ظننت أني ربحت حبه!!!ولكن رجع يخون؟؟؟

الله يوفقك انت وزوجك ويبعد عنه رفقاء السوء توي ماقريت قصتك اول مرة ماادري جتني نوبة بكاء ونحيب مرير حسيت انه انا الي صار فيني الحمدلله على قضاءة خيره وشره ولله الحمد ماصار لي موقف مع زوجي من ناحية الخيانة ولكن الفتنة لاتؤمن على الحي ريم اسمحيلي اقولك انت امرأة رائعة وقدوة ضربت اروع الأمثلة في الصبر عشت تناقض عجيب في شخصية زوجك -- والأن تبشرينا بعودة زوجك لك أسأل الله له الثبات حتى الممات والله يحفظكم واستودعيه الله دائما الله يحفظك ويخلي لك زيزو
 
الله يرده لج ويبعد عنه اصحاب السوء و الساقطات
 
الله يحفظلكم ازواجكم انتي ياريم والأخت جرحني بصمت
ويردهم لكم مردا غير مخز ولا فاضح
قولو هذا الدعاء
(حسبي الله لا إله إلا هو عليه توكلت وهو رب العرش العظيم )7 مرات ف الصباح/المساء
قد يفرج الله عنك ما أهمك من امر الدنياء والآخرة...​
 
