][ تكفون ساعدوني .. تكفون.. ورب البيت تعبت من زوجي ][

  • بادئ الموضوع بادئ الموضوع بشوورة
  • تاريخ البدء تاريخ البدء
الحالة
مغلق و غير مفتوح للمزيد من الردود.
هلين اختي
وربي تألمت من موضوعك , والله يصبرك ويثيبك
يا اختي ..انا مع الاخوات اللي قالوا لازم تقولين لاهلك لان الضرب سواء كنتي حامل ولا موب حامل ما ينسكت عليه
يعني اذا سمحتي يا اختي كانك انتي اللي تقولين له اضربني ((اضربني وانا ابسكت منيب قايلة لاحد))
انتي لك كرامتك .. ومن عايلة مرموقه كيف اهنتي نفسك بالطق
اختي اعرف وحده صبرت على زوجها يمكن 20 سنه وماقالت لاحد انه يضربها وياخذ فلوسها وفي النهاية تطلقت منه عقب ماجمعت العيال والبنات , ما اقول كذا عشان تتشائمين بس هي خلاص ماقدرت تصبر انفجرت لانها ما سوت حلول ماعلمت اهلها من البداية يوقفونه عند حده.
يا اختي الرجال يستهين بالحرمه اللي هاينه حالها .. مايحترمها
صدقيني يقول في حاله ((الحين هذي ما قدرت نفسها تبيني اقدرها ))
حبيبتي .. احنا مشكلتنا نقدم للرجال كلش من اكل وشرب وفراش وبعدين نحس اننا احنا اللي مقصرين ودايمن نسالهم مقصرين معاكم بشيء؟؟ ما ادري ليش ؟

وما ادري الله يفج همك ويسخر زوجك لك
ونصيحتي علمي اهلك عزوتك باللي يصير عشان يكونون في الصورة وعشان ما تندمين بعدين..
ولا تتنازلين عن اهلك ما تروحين لهم ليش؟؟
ولا تتنازلين عن صديقاتك ليش؟ بهالسهولة
من يقول شيء تقولين ابشر ..



ويارب ترد عليك استاذتنا الغاليه ناعمه وهي راعيه الخبرة في هالامور
 
أختي حبيبتي والله العظيم اني ترددت اني اكتب لك رد من الطحنه اللي فيني كيف تحملتي كل هذا؟؟بالله عليك وش استفدتي شوفي انا مابي اجرحك بس انتي احكمي بنفسك !!!!
الغيتي شخصيتكي تماما وتنازلتي عن حقوقك تخليتي عن اشياء كثير عشان ترضينه بس هو ما ارضاك بقدر ما انتي ارضيتيه!!! بالله وش استفدتي؟؟
شكلك والله العالم جنوبيه ...!!!
والله اني ابي اساعدك ...طيب سؤال وش تنتظرين عشان تظهرين شخصيتك وتدعسين على قلبك و عواطفك اللي مضيعتك
انتي عروس وحامل ويطقك؟؟؟وش ذا الحال لا وبعد يطلع الدم من خشمك وتتورم عينك وتسكتين ولا تقولين لاهلك وترضين لنفسك ذا الوضع
الوضع اللي انتي فيه ما راح يتغير الا اذا اتغيرتي....وش
 
معليش انرسل الرد ما ادري كيف على العموم لازم انك ما تسكيتين على ذا الوضع
خذي ورقه وقلم وحطي كل الصفات الزينه والشينه بزوجك الحين من دون عواطف فكري بعقلك هل هو يستاهل انك تستمرين في ذا الوضع ولا انتي تستحقين وضع افضل؟؟؟؟؟؟؟؟؟
لا صرفيه زينه ولا احترام ولا تقدير انك حامل وضرب وسب وزف واوامر كنك بمعسكر واهانات ولا طلعات ولاخرجات ولا كلمه زينهوش ذا الحال ياعمري لاتسكتين على نفسك وتقتلينها بدري
ملاحظه صغيره:انتي غلطانه في انك تسترضينه في كل شئ وتسألينه بعد اذا انتي مقصره ولا لا؟؟؟؟؟؟؟؟عمره هو سألك اذا هو مقصر بشئ معك!!!!؟؟؟؟
ابدئي حياة جديده بتخطيط صحيح لحياتك لانك انتي اللي تعرفينها وتعرفين كيف تخرجين منها...
والله يوفقك والله ان قلبي يعورني عليك وودي اني جنبك احضنك بقوة واساعدك..
وانا معك اذا احتجتي شئ..
 
