مذكرات امرأة سمينة: "لذلك قررت عملية ربط المعدة"

السلام عليكم جميعا وتحيه خاصه للمراة ولكن وتحيه للجميع
بصراحه انا مثلكم عندى مشكله ونفسى انحف بس عندى مشكله تمنعنى
عارفين ايش هى
 
بعد عمري والله ودي انحف صدقيني بتنحفين والله يقومج بالسلامة واحنا معاج دووم وبشرينااا .... حبيبتي البيت السعيد فديتج ياربي الله يسهل امورج كلها وافا عليج انا اختج ولازم قلبي عليج واتمنى اسمع اخبار حلوة عنج وانشالله يرضا زوجج وماتدرين ربج هو اللي يسهلها وامره بين الكاف والنون كن فيكون :) واه من الزمن انتي شكلج يديده حياااج معانة بس عساماشر شنهي لمشكله الي مانعتج ؟؟وتحياتي للكل ويحفظكم الرحمن ...
 
يحفظك ربى من كل شر فعلا انا جديده بس مشكلتى فى زوجى مانعنى انحف واذا درا انى اسوى رجيم يعصب ويهددنى بالعرس ولا ازيدك من الشعر بيت يقول صيرى زى انتصار الشراح ولا منى شداد واحط بيدك عشر الالف وش رايكم وتتوقعون وزنى كم والمشكله انها مايحب يسمن واذا سمن على طول بدا يخفف ويسوى رياضه
 
اه من الزمن قال:
يحفظك ربى من كل شر فعلا انا جديده بس مشكلتى فى زوجى مانعنى انحف واذا درا انى اسوى رجيم يعصب ويهددنى بالعرس ولا ازيدك من الشعر بيت يقول صيرى زى انتصار الشراح ولا منى شداد واحط بيدك عشر الالف وش رايكم وتتوقعون وزنى كم والمشكله انها مايحب يسمن واذا سمن على طول بدا يخفف ويسوى رياضه
أنقر للتوسيع...
أول شي هلا فيج اختي بينا .. وثانيا ما أدري شو أسباب زوجج بس هي ترجع للنفسيات أكثر يعني يحب الحنان والدفا ويحس إن الرشيقات ما يعطن حنان نفس السمينات .. بس يختي هذا كل شي وصحتج وحياتج شي ثاني .. خليج معتدلة في كل شي لا تسمنين ولا تنحفين والله يوفقج ان شاء الله ..​
 
ماعليه اه من الزمن اختي اذا زوجج يحب السمنه او الامتلاء خلاص ولله يابختج اذا هو فعلا هللون بس اذا انتي حابة حاولي تقنعينه ان عشان الصحه وتناقشي معاه ومثل ماقالت اختي اكسجينه يمكن يلاقي الدفا والحنان في السمنة والله يكون بعونج حبيبتي ويعطيج علاقد نيتج :)
 
إي إختي آنا بعد أحسه شي نفسي،

ترى فيه رياييل هلون، أبوي الله يرحمه، ما كان يبي أمي تضعف، رغم إنها رشيقة الرشيقات لما خذاها، وبعدين متنت،

حتى الله يرحمه مرة قال لها، إن شفتج ضعفتي كيلو طلقتج وعرست وحدة ثانية،


هو فقد حنان أمه وهو صغير، من جذي يمكن كان يبي أمي مليانة،

ترى ريلي بعد يحب المرة المليانة بس مو السمنية :(









=====================


إختي نهاوند الله يسمع منج إن شاء الله،

اليوم كنت بروح أسجل حق دورات الأستاذة ناعمة، إلا يقول لي ومن قال لج إني موافق،

ما أبيج تروحين،

ويااااااااااااا صبر أيوووووب
 
مرحب بالجميع وعلى فكره انا مو سمينه مره وزنى 79 كيلو بس بالنسبه الاول اعتبر سمينه بعدين انا اموت على اللبس والتسوق واحب اللبس السبور واللبس السبور مايصلح الا على النحيفه وبعدين انا اذا حملت وزنى ينزل بشكل فضيع من الوحم تصدقون يوم كنت بنت كنت اسمن بس نحفت يوم حملت باول بنت لى نزلت فى شهرين 13 كيلو واستمريت على ها النحف لانى كنت ارضع رضاعه طبيعيه بس لو تدرون وش سمنى على قولت المثل الطمع يذهب ما جمع
 
الف مبروك اختي اكسجينه على النزول وانشاء الله يعطيج الي في بالج واختي اه من زمن حياج الله معانا وبالنسبه لزوجج فديتج ان يحب السمنه اوكي بس انا فكرت اولا اضعف واسوي العملية مب عشان اني متينه احس اني تعودت بس المشكلة الي وراء المتن الامراض هذي المصيبة امراض في الظهر والتنفس والرجل والمعده بسم الله عليكم وكلها اسباب المتن يعني اذا هملتي روحج وقلتي زوجي يحب المتن وكيلو وراء كيلو لين يصير وزنج بسم الله عليج فوق المائه فياريت حبيبتي ما تهملين روحج لاني والله14 سنه كسبت فوق 50 كيلو وزوجي عمره ما حسسني اني متينه او تغيرت بالعكس يحبني مثل ما كنت ومن جذي هملت روحي لدرجه كنت ما اقدر اصطلب واحياناً من الم الظهر احبي والله العظيم وسافرت الاردن وقالو لي من المتن وان فقرات الظهر ضاغطين على بعض واذا هملت روحي احتمال الدسك وامراض وايد الله يجيركم
 
حيا الله الجميع ومرحب بحرينه حالمه ومن قالج انى تاركه روحى انا اسوى رجيمات من وراه خصوصا انه طول اليوم مشغول وعلى فكره بنات من فتره كنت تعبانه ورحت المستشفى وطبعا المستشفى يسون قياس وزن وطول كل ما رحتى المهم انا انصدمت لم رحت ولقيت وزنى خلال سنه زاد عشره كيلو يعنى نط من السبعين الى واحد وثمانين حسيت بغى يغما على المهم من عقبها جانى اكتئاب وبعد اسبوع رحت للموعد الثانى ولقيتنى نازله 2 كيلو وبعدها قلت لزم اخفف فقطعت العشاء ودورة بالنت وصفه تنزل ماتتخيلون بنات امس وانا عند اهلى مجتمعين كل الموجودين قالو انك ناحفه وحتى تنورتى كانت بالموت يتسكر السحاب بس امس احس انها توسعت شوى وخصوصا هل الوصفه تزيل الكرش مع انو مالى كرش كبير بس احس بطنى خاف شوى
 
ماعليه حبيبتي البيت السعيد كل شي شوي شوي احنا معاااااج والله يكون بعونج وعووون الكل :) والله يعطي كل وحدة علاقد نيتها ...واه من الزمن خلج علا خطتج بالعكس وايد زين المحافظة على الوزن وتنزيل الكيلوات وان الوحدة ماتخلي روحها وتحس لنفسها من البداية لأن من يتراكم الوزن خلاص الوحدة تتعب وتكتأب وال10كيلو حبيبتي موب وايد شهرين بالكثير تخفيف ولله تطير انشلله وقلبي معاج .... حبيبتي البيت السعيد دورات الاستاذه ناعمة شنو هي ووين موجودة ممكن حبيبتي تشرحي لي عنها اذا ماعليج امر .... انا الحين خطتي ابي اروح جيم بس حق السباحه تركيزي بس للحين مالقيت للأسف مكان ريحني بس لن انهزم سوف ابحث وابحث ههههه انقلبت قيس بن الملوح ... تحياتي ويحفظكم الرحمن يابنات
 
بحرينيه حالمة شخبارج فديتج وماتشوفين شر والله كدرتيني الله يبعد عنج اي شر :)
 
ما تقصرين والله،

وتدرين كلامج صحيح، مساعة قعدت معاه 10 دقايق سوالف وقعدة صريحة على قولتهم هههههه

قال لي شوفي طبقي الريجيم واللي بقوله لج خلال شهر، وإذا ما ضعفتي عليهم بناقش المسألة،

قلت له إني أتعب وايد من الريجيم وما في إرادة،

قال لي إنتي جربي اللي أقوله وبعدين بنشوف،

كششششخة، ببدي من بكرة بالضبط اللي يقول لي عليه، وبطبقه كل الشروط بحذافيرها،

<< يقول آنا أعرف أحسن من علي الظن، يا حليله ريلي ههههههه

إن شاء الله بعد شهر يصير اللي أبيه،


عزيزتي بالنسبة للدورات، شوفي فووووق كلش، حاطين صورة فيها علم البحرين،

فيها دورات ناعمة الهاشمي،

- دورة فيض الأنوثة + دورة حوار الكناري + دورة سري جدا

بيكونون في أول أيام من شهر ثمانية،

والله ودي أحضرهم، وبحاول بعد هالكم يوم، بعطيه هدية صورته بترسمها فنانة بيدها وملونة علشان يعلقها في مكتبه،

ومنها بخليه يقتنع بالدورة :)
 
واو ياسلااام حركااات والله البيت السعيد....والله توني من شوي ببيت خالتي ونتكلم عن علي الظن ومواضيع الشفط اللي ماتخلص والربط ومدري شنو كل شي ...طبعا خبرج هالسوالف ماتطلع الا تالي الليل لما يملون الشيخات بطونهم من مالذ وطاب ويحسون بتأنيب الضمير عقب يتكلمون بالدايت ,,, تدرين لدرجة ماهم يموتون عالأكل ماشالله عليهم نص الليل حاطين محطت فتافيت جان تطلع مقطع بالدعاية اللي فيها فراوله تنغمس بالجووكليت السايح تدرين قامو طرشوا ييبون من البرادة الفراوله والنوتيلا ووصوا على يذوبون الجوكليت وماوعيت الا صحن الفراوله وشكله مغرررري مقطع بطريقه تهبل وجنبه المله مالت الجوكليت السايح ويقعدوون لج كلهم يهفون وانا بس كلت فراولتين بدون جوكليت عن العين والنفس ههههه ... وعقب بنت خالتي تتكلم عن تجربتها مع الدكتور علي الظن وانه ضعفها ب3شهور 18 كيلو بس طبعا زاردتهم وزادت فوقهم يمكن بعد 18كيلو ههههه ليش لانها تركته الأخت وقامت تاكل علاكيفهاااا...والحين اكاهيا تبي تسوي عملية الربط المانع الوحيد انها واعليا شوي جبانه وتخاف والاكلمن مشجعها حتى زوجها واحنا وتفكر بتسويها ....هاااج حبوبة عندي لج طريقه تخليه يوافق سوي روحج صج زعلانه ومكتأبة وتصيحين وانج ذابحه روحج ريجيم بس ماينزل الوزن ((مثل ماانا سويت لأبوي هههه سر تراه ها )) وصج ان تعبت وماينزل من الريجيم وان نزل التعب يرد يرجع الوزن وان سألج شفيج لاتقولين له السبب بس قولي متضايقه من روحي او قولي مافيني شي ((هاي يسمونه التدلل او الدلال وهاي غير عن الدلع طبعا)) وكنت انا كلى من غير سبب وانا معاهم مايشوفون الا الدمعه واقوم من مكاني او اقولهم لي متى بالبس مثل البنات ولي متى ولي متى ...وبس كثر الدق يفج اللحام ...ودام اذنه لينه شوي يعني شي زين وبس .... هم ييون بالتدلل والكلام الحلو ودمعتين ودلع والله ان في فترة قياسيه بيرضى....حبيبتي انا والله يشهد ان قلبي معاج وحاسه فيج وودي لج الخير ..واتمنى للكل واستانس لما اي حد يسويها لأن حنا عشنا المعاناة ونحس اكثر من غيرنا.... ويلله اللي فيه الخير الله يكتبه...ومشكورة عالتوضيح عالدورات يبي له والله :) .... ووي باقي البنات والله وحشتني سوالفكم نبي اخبااار حلووووة ياحلوات وتحياااااتي ....يحفكم الرحمن
 
إي والله إختي هذا اللي حاسة فيه،

إني بضعف على ريجيمه بس برد أمتن،

هو قال لي لازمك ريجيم طول عمرك،

إحبااااااااااااط،


ما شاء الله عليج يبي لج عزيمة كبيرة في وسط كل هالمغريات الحلوة،

تدرين آنا أقدر أصبر روحي على الحلويات، بس اللي ما أقدر ابتعد عنه وصعب علي النشويات،

الله يكون بالعووووون ويعطيج العافية
 
انا ان شاء الله نويت اعمل عملية ربط المعدة لو حد عمل العملية من فترة ممكن يفدنى
 
الله ايعافيج البيت السعيد وياهلااا بأميرة الالماااس ومبروك مقدما لج اختي ذا سي 5 وان شالله تكون العملية فاتحة خير لج :) وتحياااتي للجميع
 
انا قرات جميع التجارب واستقدت جدا جزاكم الله خير ونويت اعمل العملية اخر هذا الشهر
 
انا وزنى 108 وطولى 158 ادعولى العملية تنجح وانزل فى الوزن وان شاء الله حبلغكم بالتجربة
 
انشالله راح تنجح اكيد وبالعكس هاي من اهم الخطوات في حياتج اعتبريها وراح تكونين مبسوطة ..وطمنينا عليج حبيبتي....وين العالم مختفيين عاد قلنا اجازة موب كل وحدة اندعست في مخبأها السري ...ياعااااااالم ها شالأخباااار والتطورات شنو يومياتكم واموركم شحالها نبي علووووم يديده يارشيقات الغد ومسمينات امس ...قولو للسمنة باودع يالضنا ونعم لحياة افضل ...تحيااتي للجميع ويحفظكم الرحمن
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل