زوجي بيطلقني الاسبوع الياي!! ساعدوني..

[المحبة لربي الله]

الافضل انج اتسيرين تريحين قلبج وتجابلين ربج وتنسين هموم الدنيا وتدعين ان الله ييسر امورج كلها

بالعكس اشوف هالوقت هو الانسب للسفر الله يوفقج يارب ونسمع اخبااار حلووووة ويهدي بو الشباب

ونصيحه مني اختي الحبيبة اذا كان ريلج عنده شي لا يطرج اخو ايرمسج هالشي مايييوز رمسي امه او وحده من خواتج اذا تبين ربي ايوفقج ابعدي كثر ماتقدرين عن المعاصي فالحمو الموت حتى لو بالتلفون

او خليه يتواصل مع الوالد الله يحفضه لكم

 

[" المهاجرة لله "]

الله يطمئن بالكم ويهدي سركم ويرجعكم لبعض عاجلا غير آجل

انا من رأي الشيخ لو انه بايع كان طلقك بلا محاكم وبلا وجع راس

بس شكله مضغوووووط وقلبه مليااااااان

وقد يكون احد زملاءه شار عليه بهالشور!!!!!! عشان تتغيرين وتتأدبين

وشكل دخوله للمستشفى لان القرار صعب عليه <<<< اظن كذا

حاسة بشعورك وودي اقول لك طنشي بس لو اني في مكانك ماراح اطنش

راح اعطي نفسي فرصة اخيرة خصوصاً انه طيب ومميز

روحي له وكلميه ولو كان في المستشفى ادخلي عليه الغرفة وتكلمي معه وخذي اللي بخاطر.... وياحبذا لو يوصله خبر انك تعبااانه ويا يلحق يا ما يلحق

يارب تبشرينا برجعتك في القريب العااااااااجل

كلام امل الصالح عين العقل
والله يصلحكم ويهدي سركم..

 

[الامل البعيد""]

الله يكون بعونك يارب""" ويسخرلك ابو الشباب يارب وينصرك على من عداك
واكثري من الاستغفار ومن سورة البقره
والله ما بعد العسر الااليسر
دعواتك لي لاني امر بنفس ظروفك
والله يجمع ما بينكم قولي اميــــــــــــــــــــــــــــــــــــــــــــــــــــــــــــــــــــن​

 

[بنوته أموره]

حبيبتي الحين مااعتقد ينفع الكلام غير انك تلجئين لربج وتدعينه وتستغفرين ولاتهونين في صلاه الليل وكثره الدعاء

ولاوصيكي في سوره البقره وكثره الاستغفاار تراهم علاج سحري لصعب المشااكل

الله يكون في عونك ويهوون عليكي.....

 

[ام سعودي@]

حبيبتي مالك الا الدعاء والاستغفار والله يجمعكم ويخليكم لبعض وتتربى بنتكم بينكم ان شاء الله

 

[نواره99]

مشكورين عالرد..
خاصه نوراه الله يوفقج ويسخر لج ريلج..

والله كلامج ريحني وحسيت انه اللي يصير لي طبيعي
وبعدين انا ما طرشت وخلاص ما بطرش وبديت على قولتج اتغلى
أو بالاصح بديت اتعود عالوضع.. وان شاء الله ببدى أهتم بعمري..
الحمدلله اهلي ما يتكلمون بالموضوع ولا يحنون ولا يزنون علي
حتى ابوي قال بندخل بنتج حضانه.. يباني أعيش حياتي عادي..
حتى أن بيت اهلي يديد ولي غرفه فيها بس مب جاهزه.. وبدينا نجهزها.. الله يطول بعمره

وبالنسبه للجواز بصراحه أفكر اسافر.. اروح العمره.. اذا الله كاتبه لي
وانا ما طلبت بس استغليت اتصال اخوه وقلت له بس عن الجواز.. وافكر اطرش له مسج أذكره يحط جوازي فالشقه
عشان أمر أخذه.. واذا بسافر عقب بطرش مسج لريلي لان الاستشاري قال واجب عليج لاني اعتبر زوجته للان..
يعني مسج مختصر بدون تفاصيل.. بقوله انا بسافر وبخلي بنتي عند اهلي.
وعقبها بغلق موبايلي..
شو رايج؟ تحسين وقته اسافر؟

​

فديتج والله
روحي وارتاحي وصلي وادعي هناك وادعي لي بالصحه:shiny:
وربي يوفقج ان شاء الله ومثل ماقلتي قبل لا تسافرين طرشي مسج وقوليله انج بتسافرين وبتخلين بنتج عند اهلج وبسسسسسسس
وربي يوفقج وتروحيم وتردين بالسلامه ان شاء الله

 

[نواره99]

تروحيم = تروحين غلطه مطبعيه ^ـ^

 

[الامل البعيد""]

فديتك نواره وربي قصتك اتقارب قصتي .........وان شالله راح اروح عمره ويارب اشوفك بل الحرام
وان شالله راح ادعيلك وانت بعد لاتنسيني من صالح دعائك
اختك فلله::::::::::: الامل البعيد:::::::::::::
والله يسعدك ويفرجلك ويسعد كل من قرى رسالتي ودعاء لنا
(لااله الاانت سبحانك اني كنت من الظالمين)​

 

[ريما]

هذي مشكلة الحريم


الوحدة تشوف غلاها وتغث الرجال الين يعافها


وترى الرجال اذا يحب يصبر يصبر وبلحظة يكره ويخرب كل شي




لكن دامك ندمتي

الله يصلح حالكم وكلمي احد له تاثير عليه وخليه يتدخل وينقل رغبتك بالصلح وندمك على تصرفاتك
ترى ما ينقص من قدرك



وياحريم ترى النعمة زوااااااالة

والرجال الزين مثل الشيبة بالراس يعني اللي الله يرزقها

تحافظ على النعمة وتشكر ربها



والله ييسر لك امورك

 

[الاميرة2009]

أنا مع أختي بنت السحاب.
الله يوفقك للصواب.

 

[نديمة الشذا]

اقولك شي

ادفعي اللي وراك واللي قدامك علشان يرجع زوجك

لاتيأسي وحاربي حتي النهايه

الجنوبي يحب المساعده وحنون لذلك اشعريه انك بحاجه ماسه اليه
اشعريه بعجزك وانك ممكن تروحين فيها
قوليله انتي سندي بعد الله ومالي بها الدنيا غيرك
صدقيني راح يحزن عليك ويمكن يرجعك شفقه عليك مهو مشكله بعدين تتفاهمون المهم يرجعك

وراح يرجعك باذن الله تعالي

انتي تفائلي ووكلي امرك للملك الجبار

وفقك الله

 

[رعبوبي]

أمل الصالح..
مشكوووووره عالمتابعة.. وانا وقفت مسجات واتصالات ومحاولات الصلح من عقب ما طلق
لان خلاص أظن سوينا اللي علينا والباقي على ربنا.. الله يوفقج..


رووح أبوها
والله أنا بعد ما أشوف اني غلطت لما طرشت له هالمسج
تدرين من صارت السالفه وانا اطرش له مسجات وكلام اني انا الغلطانه فكل شي
حتى هو شايف جيه.. بس عقب ما عديت مرحلة الصدمه
أشوف أن غلطي ما يستاهل كل اللي سواه!!
صح كان يبالي شي يوعيني بس مو بهالطريقه..
شو من الاعذار اللي تخليه يطلع من بيته 5 ايام ما يدري عن حرمته وبنته ومخليهم
بدون ريال ومحد يدري عنا وهو عارف لان الاخبار كانت توصله من اخوه!!
انا فمدينه ما عندي فيها احد وما استعجلت أخبر اهلي عل وعسى تصغر السالفه!!
شو أقول!! الله يهديه بس..


اشرقي يا شمس
والله كل كلمة قلتيها صح مليووون فالميه.. كأنج تتكلمين عن ريلي!!
وقت الزعل مو بس يطنشون.. يعاملونج كأنج عدوة لهم وعلى فكره بسرعه ينسون العشره والمعروف
اونه يقول لي فالمحكمه انتي ما تسلمين على أمي فالاعراس!!
أقوله من زود ما اروح!! ولو ما سلمت يا اني ما شفتها ولا انها كانت بعييد عني..
يعني انا لو مسلمه عليها ف 10 أعراس وما سلمت فعرسين بينسى 10 ويمسك عالمرتين!!
وبعد يقول الاستشاري اذا رحتي مكان بعيد طرشي لريلج ففتره العدة لانج تعتبرين حرمته
يقول هي ما يهمها شوري!!
وانا والله العظيم ما طلع مكان الا وهو يدري.. لو اروح الحمام الله يعزكم أقوله!!
وانا اذا طلعت مع اهلي مو من بيتي.. لما اكون فبيت اهلي واطلع معاهم..
يا اني اكون متصله فيه وما رد ولا اني طلعت بسرعه واتصلت فيه فالدرب وهو عادي ما يكون زعلان ولا يهمه اصلا!!
المعنى من هذا كله.. ايام ما نكون متصالحين وتصير سوالف عاديه او حتى مزح وقت المشاكل يسويها جد!!
على قولتج ما يتكلمون بكلام ينحسب عليهم
انا بصراحه ما اشوفه ذكاء اجتماعي.. انا أشوفهم حقودين ما يتكلمون الا عقب ما يلقون الكلام اللي فالصميم
اما نحن الشماليات.. اللي فقلبنا على لسانا من يطلع يصير قلبنا صافي عليهم..
يمكن الغلط فأسلوبنا لاننا عصبيات وممكن نحط كلمتين تزعل ولا نرفع صوتنا..
شو نقول غير الله يهديه ويصلحه ويرده لي ردا جميلا


المحبه لربي الله..
والله وانا اكلم اخوه وحاسه بالذنب.. والحمدلله وقفت الحين
بس في شي يجبرني اكلم اخوه.. بعيد عن امه وخواته يعني الحريم بشكل عام
وهو ان الريال ما يطلع اسرارج ويسمعج بدون سب وصراخ وتجريح ويحاولون يهدون الموضوع..
ياخذون من كلامج المفيد والباقي ولا كأنهم سمعوا شي حتى لو كان يزعل..
عكس الحريم انا ما كلمت امه الا مرتين خلال هالفتره
بس منهم طلعت كل سوالفي واسراري وحطت فوقهم بهارات!!
تخيلي قولتني كلام انا ما قلته.. تقول للناس انا قلت ان خالتي مسوية لي سحر!!
والله يوم وصلني كلام قلبي عورني من الخاطر وصحت لاني حسيت بالظلم
ودعيت عليها بأن الله ينصرني عليهم فهم لجأوا للفتن والفضايح والمحاكم وانا لجأت لربي ولله الحمد..


ريما
هالكلام لج ولغيرج من اللي يهاجموني بأني السبب..
انا اعترفت بغلطي.. وتكلمت بس عن نفسي وما تكلمت عن سوالفه
عشان جيه انتم تشوفون اني غلطانه.. ليش ما هو يكون المسؤول عن اللي وصلت له..
الله يهديه ويهديني ويصلنا ويردنا لبعض..



نديمة شذا
انا سويت كل اللي قلتي.. مع ان اللي كانوا متابعين من ربيعاتي تفاصيل مشكلتي
قالوا اني نزلت نفسي وكرامتي من كثر ما اتأسف وأبرر..
بس انا اقول انا سويت اللي مفروض اسويه وخلصت اللي علي حتى ما بقى شي جديد اسويه..
الباقي الحين منه..
الله يسهل علينا ويهديه ويرده لي ردا جميلا..​

 

[رعبوبي]

اللي ما قلته.. ان انا بديت استانس من اللي صار.. سواء رديت لريلي او لاء..
لاني الحمدلله تقربت لربي وااااااااااايد

صح فالبدايه كنت أتقرب لربي عشان تنحل مشكلتي بس الحين الحمدلله صرت أصلي عشان نفسي وتقربا لربي طمعا فالاجر..
انا استغفر الله ما كنت أسوي شي لربي غير صلاة الفرض وأصليها كواجب ما تاخذ عني دقيقتين!!!

حتى بديت احس ان اللي صار لهالسبب.. لاني قريت حديث بما معناه ان الله ممكن يفرق بين الزوجين بذنب أذنبناه!!
وانا ريلي الله يهديه ما يصلي الا الجمعة واذا كان طالع مع واحد بيصلي صلى معاه مجاملة!!
كيف الله بيوفقنا ونحن جيه!!!

الحين الحمدلله..
صرت أصلي الفرض والسنن..
مداومة يوميا على قيام الليل..
وأصلي صلاة الحاجه كل ما حسيت ان ما عاد فيني صبر..
واستغفر ربي فكل وقت.. تقريبا 1000 مرة فاليوم..
بديت أقرى أذكار اليوم والدعاء الجامع..
يوميا اقرى قرآن تقريبا اخلص جزء ونص لجزئين فاليوم..
واتصدق قد ما اقدر..
احاول ما اقعد بدون وضوء..
وطبعا ادعي على طووول..
وانا الحين أصوم والحمدلله..

تصدقون علي صيام من أول سنوات البلوغ ما صمت!!!
ولو احسبها بتطلع قريب الشهر!! علي دين عند ربي وانا غافله!! استغفرك يارب واتوب اليك..
وان شاء الله ما أوقف صيام الا وانا مخلصه ومكفرة عنها بعد..

والقرآن سبحان الله صرت أشتاق لقرائته.. واليوم عقب صلاة قيام الليل..
قريت اللي قدرت عليه.. وعقب بديت أحسب تقريبا كم باقي لي واشوف متى ممكن اخلص..
يوم شفت ان ما باقي لي وااايد.. ما ادري شو ياني..
صياااااح عجيب ما قدرت أيود عمري ما ادري مستانسه ولا مستحيه من ربي..
معقوله عمري 24 سنه وعمري ما ختمت القرآن!!
اقول فوق كل هالتقصير الله كريم معاي.. وما يرد عباده خائبين..
سبحانك ربي اني كنت من الظالمين..

صرت أدعي .. يارب أعني على شكرك وذكرك وحسن عبادتك..
وان شاء الله.. على هالحال وأحسن يارب.. قولوا آمين..
هذا اللي الواحد يخاف ينحسد عليه مو زوج ومال وجمال!!

اللهم ثبتني على طاعتك..وأغفر لي ولجميع المسلمين والمسلمات
الاحياء منهم والاموات..​

 

[مشتاااقه]

الله يكون في عونك

اولا حاولي تفهمينه او اهله يفهمونه ان اهلك مستحيل يسحرونه وانهم مو من هذي النوعيه
ويتقي الله ولا يظلمكم

بعدها خليه على راحته لمن يهدى وترتاح نفسيته

لمن يرتاح وتحسينه صار احسن ابدي بالرسايل الشوق والدعويه
خلك في تواصل مع احد من اهله عشان يوصل لك حالته النفسيه
واستمري في الدعاء والصلاه
والله يوفقك انشاء الله

 

[اشرقي يا شمس]

سبحان الله، شفتي مع ان كنتي كارهة الطلاق كان لك فيه خير كثيييير، و اهم شي في هالدنيا الفانية حب الله و التقرب اليه، تقربي اليه و انسي هالدنيا و اعتزي بصلاتك و قراءتك لكتاب الله الكريم، صدقيني توصلين لمرحلة ان حب الله يطغي على حب زوجك في قلبك، و درجات الايمان تعلى في قلبك.. ساعتها الدنيا هي اللي تركض وراك.. و ساعتها راح يكون دعاك مستجاب و ساعتها زوجك هو اللي يتمنى رضاك.. لاتنسين امر الله ( كن فيكون) .. هو اللي بلاج عشان تتقربين له، لاتجزعين و كوني قد الاختباااار...

 

[همـــس الروووح]

الحمدلله على رجوعك مو لريلج لا رجوعك لرب العلمين
وعقبال رجوعك لريلج يااااااااااارب

اختي عليك صيام واطعام مسكين عن كل يوم فطرتيه هذه كفارة تاجيلك لصوم بعد رمضان الى ان مضى رمضان وانتى رمضان ولم تصميه

ربي يفرحك بهدايتك وهدايت زوجك

 

[رعبوبي]

مشتاااقه
اللي ما خاف ربه وقال ان نحن مسوين له سحر.. انا ام بنته وعارفني عدل!!
بيقتنع بهالكلمتين..

تخيلي يوم كلمت امه.. تقول لي السالفه وكأنها شايفه كل شي
تقول رحتي انتي وامج عن طريق خالتك وحطيتي له فالاكل.. قلت لو مسويه كان خاتم فصبعي
تقول بس الله فوق وقلب السالفه عليكم!!!! قلت الله واكبر خافوا ربكم!!
والله من قلبي قلت حسبي الله ونعم الوكيل فيهم.. الله ينتقم منهم ويحرق قلوبهم بأعز ما عندهم..



اشرقي يا شمس
الحمدلله لو لا ربي كان طار عقلي.. كنت مثل الخبله كل شي يخطر على بالي أسويه
تدرين مره فالليل قريب الفجر كنت متضايقه حدي واصيح ومحد يدري عني
ولجأت لربي وصليت ودعيت وقريت قرآن.. قلت الحمدلله على نعمة الاسلام..
لنا رب متى ما تضايقنا موجود ليجيب دعوة عباده..وسبحان الله تحسين براحه عجيبه تغنيج عن كل الناس..



همـــس الروووح
الحمدلله.. وترى بحثت وشفت انه لازم صيام وكفاره.. فقلت بصوم اللي علي واجمع كفارتهم مع بعض
وادفعها مره وحده.. الله يقدرني عالصيام وما أوقف الا وانا مخلصه..
اخاف يكون هالدين الحاجز بيني وبين استجابة ربي لدعواتي..



​

 

[حياتي لولي]

ياعمري والله اني حاسه فيك الله يرجعك ويرجعني لأزواجنا مرفوعين الراس وبكرامتنا بس اهم شي الدعاء بس الله يثبتنا على طاعة الله والقيام بالسنن والنوافل يارب ازواجنا يهتدون ويرجعون لربهم احس الي فينا كله تقصير مع الله وهدا جزانا والحمدلله ربي ينبهنا الله يهدينا ويهدي ازواجنا ويعمر بيوتنا على حب الله وطاعته امييييييييييين يارب

 

[السجينة]

الله يصبرك ويلين قلبه عليك يارب

 

[بدون جراح]

الله يعينك يا أختي ويفرج همك

بحكم ان زوجي جنوبي غربي بطرح عليك بعض الافكار بالرغم اني مقتنعه ان كل رجل له شخصيته

لا تسافرين ألحين أنتظري الى انتهاء شهر من عدتك

اذا ارسلتي له مسج تستاذنين منه (بعد شهر) خليها رساله لطيفه وتوضح لين كلماتك بدون تكلف

اذا وافق ابدئي بارسال الرسايل على فترات واذا تجاوب معك تعمقي فيها

في هالفتره لا تتواصلين مع زوجك باي شكل لا رسايل ولا اتصال ولا مرسول لا لمصروف او بنتك أو أي شي

اذا صار بينك أنتي وأهله اي اتصال خليك فرفووووشه زي اخوه مثلا اسألي عن حال امه وابوه واخواته
وعن ابو بنتك بعد بس بشكل عااادي

لازم تحسنين من طبايعك انا شماليه بس الحمدلله فرفوشه يعني لا تلزقون كثر الجديه فينا خرجي المدفون بنفسك

ونميه العبي ونطي واضحكي واستانسي خلي بينك وبين بنتك علاقه طفوله ووناسه الكلام كثير وانا طولت الحكي

وتأكدي اذا لكم نصيب ببعض راح ترجعون باذن الله فخلي املك بالله كبير وبما يكتبه لك ولا تحطين ببالك انه طلق

علشان يرجع يمكن لما تروح هيبة لحظة الطلاق مايرجع انا ماابغى احبطك بس ماابغاك تعلقين امال كثير

والله يكتب لك الخير