تعالي شوفي ريجيمي بصوري الخاصة -تحديث يومي -!

[حلاتي فى حركاتي]

الموضوع رائع يسامووووووووووووووووووووووووو يستحق التشجع

 

[صدى الآهات2009]

مشكوره الغاليه على الموضوع الحلو وننتظر منج المزيد

 

[***الراسية ***]

بس عندي عتب عليكم يا بنات كل هالمشاهدات والردود بسيطة بالنسبة لكم المشاهدات وغالبية الردود في مجمل الردود في الصفحة هي من مشاركاتي واضافاتي للموضوع
اتمنى الاقي التشجيع الكافي عشان استمر اواصل بالموضوع وعلى فكرة عندي كم فكرة لمواضيع جديدة أتمنى تنول على اعجابكم بس أبي اشوف تجاوبكم والمواضيع الجديدة مرتبطة بالاكل وعلاقته بالامراض الجمالية عند المرأة مثل اسوداد الاماكن الحساسة والرقبة والاصابع والكوع وشنو اللي تاكلينه وكنت اكله ويسبب الحالة هذي وما هو المرض اللي نعاني منه غالبيتنا بس محد يقولنا عليه حتى الطبيب[/quote]

حبيبتي مالك الا الي يسرك أهم شي لا تزعلين ....
انت تبينا ننزل صور لأكلنا أنا ماعندي مانع خاصة اني أتبع رجيم السعرات بس أخاف الي تقرا موضوعك تتلخبط والموضوع يطول و يتشعب ودي الموضوع يصير خاص فيك عشان الي تبي تمشي على نفس النمط ..... والردود تكون في موضوع خاص مستقل عشان نآخذ راحتنا .... وش رايك تفتحين موضوع للردود وبكذا تحتفظين بخصوصية الموضوع ؟؟؟؟

و بالنسبة لباقي المواضييييع صرااااحة مشوووووووقة أنا قاعدة الفترة هاذي أشتغل على حالي بقووووة أتمنى اوصل للوك جديد قبل الصيييف دعواتك حبيبتي ...

 

[***الراسية ***]

بس عندي عتب عليكم يا بنات كل هالمشاهدات والردود بسيطة بالنسبة لكم المشاهدات وغالبية الردود في مجمل الردود في الصفحة هي من مشاركاتي واضافاتي للموضوع
اتمنى الاقي التشجيع الكافي عشان استمر اواصل بالموضوع وعلى فكرة عندي كم فكرة لمواضيع جديدة أتمنى تنول على اعجابكم بس أبي اشوف تجاوبكم والمواضيع الجديدة مرتبطة بالاكل وعلاقته بالامراض الجمالية عند المرأة مثل اسوداد الاماكن الحساسة والرقبة والاصابع والكوع وشنو اللي تاكلينه وكنت اكله ويسبب الحالة هذي وما هو المرض اللي نعاني منه غالبيتنا بس محد يقولنا عليه حتى الطبيب

حبيبتي مالك الا الي يسرك أهم شي لا تزعلين ....
انت تبينا ننزل صور لأكلنا أنا ماعندي مانع خاصة اني أتبع رجيم السعرات بس أخاف الي تقرا موضوعك تتلخبط والموضوع يطول و يتشعب ودي الموضوع يصير خاص فيك عشان الي تبي تمشي على نفس النمط ..... والردود تكون في موضوع خاص مستقل عشان نآخذ راحتنا .... وش رايك تفتحين موضوع للردود وبكذا تحتفظين بخصوصية الموضوع ؟؟؟؟

و بالنسبة لباقي المواضييييع صرااااحة مشوووووووقة أنا قاعدة الفترة هاذي أشتغل على حالي بقووووة أتمنى اوصل للوك جديد قبل الصيييف دعواتك حبيبتي

 

[جنان الخلد]

مشكورة على الفكرة

 

[wolfxfox]

السلام عليكم ورحمة الله وبركاته
أعتذر للجميع بسبب حصول خطأ اثناء تحميلي للصور وسبب حدف لبعض الصور القديمة واستبدالها بصور الملوخية
هههههههههههههههههههههه
راح أحاول انشاء الله استخدم مركز تحميل ثاني

الصور للبارح كانت كالتالي
الريوق كان بسيط مربى بدون سكر وجبن مثلثات وتوست أسمر كامل القمح
ملعقة المربى =20سعرة بس مقارنة ب100 للمربى العادي :thumbdown:
جبنة مثلثات =35 سعرة بدل 70للعادي :icon31:
2 توست =150 سعرة

[url=http://fashion.azyya.com]

[/url]

[url=http://fashion.azyya.com]

[/url]

[url=http://fashion.azyya.com]

[/url]

والفواكه كالمعتاد للكل من كرز وموز وفراولة وطبعا الكل كان أكله نفس الشي -على فكرة يا بنات ترى اتغييرات اللي تسوينها في نظام الاكل مو بالضرورة تكون تغييرات جذرية خصوصا للأسرة كلها يعني حاولي كثر ما تقدرين تحافظي على اللمة الوحدة اثناء الوجبات وما تحسسين الباقي انج مختلفة او توكلينهم اكل غير اكلج خلي ااكل كله صحي ومناسب للجميع
[url=http://fashion.azyya.com]

[/url]

وجبة نتصف اليوم كانتثقيلة شوي وقبل وقت الظهر بشويه
عبارةعن خضروات طبختها على البخار امس وحفظتها في الثلاجة سخنتها وذت عليها ملعقة سمسم وملعقة بذر الكتان مطحون ومكسرات من جوز ولوز وماكدميا وشطة فلفل حار عشان تعوض بدل الملح وعصرة ليمون وجبن موزريلا مقطع وزيتون :essen:
[url=http://fashion.azyya.com]

[/url]

هذي المكملات اللي زدتها على الخضار
[url=http://fashion.azyya.com]

[/url]

الشكل النهائي :essen:

 

[wolfxfox]

وهذا الغدا عبارة عن اسباجيتي باللحم المفروم والعلبة تسوي 7 حصص وبصراحة انا اكلت حصتين ونص يعني لثلاث حصص بصراحة خلص صحني وزدت لي وبعدين أكلت على العشا الحصة الثااثة بس نصيحة اذا تعرفين نقطه ضعفك لا تسوين الاكل اللي تدرين انك ممكن تاكلين منه اكثر
ولكن على الرغم من هذا شوفي الايجابي في الموضوع :a084:
أنا استخدمت الاسباجيتي اللي معمول من حبوب مختلفة مثل القمح الكامل والشوفان والشعيروحبوب الصويا والسعرات الحرارية فيه تساوي 190للحصة الوحدة
[url=http://fashion.azyya.com]

[/url]

هذا كل اللي طبخته بالجدر مع مراعاة قلي البصل بملعقة وحدة بس زيت زيتون وتخفيض النار عشان تستوي الحمسة على نار هادية وما تحتاجين زيت زيادة عشان لا يلصق البصل بقاع الجدر
اللحم المفروم اشتريه من اللحام ويناصفه لي نص لحم غنم ونص لحم بقر من البقالة العربية وكثري صلصة الطماطم بسبب مادة اللايبوسين المضادة للأكسدة الموجودة في الطماط وعلى فكرة المادة هذا تزيد في الطماطم المعلبة اكثر من الطماطم الطازجة :e136:

[url=http://fashion.azyya.com]

[/url]

وقررت اسوي حلو اليوم وهو عبارة عن محلبية بالكاكاو للأطفال ولي :tongue:
وحضرته مع الحليب الخالي الدسم
[url=http://fashion.azyya.com]

[/url]

هذا كان غداي المعكرونة مع الاسباجيتي وجبن مبشور على الوجه والتوت البري الاحمر وبرتقالة
[url=http://fashion.azyya.com]

[/url]

والعشا كان اسباجيتي بعد نفس الكمية بس بدون جبن مبشور مع موزة بدل التوت وطبعا دلعت نفسي بالمحلبية على الرغم من شعوري بالندم بعدين لأني ما التزمت بحصة معينة كنت اوكل الاطفال فلقمة بحلجهم ولقمة بحلجي وهذا من اكبر الاخطاء اللي تسبب الاكل الغير واعي خلك حذرة في هذي الامور الصغيرة اللي ممكن تخرب شغل اليوم كله وخصوصا انه كثافة السعرات في الحلويات اكثر من الاكل العادي

 

[wolfxfox]

[url=http://fashion.azyya.com]

[/url]

هذا يا بنات العنب اللي وكلته للأطفال وعلى فكرة المادة البيضة اللي على العنب هي مادة حافظة تسمى بالشمع الحافظ نعم مادة تضاف للفراولة والليمون والعنب والبرتقال وتلاحظونها بزود اذا حاولتي تمسحين الليمونة او البرتقالة وتطلع نفس المادة البيضة على لاظافر واطراف الاصابع من المادة الشمعية
الطريقة المثالية للتغلب عليها انج تنقعين الفواكه في سطل ماي فيه شويه خل ابيض عشان المادة الحمضية اللي في الاخل تذوب المادة الشمعية اللي على سطح الفواكه والا برايكم شنو اللي يحافظ على الفواكه من التلف اثناء الشحن بالبواخر والسيارات الكبيرة

 

[wolfxfox]

سي السيد كان اكله نفس اكلي بس الفواكه له تختلف
[url=http://fashion.azyya.com]

[/url]

هذي فواكه الاطفال واحرصي على التقطيع بما يناسب سن كل طفل
[url=http://fashion.azyya.com]

[/url]

هذا شكل بدنق الشوكولاته بعد ما طلعته من الثلاجة
[url=http://fashion.azyya.com]

[/url]

 

[wolfxfox]

وهذا أكل زوجي للعشا مع المكونات ومثل ما قلت لكم يا بنات احرصي اكل كل اهل البيت يكون صحي ومغذي وصدقيني الريال ما يدري شنو تحطين بالاكل لأنك انتي المسؤولة عن تقديم الوجبات فالبيت فراعي الله في اكلهم بعد يعني مو بس انتي مسوية ريجيم ونظام صحي والباقي لأ واذا حتى زوجج قعد يقولك ماله داعي تحطيله سكتي ولا تردين وحطي الاكل المناسب لصحته حتى لو ما يدري ترى وعي الام وربة البيت في تغذية اسرتها اهم وايد من التسوق والمكياجات والتسيورات وطلعات الاسوقة حاولي تشغلين وقتك بشي يرد بالنفع على كل افراد الاسرة وينمي عادات غذائية صحية عند الاطفال يلتزمون فيها اذا كبروا (حلوة المحاضرة :c011
[url=http://fashion.azyya.com]

[/url]
الجبن تقطعينه شرايح وتحشين فيه الصمون

الخبز الصمون
[url=http://fashion.azyya.com]

[/url]

وعلى كرة يا بنات بما يخص الصمون او مشتقات القمح دايما دوري عن كلمة 100% حبوب كاملة أو قمح اسمر في قائمة المحتويات مو بس كلمة قمح اسمر لأن الشركات عندها ترخيص في تسمية منتج الطحين قمح اسمر اذا ضافت على الطحين الابيض نسبة معينة من الطحين الاسمر تقدري تسمي الطحين الابيض انذاك طحين اسمر والشركة تكون ملتزمة بالمعايير ولكن مو بالجودة فهمتوا قصدي يعني دايما اقري كل المحتويات وركزي على كلمة طحين اسمر كامل 100% مو تكتفين بكلمة طحين اسمر والسلام
[url=http://fashion.azyya.com]

[/url]

وشرايح البكون المكونة من الديك الرومي وتاكدي من المحتويات كذلك
[url=http://fashion.azyya.com]

[/url]

[url=http://fashion.azyya.com]

[/url]


اذاما عندك صاج نفس حلاتي مو مشكلة الحاجة أم الاختراع حطي الصمون في مقلة مانعة للالتصاق وحطي ورقة قصدير فوكها وعبي ابريق الشاي ماي لحد 4/3 الابريق وحطيه على الصمون عشان ينضغط ويعطيك شكل الخبز الصاج المحمش نفس المطاعم :c045:
[url=http://fashion.azyya.com]

[/url]

[url=http://fashion.azyya.com]

[/url]

نقانق صغيرة تنفع مقبلات مع الاكل واحرصي اذا كنتي عايشة في امريكا انها ما تكون معبئة في امعاء الخنزير مثل النقانق العادية لأنه انتو عارفين انه النقانق حتى في الدول العربية تعبى في الامعاء بعد تنظيفها على شكل انبوي والا ما تدرون ؟!:a115:

[url=http://fashion.azyya.com]

[/url]

رقائق التورتيلا العضوية بنكهة الجواكيمولي او الافوكادو والثوم
[url=http://fashion.azyya.com]

[/url]

محتويات رقائق الذرة أو التورتيلا
[url=http://fashion.azyya.com]

[/url]

العشا النهائي
مكسرات شويه ونقانق وزيتون والصمون المشوي المحشي جبن وشرايح البكون بطعم الديك الرومي
وسلامتكم

 

[wolfxfox]

أشكر جميع الاخوات على الردود الجميلة واختي الراسية شكرا على التشجيع والتحفيز واتمنى لك كل خير انشا الله يشهد الله اني احبك فيه واني بالفعل احسك اخت قريبة لي وهذي على قولتنا حياتنا انتي وغيرك يشوفها من خلال اكلنا
يقولون وايد تعرفين الانسان من طريقة اكله وانشاء الله اكون عند حسن ظنكمواما بالنسبة للموضع اللي يفتح للردود ما ادري اشلون اسويه انا اشوف بعض المواضيع مثل مقالات ا.ناعمة الهاشمي تفتح لها موضوع برابط خاص بس احاول انشاء الله واشوف اشلون اسويه
أنا بصراحة افكر احط مواضيع تختص بالامراض الجمالية والعلاقة مع الاكل وابي اعرف رايك فيها مثل اسوداد المناطق والرقبة ومفاصل الاصابع في اليد وهم علاقة الأكل بالحالة النفسية بصراحة خلال السنة اللي طافت كونت عندي مجموعة من الكتب الطبية اللي تدرس علاقة الاكل بالامراض والجمال وودي الكل يستفيد منهم بس مثل ما انتي عارفة التنسيق ياذ وقت لكن ولا يهمكم انشاء الله متى ما اكتملت عندي مجموعة الصور اللي ألمها للموضوع اكتملت المادة العلمية بانزل الموضوع شكرا جزيلا مرة ثانية على تواصلك معاي وكلماتك المشجعة

 

[wolfxfox]

صدى الاهات وحلاتي في حركاتي شكرا على وقتكم وممتنة لكم على الردود المشجعة

 

[wolfxfox]

أم يوسف وصباح ومدخن ودخون وأودة وطموح نملة شكرا يا أخواتي على الثناء والتحفيز وبارك اللهم فيكن ورزقن بحق جاه السميع العليم

 

[wolfxfox]

بنت الدر ،حبة توت، القد المياس، حيث النقاء،سنكرس شكرا على المشاهدات:a025:

 

[ريح العود..]

ماشاء الله تبارك الله
كل يوم اتصبح على موضوعك واكثر شئ يطيح لساااني الفواكه ما شاء الله مشتهيه التوت البري والفراوله>>>وش رايك ترسلين لي!!!
صراحه ابدعتي كل يوم تقولين لليوم اللي قبله وخر اليوم ابدع اكثر ما شاء الله تبارك الله...
وانا مع الاخت الراسيه انه ينفتح موضوع خاص للردود حتى تنفردي بالموضوع وتبدعي فيه اكثر
وبعدين يكفيك عدد المشاهدات هذا معناته ان الموضوع والفكره ناجحه.
وبالتوفيق ياعسل

 

[wolfxfox]

ماشاء الله تبارك الله
كل يوم اتصبح على موضوعك واكثر شئ يطيح لساااني الفواكه ما شاء الله مشتهيه التوت البري والفراوله>>>وش رايك ترسلين لي!!!
صراحه ابدعتي كل يوم تقولين لليوم اللي قبله وخر اليوم ابدع اكثر ما شاء الله تبارك الله...
وانا مع الاخت الراسيه انه ينفتح موضوع خاص للردود حتى تنفردي بالموضوع وتبدعي فيه اكثر
وبعدين يكفيك عدد المشاهدات هذا معناته ان الموضوع والفكره ناجحه.
وبالتوفيق ياعسل

أختي الكريمة ريح العود شكرا جدا على الرد المشجع والجميل :a200:
واذا على الفراولة والتوت ابشري بعزك وكلمه ابداع يا اختي وايد علي والله يشهد هذا اكل البيت واكل كل أم اتوقع انها تهتم بصحة اطفالها وبصحتها

على فكرة أنا يوم كنت بالكويت كنت شغالة تليفونات على المطاعم مرة فطاير ومرة مشويات وكأن الانسان مغيب وما كنت امتلك ميزان وهذا من اكبر اخطاء حياتي

انتي عارفة مرات اذا الام ما عندها ميزان عشان تراقب وزنها البنات بالتبعية ما يكون عندهم وعي لوزنهم ننطر لين ننتفخ تحت الدراعة وعبالنا محد يلاحظ لين يوم توعين على نفسج والا الدراعة نفسها ما تدش فيج واهنيه عاد الوحدة تكون زادت من 10-20 اذا مو حتى خمسين كيلو بحجة انها تقدر تنزل وزنها في اي وقت تبي لكن هذي حيلة عقلية نخدر فيها شعورنا بالإشمئزاز من الاوزان اللي وصلنا لها
:a049:

نصيحة خالصة لوجه الله تعالى لكل اخت انها تشتري ميزان وتحسب معدل السمنة في جسمها وراح تذهل بعض الاخوات اللي عبالهم انهم رشيقات وشكلهم مقبول بكمية السمنة والشحم اللي متراكم بعد عملية الحسبة هذي فما بالك بالاخوات اللي حاسة اصلا انها لازم تنزل وزن :a032:

السمنة حاليا مرض مزمن ومتفشي وانا أعترف اني مصابة بالسمنة وكنت افكر الى حد اني اسوي عملية تحزيم المعدةفي امريكا حتى اني حضرت سيمنار لكيفية القيام بالعملية والمقارنة بينها بينها وبين تغيير المسار وكان زوجي معاي في كل خطوة يراقب من بعيد :a043:

ولكن بعد محاولات وانهيارات نفسية واعطاء نفسي فرصة اخيرة اكتشفت انه اسلم طريق لخسارة الوزن هو الاكل الصحي والاهتمام بالحصة الغذائية وهذا اللي قاعدة اسويه لا تحبيطين من النتيجة وانه النزول بطيئ وتدريجي ولكن صدقيني مع مرور الوقت بتحسين بالنتائج وانه اللبس صار اوسع والقياسات اقل والوزن يقل:a122:

والله يا بنات مافيه احساس أروع من أنك تروحين المحل حتى لو للقياسات الكبيرة وتنقين لبس اصغر من قياسك المعتاد خلك ايجابية دايما ولا تفكرين متى اصير مانيكان وعارضة ازياء خلي توقعاتك منطقية وانشاء الله كل اللي تبينه بيصير :c011:

وأما بالنسبة للردود ما فيه شي اروع من التواصل وتبادل التجارب بينا وبين بعض يمكن أا من الناس اللي أحب اتكلم عن تجربتي في السمنة والتغيير اللي قاعدة احسه بحياتي :biggrin:
أنا لما اشوف المشاهدات الكبيرة يفرح قلبي انه كلمتي قاعدة تنتشر وفيه احد قاعد بشكل او بأخر يستفيد والردود هي المعيار على هذا
هذا كل اللي في المسألة لما أطلب ردود أكثر عشان اشوف اشلون كل وحدة تستفيد وأقدر اتبادل وياها المعلومات يعني استفزوني :redface:

شكرا اختي الغالية علىالرد الجميل واتمنى تكونين استفدتي من اللي قلته
اشوفك على خير

 

[ريناد 2008]

كلمة رووووووووووعه قليله في حقك وكلمة مشكوره قليله في حق مجهوداتك الجباره ربي يديمك ويخليك من قلبي ادعي لك ويديم عليك الصحه والعافيه

 

[wolfxfox]

كلمة رووووووووووعه قليله في حقك وكلمة مشكوره قليله في حق مجهوداتك الجباره ربي يديمك ويخليك من قلبي ادعي لك ويديم عليك الصحه والعافيه

أختي ريناد لا مجهودات جبارة ولا خلافه أنا في امريكا الشبك سريع والتحميل بسيط بس اللي صراحة ياخذ مني وقت هو تصغيير الصور :bleh:

أشكر لك دعائك المحب والخالص والله انشاء الله يزيدك من خيره ونعيمه وصدقيني يا اختي العزيزة معاناة السمينات معاناة غير شكل حتى لو الناس ما تتكلم عن شكلك مرات تحسين كلام كثير بعيونهم وهذا مو مبالغة :a115:

أنا انسانة ايجابية بطبعي واهم دايما اشوف الجانب المشرق من الاشياء بس صدقيني ما فيه شي مشرق او مضيء ابدا في السمنة

أنا لما اكتشفت اني صرت ام لطفلين والعيشة في امريكا تعلمك الاعتماد على النفس يعني لا خدامة تكوي ولا شغالة تنظف ولا سواق حتى يعبي السيارة بنزين كلها اشياء انتي كامرأة وام تسوينها وتكون شغلات معتادة ولما تلاحظين انه اللعب مع اطفالك بدى يصير متعب وانه حياتك الخاصة بدت تاخذ منحنى ثاني اهنيه تكون المشاعر مؤلمة اكثر وأنا اعترف اني انسانة الاكل العاطفي يلعب دور كبير في حياتي
الاكل عند الاحباط أو عند التعب أو عند اوقات الازمات حتى عند الفرح :e130:

الخطأ في سيكولوجية النساء السمينات بشكل عام هو ربط الاكل بالاحداث يعني مرات وايد واتوقع كل اخت سمينة تحس بالشعور هذا تاكلين مو لمتعة الاكل ولكن لأنك ما تدرين شتسوين او محبطة أو زعلانة ويكون الاكل هو الصديق الوحيد اللي من خلاله تعوضين عن الكبت والنقص واللي ما يحكم عليك وعلى اخطائك او تصرفاتك وهو مرات وايد يكون الصديق السري :e076:

يا اختي مرات كثيرة تشعرين بالخجل حتى في الاماكن العامة اذا أكلتي ايس كريم او حلو وكأن الناس تضبطك بالجرم المشهود :e136:
الحمد لله انا في مرحلة التغلب على المشاعر السلبية هذي وموضوعي هو اكبر دليل على التزامي بمشروعي الاستثماري نعم -تخفيف الوزن هو الإستثمار في ذاتك في كيانك في صحتك النفسية هو استثمار في حياتك الزوجية هو شيك من الحياة يستحق الصرف للسعادةوانتي المستفيد :a200:
فيه اعذار واهية منها مابي اضعف اخاف من الترهل-أي سذاجة انتي فيها اذا كان هذا عذرك -أي غباء انتي تحاولين ان تواسين نفسك به -الطريق مفتوح والتعامل مع الاكل يحتاج نوع خاص من العلاقة وابدال حالة الاعتماد على الكل من أنا اعيش لأكل الى انا أأكل لاعيش ومتى ما حسيتي بالطوفان قادم وهو قادم باذن الله راح تحسين انها هذي المرة غير وانشاء الله بتشوفين النتائج
شاكرة لك اختي الكريمة وتمنياتي لك بدوام الصحة والعافيه ايضا :c017:

 

[wolfxfox]

صباح الخير حبيباتي
الافطار البارح كان كالتالي
حميسة نقانق مع بصل ومعجون طماطم بدون ملح مع بيضة مقلية بالبخاخ السبراي ومحشية جبنة مثلثة وصمونة همبرج محمشة مع توت أحمر بس بنتي كلت التوت الاحمر كله وانا أكلت موزة بدل التوت
[url=http://fashion.azyya.com]

[/url]

وجبة منتصف اليوم كانتعبارة عن مكسرات وكوب لبن خاثر ورقائق التورتيلاو كرز وبعدين وراخا بساعة شربت كاس شاي بالحليب
[url=http://fashion.azyya.com]

[/url]

هذا نوع بسكويت بس بالقمح الكامل وحبوب مختلفة مثل الشعير والقمح والشوفان وايد حلو وطعمه قريب من بسكويت الشاي عطيته للاطفال مع حليب
[url=http://fashion.azyya.com]

[/url]

المعلومات الغذائية والحصة الغذائية من البسكويت
[url=http://fashion.azyya.com]

[/url]

طبعا سمعتوا يمكن وايد عن مضادات الاكسدة في الكاكاو الاسود بس هذا عاد مو اي كاكاو هذا كاكاو بدون سكر نهائي طعمه مر واااااااااايد أنا اخذ قطعة ووالله بدون مبالغة تتم في حلجي قرابة الربع ساعة ما اقدر ابلعها من الطعم المر بس تدرون مع الايام صدرت اتعود عليها واكلها اذا اشتهيت كاكاو عادي لأنها تذكري بكمية السكر اللي تضاف للكاكاو عشان تعطيه الطعم الحلو وهو بالاساس مر وايد تدرون يا بنات كل قطعة كاكاو هيرشي عاديه فيها قرابة ملعقتين سكر للقطعة الصغيرة واحنا ناكل الكاكاو كله بما يقارب 12 ملعقة سكر
تخيلي تقدرين تاكلين 12 ملعقة سكر صرف
انتي تاكلينهم كل مرة تفتحين علبه كاكاو مثل هيرشي اما سنيكرز هذا عدي وخربطي حوالي 18 ملعقة سكر

[url=http://fashion.azyya.com]

[/url]

[url=http://fashion.azyya.com]

[/url]

هذا الحلو مال الريجيم أكلته قبل الغدا عشان اقاوم ريحة الدجاجة المشوية اللي تتبيلتها بالفرن بخرت البيت كله وكان لعابي يسيل كل ما ادخل المطبخ فقررت اكبح الجوع
[url=http://fashion.azyya.com]

[/url]

هذي الدجاجة بعد ثواني من خروجها من الفرن
[url=http://fashion.azyya.com]

[/url]

واهنيه بعد ازالة الجلد عنها وتلاحظون الفخذ طاح لأن الدجاجة كانت مستوية على الاخر

 

[wolfxfox]

هذا الحمص وعلى فكرة يا بنات الحمص من اكثر انواع الاكل صداقة مع الريجيم بسبب احتوائه على الالياف لأنه من البقول ولأنه يحتوي على البروتين عشان جذيه النباتيين ياكلونه بدل اللحم تعويضا عن البروتين وهو سهل الهضم بالنسبة للحوم الحمراء فكثروا حمص
[url=http://fashion.azyya.com]

[/url]

هذا اكل الاطفال
[url=http://fashion.azyya.com]

[/url]

هذا اكل زوجي رقائق الذرة الزرقاء بنكهة الثوم عشان التغميس بالحمص والمكسرات طبعا مثل ما تشوفون وصرتوا عارفين دايما اوكل منها زوجي بسبب احتوائها على الدهون غير المشبعة وخبز اسمر والدجاج والبطاط مشوي بالفرن مو مقلي
[url=http://fashion.azyya.com]

[/url]

هذا أكلي
[url=http://fashion.azyya.com]

[/url]