خواتي مطلقات المنتدى ساعدوني

[ذكريات الطفوله]

السلام عليكم ورحمة الله
خواتي الغاليات اختكم في الله ذكريات الطفوله في هم مايعلم فيه الا هو سبحانه
فياليت تحنون علي وتساعدوني ولو بدعوه صادقه بظهر الغيب
انا تطلقت من شهرين وعندي بنت وحده عمرها 3سنوات
انا قبل اتطلق من زوجي (الله يسامحه)
كنت عايشه عند اهلي فتره طويله
يعني بنتي متعوده على اهلي وهم يحبونها كثير والحمدلله

وابوها اساسا ماكان يهتم فيها ولايسأل عنها يعني يقعد بالاسابيع مايشوفها
انا تعودت على فكرة اني اكون مطلقه وعديت مرحلة الألم والبكاء والحنين
صحيح ماعدت بخير لكن ربي سهلها علي
المشكله يااخواتي الحين
قبل ساعه بالضبط صارت
كنت قاعده مع بنتي ابيها تنام قامت قالت لي كلام حسيته مثل السكين اللي حفرت في صدري
قالت لي بكل براءه:


ماما ليش مانروح بيتنا عند بابا؟؟
بيتنا اللي فوق بيت جدتي؟؟
وتشغلين لي توم وجيري وتروحين تنامين انتي وبابا بالغرفه؟؟

انا هنا يابنات دارت فيني الدنيا وماعرفت وش اقول لها
شهقت وسالت دموعي وبدون تفكير قلت لها:
بابا مسافر اذا جاء رحنا لبيتنا
مدري يابنات انا اللي قلته صح ولاخطا
اقسم بالله الحين اكتب لكم ودموعي تسبقني
احس بهم يخنقني
مالي غيركم يابنات انا مصدومه بالدنيا
مصدومه من زوجي اللي طلقني بدون سبب
طلقني لانه يحسني مثل اخته
طلقني لانه ماقدر يحبني
انا مصدومه
مخذوله
ومقهوره
عمري ماقصرت معاه بشي ولامع اهله
احس بالظلم
احس بالاهانه
جاني عند اهلي وقال ماابيك ماقدرت احبك
قالها قدام الناس
قدام اللي يحبوني واللي يكرهوني
ادعو لي تكفون مالي غيركم اشكي له
وقولو لي وشلون اعيش؟؟
شلون اعود بنتي على بعد ابوها؟
شلون اعوضها حنانه؟؟
قولو لي شلوووووووووووون اعيش؟؟؟؟:tears:

 

[نبع الحنين]

ياربيه والله ان عيوني دمعت ...... الله يكون في عونك على مصيبتك

اما بنتك الله يخليك لها وتعوضبنها عن ابوها .

(((يارب كن عونا لاختنا ذكريات الطفوله في محنتها واصلح بنتها اميـــــــــــــن يارب العالميـــــــــــــن )))

 

[sozeeta]

اعانك الله وفرج همك وعوضك خيرا

اختي رددي دائما :

اللهم اجرني في مصيبتي واخلف لي خيرا منها .

وايضا رددي :
ربي اني مسني الضر وانت ارحم الراحمين

 

[الجذابه]

الله يعوضك بكل خير انتي وبنتك ..قولي آآآآمين..

ولاتركزين وتفكرين كثير وتصيرين حساسه فكري بالاسوأ وتهون مصيبتك فكري لو اخذ بنتك وحرمها منك ...!!!

الله لايقوله انا ماابي اتشائم بوجهك بس خليك قويه .. وفكري بالافضل ولعها خيره لك يوم تركك ..

وابتسمي دام ربك يسمعك ويشوفك فإنت قويه بإذن الله بقربك منه..

صلي وادعي واقرأي قرآن..

وانا افضل انك تقولين لبنتك انا مااقدر اروح لاابوك اذا كبرت بتفهمين السبب .. وسهلي لها تواصلها معاه سواء بالاتصال اواحد من اهلك ياخذها له عشان تزوره وترتاح وترتاحين انتي بعد..

والله يهون عليك ويصبرك..

