زوجي بيطلقني الاسبوع الياي!! ساعدوني..

  • بادئ الموضوع بادئ الموضوع رعبوبي
  • تاريخ البدء تاريخ البدء
الحالة
مغلق و غير مفتوح للمزيد من الردود.
بدون جراح
الحين ما في بينا اي اتصال
بس البارحه اخوه اتصل يبي رقم حسابي لان ريلي طالبه..
وانا طلبت يحط الجواز فالشقه..


مشتاقة لريلي
يعني غلطت لما طرشت المسج؟ احترررررت صرت ما اعرف شو اسوي!!
انا من صارت السالفه وقاعده احسسه كأنه ملاك وما يغلط
بالعكس كل الغلط حطيته علي.. حتى جدام الاستشاري وجدام امه..
واشوف ان هو بدا يكبر راسه.. والكلام اللي يوصلني كبيييير واااايد
طلع تفاصيل حياتنا حتى اللي مالها داعي.. اني انا اغار من بنات عمه لانه يقعد معاهم
واني اشك فتصرفاته وغيوووره..
بس ما قال اني لقيت تلفون وفيه ارقام حريم واتصلت عليه وطلعوا يعرفونه!!
يعني هو يعرف انا ليش اغار واشك فيه.. بس هو ما يبي من هالكلام الا يشوه صورتي!!
حسبي الله ونعم الوكييل فيهم
وبالنسبه لكلام امه.. هذا كلام قالته فويهي يوم اتصلت فيها.. عاد لو تسمعين اللي طلعته من وراي..
واذا عن المسج.. أشوف كلامج مقنع لو فسرها مثل ما قلتي..
بس انا احس بديت اعاف ريلي!! كل يوم يوصلني كلام أكبر عن اللي قبله..
والكلام اللي يوصلني صح صاير بينا.. بس وصلوها للناس بطريقه غلط..
انا اقول اذا هو ما فيه خير فبنته.. ولا حاول ينهي اللي بينا باحسان.. ويعاملني كأني عدوه له..
يحاول يدور أكثر كلام يطلعني بأسوء صوره عشان ينشرونه..
هذا وهو الريااال.. وانا والله قاعده فبيت اهلي وساكته.. اسمع واوكل امري لربي..
عاد شو بقى من الرجوله!!!
يعني فوق هذا كله اقوله سامحني!!!! ما اعرف احسها غلط ومالها معنى..
ولا شو رايكم؟ لو تشوفونها صح.. بطرشها يوم بروح العمره.. احسه أحسن وقت..



مشتااقة
تقولين امه؟ امه وابوه واهله وغصب يقنعون الناس ان السالفه صدق
ويحلفون المطوع قايل ودوني وين ما تبوون لان هو واثق من كلامه!!
عاد نحن نتريا نهاية السالفه.. برجع له ولا بيطلقني..
الله يكتب اللي فيه الخير..
وابوي قال لو ما رجعج.. بنرفع قضية عليهم على هالتهمه.. لانج بنت وهالكلام بيطالج لاخر عمرج..
خاصه انهم ما اتهموني انا بس الا دخلوا اهلي كلهم فالسالفه..
عشان يعرفون ان الله حق..




واشكر البنات كلهم على الدعاوي خاصه نواره ما قصرتي.. والحمدلله احاول وبقوه اجاهد نفسي لان الشيطان موجود..
وبالنسبه للعمره الجواز سالفته سالفه!! وشكلي بروح من عقب اول دورة تيني
يعني بعد اسبوعين تقريبا..​
 
الله يعينك مالك الا رب العالمين هو القادر المقتدر
بعدي غلط تحطين كل العيب فيك مع اهل الصلح ك>ا انتي تن>لين وماتستفيدين وتضرين نفسك
اعملي زيه صدقيني انامجربه ا>ا تنازلتي وسكتي ماراح يصلح حالك
 
حبيبتي انتي الحين لاتضايقين نفسج ولاتفكرين في الي قالوه اهم شي انتي عارفه نفسج وواثقه واهلج يعرفونج
لاتسمعين كلامهم وفوضي امرج لله ربج اح ينصرج باذنه الحين انتي لا اطرشين مسجات خلنا نشوف الوضع لين قبل السفر والله يكون بالعون
 
استخيرى
اذا لج نصيب فيه ورجعتج لج فيها خيره باذن الله بترجعبن
بعدين الله يهداج انتى حيل رخصتى الطلاق بالنسبه له من كثر مايسمعها صار سهل يسويها
يعنى الله يهداج اللى ريلها راعى خمر وزنا وخيانات وفى عيوب الدنيا ماتطلب الطلاق وانتى اللى ماعندج مشكله كل شوى طالبه الطلاق
يالله يمكن درس لج بس انه صعب شوى وقوى
بس هالله هالله بالدعاء صدقينى يسوى فعايله
((((مع انى حاسه انج بترجعين)))


سوى للقسوه عليج بس هذى الصراحه​
 
شهربان
صح وانا ندمانه الحين اني ما تكلمت عن عيوبه..
بس قلت اشوي للاستشاري فالجلسه الثانيه..


نواره99
انا هذا اللي سويته الحين.. بس غصب اتضايق..
الانسان اللي عشت معاه 4 سنين وكنت اقول اني فاهمتنه.. طلع شخص ثاني



كويتيه كيووت
صح وهذا اللي ادعي ربي يغفر لي ويسامحني لانه بعد حرام
سبحان الله.. الله ما حرم شي الا وله حكمة.. استغفرك يارب واتوب اليك..




وانا بتريا هالفتره لين ما تنزل أول دورة.. ويكلمه الاستشاري..
وأشوف شو بيكون قرر.. وبعد لان الشهر الياي بينتهي عقد ايجار الشقه..
فكل شي بيبين من الشهر الياي ان شاء الله..



الله يكتب اللي فيه الخير..سبحانك ربي اني كنت من الظالمين..
​
 
نواره99 قال:
هلا حبيبتي
مفعله انا رسايل الزوار
غريبه مايصير حاولي مره ثانيه وان شاء الله خير:showoff:
أنقر للتوسيع...

نواره99

والله العظيم حاولت الين زهقت

لكن هذا ايميل ما استخدمه كثير ( استخدمه للاعلان )

[email protected]

ارسليلي عليه رسالة وارد عليك بموضوعي

وان شاء الله مايجيك مني الا كل خير

شكرا على الاهتمام
 
قلبي اخاف اصدمج بكلامي
بس قصتج نفس الي استوي لي مع زوجي الاول
الا ارسل لي ورقتي مع ربيعه
وبعدها تزوج بنت عندها ملف بالشرطه مليان قضايا دعاره والعياذ بالله
لاتعلقين امال وايد برجوعه
دامه تكلم عنج غسلي ايديج
خااااااااااااايفه عليج من الصدمه والله
لان سواته مب سوات حد يبا يستمر
ولا تتركين بنتج وياه بروحها لابد حد من اهلج معاها
مايندري شنو بيسوي فيج
لا عاد تحسبيه حبيب
ولا عاد تحترمين سيرته
دام تكلم فيج عاد شوفي اقرب حد يوصل له
قولي له اشين شئ يسويه
لاجل لو سويتي كذا بعد زواجه يقولون من القهر
اتكلم لج عن تجربه
دامه مافارق بالمعروف يبا ينتقم منج وحاقد عليج
اخاف يسوي فيج شئ كايد
لاتامنين له ماعاد زوجج ولا ترسلين له
راح يحتقرك زود
لو تبينه يرجع ابدعي
واكيد برجعج بعد يكمل انتقام ومافي شئ راح يقهرج غير الزوجه الثانيه
يعني بترجعين له مع ضره
مع الزمن راح تلاقين كلامي كله صح اعرفهم زين وقت مايقدرون العشره بشنو يفكرون
 
اقصد ابعدي
لابارك الله في خاصية عدم تعديل المشاركات
 
ح ـزن
انا احس خلاص نفسي عافته.. بس لو بيرجعني يمكن ارجع له عشان بنتي
صح مب قاصرنها شي فبيت اهلي.. حتى ابوي صاير لها مثل أبوها واحسن بعد..
الله يطول لي بعمره.. بس ما أبى أكون فيوم من الايام مسؤوله عن حرمانها من أبوها.

وانا صح كنت ميته برد له وبدون شرووط..
بس الحين ما برد الا بشروط واوله الشغل.. عشان اضمن مستقبلي..
وبعدين اذا هو يبي يشوه سمعتي عشان يحصل له حجه للطلاق او يبيض ويهه جدام الناس..
تراني مجهزة له مفاجأه مستحيل تخطر على بالهم.. بيروحون فيها وهم بنفسهم عطوني الادلة..

انا ما أبى اسبق الامور.. وما أبى أقدم ظن السوء..
وكل شي فوقته بيبين.. بصبر عليه شهر فهالفتره بيكون الاستشاري رد كلمه
وبيكون عقد ايجار الشقه بينتهي.. اذا جدد يعني بيرجع واذا لا يعني ما بيرجع..
وقتها ما بتريا العدة تنتهي.. بجهز أوراقي عشان أخذ حقي منهم..​
 
ياعمري عليج والله متابعه قصتك من البدايه عسى ربي يختم النهايه بخير بس انتي خلاااااص حاولي تشغلين نفسك عن الموضوع ولا تفكرين كثير عشان صحتك والزمي الدعاء والله يقدرلك اللي فيه الصلاح اللهم امييييييييييين وطمنينا عن اي تطورات تصير وربك كريييييييييييييم
 
يعني فوق هذا كله اقوله سامحني!!!! ما اعرف احسها غلط ومالها معنى..
ولا شو رايكم؟ لو تشوفونها صح.. بطرشها يوم بروح العمره.. احسه أحسن وقت..
أنقر للتوسيع...


وشو تعتذرين او يسامحك له انت ماغلطتي عليه لو تعتذرين معناها تاكدين كلااااامهم
يا قلبي لاتطلبين السماح ولاشي دامك ماغلطتي
ادعي ربك يفرجها عليك بس
 
رعبوبي قال:
بدون جراح

الحين ما في بينا اي اتصال
بس البارحه اخوه اتصل يبي رقم حسابي لان ريلي طالبه..
وانا طلبت يحط الجواز فالشقه..​


مشتاقة لريلي
يعني غلطت لما طرشت المسج؟ احترررررت صرت ما اعرف شو اسوي!!
انا من صارت السالفه وقاعده احسسه كأنه ملاك وما يغلط
بالعكس كل الغلط حطيته علي.. حتى جدام الاستشاري وجدام امه..
واشوف ان هو بدا يكبر راسه.. والكلام اللي يوصلني كبيييير واااايد
طلع تفاصيل حياتنا حتى اللي مالها داعي.. اني انا اغار من بنات عمه لانه يقعد معاهم
واني اشك فتصرفاته وغيوووره..
بس ما قال اني لقيت تلفون وفيه ارقام حريم واتصلت عليه وطلعوا يعرفونه!!
يعني هو يعرف انا ليش اغار واشك فيه.. بس هو ما يبي من هالكلام الا يشوه صورتي!!
حسبي الله ونعم الوكييل فيهم
وبالنسبه لكلام امه.. هذا كلام قالته فويهي يوم اتصلت فيها.. عاد لو تسمعين اللي طلعته من وراي..
واذا عن المسج.. أشوف كلامج مقنع لو فسرها مثل ما قلتي..
بس انا احس بديت اعاف ريلي!! كل يوم يوصلني كلام أكبر عن اللي قبله..
والكلام اللي يوصلني صح صاير بينا.. بس وصلوها للناس بطريقه غلط..
انا اقول اذا هو ما فيه خير فبنته.. ولا حاول ينهي اللي بينا باحسان.. ويعاملني كأني عدوه له..
يحاول يدور أكثر كلام يطلعني بأسوء صوره عشان ينشرونه..
هذا وهو الريااال.. وانا والله قاعده فبيت اهلي وساكته.. اسمع واوكل امري لربي..
عاد شو بقى من الرجوله!!!
يعني فوق هذا كله اقوله سامحني!!!! ما اعرف احسها غلط ومالها معنى..
ولا شو رايكم؟ لو تشوفونها صح.. بطرشها يوم بروح العمره.. احسه أحسن وقت..​



مشتااقة
تقولين امه؟ امه وابوه واهله وغصب يقنعون الناس ان السالفه صدق
ويحلفون المطوع قايل ودوني وين ما تبوون لان هو واثق من كلامه!!
عاد نحن نتريا نهاية السالفه.. برجع له ولا بيطلقني..
الله يكتب اللي فيه الخير..
وابوي قال لو ما رجعج.. بنرفع قضية عليهم على هالتهمه.. لانج بنت وهالكلام بيطالج لاخر عمرج..
خاصه انهم ما اتهموني انا بس الا دخلوا اهلي كلهم فالسالفه..
عشان يعرفون ان الله حق..​




واشكر البنات كلهم على الدعاوي خاصه نواره ما قصرتي.. والحمدلله احاول وبقوه اجاهد نفسي لان الشيطان موجود..
وبالنسبه للعمره الجواز سالفته سالفه!! وشكلي بروح من عقب اول دورة تيني

يعني بعد اسبوعين تقريبا..​
أنقر للتوسيع...

