][ تكفون ساعدوني .. تكفون.. ورب البيت تعبت من زوجي ][

  • بادئ الموضوع بادئ الموضوع بشوورة
  • تاريخ البدء تاريخ البدء
الحالة
مغلق و غير مفتوح للمزيد من الردود.
والشعر = السهر
 
حبيبتي قصتك نفس قصتي مع اختلاف انة اكبر مني ب10 سنوات بس انت لاتستعجلي وحددي شخصيتة وافهمي شنو يحب وكوني واثقة من نفسك انا نفسي اني كنت اعرف هدا المنتدى قبل انفصالي--كوني انت العشيقة ورجعية لك-اللهم رد لي فره عيني--
 
الله كريييييييييييييييييييييييييييييييم يابنات ..

الحمدلله صارله اسبوعين الله هاديه لي لاهواش لاطق ومدلعني اخر دلع والسبب انه عرف اللي فبطني ولد ..

الله يدوم هالحال ..

خايفه انه عقب الولادة ((يرجع مثل اول )) بوطبيع مايجوز عن طبعه :(
 
بالله شنو تنتظـــــــرين !!



تنتظــرين وحده من عيــونج تفــقع !!! و لا تصــير لج عاهه مستديــمه !!!



روحي اقري مواضيع الاستاذه ناعمـــه أقري عن الحرمه الي كان ريلها يطقها وفي كل مره تسكــت و تعديها و تسامحه و في مره فقـــــــــدت وحده من عيـــــــونها بسبب ضربــه من زوجهااا !!!




يبــه وقفيه عند حــده زوجج هذا متسلــط ..


حرام ارحمـــي حالج يبه انتي مو متزوجج برخص علشان يطقج ليل نهار !!!

المتسلط تبي له قوة تحده ... المتسلط ما يستحي لكنه يخاف



يبه بيني له ان وراج اهل و كرامه و ناس ما يرضون عليج الاهانــه !!

هو لما خذاج من بيت ابــوج خذاج على اساس انج تكونين زوجــته و يحشمــج ... مو يطقج و يصفعج و يهين كرااامتـــــــج ..




الحين هالايام ماتحصلين وحده ترضى زوجها يطقها الا و تاخذ حقها منه سواء بالتخويف او بالقانون


و انتي !!!


راح تصيرين مدرسه و شخصيتج هالشكل ضعيفه جدام زوجج ..!!



و امـــــا عن خيــــــاناته لج فحدث ولا حرج واضح انه ما يراعي شعورج و ولا يهمه .. لأنج انتي مو محسسته بقيـــمتج ابدا



وقفيه قولي له انا ما ارضي على نفسي هالخرابيط و الاهانات .. انا كنت معززه مكرمه في بيت ابوي و الحيـــن بظل معززة في بيت زوجي مهما كانت التكلفه كرامتي ما تنهان اكثر






ساعدي نفسج و ما علينا غير النصيحه ..





,
 
عزيزتي ,,

من بين السطور استشفيت ضعف وهشاشة شخصيتك !!

انت انسانة كرامتك محفوظة مادام اهلك على الارض باقين ....... فلم ارخصتي نفسك لهذا الشخص لاادري ؟؟

وان كان زوجك ,, وان كان صغير وطائش ,, وان كان ما كان ليس لديه اي حق برفع يده عليك !!

من هو ومن يكون ليتمادى واهله هاؤلاء اين النخوة والضمير ؟؟

ولكنني ارجع واقول انت السبب سلبيتك وضعفك هما ما قوياه عليك

نصيحتي المباشرة :

اقحمي اهلك اعرضي فضائحه كاملة واكشفي اوراقة على اخوتك ووالديك واطلبي منهم بحزم ان يتخذون موقف صارم

وسريع لذالك المعتدي المتمرد ......

استغربت كثيرا لامران صدرا منك : الاول عندما قال لك بكل وقاحة ان حزنه على المشاكل اللتي بينه وبين صديقته

وردك السلبي في المقابل قهرك وبكاءك عندما علمت انه اخرج اهله للسوق ولم ياخذك !!!!!!!!!!!!!

انظري لردة فعلك للموقفين !!!!!!!! وما المهين اكثر للكرامة بنظرك !!

سبحان الله

صدقيني غاليتي واتخذيها كلمة في اذنك للزمن

على تلك الشخصية الهشة كالورق لن تستطيعين تغيريه يوما ........

ابدئي بنفسك وقوي من نفسك لتغيري عاداته السيئة وللتمكني من النجاح حتى في عملك كمعلمة ........

موفقة
 
بشوورة قال:
الله كريييييييييييييييييييييييييييييييم يابنات ..

الحمدلله صارله اسبوعين الله هاديه لي لاهواش لاطق ومدلعني اخر دلع والسبب انه عرف اللي فبطني ولد ..

الله يدوم هالحال ..

خايفه انه عقب الولادة ((يرجع مثل اول )) بوطبيع مايجوز عن طبعه :(
أنقر للتوسيع...




حبيبتي


الريال ما بيتعدل من نفســــه ,,,


انتي اعدليـــه و بعــدين راح ترتاحيـــــــن سواءا بأهلج او بالقانون ,,,


و بعدين يا اختي ليش تتمنين رجــــــاه و رضــــاه !!!






انتي افرضي عليه ان يحترمج و هو الي يرضيــج ..
 
اهلين اختي.. ضيقتي صدري بقصتك.. وبعدين ليش ساكته؟ ولمتى بتمين ساكته؟؟ لين تترقدي بالمستشفى من الضرب؟؟؟:icon28: بختي وين كرامتك؟؟؟ ربي خلقك بكرامتك.. ربي ما يرضيه تنهان كرامتك..شوفي اسمحي لي هذا انسان بشخصيه مهزوزه او منعدم الشخصيه اصحابه هم الي يمشونه ع كيفهم كل واحد له شور وهو يمشي ع شورهم ويجي يطبق عليك ويعتقد ان هذا هو الصح.. واكيد تجاربه السابقه والحاليه مأثره عليه وع نفسيته بالتالي تلاقيه مره يكون لطيف معك ومره ينقلب عليك..ما عنده ثقه بنفسه دليل انه يلجأ للضرب.. انتي عداك العيب والله ما قصرتي معه بس غلطتك انك خليته يتمادى عليك وياخذ راحته معك لدرجة وصلت الضرب.. وغلطتك انك ما اخذتي مانع للحمل حتى تتاكدي من ارتياحك معك خاصة انك كنتي سامعه بسمعته من قبل الزواج عموما اللهم لا اعتراااض.. اهله ما لهم حق يتدخلو بخصوصياتك..انتي بنت ناس وجايه من بيت كريم وطالعه منه معززه مكرمه وبالأخير تلاقي كل هذا منه؟؟؟؟ اهلك ضروري ضروري يعرفون بكل شي يصير معك.. ومن باب أولى اهلك يعرفون بهالقصه قبلنا احنا بالمنتدى .. واكيد هو بيطرطع عشان علمتي اهلك خليه يبلط البحر يا يتعدل ويصونك ويكرمك ويعاملك كويس ولا بيت اهلك اشرف لك واكرم لك..شوفي اذا كان فعلا يحبك بيتعدل بس انتي بلغي اهلك ولا تتنازلي عن حقك حتى لو عارضوك ورجعوك له يابنت الناس طالبي بحقوق ولا تهيني نفسك اكثر من كذا:icon28:..وان شاء الله يصلح حاله ويهدي نفسه ويبعد عن هالشله التعباته والله يكرهه في البنات الي يعرفهم ويشوفهم كلهم قرود الا انتي ومحارمه يارب الله يسخره لك ليل نهار.. ارجو اني افدتك
 
تدرين بقولج شيء واااااااااااااااااااحد

والله انج تستاهلين اللي يسووويه فيج واحسن بعد تدرين ليييييييييييييه؟؟

لانج متمسكه فيه رغم وقاااحته واشكره عين عينج يخونج وانتي ساااكته ليش انتي تكلمين شباب وراعية سوالف

عشان تسكتين عنه وتتساهلين معااااه؟؟

وبعدين وشو يطردج وتقولين ماابي اروووووووووووح بيت هلي؟؟؟هلج اللي عزوج تروحين تذلين نفسج عشااانه

والا هلج ماصدقوا على الله يفتكون منج؟؟؟

وشو وين ابوووووج خل يحس وراج ريايييييييييل صج تبطين الجبد حبيبتي يرضى لين رضت حبيبته

ويصفقج لين تزاعل معها انتي وشوووو عشان تسكتين لهالدرجه رخيييييييييييصه؟؟

حبيبتي اصحي اذا ماخليتيه يحترمج عشان شخصج يبه الريال بداله الف رياااال...وهلج علميهم عليه وخليه

يوقف عند حده لاتمسحين بكرامة هلج الارض عشان بلاااويه...

وتبين حل ؟؟اللي يبي حل يسوي يتحرك يعني تحرون جبودنا عليكم وعشانكم وبالاخير تقولون تغير ورجع..!!

اذا تغير يتغير فعل مب كلام وتمثيل...كيفج اتوقع انتي اللي جبتيه لنفسج يصفقج وتروحين تسوين له عشاء؟؟

ليش تذلين نفسج له ليش...؟؟؟؟

حطيها ببالج وابوي دوم يقول جيه الريال اللي يمد يده على مره مب رياااااااااااااااااااااااااااااااااااااال..​
 
الله يعين بنات اليوم على ها الشباب والرجال كثرت مشاكلهم ومو شي عجبهم الله يكون بعونك
 
مشكورين حبيباتي على ردودكم .. حتى اللي جرحتني بردها هم مشكوووورة ..

ان شاء الله افرحكم عن قريب... عن حالتي..

وماتقصرون والله ماني عارفه شنو اقول لكم ..

وفديت اللي دعت لي وقالت ان شاء الله يشوف البنات قروود اقولها آآمين ياااااااااااااااااارب :)
 
لو زوجك زوجي بعيد الشر عني كان الحين أنا في السجن أنتظر أقامة الحد علي

حبيبتي توك صغيره حرام عليك ترخصين نفسك للدرجه هذي

فري بنفسك وبولدك عنه هذا وحش موزوج
 
أكثري من قول يا رؤوف يا رحيم

:c016:​

حبيبتي بشوورة
تألمت كثيرا لقصتك .. بس أول شي أحب أقولك إياه ان تكلمين أهلك عن سالفة الضرب لأنه إذا ضربك خلالالاص بصير كل شي عنده عادي
بكرة يمكن يكلم البنات جدامك ويقولك ما لك حق تتكلمي ..
المهم ما أبي أزيد همك بس اقرئ هذا الدعاء وعسى ربي يفرج همك .. بس صدقيني لا تسكتين عن سالفة الضرب خل يحس ان في سند لك وخل يعرف ان قاعد يسوي الغلط ​

388565315.jpg
 
ليش مايضربك ؟؟؟؟؟؟ خليه يضربك ...... خليه يهينك ...... خليه يخونك ...... خليه ينقل لك الامراض .........
خليه يشغلك خدامة عند اهله ...... ليش لا ؟؟؟؟؟؟؟؟؟
مادام فيه نساء عندنا بهذه العقليه وهذه النفسية فليش لا ؟؟؟؟
مادام فيه نساء عندنا ماتفرق بين معنى الزوجة والجاريه فليش لا؟؟؟؟؟؟
مادام فيه نساء عندنا مهما حصلن على اعلى الشهادات يبقين بهذه العقليه المتخلفة فليش لا ؟؟؟؟؟؟
مادام فيه نساء عندنا ماتعرف حقوقها اللي كفلها لهل الشرع فليش لا ؟؟؟؟؟؟؟؟؟
مادام فيه نساء عندنا ترخص نفسها وترخص اهلها فليش لا ؟؟؟؟؟؟؟؟؟
خليه يطق ويخون ويسوي اللي يبيه
بس تاكدي من شي واحد:
ومن يهن يسهل الهوان عليه
والجاي في الطريق اعظم واعظم
 
عندي لك نموذجين من اهلنا الاولى عندها خمسة اطفال بدت حياتها مثلك بضرب واهانه من بعد مرور اسبوعين من زواجها وكان زوجها متأثر بربعه واخوانه تحت شعار(خلك رجال)على طول راحت لاهلها وخلال ماهي عند اهلها اكتشفت انها حامل اصرت على موقفها في طلب الانفصال جا ركض مع جاهه لارجاعها املت شروطها من ضمنها مبلغ من المال وان يطلب الرضا من اخوتها كل في منزله الان تعيش حياة الاميرات ماشاء الله والثانيه نفس الشي من بداية حياتها ضرب واهانه عندها اربعة اطفال في وحده من المرات اخذت موقف وراحت لاهلها وطلبو منها اخوانها تسكر جوالها حتى يجي بنفسه يعني يبون يادبونه ماسمعت كلامهم وردت على مكالمته وراضاها بكلمتين وهديه وردت له بدون علم اخوانها والان تعاني من خياناته المتعدده وسفرياته وتهدديدها اليومي بالزواج عليها الله يرفع عنها الضر التي هي فيه ادعو لها خواتي فهي محتاجه للدعاء وانتي يابشوره اعتقد فهمتي قصدي
 
حبيبتي الله يكون في عونج :no:
بس لا تسكتين على سالفه الضرب:a049:
والله الوحده بتصبر على كل شيىء
حتى سواد وجيهم الا الضرب
يمكن اهلج من النوع الي ما يساعدونج :dunno:
بس نصيحه لا جيبين اعيال وهو ما يستاهلهم :sly:
وانتي بتعذبين ان كانو عندج او عنده
الله يكون في عونج :c016:
 
الحالة
مغلق و غير مفتوح للمزيد من الردود.
عودة
أعلى أسفل