حكيمات بلقيس دانه الشام والشتاء الدافىء ولايهون الجميع قررت اتطلق ابي ارائكم بسرعه

الله يعينك ويساااعدك وانا مع اختي دانة الشام بكل حرف قالته

ومن رايي انك تنفذين كلامها,,

الله يسسسعدك دنياواخره’’’
 
احلى شي ريحني شوي انا زوجي كان متكي في المجلس وعالتلفزيون ومبسوط يتفرج ومن رحت قلت له الكلام اهتم وبس يفكر ويدور في البيت ووجهه بان فيه الهم والتعب وانشغل باله والله لاحرق قلبه مثل ماحرق قلبي والله لوتدرون يابنات اني في نعمه كبيره معه نت شغال 24 ساعه هدؤ في اي غرفه انام كبير البيت كل انواع الرفاهيه عندي وعند اهلي قسم مافي غرفه ابكي فيها لاتضايقت اليوم امي تشكي من راسها تقول مانام من صجه البزوره لان ابوي متزوج واحده ثانيه ومعه عيال قسم بالله اني شايله هم الانتقال لهم وعائلتي ماشاء الله كبيره كنت مع زوجي معززه ومحترميني اهلي - والقهر ان عندي غده ولي مراجعات والمستشفى قريب مني وانا مع زوجي والعياده جنبي وكرت التامينات في اكبر المستشفيات قسم بالله مالقاها بكره عند اهلي والتلفون 24 ساعه في ا\ني من غير شحن الجوال واسواق واهلي مشاكل وصجه وحبسه وعقد نفسيه لو كان عندي وظيفه ماهمني بستأجر شقه انا وامي واخواتي وبريح راسي شوي لكن الحمدلله على كل حال وين ماطقها عوجاء
 
الله يفرج همك ويسر امرك ويعينك وقوي قلبك ويكتب لك الي فيه الخير لك
 
طبيعي جدا أن تقارني حياتك ببيتك واستقلاليتك فيه والرخاء والهدوء الذي تعيشيه بحياتك إن كتب الله وعدتي لبيت أهلك.. فلكل شيئ سلبيات وايجابيات وأن تتركي بيت عشتي فيه 10 سنوات ولك في كل زاوية منه وكل ركن ذكرى وأثر ليس بالامر الهين .. ولكن تذكري دائما أن لكل شيئ ثمن في الحياة ..والحياة مجموعة خيارات نحن نختارها..ونحن من ندفع ثمن خياراتنا في نهاية الامر.. فمن الممكن أن تقرري الاستمرار معه لأنك لاتستطيعي العيش تحت ظروف أهلك بوجود عائلتين وانعدام الخصوصية التي تعودتي عليها والاستقلالية التي تنعمي بها الآن.. ولكن تذكري هذا لن ينفعك في كبرك .. لا الغرف الكبيرة ولا النت ولا الخصوصية ستجلب لك ولدا يحمل كبرك.. وتذكري دوما حتى هذا الرجل الذي يدور في البيت الآن مهموما محتارا ليس له أمان.. اذ ليس ببعيد أن يكافئك بعد سنوات ..بعد أن تذبل زهرة شبابك وينضب نبع صباك بزوجة أصغر منك وأكثر شبابا وظروفها تلائم ظروفه حتى وإن كان عقيما..!! ووقتها تكوني أنت التي دفعتي ثمن خيارك في الحياة.. قد تعودي لبيت أهلك وتفقدي الكثير من الميزات التي تنعمي بها الآن مقابل أن تزيد فرصك في أن يكون عندك طفل كبقية الامهات.. وعن موضوع الخيانة ..لا أدري إن كنتي اعتدتي الأمر لدرجة أنك ممكن أن تتغاضي عن الموضوع مقابل أن تنامي براحة وهدوء في أي غرفة من غرف البيت؟؟..لأني اسمع أن من يخونها زوجها لاتنام ولايغمض لها جفن!!!!!!! لا ألومك لأنك مذبذبة مضطربة غير مستقرة بآرائك .. هذا لطيب أصلك فالعشرة يبدو لم تهون عليكي..والامر والقرار يعود لك أولا وأخيرا لذلك كانت الاستخارة أفضل حل للحيرة وقد لايلهمك الله الحل سريعا..لذلك واظبي على الاستخارة ليرشدك الله للقرار السليم .. ربي يكون معك.
 
شرايك تلوين ذراعه بس
صراحه انا قريت الموضوع وقريت مقارنتك بينه وبين اهلك ترا صعبه على اي وحده تطلع من بيتها وتروح بيت اهلها
اذا انتي تحبينه روحي عند اهلك ولاترجعين لين ينهد حيله وهو يترجا ويتاسف واذا صار هاذا كله قولي شرط انو نسوي انابيب او نتعالج اثنيناتنا ....
انا حطيت نفسي مكانك والصراحه انقهرت والله اني نصحتك من قلبي بس انتي الوحيده الي تعرفين لزوجك
والله الله بالاستغفار ليل نهار واتشوفين والله ان يفرجها لك ربك واسئليني والله اني جربت ادعي واستغفري بنية ان الله يكتبلك الخير ويهون عليك ويوفقك
هاذا الي عندي ومثل ماقلت لك احنا ننصحك بس انتي الوحيده الي تعرفين ضروف اهلك وضروف زوجك وانتي وين بترتاحين اكثر ؟؟؟؟
وطمنينا عنك حبيبتي
 
والله اني عارفه ياخت دانه ان قلبك عليه وتبين مصلحتي لكن من صعوبه وضعي عند اهلي يجيني خوف وخاصه في البيت صبايا غيري الله يعينني
المهم والله ان الخيانه احرقت قلبي احراق واني كثيييير استغرب من بعض الحريم من يستهينون بخيانه ازواجهم بس بعض الاحيان من افكر في رفاهيتي في بيتي اقول ودي استنى شوي الين اتوظف ولاشفت عليه اي زله رحت وتركته بس من يوم قلت هالكلام وانا الوظايف مااتوفق فيها عشان كذا والله موعشان مستهينه بخيانته
قبل شوي جلس عندي قال شوفي صدقت اولا جلست عندي او رحت لاهلك الجوال اللي لقيتيه معي مو بحقي واني مظلوم بس حبيت اقولك هالكلام وابرء نفسي والايميل واقسم بالله اني من زمان مافتحته ونسيت رقمه -وانا اعترف اني غلطت معك كثيييييير واذا انا خسران اذا فقدتك لاسمح الله حتى انتي خسرانه قلت وش بخسر اكثر من سنين الهم اللي عيشتني فيها قال بس قولتلك لانه عارف وضع اهلي ويقول اني ماعمري قصرت معك بتاتا اي شي تطلبيه منفذ -
 
وربي حاسه بمعاناتك وعدم قدرة ع اتخاذ قرار صارم اما الاستمرار وتحمل تبعاته او الانفصال وحياة جديده الله يعين نضحي ونتعب انفسنا جسديا وفكريا وهم ولا ع بالهم
 
والله اني للمره الثالثه او الرابعه استخرت ودعيت الله وبرضه خاااااااااااااايفه بس بستمر في الاستخاره الين ربي يفرجها الله يعينني ويكتب لي الخير حيث كان ويرضني فيه مررررررررررررره مرعوبه توني صليت استخاررررره وخايفه ودمعي ماوقف بس ابكي
 
ادعووووووووووووووالي يابنات زوجي شافني وعيون فيها دموع وانا استغفر عشان اختي ارسلت لي رساله تقول امي قبل ماتصلي الوتر بكت ودعت على زوجك مقهورين والله اني ماشوف الحروف من البكاء يااااااااارب فرجها
 
والله اني يابنات اشتريت فساتين مكياجات لزواجات الاجازه وفرحانه بها مررررررررره وانكسر قلبي حسبي الله ونعم الوكيل فيه وفي اصحابه
 
وربي بيجازيك الخير ان شاء الله لان من ستر ع مسلم ستر الله عليه بالدنيا والاخره
 
الله يفرجها عليك يالغاليه ويكتب لي ولك الصالح ولا تبكين والله قطعتي قلبي الله يرحمنا برحمته انا مثل ظروفك بس فيه اختلاف شوي وعمري الحين مايسمح اني اتمادى اكثر من كذا وافكر بالانفصال بعد الله يعين
 
اتصلي لامك وخبريها وبعدها روحي
اذا كان البيت قريب فروحي ليهم بلبسك وانتي منهار بتشوفي صدر حنون يلمك وخلي الباقي عليهم
 
وسعي صدرك كل شي يصير لنا مكتوب كثري من الاستغفار وان شاء الله اذا ربي رزقك طفل تنسين هالهموم كلها وعندي لك قصة وحده وربي يوم حضرت زواجهم انهبلت اذا تبين قلتها
 
الله يفرج همك وهم كل وحده يااااااااارب وييسر امرك ااااااامين الله المستعاااااااااااان
 
مايستاهلك يااسيرة لاتذلين عمرك اكثر

ومو لازم تكلمين ابوة

روحي وعزي نفسك وخليه يحس بقيمتك

وعلى قولته بتخسرين اذا تركتيه

قولي له وش بخسر عمر ضيعته وهم وخيانات وحرمااان من الاطفال وش بقى


الله يكتب لك الخير يااختي والله قطعتي قلبي بقصتك
ربي يفرج همك ويستخير لك الخير يااااااااااااااارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل