~ في ظل غياب الرقابة .. اعاني لوحدي ~

[ديم..]

ننتظرررر عسووله

 

[غموض مشاعر]

افاااااااا محبو ما توقعتي مروووري ؟؟

يله ايي منج اكثر ... المهم كملي القصة ..

كمليها و اللي يخلي لج اخت رفيجتج اللي تموت فيج ههههههههههههههههه​

 

[نبضة فرح]

عسى المانع خير يامحبة ...

اشتقنا لأناملك وماتخطه ..

 

[محبة الطاعات]

بسم الله الرحمن الرحيم

من بعد الموقف اللي صار لي مع خليفة ما عدت اهتم فيه و حسيت اني ما احبه و لا بحبه في يوم من الأيام بس ابي استمر معاه و ما راح اوقف عن التمثيل اني احبة بالعكس بزيد التمثيل شوي لأني قررت اني انتقم منه و انا مو لعبه بأيدة مثل ما هو مفكر, و حسيت ببرود داخلي في علاقتي معاه لكني ما خليته يحس بهذا الموضوع و طبعاً كنت محتاجة اجرب شي جديد و قوي و لكن كنت انتظر هالشي الجديد اهو الي يجيني و بالفعل هذا اللي صار لي مع ناصر.

في يوم من الأيام كنت قاعدة اتكلم مع ناصر بالتلفون

​

* ناصر: هنودة حياتي طلبتك ما ترديني؟؟
* هند: امر يا عيون هنودة انت؟
* ناصر: ما يأمر عليكي عدو ... امممم ابغي اشوفك.
* هند(منصدمة): بس انا مستحيل اعطي احد صورتي يعني لو تبي انا مستعدة اوصف لك نفسي و لو ان هذا شي انا سويته بس مستعدة اسوية لك مرة و ثنتين و ثلاث جم ناصر عندي انا.
* ناصر: يا قلبي انتي .. اولاً انا غير و لو طلبت صورتك ادري انك ما بتتأخرين عني بس انا ما جبت طاري الصور .. انا ابغي اشوفك وجهاً لوجه.
* هند(الصدمة عقدت لسانها): .......
* ناصر: ها وش قلتي يا قلبي؟؟
* هند(مازالت تحت تأثير الصدمة): لحظة .. لحظة انت تتكلم جد وله مزح؟؟؟
* ناصر: اكيد جد يا حياتي.
* هند: طيب اول سؤال ممكن يخطر في بالـ اي احد شلووووون؟؟؟
* ناصر: سهله يا عمري انا بجي البحرين و نتواعد في اي مجمع انتي تختارينه و اشوفك و اجلس معاكي و نتكلم و ندردش على راحتنا.
* هند: تصدق صج الموضوع سهل ما توقعته جي.
* ناصر: شفتي كيف يا قلبي, المهم وين تبغي اجيك؟؟
* هند(بعصبيه): بس انا ابي اعرف انت من صجك وله تمزح, انت شنو ماخذ فكرة عني اني بنت شوراع اطلع مع اي احد يقولي ابي اطلع معاج؟؟؟؟؟؟
* ناصر: بنت شوراع!!!!؟؟؟ يا قلبي انا عمري ما اقول هالكلام و بعدين انتي حبيبتي كيف اقول عنك كذا حرام عليك تظلميني و بعدين ليش يعني لما ابغي اشوفك تصيري بنت شوراع يعني البنات اللي يجلسون مع حبايبهم و يسولفون معاهم يصيرون بنات شوراع؟؟؟؟؟؟
* هند: اي بنات شوارع و له بفكرك الناس شنو يقولون عنهم؟؟
* ناصر: ليش ما يقولون حبايب او حتى مخطوبين و الناس شدخلهم في حياتنا؟؟؟؟
* هند: شكلك نسيت اني بعدني بنت و كلام الناس يأثر فيني.
* ناصر: طيب يعني الحين انا ابغي اشوفك ؟؟ ايش الحل؟؟
* هند: اممممممم شوف انا عندي راي و ما ادري اذا بتوافق عليه او لا؟
* ناصر: اللي هو؟؟؟
* هند: شرايك نتواعد في مجمع و تشوفني من بعيد لبعيد؟؟
* ناصر: و انا عندي راي احسن.
* هند: شنو؟؟؟
* ناصر: بعد ما اشوفك من بعيد ندخل سينما مع بعض و الدنيا ظلام و محد بيشوفنا و مراح يتكلموا عليك الناس .. ها ايش رايك؟؟
* هند: بس صعبه يعني لو انا بجي المجمع بروحي اوكي .. بس انا بيكونون معاي اهلي و هذول وين اوديهم؟؟
* ناصر: أهلك!! و ليش ما تجي لوحدك او مع صديقاتك؟؟
* هند: شلون اطلع بروحي انت تدري اني من عايلة محافظة و ما عندنا هالسوالف ممنوع اطلع بدون اهلي.
* ناصر: اممم يعني ابد ما تقدري ؟؟ ما في امل؟؟ عشان حبيبك نصوري.
* هند: امممم بحاول .. المهم قولي متى تبي تشوفني؟؟
* ناصر: بلويك اند هذا لأني اتفقت مع ابن خالتي انه يجي معاي.
* هند: و ابن خالتك وين بيروح لو دخلنا سينما؟؟
* ناصر: بيجلس جنبي و انتي مالك دعوة فيه.
* هند: و انا شنو ابي فيه حبيبي جنبي و اطالع غيرة.
* ناصر: المهم ايش رايك اوكي تم وله ؟؟
* هند: ان شاء الله خير بس يوم الثلاثاء بخبرك بالأكيد اوكي.
* ناصر: اوكي.

​

​

​

و مرت الأيام و صار يوم الثلاثاء و لما اتصلت على ناصر كالعادة

​

* ناصر: حبيبتي امس حلمت فيك حلم فضيييييييييع.
* هند: خير ان شاء الله بشرني.
* ناصر: لا عيييييييييييب ما ينقال.
* هند: عيب!!؟؟
* ناصر: اي عيب و انا ادري اني لو قلت لك راح تصيري حمرا هع اعرفك خجولة كثير.
* هند: ههههههه لا مراح اصير ابي اعرف شنو الحلم.
* ناصر: لا تضغطي علي تراني بقول لو زودتي.
* هند: قول .. قول .. قول .. قول .. قول .. قول ....
* ناصر(قاطعها): طيب .. طيب خلاص بقول.
* هند: يسسسسسس, يلا قول انا اسمعك.
* ناصر: حلمت يا طويلة العمر ان انا وياك جالسين في السينما و انتي كنتي جالسة قدامي و انا وراك.
* هند: هذا عيب عبالي صج عيب.
* ناصر: ههههههههههه استني علي رزقك, و شعرك كان طويل و حلو و كنتي لابسة فستان لونه احمر و ظهره عريان ...
* هند(قاطعته): ممكن تخلي حلمك لك لأني ما احب هالاحلام المخله بالآداب.
* ناصر: ههههههههههههه الله يلعن بليسك و انا وش دخلني الحلم كذا.
* هند: طيب ما ابي اعرفهم ولو اني تحمست حق السينما و عارفة انك تقول لي جي عشان اوافق نروح.
* ناصر:و الله اني حلمت كذا بس انا ابي اعرف احنا على الوعد صح.
* هند(حبت تلعب باعصابة): لا ما اعتقد اني اقدر.
* ناصر: لييييييييييش و انا متواعد معك ما يصير حرام عليك, انا نفسي اشوفك و ادردش معك و امسك ايدك.
* هند: اجلها هالمرة ما ينفع.
* ناصر: هنودة بلييييييز ابي اشوفك تكفين .. تكفين .. تكفين.
* هند: هههههههههههه كنت امزح معاك اوكي يوم الخميس بنتقابل في مجمع الـ .......
* ناصر: وليش ما نروح مجمع الـ ...... هذا احسن.
* هند: بس هذا المجمع مشهور بالمغازل ليكون انت تروحه .. هاااااا؟؟؟
* ناصر: لا يا قلبي بس انا اعرف ان المجمع هذا حلو و كان ودي اشوفه معك.
* هند(بعصبيه): تبي تشوفني تخليني انا اللي اختار المكان عدا ذالك روح بروح المجمع اللي انت قلت عنه توك .. و الله.
* ناصر: انتي ماكله فلفل .. ليش كذا كليتيني حرام عليك خلاص المكان اللي تقولي عنه انا موافق.
* هند: اوكي الساعه جم؟؟
* ناصر: اممم شرايك على الساعه 6 .
* هند: بس احنا ما نكون بالمجمع على هالوقت.
* ناصر: اجل كم؟؟؟
* هند: على الساعه 8 او 9 .
* ناصر: لا لا ما اقدر انا حدي على الـ 6و نص.
* هند: اوهوووووو شكلي ما بشوفك ما اقدر.
* ناصر: هنودة بليز اضغطي لي على نفسك انا ابي اشوفك ما اقدر كذا.
* هند: طيب .. طيب بحاول.

​

وافقت لكن على مضض شلون بقنع اهلي ان نطلع على الـ 6 او الـ 6 و نص صعبة وايد صعبه لكن آآآآه من عنادي و تصميمي.​

​

و بديت افكر و اخطط و ادبر للموضوع اول شي كان في بالي ابعد نوف عن الموضوع و ان احنا نطلع لوحدنا لكن امي مستحيل تطلع بدون احد من خالاتي من جي اقترحت عليها ان نطلع مع خاله غير ام نوف و الخاله اللي اخترتها كان عندها ولد صغير و هالولد اكيد راح يجي معانا و لكن هالولد صغير يعني ما بيكون فاهم شي و خالتي هذي ما كانت ترفض لولدها شي بحاول اقص عليه و اقنعه ان ندخل السينما انا و هو حتى لو فلم اطفال المهم يخلى لي الجو مع ناصر و بالفعل تم لي اللي ابية قنعت امي و قنعت ولد خالتي بأن احنا نروح سينما و قلت لهم ان فيلم السينما يبدى على الساعه 6 و نص و لأنة فلم ما بنقدر نتأخر و بالفعل اموري كلها ضبطت ليوم الخميس

و في يوم الخميس خالتي تأخرت المفروض كانت تكون في بيتنا من الساعه 6 عشان 6 و نص ندخل الفلم لكنها تاخرت لانها كانت تعبانه و نايمة و راحت عليها نومة و انا كنت جانه ما ابي اتأخر على ناصر كان يومي مأساوي ما تتصورون لأي درجة لأن خالتي جات بيتنا على الساعه 6 و 45 دقيقة و لما ركبنا السيارة ظليت ارسل لناصر مسجات اللي رد علي و قالي هو شنو كان لابس وانه قاعد ينتظرني عند السينما و قال لي لا تتأخرين عن الـ 7 لأنه بيمشي و هو كان قاعد ينتظرني من الـ 5 و طبعاً طلب يعرف انا شنو لابسه عشان يعرفني و انا قلت له و يوم وصلنا المجمع انصدمت ان هالمجمع اللي انا اخترته لأنه مجمع هادي كان زحمة مو طبيعيه و ما لقينا مكان نوقف فيه السيارة الا على الساعه 7 و ربع و طول الربع ساعه كنت ارسل لناصر مسجات اني انا بالمجمع بس اندور لنا مكان حق السيارة و هو ما كان يرد علي و طبعاً اول ما وصلنا المجمع على طول على السينما ما تتصورون شنو كانت مشاعري كان ودي اركض اشوفة مشى وله للحين قاعد؟؟

وصلنا عند باب السينما و كنت انا مع ولد خالتي قبل اهلي و كانت السينما زحمممممممممة لكن لفت انتباهي واحد ابيض و يأشر علي و كان في واحد واقف جنبة اول ما شفت اللي جنبة (ناصر ناصر) حسيت الكون كله وقف و كأن انا وياه كنا لحالنا ما كأن معانا احد دق قلبي بقوة و بشكل مو طبيعي يوم ابتسم لي و انا رديت له الأبتسامة و بدت رجولي ترجف و كنت حاسة اني مو قادرة اوقف وقفنا في الطابور عشان نحجز تذاكر لكني كنت واقفة عكس الناس اناظر ناصر اللي كان بياكلني اكل من بين الناس مشاعر جميلة و غريبة ما كنت متصورة اني في يوم من الأيام بسوي الشي الي كنت انتقد البنات يوم ادري انهم سووه لكن ابليس قص علي, المهم مرت دقايق و عيوني في عيون ناصر لكن خالتي نادتني عشان اتأكد من الفلم و كلها دقايق تأكدت من الفلم و رجعت ادور ناصر لكنه اختفى وين راح ما ادري

رسلت له مسج بأسم الفلم و المكان اللي اخترناه و ان انا ضبطت اموري عشان لما يجي يقعد جنبي و ولد خالته يجلس جنبة لكنة ما رد علي و رسلت و رسلت و ظليت ارسل لمدة ربع ساعه و لكنه رد علي عقب ساعه


انا اسف يا حياتي طلعت من المجمع بدون ما اقول لك انا رايح على مجمع الـ .... اللي قلت لك عنه نفسي اشوفة و انتي ما تقدرين تجين بعدين نتفاهم باي


ما تتصورون شكثر صدمني هالمسج و شكثر ما كنت متوقعته لكن ربي اراد لي الستر و انا اردت لنفسي الفضيحه الحمد لله ان هذا اللي صار و الحمد لله ان الله لطف فيني و حسبي الله على بليس

يا ترى شنو كانت ردة فعل هند على اللي سواه لها ناصر؟؟

و هل بيتلاقون مرة ثانيه وله لا؟؟

انتظروني في الجزء القادم :37:​

 

[ديم..]

وه وه كملللييييييي بللللللللللللليييييييييييييييز

تهئ تهئ

 

[amily-30]

مساء الوردات والخيرات وكل الأشياء الحلوات_لو أقول ابداع قليله في حقك_مدري أنا وين كنت عن هالروايه_موفقه حبيبتي_بالانتظار

 

[ROYA30]

مشكوره على المجهود ويعطيك العافية قصة حلوي
http://rewaeate.blogspot.com/

 

[مهر الجنان]

الله يهديها هند
الله يعطيج العافية
صارلي فترة موداشة و قلت يمكن هنودة تابت بس الظاهر لي الحينها الله يهديها
ناطرينج يا الغالية لاتتأخرين علينا

 

[سمراء بلادي]

يعطيكي العافية يا محبة والله انشغلت عليك اقول يمكن نستنا لو شغلها شي عساك بخير يالغالية ننتظرك على احر من الجمر :35:

 

[روفي 33]

يعطيك العافيه بارت مرره حلو ننتظر التكمله على أحر من الجمر

 

[قطوه قطر]

بانتظاااااااارج حبيبتي

 

[حامله الرايه]

تسلم يدج يا بنت ديرتي

والله اسلوبج رائع عيشتيني مع هند يوم بيوم

يلااا حبيبتي كملي ناطرينج :35:

 

[غيوم4]

روعه القصه حبيبتي بانتظار التكمله

 

[ام احمدوباسل]

رووووعه سلمت اناملك ياارب
بس ابي اعرف متى نهاية القصه لاني اتحمست للاخير

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

أولاً انا ابي اعتذر لكم عن طول غيابي بس الفترة الي طافت بجد كنت مشغولة جامعه و شغل و هذا كله غير المشاريع و الأمتحانات و مثل ما تدرون بيت يديد بجد كنت مشغولة اتمنى انكم تعذروني

ديم

احسج تحمستي

ان شاء الله اليوم بكمل

شاكره لج مرورج على روايتي :37:

amily-30

مشكورة حبيبتي على تشجيعج الحلو

بجد عطيتيني دفعه حماسية

و ان شاء ما بخليج تنتظرين وايد

شاكره لج ردج المشجع و الحلو :37:

ROYA30

مشكورة فديتج

مرورج نور موضوعي

و ربي يعافيج :37:

مهر الجنان

آميييييييين

السموحة منج يا الغالية صار لي فترة مشغولة

و ما كان عندي وقت اكملها ان شاء الله اليوم انزل جزء كبير

مشكورة على المرور فديتج :37:

سمراء بلادي

الله يعافيج يا رب

و مشكورة على حماسج الحلو و ردودج الأحلى

و سؤالج الدايم عني جزاج الله خير

و انا ما نسيتكم بس كنت مشغولة و ان شاء الله انزل لكم بارت يديد اليوم :37:

روفي 33

مشكوره حبيبتي على رايج الي اعتز فيه

و أن شاء الله اليوم انزل لج بارت احلى :22:

و مشكورة على الرد :37:

قطوة قطر

مشكورة على المرور :37:

حاملة الرايه

الله يسلمج يا رب

و مشكورة على الرد الذووق و الراقي فديتج :5:

و أن شاء الله اليوم اكمل :37:

غيوم4

مشكورة حبيبتي على مرورج

و ان شاء الله اليوم تشوفين بارت يديد :37:

ام احمد و باسل

الله يسلمج يارب و ترى للحين للرواية بقية

و مشكورة على المرور حبيبتي :37:
​

 

[محبة الطاعات]

بسم الله الرحمن الرحيم

​

​

لو أقول انصدمت مليون مرة ما بوفي أحساس الصدمة اللي حسيت فيه وقتها بجد ما كنت متوقعه ان بتكون ردة فعله بالبرود هذا كله من بعد الحاحه علي كان لازم اعيد حساباتي و هذا اللي صار
​

* هند: معقولة أكون ما عجبته؟؟ بس انا قايله له من قبل عن نفسي و واصفة له شكلي, امممم يمكن ما قدر لأن اللي وياه كان مستعيل؟؟ لا لا وله يمكن يكون مواعد بعد وحدة ثانية بالبحرين انا شنو يضمن لي أنه يعرفني انا و بس اللي قدر يعرفني أكيد يعرف غيري, و انا ليش اذبح عمري من التفكير باجر بتصل عليه و بسوي له تحقيق.
​

ظليت افكر و افكر و اخر شي قررت اني اطنشه و ادور لي واحد غيره لأن بروده صدمني و انا مو مرتبطه فيه عشان اظل وياه على طول بس قبل ما اطنش بسأله سؤال مصيري و اجابته على هالسؤال بتخليني اقرر

و في اليوم الثاني اتصل علي كالعادة و انا كنت معصبة عليه من جي خليته يتصل و يتصل و بعد عدة اتصلات رديت
​

* ناصر: حيااااااااااااااتي, اموت اموت اموت انا فيك.
* هند: وعليكم السلام.
* ناصر: بل شكلك زعلانة.
* هند: لأ .. ليش ازعل, يا حرام انت ما سويت شي صح؟؟
* ناصر: يا قلبي انتي بعدك صغيرة و العمر قدامنا طويل و بنطلع مع بعض كثييييير و بنروح كل مكان مع بعض و بنمسك ايد بعض و بتوشوشيني و أوشوشك و بنسوي كل الي في خاطرنا بس انتي لا تستعجلي.
* هند: كلامك فيه شي و بصراحة من كلامك صار بخاطري اسألك سؤال.
* ناصر: تفضلي يا عمري.
* هند: اممم يعني العمر قدمنا طويل على قولتك يعني شنو؟؟؟ يعني انت تغصد ان احنا بنكون لبعض يعني بنتزوج؟؟
*ناصر(بعد سكوت دام 10 دقايق): هااااا أيش قلتي يا حياتي؟؟ الخط موشوش.
* هند: اقول لك معنى كلامك ان احنا بنتزوج؟؟
* ناصر: يا قلبي لسه على الكلام هذا انتي بعد صغيرة ليش مستعجلة؟؟
* هند: مو مستعجلة بس كلامك معناته جي.
* ناصر: و ليش يعني بس المتزوجين اللي يروحون و يجون مع بعض؟؟
* هند: ناصر رجعنا على مبدأ بنات الشوارع؟؟
* ناصر: افففففف انتي مع مبدئك الغريب هذا سديتي نفسي.
* هند: خلاص خلاص لا تعصب بغير الموضوع.
* ناصر: يكون أفضل على العموم ان شاء الله انا بكون لك و انتي بتكوني لي بس لا تكثري هالسؤال مرة ثانية.
* هند(فرحانه): صج .. أحلف, فديتك انا ان شـــــــــــــاء الـــــــــــلــــــــه من عيوني يا الغالي.
​

ما تتصورون حجم الفرحة اللي حسيت فيها وقتها لكني للأسف غفلت عن الرساله اللي بين السطور و للأسف ناصر عرف شلون يلعب بعقلي.​