 

[om 7an!n]

ياقلبي والله ان عيوني دمعت الله يفرج همج ويرزقج باللي يعوضج انتي وبنتج

 

[شمعه مضيئة]

حبيبتي ..وغاليتي ذكريات الطفولة ...
كل مؤمن ومؤمنة ..مبتلى بهذه الدنيا ..وكل ما زاد الابتلاء دل حب الله لك ..فلا تحزني ولا تجعلي للشيطان طريق إلى إيمانك بالله وبقضاءه وقدره ..وما جرحك من كلمات طفلتك وأحزنك لا نلومك عليه ..ولكن أخيتي انظري لحياتك ..انظري للنعم التي انعم الله بها عليك
العافية ..السمع ..البصر ..العلم ..الأهل ...نعم لا تحصى ..عندما تنتابك مثل هذه الأمور استعيذي بالله من الشيطان الرجيم ...وغيري مكانك واحمدي الله ..فأنتي ما زلتي صغيرة ومرغوبة ..أن كان زوجك السابق لم يحبك فهناك الوف في هذا العالم يتمنونك زوجة وحبيبة ..وسيأتي نصيبك ان شاء الله أفضل وأجمل من سابقه وتفاءلي بالمستقبل بل وحددي مواصفاتك لزوج المستقبل ..ولا تضيعي ثانية في التفكير بزوجك السابق فلن يعود التفكير فيه ..عليك بأي فائدة غير الحزن زكره الذات ..انطلقي بحياتك ..احبي ذاتك اللتي لا تستحق ان تعذبيها بترديدك لرفض زوجك لك أمام الآخرين ..ولما لا يكون هو الخسران ..؟؟
الجأي إلى الله بالدعاء ان ينسيك السابق ويرزقك زوجا صالحا يعوضك بحياة سعيدة ..
عديني أخيتي أن تترفعي عن مشاعر الإحباط من أجل الآخرين واستبدليها بمشاعر الثقة بالنفس وانشطي بالبحث عن افكار لتطوير حياتك الى الأفضل مع طفلتك واحمدي الله انه لم ينتزعها منك ..واحمدي الله ان لديك وطفلة جميلة تسلي يومك ..
نصيحتي لا تلتفتي لكلام الأطفال ولا يؤلمك ..
ارضي الله ليرضى عنك اجعلي هذا هدفك ..دعواتي لك في هذه الجمعه المباركة ان يعوضك الله بزوج خير منه ويرزقك الذرية الصالحة
وستصبح كل آلامك مجرد ذكرى فلا تضيعي أيامك بالحزن والألم


​

 

[لمسة حنان2000]

الله يكون بعونك اختي

 

[مملكة الأحزان]

ياقلبي انتي انا مثلك بس انتي ارتحتي منه انا معاقة لاني في سما ولافي ارض ويبي ياخذ مني ولدي حسبي الله ونعم الوكيل

اختي لايضيق صدرك حاولي انك تفهمينها على شوي شوي اخ من الاطفال والله هم اللي يروحو ضحية لكن مااقول الا الله يفرج همك وهمي ويخليلك بنتك ويرزقك يارب امين

 

[موزة خلفان]

حبيبتي قدر الله وماشاء فعل
لا نعلم ما بداخل قلب زوجك لكن نعلم ما حل بك من جرح وكسر لكبريائك ومشاعرك
تحنين له صحيح ...........لكن لمتى ؟؟؟
خروجه من حياتك وبصورة غريبة وغير مبرره هو الواقع .......ومشاعرك مع الزمن ستغير
افهمي طفلتك ان والدها لم يعد موجودا في حياتكم المشتركه فهذا واقع ولا تداري الحقيقة عنها فهي يوما ما ستعرفها عاجلا غير اجل لكن دعيها تتصل به وتتواصل معه متى تيسر الامر
وادعي ربك ان يرزقك رجلا خير منه حيبك وتكونين قرة عين له

 

[نجمه وحيده]

ياحبيبتي الحمد لله الدنيا ماانتهت على الطلاق (فرب ضاله نافعه)يمكن حياتك عند اهلك خير لك من زوجك والحمدلله ان زوجك ماخذ بنتك منك ترى كثير من الرجال يسوون الحركه هذي فيه غيرك يتمنى يشوف عياله ومايقدر (انظروا الى من هو سفل منكم ولا تنظروا الى من هو فوقكم)والحمدلله بنتك قولي لها ان ابوك مسافر كلامك صحيح لين تكبر لما تكبر راح تعرف الحقيقه وخطا تخبرينها الحين والاتقلين ابعلمك بعدين لانها توها صغيره والحمدلله كثيير من المطلقات يعيشون حياه افضل من المتزوجات (اذكر اني قريت ان اكثر مراجعين العيادات النفسيه من النساء هم المتزوجات)لانها بعضهم تلاقي ضرب من الزوج-بعضهم ظلم منه واهمال -وبعضهم مشاكل مع الزوج واهلها0000الخ