حبيبتي قريت موضوعج من الالف الى الياء وخلااااااااص نهائيا ماكو مسجات خيولي دام قعد يطلع بعيوبج وانتي غلطانه بينتي نفسج الجانيه من زود حبج لناكر العشرة هذا اسمعي وافرضي لو الحين بيردج والله ماله امان وبتندمين قد شعر راسج انج رجعتيله وبتحسين انج مذلوله وبتصيرين عصبيه اكثر يعني اذا كنتي اول تعصبين عالطالعه والنازله الحين من عذرج وبتقولين سويت وسويت فيني ومن هالكلام احمدي ربج اهلج مو مقصرين معاج وعيشي حياتج ياحبيبتي بعيد عنه وارتاحي وراح يجي زي ال .. وحزتها بس تملين شروطج وتكونين عزيزة نفس واذا احد دق من اهله لا تردين بتاتا وانسيييييييييييييه بالمره هذا هو الحل لين اهو اللي يجي وروحي العمرة واي مكان وخليه يولي هالحقود اسمعي مني خلاص عيشي حياتك لانك اذا انذليتي اكثر راح تكرهين نفسك وتكرهينه خلج مع الله مع الله والله لا يرضا بالذل بتاتا ولا ضرر ولاضرار سويتي اللي عليك واهو طلقك بكل قسوة اتركيه من تفكيرج واستانسي وفرفشي الله يشرح صدرج..

انا متااااااااااااااااااابعه ومابسمع منج ذل وضعف بل بالعكس خلج قويه تربحين ومن عز نفسه وجدها

تحياتي ياحياتي
 
جراده شياكه
المحترمه
سندريلا زوجي
الجودي


مشتاااقه
لا ما بعتذر بس اهانات وذل.. صح فالبداية كنت غلطانه..
بس الحين غلطي صار تافهه جدام اللي سوه لي..
انا لو شو ما سويت فكان فبيتي يعني ما طلع من الـ 4 جدران..
حسبي الله ونعم الوكيل فيهم..


إحــساس*
أول شي بشكر كل البنات وادعي لكم من قلبي الله يوفقكم فحياتكم..
ناس غريبين عني بس أحس قلبكم علي..

وصح كلامج فكل كلمة قلتيها.. عمررري ما شفت حقوووووود مثله..
يتذكر بس سيئاتي ومن أول يوم ملجنا فييه.. من صارت السالفه ما قال كلمه زينه عني!!
البارحه مريت وخذت جوازي من الشقه وكان حاط مصروفي المعتاد
مع ان المفروض يزيدهم لان حق بنتي بعد.. بس يالله ما نبي نسوي سالفه عالفلووس من الحين..
واصبري علي.. ببرد حرتي فيهم من عقب ما اعرف شو بيصير فالجلسه اليايه مع الاستشاري
والله مب حقد ولا انتقام.. بس الله ما شرع قوانين الا عشان ناخذ حقنا من هالاشكال..

ناس ما تعرف الدنيا الا عشان الفلوس والشغل على بالهم استغفر الله بيودونها للقبر!!
ناس ما تعرف الا عيالها وبس..
لو أقول ولو أتكلم فاللي يوصلني من الكلام والله سوالف تافهه مسوين عليها سالفه كبيره وكلها ظلم..
مثال تقول لما نروح بيتهم انا اقعد فالمطبخ ساعه عشان ما أقعد معاهم!!!
وانا لو قعدت فالمطبخ يعني أكيد أسويلكم شي!! ولا شو بيقعدني فمطبخ متر فمتر!!
بنتي كانت تمرض ويدرون من ولدهم ولا عمرهم فكروا يتصلون فيني شو أخبارها.. او حتى يمرون 5 دقايق عليها
وبيتهم 10 دقايق من بيتنا..
بس لو ولدهم يكون تعبان على طول اييون لو الساعه 1 بالليل..
يعني هذا ولدهم ونحن نتم غرب عنهم!!

يعني تفاصيل سخيفه ناشرينها بين الناس.. تقولين ما صدقوا تصير عندهم سالفه يتكلمون فيها عند الناس!!​
 
اللهم اجعله يصب عليها الحب صبا صبا
ربنا يرزقه حبك
اكثري من الاستغفار
وقيام الليل
والدعاء
ربنا يجمع شملكم
 
الحالة
مغلق و غير مفتوح للمزيد من الردود.
عودة
أعلى أسفل