مذكرات امرأة سمينة: "لذلك قررت عملية ربط المعدة"

هلا ومرحبا بكم شخباركم يامزغودات المعده انا بصراحه مليت ابي وزني ينزل مب ما ادري اشفيه واقف على 85 يمكن هالمرحله الوزن ينزل ابطئ ولا ما دري شو علما اني امسويه العمليه تاريخ 20/5 بعدني ماكملت شهر وانا كان وزني 89 منو فيكم مرت بلي مريت فيه ابي ريجيم اتبعه عسب اضعف انا كل يوم اسوي رياضه ياني احباط ضوجت 2سي سي بس بعدني اكل صح اني اشبع بس اكل انا ما ابي آكل اخاف ان العمليه مو نجحت وياي الكل يترقب نزول وزني بس موشايفين شي شو ممكن اتفيدوني
 
سامحوني بعيد كلامي لان نص الكلام مادري وين راح المهم انا وزني واقف على 85 مب راضي ينزل وابي اتعب ريجيم عسب انزله مع اني اعرف بنات ما يتبعون ريجيم بس قاعدين ينزلون يمكن لان اوزانههم كبيره انا قبل العمليه وزني 89 يعني مانزل غير 4كيلو اخاف ان العمليه مانفعت وياي انا للحين ضوجت 2سي سي بس ما احس ابشي عادي اكل كل شي صح اني اشبع بس هذا موكافي لازم ما اكل كل شي ا سوي رياضه كل يوم اول ما قوم من الرقاد واشرب ماي دافي وعصر فيه ليمونه بس بعدين اتغدى عادي ما ادري اشلون اضعف انتو اشرايكم ابحالتي طبيعية ولا
 
انثى الرماد قال:
سامحوني بعيد كلامي لان نص الكلام مادري وين راح المهم انا وزني واقف على 85 مب راضي ينزل وابي اتعب ريجيم عسب انزله مع اني اعرف بنات ما يتبعون ريجيم بس قاعدين ينزلون يمكن لان اوزانههم كبيره انا قبل العمليه وزني 89 يعني مانزل غير 4كيلو اخاف ان العمليه مانفعت وياي انا للحين ضوجت 2سي سي بس ما احس ابشي عادي اكل كل شي صح اني اشبع بس هذا موكافي لازم ما اكل كل شي ا سوي رياضه كل يوم اول ما قوم من الرقاد واشرب ماي دافي وعصر فيه ليمونه بس بعدين اتغدى عادي ما ادري اشلون اضعف انتو اشرايكم ابحالتي طبيعية ولا
أنقر للتوسيع...
الغالية نفس الى صار معى لانى ما اتبعت كلام الدكتور بحذافيره ...نصيحتى خففى الاكل شوية والعشاء شئ بسيط جدا مثل زبادى ...انا نزلت 10 فى شهر ونص والحين صار له اسبوعين ثابت وعندى موعد بعد يومين بضيق الحلقة مشكلتى فى الدورة الشهرية ما اقدر اسيطر على نفسى احب اكل على راحتى وخصوصا السويت بس عقب ماتخلص ارجع للتخفيف وانا شريت جهاز هزاز يهز الحسم واستفدت منه لانه يساعد على النزول وسهل استخدامه...لاتيأسي وشدى الهمة والله ييسر امورج
 
هلا وغلا بالمتحزمات .. اليوم عندي أول تضويق .. بنات عطوني فكرة عن التضييق وكيف كلتو عادي بعده والا رجعتوا عالسوائل .. ؟؟؟؟​

انثى الرماد .. لا تستعجلين حبيبتي .. النزول ياي ان شاء الله .. طبيعي كل ما كان وزنج قليل تقل نسبة النزول .. وبعدين نزولج وايد زين ماشاء الله وانتي بعدج ما كملتي شهر يعني انا شو أقول لاتحبطيني ..

عليج بشرب الماي وخاصة وقت الرياضة .. وحطيلج كمية مناسبة في صحن خاص لج وخلصيه ولا تزيدين عليه ..​

الصفردة شحالج حبيتي .. تولهت عليج وعلى أخبارج ..
​
 
أكسجينة قال:
..​

الصفردة شحالج حبيتي .. تولهت عليج وعلى أخبارج ..​
أنقر للتوسيع...
الله يسلمج يا اكسجينه اخبارى طيبة نزلت 10 كيلو ولكن وقت الدورة الشهرية ما اقدر اسيطر على نفسى احب السويت وباكر عندى تضويق دعواتج لى
 
مرحبا خواتي....انا نور الشمس 81 بس لبعض المشاكل اللي صارتلي في التسجيل اضطريت اني اغير اسمي لنور الشمس1981....المهم اني الحمدلله عملت العمليه يوم 1-6-2009....وزني ئبل العمليه 115 ...الى اليوم يعني بعد اسبوع من العمليه وزني يتارجح بين 109و108...طبعا الحمدلله هادا شي كتيير حلو وكنت لو شو ما راح احققه ولو في شهر.....شاركوني بنصائحكم وتشجيعكم وبارك الله لي فيكم يا اخواتي العزيزات
 
ها اكسجينه شخبار التضويج عادي وسهل مثل اي ابره صح اول تضويق ما تحسين فيه وايد عادي بس اتشبعين اسرع من قبل طمنينا عليج
صفرده مبروك نزولج ومنها للاحسن بس اتعرفين انا ايوع وايد مو كأني امسويه شي وبالعكس يمكن صرت اكل ازياده من باجر ببدى ريجيم الكورن فليكس عيبني وقلت خلني اسويه قالو لي ينزل 6كيلو بالاسبو ع وبنشوف علىالله انزل مو 6ابغي 3 والحمدالله ابوس ايدي من ورا وجدام
 
صفرده مبروك نزولج ومنها للاحسن بس اتعرفين انا ايوع وايد مو كأني امسويه شي وبالعكس يمكن صرت اكل ازياده من باجر ببدى ريجيم الكورن فليكس عيبني وقلت خلني اسويه قالو لي ينزل 6كيلو بالاسبو ع وبنشوف علىالله انزل مو 6ابغي 3 والحمدالله ابوس ايدي من ورا وجدام[/quote]عقبال ماتنزلين من غير شر انثى الرماد انا من اسبوع الميزان واقف شكله زعلان منى من السويتات الى التهمتها اثناء الدورة الحين بشد حيلى دعواتكم لى
 
مشكوره اختي نهاوند بس فديتج الحين اوكي وانا الحين امضيقة الحزام 4 سم ما احس تغير ادعولي في الجلسة الثالثه اتوكن احسن واكل شوي واشبع يارب ادعولي
 
هلا بحرينيه حالمه معقول انتي امضوجه 4سي سي وبعدج ماتحسين عيل انا اقول بضوج 4عسب احس ابشئ عيل متى بنحس والله بهوت مشكل
 
شو يا بنات اللي بنسمعه...معئول مع التضييق ما تحسون بشي....والله انكم خوفتوني....انا لهلا ما عملت اي تضييق بس المشكله اني اكل كل شي وعادي اوكي مرات احس شوي بغصه....بس بعدين تروح ...بعدين انا ما احس بشبع لما اكل ...يعني انا لحالي بوئف عن الاكل....بس المشكله لما شوي احس حالي اكلت زياده يصير معي وجع في جنبي الايسر ...وكمان بحس وانا بضحك بالذات ان الجرح ناحيه الخزان كانه يتحرك....شو اللي انا حاسه في هادا عادي بنات الله يخليكم فيدوني
 
امراه ولكن....وييييييييييييييييييين هالغيبه والله مطوله هالمره عسى ما شر .....يالله شاركينا وشجعيني....تراك اكتر وحده اتشجعت من كلامها ومن تجربتها.....شو صار معاكي ولوين وصل وزنك وكيف التضييق معاكي....؟؟؟؟
 
هاااااااااي بنات مبروك النزوول ومبروك عليج نور الشمس وانشالله لأحسن بعد ... بنات اللي وقف اوزانهم عادي ترا واصلو بس عالتخفيف ترا هاي شي طبيعي يوقف مناعه من الجسم... انا والله الاااام الدورة مكرهتني حياتي والمشكلة للحين ماشرفت ...:(وتحسس الواحد بالشعور بالنهم للجوكليت بس احاول ايود نفسي لأن النصيحه الذهبيه للي تبي تضعف الابتعاد اوة التخفيف من هالسويت... انتظر ليما تكمل وعقب بفكر اوزن الحين ماتجرأ... واخر مرة يوم وزنت بعد ثابت هالمشكلة تواجه الكل بس شنسوي بعد.... بالنسبة للتضويق للحين ماجربته لان دكتوري قاللي بعد شهرين نضيق بس النصيحه اللي يقولونها دايم ان بعد التضويق اسبوع سوائل واسبوع مهروس وبعدين اكل خفيف عادي ...يلله نشد حيلنا بنات وعادي الوزن يتخبل ساعات ويوقف وبعدين الله يهديه وينزل.... الله كريم
 
على فكره كل البنات ايقولون يحسون بالفرق يوم يوصل التضويق 6 سي سي حتى امرأة ولكن قالت هالكلام يعني اتريو كمن شهر عسب اتحسون بالفرق الحقيقي نتريا شو ورانا اتريينا وايد بس المهم ماننهد على الصينية الاكل انا الحين قاعدة اسوي ريجيم الكورن فليكس لمدة اسبوع مريح وايد وحبيته وبنشوف وتقريبا كل اسبوع بسوي رجيم شكل عسب ما احس بالملل ولكم مني خالص التحيتات
 
حلوووة فكرتج ياانثى الرماد كل اسبوع ريجيم حتى ماتملين ومايتعود جسمج على نوع معين .....وانشالله نسمع اخبار طيبه لازم تبشرينا .... مايندرا شخبار الباقي مع الدايت والتربط بشرونا يابنات نبي نستانس وينكم ...وامرأة ولكن ولله قمت احاتيها من زماااااان مادشت عسا المانع يكون خير يارب...يلله مع تحياتي القلبيه لكم ودعواتي بالنزول بالوزن والثبات عالنفسيه والمعنويات الحلوة للجميع ....تحياااااااااتي
 
السلام عليكم اخواتي
قضيت يومين اقراء عن مواضيعكم من البدايه واللي شدني بصراحه الاخت امراءه ولكن الله يجيزيها كل خير واحب اشكر كل المشاركات اللي بجد يخلونا نستفيد من تجاربهم الله يعطيكم العافيه يا بنات وربنا ان شاء الله يوصلكم لمرادكم دعواتي لكم
والان عندي كم استفسار ياريت تساعدوني في حيرتي
عمري 25 متزوجه من سنتين وعندي ولد عمره ثمانيه اشهر
طولي 163 ووزني 96
ومش نافع معايا اي ل والان انا مقتنعه جدا بربط المعده ونفسي ابدء المشوار اللي بديتوه يا اخواتي الكريمات
\والحمدلله زوجي اقتنع رغم انه دايما يقول انا عرفتك كذا وما اتخيلك رشيقه بس انا اقنعته من الناحيه الصحيه عشان عندنا في العيله في امراض قلب وسكر وضغط المهم مشكلتي ان انا عايشه في اليمن ومافيش عندنا هذه العمليه وانا كنت مخططه هالصيف نروح مصر وتركيا بس عشان العمليه ضحينا بتركيا وخليناها مصر بس عشان نروح نصيف ونغير جو وبنفس الوقت اعمل العمليه هناك وبعد ما قراءت عن يوميات بعض الاخوات فهمت ان في متابعه شهريه وكمان تضييق المعده كل فتره .... سؤالي هو هل ضروري تضييق المعده كل شهر واذا سويت العمليه في القاهره ورجعت بلدي راح يكون في خطوره لعدم المتابعه؟ ساعدوني الله يوفقكم
انتظر الردود ولكم جزيل الشكر
 
السلام عليكم ورحمة الله وبركاته ,,

حبيباتي عندي سؤال للي عنها فكره ,,:nosweat:

عقب الوحده ماتسوي عملية الربط وتضعف يترهل جسمها ,,,:sly:

والرياضه اتشد الجسم والا لا ,,,

الدكتور قالي اذا ترهل الجسم ممكن نسوي لج عملية شد ,,

بس انا مابي عمليااات بصراحه انا خووووافه من قلب ,,:msn-wink:

واذا باسووي العمليه الله يعيني ,,,:in_love:

واتمنى التووفيق للجميع ان شاء الله ,,

تحياااااااتي ,,
 
هلا فيج ام حمدي ونورة حياكم بالرابطة.... ام حمدي خطوتج ممتازة انج بتسوين العملية ...لأن العملية يسوونها للي اوزانهم زايده 40كيلو للرجال و35 كيلو للنساء او ان كان معدل كتلة الجسم كبير وانتي زايده تقريبا 30 كيلو وبالعملية انشالله خلال سنه الين سنه ونص راح يطيرون.... بالنسبه للمراجعه فهي نعم ضروريه اختي لأن يتطمنون على وضع الحلقة ان ثبتت والا لا وبالنسبه للتضويق فيعتمد على نوع الحزام والدكتور والمريض بس عادتا يكون مرة كل شهرين او 3 اشهر ومن ناحية منطقية اخرى التضويق يتم اذا ثبت الوزن او الوحدة تمت تاكل وماتقدر تمسك حالها عن الاكل ... فأنتي ان كنتي مقررة عالعملية فلازم تحطين ببالج انج تزورين الطبيب مرة كل 3 اشهر عالاقل حتى يتطمن عليج وعالحلقة ...وثاني شي الله لايقوله بعيد الشر عنج في حالات نادرة يصيدها مضاعفات او يريدون يستفسرون او يحتاجون شي فلازم يكونون على اتصال مع الطبيب ... ودي ولله انج تسوينها لأنها بتكون قرار ممتاز وعلى فكرة تساعد عالتخلص من امراض السكر او الي تسببها السمنة لأن تحدد لج مقدار الاكل وبالتالي تساعدج على تنظيم الوزن...لكن فكري اختي جيدابالموضوع وادرسيه من كل الجوانب وبالتالي ماخاب من استشار ولاندم من استخار...استخيري رب العالمين وروحي استشيري الطبيب بمصر وشوفي شيقولج بعد يمكن عنده وجهة نظر او حل معين ... وقلبي معاج حبيبتي....
اختي العزيزة نورة888 حيااج الله معانة وبالنسبه للترهل ترا يعتمد على حجم الجسم سابقا والعمر ...يعني اذا كانت الوحدة زايد وزنها وايد 35 وطالع فمن الممكن الرياضه تشد بس من المستحيل تسويلج مثل مابيسوي لج الشد لأن الجلد يكون وايد زايد فلازم يقصة الطبيب وخصوصا الترهل بمنطقة البطن لأصحاب البطون الكبيرة ((مثلي:()) يمكن بحالة الرياضه الي تكون تحت ترينر بروفيشينال ويكون خاص فيج بس يهلكج بال3 او ال4 ساعات رياضه تحت اشرافة يعني مدرب متمرس خصوصي لج وانتي عندج التحمل والاستعداد بهالحالة مابتحتاجين لعملية الشد مثل هاللي يهلكونهم رياضة للعضلات وتمارين مدروسه اللي في البيقيست لوزر ...ومثل المغنية شمس اذكر شفت لها مقابلة ويابت المدرب الخصوصي مالها كان يهلكها رياضه اقل شي3ساعات متواصلة باليوم ... بس اذا ترهل بسيط نعم يروح برياضة السباحه او المشي مع الرياضات الاخرى...يعني انا مثلا قالي دكتوري انتي لازم بعد النزول نسوي لج عملية الشد الحين نبيج تسوين رياضة بس عشان يساعدج بالنزول ويتشكل جسمج صح بس الترهلات كبيرة والجلد بيزيد وايد بسبب الزيادة مفرطة بالوزن فبتحتاجين شد وانا بضطر اسويها لأن اشوف شلون البلاوي اللي عندي ههههه فالله كريم.... اتمنى اني فدتكم والبنات مابيقصرون تحياااتي للجميييع :)
 
بنااات وينكم نبي تشجيع ونبي اخباااركم ولله ولهنا عليكم
 
تسلمي يا اختي نهاوند على الرد
بس انتي عارفه ايش المشكله ان من المستحيل اسافر مصر كل ثلاثه اشهر ماديا واجتماعيا صعب عليا جدا والله مش عارفه كيف اسوي بعد ما انحلت من كل الجوانب باقي قدامي هذا الشي وبس لكن عندي بصيص امل بحيث اسأل في مستشفى السعودي الالماني في صنعاء لو يقدرون يتابعو لي العمليه ويقومو بعمليه التضويق بس العمليه اسويها في مصر ايش رايكم؟؟؟؟
اصلا هذه العمليه مو منتشره عندنا فاحتى اللي يقدر يسويها ما راح يكون عنده خبر زي الدكاتره الموجودين في مصر ودول الخليج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل