][ تكفون ساعدوني .. تكفون.. ورب البيت تعبت من زوجي ][

  • بادئ الموضوع بادئ الموضوع بشوورة
  • تاريخ البدء تاريخ البدء
الحالة
مغلق و غير مفتوح للمزيد من الردود.
الللللللللللة يعييينج انا حاسة فييج ..ونصيحتي لج الدعاء لة وبشر الصابرين
 
الله يعينج المفروض من البدايه ماتسكتين من اول مره طقج لأنه تعود علي سكوتج وهذا اكبر غلط سويتيه انتي مانتي لعبه بأيده علشان يذلج جذي لازم تخبرين اهلج بلموضوع ولاتسكتين عنه اي متي سكوتج الين مايذبحج وتموتين من القهر والطق الله يهديه بس.
 
حبيبتي انا اقولك باختصار لازم تحبي نفسك اولا كيف ان توقفي هذا المتكبر عن ضربك وان يكون اهلك عندهم خبر والله انا زوجي كان يهددني بطلاق ويهددني بانه يرميني عند اهلي ويخليني كنت مثلك اخاف بس والله والله لمن يست انه يتعدل قلت حق اهلي والله انه تغير ارجوك ارجوك انك تحبي نفسك انتي بنت ناس واهلك اكيد يحبوك وما يرضو لك الاهانه وزوجك والله لو هذه اخته الي تنهان مارضي خذي بوصيتي وانا متا كدة انك بتدعيلي والله اكتبلك عن تجربه خلي لك حياه منفصله عن اهله وخليك قويه ولا تنسي تدعي الله ان يعينك ويسخر لك زوجك
انا الان مشغوله كتبت بسرعه لضروف عندي ولكن عندما قرت كلامك تالمت كثيرن نحن اخوات في الله
.
 
والله انا من راي الاخوات بانك تبلغين اهلك ولا تسكتين له
واللي اوله كذا وانتي عروس اش بيصير اخره
هذا زوج مستهتر ماهو حق مسئوليه والمفروض امه وابوه ينصحونه
واهله لهم دور كبر في غلطه عليك لانهم يسمحون لانفسهم بتفتيش اغراضك
ودخلي اهلك باي طريقه في مشكلتك والا اهلك اولى بك لاتنتظرين اهانة نفسك اكثر من كذا
ما راح يقدرك الا اذا قدرتي نفسك وذاتك
حاولي انك ما تركضين وراه وخليه هو يركض وراك ويكلمك ولا تقومين بخدمة اي احد في البيت حتى هو ادعي انك تعبانه وخلي خواته يقومون بواجبك
وقدري نفسك ويقدرونك جميع
طيبتك الزايده هي السبب وفقك الله واصلح لك زوجك
 
حبيباااااااااااتي كلكم والله وخاصة السااعه اللماعه

بنات ودي ارد عليكم كلكم واقولكم المخفي في قصتي ولكن والله ماقدر ارد بسرعه لان الكل يمي

ومابي احد يحس فيني انا هالاسبوع مارحت بيت اهلي ولانمت عندهم خلاص والله ببدأ حياتي عجبه اعجبه ماعجبه يروح بالطريج اللللي يبيه .. انا ملييييييييييييييييييييييييييييييييييييييييييييييييييت

لاعرس استانست فيه ولاحتى حمل ساعات من كثر همي ادعي ان الله يسقط اللي فبطني ((استغفر الله )) عشان افتك من زوجي ولافيه شي يربطني فيه ..

بس لمن ارضى اقول انا شلون ادعي على ولدي اقول بالعكس بيكون عزي وسندي ان شاء الله بعد ربي سبحانه
 
اتمنى من المختصات الرد على موضوعي والله اني بحاجة الخبرة في حياتي
 
اختي الغاليه بشوره والله عورني قلبي عليج وااااااااااااايد وجعل ايده الشلل او الكسر على شنو هذا انا مستغربه ليش انت ساكته عليه لازم تخبرين اهلج وتوقفينه عند حده وبقولج شي ترى الرجال ليت تعود يضرب زوجته وهي كل مره تسامحه يصير طبع مايقدر يستغني عنه حتى لو بعد 100سنه قلبي عندج حبيبتي لازم تحطين حق هالامر حد والله يهديه
 
الله يهديك
انتي تعرفي انه الرجال اللي يطق زوجته وللتشتكيه لاهلها تعافها نفسه ويكرها بعد
ويدور وحده عزيزه ماهي ذليله
يعني خايفه يطلقج
مابيطلقج حبيبتي اذا اشتكيتيه
لكن اكيد بيطلقج اذا ظليتي بهالسلبيه
وهذا هو يهدد وهو توه صغييييييييير واللي بهالعمر بالعاده يكونون حساسين وقلبهم رقيق على زوجاتهم
ولاتستبعدين ينفذ تهديده واول مايجمع قرشين يسافر ويتزوج
خليج حازمه معاه واذا الضربه مازالت روحي بيت اهلك من الساعه هذي ولاتبينين انه براسك شر
وخلي اهلج يكلمونه ويحضرونه ويجون هله بعد يشهدونهم
انتي امانه عندهم
ولو كانت وحده من بناتهم مارضو لها اللي يصير

الله يصلح حالكم يااااااااارب
 
المسئلة مش فقط بالضرب لا هذا كله من اوله الى اخره غلط انا من راى ام العسل انت فى اول الطريق اعتقد فهمتى قصدى الله يعينك
 
هذا هذا في بدايه الزواج وكذا كيف بعد فتره
لا تعطيه اي فرصه يمد ايده عليج وقفيه عن حده
او قولي الاهلك صديقي بعدين بيتعود انه يمد ايده
وحمواتك لا تردين عليهم امه وابوه على عينك وراسك خدميهم ماسوتي بسوالك
بس البنت مو مجبوره فيهم لا تخلينهم يمشون كلمتهم عليج ولا تخدمينهم خلك قووويه
وزوجك اذا ماتغير منت مجبوره تعشين معه راح تعشين في عذاب اكثر واكثر
والله يهديه ويسخره لج ودعي رابج وستغفري
 
الله يكون بعونك بس انتي غلطانه ليه تعملي في نفسك كده لازم توقفيه عند حده وقوي شخصيتك ليه يضربك وانتي ما كملتي سنه علي زواجك ليه غيري اسلوبك معاه وشخصيتك واكيد في التغير هيتغير ايضا اختي اعتزي بنفسك امامه واجبري باسلوبك ان يحافظ عليكي اكتر من كده الله معك ابقي طمنيني
 
حبيبتي غلطااااااااااااااااااااااااااااانة
حبي نفسك وعزيها خلك شخصية قوية وهو بيرد يبوس ريولك
وقفي يده لما يضربك اطلبي مساعدة ابوك وابوة
انتي ليه هاينة نفسك كذي
ما يسوى جال يسوي كذا فيك
ان لم تكن ذئب اكلتك الذئاب
واسمحيلي
 
يابعد قلبي كلكم ..

المشكله صرت سايق لأهله :( وفوق هذا موعاجبه ..

الله كريييييييييييييييييييييييييييييييم يارب الله يهديه ويهديني اذا كان فيني غلط ...

بس والله ماراح اسكت له
 
بشوره

روحتك لاهلك عشان تباتين عند اهلك استغليها واتكلمي مع والدتك والوالد وفهميهم عى الوضع وخليهم يتفاهمون معاه ولا ترجعين له ال بشروط وومكن تروحين المستشفى وتاخدين لك تقرير طبي وتشتكون عليه في الشرطه وهو بيكتب تعهد انه مايمد ايده عليك

والله حرام اللي قاعد يسويه عسى ايده الكسر:busted_red:
 
ياحبيبتي حرااااااام عليك نفسك
الله ليش حلل الطلاااااق ؟؟؟؟؟؟ هوكذاب ومنافق واهله كذلك امه لوصدق تحبك ورجعتك عشانك انته كان علمت ولدها كيف يتعامل معك وكان مااستغلت روحتك لبيت اهلك وخليه يطلعهم لوتبا امه كان خلته يمر يشيلك معاهم
يالغاليه ادمعتي عيني وادميتي قلبي نحن القواير اللي وصلى علنا رسولنا الكريم
الله رحمنا بانه اوجد الطلاق للي يعانون مثل معاناتك
حرااااااااااااام عليه هذا نذل وعديم احساس
الله كرم الأنسان كرمي نفسك انتي بنت ناس
شو ضمنك مرة من المرات اللي يضربك فيها ان تجيك ضربة في مقتل _ لا قدر الله -
 
ارجوووك يابشورة لاتسكتي على هالوضع
روحي بيت اهلك ولاترجعي الا بشروط وافهمي ان ابنهم في بطنك يعني ماراح يتنازلون عنك بسهوله
ولو اتنازلو احسن لك وقال تعالى : ( وإن يتفرقا يغن الله كلا من سعته وكان الله واسعا حكيما ) . ....
ادعي بقلب حاضر "" اللهم اجرني في مصيبتي واخلفي لي خيرا منها ""
وطمنينا عليك
 
والله ماراح ازيد على البنات شي بس فيني حره اذمن الحين ماحطيتي لنفسك كرامه والله ماراح يسال عليك بعدين والله العظيم من تجربه وبشرينا عنك والله يصلح حالكم يارب
 
قلبي معك يابشورة
ويسعدني تواصلنا
مشكورة عالمسج
نتكلم بعدين حلوتي ديري بالك على نفسك ولا النونو اللي ببطنج
 
حبيبتي ام عمووووري ماتقصرين ...

انا ناطرة متى ولادتي .. يقولون الولد يعقل الرجال .. بس وين يعقل ..؟؟ اذا من الحين اهو ناطر فترة النفاس عشان يسافر للهو والشعر والبنات :(

مادري شسوي .. قاعدة اذبح روحي بروحي .. اسكت وآكل بنفسي الكل يقولي متغيرة اقولهم من الحمل بس وربي الحمل مومتعبني كثر ما هالريل متعبني ..

ماعندي ثقه بالمرة عقب كل اللي شفته منه .. والله فترة الملجه كانت ثقتي فييييييييييييييييه عميا ..

الا ان طرش لي مسج بالغلط بإسم احد العشيقات :( وتأسف واعتذر وقالي الشيطان لعب براسه وووو الخ من الاعذار

من هالموقف والثقه تتلاشى يوم بعد يوووووووووووووووووووووووووووووووووووووم :(
 
الحالة
مغلق و غير مفتوح للمزيد من الردود.
عودة
أعلى أسفل