رشيقات المستقبل ــــــــــ > الفريق الاول

[أم سعداوي]

معليش سامحوني على التنسيق حاولت اخلي الكتابة بالنصف ماقدرت الكمبيوتر معاند ألا يلزق بالزاوية شكلة مستحي​

:e088: ههههههههههههههههههه

 

[ياسمين محمد]

السلام عليكم ...
شخباركم بلقيسيات *,*
تو من شوي فطرت لاني صايمه
و نمت العصر وتوني من شوي صاحية
وبصراااحه خبصت شوي
راح امشي بعد شوي وبعدها اشرب شاي اخضر

 

[أم سعداوي]

وعليج السلام ياسمين

تقبل الله صيامك

بالنسبة عن الفريق شكلهم نايمين ولا متواجدين بالمطبخ
هههههههههههههههه

 

[جوجولانا]

ام سعداوي حبيتي قولي لنا شنو المكونات عيزانه ادور:bleh:
نور الدنيا بعدك على الوعد باقي لنا15 كيلو؟ ان شاء الله خلال هالشهر انزل 5 كيلو:showoff:
ياسمين محمد تونا بادين وبديت تخبصين ياويلك منا:busted_red:
منور وينك لايكون طايحه تخبيص؟
بنات انتظروني باديه الرجيم وبقوه نصيحه احذروني يامتحديات:icon30:

 

[أم سعداوي]

نقلت لج الموضوع كامل عشان اذا في حد عيزان غير جوجو بعد يستفيد
الموضوع موجود بنفس القسم


مرحبااااااااااااااا عزيزاتي


ماراح اطول عليكم مثل ماطولت انا في تجاربي العديدة بكل انواع الرجيمات

وبعد هذة التجارب توصلت بعد البحث بالشوربات الحارقة الى الشوربة المناسبة لفصيلة دمي A واعتقد انها تفيد باقي الفصايل بس انا راح اركز على فصيلي دمي لأني اخبر ابها
مع اتباع رجيم خاص بهذة الفصيلة

انا ماراح اكتب الرجيم وللفائدة تابعو يومياتي برشيقات المستقبل بلقروب الأول
انا جربت الشوربة من يوم السبت والحمد لله نزلت خلال 6 ايام 2,6مع اتباع رجيم خاص وجربتها على بنتي من غير رجيم ونزلت من 400 الى 500 جرام باليوم ونحن الأثنين لم نعمل رياضة ولو عملنا رياضة المشى كان نزلنا اكثر

انا سميت الشوربة((( شوربة جوجو )))على اسم بنتي

الحين نأتي لمكونات الشوربة

الكل سمع عن الشوربة الحارقة ألى من مكوناتها الملفوف بس انا حذفتة لأنة غير مناسب لفصيلة الدم A


((( شوربة جوجو )))


المقادير :

1 ربطة كرفس كبيرة
4 كوسات
4 خرشوف
ربطة نعناع
ربطة بقدونس
نص ربطة سلق
2 كيس شوربة البصل الفرنسية

اختياري أضافة ( بروكلى أو زهرة) * ( الشبت بدل لسلق )

أذا مقدارك قليل ضيفي كيس واحد من الشوربة

ملاحظه: عدم اضافة البهارات أو الملح والاكتفاء بالموجود بالشوربة

أذا ماحصلتي الشوربة حطي 4 حبات بصل ومكعب ماجي والابهار ألي تحبينة مع اشوية ملح او القية احسن



الحين انجي للطريقة :-

تفرم جميع الخضروات وتوضع بلترين ونص ماء تقريباوتطبخ تقريباً ساعة او لحد مايطرى عندك الكرفس


لو اتلاحظون جميع مكونات الشوربة خضراء يعني غنية بالكلوروفيل اعملي بحث بالجوجل وشوفي فوايدة الى ما تنعد

وبعد ما تبرد تفرم بالخلاط

وبالهنا والشفاء

تشرب قبل الوجبة ( الغداء والعشاء ولو قدرتي قبل الفطور ) مع امكانية اضافة الليمون عند التقديم​

 

[أم سعداوي]

جوجو انتي كان وزنك 70 فأيش الى كان مش عاجبك بجسمك**

ابليز قوليلي لأن بالنسبة لى اذا وصلت لهذا الوزن ( 70 )

افكر اعتزل الرجيم
ههههههههههههههههه:c028:​

 

[&نور الدنيا&]

السلام عليكم جميعا شخباركم اللة يجوجو وصارة لك شوربة بعد اللة يعينا اية يقلبي 15 بعدها علا ماهي بس اليوم بادية بنشاط عسى اللة ايتمم فطور مافية الغداء سلطة و4 ملا عق رز والعشاء ربع خبزة وسلطة ومشيت تقريبا ساعة وعلا قولت ام سعداوي انا لو اوصل 60 اعتزل الرجيم مشاء اللة بعض البنات اوزانهم حلوة بس يمكن لهم اسباب اللة ايوفق الجميع ونصير اجمل رشيقات

 

[&نور الدنيا&]

ام سعداوي بقولك شى ايشجعك انا كان وزني 93 والحمد للة بعد الجهد والمثابرة وصلت 62 بس حملت او ولدت ورجعت علا ال80 بس كملت المشوار والحين ناوية علا ال60 انشاللة بتشجيعكم انا الحين جسمي حلو كلن يشوفني يعطيني اقل من وزني لاني طويلة طولي 165 بس انا احب الرشاقة منور وينك ما بينتي لايكون مستمرة بتخبيص يلة مستنينك

 

[منـــاار]

مرحبا حبوبات
كلكم تقولي اني طايحه تخبيص
لاكن انا قد التحدي
الصباح مافطرت كنت نايمه
الغداء تغديت العصر اربع ملاعق رز وسلطه وقطعة دجاج مسلوق
واكلت خياره المغرب
وبعد العشاء اكلت زبادي
ومشيت ساعه
وبعد شوي بسوي رياضات اخرى
على فكره لما شفت اليوم الرابح الاكبر
وشفت اجسامهم كيف احلوت بدون زوائد زاد حماسي كثير كثير
ويارب نوصل للمبتغى قريب جداً
اشوفكم على خير

 

[ياسمين محمد]

ياسمين محمد تونا بادين وبديت تخبصين ياويلك منا:busted_red:
:icon30:

هلا قلبي
والله كنت مرره جوعاااانه وجسمي مررره كان يرتجف:tears:
عشان كذ خبصت شوووي:bigsmile:

 

[جوجولانا]

جوجو انتي كان وزنك 70 فأيش الى كان مش عاجبك بجسمك**​

ابليز قوليلي لأن بالنسبة لى اذا وصلت لهذا الوزن ( 70 )​

افكر اعتزل الرجيم

ههههههههههههههههه:c028:​

عندي الارداف الله لايبلاك وديتهم اكثر من مطعم يسوون عليهم شاورما رفضوا قالوا مقاسهم جدا كبير خخخخخخ

 

[جوجولانا]

السلام عليكم جميعا شخباركم اللة يجوجو وصارة لك شوربة بعد اللة يعينا اية يقلبي 15 بعدها علا ماهي بس اليوم بادية بنشاط عسى اللة ايتمم فطور مافية الغداء سلطة و4 ملا عق رز والعشاء ربع خبزة وسلطة ومشيت تقريبا ساعة وعلا قولت ام سعداوي انا لو اوصل 60 اعتزل الرجيم مشاء اللة بعض البنات اوزانهم حلوة بس يمكن لهم اسباب اللة ايوفق الجميع ونصير اجمل رشيقات

يالله يانور شدي الهمه هذا الشهر لازم 5 كيلو باذن الله

 

[جوجولانا]

مرحبا حبوبات
كلكم تقولي اني طايحه تخبيص
لاكن انا قد التحدي
الصباح مافطرت كنت نايمه
الغداء تغديت العصر اربع ملاعق رز وسلطه وقطعة دجاج مسلوق
واكلت خياره المغرب
وبعد العشاء اكلت زبادي
ومشيت ساعه
وبعد شوي بسوي رياضات اخرى
على فكره لما شفت اليوم الرابح الاكبر
وشفت اجسامهم كيف احلوت بدون زوائد زاد حماسي كثير كثير
ويارب نوصل للمبتغى قريب جداً
اشوفكم على خير

هلا والله والله بنت رجال وقد التحدي وانا مثلك يوم شفت الرابح الاكبر وشفت الاوزان اللي خسروه خجلت من نفسي على الكيلوات اللي باقيه بس باذن الله قدها احنا وقدودو صح؟

 

[جوجولانا]

هلا قلبي
والله كنت مرره جوعاااانه وجسمي مررره كان يرتجف:tears:
عشان كذ خبصت شوووي:bigsmile:

هلا حبيبتي انتي شكلك مثلي اذا ماكلت سكريات يجيني رجفه واغماء عشان كذا افطري 3حبات تمر تغنيك اليوم كله عن السكريات وبالتوفيق يالغاليه

 

[نائله44]

هلا بناااات كيفكم وكيف النظام ؟؟
انا ان شاالله ابدا معاكم من يوم الثلاثاء وفيني حماس
لأن زوجي بدا يلمح انه متضايق مني وانتي سامنه ومدري ايش ؟
بناات ادعولي ربي يسهل علي وانحف الللي ابيه اخاف زوجي يشوفله شوفه تعرفون الرجال
والعيون الزايغه<<<قالت قصه حياته هههههه
الوعد ان شالله يوم الثلاثاء وبتحدى الجميع

 

[*وردة*]

اسفه جدا على التاخير بسب انشغالي والان
راح ابدء معاكم وزني اليوم 81كيلو وراح انزل خلال هالاسبوع اثنين كيلو ويمكن ازيد
فطرت نص صامولي بجبنه وزعتر
والغداء 6ملاعق رز
واكلت 3تمرات
وراح امشي 50دقيقة بالاضافة للدرج راح يكون 20دقيقة طالعه نازله
فيه

 

[أم سعداوي]

وي جوجو طلعتي مو انتي ألى مثل طولي:harhar1:

هذي مناااااااااار معلش العتب على النظر مع ان اخدودي مش مقطية على عيوني بس مادري شسالفة:blush-anim-cl:


منااااار ابليز قطي اللقمة من يدج وقومي من سفرة الشحوم والحوم :essen:

وقوليلي

أيش ألي مش عاجبك بجسمك وانتي بهذا الطول
:a200:​

 

[أم سعداوي]

الله يسمع منك يا نور الدنيا واوصل لهدفي انا هذي المرة مصرة وانشالله اوصل للهدف
:a084::a084::a084::a084::a084:



انا رجيمي نباتي والشوربة ألي اشربها خضرة يعني اكلي كلة اخضر في اخضر


الله يستر وماانقلب المارد على نهاية الرجيم

 

[منـــاار]

وي جوجو طلعتي مو انتي ألى مثل طولي:harhar1:​

هذي مناااااااااار معلش العتب على النظر مع ان اخدودي مش مقطية على عيوني بس مادري شسالفة:blush-anim-cl:​

منااااار ابليز قطي اللقمة من يدج وقومي من سفرة الشحوم والحوم :essen:​

وقوليلي​

أيش ألي مش عاجبك بجسمك وانتي بهذا الطول​

:a200:​

هههههههههه
شوفي قلبي انا جسمي مو سمين مره لا حلو
بس انا حابه يكون مرررره سمبتيك بدون زوائد
عندي الارداف على شوية كريشه
هههههههه
وانا ودي تنمسح مررررررره :busted_red:
ارجع مثل زمان قبل كم سنه كنت نحيفه وبدون زوائد

ويارب اوصل للمطلوب
.....................
جوجي حبيبة قلبي اكيد انا قد التحدي
ونهاية الاسبوع نشوف من قد التحدي
الكلام للجميع
موفقات يارب:icon26:

 

[جوجولانا]

ام السعداوي اجل العتب على كبر السن ههههههههههههههههههههههه

منور اكيد انتي قدها وقدود
يومي كالتالي الفطور 3تمر
الغدا كوب رز وقطعه دجاج
العشا وحده شابوره وكوب حليب
الرياضه مشي ساعتين ونص
المشروبات لتر ونص ماء
وسلامتكم