والحمد لله والله اني انصحك انك تدخلين دار تحفيظ العصر وان كنتي ماتوظفتي تدورين وظيفه صباحيه راح يتقطع عليك الوقت وتنسين مشاكلك ==والله محد سلم من المشاكل يمكن انتي من اقل الناس هموم ومشاكل


الله يوفقنا واياك ويسخرلي ولك ما نحب


والله يكون بعونك

 

[وردة الحجاز]

الله يزيل عنك الهم والغم

غاليتي ..كل شيء بقدر عليك أن ترضي بالقدر ولا تعلمين لو أنك بقيتي معه ربما كانت حياتك أسوء من أنت فيه خصوصا عندما تطول العشرة

صدقيني يا غالية ما دام اعترف لك أنه لا يحبك فإنه لن يستطيع أن يعاملك بالحسنى لأن الرجل غالبا لا يهمه الا نفسه
وما دمت في مرحلة الشباب فبإذن الله سيعوضك الله من هو خير منه لكن لو بقيت معه وطلقت على كبر وبعد عدة ابناء فإنك لن تجدي أبدا من سيفكر فيك كزوجة ان ان يشاء الله ..

لكنك الآن مازلت صغيرة وليس لك الا ابنه واحدة جعهلها الله قرة عين لك ..فانسي الماضي وادعي الله بالعوض فالله قريب مجيب واشغلي نفسك بما تحبين ولا تحطمي نفسك بتكرار التفكير فيما مضى فإنه لا ذنب لك فيه وعليك نسيانه والمضي قدما لحياة سعيدة باذن الله

ويا اختي الله يعافك عيفيه ولو تعبت في البدايه ..ارفعي راسك ولا عليك منه ودوسي على قلبك حتى تخرجيه منه فانه لا يستحق ان يكون فيه ..خليك قوية فهذا زمن لا يعيش فيه سوى الأقوياء ..

اسأل الله ان يفرج همك ويسعدك في الدنيا والآخرة

 

[بريق الألماسة]

الله يكون بعونك

حبيبتي لاتسمحي للضعف والهم والحزن بأن يسيطر عليكي

لابد أن تكوني قويه وصابره ومحتسبه لكل ماالم بك

قدامك حياه طويله وعريضه

ومليانه مفاجأت سعيده لك ولبنتك بس اصبري وبيعوضك ربي خيرررررر

وياما شفنا في هالدنيا كثير ناس أبتسم لهم الحظ بعد مامرو بمصيبه الطلاق

أهم شي التفائل والامل بالله

وأشتغلي على حالك ياقلبي وطوري نفسك وأهتمي بصحتك وبجمالك وبثقافتك

ولاتنسي بنتك ربيها أحسن تربيه ولاتحسسيها باأنك حزينه ومكسوره وأرمي طليقك ورى ظهرك ولاتفكري فيه

ولاتجلسي حبيسه الاحزان وسلي الله الخيره

وأكثري من الدعاء والإستغفار والصدقه

واللي جابه يجيب غيره ابرك منه

واللى من الله رضا

موفقه قلبي وبوسي لى الاموره ربي يرزقني مثلها ياكريم

 

[ذكريات الطفوله]

حبيبتي الغاليه(نبع الحنين)
مشكوره يالغاليه على كلامك اللي حسيته من اخت والله
وقولي آمين الله يسعدك دنيا وآخره ولايوريك ماشفته


اختي الغاليه(sozeeta)مشكوره اختي ماقصرتي جزاك الله خير


الغاليه(mrs-lonely)تتوقعين لو قلت لها :مااقدر اروح لبابا الحين واذا كبرتي بتفهمين راح تستوعب؟؟
انا مااتوقع لأن بنتي من النوع اللحوح يعني بتزعجني وبتحرجني قدام الناس بتقعد تقول ليه مانروح لبابا الحين ليه اذا كبرت؟؟
ع العموم ماقصرتي يالغاليه كفيتي ووفيتي وربي كلامك ريحني الله يجزاك الجنه

 

[نبع الحنين]

ياحلوها ... انتي صارحيها مثل ماقالت أ.موزه وبتتفهم ان شا الله .

 

[ذكريات الطفوله]

اختي الغاليه(om7anin) جزاك الله خير ماقصرتي


والف الف الف شكر لك يالغاليه(شمعه تحترق)
الف شكر على كلامك اقسم بالله ريحني بشكل ماتتخيلينه رفعتي معنوياتي الله يجزاك كل خير

ومشكوره اختي(لمسة حنان)مشكوره ع الدعوه عسى الله يسمع منك


اختي الحبيبه(مملكة الاحزان) الله يفرج همك ويجبر بخاطرك ولايحرمك من ولدك قولي آمين اوعدك يالغاليه مثل ماواسيتيني بكلامك اوعدك ماانساك من دعائي الله يوفقك دنيا وآخره ويبعد عنك الهموم يارب



وبعد احب اشكر استاذتنا الغاليه موزه خلفان
مشكوره على وقفتك معانا مشكوره على نصايحك اللي نحسها من اخت تحبنا وتهتم فينا
وقولي امين الله يجزاك عنا خير الجزاء
الله يرزقك الفردوس الأعلى من الجنه يارب

وبعد ابي اشكر خواتي الغاليات(نجمه وحيده)و(ورده الحجاز)و(بريق الألماسه)
اشكركم على وقفتكم معي اقسم بالله قاعده اقرا كلامك وابكي
حسيتكم مثل خواتي وربي يشهد علي اوعدكم ماراح انساكم من دعائي جميعا الله يفرج همومكم مثل مافرجتو همي وواسيتوني
وربي مو عارفه شلون اعبر لكم
مااقول الا الله يجزاكم الجنه

 

[ذكريات الطفوله]

يعني خلاص؟اقول لها مثل ماقالت استاذه موزه
اقولها ماما ماعاد تقدر تروح عند بابا خلاص؟؟
وبتفهم؟؟
مدري احسها صعبه علي
ياليت خواتي المطلقات يجون يساعدوني بتجربتهم
يمكن اتجرأ واقول لها
تكفون لاتخلوني

 

[نهر الحياه]

كلما تذكري الموضوع قولي إنا لله وإنا إليه راجعون

اللهم عوضني خيرا منه

بترتاحي بإذن الله

حسبي الله ونعم الوكيل ...يطلقج عشان ماقدر يحبج ...سخافة

أنا من 5 سنوات خطبني ريال وملكة وبعد شهرين طلقني لنفس سببج وقالها حق الكل

ما قدر احبها ...روح لا كني انا اللي مت فيك حتى صلاة مايعرف يصلي

تميت اقول هذا الدعاء حسبي الله ونعم الوكيل اللهم عوضني خيرا منه

بعد سنتين تزوجت واللحين عندي بنتين وريال مطوع وزين وياي ولله الحمد


الله يعوضج وقولي لبنتج انا امج وابوج ....

 

[للهموم فرج قريب]

أسأل الله العظيم أن يخلفك خيرا ويفرج همك ويرزقك خيرا منه دينا ودنيا وخلقا

 

[امل الحياة]

ياقلبي الله يرزقج ويعوضج اللي احسن منه واللي يكون فيه خير لج ولبنتج يارب ..
الله يفرجها عليج

 

[زمن20008]

اختي انا عشت هالمرحله مثلج مع بنتي بس لاتجذبين عليها لان الطفل ماينسى وراح تلومج بكبرها
انا قلت لبنتي ان اوبها ماراح يجي ياخذني معاها بس ياخذها اهي بروحها ولما سالتني قلت لها اني وياه خلاص مالنا بيت وكل واحد يعيش ببيت عشان المشاكل وماذكر والله المهم فهمتها اني بهالفتره ماراح ارجع له ولما كبرت كلمتها بصراحه حتى بنتي تحاول ترجع العلاقه بس انا قطعت عليها اامل لانه متزوج ومابينا اي موده طول فتره الطلاق وهو اصلا مايستحق ارجع له حتيى لو عشان بنتي والحمدلله بنتي اقتنعت وصارت تروح له بنهايه الاسبوع وانا وياها صديقات ولما تحن له تتصل عليه ويجي ياخذها وخلاص تاقلمت