشان المركب يسير وانتي قومي اركني عزه نفسك على جانب لوقت الي يغلط على كرامتك غلطه قويه .. التسويف طبعه والطبع غلاب بس بالمحاولات تقدري تخلينه يخفف من هالطبع لو تبغين منه شئ قوليله قبل الموعد بيومين عشان يبقى في ذاكرته بعد يومين ارسليله مسج بااسلوب به شوي حنان وفي نفس الوقت جدي
مثال : ( حبيبي تراني طلبت منك شئ ضروري وادري بك يالغالي انك نسيت بس دحين انا محتاجته ضروري ضروري ضروري وربي لايحرمنا منك ) وان جاء اركضي له اساليه وين الغرض الي طلبته لا قال نسيت لا تصرخي وتزعلي امسكي اعصابك بس بيني حزنك وقولي انا كان ابغاه ضروري واتمنى لو انك تقدر تجيبه .... ​