ظننت أني ربحت حبه!!!ولكن رجع يخون؟؟؟

هههههههههههههههه
حمد الله جات ع كده

الله يخليكم لبعض
 
الله يتمم عليكم بالخير
الله يسخركم لبعض يارب
 
آمين يارب

تكفين كملي بعدماتقومين اوكي

نــــــــــوم العوافي ... واحـــــــــلام سعيده
 
هلا وغلا حبيبتي طمنيني عليك امازال الامن مستتب عندك

فانا كلي شوق لسماع اخبارك والله يتمم عليك العيش الرغيد
 
مرحبا حبيباتي ....كيفكم ...وكيف أحوالكم مع العام الدراسي الجديد...
الله يوفقنا...ويوفقكم ويوفق عيالكم ...
أنا الحمدلله في أتم الصحه والعافيه ...وهذا أهم شي...
وبالنسبه لحياتي ماشيه ....ووقاعده أفكر أسوي مشروع ...وأدرسه الحين.....أدعولي بالتوفيق....
طبعاً زوجي ترك المكالمات ....بس لسى أشك فيه....
وقلت لنفسي وأذا يكلم ...أنا وش أسوي الي علي سويته ....
نصحته ...وهددته...وزعلت عليه...
وهو ذنبه على جنبه ...مشاعري أتجاهه عاديه ...أحبه لأنه زوجي وأبو ولدي ولاهو مقصر معي من كل شي لا حب ولاماده ولادلع ولاتمشيه....
وأذابيخون ...هو قبل يخوني يخون ربه....
وليش أحرق أعصابي مادام مو مقصر معي....
هو وعدني وحلف لي أنه يتركها ...بس قلب المؤمن دليله...وأنا حاسه أنه يلعب بذيله....
شروطي أهم شي ونفذها وحياتي معاه حلوه.....وغيرها الله وليه...يحاسبه..
صحيح أحس بالقهر والغيره ...بس وش بيدي وأسويه كل الي أقدر عليه سويته....مابقى علي ألا الدعاء....وبدعي له وبذكره بالله في كل فرصه تكون لي ....
أهم شي حياتي تمشي بدون نغص ولا أخليه يقصر علي بشي....
أدلع نفسي وأخلي حياتي فله ووناسه...
والهم والدموع ...بنساها....وهووليه الله ....والله يحفظه من بنات الحرام ...ويترك دربهم ...والله يعصم قلبه عنهم ...اللهم أمين
 
الايبشرك بالخير والله انا متابعه قصتك من البدايه يعلم الله اني فرحتلك من كل قلبي الله يتمم عليك راحة البال والسعاده ويسخرلك زوجك ويحنن قلبه عليك ويبعده عن بنات الحرام ... امييييييييييييييييين يارب العالمين
 
حسبي اللة على كل بنت حرام وعلى رفقاء السوء

اختى الحبيبة ..قصتي قريبة من قصتك باختلاف ان زوجي كان يكلم واحدة فقط لااكثر والادهي انه لايحبني وماشعرت بحبة من تزوجتة لكن كنت انا احبة والمصيبة قال لي مرة الحب مايجي من طرف واحد

بعد هذا كلة ..وبعد كل مغامراتي معه ...وبعد ان طفح الكيل عندي من كثر المشاكل قلت لة كلمة انا تركت للة وفعلا من بعدها ماقمت اكلمة ابد بها المواضيع وانا من سنتين ركعتين بالليل ودعاء واستغفار وحب لنفسي واولادي بعد اللة وكفي

والحمد للة اشعر الان بعد 5سنوات زواج انه بدى يحبني

الحمد للة وبس
 
هلا بالغاليه طمنيني عليك ايش اخبارك ان شاء الله بخير من زمان ما كتبتي شيء ​
 
سلااااام عليكم
قريت موضوع وماحبيت اطلع منه الا وانا ادعيلج ان ربي يهدي زوجج ويصلح من شأنه
ويشرح لج صدرج ويسر لج امرج وينزل الطمأنينه في قلبج