​

مرت الأيام بسرعه و تطورت علاقتي بناصر و خليفة و صارت لي علاقات مع ناس غير بس كانت كلها علاقات سريعه تبدا بسرعه و تنتهي بسرعه و في يوم من الأيام دخل أخوي احمد البيت و صرخ يناديني

​

* أحمد: هند .. هنوووووووووود .. هــــــــــنـــــــــد.
* هند: خير .. خير شفيك تصرخ؟؟ انا مو صمخة ترى.
* أحمد: عندي لج مفاجأة.
* هند(بأستغراب): مفاجأة شنوو؟؟
* أحمد: هاج أخذي السيدي هذا و سمعيه على راحتج بالكمبيوتر اوكي.
* هند: انزين شنو فيه هالسيدي؟؟
* أحمد: شي بيعجبج من قلب .. يلا انا طالع تأمريني بشي؟؟
* هند(تطالع السيدي): لأ .. سلامتك.

​

كانت هذي المرة الأولى الي يعطيني احمد فيها شي جي و الغريب في الموضوع انه ما قال لي شنو في السيدي, على طول انا رحت على الكمبيوتر و فتحت السيدي و كان فيه اناشيد حق العفاسي و بعض المقاطع الصويته الي فيها آيات عن النار و العذاب و التوبة و اشياء جي أستغربت من الموضوع يعني وقتها انا ما كنت متدينه لدرجة انه يجيب لي هالأشياء و قررت اني انتظرة لما يرجع عشان اسأله ليش جايب لي هالأشياء و شنو الموضوع و بالفعل اول ما وصل البيت

​

* هند: أحمدووو .. شنو موضوع السيدي الي يايبه لي؟؟ و من وين لك اياه؟؟
*أحمد: هذا واحد من الربع معطيني اياه .. و انتي كله مقعدة على هالكمبيوتر تسمعين اغاني عاد قلت اكسب فيج اجر و اعطيج شي زين تسمعينة تاخذين فيه حسنات بدل هالسيئات اللي عندج.
* هند: و ليش انت ما تسمعه؟؟
* أحمد: لأن انا ما عندي كمبيوتر يا الذكية.
* هند: اها .. اوكي تدري بنزلهم على التلفون بعد.
* أحمد: اي .. اي عفية على اختي عشان انا اخذ حسنات من وراج شاطرة.
* هند: ههههههههههههه.

بدون ما ادري كانت هذي البداية

​

بداية طريج يديد طريج حلو و لكنه صعب و طويل و يبي له صبر و طول بال مع مثابرة, المهم اللي صار اني بالفعل ادمنت الأناشيد بعد ما كنت مدمنة اغاني لكني كنت بعد اسمع اغاني وقتها كنت بالثنوي و كنت كل يوم الصبح اكوي ملابس المدرسة قبل ما اروح و بهذا الوقت اكون فاضية ما عندي غير الكوي و عشان اسوي لي جو كنت اشغل الأناشيد او الأيات القرآنية على حسب المزاج يعني بس اتذكر اني كنت اتأثر وايد و اتذكر حالي و ليش انا جي و لازم ما استمر في الطريج اللي انا فيه و طبعاً مع الأيام بدت تقل علاقاتي السريعه و شوي شوي لغاية ما صارت كل اسبوع اتعرف لي على واحد جديد بدل كل يوم و شوي شوي صارت المدة شهر

لكن !!!
​

تتوقعون الشيطان تركني بحالي؟؟؟​

​

السؤال هذا بجاوب عليه في البارت الياي :37:​

 

[قطوه قطر]

كممممممملي فديتج حدددددي متحمسه ووياليت تطولين البارت لو ماعليج كلافه

 

[ro7y tnadyk]

يعطيك العافيه ولاتطولين علينا متحمسين أقوى شي

 

[ام احمدوباسل]

بالتوفيق يارب

معلبش احنا مانعرف ضروفك بس من حماسنا للقصه نبيك تكملين بسرعه

 

[ديم..]

تسلميييييييين ياقلبو
وبتوفيق الله يسهل امركـ
في انتظاااااااااااااااااااااااركـ