******اسمهان وعبدالرحمن********من جديد

[NicE-GirL]

مررررررررررررة رااااااايقة


كملي حبوبة ,,

 

[تعبت اكابر]

كملي وماعليك من العذال,,,و

 

[سلة خوخ]

حسبي الله ونعم الوكيل بكل وحده ضايقتك وزعلتك وانتي ترسمي البسمه على شفاهنا
الله بياخد حقك ياجيونه لانه عالم بنيتك وصفاء قلبك ولاتنسي انك بكلماتك وصدق احساسك ازحتي الهم عن كاهل الكثيرات ورسمتي على شفاهنا البسمه لا والضحكه والقهقهة كمان
الله ينصرك على من عاداك ويسعدك دنيا واخرة قولي امين

إي والله :icon30:​

 

[نونو لزيز]

يييييييييييييييييلا ننتظر احنا

 

[زهرة البونسيان]

غاليتي .. حسبي الله على من ظلمك وتجاوز الحد إلى هذا الحد !! ولا يسير خاطرك إلا طيب .. وايش رأيك في بعض الأبيات المتواضعة أحببت أن أهديها لك من تأليفي ! :
غاليتي جيانة ..
أفكارها فتانة ..
لكنها اليوم زعلانة !!
يارب اجعلها رضيانة !!

 

[سلة خوخ]

تدرون يابنات عبيروه كسرت خاطري.. أحسها مسكينة

بغض النظر عن بعض التصرفات الطايشة اللي عليها .. لكن يمكن إنها تحاول تعوض إحساسها بالنقص بالدلع الزايد..


أتاريها في ملكة أسمهان لابسة مقفل من كل الجهات خخخخ

أتخيلها يا بتتطلق.. أو إن علاقتها بتركي بتنهز هزة محترمة ... وبيخليها على ذمته لكنها بتكون مكسورة شوي عشان تحافظ عليه

 

[جيانة]

[]:icon26::icon26:الجزء السابع والثلاثون:icon26::icon26:
اقرأوه تراه جديد توي أضفت أحداث جديدة جداً..وهاتوا ارائكم!!
مرت الأيام واسمهان زعلانة من خطيبها وموراضية ترد على مكالماته وقافلة جوالها لدرجة إنه اضطر يتصل على محمد يتوسط له عندها!!!!
ويوم الجمعة اجتمع محمد واسماء على الغداء في بيت أبوهم كالعادة..واسمهان كانت ترتب الأطباق على طاولة الطعام ومحمد جالس على واحد من الكراسي وقام يغني:

يابنت السلطان
ياحلوةيااسمهان
حني على عبدالرحمن
دا مسكين غلبان​

اسمهان:ليش أحن عليه؟؟أنا وش سويت له؟
محمد:قافلة جوالك وماتردين عليه!
اسمهان:بعذري...عندي امتحانات!
محمد:الله أكبر..أمس الخميس وقبله الأربعاء وطلعتي ورحتي أسواق يعني ماقلتي عندي امتحانات!!!!!!!!
اسمهان:إنت وش تبي بالضبط؟؟؟
محمد:ولد الناس يبي يستشيرك ببعض تجهيزات العرس!!
اسمهان:يروح يستشير تركي أحسن له!!ماهو شريكه في العرس؟؟أكيد رأيه أهم!!!!
محمد:آآآآهااا.السالفة فيها ريحة زعل؟؟ماعليه عشان خاطري اتصلي وشوفي وش يبي!!
وراحت اسمهان وفتحت جوالها وعلى الحظ لقيت عبدالرحمن يتصل وردت عليه...
عبدالرحمن:مرحبتين بسمهونتي..وش ذا يابنت الحلال مابغينا نسمع صوتك؟؟؟
اسمهان:خير؟؟وش تبي؟؟
عبدالرحمن:يالطيف يارب..هذا أسلوب تكلميني فيه وأنا لي أسبوع ماكلمتك؟؟؟؟
اسمهان:الزبدة لو سمحت!​

عبدالرحمن:سمهونتي هاللهجة ماحبيتها منك أبد!
اسمهان:إنت بأي حق ياآدمي إنت تخلي زواج تركي معانا بنفس الليلة؟؟
عبدالرحمن:آآآهااا...إذا عُرِف السبب بطل العجب!ووين المشكلة مو كان عبدالمجيد اللي بيتزوج معانا وماعارضتي لذيك الدرجة هالحين اش اللي اختلف؟؟؟
اسمهان:اللي كان خاطبها عبدالمجيد يامحترم أعز صديقاتي يعني أنا وهي واحد..لكن هالسوسة اللي بياخذها تركي ماهي كفو أحد يفرح معاها بنفس الليلة!!!
عبدالرحمن:لا يااسمهان أنا أعتبرك أعقل من كذا وهذا الكلام المفروض مايصدر من انسانة راشدة مثلك..هذا زواج.. يعني فرح..يعني انبساط وسعادة..موننكد على بعض ونملا قلوبنا أحقاد وأحساد..وبعدين لازم تكونين أنضج وأوعى من كذا سواليف المدرسة خلها بالمدرسة لاتنقلينها لحياتك وتزعلين نفسك...وماشاء الله تركي يقول إنه يوم فاتح أهل العروس رحبوا بالشراكة على طول!!اشمعنى انتي اللي مكبرة السالفة؟؟أنا أقول راجعي حساباتك!محد معترض على الموضوع إلا انتي وبس!!!!!
اسمهان(بصوت متهدج):ياربي عليكم محد منكم فاهمني !!باقي تشوفون بعيونكم اش بتسوي عبير النسرة وأمها يوم الزواج عندي إحساس مايخيب!!!!
حاول عبدالرحمن يهدي الوضع واستسلمت اسمهان لأنه الجميع مو بصفها!!
_________
مرت الأيام وبدأت عبير تتغلى على تركي وتتشرط
وتبالغ في شروطها وتحاول إنها تتميز بحركات في الزواج..هي من جهة وأمها من جهة!!!
لدرجة إنه تركي تذمر من الوضع وراح يشكي لأمه وكانوا سماح وهند موجودين ببيت أمهم وقال:تصدقون؟؟قد ماحسبت تكاليف الزواج ماتوقعت إنها بتطلع بالغلا هذا!!!وفوق هذا كله خطيبتي وأمها مو راحميني من كثر طلباتهم كل يوم يطلعون لي بمشروع جديد!!
هند:حسبي الله على أباليسهم!من يوم ماخطبت بنتهم وهم مستنزفينك في المهروالكسوة وأغراض الملكة غير الهدايا وطلبات العروس اللي ماتخلص وبعد يتشرطون بالزواج؟!!!وين أبوهم عنهم؟أنا أتوقع إنه بخيل ومقصر معاهم عشان كذا حاطين حرتهم فيك!!!!
تركي:بالعكس.. أبوهم لايحل ولايربط وأغلب وقته مسافر لأشغاله ومو موجود..ومو مقصر عليهم بشي وانتم شفتم شلون تكلفوا بالملكة!
سماح:طيب هم اش طلبوا منك شي زيادة؟؟
تركي:بعد مارحت مع عبدالرحمن وحجزنا كوشة مرتبة وسعرها معقول...قالت أم عبير لا..مانبيها روح احجز الكوشة اللي اخترناها من المحل الفلاني..ورحت وياليتني مارحت!!لقيت الكوشة اللي اختاروها ماتستاهل قيمتها بـ7آلاف وكلها كم قطعة قماش وكم كريستالة!!!!
لاويبون مطربة غير اللي بيجيبها عبدالرحمن وسعرها غالي!أبي أفهم شلون نجيب طقاقتين بيوم واحد؟؟؟؟
أم تركي:ترى ماألومها بعض مرات ياوليدي.هذي وحيدتها ومريضة سكر وبتروح وتفارق أمها بعد الزواج وهي فرحتها الوحيدة وودها تحط كل اللي وراها وقدامها عشان تحس إنها حققت لها اللي تتمناه أي عروس...وانت شفت شلون كانت ملكتهم فأكيد مايبون مستوى الزواج يكون أقل!!
هند:بس هم مو حاطين شي من جيوبهم يايمه!كله من قفا تركي حتى ملكتهم ماأستبعد إن نصها مسوينه من مهر عبير!!!!
سماح:إن جيتوا للحق طالما هم سووا اللي يبونه بملكتهم فالمفروض إنهم مايتدخلون بطريقتنا في الزواج ويرضون باللي نسويه..لكن واضح ياتركي إنك ماتعرف تاخذ وتعطي معاهم!!!
تركي:أقول ياحظ عبدالرحمن بس!تصدقون أهل خطيبته مااشترطوا عليه بكلمة غير انهم مايبون موسيقى بالزواج؟؟؟؟؟؟؟؟؟
أم تركي:الله يرضى عليهم..ملكتهم ماكان فيه أحسن منها إن شاء الله حتى الزواج يكون بنفس المستوى!
سماح:إلا بيطلع الزواج أروع من مستوى الملكة يكفي فخامة القاعة يايمه..الصراحة عبدالرحمن وأمه عرفوا يختارون...
هند:تركي الله يصلحك أحس إنك ماتعرف تتصرف!ياخي أي شي يطلبونه منك قول لهم حاضر ولاتنفذ لهم شي..بالعكس نفذ الشي اللي براسك وبس وحطهم قدام الأمر الواقع!!يعني اللي يسمعهم يقول حِنا ماعندنا ذوق!!!هذا زواج أخونا الوحيد وأكيد نبيه من أروع مايكون!
ودار حوار طويل بينهم.......
___________
طبعاً عبير كانت حايسة بالاختبارات وكانت تلاحظ شغلة غريبة إنها مرات تسمع شغالتهم سيريس تكلم أمها بموضوع والأم ترد عليها بكلمات مثل:مو وقته ياسيريس! ان شاء الله الوضع بيكون أحسن ومابنضطر لهاالفكرة!!!!
وأوقات تسمع أمها تقول لسيريس:خلها تتزوج بالأول وإذا انسدت كل الطرق بوجوهنا هذا اللي بنسويه!!!!!!!!
وحاولت عبير تستفسر أكثر من مرة عن هالحوارات الغريبة لكن أمها كانت تصدها وتقول لها خلك بامتحاناتك!!!
وانتهت الامتحانات يوم الثلاثاء وبدأت عبير تنزل السوق مع أمها يومياً من أول النهار لآخر الليل وكانت عبير تلاحظ إنه أمها تكثر بالأغراض والهدوم فقالت لها:يمه حرام نضيع هالفلوس في شوية ملابس وأنا راجعة لك من أول أسبوع!!! وقمصان النوم مالها داعي بالمرة أنا لايمكن ألبسها!!!
أم عبير:فاولي خير يالهبلة!طول قعدتك مع زوجك بتعتمد على شطارتك وإن حصل ومابغاك فأنا عندي حل ثاني بأسويه بعدين وماأظن إنه يفشل بس مابأضطر له إلا لو تركي ماتقبلك!!!
ورجعوا عبير وأمها البيت وقعدوا ينبشون في صور عبير القديمة لأنهم كانوا مخططين يسوون سينما تعرض جميع صور عبير من صغرها لكن المفاجأة إنه عبير لقيت صورة لخالها وأخذتها وشقتها وتفلت عليها!!!!!
أم عبير:الله لايرحمك ياسلطان!!لاتقهرين نفسك يابنت جزاته وبياخذها من ربه!!!!
عبير:أصلاً إنتي ليه محتفظة بصورته؟ماكفاك اللي سواه فيني؟عاجبك حالي يعني ؟وكل البنات لاقرب العرس يفرحون ويستانسون إلا أنا!!أداري فضيحتي بالكذب والغش؟؟؟وقامت تبكي...بمرارة
أم عبير:ماعاش من بكاك..ورب البيت لاأخليك أحسن عروس ولاأشوف هالدموع على خدك..ولاأخلي كل اللي كانوا يقولون من أهلنا عبير محد ياخذها يندمون!!!!!وبعدين نسيتي إني مفهمة الكل إن عمليات التجميل اللي سويتيها زمان ناجحة وإن مافيك إلا العافية!!!!
عبير:واش الفايدة يمه؟مصيره يجي يوم والكل يعرف هالكذبة!يعني أنا بأقعد طول عمري كاتمة نفسي بالملابس الطويلة والمقفلة؟!!!!!!
أم عبير:ياشيخة اسكتي!الكل يحسبونك تحبين الحشمة وأكثر شي يمدحونه فيك ملابسك المحتشمة!!خذيها ميزة..مو تاخذينها عيب!!!
وبدأت الأم وعبير يسترجعون ذكريات الحادث الأليم اللي صار قبل أكثر من 8سنوات..كان لعبير خال اسمه سلطان يصير أخو أمها وكان مدمن مخدرات ومروج وسكير عربيد مابقلبه خوف من الله أبداً!!!وكانواعبير وأهلها ساكنين بقرية بعيدة بحكم عمل أبوها وسفره الدائم وقاعدين ببيت جدتها أم أمها لأنها انسانة كبيرة بالسن ومشلولة وتحتاج من يرعاها وكان خالها كل يوم يجي البيت ويسرق فلوس من أمها وجدتها وأغراض من البيت ويبيعها عشان يقدر يشتري بضاعة مخدرات يبيع منها ويتعاطاها..ووقفت له أم عبير بالمرصاد كثير من المرات وبلغت عنه وحبسوه وحكموا عليه بالاعدام لأنه من المفسدين في الأرض ومعروف ببلادنا إنه مروج المخدرات حكمه الاعدام وحاول بالسجن قبل تنفيذ الحكم إنه يسوي بنفسه جروح خطيرة عشان يضطرون ينقلونه للمستشفى ولما وصل المستشفى هرب وراح للبيت عشان ينتقم من أم عبير لكن يوم راح البيت مالقاها لقي عبير قاعدة بحضن جدتها وتلعب معاها..فصار يصيح بأعلى صوته :وينها وينها النذلة اللي هدمت حياتي؟؟؟
أم سلطان:محد هدم حياتك إلا البلاوي اللي تتعاطاها عسى الله ياخذك وينتقم منك بكل مصيبة وفضيحة سويتها لنا!!روح وقلبي غضبان عليك إلى يوم الدين!!!
سلطان:اتركي عبير يمه والله لأنتقم من أختي في بنتها وأخليها تنحرم منها مثل ماهي بتحرمني من الحياة!!!!!
الجدة حضنت عبير بقوة عبير تصيح وتبكي وعمرها 9سنوات...
أم سلطان:والله ماتاخذ عبير ولو على قص ارقبتي!!!!
سلطان:مادام مابتفكينها فتحملوا اللي يجيكم!!وصب حولهم قاز وولع فيهم الثنتين وشرد!!!الجدة بما إنها مشلولة ظلت بفراشها واحترقت لين ماتت! لكن عبير حاولت تهرب ورفعت راسها وظل جسمها يحترق من نص الساق إلى الصدر!
وواحد من أخوالها كان راجع من برة ولحق عليها ونقلها المستشفى!
وظلت بغيبوبة لمدة من الوقت وظنوا الأطباء إنها ماراح تعيش!واستمرت منومة بالأشهر في المستشفى وعدة عمليات تجميل صارت لها لكن نظراً لأنها مريضة سكر كانت تتعرض بعد كل عملية لمضاعفات خطيرة خلت أهلها يصرفون نظر عن العمليات اللي مافادتها بالعكس كانت تضرها لأن الدكاترة يشقون جلد من الأجزاء السليمة ويرقعون الأجزاء المشوهة!!!وكانت النزيف اللي تتعرض له بعد كل عملية ماتلتئم جروحها عقبه بسهولة بسبب السكر!!

 

[هند بنت عتبة]

رووووووووووووووووووعة الجزء

عبير مسكينو بس الي ياها المفروض ماتكون بهالغرورلا الله يهديها

وحرااااااااااااااااام عليهم خداع الريال

واتوقع انه اذا ما تاقلم معاها بيسوون له سحر <<<<<<<<<<<< هههه محقق كونان

 

[حور و عمر]

لا حول و لا قوه الا بالله
جيانه وجعتي قلبي و الله

 

[نحلة جنوبية]

ررررررررررررااااااااااااااائئئئئئئئئئععععععة:a200::a194::a025::a200::a194::a025:

 

[nana9379]

لاحول ولاقوة إلا بالله

متابعين وبقوة

 

[صمت الفجر]

روووووووووعه كملي

 

[وردة زرقاء]

مشكوووووووووووووورة على الجزء الجديد يااحلى جيانة بالدنيا

تصدقي اول مرة اتعاطف مع عبيير مسكينة زعلت عليها الله يشفيها >>>>>>>>صدقت انو القصة حقيقة خخخخخ

واتوقع انو تركي ماراح يقدر يتحملها لذلك بتتطلق

وبعدين بجي اخو عبد الرحمن الاخرس والاصم وبتزوجها

يعني بتصير سسسسسسسلفة اسمهااااااااااااااااان

خخخخخخخخخ الله يعينك يااسمهان

وسلالالالالالالامتكن

 

[قلب مكلوم]

على قد ما كرهت عبير الا اني تألمت لحالهااا


متابعينك اختي

وقفة اجلال و اكببار لماتسطرينه​

 

[فرح وحزن]

كملي والله اننا متحمسين على الباقي تكفين لاتتأخرين علينا

 

[سلة خوخ]

أنا بعد جات في بالي سالفة إنهم بيسووا سحر وضاق خلقي وإنقهرت منهم خخخخخ<< كذبت الكذبة وصدقتها هههههههه

 

[ام انتر]

يعني عبد الرحيم ما بلاه خرسه بتبلشيه بمحروقه وهو اخرس اصم مو اعمى
لكن اتوقع ان عبير ترفض تنزف على الكوشة كعادة بعض الاسر
وحاسة والله اعلم ان الجوازة دي مش ح تتم

 

[جيانة]

يعني عبد الرحيم ما بلاه خرسه بتبلشيه بمحروقه وهو اخرس اصم مو اعمى
لكن اتوقع ان عبير ترفض تنزف على الكوشة كعادة بعض الاسر
وحاسة والله اعلم ان الجوازة دي مش ح تتم

ههههههههه
ياحليلك ضحكتيني بقوة..شكلك مو متابعة الأحداث أبداً!!!!!!!
عبدالرحيم ولاجبنا طاريه وماهو أصم وأخرس
وخطيب عبير اسمه تركي..
عيدي النظر:surrender:

 

[جيانة]

غاليتي .. حسبي الله على من ظلمك وتجاوز الحد إلى هذا الحد !! ولا يسير خاطرك إلا طيب .. وايش رأيك في بعض الأبيات المتواضعة أحببت أن أهديها لك من تأليفي ! :
غاليتي جيانة ..
أفكارها فتانة ..
لكنها اليوم زعلانة !!
يارب اجعلها رضيانة !!

ياعمري أنا...
تسلمين على مشاعرك الحلوة:icon26:

 

[حقل اللؤلؤ]

ماشاءالله تبارك ضحكت لين تفشلت من عيالي
المشكله ان عندي بكره اختبار وشكله كله تبخر من زود الضحك
تسلمين لنا ياقلبي