الدرس التاسع والاخير
سلام اعرف اني تأخرت عليكم كثير بس سامحوني بدت الدراسه وكان عندي بحوث كثير وسلمت بعض منها وام صديقتي توفت امس بس اتمنى تدعون لها وماقدرت اني اخلف وعدي في اني انزل الدرس الاخير وفي نفس الوقت ماحبيت اني انزل الدرس خرابيط لاني نفسي تفهمون كل شي وطبعاً اي سؤال ابكون موجوده
درس اليوم هو الدرس الاخير اللي راح يجمعني فيكم .. واتمنى انه يكون خفيف على قلبكم مثل ماكنتوا خفيفين وحلوين على قلبي 
بسم الله نبدا
احنا وقفنا ان لازم اسوي بدائل لكل جزء والاجزاء هي الالبان والفواكه والخضروات في حاله هدى اخترت عدد البدائل انها تكون كذا
طبعا الالبان كانوا 2 عشان هدى تعتبر بالغه وعاده اذا كانت الوحده حامل نزيد وترضع بعد نزيد وفي حاله مرض الهشاشه برضو ممكن نزيد , واخيراً على حسب الرغبه نقدر نزيد يعني اذا هدى تحب مره الحليب نحط 3 او 4 تقريبا ً ولكن عاده ماياخذ هالعدد الا الحامل لانها تحتاج الكالسيوم والمرضع عموماً الفواكة والخضراوات انتي مو مقيده بعدد الى عدد 6 مافي اي مشاكل وممكن يكون اكثر على حسب الرغبه وبرضو اقل .. اهم شي انكم تاخذون منها اعتقد الى الآن كل شي سهل وبسيط مجرد تعبون الجدول اللي نسخته لكم بالسابق فاضي ولو تلاحظون اني كاتبه الكربوهيدات كم عددها والبروتين كم والدهون كم تحت كل وحده ايش طلع لي حتى السعرات
طبعاً نسيت اذكر لكم شي الحليب شوفوا يمكن انتو تحبون اللي قليل الدسم او منزوع بس عامه اللي توهم في عمرنا مو كويس انه منزوع مره ليش؟
لان اللي منزوع مافيه الفيتامينات الذائبة في الدهون وهي
وعشان محد يناساها فهي تتمثل في كلمه ( أ ك ي د = اكيد ) DEKA
وهي مهمه مثل الفيتاميات الذائبة في الماء (ب وفيه كثير ب مو واحد و ج ) عاده تكون في الفواكه والخضروات وفيه طبعا اماكن ثانيه وبضغطت زر في النت او اي كتاب تغذيه تقدرين تعرفين مصادرها
عموماً عشان مانطلع من الدرس اتوقع الجزء الاول مفهوم بس كيف نطلع النشويات والدهون واللحوم هي المهمه
عشان نطلع النشويات نروح الى كلمه كربوهيدات ونجمع العدد اللي طلع لنا في حالة الالبان والخضراوات والفواكة وكانت الاعداد على التوالي 24 , 30 , 75
نجمعهم عادي وبيكون النتاج 129 هالعدد اللي طلع لنا نطرح منه عدد الكربوهيدات اللي فوق وهي كانت 203.123
بعد عملية الطرح بيطلع لنا ناتج 74.123 وهالعدد اللي يطلع تقسمينه على 15 وبيكون الناتج 4.9 يعني تقريباً 5 وبكذا طلعنا عدد النشويات اللي مفروض تاكلينها ..
وعادي نسوي نفس الخطوات حقت الالبان والفواكه والخضروات نعبي الجدول برقم 5 في النشويات وبس وبكذا نكون خلصنا من النشويات
طبعاً 15 عدد مهم وهي عدد الكربوهيدات في النشويات عشان كذا قسمنا على هالعدد ..
طبعاً لماا نخلص هالخطوه معناها خلصنا حساباتنا في النشويات ونجمع الاعداد اللي طلعت لنا في الجدول وكانت 129 + العدد الجديد اللي بعد ضربنا 15 * 5 بيكون العدد 75
مجموعهم بيكون 204 وهالعدد قريب جداً من 203.123 فرق شي بسيط معناها حساباتك في الكربوهيدات مضبوطه
ولازم الفرق يكون بين ( +- 3الى4)<- عادي ناقص او + يعني
ولنفرض ان العدد طلع فرق كبير تعرفين ان عندك خطأ في اختيارك عدد البدائل يعني تغيرين عدد الفواكه او الخضراوت او الالبان الين مايضبط الرقم النشويات معك وبكذا تقدرين تنتقلين للخطوه اللي بعدها
والخطوه الثانيه كيف نطلع اللحوم ؟؟؟
نفس الخطوات بس بدال مانجمع الكربوهيدات نجمع البروتينات لان معروف اللحوم عباره عن بروتين
فلما نعد الارقام بيطلعون على التوالي 16 . 12 . 15 المجموع 43 نطرح من الاساسي 55.39 بيطلع الناتج 12.39 نقسمها على 7 لان عدد البروتينات في اللحوم 7 وهذا قانون بيطلع الناتج 1.77 يعني تقريباً 2 نحط في الجدول 2 ونبدا عادي مثل ماسوينا من قبل نضرب وخلاص اذا ضربنا وخلصنا نجمع 43 + 14 = 57 والفرق بسيط بين الاساسي 55.39 واللي طلع لنا معناها حسابتنا صح والفرق لازم يكون من (+- 2الى 3)
ولو طلع العدد كبير غيري من فوق بحيث يكون النشويات تتغير ومنها تتغير قيمه اللحوم وعاده ترا يطلع اللحوم 1 الى 2 مايكون اكثر من كذا بس ممكن يكون بس انا اتكلم عن الغالب
اوكي بكذا ايش نعتبر خلصنا اللحوم الحين نبي ننتقل للدهون عادي نفس الطريقه نسوي نجمع عدد الدهون اللي طلعت لنا من الاول للاخير ونطرحها من العدد الاصلي بس نقسمها على 5 وبيطلع لنا الناتج 5 ومعناها عدد البدائل للدهون هي 5 وبعد مانضرب في الجدول ونجمع كل شي وبيطلع مجموعهم 49 والعدد الاصلي كان 49.242 يعني تقريباً نفس الرقم والفرق بالفاصله ولازم الفرق يكون بين (+- 1الى 2)
وبكذا نصير طلعنا كل شي وقارنها بالاصل ويبقى الطاقه نجمعها كلها بعد مانخلص جمع العدد اللي بيطلع لنا من هدى بيكون 1480 وهو اصلاً كان 1477.264 يعني لازم الفرق يكون بين
(+- 30 الى40)
وبيكون كذا شكلها بالجدول
والشكل النهائي في الجدول بيكون كذا
طبعاً تاخذون عدد البدائل في الفواكه والخضار والالبان والنشويات والدهون واللحوم وبعدين تسوون منها الاكلات اللي تحبونها وطبعا كيف تسوون الاكلات االلي تحبونها حطيت لكم انا عينه في الدرس السابق كيف تطلعون الاكلات عن طريق عدد البدائل
يعني الحين تقسمون وجباتكم فطور غداء عشاء , وجبات خفيفه اذا تحبون
وتختارون وش تحطون بدائل من الاكلات الموجوده عندكم وبكذا يكون عندكم وجبة متكاملة لذيذه وماتنقص عناصركم وتنحفون ان شاء الله
بس اهم شي بنات لا تنسون الرياضه تراها اهم شي وتشيل الترهلات اللي ناتجه عن النحف وان شاء الله محد بيجيه ترهلات بس يابنات الرياضه مهمه لا تهملونها
مثلاً وحده منكم مشتهيه تاكل كاكاو او من براا تسوي لها بريك بين فتره والثانيه بس تعاقب نفسها من بكرا او من بعده من الحرمان او زياده الرياضه بكذا ماراح تسمن وماراح تحرم نفسها
الله يوفقكم ويسعدكم ويكون جسمكم مثل ماتحبون وادعوا لي :$
شكراً لكم وكنت مبسوطه مره وانا اعطي الدروس مع اني جداً اسفه على الاخير ماكنت بنفس حماس الاول واتمنى تعذروني
بالتوفيق جميعاً
فمان الله ..
محبتكم : رشا
:icon26:
... ادري انها مضره بس ارتاح نفسيا لمن آخذها ..