الحمدلله الذي لايحمد على مكروه سواه...والحمدلله على كل حال...
قصتي ...أستمرت سنوااااااااااااااااااااااااااات وتعبت في هالسنوااااااااااااااااااات كثير تعبت نفسياً وجسدياً ....الحمدلله ماكنت كامله بس برضو ماكان ينقصني شي ....كنت من الأساس أحب القراءه والأطلاع.....لكن الي مريت فيه خلاني..... أهتم بنفسي أكثروأكثر ..
وأحب نفسي أكثر...مثل ماهو أناني ...صرت أكثرأنانيه منه...كيف ؟؟؟؟
أقول لكم بعد المواجهه الأخيره!!!!!!!!!!!!1
لماكتبت قصتي وقلت للأخوات وش تشيرون علي ...الأغلبيه قالوا لاتواجهينه وسوي نفسك غبيه ولا تفتشين وراه ...طبعأً التفتيش حاولت أتركه ماقدرت ...أذا تركته يوم يومين رجعت مع أني كنت أضغط على نفسي وأحتسب الأجر وكم مره أخذ جواله ولما أجي أفتحه أتذكرأني أسوي شي حرام وبشوف شي يضيق صدري وأرجعه وأقول (اللهم أجرني في مصيبتي وأخلفني خيراًمنها)(لا حول ولا قوة الأبالله)وبصراحه هالكلمتين كنت أرددها الفتره الأخيره وبشكل كبير...
المهم جتني رسايل كثيرعلى الخاص وبعض المساعدات والله يجزاهم ويجزاكم الله كل خير...وجعلكم ماتشوفون الي شفته ولا حبايبكم ...
أخذت رقم مكتب أستشارات بعد محاولاتي اليائسه للوصول لناعمه الهاشمي وكلمت المستشاره ...وقلت لها سالفتي بأختصار....
وعطتني حلول ومن أهمها مواجهته بس أنا رفضت في البدايه وقلت لها أحتمال كبيرأخسره بس هي الله يجزاها خير أصرت علي أني أواجهه وقالت زوجك مريض والسبب الصحبه السيئه حاولي تبعدينه عنهم وقلت لها مثل ماقلت لكم أنه الحمدلله ترك وظيفته وزملاءه الي فيها ...طبعاًموعشاني عشان وضعه المادي تحسن...
قالت كويس قطعنا نصف المشوار باقي تعززين الوازع الديني عنده وتذكرينه بالله ...وتواجهينه ومازلت رافضه المواجهه فقالت أستخيري وقولي لي بعدها أذا أرتحتي للمواجهه ولا لا لأن وضعك مايصلح له الأالمواجهه لأنها عارض ولها أسباب ولأزم توقفينه ولأأستمر وتعود عليها ..
لأنه فعلن تركها لكن رجع لها قبل كم شهر مثل ماقلت لكم وهي قالت لوطبعه الخيانه ماقعد سنه وكم شهر عنها كان قعد أسبوع ورجع وقالت أبد لاتحاولين ماينفع معها الأالمواجهه ....
وتوكلت على الله وصليت أستخاره ودعيت ربي يكتب لي الخيره ...لأنها خطوه قويه في حياتي ياتنجح ...وأكسب زوجي وسعادتي ياتفشل وأخسر زوجي وبيتي ......
وبعد الصلاه ...بكم دقيقه بس سبحان الله تغير أحساسي بالخوف الى رغبه في المواجهه ...
وكلمت الأستاذه وقلت لها وقالت توكلي على الله وقولي لي وش يصير....
وكانت عندي أختبارات لأني ماخذه ترم صيفي...وأنتظرت أخر يوم وأناطالعه من الجامعه كنت مجهزه له رساله وكاتبه فيها كلام قوي ومثبته بالأدله الي كنت أقراها في رسايله ...يعني أسماء البنات الي يكلمهم ...وأيش كان يسوي معهم...طبعاً قلت لكم أنه كان يخش معاهم في العميق ويتكلمون في الجنس وحتى وهو صايم ....ومره كان رايح يجيب أغراض من البقاله وطول ولما دخل كان شكله تعبان ومعرق ...قلت وش فيك كأنك طالع الدرج ونازل عشرين مره ضحك وقال قابلت واحد من الجيران وقعدنا نسولف وقال وش رايك نمشي من دخل رمضان مامشيت ويقول مشيت معاه ومع السوالف مادرينا الاوحنا في أخر الحي ورجعنا وأناخلاص تعبان ومنهد حيلي وقرفان من العرق بدخل أخذ شور وراح للحمام وأنا ماصدقته لأنه أنسان كسول ومستحيل يمشي ...وأخذت جواله وشيكت عليه كان يكلم وحده توه متعرف عليها من الدردشه وماخذ رقمها وقاعد يسولف معاها ساعه قبل يدخل وتأكدت أنه كذاب بس الصدمه لما راح يصلي الفجر...خلى جواله واخذته وكان يدق عليها وماترد ومرسل لها مسج كاتب فيه(حبيبتي وينك ....شكلك نزلتي ورحتي تتروشين ...يالله لازم أسمع صوتك الحلو..)
وأنصدمت ماتوقعت الموضوع يتطور ويوصل للجنس السمعي ...
وبكيت بكيت ...وقلت اللهم أجرني في مصيبتي وأخلفني خيراًمنها ...
وقتها خلاص طاح من عيني وكرهته ...وحده توه متعرف عليها يسوي معاها كذا أجل الي يعرفها قبل كم يوم وش يسوي معاها!!!!!!!!!!!
ماعاد قدرت أكمل المذاكره وتعبت ...وهو ولاهمه لما دخل بعد الصلاة كان واضح علي أني متضايقه وسألني وقلت هم الأختبار قعد يواسيني ويقول عادي الأختبارات لها رهبه وكم هالكلام وأنا طول الوقت أناظر عيونه وهو يتكلم وودي أفقعها ودي أذبحه............
 
آآآآآه ياقلبي عليك الله يثبتك ويكتب اجر صبرك
اعجبتني شخصيتك من صدمة لصدمة ومع ذلك ثابته ماشاء الله
الله يعوضك بالفردوس الأعلى من الجنه خير من الدنيا ومافيها ..
 
ربي إن شاء الله مايضيع اجرك
سبحان الله جاهدتي وصبرتي في سبيل الحفاظ على زواجك وبيتك
وربي ينصرك على كل من ظلمك ويعوضك كل خير بإذنه تعالى
 
حسبي الله و نعم الوكيل الله يصبرك يارب و كل مبتلى ويردهم ردا جميلا​
اللهم عليك بالزواني والزانيات فانهم لايعجزونك
اللهم تب علينا و على ازواجنا و ارحمنا رحمة منك تغنينا عن رحمة سواك
اللهم اكفينا بحلالك عن حرامك و اغننا بفضلك عمن سواك
اللهم اشرح صدورنا للايمان
اللهم اكفنا ما اهمنا
اللهم اكشف عنا الضر
اللهم تب علينا و اهدينا و ازواجنا وذرياتنا واجمع بيننا في خير
اللهم اصلح دنيانا التي فيها معاشنا و اصلح لنا اخرتنا التي فيها معادنا
اللهم لاتجعل الدنيا اكبر همنا ولا مبلغ علمنا ولا الى النار مصيرنا
اللهم في هذا الشهر الفضيل اعتق رقابنا من النار
اللهم ارزقنا توية
اللهم استرنا فوق الارض واسترنا تحت الارض و استرنا يوم العرض

اللهم آآآآآآآآآآآآآآآآآآآآآآآآمين
 
سبحان الله ...حكياتي هي حكايتك ...وزوجي نفس زوجك جنوبي ورجل محافظ وأمام مسجد وغير عمله واصبح فترتين وبمكتب لوحده والجوال والكميوتر كله وقته عليه ومن هنا بيدا يكلم بنات ..وتطور الامر للماسنجر وافتحي الكاميرا اشوفك وبعدين للمقاطع الاباحية ....وسويت مثلك سكت ليما جمعت الادلة ثم واجهته في البداية انكر لكن لما عطيته الادلة اقر واعتذر انه ماراح يكررها....وهدئت حياتنا فترة من الزمن جبت فيها طفلي الثالث ,,,اكتشفت انه عاد يكلم بنات وحط كلمة مرور لجهازه الكمبيوتر ...........والله اني ابكي بحرقة واشكو بثي وحزني إلى الله...دعواتكم لي...
 
أكمل لكم....
بعد الصدمه القويه ....رحت الجامعه وهو الي وداني وفي الطريق كنت أفكر بالموضوع وضايق صدري بالمره ضايق حياتي كلهاوعمري مامريت في ضيقه مثل هالضيقه كل شوي يزيد تنفسي وصدري يرتفع وينزل وأحس كأن فيه ثقل على صدري ....وكل شوي أتنهد وأذكري الله ......مع الوقت والتفكير زادت نبضات قلبي وسرعة التنفس ...ولأحظ خالد علي أني موطبيعيه وسألني وقلت خوف من الأختبار قال موأول مره تختبرين واليوم أخر يوم مفروض تنبسطين مو تتوترين وتخافين ...قلت هذا شي غصب عني ...حاول يخفف عني بالكلام ...وقال كلها ساعه وتروح ضيقة الصدر وأن شاءالله اليوم أطلعك وأمشيك وأسحرك في أحسن مطعم ...يالا أنبسطي وراك اليوم طلعه وفله....
ونزلت للجامعه وأختبرت ولما خلصت كنت مجهزه له رساله مثل ماقلت لكم وكتبة موضوعها (ضيقة صدري معروف سببها!!!!)....
وكان محتوى الرساله( هاه حبيبي أنبسطت مع حبيبتك الجديده كيفتها وكيفتك ...أهم شي أنكم نزلتو سوا ...وااااااو بسرعه أنسجمتم ....لأيقين على بعض!!!!!!!!!!
هذي توك عرفتها وسويت معاها كذا أجل الي تعرفهم من زمان أيش سويت معاهم؟؟؟؟؟؟؟؟؟
وأنا أقول وش فيك هالفتره لاهي عني أثاريك مريح نفسك معاهم ومستغني عني ....كيف تتجرأ تسوي كذا؟؟؟كيف سمحت لنفسك وحنا في شهر فضيل؟؟؟؟؟ماخفت من الله ؟؟؟؟
تدري أنك زنيت!!!!
سمعك زنا!!!!!!!!!!!!!!!!!!!!!!!!!!!!!!!!!
صوتك زنا!!!!!!!!!!!!!!!!!!!!!!!!!!!!!!!!!
عضوك زنا...دون أيلاج!!!!!!!!!!!!!!!!!!!!!!!!!!!!
عارف ذنب الزاني؟؟؟؟عارف عقابه الرجم الى الموت ؟؟؟؟؟
أنت ماتهمني!!!لأنك طحت من عيني من زمان بس أنا عطيتك فرصه وسامحتك...لأني أحبك وأحب ولدك ......
بس الحين لا خلاص ....مثل ماتحب نفسك ومريحها بالحلال والحرام ولاهمك لازوجه ولاالشهر الي حنا فيه الي حتى العاصين يتركون المعصيه فيه....أنا بعد أبي أريح نفسي من الهم الي أنا فيه...
بجيك من ألأخر وبريح راسك وراسي...بلا أعذار بلا دموع وتصريف ....
خلاص طلقني ...وهذا أتفاقنا من أول ....أنك أذا رجعت للمكالمات معناته طلاقنا ....خلاص الحين....تطلقني أنتهى الموضوع ومافيه مجال لنقاش .....
هذا وأنت كذا تمدح نفسك وتقول ماني مثل هالشباب ...وأني عاقل وأستحي !!!!!!
الله يجيب الحياء بس ....كلكم سوا ...يالرجال مافيه فرق بينكم ...حتى لو عندك قمر ومريحتك ...تروح تلعب وتلف وتدور!!!!!
عيش حياتك على راحتك وخلني أعيش حياتي مع الي يستاهلني ....
وأنت أستغفلتني وخدعتني وخنتني وكذبت علي ....
هذا الي أعرفه والي خافي أكيد أعظم....والي مايراقب الله مايراقب الناس...
طلقني ....والله يستر عليك وعلي....والموضوع ماراح أقوله لأحد...
ماأتفقنا....أوالله ماكتب نكمل مع بعض ...النصيب....)
أرسلتها له أول ماطلعت من القاعه وطلعت له وركبت معاه ...
سلمت عليه ورد السلام ....وبصراحه كنت خايفه ...لأني ماأدري أيش ردت فعله ....
بس هو ساكت ومشينا وهوساكت ولاكلمه وبعد خمس دقايق لفيت عليه وقلت جتك الرساله ...قال أيه وكانت عيونه تروح يمين ويسار وكان مرتبك ومتوتر.....قلت وش رايك ؟؟؟
سكت ولاقال ولاكلمه....
وقعدنا عشر دقايق وأحنا ساكتين ...رجعت وقلت له ...ماقلت لي وش رايك بالكلام المكتوب بالرساله.....
قال مادري وش أقولك .....أنا ماكنت مرتاح وأنا أسوي هالأشياء ....وكل يوم أقول بتركها بس الشيطان شاطر....والحين الله أرسلك عشان أتركها!!!!!!!!!!!!!!
قلت يعني لوماواجهتك بتستمر قال لا بس أنا كنت أحس بتأنيب الضمير ولاقادر أتركها ....والحين عرفتي وأكيد بيكون عندي دافع قوي ....
قلت بتتركها منت تاركها هذا شي يخصك ....
الي يخصني الطلاق ....مسك يدي وضغط عليها بقوه وقال لا ياريم تكفين ألا الطلاق ...قلت ليش منت عارف أني لاعرفت بطلب الطلاق قال ألأ ...قلت خلاص هذا أتفاقنا من أول أنك أذا رجعت المكالمات يحق لي الطلاق .....قال ياريم هذا أبتلاء من الله وألا أنا تركتها المره الأولى بس رجعت قبل كم شهر وكلها دردشه قلت دردشه ليش ماقريت رسالتي زين قال ألا قلت أجل الي يصير في المكالمات برضو دردشه ...قال الله ياخذ الي دلني عليها قلت مين قال واحد من زملاء العمل القديم هم الي طيحوني وخربوني وألاأنا ماأعرف هالسوالف قلت مالك عذر مو كل واحد قالك تسوي شي تسويه على كذا المفروض أني خاربه من زمان من أيام المتوسط ....أنا برضو ماشيت بنات مش مضبوطات بس خفت على نفسي...ولاتأثرت فيهم ..وألالدخلوا الناس النار بتدخل معاهم .....
عادي عندك ...يعني أمعه أنت ....ماتعرف الصح من الخطأ....ماتعرف أن الي تسويه حرام ....
وقلت وش كنت تحس فيه البارح وأنت تكلم وتشتغل الشغل الوردي؟؟؟؟؟؟؟؟؟؟؟؟
والله تو أدري عندك أحساس وخيال قوي أخليك تنزل !!!!!!!!!!!
صارخ علي وقال لاتذكريني .....قلت وأنا من ينسيني؟؟؟؟قال أنا ...
قلت أنا الي بنسيني بعدك فرجاءً ياخالد طلقني ....
قام يترجى ويبكي ويضغط على يدي ويقول سامحيني ياريم تكفين سامحيني
والله هذي بلوى من الله ساعديني ووقفي معاي عشان أتركها.....
وأرجع لله وهذي فرصه أن أحنا في شهر فضيل.....قلت الله يتوب عليك ...بس ماني متراجعه عن كلامي ...وهذا أتفاق من أول ...قال ياريم تكفين لأذا تركتيني مستحيل أترك الحركات هذي قلت موذنبي هذا شي بينك وبين ربك ....قال ريم ساعديني ولاتتركيني محتاج لك ....
قلت له وينك يوم أنا محتاجه لك ؟؟؟؟وأنت توزع مشاعرك على بنات الشوارع الواطيات .....تدري هم كفوك لأنك نزلت نفسك لهم...
قعد يبكي ويقول أنا غلطان أعترف لك أني غلطان من راس الى ساسي..بس تكفين سامحيني ...قلت كيف أسامحك وشلون ....
قال لاتتركيني وهم بتركهم وخلينا نروح عمره وأوعدك وأوعد الله ماأرجع وأبدا صفحه جديده ....مع الله ومعاك ...وكل الي تبينه يصير ...
قلت طلبت منك أول شروط لانفذتها كلها وتغاضيت عنها عشاني أحبك ...والحين ماأبي أشرط ولاأبيك ....
قال ياريم والله لأسوي الي تبين أشتري لك بيت وأجيب شغاله وأعطيك فلوس بس لا تتركيني ...قلت لو تعطيني الدنياومافيها ماعوضتني دقيقة ألم عشتها معاك قال ريم لاتعذبيني ...قلت يعني ماتدري لأكشفتك وش بيصير ....وش بيصير فيني !!!!ماخفت على مشاعري !!!!ماخفت على حياتنا!!!!والأكنت في غمرة المعصيه ومتلذذ وناسي نفسك وناسينا!!!!!
قال ياريم والله احبك وأبيك قلت الي يحب مايخون لا ويخون مره ومرتين ....موكل مره تسلم الجره ....
طلبي معروف وأرجوك لاتناقشني ....قعد يبكي ويترجى ...ويقول ياريم والله أنا في أبتلاء ساعديني ومالك الأالأجر أنتي تحافظين على بيتك ...
أنا عارف انك زعلانه ومن حقك بس أبيك تاخذين وقتك وتفكرين في الموضوع زين وولدنا لا تنسينه ....لمين تتركينه ....
ووصلنا بيت أهلي ونزلت وقلت الموضوع منتهي وأبي طلاقي ودخلت بيت أهلي ............
سبحان الله مانزلت مني ولادمعه بالعكس كنت مرتاحه وأرتحت أكثر لأنه معترف بخطأه ....ومشتريني ....
 
ما شاء الله تبارك الله زين ما سويتي مو مثلي جبانه واخاف منه ومن تهديده

يمكن لان وابوي وامي متوفين ولا ابغي اروح عند اخواني
 
لاحول ولا قوة الا بالله
اللهم فرج عليها همها ورد عليها زوجها ردا جميلا واغنه بحلالك عن حرامك​
 
حسبي الله ونعم الوكيل
كل مااقول امور البنت تعدلت ومشي حالها ارجع والقاك في مشكله ثانيه
الله يسخر لك زوجك ويبعد عنه بنات واولاد الحرام
 
أكمل لكم ....
ونزلت عند أهلي وأنا طايره من الفرحه ماتوقعت ردت فعله تكون كذا!!!!!
توقعت ينكر...مثل المره الأولى ويرمي خطاه على غيره....بس هم أعترف وندمان على الي سوى ومستعد يسوي أي شي عشان أقعد معاه ...
طبعاًقلت المره الأولى سامحته ورجعت في نفس اليوم بس المره هذي لأزم أطول عشان يحس بخطاه ولا يتجرأ يسويه مره ثانيه....
ونمت ولما صحيت من النوم لقيت كم أتصال وكم رساله ...كان يعتذر فيها ويتأسف...ويطلب السماح ..وأنه ماقدرينام ولايرتاح من رجع ...وهو في قلق ....قلت أحسن خليه يتأدب يعني أنا الي أتعذب بس ...خليه يحس بالي أحس فيه ....وفي اليل أزعجني بأتصالاته ويقول ردي بسرعه ...
ورديت عليه بمسج وقلت وش تبي ...قال طمنيني عليك ...قلت الحمدلله مادام أنا بعيده عنك....رد علي بمسج وقال لا لاتقولين كذا والله أنتحر أنا مانمت ولاأرتحت ماأتخيل حياتي بدونك...
ولا عاد رديت عليه قلت خليه يستوي على نار هاديه ...واليوم الثاني برضو مكالمات ومسجات وأزعاج ....ماتقولون هذا الي يكلم ويخربط!!!!!
وكلمني ورديت عليه وقلت وش عندك ...قال أبيك قلت وأناماأبيك...قال ريم طلبتك بعزة الله وجلاله أنك تروحين معاي عمره وهناك أوعدك وأوعد الله ماأرجع وأذارجعت روحي بكيفك ومالي حق أتكلم معاك...قلت تبيني أنتظر الين تسويها مره ثالثه لاياحبيبي لا أنا ماأتحمل والي شفته منك كفايه...
قال هذا أبتلاءمن الله وأنا الحمدلله تبت وخير الخطاؤون التوابون...ولك فضل في هالشي لأني كنت أحاول من زمان أتركها ماقدرت وكملي جميلك ووقفي معاي ...أنا في محنه ...ساعديني ولك الأجر والثواب ...لأنك حافظتي على بيتك وزوجك وولدك...ووقفتي مع أنسان مسلم في أمس الحاجه ....ياريم أنا ماأقول لاتزعلين هذا حقك بس لاتتركيني أنا طلبتك بعزة الله لاترديني...
مادريت وش أقول ...أحترت ...أنا مافكرت في الطلاق وكل الكلام الي قلته تخويف له ....بس كنت أبيه يتأدب ولايرجع للحركات هذي ويعرف قيمتي...وماكنت أبي أرجع له بالسرعه هذي وبرضو خفت ييأس معاي ويتركني .....
فأنتهزت الفرصه وقلت ...خلاص أنت طلبتني بعزة الله وجلاله وأنا ماأقدر أردك بس تأكد أني بروح العمره معاك وغيره لا....لاتحاول ...
بوقف معاك لأنك تبت ....يعني لأنك أنسان مسلم وراجع لله مو لأنك زوجي ....لأن زواجنا أنتهى ....
قال أوكي ...متى أمرك قلت لماتقرر تمشي قال خلاص جهزي نفسك بكره بمشي....قلت أوكيه ...قال وش رايك أمر أخذك الحين لاني بمشي بكره بدري وماله داعي أمرأهلك في الصباح قلت أوكيه لأني برضو أبي أغراض من البيت ....
مرني وخذاني ورحت معاه البيت وهناك ضمني وتأسف لي وبوس راسي ويديني ورجليني وقال سامحيني أناماصدقت أشوفك ...قلت خلاص راحت حبيبتي ...قلت حبيبتك راحت من فعايلك ....والاهي صبرت صبر أيوب....قال أوعدك ياريم ماأرجع والله ماأرجع وفي الحرم وقدام الله وخلقه بوعدك وأنشاءالله ماأرجع ...قلت لا تحاول قال ياريم أنا خلاص تبت .....وأبيك ومستحيل أتنازل عنك ....قلت يعني تبيني أعيش معاك غصب عني ...قال لا بترضين قلت وش الي بيرضيني قال أنا أرضيك وأنسيك ....والله لألبسك الذهب من راسك الى رجولك وأسوي لك الي تبين أمري وتدللي.....وقتها أنبسطت وقلت فرصتي أطلب الي أبي ...
قلت يصير خير أذا رجعنا من العمره .......قال يعني بترجعين لي ...وبتسامحيني ...قلت قلبي طيب وحبوبه ..........الله يسامحك
طارمن الفرحه وبوس كل جسمي .....ورتبت أغراضي على أساس بكره نروح عمره ...بس الله ماكتب ...في اليوم الثاني جتني الدوره..........وتكنسلت الروحه ....
ومسكني وقال خيرها في غيرها ....وأنا أن شاءالله بتغير وبصيرأحسن من أول وبتشوفين خالد جديد....خالد يحبك قول وفعل .....والله لأدلعك وأشيلك فوق راسي الي مثلك مكانها فوق الراس.....
قلت بشروط قال أمري وتدللي ...
قلت نطلع بيت ثاني أكبر....تجيب لي شغاله ....تجيب لي طقم ذهب وجوال جديدأخر موديل أيفون وساعه ماركه أكشخ فيها في العيد...وتعطيني كم ألف زياده .......
قال أبشري بس خفي علي ترا طلباتك واجد والميزانيه ماتسمح قلت هذي شروطي تبي وألا برجع بيت أهلي قال خلاص أوكيه بس البيت صعبه شوي .....طبعاً حنا ساكنين في بيت لأبوه بس صغير بالمره شقه فوق ومافيها الأكم غرفه حتى ولدي ماله غرفه ..........قال البيت خليه بعدين لأنه صعب أستأجر وأثث بيت جديد يبي ميزانيه ...قلت خلاص البيت موالحين بعدين بس تراماتنازلت عنه قال خلاص أوكيه....
ورجعنا لبعض وكان طاير فيني ومدلعني يوم مطعم ...ويوم تمشيه وأخر الليل تعالوا شوفوا الدلع ...مساج وحركات أول مره يسويها لي ....
والحمدلله رجع زوجي لي ولعله خيره ....الي صار معانا ...
وأناالفتره الي راحت كنت متوجهه لله وأدعيه بأدعيه أخذتها من أختي العضوه كنت أحلم .....وكنت أذكرالله كل دقيقه وألتجأت له لأنه هو مدبر الأمور ومصرف الخلق .....والدعاء يغير القضاء....
والحمدلله على كل حال والله يتمم لي على خير ويسخرلي زوجي وأزواجكم ....اللهم أمين ....
ولي رجعه أن شاءالله
 
الله يجازيك ويفرح قلبك اللي تحمل وصبر

ان شاء الله اخر احزانك يارب

الله يعطيك العافيه يارب

فرحتيني :)
 
الحمدلله الحمدلله الحمدلله
الله يتمم لكم على خير.... ويبشرك بثباته على القول الثابت في الحياة الدنيا والاخره
هذي ثمرة الصبر والله يخليكم لبعضكم

بس ودي اوصيك يا اختي انك ما تتركين الدعاء والذكر حتى بعد رجعته لك لان من عرف الله في الرخاء عرفه بالشده

والحمدلله حمد الشاكرين الذاكرين
 
الله عليك يعطيج العافية الله يسخر كل الازواج لزوجاتهم ويبعد عنهم بنات الشوارع والحثالة
 
مآآآآ شاء الله تبارك الله عليج يارب يثبت زوجك ويهديه ويخليه لك ولأبنك
بصراحه تعلمت منك اشياء كثير الله يبارك فيكي ويعينك


لا تنسيني بالدعاااء
 
ياررررررررررب يثبت زوجك على الحق ولا يتغير ويسخره لك

صبرتي ونلتي ان شاء الله موفقه ان شاء الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل