حكيمات بلقيس دانه الشام والشتاء الدافىء ولايهون الجميع قررت اتطلق ابي ارائكم بسرعه

طيب ياسيره مانتي مشتاقه لطفل وضمته انا وحده من من قريباي تطلقت بعد 20 سنه وتقول لاي اني كنت احس بالنقص من نظرات الحريم وخوفهم ع عيالهم مني وماصدقت الا لين خذيت عقيم وحسيت اذا رحت لوحده والد كأنها تخاف الله المستعان وانا طبيعتي اذا دخلت اي بيت اقول ماشاء الله تبارك الله سوى والد او اي بيت نتعذب ع شأنهم ومادروا
 
خلينا نتكاتف ونفرك منهم ونعطيهم بيض الرجلين بس انا عندي مشكله زوجي درجه اولى مشكلجي ويدور المشاكل والهواش تدوار الله يختار الصالح لنا
 
انا مره مؤمنه بهاالمثل اللي يقول ايش مصبرك عالمر قال اللي امر منه
صدقيني اني الاطفال مو مشفوحه عليهم من وانا بنت احبهم مع اهاليهم بس انا صبري قليل بس اكيد مافي واحده ماتبي كلمه ماما وعشان كمان روتيني ممل مافيه شي جديد الاطفال يعطون جو في البيت
 
طيب انتي اذا كانت ظروفك زينه ولقيت لك مكان عند اهلك استخيري وشوفي انا للان استخير والله يكتب لنا الخير حيث كان ويرضنا فيه
 
بس يابنات حلوا معادلتي المعقده
بيت جميل -كل انواع الرفاهيه-راحه-حريه-زوج عقيم وخاين-
بيت يسكنه امي وضرتها- مشاكل- اب قاسي-مافي نوم- مافي راحه-مافي حريه-انواع الازعاج-والشماته -انواع الاكتئاب -في الاجازه يتجمع اخواني الشباب واخي وزوجته -خصام على الشغل بين اخوات غير الشقيقات وامي واختي الشقيقه -كل مااجي انام اتذكر وافز ماقدر بس باتحمل شهر شهرين بس دايم ماقدر
 
ادعووووووووووووووووووووووووالي يابنااااااااااااااااااااات اتوظف واشتري بييييييييييييييييييييييييت ولو ماعجبني اللي معايه اطرده واجيب اهلي معايه
 
الحمدلله بس انتي قلتي وش مصبرك ع المر قال اللي امر انا اول ماتزوجت زوجي هذا ابتلشت بقريابه وجيرناه ليش تأخذين عقيم ليش ترضين فيه اانتي صغيره والمدح اشكال والوان طفشوني بعيشتي وصرت الزم البيت ماطلع ومره رحت لعزيمة قريابه والمجلس مافيه سالفه الا انا وانا وجهي صار الوان واشكال وفجاءه قالت عجوز بصوت عالي وش رصك ع المر الآ اللي امر منه وانا هنا مت ومارديت والعالم سكتوا ومن ذاك الوقت وهم ساكتين
 
انا زوجي 55 سنه ومازال مستمر بخيانته لي مجرد مسافر لاهلي يشتغل غزل والخافي اعظم وتعبت وانا انصح فيه بس ماينفع تعالي شوفيه اذا نزل السوق وربي مرات اموت من الضحك عليه يناظر الحريم كأنه محروم من سنين ماشاف حرمه بس ابو طبيع مايخلي طبعهوحصلته مسجل بمنتدى زواج واذا واجهته قال اخاف تخليني وتواجهت انا وزوجته الاوله وقلتلها ليه طلبتي الطلاقوهي طيبهمره و لانها تحبه قالت كنت مستعده ابقى العمر معاه بس خيانتاته المتكرره ذبحتني ومعاملته لي بالقسوه
 
وينك شكل اسألتي ثقيله اوانك مشغوله التمس لأخيك العذر ع العموم حبيت اشاركك لاننا تقريبا نفس المشكله ربي يسخره لك ويهديه وكافة ازواج بلقيس يارب خروج
 
لا عادي حبيبتي بس رحت ابنام وعيا لايجيني النوم ورحت ابسوي حليب لابو زوحي طيب كيف انقلها لليوميات
 
اختي اسيرة همومها زوجك ياخذ العلاج بروكسيد
هذا اللي تقصدينه ؟
لان انا الان ياخذه وطلعت من البيت وتركته هو وبركسيده وخيانته وكل شي
انتي لو لك موقف حازم ياقلبي كان خاف يفقدك
بس كل مره بتطلعين بنفس الامر
مثال انا لو انا رجال وانتي مرتي ابستمر على خيانتي تدرين ليه ؟؟
لأن ابتذكر يوم اخونك كيف كنتي تبكين وماتزعلين
زعلك مايطول مجرد تنتفخين وتعصبين علي وبس مستمره ببيتك
لو حس بالتغير من ناحيتك وانك تسوين اللي فارضه الله عليك بدون ضحك ومزح وسوالف وتروحين لأهلك وتفاجئينه ما ابي ارجع للبيت
او مجرد رساله بنام عند اهلي
مع الوقت راح يراجع نفسه هــــــــــــــــل هو يبيك وخايف يفقدك
ساعتها بيبيع الدنيا علشااااااااااااااااااانك
اما على وضعك هذا يا اخيتي والله راح يستمر يخون وما يتعدل لأنك بتسامحين بكل مره
ايش المشكله الان لو تروحين لأهلك شهرين 3
اضغطي على نفسك ميخالف زي ماقلتي قلق وخوسه وصجه وحاله
طيب اضغطي على نفسك كم شهر مقابل سنوات راحه اذا هو بيتعدل
هالاشهر هذي اضغطي على روحك تعالي هنا ابكي واشكي وافرشي سجادتك ابكي عند ربك وادعي
بعدها صدقيني راح تفكرين بالعــــــــــــــــقل مو بالعاطفه
انتي تسبقين الامور الان وتقولين بيحصل ويصير ومدري ايش
لاترمين الامر على بيت اهلك
فكري لو بيت اهلك كل اموره مضبوطه هل بتقعدين مع هالرجال او لا ؟
انتي متذبذبه تقولين ما ابي بيت اهلي لو هو زين كان ماقعدت مع هالرجال وخياناته
ثم تقولين اشتقت له واشم وسادته وابكي
انا ما اتتريق يا اختي انا اوضح لك الامور
حددي موقفك
جلوسك معه ما يحل المشكله
ابتعادك عنه بيحل اغلب الامور بالبدايه راح تتعبين وتشتاقين وتبين تكلمينه ويمكن تضعفين لو دق عليك
دوسي على قلبك بعد كم اسبوع سبحان الله مع الصبر والدعاء والاستخاره تتضح لك الرؤيا
وقتها تفكرين بعقلك هل هذا الرجل مناسب يكون شريك حياتي للأبد ؟؟؟
او الانفصاااااااااااااااااااال وارتاح
بهذا الوقت هو راح تعطينه مجال يفكر بأخطائه معك وبحياته وبنفسه
كيف تبينه يفكر وانتي ماخليتي له مجال بوجهه طول الوقت ؟؟
عطي نفسك راحه وفرصه للتفكير وهو كمان بس بعيد عن بعض ولاتفكرين فيه عيشي يومك مع امك وبري بها وانتي بنفسك تسوين الجو الحلو


وصدقيني لو اتبعتي كلامي هذا راح ترتاحين وبتبان لك امور كانت مخفيه عنك
اما بيستمر على خيانته وبتكرهينه زود وربي بيفكك
اما بيتعدل وبشتريك وبيداري اي زله تحصل بينكم وانتي الكسبانه


الدعاااااااااااااااااااء يا اختي فرج لك ولاتنسيني من خالص دعاك انا للحين انتظر ورقتي
 
اسيرة خلي منك المثااااليات الزايدة

عيشي حيااااتك مع زوووجك وش تبين باهلك على الاقل عيشي شبااابك برفاهية يختي يكفي زوووجك يحبك
انتي نهاااااااائيا تغاضي عن خيااااناته الممنووووع مرغوووووووب الا الزنى هذي نزوووة ويتروووح
سوي العمليه وادعي الحي بدعاء
انجحت الحمدلله رب العاالمين
مانجحت فكري بالتبني بحيث انك اذا توقتين اذا بتتبنين بنت حمل وحدة من خواات زوجك حتى يكوون محرم لها واذا كان ولد توقتين لحمل وحدة من خوااتك وتاخذين رضيع
وتتبنين طفل يكون الافضل موولقبط فيه كثير ايتام يعني معروف نسبهم
انا اعرف وحدة عقيم تبنت بنت وللحين البنت معهاا وعمرهاا 5 سنووات

ونااس كثير تبنوو والحمدلله ربي سبحاان الله رزقهم بعدهاا بمواليد منهم
 
الله يفرج همك يارب
وأستخيري قبل كل شي ترى كلامنا مجرد أراء شخصيه يعني لاتاخذينها بعين الجديه
المشورة حلوة بس لازم يكون عندك قرار قبل كل شي

وأسأل الله العلي القدير ان ربي يريح بالك وأذا في زوجك خير ربي يسخرة لك
 
حبيبتي لو تحبينه وممكن تصبرين او بمعنى اصح تبينه وتتغاضين عن
1- خياناته
2- بدون اطفال
الله يسهل عليك ويهديه ويعطيك الصبر ويسخره لك
وان والله ما تبينه ولا تقدرين على الصبر فخلي الجوال عندك وروحي لبيت هلك واعمليله تلفون وخبريه
يا يطلق بدون فضايحه وهو يروح المحكمه ويخلص الموضوع يا انتي تروحي المحكمه وتوري القاضي بلاويه
وبارخص من الكراث يطلقك منه وانتي مرتاحه
وربي يعوضك بولد الحلال الي يخاف الله فيك ويعينك وتقدري تخلفي وتجيبي اطفال يملو عليك حياتك
لان مو معقوله موت وخراب ديار
 
الله يعينك حبيبتي
صدق والله اللي ايده في النار مب نفس اللي ايده قي الماي
 
اخر تطوراااااااااااااااااااااتي ونهايه قرااااااااااااااااااااااااااري

عارفه يمكن تلوموني على القرار اللي اتخذته لكن اقسم بالله من التجاهل اللي شفته في اهلي

نهايه القصه امس والد زوجي ناداني يناقشني بموضوع ولده وقلت له مماجبت شي جديد ياما كلمته وعاقبته ولانفع قال انتي ماشكيتي لي منه طول السنوات اللي فاتت انا متأكد ماراح يكررها قلت معليش بدخل والدي في الموضوع قال ليه تدخلينه كان من اول مادخلتيني في الموضوع دامك بتدخلين ابوك قلت لا ابيك تعرف بلاوي ولدك
المهم يابنات انقهرت مرررررررررره حسيت ان الاب وابنه يستهينون فيه حتى لماقلت لعمي ابي حق من ابنك يضحك ركزووووووووووووا شوي
لقيت مكالمه لامي قلت اكيد تبيني اروح لهم خلاص وارووووووووح اكلمه وليتني ماكلمتها لان محبتها نقصت من قلبي وشلت عليها في قلبي يااااارب سامحني بس من القهر اروح اشكي لها اقول يامي مستهينين فيه الاب وابنه زوجي ولامعبرني اصلا ماله وجه ايش يقولي وابوه نفس الحكايه ولاهي تروح تقول ان ابوك مايبي ولا احد في بيته حتى اختك غيرا لشقيقه يقول خلاص كملي دراستك(طبعا هي منقطعه عن الدراسه وعمرها 22) يمكن يجيلك ابن حلال او حرام واقول اهلي اللي نزلوا قيمتي ماحد يشجعني اني اجي او يوقف معي والاهي مره ماكأني اشكي لها امي شخصيه ضعيفه -وقلت والله ماعليه اني لاجيكم قاعده احهز اغراضي وماعليه فيهم قالت الاحماك اخو زوجك موجايينك اليوم قلت وخير لاجا المهم انقهرت انطقيت منها يعني تبي تقولها لي لاتجين آآآآآآآآآآآآآآآآآآآآآآآآآآآآآآآآآه يابنات تعبت نفسيتي جدا بعد هالمكالمه قلت ايش اسوي اللحين اهلي مايبوني اجيهم وزوجي مستهين فيه اني مابروح وشافني ارتب اغراض في الشنطه ويقول لي تعوذي من ابليس ويروح المهم ضاقت بي الارض بمارحبت وكلمتني اختي الكبيره وعلمتها بموقف امي انها ماتبيني اجيهم مع ان لي اكثر من اسبوعين اشتقت لهم آآآآآه يابنات والله ان قلبي يبكي قبل عيني واني قاعده ابكي انصدمت في امي المهم وانا في عز ضيقتي اهل مايبوني اجيهم واتذكر موقفي وانا بالشنطه امام ضرت امي وبناتها وقمت اصريت على موقفي قلت ان شاء الله اترمي في الشارع ولااجلس منهانه واتصل على اخوي قلت ابيك تجيلي قال طيب قلت لاتجي الين ادق عليك واروح اخذ خاتم التسبيح واردد استغفرالله الذي لااله الاهو الحي القيوم واتوب اليه واكمل تجهيز اغراضي شووووووووي والازوجي مشرف قال ابشري باللي تبينه انا غلطت كثيير معك وانا والله اني احبك وانتي كمان تحبيني وانا ماني معطيته وجه وهو يقول ابشري اطلبي والله لنفذ لك اللي تبين شغاله فلوس اي شي وتناقشنا شوي قال والله اني غلطت معاك ولالي في بنات الحرام ولارحت لهم ولازنيت واقسم بالله اني ماادري ايش في الجوال ان صاحبي اعطانياه وقال اعطه واحد ثاني قلت تحلف علمصحف انه مولك قال خلاص جبت المصحف وفتحته قلت قول اللي يبتليني بالسرطان ويشل يدي اني مالي علاقه به وحلف وقال والله ان الصور اللي لي اني مادري عنها والايميل تبعي واقسم بالله اني مافتحته من ذيك السنه طبعا يابنات مابريه لكن زميله ساكن جنبنا وووووووسخ الله يكفينا فيه وبعدين قلت احلف لي من عالمصحف انك تحولي 10000الاف وتفتح لي حساب وحلف شفتم الفرق بينه وبين اهلي وبعدها قام حضني ويبكي انا ماقدر اسنغني عنك ولا اعيش بدونك وقلت له وان كمان قسم بالله اني ماني مصدقه اني مابعد رحت من بيتي وحسييييييييييييت بقيمه زوجي مرررره وحبيته اكثر من اول ليييييييييييييييييييه لان فتح لي قلبه قبل بيته مو مثل اهلي والله ماعاد لي الاسجادتي ادعي ان الله يرزقني منه بذريه وماعاد عليه اهم شي مايصير زي ذاك الموقف اليوم مع امي والله يابنات اني حقدت عليه حتى مادقيت اخبرها بالصلح بعد ماتصالحنا خرج زوجي وابوه معزومين وانا جلست ابكي احس مالي احد في هالدنيا اهلي اللي كنت شاده بهم الظهر ماستقبلوني ولاوقفوا معي اختي الصغيره اخبرته بصلحنا انا وزوجي قالت الحمدلله اصبري يقول المثل نار زوجك ولاجنه اهلك لانها هي عايشه هناك وعارف الوضع وبسيابنات جتني راحه بعد الصلح عمري في حياتي ماحسيت فيها الحمدلله كماينبغي لجلال وجهه وعظيم سلطان
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل