قصة شعيبية

[أحلى برنسيسه]

الله يسعدك يالغاليه ويعطيكي العافيه قصه غاية في الروووووووعه
ننتظرك ياعسل بس كملي عيدك اولا ؟

 

[**نور النهار**]

جونان مررره


بانتظارك

 

[رموز مبهمه]

يسلموا والله جنان قصه رائعه

 

[بنوته غـــير]

جدتي:قولي للي قاعدة تدندن فوق رووسنا تحط لسانها بحلقها وأنا وحريم العيال بنطلع ونطق طيران ونقول قصايد!!
أمي:لا لا جزاكم الله خير ومجملين ومشكورين خليكم بمكانكم...هذي المطربة مدفوع عليها فلوس وجايبينها أهل العريس مايحق لنا نتشرط عليهم..
ههههههههههههههههههههه
احلى شي عجبتني
الله يعطيكي الصحه والعافيه

كملي حبيبتي نحنو في انتظارك

دمتي بودي

 

[نعومهـ ودلع]

خياااااااااااااال ماشاءالله

 

[it's me**]

هههههههههههههههههه روووووووووعة يا جيونة ماشاء الله عليكي
ربي يزيدك من نعيمه يا الله ويفرحك متل ما فرحتيناااااا دايما
احبك في الله

 

[بنوته غـــير]

وينك ياجيونه

ابا اكمل القصه

 

[smile moon]

هههههههههههههههههه

تسلم يدك ومنتظرين البقيه !!!!!!!!!

 

[اخت حمودي وهنود]

هههههههههه
روووووووووووووعه وينك جيونه نحن في انتظارك

 

[عآشقة زوجهآ]

أسلووووووووووووووب في قمة الروعة

خيآل وآآآآآآآآآآآآآآآسع مآشاء الله

استمرررررررررري للأمآم ووآصلي في ابدآعك

 

[umm yusuf]

يااارب اني اسألك بإسمك الاعلى اللذي اذا دعيت به اجبت واذا سئلت به اعطيت ان تعطي اختي جيانه كل ماتتمناه وان تكفيها مااهمها في الدنيا والاخرة

لو تدرين بالقهر اللي كنت حاسه فيه بسبب ظلم وقع عليا ياجيانه بتعرفي ان دعوتي لك بإذن الله مستجابه لانك بكلماتك انسيتني همي وجعلتني اضحك غصب عني


الله يحميك ويحفظ لك كل عزيز وغالي

 

[ثلج دافىء]

والله قرأت بدايت الموضوع توقعت القصه حقيقه

ماشاء الله

لي عوده بأذن الله اتمخمخ على تأليفك

​

 

[**نور النهار**]

نبي التكمله بلييييييييييييييييييييييييييييييز .؟؟؟​

تراني مااعرف اتحمس اذا تحمست احلم بالليل بنهايه للقصه !!​

عشان كذا بليز ارحميني وأكملي ياعسل ربي يهون عليكي يارب​

 

[umm yusuf]

حبيباتي لاتضغطوا على جيانه لاتنسوا انها توها والده ومعاها بيبي محتاج وقتها

خلونا نصبر وان شاء الله لما تفضي بتكمل لنا القصه المشوقه <<<<< عامله نفسها صبوره هههههههههههه متشوقه اكثر منكم لوووووول

 

[عزتي بصلاتي]

الله يسعدك
كملي الحكايه وااو عجيبة واحلى مافي الحكايه شعيبة وجدتها والله يعطيك العافيه ويسلمو

 

[وردة تركواز]

جيانه

بصراحة لهم وحشة شعيبة و التبع حقونها


متابعين معاكي في الفرح

 

[جيانة]

مرحباً من جديد​

نستكمل ماصار في عرس رند...
قامت جدتنا المصون وتوجهت للمنصة مباشرة وقعدت على إحدى الكراسي فوق خوش قعدة ولاقاضي بمحكمة!!
ومعها عصاتها(رفيقها الدائم في الحل والترحال!)..
ماخلت بنت في حالها كل مارقصت وحدة أخذت نصيبها من عصات جدتي شعيبية!
وأقبلت أم العريس..
أم العريس:وشفيك ياخالة ماخليتي أحد يرقص؟!
جدتي(وهي ماسكة عصاها بإيديها الثنتين وتدق بها على الأرض):ماهم مستترات هالبنات!رضينا بهم وهم قاعدات على الكراسي أما تطلع الوحدة وتستعرض بلحمها وتنفض شحمها قدامنا؟فهذي قلة الحيا بعينها!
أم العريس:ماعليه..هذا عرس والكل يبي يستانس ماعزمنا خلق الله عشان نزعلهم..
جدتي:بكيفنا..هذا عرس بنتنا!!
أم العريس:وعرس ولدنا بعد!
جدتي:ولولا بنتنا ماتزوج ولدكم!
أم العريس:ليش؟بنات الحلال كثير..بس ماأقول غير الله يهديك..
جدتي:إييييييييش؟الله يهديني؟شايفتني مجنونة و لا كافرة؟!
واحتد النقاش وراحت ريفان تنادي أمي تفض الاشتباك..
أم العريس:عموماً ماراح أكثِّر معاك كلام لأني أعتبرك حسبة أمي.
جدتي:ايش ايش؟أنا حسبة أمك؟!إلا قولي حسبة إختك!ماهقوتي بيننا فرق بس الله يخلي هالأصباغ اللي معبيتن بها وجهك!!
أمي:ياجماعة الخير هذا عرس..والمعذرة ياأم طارق على اللي جرى..وإنتي ياعمتي شعيبية تفضلي معاي واشربي القهوة وتونسي..
جدتي:وع من قهوتهم!شغالات القصر مصلحينها لو فيك خير كان جبتي ثلاجة القشر معاك من البيت!!!!
أمي:مايخالف..
وأخذت أمي جدتي ونزلت بها من المنصة وقعدتها على أقرب طاولة مع زوجات أعمامي..
وراحت أمي تقعد مع أهلها على طاولتهم..
وحدة من خالاتي:بدرية؟وشفيها عجوزكم عاقدة النونة ومعصبة؟!
أمي:هذي العادة ياسعادة!ماغير الله يعدي الليلة ذي على خير..
أنا:إلا لو العرس بالديرة كان يمدي الضحكة شاقة الخِشة!!
زوجات أخوالي:وش هالكلام ياشوشو؟
أمي:هذا حالها الست شعيبية لاتكلمت عن جدتها تتكلم بقلة إحترام..
أنا:يمه وشفيك؟هبلت فينا من يوم ماجت..طالعي كتفي وذراعي شلون صايرين طاحت فيني تقرص وماخلت أحد ماتهاوشت معه..خانقت الطقاقات وخبطت بنات الناس وتهاوشت مع أم العريس وكل مامريت من جنبها رمت علي سبة من سباتها اللي خُبرك!!
أمي:ولو..تظل جدتك وفوق راسك لاأسمع إنك طولتي لسانك عليها خلونا في ساعة رحمن ماإحنا ناقصين فضايح
وشوي إلا جدتي مقبلة على الطاولة اللي أمي قاعدة عليها و بـ عالي الصوت قالت:وشفيك يابدرية تاركتنا لحالنا وقاعدة مع أهلك؟!مانشرفك؟ولا حِنَّا مو من مستواك؟!
أمي:لا العفو ياعمة..بس قلت أجامل جميع الأطراف شوي هنا وشوي معاكم وشوي مع الجيران والصديقات..
وقامت خالتي ومدت كرسي لجدتي تقعد عليه..
قعدت جدتي وقالت:وين عشاهم؟من يوم دخلنا وهم يباشرون علينا بعصير!
أمي:ليه ياعمة؟على كل طاولة فيه ترامس للشاي والقهوة وسبتات ضيافة ماأكلتي منها؟!
جدتي:يارب لك الحمد والشكر هذي النعايم اللي حاطينها لاتسمن ولاتغني من جوع..ومعدتي قامت تحرقني مامعكم حليب السعودية؟!!
كتم الجميع ضحكتهم..
وسولفت جدتي شوي مع أهل أمي ثم قامت وهي ماشية بإتجاه طاولة زوجات أعمامي كان فيه ولد صغير يمشي وبيده علبة حليب السعودية وقاعد يشفط بالمصاص وكأن جدتي غلبتها رغبتها وأخذت الحليب من الولد وقعدت تشربه!!!!!
وراح الولد يصيح عند أمه..
وطالعت أمه بجدتي شعيبية وقالت بعصبية:عيب عليك ياخالة كيف تاخذين الحليب من ولد صغير؟!
جدتي:معدتي تحرقني يابنتي...
أم الولد:شايفة شلون الولد يصيح؟من وين أجيب له غيره؟
جدتي(بعصبية):وأنا اش أسوي لك؟أعطيك قروش؟سرقنا جمل منك؟كلها علبة حليب راس مالها نص ريال..وراكم بخلاء كذا ياأهل المدن؟!
وعاد بنات عمي مسويين حزب يقومون مع بعض ويقعدون مع بعض ولاكأنهم يعرفوني وينامون معي بغرفتي!!
وأنا قاعدة مع بنات أخوالي وخالاتي..
إلا سارة بنت خالي تقول:واي بنات أعمامك فلة ليش ماتنادينهم يقعدون معانا نتونس عليهم شوي؟!
أنا:قصدك تضحكين عليهم وتتمسخرين صح؟!! استريحي استريحي..
دانة:بصراحة أشكالهم تحفة كلهم مطقمين بنفس القماش والموديل وقاعدين وكأن على رؤسهم الطير..
أنا:مو الله يسلمك الفكرة السائدة عندهم إن بنات المدن متحررات فخايفين على أنفسهم وقاعدات بروحهم بعيداً عن الاختلاط بغيرهم خوفاً من انتقال العدوى إليهم!!!!
-----
كانت أجواء الزواج ممتعة ولكن لاتخلو من المفاجآت الغير متوقعة من جدتي شعيبية اللي أصرَّت تطلع لغرفة رند فوق...وبعد جهد جهيد دخلت على رند اللي كانت قاعدة تتصور مع زوجها والمصورة تقول:أيوة أيوة يمين كدا خُدها في حضنك شوية..أيوة برافو ابتسمي وغمضي عينيكي ياعروسة!
وجدتي بس شافت هاللقطة المشفرة دبت فيها العافية وقوة سوبر مان وشحطت المصورة بعصاتها وقالت:أخذ الله عقلك ياقليلة الخاتمة تعلمين عيالنا قلة الحيا؟!
وإنتم يالماصخين؟ماصدقتوا حد يضيعكم و ضعتوا معه؟!
رند:علامك ياجدة؟هذا زوجي!
جدتي(باستهزاء):لا والله؟حسبته أخوك! زوجك ببيتك يارنيدة ياضايعة!قعدت 25 سنة مع عفيسان وعقبها بديت أتجرأ عليه وإنتي ماصدقتي تشوفين رجال خقيتي عنده؟!!صدق اللي استحوا ماتوا!
العريس:هههه حياك ياجدة..أكيد إنتي جدة شعيبية صح؟!
جدتي:ماشاء الله..وعرفتها لحالك ذي ولا غششتك رند؟!
العريس:لا ..حكت لي رند عنك كثير
جدتي:وعساها قالت عني خير؟!
العريس:أكيد..أكيد..
المصورة:ايه ياجماعة حنكمل تصوير؟ولا ايه؟؟
جدتي:أقول انثبري..بلا تصوير بلا كلام يدفعون لك قروش وتعلمينهم قلة الحيا!
المصورة:العتب على النظر ياحجة ده راجل ومراته ايه دَخْل قلة الحيا في الموضوع؟ديه شوية رومانسيات بـتدي للفوتو طعم تاني!!
جدتي(تكلم رند):وانتي يابنت كيف تتركين الضيوف اللي حاضرين عرسك وتقعدين هنا هاه؟مشفوحة على الرجَّال؟تراه مابيطير بيشيلك بعد العرس معه!!
العريس:ههههه
في هذه اللحظات اتصلت رند واستنجدت بأمي تاخذ جدتي وأقبلت أمي حمَّالة الأسية..وأقنعت جدتي بالنزول للقاعة..
التفت العريس لرند وقال:آثاريك مشفوحة علي يارنودة وأنا مدري؟!!هههههه..
رند:لا لاتفرح واجد..بس جدتي لاجاعت اختلطت عليها الأمور!!
------------​

 

[ورده مملوحه]

ههههههههههههههههههه
الله يقطع بليس والله ياحبيله الجده وتسلم ايدك
وحمد لله على السلامه ويتربى بعزك

 

[**نور النهار**]

واااااااااو جوناااااااااان

يسلم أنا ملك ياقمره


مبروك النونو الصغنون يتبى بعزك يارب

 

[عزتي بصلاتي]

جيانه الله يعطيك الف عافيه
تكفين لا تاخرين علينا بالقصه المشوقه وانا بانتظارك
ولكم ودي وعبير ردي