اختي الغاليه انتي غلطانه انتي ما قريتي دورة الاستاذه موزه عن المحقر
شوفيها والاخت زرقاء اليمامه كتبتها كلها بدون ردود
اختي انتي صغيره حرام تذبحين نفسك من الحين رضوخك اله واستسلامك معناه انك جالس تذبحي نفسك
من هو الي تقهرين نفسك وذلينها وهو اصلا مو معبرك ولا يحترمك لا وبعد يظربك اختي لا توقفيه عند حده

اختي ادري كلامي قاسي لكن ما يصير الي انتي سويتيه في نفسك حرام عليك هاذا كله وانتي لسى عروس بعد 5سنوات وش بيصيرلك
بعد فوتي على قسم دورات وقرائت شوفيها في اخر الصفحه الرئيسيه في موضوع للاخت توفي مهم اقرائيه زين
الله يفرج همك ويسخر زوجك ويحنن قلبه عليك ويملكك قلبه هو الحنان المنان الرحمان الرحيم
اذكريه كثيرا ولا تنسيه
 
السلام عليكم ورحمة الله

الله انشاء الله يسخره لج ويهنيج معاه ويرده لج رد طيب امين يارب العالمين

اختي العزيزه

انتي فعلا صابره ...صابره بمعني الكلمه ...والله يجازيج خير الجزاء ويوفقج

ماادري كيف اتحملتي الاهانات والضرب لا يااختي قويه قويه جدا يمد ايدينه عليج ما يجوز حتى شرعا ما له حق انتي شمسويه لهذا كله وليش هانت عليج نفسج المفروض اول مره يرفع ايديه عليج تعلمين اهلج ليش مخليه نفسج ملطشه له

انتي بنت ناس وباين من كلامك انك متربيه
حبيبتي لازم يحس بقدرك وان ورااك اهل

اسأل الله العلي القدير ان يهديه ويسخره ويبعد عنه بنات الحرام
 
عزيزتي احياناً غصب عنا نمشي امور خيانة الازواج السفهاء عل وعسى الله يجازينا على صبرنا لكن سالفة الضرب الصراحة انتي مو بنت ال....... اسمحي لي يعني مو شايفك خدامة حتى الخدامة نحشمها وليش هالاهانات انتي رضيتي اليوم بكرة عيالك بيكرهونك لانك مادافعتي عن نفسك هذا انسان اناني اتخذي موقف حازم علشان يحترمج قولي خصوصياتك لك مب مهمة عندي وروحاتك وصولاتك عليك بالعافية بس اهم شي ماتضربنب ومصروفي يكفيني واعيش بسلام ............والله يعيننا بنات حوا
 
حبيبتي هذا ماشفت فيه ولا ميزه عشان تصبرين عليه حطي حد لها المهزله كل شي ولا الاخلاق ولا ويضرب بعد كلميه وكلمي اهلك وحطي حد لازم يتسنع قبل مايشرف البيبي -ياوفاق والا فراق
واولا واخيرا ادعي ربك الخيره
 
من خلى نفسه سبوس ؟؟؟؟؟؟؟؟؟؟؟؟؟؟؟؟؟؟؟؟
وقفيه عند حده وشرشحيه خليه يعرف ان الدنيا مب سايبه
والغلط منج
طاعة الزوج طاعه بس مب لدرجة العباده يخسي
<<<<<<<< عصبت
 
عزيزتى الله يكون فى عونج بس انت غلطانه كان المفروض من البدايه تقولين حج أهلج عن طج زوجك لك ومن كلامج عن الطج أحس انه زوجج انسان مو طبيعى ولكن عندى سؤال وين دور أهل زوجج ليش ما يمنعون ولدهم من طجج ----- وأنت ما تخافين على نفسج من الأمراض من علاقات زوجج مع الحريم اللى ما تعرفين هم من اى جنس ونوع
 
الله يعينك ويفرج لك همك ان شالله
اختي ان كنتي تحبينه فعلا اصبري وسايسيه ولاتهتمي بالمسجات
كوني مثل الصديقه له لاتفاتحينه بالمواضيع هاذيكانك ماتدين عنها
لكن مو يعني انك راضيه بالي يسويه لالكن انتي كوني احسن منهن بالكلام يعني كلميه بدلع
ولعبيه بدلع ترا هذا الي يبيه من رفيقات السوء
خليه يحس انك مكان راحته مو مكتب تحقيق معاه00 حتى تحاولي انك تسحبينه من بنات السوء
مع الدعاء حبيبتي ادعي له بالهدايه وادعي لكي بالصبر والتوفيق لاتنسين الدعاءهو سلاحك تذكري انه هو الخالق والمدبر لكن هذا ابتلاء وامتحان لكي فسيجزيك الله خيرا مما ترجين باذن الله00
بما نه يصلي ولاياكل المخدرات احمدي ربك 00
انتي بطريقتك تقدرين تملكينه تراهم يحبون الزوحه الي تهتم فيهم وتخاف عليهم وتدلعهم وتصبر عليهم لكن اذا ماقدرتي تصبرين عليه 00فمالك الا انك تخبرين اهلك عنه علشان يطلقونك منه ولا يشوفون حل معاه00
ياليت تطمنينا عنك وراح ندعيلك وان شالله سيفرجها الله تعالى فاكثري من الاستغفار فهو شفاء لكل هم00
 
الله يكون بعونج ويصبرج

اختي عليج بالدعاء والاستغفاار

اختي لونك مب حامل كان قلت لك روحي ولا تردين له بس قدر الله وما شاء فعل

الله يوفقج ويهدي ريلج
 
بصراحه انا وايد مستغربه من الكلام اللي قريته وانتي وااااااااااااااااااااااااااايد غلطانه شو انتي ما عندج كرامه وعزة نفس ما وراج اهل كيف ترضين ان يسوي فيج كل هذا وانتي لين الحين ساكته ولا المشكله انج بعد عروس حبيبتي في قانون بيوقف معاج لا تسكتيييييييييييييييين عن حقج وقفي ريلج عند حده
 
اسمحيلي أختي كيف تسمحيله أيمد أيده عليج ولا أنتي حامل؟؟؟؟؟؟؟؟
أختي أسلوبج معاه خلاه يتمادى ويمد أيده عليج ...!!!! قوليله وانتي تحطين عينج في عينه وبكل ثقة أنه مايمد ايده عليج وانج ماتسمحيله ايهينج وماعندج مشكله في انج ترفعين عليه شكوى خوفيه
هالاشكال ماينفع معاهم الا التهديد ..... أختي بقولج شيء
الحب ماينولد بين الازواج بين يوم وليله ...لاااااااااااااا ...
صح يكون في بداية العشرة موده ولكن مب الحب الي انتي تبينه
أنتو الثنينه أغراب كل واحد يااي من بيئة مختلفة الحب ينولد مع الايام والعشرة الطويلة وبعد ماكل واحد يعرف الثاني عدل ويفهمه من غير لايتكلم
غير عن جذي أباج تعرفين شيء أختي الريايل مختلفين عنا هذا الريال الي تصيرين أنتي زوجته
مختلف عنج أنتي تتعاملين معاه مثل ماتتعاملين مع أي وحدة من جنسج من البنات وهالشيء غلط
أنا بقولج شيء يالغالية
أبدا لاتنتقدينه هالشيء مهم لاتقولين له ليش متأخر أنتي زوجته مب أمه
أنتي بروحج قلتي أنه عمج زوج ولده لانه بطالي وراعي مراقص وسهرات
تتوقعين هذا الريال الي توعد على حياة الفساد في لحظة بينقلب أنسان سوي
مستحيل

أنا قلبي معاج أنتي توج عروس ماشفتي معاه الهناء والسعادة وحامل الله يعينج ويسهل عليج
أباج تغيرين نظرتج لاتشوفين عمرج ضحية أهله الي بلشوج فيه
قولي انه زوجج هو نصيبج أبو الي في بطنج وان الله سبحانه حاطنج في امتحان
وانتي يبالج تحظرين نفسج حق هذا الامتحان وتحفظين الدرس عدل عشان تنجحين فيه وبجداره
الفصل الاولى
الجوء الى الله تعالى محد بيتحملج وبيساعدج غيره المولى عز وجل
بالدعاء ادعي ربج وانتي على يقين بالاجابه ولو بعد حين ...
اذا ضايقج قولي ان الله معاج وما بيتخلا عنج
الفصل الثاني
زوجج .... مثل ماقلتلج انتي مب امه خليه يطلع ويدخل لازم مخه يتبرمج انج زوجته مب امه
صدقيني بيتغير بس لازم تكونين مطوله بالج ومحتسبه الاجر عند الله اهم شيء لازم تخلينه يحترمج وذلم مابيكون الا يوم بتحسسينه انج تحترمين ذاتج وكيانج كامرأه
لاتتحكمين فيه .. لاتنتقدينه .. التعامل مع الرجال غير عن التعامل مع الحريم
لاتتكلمين وايد اتكلمي في الشيء المفيد بدون لاتطولين السالفه
الخاين انسان مريض ومحتاج علاج
بدال لايربع ورا هالرقاصات اجذبيه صوبج كوني احسن عنهن في كل شيء
لاتحسسينه انج تتغيرين وياه عشان تكسبين وده لااا تغيري عشانج عشان نفسج


الفصل الثالث
شو ماكانوا اهل ريلج حسني علاقتج فيهم وامدحيهم جدامه
انتي ماتقدرين اتقولين ليش فلانه ماتطبخ لابوها وانا اطبخ أنتي سوي الي تقدرين عليه ولا تسوين شيء فوق طاقتج هاذي حياتهم وهم عايشين جذيه الزم ماعليج نفسج

الفصل الرابع
أنتي تنتظرين مولد جديد هبة غالية من رب العالمين
حضري نفسج وكوني احلا واروع ام وخلي زوجج يتعلق فيه ومايستغنى عنه
يمكن الي في بطنج سبب عشان زوجج يعقل ويودر هالخرابيط ....

الله يسخر زوجج ويهديه ويجعله من عباده الصالحين اللهم آمين

 
السلام عليكم اختي بشوره امممممممم:no: قصتج حزينة ومؤلمة

صدقيني نفس هذا الرجل ابيعه ما اشتريه وربي الكريم بيرزقني اللي احسن منه ومن شكله

وما علي منه ولا من خرابيطه والاعبيه

اقل شيء هدديه بالمحكمة وبأهلج وين اهلج من هالمشاكل خبريهم واطلعيهم على هالمشاكل حتى يحس انه في حد ويااااج وعندج
في النهاية كا ادعيلج الا بكل خير ربي الرحمن يفرج همج​
 
حسب بالله ونعم الوكيل ..... قصتج عورت قلبي
اسمحيلي .... بس انتي ليش ساكته عنه المفروض ما تسكتتتتتتتتتتتتتتين وقفيه عند حده قولي لهلج خليه حد يكلمه حسسيه انه في حد وراج لا تخلينه على كيفه وكل ماسكتي وكلماله زااااد لو مافاد مافي الا تشتكين عليه وشوفي شلي بسوون فيه دام البدايه جي فالله يعينج ونتي توج بعمر الزهور والاحسن تفتكين منه وتعيشين حياتج والله بيرزقج بالي احسن منه اسمحيلي زوجج شكله ماشي ورى كلام هله
 
الاخوات ما قصروا
فعلا الا الضرب كان من البداية وقفيه عند حده
ولا ترضين بس من كلمة واابتسامة لا اختي حافظي على كرامتك وخلي ابوك وخوانك يتدخلون خاصة ان هم اللي وافقوا عليه
 
عزيزتي الله يعينك انا ما بلومك بأي شي؛ وزوجك ارعن بس هادا عمر الرعانة انا ما ببررله بس البنت عموما اكثر نضوجا بالزواج من الرجل وبتتحمل مسؤولياتها بسرعة وكفاءة لكن الرجل لا وطبعا مش كلهم التصرف الصحيح انو انت تتغيري ما حدا بيقدر يدافع عنك غيرك المرة الجاي لما يحاول يمد ايده عليكي امسكي اي شي وارميه عليه امسكي كرسي اللي بدك اياه واطلعي بعيونه وقوليلو لو مديت ايدك علي انا كمان حمد ايدي صحيح انو الست ما بتقدر تأذي الرجل جسديا زي ما هو بقدر لكن بتقدر تورجيه انها ممكن تقلل من قيمته واحترامه وانك بتحترميه لانك محترمه وبنت ناس واطرديه من المكان اللي انت فيه وصرخي عليه خليكي قوية راح يتفاجأ لو رجع خليكي على موقفك او روحي عند اهلك وطبعا خبريهم خليهم ياخدو موقف؛انا بعرف انو اللي بقول لك اياه صعب لكن مش اكتر صعوبة من تقبل الاهانة والضرب فكري كويس انت بتقدري تغيري حياتك لما تتغيري ما تعطيه مجال يقهرك او يقلل من قيمتك وطمنينا عنك..
 
عزيزتي شو اللي مصبرك عليه لهلأ , اجمل ايام حياتك عم يحرمك منها بالضرب والاهانات اذا مو حاسس فيكي وفي ابنك من هلأ متى بيحس؟ حبيبتي زوجك على ما عودتيه, انا ما بقولك تتركيه لكن لازم تقوي شخصيتك خصوصا قدامه وتخليه يحسب الف حساب لزعلك ولصحتك ويفهم انك بنت عالم وناس وانه وراكي رجال ,اذا ما بحسب حساب لأهله يحسب حساب لأهلك والله انقهرت عليكي كتير الله يقويكي ويكون معك.
 
انا براى الشخصى المتواضع لااستطيع القبول والصبر على رجل يده طويلة ولو كانت كل صفاته الباقية ممتازة يعنى تركه افضل من الحياة معه لكن قبل ان تتركيه اعطيه مهلة للتحسن وجربيه يمكن مع التهديد بالترك والطلاق بيتحسن وبينصلح حاله
 
الحالة
مغلق و غير مفتوح للمزيد من الردود.
عودة
أعلى أسفل