السلام عليكم ورحمة الله وبركاته مرة ثانية
أسفة على التأخير في تحميل الصور ولكن مثل ما أنتو عارفين بعد السفر وخاصة بالسيارة، النوم يكون ملخبط والبيت مقلوب فوق تحت :1eye:
الحمد لله غسلت الملابس ورتبت البيت بس بقت غرفة الاطفال أأأأأأأأأأأه يا غرفتهم كل الملابس المغسولة تنتظر بفارغ الصبر إني أرتبها وأدخلها الدواليب ولكن متى العلم عند الله :busted_red:\
الصور اللي راح أنزلها اللحين هي صر الرحلة اللي رحنالها وكانت لهيوستن في تكساس وطبعا أنا ساكنة في كولورادو يعني بينا وبينهم حوالي 4 ولايات والسفر استغرق بالروحة حوالي 19 ساعة والرجعةكانت 18 ساعة متواااااااصل من النزلة في الاستراحات وتعبئة البانزين
طبعا الصور اللي تحت هي لتجهيزات السفر ومثل ما قلت لكم دايما اذا كنتي على نظام معين يستحسن عشان تلتزمين انك تحملين كل الاكل اللي تبينه وتستهلكينه معاك عشان لا تزلين وتبتدين تاكلين من الجنك فود طول الرحلة وتتمادين وخصوصا انه التمارين الرياضية وقت السفر تكون شبه معدومة :thumbdown:
هذي صور التجهيز للرحلة من اكل وكريمات خصوصا ان الشمس حامية في امريكا على الرغم من برود الجو ولكن بسبب موقع ولايتنا والولايات اللي مسافرين لها من ناحية خطوط العرض فالشمس تكون حامية أكثر من عندنا في الخليج :fish:
هذي انواع الوجبات الخفيفة والتسالي على قولة زوجي تعرفون اشلون الرياييل يحبون التسالي :essen:
البرنجلز قليل الدسم ودايت والحصة الغذائية =70سعرة من اجمالي 9 حصص في العلبة
العلكة وانا اسميها قاتلة الرغبات لأنها تساعد على كبح شعور الجوع
وشويه بسكوت أنا أحبه يسمى بسكوتي بالايطالي ونوعه ناشف يغمس بالقهوة نفس الشابورة بس بالكاكاو والحصة منه ب100 سعرة بس وهذا معجزة طبعا في عالم البسكويتات :bigsmile:
والبطاط الحار هذا ما يستغنى عنه زوجي :busted_red:والمحلي الصناعي وشويه حلويات دايت وطبعا لما أنا اقول حلويات يعني اي شي بدون سكر عادي :icon31:وغالبيته من حلويات الريجيم اللي اشتريها لي بس زدت الكمية عشان الكل يقدر ياكل منها اثناء الطريق وانتو عارفين الاطفال تبين شي سريع ومغذي ويسكتهم بسرعة :icon30:
مكسرات والتوست عشان الجبن والمرتديلا وعلى قولة زوجي خاست بطني من المرتديلا ما أبي اشوفها منيه لين الله يشاء :harhar1:لأنها كانت وجبتنا الرئيسية وخصوصا انتي ما خليته يوقف على الاستراحات بصراحة ما تدرين الاكل صالح والا لأ واشلون مسوينه واذا بايت او لأ يعني على الرغم انه بامريكا اكل الاستراحات كله وجبات سريعة من سلاسل مطاعم معروفة ولكن ما تضمنين نظاف العمال خصوصا انه طريق السفر المطاعم اللي تكون موجودة ما عليها ضغط مثل داخل المدن :schmoll:
كريمات الشمس والمعطرات عشان ريحة السيارة مع التدخين خصوصا انه زوجي مدخن للأسف وعشان ما يضايق الاطفال بالريحة والمعقم عشان ايدي الاطفال والاسطح لأنه مطارة الماي ممكن تسبب رطوبة بالسيارة والاكل ممكن بتأثر فأنتي قطعي عرق وسيحي دم من الاول :bleh:
الملاعق والاكواب البلاستيم ضرورية عشان الوقت والنظافة في السيارة وكلينكس كثر ما الله قدرني اخذ كلينكس أخذت وفادني كثير خصوصا كلينكس الاطفال المعطر للحفاضات لأنه ولدي رجع في السيارة في طريق الرجعة فحمدت الله اني جبته معاي
الماء-الموية-water-المية-الماي
الماي ضرري عشان الجفاف وخاصة اثناء السفر بسبب تغيير الجو والجفاف داخل السيارة بسبب عدم تجديد الهوا يعني محتاجة انك تخلين جميع افراد الاسرة يشربون ماي كثر ما يقدرون
الخضروات والفواكه وطبعا التقطيع بالحجم اللي يناسب كل الافراد والتنويع في الفواكه عشان لا يشعرون بالملل أنا قطعت الاناناس والبطيخ والبطيخ الاحمر اللي احنا نسميه بالكويت الرقي وبالسعودية الجح على ما أظن وكله حطيته في حافظات ومع الثلج في المطارة ظلوا باردين لغاية ما وصلنا بالسلامة للبيت وطبعا نسيت أقولكم بعد الفراولة والتوت الازرق والموز والبرتقال يعني للأمانة كل اللي كان بالبيت أخذته :shiny:
