حكيمات بلقيس دانه الشام والشتاء الدافىء ولايهون الجميع قررت اتطلق ابي ارائكم بسرعه

ربي يسهل امورك ويعوضك خيرا
كوني حازمه ياأختي وتغلبي على الخوف اللي بداخلك
واستعيني بالله ولن يخذلك رب العباد
 
اطلبي الطلاق مافيه خير شين وقوي عين
واذا مارضى يطلق اخلعيه
 
يابنات كلمت اخت زوجي الصغيره عشان ابوها يكلمني بكرررررررررره خايف مادري كيف ارتب كلامي واوصله الموضوع بطريقه مقبوله لان ابو زوجي عنده القلب فانصحوني محتاجتكم
كلكم وخاصه حكيمات المنتدى دانه الشام والشتاء الدافىء
 
الى هنا وكافي مدام ضحيتي علشانه بالامومه وهو مستمر بالغلط اتركيه وربي يعوضك بس قبل كل شيء استخيري
 
الله يفرج عنك كرباتك ويسهل لك امورك ويرزقك ماتتمنين ويكتب لك كل خير
 
يابنت الحلال ربي اللي خلقك مانساااااك ومن رحمته لك أنك شفتي اللي شفتيه وش تبغين أكثرر من كذا
الفرج من ربي لك أنك ماطولتي معه مره وعشر سنين مهو الشي الكثير الحمدلله أهوون من 20 و25 سنه
روحي بطريقك ودوري اللي يصونك وجيبيلك عياااال وخليه يشبع بالصوووور اللي عنده ولاتضعفين له وترجعين اذا راضاااكي بو طبيع مايجوز عن طبعه ~ روووحي جيبيلك ذريه تشيلك والله ماااايفيدك بكررره لاكبرتي
الله يكككون بعونك ويصبرررك وتتعوضين باللي أحسن منه بإذن الله
 
كلمي ابوه باسلوب هادئ وراقي وكثري من الدعوات والشكر لوالديه واهله ..وقولي ياعمي اعتبرني بنتك وانا احس فعلا اني بنتك بسبب حنانك وحبك لي الله يطول عمرك ويعافيك فهل ترضى لبنتك عيشتي اللي انا عايشتها مع ابنك ؟ انا اتخذت قرار لا رجعة فيه بعد الاستخاره والاستشاره وارجوا انك ماتزعل مني لكن اتمنى انك تنصح ابنك انه يسرحني باحسان والله يستر علي وعليه ويرزق كل منا من فضله الواسع ..ولاتشيلين هم مرض ابوه ماراح تجيه نوبه عشانك ..لان الناس يحبون انفسهم اكثر مماتتخيلين ..استخيري قبل ماتكلمينه وادعي ربك ورددي اللهم اشرح صدري ويسر امري واحلل عقدة من لساني يفقهوا قولي ..موفقه
 
نصيحه خوذيها مني مارح ينفعك الأ اولادك وشوفي قريبتي بعد عشرة 30 سنه تزوج عليها وطلقها وهي ضحت بالامومه علشانه وانا زوجي عقيم بعد بس فيهم شي تحسين انهم حرمهم ربي من الانجاب وقاعدين يقولون حنا حرمنا ربي وبنسوي اللي نبي ونمتع انفسنا مالقينا فيهم الصبر والاستغفار والرجوع لله بل بالعكس وتصدقين مستغربه منهم المفروض يتقربوا لله اكثر بس فيهم شي يمكن من هول الصدمه وطبعا صدمة عدم الانجاب تعتبر للبعض نهاية الحياة الأ من هدى ربي واقولك هذي عجوز جيرنا طلقها بعد 40 سنه وتزوج اردنيه مابي اخوفك بس اذا تقدرين تضحين بالامومه واعتقد صعبه هذا انا كل يوم دمعتي ع خدي اتمني طفل صغير اضمه وربي لايحرمني من ولدي وبنتي بس الطفل الصغير له نكهه وخصوصا اذا ضحك ربي يرزق كل محروم يارب ويسعدك ويكتب لك الصالح
 
لا أرى داع لأن تكلمي والده..ماذا تتوقعي أن تسمعي منه؟؟!!لا زلتي خائفة على مشاعرهم وتحسبي حسابا لردات فعلهم..تخافين دعواتهم؟؟ وهل أنتي ظالمة لابنهم ؟؟!! لأن دعوة المظلوم هي من لا ترد ولاأعتقد أنك ظلمتيه في كلمة كي تخافي دعائهم عليكي.. وأنتي بغنى عن دعواتهم لك سواء خرجت من صدورهم أم لم تخرج لأن الله عالم بالسرائر وماتخفى الصدور وهو يعلم نيتك والله معك لأنك نقية القلب ولم تظلميه يوما بل هو من ظلمك.. لازلتي غير واثقة بنفسك ولا ألومك واعلمي أن مخاوفك طبيعية أي إنسان يقدم على خطوة يشعر بالخوف والتردد ويتوقف أحيانا ليتسائل..هل كنت على حق في قراري؟؟ نصيحة مني :لاتخبري أباه ولا أمه هم لادخل لهم في قراراتك ولاتتوقعي يوما ما سيقفون معك حتى وإن كانوا يعلمون حقيقة ولدهم.. احزمي حقائبك واتصلي بأخ لك أو شخص ليأتي لاصطحابك وانتظري عودة زوجك وأخبريه بقرارك كي لاتحدث بينكم نقاشات عقيمة.. ارحلي فورا بقوة وهدوء .. وانتظري تدبير ربك .. سواء خلعتيه أو طلقك هو بمحض إرادته وهذا أقل مايقدمه لك لقاء تضحيتك وتفانيك.. فأقل مايمكنه فعله أن يرد لك مؤخر صداقك.. وأنتي لاتترددي في أن تطالبيه بذلك بقوة وثقة بالنفس .. هذا حقك.. واظبي على الاستخارة وبإذن الله تسير أمورك بمنتهى السهولة واليسر.. لقد تأخرتي بقرارك ولكن كله تدبير رب العالمين..كان الله معك.
 
ماشاء الله الأخوات ماقصّروا ربي يجازيهم وايّاك اختي ...

اسأل الله وحده أن يفرّج همّك وييسّــر لك أمــرك ..
 
الله يفرج همك ويعينك ومادام صبرتي كل هذه السنين ع زوجك ان شاء الله الله بيعوضك كل خير
 
اختي الشتاء الدافى

انا لم اشعر يوم اني كابنته اهله يعاملونني بجفا ولكن عمي اهونهم شوي حقاني بس ماقدر اقول على سالفه الطلاق على طول انا بحكي له عن تصرفات ابنه واخبره اني سوف اذهب لاهلي

اختي دانه الشام

ياحبيبتي انتي ماتدرين عن اهله كان يقولون له زوجتك بس بتاخذ الجامعه وبتروح والله اي من خلصت الجامعه جماعة زوجي كلهم على قدم وساق ينتظروني اطلب الطلاق لانهم يقولون ايش مصبرها عليه واللحين لي 5سنوات من تخرجت وخلاص يئسوا لكن اللحين بيقولون لاتركت ابنهم وخاصه اني في وظائف بتنزل بعد شهر ويمكن اسمي يطلع ادعولي راح يقولون عشانه توظفت تركت ابننا وبصير في نظر الناس مصلحجيه لاني ماعمري خبرت اهله عن مشاكلي معه وعن خياناته
 
حتى زوجي قبل شوي رحت له قلت شوف ياابن الناس هالمره مو زي كل مره هالمره ماابي الا الطلاق ولاراح اتراجع عنه وترا خبرت والدتي عنك واستأت جدا من تصرفاتك وابوك راح اخبره الهم قعد يقول انتي ظلمتيني ومو بجوالي ومن هالحكي قلت اذا ماتبيني افضحك طلقني من غير محاكم ووجع راس
تخيلوا الناكر ايش قال انا علمتك وخليتك فوق واللحين طلع لك ريش يوم ان الوظايف بتجي ويوم اني في اعانه للعاطلين شوفوا الناكر قلت وصبر السنين وتعبها واللحين بيتخرج من الثانويه بعد كم يوم وكنت اصحى بدري او ماانام الاساعتين واصحا عشان مايروح المدرسه وهو ماتغدا صام كفاره شهرين وكل يوم طبخ واشكل وانوع في الاكل واليوم الثاني بعد صيام الشهرين راح مع واحده في فندق من غير طول الشهرين وهو عالمسن يدردش مع البنات ووقفتي معه هالسنين وخوفي عليه وستري وارفه في النوم الاكل النظافه وفي الاخير يقول لي ذا الكلام لا وبعد على كثر ماسوا لي اهله من مشاكل يقول انتي ماتستقبليهم مثل استقبالك لاهلك ومن ذا الكلام وانا والله اني اكرمهم احسن كرم بس انا ماسكت عن حقي لو امه ولااخته ضايقوني اروح اتناقش معهم وبقوه لانهم والله ناس استفزازين يخرجون الواحد عن طوره
 
اسيرة همومها دامك تحسين انك مب نفس بنتهم ليه تسوي لمشاعرهم حساب وتكلمي اخت زوجك عشان تقول لعمك ابو زوجك انك تريدي تكلميه ؟؟؟!!!!!
انا من رايي انه هذي حياتك الشخصيه ومحد له خص يعني مافي داعي تكلمين حماك او حماتك بس روحي بيت اهلك وخليه يطلقك...
وفرضا كلمتي حماكي بيقولك يا بنتي استحملي وربي بيرزقكم وبيخليكي تتنازلي عن قرار الطلاق...
خلاص كفايه لين متى بتكون دور الضحيه ؟؟؟؟!
هذي المره خليكي لدور البطوله وروحي بيت هلك ولا تكلمي فلان وعلان واستخيري ربيك
وربك يفرجها عليكي ​

 
يجب تسجيل الدخول أو التسجيل كي تتمكن من الرد هنا.
عودة
أعلى أسفل