افضل مكياج بالرياض

[مجنناهم]

مرحبا انا حابة اسألكم عن افضل المشاغل بالرياض تسوي مكياج . ?
ســـــــــــــــاعدوني الله يخليكم انا انتظر ردودكم .

 

[@ندى@]

يريت اقدر اساعدك بس انا من جدة يارب تجدي من يساعدكي

 

[احاسيس*]

هلا اختي الغاليه مجنناهم

في هذا القسم توجد مواضيع عن مشاغل في الرياض رائعه....اطلعي عليها....
وبنات الرياض ان شاء الله مايقصرون معاك...........

حياك الله

 

[دندنه]

حبيبتي انا اكثر شي اتعامل مع الكوافيرات الي يجون للبيت مع ان اسعارهم مرتفعه شوي لكن اذا عادي عندك ممكن اعطيك ارقامهم عالخاص اذا حابه طبعا لبنانيات لكن فنانات مره
وفيه مشغل حلو بطريق العروبه اسمه نجمة الحفل عندهم ثنتين فنانات علا وعبير وهم خوات وشغلهم حلو واسعارهم معقوله

 

[الحب قوي]

نجمه الحفل اللي في العروبه
افضل وحده هديل مكياااجهااا خطيررر

 

[وله المشااااعر]

فيه مركز لبنه بحي الريان قريب من مستشفى اليمامه يعني على نفس الشارع بعد المستشفى

 

[دندنه]

ايه صادقه اختي الحب القوي فيه بالمشغل وحده ثالثه اسمها هديل
لكن الصراحه ما جربتها جربت علا وعبير بس وترا هديل اختهم بعد

 

[دلع بلقيس]

السلام حبايبي اميرات وملكات..
انا والله ما أييد نجمة الحفل مع انك لو تساليني قبل سنه كان قلت لك .. مررررة كويسين ولا تتعدينهم.
لكن الحين الحمدلله بس ..صايرين ماديين بزياده ..يعني المكياج عندهم تطلعين وانت مسويته مثل ماتبغين يوصل ل500ريال وطالع..
وهم كانوا يسوونه ب250ريال واذا تركبين رموش 50ريال زيادة.
بس الحين اللي ب250ريال..يسمونه مكياج صبايا(وهو عبارة عن مكياج ماتحطينه الا في بيتك او بيت اهلك).
انا انصحك باللي يجونك بالبيت وعندي رقم كم وحده وان شالله يعجبونك. . ولا يردك الا الكيبوورد(ارسلي لي خاص وانا اعطيكياهم)
اساميهم..وحده شام ووحده داليا ووحده اظن روز
وموفقة يااارب

 

[نفحات البرد]

مشغل الوسام حلو بعد اللي على شارع التخصصي

 

[بنت المجمعه]

انا مجربه مشغل قطره ندى والمعالي مره حلوين

 

[زهرة الربيع*~]

مشغل الابتكار بطريق العروبة
وميزتهم يجون البيت بس يزيد السعر
كوافيراسمهم سالي وتيسي ومكياج اسمها نانسي

 

[اوراق]

أنا سمعت عن قطرة ندى يمدحونه لكن ماجربته وفيه مشغل تغاريد

 

[جروح الايام]

فيه مشغل عالم وسام الي في طريق التخصصي

مررررره حلوووووو

وفيه عندي كوافيرات يجون للبيت

روز و روبي

بس المايك أب عندهم ب 500

 

[danoo]

مشغل داندشه في طريق العيا العام ومقابله فاشن مرررررررررررررره حلو بس لازم تروحين بدري يعني بعد الصلاه العصر مبشاره تحصلين البنات فاضيات للعروس انا مجربته

 

[عريبة ساس]

اذا جربتو مكياجه بيعجبكم كثييير خطيرررره

مشغل سلطانة الغيد في حي المروج ع الملك عبدالعزيز فيه لبنانيه اسمها باري مكياجها خطيرررررررررر جدا روعه قليل عليه000بس انتبهوا انا مره اتصلت عليهم باخذ موعد معها قالو لي (عندها زحمه لكن فيه فلبينيه اسمها روبي شاطره وباري هي اللي مدربتها ) قلت اذا هي مدربتها اكيد نفسها ورحت حجزت عند الفلبينيه الله لايوريكم شغلها اقل من عادي غسلت وجهي وانتظرت اللبنانيه لين خلصت كل زباينها والله يجزاها خير اسعفتني اخر لحظه لاني عصبت ورايحه زواج000
يعني لا تقتنعون اذا قالو لكم الفلبينيه لان باري دايما عندها زحمه خذو موعد اول 00واذا ماعندها مجال شوفو مشغل ثاني 00
بس بصراحه مكياجها جناااااااااااااااااااااان عن تجربه وكل زباينها كلاس مررره وسيدات مجتمع00وعندهم وحده سعوديه يمدحونها بس للامانه انا ماشفت شغلها00واللي اشوفه ان الزحمه والطلب على اللبنانيه

 

[مهرة 1403]

أنا انتظر تجيني مناسبة عشان اروح لبسام فتوح بمملكة المرأة واحد للشعر وواحد للمكياج بس اني ماجربتهم صديقتي اثق في ذوقها تقولي يخلونك زي اللي بالمجلات واذا طلبتي مكياج خفيف بيكون طبعا ارخص

 

[عريبة ساس]

بسام فتوح رحت لهم بالشعر معك حق كويسين وشغلهم حلو بس الميك آب مافيه احلى من باري اللبنانيه 00وكل مره اروح لها تغيرلي مره تحط لي ناعم ويخليني بنوته ويصغرني00ومره ثقيل ومره وسط 00ومره كان عندي مناسبه لزوجي مسويتها عملت لي ميك آب سكسي ع قولتها انهبل زوجي يوم شافني مرره اعجبه

 

[جروح الايام]

حبيبتي حبيت اسألك بكم مايك آب باري

وياليت ترسلين لي رقمهم اكون لك شاكره

وكمان الميك آب حق بسام فتوح انا سمعت عنه انه حلووو ودي اعرف بكم

 

[كبريــاء]

مشغل الابتكار بطريق العروبة
وميزتهم يجون البيت بس يزيد السعر
كوافيراسمهم سالي وتيسي ومكياج اسمها نانسي

فعلا نانسي شغلها حلـو
لكن عيبها ماعنده دقة في المواعيد
جربتها مره تسريحه ومكياج لكن تأخرت ماجتني
الا لما خلصت شغلها اللي في المشغل
وحجزتها مره ثانيه قبل مناسبتي بأسبوع وانتظرتها
ولا جت وكل شوي ادق عليها وتقول لي اللي تساعدها شوي مابعد خلصت الزباين اللي عندها
بصراحه احرجتني وفشلتني حاجزتها بالأخير ماتجي عالموعد
يعني هي ماتجي البيت الا لما تخلص الزباين اللي عندها انتي وحظك

احتــرامي :blushing:

 

[قهوه تركيه]

والله عن تجربه سوسو بدار نور مره ررروعه وشغلها على حسب طلبك