زوجي بيطلقني الاسبوع الياي!! ساعدوني..

  • بادئ الموضوع بادئ الموضوع رعبوبي
  • تاريخ البدء تاريخ البدء
الحالة
مغلق و غير مفتوح للمزيد من الردود.
عسى الله يهدي زوجك ويجمعكم ببعض
 
يعني متى بتتغيرين الله يهديك لمن تطلقين لمن يطيح الفاس بالراس
وتعترفين بعد انك غلطانة وهذا جيد عشان تصلحين الغلط
اذا عندك فراغ مو حلة انك تخربين بيتك شغلى نفسك نمو مواهبك هواياتك تطوعي في اعمال خيرية
بصراحه هالمشاركه استفزتني
 
الله يرجعكم لبعضكم ويوفقكم يااارب عليكــ اختي بالاكثااااااااااااااااار

من الدعاااااااااااااااااء هوالسلاح الوحيد وقيام اخر الليل
 
الله يسمع منكم ويرد لي ريلي ردا جميلا..
الله يهديه ويصلح بينا يارب

لو اطرش له الحين مسجات اذكره باللي بينا؟
ولا تو الناس؟​
 
رعبوبي قال:
الله يسمع منكم ويرد لي ريلي ردا جميلا..

الله يهديه ويصلح بينا يارب​

لو اطرش له الحين مسجات اذكره باللي بينا؟

ولا تو الناس؟​
أنقر للتوسيع...
هلا اختي
اذا هو ماطرش مسج لااطرشين انتي
لانج قبل طرشتي مسج واايد يجرح وماكان له داعي بس الله يهديج
اذا هو طرش مسج قوليله ماكنتي تقصدين انج اطرشين ذاك المسج وتقولين له الكلام بس كنتي متضايقه ومنقهره
حاولي تكسبينه انتي بذاك المسج تبعدينه وتخلينه يقول هذي ماراح تتغير وشكلها للحين هي هي
الحين فرصتج تعرفين ايش يحب واشلون تتصرفين معاه ع حسب شخصيته حاولي تتغيرين وتكونين ناعمه في كلامج وتبتعدين عن العصبيه
وكثري من الدعااء ان ربي يحنن قلبج عليه ويحنن قلبه عليج وربي يوفقكم
 
يمكن خيره انتهاء حياتكم ومحد يدرى وين الخيره فيه دامكم من الاول مختلفين كثير اظن ان الى يصير نتيجه حتميه لكل شىء........ الله يعوضك خير وتفائلى القادم اجمل أنشاء الله
 
هو مستحييييل يطرش الا بمعجزه من رب العالمين..
الله يحنن قلبه علي..
اصلا انا ابى اطرش له بس عالاسبوع الياي.. ابى اقوله يحط لي الجواز فالشقه عشان امر أخذه
قلت من عقب هالمسج ابدى مسجات التذكيير.. شو رايج؟


احلام المستحيل
ادعي الله يرده لي ان شاء الله مدام ان بعدني فالعدة..
على قولة الاستشاري مرات الطلقه الاولى والثانيه تكون علاجيه او اصلاح..
حتى الرسول صلى الله عليه وسلم طلق احدى زوجاته طلقه واحده كتأديب..
هذا من كلام الاستشاري..


​
 
غاليتي الزمي الاستغفار قد ماتقدري والله ليجيك ويعتذر والله يرضيك اكثر من ماتحلمين

وعليك بالصدقه بنيت الاصلاح

صدقيني بتشوفي الفرج

الله يريح قلبك
 
آآآه يا رعبوب يا ليتك مشاورة الاخوات
في الرسالة قبل ما ترسلينها
لكن .. ليت ما عمرها عمرت بيت
الله يهديك ..
بس حبيبتي اللي راح ما يتندم عليه
ولو تتذكرين كلامي قبل
كنت متوقعة انو يطلقك
لكن هي باذن الله طلقة وحدة
وباذن الله ترجعين له
فقط ( للتأديب ) منه لك
مثل ما قالك الاستشاري
الله يهديكم ويصلح ما بينكم
 
رعبوبي قال:
هو مستحييييل يطرش الا بمعجزه من رب العالمين..

الله يحنن قلبه علي..
اصلا انا ابى اطرش له بس عالاسبوع الياي.. ابى اقوله يحط لي الجواز فالشقه عشان امر أخذه
قلت من عقب هالمسج ابدى مسجات التذكيير.. شو رايج؟​


احلام المستحيل
ادعي الله يرده لي ان شاء الله مدام ان بعدني فالعدة..
على قولة الاستشاري مرات الطلقه الاولى والثانيه تكون علاجيه او اصلاح..
حتى الرسول صلى الله عليه وسلم طلق احدى زوجاته طلقه واحده كتأديب..
هذا من كلام الاستشاري..​
أنقر للتوسيع...

لاحول ولاقوة الا بالله

والله ضاق صدري يوم قرأت خبر الطلاق

لا ترسلين له ولا شئ .... خليه براحته

الجنوبي يكره الملاحقة .... اذا لاحقتيه يصير زي الثلج

لاتنتظرين الان منه رسالة ... لان الهدف من طلاقك هو التأديب .. فهو يظن انه بدري على الرسالة

واضيفي لذلك ان العدة ثلاث حيضات .... يعني بدري كمان على انتهاءها

حاولي تركزين على نفسك في هالفترة وتتجاوزين صدمة الطلاق عشان لو كتب الله ورجعتوا ترجعون على اسس صحيحة .

صدقيني مسجاتك هالحين مالها اي قيمة في موضوعكم .

هذا رايي ......واذا حابه بعد شهر او شهر ونصف تدخلين اخوه يكلمه بدون مايدري انك وراء الموضوع يكون افضل .
 
أكثري من الاستغفار وكثرة الدعاء عند السجود ولا تنسي دعاء ( لا إله إلا أنت سبحانك إني كنت من الظالمين ) .. والله يفرج همك
 
الحمدلله انا مداومة عالاستغفار والقرآن وقيام الليل
اللي أحس بدونهم ما كنت بقدر اصبر..

وانا من يوم اللي رديت فيه من المحكمه اخر مره ما طرشت له ولا اتصلت فأخوه
بس اخوه اتصل فيني يوم تم الطلاق..

ومن يومين اتصل فيني اخوه وقال كلام ماله معنى!! يعني ما عرفت اصلا القصد من اتصاله
أول شي قعد يسألني عن دفتر تطعيم بنتي اللي كنت طالبه من ريلي بمسح يوم كان ياي يمر على بنته وما ياب..
المهم ما سويت له سالفه.. ولا سألته عن ريلي.. بس قلت له أبى جوازي
وقال انهم يمكن يمرون على بنتي بس انا قلت له بستأذن من أبوي
لان نحن هو صار مسؤول عنا.. عقب غير كلامه وقال لالا مو اليوم..

المهم..
الجديد فالسالفه.. أحس طول فتره بعادنا وانقطاعه عن الاتصال والسؤال عن بنته
وكلامه فالمحكمه وحركته يوم مر على بنته ووقف بعيد عشان ما يشوفني وانه ما فكر يعطي مصروف
وانه طلع كل اسرارنا وتكلم عن كل تفاصيلنا
كرهتني فيه!! أحس مالي خاطر أرد له!! او أبى أرد بس بردت من ناحية اني بغير أسلوبي معاه..
انا ما تكلمت عن طبيعه مشاكلنا ولو ترودون تقرون الموضوع بتشوفون أني طلعته ملاك وانا الغلطانه فكل شي
وقتها كنت بعدني فمرحلة الصدمة..

والحين أفكر.. انا من قبل ما كنت أحس بالامان والاستقرار معاه..
كيف بيكون شعوري الحين؟ على كل طلعه بقعد احاتي بيرجع ولا ما بيرجع؟
على كل مشكله بفكر بيبيعني؟ بيفضحني بين الناس؟

انا لو شو ما كنت أسوي كانت مشاكلي وسوالفي فبيتي وجدامه بس
بس هو ما قصر وقال لاهله.. واهله حسبي الله ونعم الوكيل فيهم
ما خلوا تفاصيل ما خبروا للناس وانا اللي ما خبرت حتى اهلي فالبيت

وان شاء الله اذا الله قدر وردني.. كيف بجابله؟ وكيف بجابل اهله؟
مو متفشله منهم.. بس كيف تجابلين ناس فشلوج جدام الله وخلقه؟ كيف اكلمهم ولا كأنهم مسوين شي؟

الله كريييم..
ما أقول الا الله يرد لي ريلي ردا جميلا وأرد لبيتي معززه مكرمه..
والله يأخذ بثأري على من ظلمني.. ويارب انهم تقووا علي بقوتهم فأرني قوتك فيهم وأكفنيهم بما شئت
آميييين..​
 
حبيبتي ماعليج من كلام الناس اذا رجعتي باذن الله ماعليج الا نفسج وريلج وبنتج
ولاتسمعين كلامها ولاتعورين قلبج ولاكانج سامعه شي ابدي صفحه جديده لاتقولين لزوجج انت قلت وانا ماقلت وخلاص غيري اسلوبج معااه ولاتسالينه وايد وين رايح وين جاي حاولي اطنشين في بعض الاحيان يعني لاتصيرين لزقه
وعادي اذا رجعتو باذن الله خلج مع اهله زين وفووق الزين حبيهم اكثر احترميهم اكثر روحي لهم ودي لهم بين فتره وفتره سويت طبخه هديه حق ام زوجج حاولي تغيرين اسلوووبج حتى مع اهل زوجج حتى لو هم مو متقبلينج لان ماخذين فكره عنج انتي غيري هالفكره وخله ريلج يشوف التغير من جميع النواحي حتى اذا قالولج كلام سيء لاتردين عليهم وخلج دايما احسن لان بدايه الفتره راح تكون شوي حرجه ويمكن يعتبرها زوجج امتحان لج فانتي فكري انه امتحان ولازم تنجحين فيه اولا عشانج ثم عشان زوجج وعشان تغيرين نظرتهم فيج
نجي لزوجج اذا خوات زوجج قطو كلام او ام زوجج سوت حركه من غير قصد لاتصيرين حساسه واايد واحذرج تقولين لزوجج دايما اذكريهم بالخير لان الجنوبي مايرضى ع اهله حتى لو هم غلطانين وهاي عن تجربه اقولج
ويوم خلاص تبين تعصبين ومب قادره تتحملين اخذي نفسسسس واستغفري ربج عشر مرات والله عن تجربه اتبع هالاسلوب عشان مااغضب والاجانب معروفين اذا بيغضبون ويعصبون يعدون لين العشر ويروح الغضب احنا نستبدله بالاستغفار واهم شي قيام الليل والحين عندج فرص تقرين كتاب لاتحزن لعايض القرني راح تستفيدين وايد واقري كتب اشلون تتحكمين في الغضب واهتمي برشاقتج ولاعاد اطرشين مسج او تكلمين حد تغلي شوي وفكري في نفسج وبنتج وارتاحي
اعتبريها فتره نقاهه او ان زوجج مساافر واستانسي وطلعي ولاتفكرين ومدام ماتبين تساافرين مافي داعي اطرشين مسج وتسالين عن الجواز حاولي مااطرشي مسج وكثري من الصلاه والاستخاره والدعاء واذا تضايقتي احنا خواتج موجودين تقدرين تفضفين لنا وربي يوفقج:bye1:
 
مشكورين عالرد..
خاصه نوراه الله يوفقج ويسخر لج ريلج..

والله كلامج ريحني وحسيت انه اللي يصير لي طبيعي
وبعدين انا ما طرشت وخلاص ما بطرش وبديت على قولتج اتغلى
أو بالاصح بديت اتعود عالوضع.. وان شاء الله ببدى أهتم بعمري..
الحمدلله اهلي ما يتكلمون بالموضوع ولا يحنون ولا يزنون علي
حتى ابوي قال بندخل بنتج حضانه.. يباني أعيش حياتي عادي..
حتى أن بيت اهلي يديد ولي غرفه فيها بس مب جاهزه.. وبدينا نجهزها.. الله يطول بعمره

وبالنسبه للجواز بصراحه أفكر اسافر.. اروح العمره.. اذا الله كاتبه لي
وانا ما طلبت بس استغليت اتصال اخوه وقلت له بس عن الجواز.. وافكر اطرش له مسج أذكره يحط جوازي فالشقه
عشان أمر أخذه.. واذا بسافر عقب بطرش مسج لريلي لان الاستشاري قال واجب عليج لاني اعتبر زوجته للان..
يعني مسج مختصر بدون تفاصيل.. بقوله انا بسافر وبخلي بنتي عند اهلي.
وعقبها بغلق موبايلي..
شو رايج؟ تحسين وقته اسافر؟

​
 
الله يرده لك رغبآ نادمآ مشتاقآ عاجلآ ياربي غير اجل
والله يااختي ماتدرين اكيد هلامر فيه خير كثيييييييييييييييييييير لك
قريت كل الصفحات وكل ردودك
الامر ووقع وانتهى فالحين اتركيه بالراااحته
خليه يفكر اتوقع انه بعد مانفذ الي فراسه بيرجع
لان ضميره بيئنبه وبيندم حتى لو كنتي غلطانه في شي
هو بعد غلط وانتي سترتي عليه
الرساله الي كل البنات قالو كان ماارسلتيها
انا احسها في صالحك وراح توعيه على شي كان غافل او يتغافل عنه
مثل ماغلطتي هو غلط وخلاص انتي اعتذرتي وهو طلق
يعني كل واحد اخذ جزاه
اتركيه واحذري ترسلين له اي شي ولو احتجتي اي حاجه لاتكلمينه
خليه برااااحته
وراااح يراجع لك انا متفااائله وااثقه باذن الله بيرجع
لاتخافين اكثري من الدعاء والصددددددددقه لاتنسين
لاتردين اي ساائل يطلبك وباذن الله ربي مارح يرد لك سؤال
الله يسخر لك ويحنن قلبه عليك يارب
 
يا اختي ساعات احس بالفعل ان الجنوبيين يقهرون الواحد يوم يطلعون اسرار البيت بره و يحاولون دايما يحملون زوجاتهم مسئولية اغلاطهم، انتي اللي خلتيتيني اتصرف جذي، و انتي و انتي، دوم يحاول يبرر نفسه عشان يترك بصمة طيبة عند الناس... ساعات بالفعل احس ان الرجل الجنوبي ظالم مع ان طيب و حنون و مايخلي عليج قاصر بس صراحة شخصيتهم وقت الزعل تقهر الواحد في طناشهم و احتقارهم للشخص... والله مالومك.. انا كانت عندي مشاكل جذي مع زوجي.. مع ان كان دايما يقولي ان الواحد لازم يتكلم في ايجابيات زوجته عند اهله خصوصا لان انا كنت اختياره هو.. بس مادري مرة و هو زعلان قلت له ماحب احد يدخل في حياتنا الشخصية لان انا عمري مادخلت اهلي بمشاكلي الشخصية قال لي : انا حتى لو قلت لهم عادي هم اهلي.. و عنده خواته مسااااكين ..مع ان في البدايات كان يقول لي المرأة ما لازم تطلع مشاكل بيتها لاهلها.. بس عليه هو مايحب يطبق.. والله اعلم مادري لو كان يقول حق اهله عن المشاكل او لا؟
هم عندهم صراحة ذكاء اجتماعي، عمرهم مايتكلمون بكلام ينحسب ضدهم بعدين.. دايما يفكرون قبل لايتكلمون مو مثلنا احنا الشماليات نتكلم من غير مانحاسب لكلامنا..

الله يعينك و الزمي ذكر الله، هو بس اللي قادر ياخذ حقك منهم.. مهما غلطتي لكن اعتذرتي و ماله عذر بعد..
 
الحالة
مغلق و غير مفتوح للمزيد من الردود.
عودة
أعلى أسفل