][ تكفون ساعدوني .. تكفون.. ورب البيت تعبت من زوجي ][

  • بادئ الموضوع بادئ الموضوع بشوورة
  • تاريخ البدء تاريخ البدء
الحالة
مغلق و غير مفتوح للمزيد من الردود.
الله يهديكم
 
يا حبيبتي احس اني مقهوره من سكوتك عليه ليش تسكتين على الضرب والاهانه هذا يبيله احد يوقف بوجهه غلط اللي تسوينه لازم تدافعين عن نفسك وتتكلمين لان هالاشكال ما ينفع معهم الطيب والسكوت والا راح يتمادى اكثر واكثر ويصير ما يهتم لشي ابد تكلمي قبل لايضرك هالضرب او يضر الجنين ...هو اخذ بنت الناس عشان يعذبها والا عشان يصونها ما اقول الا الله يهديه يارب ويصلح حاله ويسخركم لبعض يارب وجميع المسلمين.
 
شوفي ياحبيبتي الغلط غلطك انتي انتي بالطريقه هذي خليتيه يتمادى عليك وراح يزيد ويزيد والحياه طويله معه روحي لاهلك وحددي موقفك اذا ماوقف عند حده اتركيه هذي مش عيشه انصحك والله راح تجيك الامراض النفسيه والبدنيه انتبهي نصيحة وحده لاختها...
 
لاحول ولاقوة الا بالله


الخوات ماقصرو ماراح اقول اكثر من اللي قالوه


الله يرزقج راحة البال والسعاده ويحبب زوججج فيج اكثر وكثر ويصلحه يارب
 
حبيبتي انت غلطانه لازم توقفيه عند حده وتبلغي اهلك بضربه لكي عشان يحترمك ويعرف انه وراك ظهر اذا عروسه يسوي فيك كذا اجل بعد كم سنه اش يسوي فيك يجيب صحباته البيت ويعرفك عليهم معليش لاتزعلي مني انا عن خبره لي 17سنه متزوجه وبنت اخو زوجي انظربت مه وسكتت ثاني مره قالت لاهله وقفه عند حده وبطل
 
الله يكون بعونك أختي
أنتي توك صغيره وفي بداية المشوار
والمفروض ماتسمحين له يمد ايده عليك ويسبك من البدايه وانتي لازلتي في البدايه
لاتهدرين كرامتك عندة فهمية انك انسانه ولك مشاعرك
والمصيبه انه يقول لك زعلان مع صديقته والأمر من كذا ردك عليه الي أحس من خلاله أنه عادي مسألة الصديقه عندك وهذا يخلي زوجك يتمادى في لعبه
أختي أنتي توك في بداية المشوار فهميه ان الحياة الزوجيه الناجحه هي المبنيه على الثقه والتفاهم والمحبه ولاراح يسير مركبها من غير هالأشياء
هدديه أنه لو تمادى في سلوكياته الخاطئه هذي أنك راح تتركينه ولاراح ينفعه أحد

أنا أحس أن زوجك مدلل عند أهله ومخربه الدلال وكل شي يبيه يجيبه
بس أنتي لاتيأسي خليك بموقف قوة دايم معه وخلي مخافة الله بين عيونه دايم

الله يهدي سركم ويصلح حالكم
 
فديتكم لي عوده لكم قريت اغلب الردووود

حبيباتي والله كنت عارفه ماراح تخيبون ظني ..

انا حاليا قاعده عند اهله .. وقاعدة ااااقرأ بسرعه بسرعه ..

مابي احد يشوف لي عوووووووده

شكرا لكم
 
شكلك موتحبينه وبس الاتموتين فيه.
والاوش مصبرك عليه وعلى غثاه
المصيبه انه لسى عايش عيشة المراهقه،وقصة انه مابينك وبينه الافتره بسيطه يعني موحاس انك زوجته مثلا بيتسلط عليك مثل اخته ،طيب هل هو كان كذا قبل الزواج مع أخواته وبعدين ليش انتي تسألينه دائما وش فيك وش صاير خليه ينفلق وعمره مارضى؟!
بعدين لاتزعلين مني شكلك صحيحه وطيبه مره تعلمي تقولين لالالالالالالالالالالالالالالا
ارفضي الضرب الاهانه الشتيمه موبنات الاحرار يهانن وبنات الليل لهم الدلع!
وتقربي لله وبأذن الله باين عليك راعية طاعه عليك بالصلاة في جوف الليل.
كانت وحده من صديقاتي اخت زوجها متأذيه من زوجها وهو مثل زوجك ضرب واهانه وشيء ونفس الشيء عمرها قريب من عمره وتزوجوا صغار.وبهدلها حتى شافت نجوم الليل بعز النهار،لكن ابوها رفض الوضع وكان بينهم ولدين وخافت ياخذون عيالها.قال ابوها براحته يأخذ هم يملا بركتهم.
وجلست عندهم كم شهر حتى جاء وراسه للارض يراضيها ورجع لها على عجين مايلخبطوش؟
الله يتمم لها يارب
ويسخر لك العيب فيك لازززززززززم تقوين شخصيتك وتعتبرين بغيرك
 
فيه قصة فالمنتدى تشبه حالتج اعتقد برود ومطر اقرئيها واستفيدي من الاستاذه ناعمة ونصائحها
 
اختي الغالية .تألمت لما سمعت القصة واستغربت جدا من سلبيتك تجاه موضوع الضرب احنا الحين بأي قرن ؟؟؟وبعدين انتي انسانة جامعية ومثقفة المفروض ما ترضي على نفسك الاهانة انتي ما تخافين يوم من الايام يضربك ويسبب لك عاهة لا سمح الله ولو عينك راحت تفتكرين الرجال بيزعل عليك ابسط شي راح يقول ما ابيها ويتزوج عليك .انا كانت لي صديقة من احد الدول الخليجية وكان زوجها كل يضربها لدرجة انها اسقطت الجنين اللي في بطنها وصار فيها نزيف واهلها المسكينه مايدرون عنها لانها من دوله ثانية المهم انه اهل الزوج قالوا لها روحي لاهلك واهربي من هالوحش ولدنا وفعلا ازعلت وراحت لاهلها وبعدها عرف قيمتها طبعا وجا يعتذر ويرجعها طبعا بعد ما ابوها رحمة الله عليه وقفه عند حده وحس ان هالبنت وراها ناس ومن يومها حرم يمد يده عليها ....اتمنى انك فهمتي اللي ابي اقوله لك ياختي العزيزه رررررررررررررررروحي لاهلك خله يوقف عند حده والله يوفقك.
 
بشوره

واختي بشورة زوجك عسكري واللي اعرفه ان العسكري اذا صار عليه شكوى في الشرطه يصير ما يترقى اذا ضربك مره ثانيه لا تسكتين صيحي بصوت عالي واطلعي للمستشفى سواء معه او مع ابو زوجك وبالغي في التالم واطلبي الشرطه ترا والله ما يوقفه عند حده الا الشرطه سجلي البلاغات تلو البلاغات عشان يصير في ملفه وتهددينه بها وترا ما نافعك ال صحتك تخيلي يجيك نزيف وانتي حامل من الضرب تدرين ان النزيف يسبب اعاقه للطفل والعصبيه وضيقة الصدر تاثر على الجنين وهو في ذمتك انا عارفه انك ذكيه وعاقله بس يبغا لك احد يوعيك ويذكرك بحقوقك وترا اذا ما رحمتي نفسك وحبيتيها ما راح احد يحبك اخر شي لا تنسين الدعاء ان الله يكفيك شره واذا حسيتي انه زعلان ادعي بالدعاء اللهم يا ولي نعمتي وياملاذي عند كربتي اجعل نقمته علي بردا وسلاما كما جعلت النار بردا وسلاما على ابراهيم الله يسخرة لك وتر الحب مايجي على طول ياخذ ت .
 
لا عيوني لاتنطرينه يمد ايده عليك تري هذي مو عيشه راح تموتين الف مرة باليوم بعدين انتي ما قصرتي في حقوقه ليش يذلك ويهينك ويضربك ويسبك خلاص اه اللي مقصر فيك وافي احساسك واحترامك كزوجة ...ليش ذابحة روحك بتراضينه وتلحين عليه بالسؤال علي اللي مضايقة بالطقاق اللي يطقه شخذيتي غير الضرب والاهانات وبعدين عنده عشيقات ورقاصات ..فيه وحده من صاحباتي مثل قصتك يهينها ويمد ايده عليها وساكته ليما شافت بعينها زوجها مع خدامه بفراشها ما تحملت الله حفظ عقلها لا تجن من فعايله وطلقت منه لانه ما منه رجا فانصحك لا تصيرين مضحية علي حساب صحتك ونفسيتك وبدنك وعقلك مادام انت في اول الطريق نقذي نفسك منه ولا تضلين تتحسرين طول عمرك علي واحد ما يستاهل ..
 
ياقلبي والله عورتي قلبي هذا لازم يتربى لانه انسان همجي ومنحط روحي بيت اهلك وإذا عرف ان الحياة الزوجيه تفاهم واحترام وحوار يجي ياخذك والله العظيم هذا افضل حل او يجلس عند امه ~~قلبي معك
 
شعاري سلامي قال:
أختي الغاليه: تأملت وتألمت كثيرا ولكن قبل هذا أنا بصراحة ألومك في الأول والأخير لأنك باقي عروس وكان من المفروض من أول مره يضربك ويرفع ايده عليك كان وقفتيه عند حده((انا ماأقول كلامي عشان أنافق))لكن الرجال اذا عرف ان الزوجه مالها سند راح يسوي كل شيء وبدون خوف,,,أنتي المفروض أقل شيء كان زعلتي وماترضي حتى تعطينه درس وعقاب قوي أو تكوني خبرتي أهلك والله ماكان تجرأ ورفع يده عليك...أما بالنسبه لحمواتك إذا كانوا كبار فأنا أنصحك ماتجلسي معاهم وخليكي رسميه لأن بعض الأشكال هذي ماتنعطى وجه إنتي عليك زوجك’’’مثلا لوجتكي وحده من حمواتك قالت تعالي ابوي والا أمي يبونك لا تردين عليهم ,,,إذا عمك أو عمتك طلبوكي شيء ممكن تنفذي طلباتهم لكن يجون البنات يقولون شوفي أبوي وش يبي عشا!!!!!بصراحه اسمحيلي أنتي أعطيتيهم وجه زيادة لذلك ماأحترموك’’’لكن لوحصل وصار لك الموقف مع البنات ينادونك تسوين شيء روحي لاتردين عليهم روحي غرفتك او انشغلي بأي شيء
صحيح أهل زوجك بيزعلون لكن يزعلون !!!ليش يأخذون بنت الناس تخدمهم هم وبناتهم؟؟!!!!!!!!!!!
لا حبيبتي خليك قويه جدا أما بالنسبه للمكالمات تفاهمي معاه ان رضي يترك هالمكالمات والحركات البطاله فهذا خير وبركه وان ما رضي حبيبتي منتي مجبوره تعيشين بعذاب معه وصدقيني اذا من جد متعلق فيك راح يترك اي شيء عشانك وراح يرجع مافيه مشكله ازعلي وروحي عند أهلك ولوماحاول يرضيك لاتبدأين انتي لأنه في الاول والأخير الشخص اللي مثل زوجك حاس بالنقص وعارف ان مافيه أحد يقبله لذلك خليك جازمه بموضوعك...وعليك بلأستغفار وان شاء الله ربي يفرج عليك
أنقر للتوسيع...
انا نفس كلام اختي 000 مانتي مجبوره تعيشين وياه انتي بنت حموله مانتي بنت شوارع 000 وخلي شخصيتك قويه لانك ضعيفه سوى فيج جذي 00:icon28:
 
هلا حبيبتي انا رديت عليج من قبل بس قلت بمر على موضوعج عسى اسمع خبر زين منج ونفرحلج بس على اللي كاتبته اخر مره فهمت انه لين الحين على الحال .. الله يكون بعونج وننطر اخبار حلوه منج...
 
اكبر خطأ انك يطقك وتسكتين انتي لك كرامه وهو عارف انك ماتقولين لأهلك وماخذ راحته لاياحبيبتي ماعاش اللي يهينك وراس ابوك يشم الهوا اصلا حرام عليك نفسك بعد مايصير تضغطين على نفسك عشان واحد مايستاهلك انتي ببداية حياتك لازم تدخلين اهلك بالسالفه والله ماراح تندمين هم ادرى بمصلحتك يمكن تنحل المشكله قبل لايصير بينكم ضنا حليها من الحين مايصير تتمين طول عمرك كذا والله اختي نفسك يضربها وتسكت ويسألها تقولين لأهلك تقول لا لين ملت وخبرت تمي وابوي وتصرفوا والحين مايمد ايده لأنه خايف ينفضح ,,
 
الله يكون بعونج بس انتي الغلطانة لما تركتيه يمد ايده عليج
المفروض توقفينه عند حده ولاتخلينه يكررها واذا هو صج
يحبج مايمد ايده عليج ولازم تعلمين اهلج يتصرفون وياه
ليش اهي حضيرة حيوانات ولا ايش​
 
السلام عليكم ورحمه الله وبركاته

حبيبتي انتي غلاطاااااااااااااااااااااااااااااااااااانه 100000000%100
لانك سكتيله انا مع رائي الاخت شعاري سلامي والاخت ام العسل
انسان مثل هذا دوسي عليه برجلك ولا تسمحين لاحد يسلبك كرامتك وسعادتك
وليش تصبرين عليه وش الزين فيه اصلا اذا وحده تقول انا اصبر على زوجي تلاقين فيه شي زين
لكن انتي من كلامك مافيه شي يسوى
ونصيحه مني لا تنتضرينه يتغير ولايجي يخضعلك الحقي الي بقى من عمرك وعشيه بسعاد
وخليه لخياسته والكبائر الي هوه عايش معاها
اقل شي خافي على نفسك والي في بطنك لايسرلكم شي من الطبق
بسرررررررررررعه دخلي اهلك في الموضوع؟؟؟؟؟

اعذريني على كلامي بس احدى قريباتي مرت بنفس موقفك ولم تسعد الا بعد الطلاق
وطليقها الى الان من اسوى الى سيى ........يعني ما كان فيه امل يرجى....
 
الله هاديه لي هاليومين .. والله كريم

واحب اعقب على اللي قالت اني مو مرتاحه فبيت اهلي بالعكس جنه ونعييييييييم وربي من ناحية امي والا ابوي

وان شاء الله ماراح اسكت له وفيه سوالف لازوم اقولها لكم وابيكم تفسرون هالشي اللي بزوجي ذبحني ذبحني
 
الحالة
مغلق و غير مفتوح للمزيد من الردود.
عودة
أعلى أسفل