حبيبتي انتي سويتي كل الي عليج وماقصرتي بشي وللله الحمد واعتقد الحين باقي عليه هو والحمدالله في نقطه بصالحج وهو ان زوجج يحبج ويموت فيج ممو مقصر معاج
ويبي رضاج وهذا شي بصالحج حبيبتي والله بنااااات على خيانة ازوجهم على معامله الشينه لهم وعدم احترام لهم وكل هذا وهم صاااابرين وماشالله عليج انا قاعد اشوف قوة شخصيتج وتحملج وماقلتي حق اي احد وهذا مو اي وحده تقدر تسويه صراحه
والحين المهم انج تعشين حق نفسج وبس وصدقني اذا هو خان مو لازم تكون المشكله منج انت او نقص منج انت هذا دليل على مرض نفسي فيه هو حتى ولو فكر بالزواج المشكله فيه هو



واتمنى لج التوفيق بحيييييييييييييييييياتج
 
يارب سخر ازواجنا لنا وابعد عنهم اولاد الحرام وبنات الحرام واصحاب السوووء يا رب انت قلت ادعوني استجب لكم يا رب اجب دعانا يارب احنا ما لنا حول ولا قوه الا بك يارب لا تسيبنا اميييييييييين
 
اغلب رجال الوقت هذا فيهم طبع الخيانه
انا اكتشفت انى عايشه مع رجل مزيف من 17 سنه والله قهر
 
رائعة بكل حرف بكل خاطرة بكل معنى بكل قصصك مواقفك تدمى لها الجراح ويأن لها الررضيع
اشكر ابداعك وصبرك وسخر الله لك زوجك
 
الله يفررررج همك

نصييحه كل اقري سوره البقررررررره ‘ ولله زيينه حيييل وبيفتحها الله عليييك

وكل شغليها بالبيت

جد جد مجررررررررررربهـ

الله يعطيك العافيه والصبررر


االا شنو نمط زووجك..؟
 
الله يعينك .مثلي زوجي معيشني جو غير حسسني انا بس في حياته .كان يهتم بادق دقائق حياتي .الكل يعلم بمدىحبه وغيرته علي وفي الاخير اكتشف انه يكلم وحده .اه ذكرتيني بهمي .الله يعينا عليهم.
 
هلا حبايبي ....كيفكم ..ووش أخباركم ...
أشتقت لكم ...أقوى شي.........
الحمدلله حياتي تمام وأنا ولدي بصحه وعافيه وهذا أهم شي...
أكمل لكم قصتي ....الي طولت ....وأن شاءالله تكون هذي نهايتها ...
لأني تعبت ...تعبت من التفكير والدموع ....والحزن ....
تعبت وأنا أتابع زوجي وأراقبه وأفتش وراه ...كأني أدور على كنز...
بس لأني أحبه ...أسوي كذا...لأني أبي حياتي تستمر معاه ...أسوي كذا...
طبعاً بعد أخر مواجهه معاه والي كانت في رمضان ...وأعترافه لي ..وأعتذاره لي ...ووعوده وعهوده الي خذاها على نفسه ...
تصالحنا وسامحته ...بشروط ...وأتفقت معاه ...أنه لو قدر الله ورجع للمكالمات والحركات هذي...أنه طلاقي ..أنه مستحيل أستمر مع واحد كذاب ومنافق....وخاين ...
مشت حياتي مثل ماأبي والحمدلله كل شي تمام ومثل ماقلت لكم رجع مثل أول وأحسن ....بس بعد فتره يعني بشهر تقريباً....
أخذت جواله وشيكت عليه وكل شي أوكيه بس لأحظت أيميل مسجل عنده في رساله من أحد أصحابه المقربين....
وعادي عديت الموضوع وقلت صاحبه ويبي يضيفه عنده ....
بعدكم يوم أخذت جواله أشيك عليه ولقيت نفس الأيميل بس الي مرسله له غير مو صاحبه الأول ....وكان في الرسائل المحفوظه...
يعني غير أسم المرسل وحفظ الرساله ...وهذا شككني ....فأخذت الأيميل ...وبعد كم يوم صلحت لي أيميل جديد وأرسلت دعوة لصاحب الأيميل ...وقبل الدعوه وراسلته وحاولت أستدرجه لكن دون جدوى!!!
ماعطاني وجه كان يبغى يعرف مين أنا ...وكيف جبت الأيميل ...
بعدين دخلت ع الملف تبعه ....وعرفت المصيبه!!!!!!!!!!!!!!
طلعت بنت ................
وأنصدمت ...صدمت عمري ...علاقاته تطور بسرعه ...يعني كل ماواجهته....كل مازاد وأستغرق في خطاه ...حسيته يعاقبني ....يعذبني...
تعبت هذاك اليوم وبكيت ...لأني توقعت السالفه أنتهت حلف لي ...............................................................
وأنا صدقته!!!!!!!!!!!!!!!!!!!!!!!!!!!!!!!!!!!!!!!!!!!
بس خلاص تعبت تعبت ....من خيانته لي وكذبه ونفاقه....
هنا أبتعدت عنه ...طلبت منه أروح عندأهلي كم يوم....ووافق ....حبيت أروح أريح عندهم وأعرف مصيري معاه ....
خلاص أنا عرفته ..عرفت أن الخيانه في دمه ....ومهما سويت ماراح ينفع معاه ....عرفت أني ماأهمه .....وأن الي يسوي معمي عيونه وقلبه ...
في الفتره هذي قعدت أفكر في نفسي وولدي ...وش أسوي ووش باقي ماسويته...أبي زوجي وبيتي ومستحيل أتركه ...راحتي في بيتي ...
وزوجي يحبني ....ويصرف علي ...بس الشيطان مضيعه ...
قعدت أفكر وأدور على حل ....أبي زوجي وبمواجهتي له أكيد بخسره ...مافيه كلام ....أخر مره أتفقنا ..أذاكان فيه خيانه فمعناته حياتنا أنتهت....وانا ماأبي حياتي تنتهي...
كانت نفسيتي تعبانه بالمره...ماأتحمل شي ....والحزن واضح على وجهي ..
وفقدت الثقه في كل الي حولي ....صرت أشك في كل الناس ...في كل الناس..........
حتى خواتي صرت أشك أن هم الي يكلمونه ...وأراقب تليفوناتهم ..
أهتزت ثقتي في نفسي ......
وبعد كم يوم هديت وروقت ...وقلت مالي غير بيتي ....يعني وأذا يخون خير ...كل الشباب يكلمون ويقابلون ويسافرون ويرحون للحرام ...
حتى الشياب والملتحين يكلمون ويطاردون الحريم ........
مهما كان ماراح أرتاح الأ في بيتي ....وأبوي مستحيل يتحملني ...الأ موصارف علي وبيعقدني في حياتي أكثر...
ويعني بلقى واحد يحبني ويصرف علي مثله والأهم مايخون !!!!!!!
ولا عنده حرمه ....مستحيل......
رجعت البيت ...وكنت مقرره أنسى الموضوع....أو أتناساه...
 
أكمل لكم....
وفي الليل أخذت اللأب أبي أتصفح المنتدى ودخلت ع المحفوظات أبي أشوف هو وش كان يدخل ....وتفاجأت أني لقيته داخل المسن ...وشفت أيميل البنت ...وع طول دخلت سجل المحادثات ولقيته ماسحه ...ورحت ع سلة المحذوفات ....ولقيت المحادثه وأسترجعتها...
وشفتها ..........خلاصتها ...كانت بين أثنين يعرفون بعض من فتره طويله ....من سنين .............وكانت رسميه بالمره ....وواضح أنها أول محادثه بينهم .....وكانت البنت متزوجه ...وتسأله كم عندك من العيال وكم عمره ....وهو نفس الشي ...يسألها ....أثنين منقطعين عن بعض..........
وقتها عرفت أنه طول الوقت ..........كان يدور ع حبيبته الي يعرفها قبل يتزوج ......عرفت هدفه من الخيانه.......عرفت انه حن لها....
بس هي متزوجه......وعندها ولد..........وش يبي منها...
مسحت المحادثه...ودخلت المسن وراسلتها ولا ردت وأرسلت لها رساله ع الأيميل .....وتحسبت عليها ودعيت عليها ....
ردت علي ع طول وقالت مين أنتي قلت أنا الي تبين تخربين بيتها ..... أنت مو فلانه أم فلان مو متزوجه وعندك بيت ومن هالكلام........
بعدين راسلتني ع المسن وتبي تعرف وشلون عرفتها ومن أنا بالضبط
رديت عليها وقلت أنا زوجت خالد أبو زياد....حبيبك سابقاً....
قالت موحبيبي أنا كنت أعرفه معرفه سطحيه ولا بينا شي ...قلت كيف مابينكم شي وأنتي راجعه بعد السنين هذي له ...وتسألين عنه ...
قالت ...بقول لك كل شي ....وأنا ماني خايفه الأمن دعوتك علي أنا متزوجه وعندي بيت وأخاف عليه مثلك ............زوجك رجال طيب وأبن حلال وأنا الي دورته كنت أعرفه قبل ست سنوات ...لأني أنا الي جيته ....كنت بنت ومراهقه والعب بالجوال وأدق ع فلان وع علان أزعج وأضحك ....وكان خالد واحد من بينهم ....كنت أدق عليه أستهبل في البدايه ماعطاني وجه بعدين صار يدق علي نكلم بعض ونسولف وأكثر شي أنا ...لأنه كان خجول وماكان متفتح مره مثل بعض الشباب....كان أغلب الوقت ساكت ....وكان أنسان مجتهد في دراسته وينام بدري ...ويحافظ ع الصلاه ....قلت وعشان كذا حبيتيه ...قالت لا والله بس هذا الي أعرفه ولا حتى تمر الأسابيع ماأكلمه ..لأني أكلم في الليل وهو في الليل ينام....وكان أنسان محافظ ...وأنا الي بليته ....كانت مراهقه وأبي أسولف بس ...لا كنت أدور حب ولا غيره .....يعني أحيان أقوله يشحن لي ويرفض...
يعني ماكان معطيني وجه بالمره بس يسولف معاي ...مرات أكون المتصله ومرات هو...ووالله ماكان بينا حب ....أبداً.....
قلت لها أكيد هذا الي بينكم قالت والله العظيم هذا الي بينا ...قلت لها طيب شافك ...قالت لا شافني ولاشفته ...قلت مستحيل حلفت لي أيمان مغلظه أنها ماشافته ولاشافها ....ولاتدري حتى وين ساكن ...وأنها كانت تكلمه في الشهر مرتين أوثلاث ....قلت طيب وش رجعك له ....قالت كذا فضول.......قلت يعني أبو طبيع مايترك طبعه ...قالت لا أنا كنت ماخذه جوال الشغاله معاي لأنها مسافره وألعب فيه وضغطت الأرقام عشوائي وطلع بداية رقمه وتذكرته لأن رقمه مميز ....ودقيت عليه أشوف أخباره وأحواله....قلت لها طيب كيف رد عليك وكيف كان أستقباله لك...
قالت كان بارد ...ومستعجل قلت له أنافلانه تذكرتني قال أيوه ...أخذت وعطيت معاه بعدين قلت برسل لك أيميل عشلن أوريك صورت ولدي وتوريني صورت ولدك......وبس وأنتهت المكالمه....وفعلن كلامها صحيح لانه نفس الكلام الي كان في سجل المحادثات ...
طبعاً طلبت منها تحذف أيميله من عندها ولا تراسله ولا تكلمه وتنسى رقمه..وكانت متعاونه بالمره وحلفت أنها تقطع علاقتها معاه بالمره ....وع كلامها أساساً مافي علاقه....وقلت لا تقولين أني كلمتك أوراسلتك ...وافقت ...وأنتهى الموضوع معاها......
ورجعت لأيميلي الي ضايفته فيه ودخلت ع الملف تبعه وماكان مضاف الأهي وأنا..........
وبعد كم يوم ...قررت أواجهه وأتكلم معاه لأني خلاص تعبت من تصرفاته
كيف يعطيها وجه لا ويضيفها عنده في الأيميل وهوحالف لي أنه يترك البنات ....ولا يعطيهم وجه ولا يرد عليهم.....
قررت أتكلم معاه وعلي وعلى أعدائي...خلاص وصلت حد الجنون....
ماعاد خلى فيني ذرة عقل....ترك في حيرتي وأوهامي ...
وأنا ماسمحت له ...وقلت خلاص ....الحياة مره وحده ....
ياأعيش مرتاحة البال ....ولا بيت أبوي أرحم من الخيانه والنفاق والهم الي أنا فيه.........
أستخرت ........وقررت أتكلم معاه أول مايجي ...........
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل