المهم انه هو كمان يحب اهله بس كان مايبالي فيهم كثير مو عاق ولا اناني بالعكس مرة طيب بس بحكم غربته فهو بعيد عنهم وعن مشاكلهم لما خطبني كنا نحنن بعض على اهالينا ولما احكي له مأساتي معاهم يخفف عليا وانا كمان اخفف عليه لو شكالي منهم اتزوجنا وعشنا حياةرائعة كنت الوحيدة المحظوظة في الكون بالزوج واهل الزوج لو موية في يدهم ما انكب على قولتهم يتمنوني معاهم بكل لحظة يجوا لبيتي كانه بيتهم كل الابواب مفتوحة لا وكمان صدري مفتوح ما ابالغ لو لو قلت انها حتى امه تشكي لي من اخوانها وامها من مواقف تحصل في كل بيت وكنت اخفف عليها عمي ابو زوجي يحكي لي عن اخواته واسمع له كاني بنته ويعلم الله ما افشي سر احد لاحد يا بنات اخو زوجي اصغر من زوجي بشوي كان يفرح لشوفتي كأخت وربي وكانيضحك معايا ويتمناني اطلب يمكن تقولوا دي تحلم لا والله لسا الجاي اكثر والمفاجاة في الاخر:8:
والله يا حبيباتي ودي ما افصل ودي اكمل قصتي اكتبها مرة وحدة بس العين بصيرة والايد قصيرة المهم اني حملت اول حمل وكان الكل طاير فيني وسعيد اول حفيد حفيد يدخل العيلة زوجي حفيد وابنه الجاي كمان حفيد طبعا اول حمل وبداية زواج والاخت تبغى تثبت انها شاطرة وان بنت خالتها مو احسن منها وبدها تدرس وتثبت جدارتها اجهدت نفسي في شغل البيت وبدي ابين لاهل وجي اني مو مدلعة في حملي خصوصا اني كنت اعاني من زوجة اخوية المدلعة اللي جننتنا وجننت اخوية مما ادى لوفاة الجنين في بطني لما قربت اولد امي ما كانت موجودة في السعودية بس طبعا كانت حزينة لخبر وفاة طفلتي ام زوجي اتصلت فيها بعد ما شديت حيلي وقالت لها وطمنتها وخلتها تكلمني وصبرتني امي الحق يقال شالتني ام زوجي صح ما كان لها خبرة كثير في اللي لازم يصير بعد الولادة بس كانوا اخواتي رايحيين جايين علي وام زوجي المسكينة تبذل جهدها علشان تخفف علي فراق طفلي الاول اللي ماشفته وعدت الايام ونسيت الموضوع تقريبا وكانت المولودة المتوفاة بنت المهم ان صديقتي اللي هي اخت زوجي بتتزوج حبيبها اللي حكت لي عنه كثير واللي كنت حلقة وصل بينهم لما يحصل سوء فهم كنت ادعي لها من قلبي انه يكون متفاهم مثل اخوها واحسن لان امرها يهمني اتزوجت وجريت في فرحها جري المتاعيس هههههههههههه مو يقولوا العروسة للعريس المهم كنت في قمة سعادتي وكأنها اختي حملت انا الحمل الثاني وفرحت جدا بحملي وواصلت دراستي ونجحت ولله الحمد من السنة الثانية كلية ومكافأة سافرت للقاهرة لقضاء الاجازة مع اهل زوجي اول ما وصلت جلست يومين وصابتني سخونة مو طبيعية شفت الموت بسببها ما كنت بدي احسسهم اني مريضة علشان لا انكد عليهم فكنت في غرفتي ما اطلع ولا اكل وكان زوجي مشغول لان سفره كان منها يتمشى ومنها عمل و معانا اخو زوجي الاعزب انتبه اني مريضة وكان مهتم فيني بشكل رهيب اخر شي جاب لي دكتور في البيت الكل اتفاجأ لمرضي كانو معتقدين انه وحام ونوم والله يا جماعة لما زوجي يروح عمله كان اخوه يجيب لي العلاج ويشربني هو مين اللي كان متضايق منه اخواته اللي منهم صديقتي:30: