ظننت أني ربحت حبه!!!ولكن رجع يخون؟؟؟

انا وصلت الى صفحه 13 ووقررت اكتب لك اشياء مشتركه بيني وبينك في اشياء كثيره وانشاء الله تستفيدي
 
لاحول ولا قوةالابالله
الله يساعدك ويساعد كل امرآه ويرد لها قلب زوجهااللهم آآآمييييييين
ويبعد عنا بنات الشوارع اللي مايخافون من الله
 
ياعمري انتي ...وانا اللي افكر ان حياتك استقرت ...ومشاكلك انحلت الله يكون في عونك ويصبر قلبك ...تاكدي من سالفة العياده وسوي نفسك مصدقه الموضوع حتى ماتنصدمي مره اخرى.​
 
ألف شكر لكل وحده ردت ع الموضوع ....والله يجزاكم الف خير ع دعواتكم الطيبه ....الله يطيب حياتكم أن شاءالله
والحمدلله ع كل حال ....والي أنا فيه أبتلاء من رب العالمين والله يصبرني ويصبر جميع المسلمين المبتلين ويكون في عوننا....
وأي جديد في حياتي أبلغكم فيه......
والحمدلله أنا مرتاحه في حياتي ....أهم شي أن زوجي يصلي ويحبني ويهتم فيني .....وبنات الحرام الله وليهم ....
ومصيرهم يذوقون الي ذوقونا....
 
ياحبي لك والله والله اني حبيتك ماادري ليش
الله يصبر قلبك يآآآآآآرب
ويسخر لك زوجك ياحي ياقيوم
طمنينيا وش صار عليكي
 
إييييييييييييييه ياأختي ابكيتيني بقصتك.الله يصبرك ويرزقك من خيري الدنيا والآخرة
ربي هب لنا من أزواجنا وذرياتنا قرة أعين
زوجك هو لك وليس للساقطات...أعانك الله في المحافظة عليه
لن ننساك من دعواتنا​
 
الله يفرج همك وهم كل مكروب


لو كل الزوجات طلبو الطلاق ماظل في البيوت حريم


دامه يحبك ويحسسك بالشي هذا


اصبري عليه ادري قهر بس ولدك محتاج لأبوه واكثري استغفار​
 
لا تتاخرين عليناا ترانا معك بالقصه والله تحمست لقصتك مررره
الله يسخره لك ويرده عن كل شرررر ويتمم حملك
كملي قصتك لاننا متاوصلين معك للنهايه
تمنياتي لك بالسعاااده
 
السلام عليكم ورحمة الله وبركاته ....
الحمد لله الذي منح الإنسان العقل وأرشده وهداه وأنار بصيرته وهيأ له سبل الهداية فمنهم من سار على هدى الله سبحانه وختم له على ما أفنى حياته ومات وربه عنه راض , ومنهم من كان على خير وانحرف عن سبيل الرشاد ومات على سوء خاتمه ولا حول ولاقوة إلا بالله , ومن أراد الله به خيرا تاب عليه وأعاده للطريق السوي وطريق الحق بفضل منه ومنة:: وأدعو الله سبحانه أن يتوب الله عز وجل على زوجك ويعيده لطريق الحق والصواب ,,, زوجك يعيش في صراع صعب وحرب نفسية مريرة فهو يحبك حد الجنون بدليل أنه قبل يدك في الشارع وبكى أمامك يترضاك ويطلب صفحك وهذا صعب على طبيعة الرجل ويرى أن هذا التصرف يقلل من رجولته ويحط من قيمته (ك..ر..ج..ل ) أرجوك ... أرجوك ...أرجوك .... لاتتنازلين عن حبيبك بسهولة يمكن تدعين أنك كرهتيه لكن تأكدي يا غالية أنك تحبين زوجك وغارقة في حبه وهو يستحق هذا الحب بدليل أنك صبرت عليه وعلى حركاته هداه الله كل هذه المدة هذا زوجك ومن حقك الحفاظ عليه لاتتنازلين عنه بسهولة وتتركينه صيدا سهلا ولقمة صائغة ووجبة مجانية لضعيفات النفوس لإستغلاله كملي جميلك ياعمري وحاربي عشان زوجك , ترى أبو زياد وزياد وبيتك يستاهل الصبر والتضحية,وإحنا أخواتك في النتدى بإذن الله ما راح ننساك من الدعاء ,, حاولي تدرسين شخصية زوجك تمام من أجل معرفة نمطه حتى تعرفين الطريقة الصحيحة لكيفية التعامل معه بشيئ من الحكمة والعقلانية ..تفائلي عزيزتي ترى الحياة حلوة وكلنا نعاني ربنا معاك .. تقبلي مروري
​
 
الله يساعدك00


ويصبرك على مابلاك 00

ويبعد عنه بنات الحرام الله لايوفقهم000
 
اااااااااااااااه
الدنيا غداره
صج انج قلبتي المواجع
الله يعين الكل ويهدي ازواجنا ويسخرهم
احس كل الرياييل خونه ومب من الحرمه كله من عمايلهم بس الله يصبرنا
الله يصبرنا اله يصبرنا ويصبرج حبوبه على مابتلاج
والله ادعيلج من كل قلبي
ودمعتي ع خدي لاني ذقت المر الي ذقتيه ومثل ماقلتي ها الساقطات بيذوقن المر مثل ماذقناه والله فوق ونحن مب مقصرين وبعد مب كاملين
والحمدالله ع كل حال ه بلاء من الله والله يصبرنا
 
عزيزتي
والله اننا في جهاد مع الشيطان عرفنا بالخيانة اشغلنا بكيف نحلها علشان مانتقرب الى الله
ولاسف حتى الموقع ماسلمنا منها حسبي الله عليهم اولها القيمزر بداية الصداقة...
نصيحة من مجروووووووووووووووووحة
الزمي باب الحي القيوم و ابكي بين يديه وهذا الدعاء من اخت عزيزة أسأل الله ان يكتب لها الاجر
اللهم ياحي ياقيوم ياذا الجلال والإكرام أسألك بأن تهدي زوجي وتجعل منه رجلاً ديناً صالحاً تقياً عابداً قائماً بالليل صائماً بالنهار , مطيعاً لك باراً بوالديه , مراعياً لي ولأولاده , يخافك ويخشاك في كل أموره , محافظاً على الصلوات في أوقاتها .
اللهم أره الحق حقاً وارزقه اتباعه وأره الباطل باطلاً وارزقه اجتنابه . اللهم اشرح صدره بالإيمان ونور قلبه بنور القرآن . اللهم تب عليه من المعاصي والآثام. اللهم اعصم قلبه من السفر , واعصم قلبه عن الأغاني التي هي مزامير الشيطان . اللهم إني أسألك بكل اسم هو لك سميت به نفسك أن تعطيه من خيرك أكثر مما يرجو . اللهم عظمه في قلبي واجعله ماء عيني ودم قلبي ودفء حياتي واسعده بي واسعدني به. اللهم صب الإيمان وحبه لي في قلبه صباً صباً وأرني ذلك . اللهم انظر له من فوق عرشك قائلاً للملائكة إني أحب عبدي هذا فأحبوه . اللهم لا تجعل الدنيا أكبر همه ولا مبلغ علمه . اللهم لا تتوفاه إلا وأنت راضٍ عنه .

اللهم اجعل قبره روضة من رياض الجنة وأدخلني وإياه الجنة
 
قرات قصتك بالكامل لكن استوقفني امر معقولة كثر ماتفتشين وراء زوجك ماحصلتي الاوراق الخاصة بزوجك لما كان يتعالج على العموم الله يوفقك حبيبتي ويسعدك في حياتك
 
والله بكيت بكيت لين تقطعت من البكى
احس انا بصير لي نفس الشي بس ربي يستر
وخالتي كمان نفس القصه
بس مو الخركات بس بالشريحه الثانيه
لذالك قررت اعيش على غفلتي واعيش حياااااااااااااااااااااااااتي اناوبنوتي
 
عزيزتي الله يهديلج زوجج و يهديج له و يخليكم حق بعض
لي يومين اقرا بسالفتج توني خلصت انحولو عيوني

استغربت من اللي قالو زوجج شمالي مافيه من الشمالي شي جنوبي بحت

عزيزتي انا بتكلم علي اخر نقطه و اخر موضوع لنه السالفه طويله و الله يعينج
و اذا كلامي ما عجبج لا تزعلين انا بتكلم من وجهت نظري انا ماكان له داعي
تقوليله عن البنت اللي بالايميل و ما كان له داعي تسوينها قصه اذا اهيا ما كانت قايلتله
الموضوع ما كان يسوا و لا توقفين له علي الحبه يمكن انتي بتقولين هذي ما مرت بالتجربه او بقولين هذي فري متحرره لا عزيزتي انا لاهذي و لا هذي في اشياء و مواقف تكون و لا شي انتي تسوينها شي انتي كان الفروض عقب تعطينه ثقه و تحسسينه انج مصدقته و واثقه في عقب ما بطل هذي انسانه منتهيه من حياته و مالها اصلا وجود بحياته لي تعتبرينها خيانه اهيا غلط صح بس ما كانت تسوا تكبر
الحين حبيبتي حاولي تعطينه الثقه و تحسيسنه فيها و اول ما تشكين يعني رد يقفل الموبايل نبهي بس بدون شك بدون نجره ومشاكل
جنوبي يبي الحب انتي عطي الحب و الامان و هم ينفر من الملاحقه يعني لمن يكون مشغول بشي او مع ربعه عطي الوقت دايما حسسي انج تبين راحته و سعادته و انسي الماضي ان شاءالله بيكون بس ماضي و ما راح يرجع
و بقولج شي انا عن نفسي ما احب اعرف التفاصيل اللي ممكن تضايقني و تاذيني يعني انتي ضليتي تدورين و تتعبين انتي بروحج لا تعورين قلبج
لكي قبلاتي و ودي و تمنياتي بحياه سعيده ​








http://www.sweetim.com/s.asp?im=gen&lpver=3&ref=12&p={5B949169-5016-4862-BE7C-482C3BBB17EA}
 
معلومه صغيره عن الجنوبي اذا شككتي في و اهوا مو مسوي شي يقول حق نفسه اهيا شاكه شاكه عيل خل تصير صج و عادي خربانه خربانه الجنوبي رجل رائع لولا خياناته مسكي في بيدينج و اسنانج يحتاج بين فتره و فتره للتذكير و التنبيه مو بالماضي بالاخطاء اللي ممكن يطيح فيها يعني نبهي بطريقه غير مباشره و قوليله انا واثقه انك بطلت
اسفه ما اعرف اشرح لاكن اتمنى وصلت المعلومه​
 
غاليتي كيف حالك وايش اخبارك

طمنيني عنك كيف مسويه مع زوجك

ارجوك انتظر منك الرد قلبي معك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل