مذكرات امرأة سمينة: "لذلك قررت عملية ربط المعدة"

اختي انثى الرماد تغير الضمادات عادي لكن فديتج اذا جفتي ماده تطلع من الجروح روحي بسرعه للدكتور ولسوين نفسي سكت 3 ايام وبعدين رحت للدكتور وقال جرثومه واخطر انواع وتميت اتعالج فوق الشهر كل يومين اروح لمداوات الجرح لكن بسم الله عليج وعليكم كلكم الله لا يرويكم الي شفته وبالنسبه للدخوه عادي حتي الساعات ما تشتهين تتكلمين لان فديتج من قلة الاكل خبرج كنا متعودين على كميه كبيره من الاكل والحين ولا شي وبالنسبة للفيتمينات اخذي من الصيدليه فيتمينات عادي عمري ومبروك على النزول والله يعطيج الي في بالج
 
نور الشمس الله يقومج بالسلامه وتحققين الي تبينه والله انا ولدي 3 سنوات واول اسبوعين مسكين ما ادري عنه من التعب الله يسلم ابوه واخوانه الله يعينج واتكون حالتج ما تستدعي تحتاجين لاحد فديتج
 
السلااام عليكم

كيفكم بناات
بصرااحه انا ماعرفت المنتدى هذا الا من هالموضوووع ومااادخل الا على ذا الموضووع لاني احب اقرا مذكرااتك ياامراه ولكن
ابحكييكم قصتي انا عمري 19 سنه وكاان وزني 114 وهو اقصى شي وصلتله وحااولت في الريجييماات اليين ماتعبت بس مانفع كنت انقص بس بعدها ارجع من صغري وانا دبا وكل مااكبر يزييد وزني اكثر ومااحكييكم عن الاهاانات والاحراااجات لان انتوا اعرف في هالاشياااء المهم انا سوييت العمليه بس ماسوييت ربط سوييت تحويل مسااار لان دكتووري قاال انها افضل بالنسبه لي ويمكن ليه اقل من شهريين تقريبا وصاار وزني الحمدلله 100ماشاااء الله تباارك الله ومتحمسه انه يصصير رقميين بس << حلم اللي اوزاانهم فووق ال 100
ومن اول ابغى اشااارك بس انا مااحب شاارك بالمنتدياات بس احب اقرا عمووما انا بتاابعكم بصمت لان قصة كل وحده فيكم عااجبتني اكثر من الثاانيه وحبييت ارفق لكم شعر عن البديناات مرررررره حلو
اتمنى منكم كلكم تسمعوووه
وبالتوفيييق لكل اللي يبغى ينحف يااارب:bye1:​

 
اليوم رحت عند الدكتور علي الظن في ابن النفيس،

وخذيت استشارة وكتب لي ريجيم، بتبعه لمدة اسبوع،

ونشوف،

ريلي مو موافق على العملية، يكون موافقتي بين صفر و 20% :(

آبي أضعف، هو ما شاء الله عليه رشيق وااايد ووزنه مثالي، عمره 30 لكن كأنه 18 ما شاء الله لا إله إلا الله،

ادعوا لي يا بنات يوااافق
 
اولا انا متابعه للمجموعه من زمان:a025:
ولي طلب منكن من يعرف طبيب جيد في دمشق ان يعطيني رقم التيلفون علي الخاص
ارجو من الله ان اعمل العمليه واصبح رشيقه:c016:
 
السلاااااااااام عليكم جميعااااا..... اولا احييكم كلكم البيت السعيد مشكوووورة فديتج واكيد راح اساعدج ...بحرينيه حالمة تحياتي لج حبيبتي انثى الرماد ..لولو...نور الشمس...واكيد حبيبتي امرأة ولكن ....كلكم وحشتوني وسامحوني عالتأخير لأن ماراح تصدقووون شصار فيني ههههه الحمدلله ...انا كنت رايحه للتحاليل مثل ماقلت لكم يوم الثلاثا ورايحه اقابل دكتوري وطبيبة التغذيه (يعني حضرتي رايحه عشان اطمن عالنتايج واحدد موعد عمليتي)) شصاااااااااار عقبها؟؟؟؟ الدكتور طلع نتايجي من السيستم وطلع السكر مرتفع عندي وانا مستعيله عالعمليه فبالبداية قاللي اول شي تتعالجين عن السكر بكورس ادويه ..بس انا ماستسغت الحل ...قاللي انا ماعندي مانع اذا تبين بكرا اسويها لج؟؟؟؟ قلت له شلون ؟قاللي اذا مستعيله ومافيه خطر عليج بنرقدج الليله بنزل السكر عندج والصباح اول الله عمليتج؟؟؟ تخيلو يابنااااااااااات ...سبحانك ياربي الف حمد وشكر للكريم ...طبعا كان توقيت العملية مفاجيء لي ولأهلي وحتى للدكاتره هناك هههه اتصلت في اهلي وخبرتهم بس بترقد الليله وبحجز الغرفه وبكرا الصباح علاماينزل السكر راح يسوي لي عمليه وفعلا يوم الاربعا تاريخ 27-5-2009 سواها لي طويل العمر وقمت بالسلامة وترا انا تعبت (قالو لي لازم بس انا شوي حساسه فتوني ترخصت اليوم الجمعه 29 -5 وتوني راده من المستشفى .... الحمدلله احسن من اول يوم انا واي استفسار انا حاضرة لكم حبايبي.... بالنسبه لأسألتج حبوبه البيت السعيد انا يمكن من كثر العذاب الي شفته بسبت المتن الله راد تستوي بسرعه ...انا رحت اول موعد يوم الثلاثا اللي فات وكتب لي الدكتور التحاليل وايد كانت في ورقتين واجباري ان اسويهم بنفس المستشفى حق تصير داخل السيستم ... وبالنسبه للدايت انا انصحج من باب مجربه روحي سيدا العسكري يحولونج علادكتورة التغذيه هناك احسن لان هي بتابع معاج قبل وبعد العمليه علي الظن حتى لوبيضعفج من النوع اللي يعطي ادويه وايد واذا الواحد يتركه يمتن ..فتابعي مع الدكتورة اللي بالمستشفى هناك عشان تعرفين لسيستم العملية افضل...وطبعا على راحتج متى ماتبين تسوين العملية تحددين مع الدكتور (دكتور ماشالله شاطر وطيب ومتواضع ) ، بالنسبه للتكاليف فهي تختلف من مريض لأخر يعني حسب التحاليل والمكان ( غره خاصه او عادية) انا بالنسبه لي فالتكاليف لحد الأن كالتالي: العمليه: 1429 دينار+ الحلقة700 دينار + الغرفه مع خدماتها ل3ايام 260 (الليله 50دينار وكان علاطول يفحصون السكر وابر وادويه )+ تحاليل الدم الأوليه 100 دينار + 50 استشارة الدكاترة = 2539 دينار ... طبعا هاي يتفاوت يعني في ناس مايحتاجون لغرفه خاصه وبعيد الشر مابتحتاجين هالكثر فحوصات فبكون حروة 2300 الى 2400 ... وفي وحدة من اهلي سوتها بنفس المستشفى ونفس الدكتور كلفها2800دينار لأنها احتاجت لتحاليل قلب وشغل اكثر فإنتي وحالتج حبيبتي وانا انصحج سويهاااااا لأن الكل ينزل ماشالله فيها .... واشتغلي عالموضوع ويد الدكتور خفيفه وشاطر ومعاملتهم فوق الممتازة وكل شي معقم ونظيف والواحد يثق فيهم وهاي اهم شي .... وان حبيتي تعرفين اي شي عيني او كلكم اللي بالمنتدا لاتستحون ترا انا اختكم والناس للناس...وتحياااااااااتي وادعوا لي الله يوفقني عقب عمليتي :) يحفظكم الرحمن
 
فديت قلبج ياانثى الرماد تسلمين عالنصيحه .... بس يلله هذاني ربطت بالعملية المفاجئة وننتظر النتايج اهم شي ... والحمدلله على سلامت اكتافج لأن انا هم صادني الم بكتفي بس الحمدلله راح توه اليوم عني:) بالنسبه للتنظيف حبوبة عادي بروحج بعد الحمام بس اهم شي تحافظين على جفاف المنطقة ماتكون رطبه هاي اللي قالو لي اياه :) .... البيت السعيد قنعي ريلج هااا انا ترا معاااج في حلف المرأة نصيحه ولله سويها متى ماسمحت لج الظروف والوقت سوي ماعليج من حد يقولج لا ويخوفونج تراج متحسين بروحج الا وانتي مقومينج من العمليه وعقبها ماتقدرين تاكلين شي ويعطونج اوراق كامله بالتفاصيل عن نوعية الأكل من اول يوم عمليه لعقب 6 اسابيع والمتابعه موجودة فبتكونين بأيدي امينه انشاءالله ... ويلله كلنا يد وحدة ونتساعد بأي معلومة واي شي يفيدنا وانا حاضرة لأي شي اي وكت لايردكم الا لسانكم :)
 
إختي نهاوند،

ألف الحمد لله على سلامتج،

وياااا رب تكونين مثل الفل، ونشوفج أحلى رشيقة،

هذاني اليوم ماشية على ريجيم علي الظن،

وإن شاء الله أوصل إلى نتيجة، لي مراجعة معاه بعد اسبوع،

وخبرت ريلي إذا ما فادت خطة الريجيم،

راح أنتقل إلى العملية،

ومشكوووووووووورة وما تقصرين، والحمد لله إن في ناس مثلج أخلاق وسعة صدر،

والله يجازيج خير الجزاء
 
بالأول ارحب بالجميع امراة ولكن أنا طيبة والنزول زين الحمدلله بس أفضل اني اكتبه بعد ما أكمل الشهر .. يلا انتظر اخبارج بفارغ الصبر ..

وثانيا ارحب بالجدد الي انظموا لنا .. وربي يحقق امانينا جميعا ويكون تجمعنا على خير وفرح ..​

انثى الرماد قال:
امراه ولكن عودة مميمونه طولت الغيبه شنو الغنيمه ؟ نهاوند وبيت السعيد و بحرينيه حالمه ياهلا ومرحبا بكم
انا سبق وقلت لكم اني اعاني من كتفي ورفبتي وبس الحين وايد احسن وبخير والجروح ماصارت اتألمني بس كنت ابي اسأل انا غيرت الضماد مال جروح ابروحي عادي وتقريبا كل يوم اغيرهم بعد الاستحمام واخاف مو عادي المهم انا اليوم كملت اسبوع من العمليه والحمدالله اليوم صعدت الميزان وشفت عمري ناقصه اربعه كيلو اتخيلو كنت قبل انزل بالرجيم 3كيلو بالشهرين والحين سبع ايام 4كيلوات وايد متفاجأة وفرحانه بس مستغربه من شي اني احس على طول ابدوخه وراسي وعيني اثجال ما ادري ليش وللعلم الدكتور بس عاطني مضاد حيوي 6حبات وخلصن ومسكن وبس ماعطاني فيتامين ولاجلوكوفاجعادي اخذها ابروحي وسلامي للجميع وبوسه لكم كلكم
أنقر للتوسيع...

انثى الرماد شحالج حبيبتي انشاء الله احسن .. مادري ليش تغيرون على الضمادات انا حطولي لزق ضد الماي ولمدة اسبوع ما غيرت عليه ولا مرة وكنت اتسبح عادي وعطوني كم لزقه احتياط عشان لو دخل فيهن ماي اغيرهم بدون ما أحط أي نوع من انواع المراعم او التعقيم .. والحمدلله الجرح برى بسرعة وبدون مشاكل .. فرحتلج كثير عالنزول وانشاء الله الميزان ما يوقف هو ينزل وسعادتنا تزيد ههههه . ​
 
أختي نهاوند الحمدلله عالسلامة:clap: وانشاء تعدي المرحلة الأولى على خير .. اهم شي اول اسبوعين تحافظين عالجرح وتشيكين عليه صبح ومسى .. واي تغييير مثل ما قالتج اختي بحرينية حالمة على طول عالدكتور لا تتهاونين أبدا .. وكثر ما انتضمت راح تستفيدين .. الله يحفج حبيتي .. وييسر امورج ..:msn-wink:
 
نور الشمس81 قال:
السلام عليكم يا اخواتي....هاي مشاركتي الاولى واتمنى ما تكون الاخيره واتمنى الاقي منكم التجاوب ...انا(طبعا حال الكثيرات في الموقع)مشكلتي مع السمنه عملرها من عمري...يعني طول عمري وانا اتصارع مع هالجسم ..مره ينزل وعشره يزيد....انا بالمناسبه طولي 177 ووزني...........114(بلا فخر):sadwalk:...المهم وبلا طول سيره اني اخيرا وجدت الحل واللي اعتبره قارب نجاه ...وهو عملية ربط المعده ...ان شا الله عمليتي يوم الاثنين القادم..2009-6-1...راح اعملها عند دكتور عبد السلام الطائي في مستشفى النور...صاحبتي عملتها ئبل سنه تقريبا ...وما شا الله عليها بتجنن..والله صار شكلها فناااان...اوكي كان في تعب بالاول ...بس والله النتيجه تستاهل....ادعولي يا بنات الله يكملها معي على خير....وبدي اسال اذا وحده من اللي عملو العمليه عندها اطفال ...لاني عندي بيبي عمره8شهور وما بعرف هل العمليه راح تاثر في رعايتي لالو.....افيدوني افادكم الله
أنقر للتوسيع...
هلا والله فيج أختي نور الشمس .. يعني عمليتج يوم الأثنين .. يعني قريبة جدا والدكتور عبدالسلام وايد يمدحومنة ..انشاالله تقومين بالسلامة وهالله هالله بالأخبار الطيبة ..
 
تسلمين يااوكسجينه عالنصيحه ياقلبي :) والبيت السعيد بعد تسلمين واتمنى لج كل التوفييييييق والتيسير ولكلكم يابنات ياطيبين ويلله وافونا بالمستجدات خلانشجع بعض انشلله ماتيي نهاية السنه الا الكل واصل لهدفه يارب .... امرأة ولكن وحشتينا وينج بطيتي علينا ياقلبي انشلله نسمع خير الأخباااار ...وجد انا مستانسه على لمتنا الحلوة هاذي ويابناااات حاسبو ولاوحدة اتهون او تضعف ارادتها بالعكس حنا هني كلنا يدددد وحدة ونتعاون :)
 
تسلمين يابحرينيه حالمة فديت قلبج.... ونور الشمس الله يقومج بالسلامة ولاتحافين ترا هينه العملية وانشلله تبشرينا عقبها ...وللكل اتمنى لكم التوفيق يااحلى صباياااا:)
 
مرحبا يامزغزدات المعدة اشحالكن نهاوند الف الحمدالله على السلامه انتي خبله اتجازفين ابعمرج يعني اتريتي كل هالسنين ماترومين تترين كم من يوم لا تستعيلين على الضعف خليه اهو ايلج لا تروحين له اتغلي عليه نحن عندنا عزة نفس عيزنا من انسير له نو رالشمس يالله نورينا بأخبارج شو صار عليج اكسجينه بسم عليج وينج رحت وطولتي علينا شنو الغنيمه شخبارج طمنينا عاده الحين اقولكم اخباري اليوم رحت ابطل الخيط ومارضى الدكتور يضوج لي وقالي نزولي وايد اوكي مجموع نزولي طبعا مثل ماخبر تكم 4كيلو بالمقابل زوجي سوى بعد تصغير وصارله اليوم اسبوع بس صلاة على النبي محمد صار نازل 8كيلو مالت عليه انا وعلى فكره الي تسأل عن دكتور رعبدالسلام انا وريلي امسوين عندة وايد شاطر اسم الله عليه وشرح وحبوب ويسولف لج اتحسين خلاص اتمرس بهالعمليات صارت عادي اتخيلي بساعتين امخلص 3عمليات ربط ماشاالله عليه ويوم الدشين العمليه يخوز الخوف عنج ويلس يتغشمر ويتعلج ويطلب شاي كرك ويوم اتخلص العملية حكالي باتفصيل شو صار وهو يضحك مو شنه شاق بطني شنه داخل سينما فيلم هنيدي يقول حطيت شباصه على معدتج عسب اتصير بنوته وتخيلي راح ريلي ويلست ابروحي وشوي يات النيرس وقالت الدكتو رياي اتستري يوم دش الدكتور كشف وتطمن قال خلاص رقدي الحين سأل عن ريلي قلت له راح قال ولا يهمج انا بقعد معاج بس اشوف المرضى وارجع لج وفعلا رد لي وقعد يسولف المواقف المضحكه بالعمليات وايد حبوب وايدة خفيفة وايد ارمس صح ماعليه اتحملوني
 
ههههههههههه زفيتيني انثى الرماد ماعليه.... شسوي بعد ان ماطاعك الزمن ولله طيعه لازم ساعات الانسان يتنازل عشان المركب يمشي :) والف مبروووك انتي وزووجج عالنزوووول وانشالله تبشرينا دووووم ونسمع هالاخبار الطيبه الي توسع السدر :) يلله وين الباجيين نبي نسمع اخباركم يااحلى صبايا :::::)
 
اختي امراه استمتعت بقراءة مذاكراتك واسال الله لك الذريه الصالحه وحسن العمل

واستمتعت كثيرا بمشاركاتك الاخوات

عشان كذا سجلت وحبيت تشاركوني بارائكم

عمري 37 سنه متزوجه من 18 سنه عندي 4 ابنائ الله يصلحهم اكبرهم 15 سنه واصغره سنتان

في الاصل انا نحيفه يعني لم تزوجت يمكن وزني 50 بس كل ماانجب بيبي امتن زياده

جربت الرجيم ونفسيتي تعبت

بعد ماقرات تجاربكم قلت الحل الوحيد الربط لانه من جد جسمي اخترب وزني صار 78 وطولي يمكن 158

عشان سويت بحث عن افضل طبيب حصلت بالغربيه وليد بخاري والشرقيه التمياط
وانا من سكان الرياض حصلت طبيب عبدالرحمن الصائغ
طبعا تمت زياراته وقال جربتي رجيم قلت ماعندي اراده اضعف قال لازم اجل ربط الحلقه

المشكله اني متخوفه بعض مشاركاتكم تقولون فيها تعب ولا نتنفس واحيانا استفراغ واحيانا مانزل الوزن

ابي رايكم يابنات بصراحه واذا احد يعرف طبيب افضل بالرياض ينصحني فيه

جزاكم الله خير الجزاء والله اني متردده

زوجي يقول انحفي اهم شي ماعنده مانع اسويها يقول انحفي بداتي تتعبين بكره اذا كبرتي معاد انتي متحركه

انتظر ردكم بفراغ الصبر​
 
الحمد لله على سلامج اختي نهاوند والله يعطيج الي في بالج وفي بالنا قولي آآآمين واختي البيت السعيد الله ينولج الي بالج قولي امين
 
اختي امرأه ولكن
كتبتلك رد طويل عريض المفروض انه كان في صفحه 81
بس ما ادري وين راح يعني
كان يوم الخميس اليوم الاحد مو موجود
ممكن المشرفات يفيدوني
صراحه احباط
 
الله يسلمج اختي بحرينيه حالمة فديت قلبج والله يعطيج ويعطي الكل على قد نياته وينحفنا كلناااا... بالنسبه لأختي ودي انحف انا انصحج واقولج رووووحي سويهااا ودربج خضر انشالله ولاتخافين من شي ترا التعب بعد العمليه شي وااايد عادي وطبيعي تعب يوم ولاتعب دوم يعني انا صج صار لي بس 5 ايام من سويتها وترا للحين تعبانه بس الحمدلله وايد خف التعب عني لأن كل شي ياخذ وقته وصدقيني راح تستانسين لأن اهم شي النتيجه غصبا عنج مابتقدرين تاكلين عالاقل اول الفترة وهاي اكبر فرصة لج لنزول الوزن لأن حنا ماينفع معانه ريجيم ههههه كالعاده نرجع الوزن وفوقه هدية جم كيلو زيادة مجانا هههههه... دام زوجج الحمدلله مشجعج وراضي بس استخيري ولاتخافين من شي ترا مافي وحده اجبن مني (بدون فخر) الابره تفزني من مكاني من الخوف وبعد سويتها عشان البس واستانس وانعم بالصحه ... وبالنسبه للترجيع او التقيء ترا ماراح يكون في هالشي ليش؟ لأنج راح تتجنبين حدوثه بقد ماتقدرين شلون؟ راح تشربين وتاكلين بكميات محدوده ودقيقه وان حاسبتي ان شاء الله ماراح يصيدج ومابييج الا الصحه والعافيه ... تدرين باقولج شي وللبنات...بيني وبينكم متحسسسسسسسسسفه كثر شعر راسي على اني ماتخذت هالخطوة من زماااان بس يلله ملحووووووقه ان شالله ... والحمدلله علا كل شي...يلله اختي سويها وترا اسماء الدكاترة الي طرحتيهم كلهم شطار ماشالله الي بالسعوديه وخصوصا الصايغ شاطر لاتخافين من شي اشجعج واشجع اي وحدة تفكر تسويها لصالحها لأنها تفيد بالصحه وللجمال والشكل والله يعطيكم ويعطينا علا قد نيااااتنا ....تحياتي ويحفظكم الرحمن
 
تجمع موفق

اتمنى لكم المزيد من الرشاقه وانتم بألف صحه وعافيه................
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل