******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
صرنا مدمنين على ها الرواية و كل ما دخلنا النت أول شي نشوف إن كان جزء جديد

:icon26::icon26::icon26:

و ما شاء الله عليكِـ كل يوم يتغير مجرى الرواية 180 درجة على إلي كنا نتصوره

:icon26::icon26::icon26:

الله يحفظكـ و يحميكـ جيونة

:icon26::icon26::icon26:

أختكـ جـود​
 
مسكينه عبير اتعاطفت معاها والله تهئ تهئ
 
مغربية و أفتخر قال:
صرنا مدمنين على ها الرواية و كل ما دخلنا النت أول شي نشوف إن كان جزء جديد​


:icon26::icon26::icon26:​

و ما شاء الله عليكِـ كل يوم يتغير مجرى الرواية 180 درجة على إلي كنا نتصوره​

:icon26::icon26::icon26:​

الله يحفظكـ و يحميكـ جيونة​

:icon26::icon26::icon26:​


أختكـ جـود​
أنقر للتوسيع...
صرنا مدمنين و الله
 
يسعد الله مساكم يا أميرات المنتدى
بصراحة إبداع ولا أحلى, ربي يحفظك يا جيانة

:a194:لأحلى جيانة
 
التعديل الأخير:
والله طلعت القصة إدمان لا تعلقينا يالحبيبة عطينا جرعاااات وطولي علينا في الأجزاء
ترانا معلقين حتى يجي الجزء الثاني
 
لك الشكر اديبتنا المتميزة ونحن في انتظارك بالشوق واللهفة تصدقين اني اتيت من عملي وانا متعبة وابيت الا ان اكمل قراءة رائعتك تسلمين وتسلم هذه الانامل التي خطت لنا والعقل الذي املاها
لك تحياتيـــــــــــــــــــــــــ​
 
حبيبتي جيونه ممكن تعطيني رنة على موبايلي يوم اتنزلين الجزء الجديد أمزح معاج بس كمن مرة افتح ومألاقي جزء جديد اتعبناج من كثر طلباتنا السموحة بس هذا من حبنا لج ولقصصج.
 
يسلمو جيانة على القصة الأكثر من رائعة:icon26:
ومعك حق فيما قلتيه ولا تنسي أن هناك يوم تأخذين حقك ممن ظلمك
 
فكرت روحي الوحيدة اللي متربعة في الموضوع ,, أتاري في عضوات بالهبل وياي شفت أساميهم تحت خخخخخخخخخ


الله يعطيك العافية
 
واااااااااااااااااااااااو ماشاء الله وش هالإبداع جيونه
اجزاء جديده وأحداث مشوقه
سلمت يداك
وبالنسبه للي يسرق الافكار هذا حسابه عند ربه ولا تزعلين نفسك حبيبتي
ولو ماأنتي مبدعه ومميزه ماكان فكروا ينسبوا هالإبداع لأنفسهم
حبيبتي أستأذنك اني انسخ القصه على جوالي ورسلها لأحبابي بعد كتابة اسمك واسم المنتدى
بعد اذنك طبعا ومافي مشكله إذا رفضتي لأنه من حقك يامبدعه
 
الله يعطيج العافيه
متااااااااااااااااااابعه
 
*تتمة الجزء السابع والثلاثون*
طبعاً بعد الحادثة الأليمة اللي تعرضت لها عبير وهي بعمر9سنوات ووفاة جدتها قبضت الشرطة على خالها الجاني وأودعته السجن وأخذ جزاته بالاعدام بتهمة الترويج للمخدرات والشروع في جريمة قتل..ولكن أخوال عبير الباقيين عشان ماينفضحون بين الجماعة فهموا الناس إنه سبب وفاة أمهم العجوز وحروق عبير بسبب حادثة حريق صارت بالبيت!!وعرضوا بيتهم الشعبي اللي بالقرية للبيع...وأبوعبير اضطرينقل عمله لمدينة جدة للبعد عن ذكريات الحادث ولوجود المستشفيات اللي تتابع علاج عبير..وسافروا للخارج عدة مرات ولكن عمليات التجميل ماكان لها أثر يذكر لأن الجلد كان ذايب ومشدود جداً والعمليات كانت تسبب تمزق!!!
ولكن الأدهى والأمر إنه عبير لما صارت بسن البلوغ وصارت العمليات تتعبها جداً وتسوي لها مضاعفات توقفوا الأهل عن اجراء أي عمليات وكانت عبير محافظة على لبس أي لبس يغطي جسمها بالكامل بلايزطويلة وبناطيل أو تنانير أوفساتين بجاكيتات عشان مايظهر للناس شي!!
وأم عبير كانت تخبي عن الناس كلهم إنه بنتها مشوهة عشان مايأثر على مستقبلها لدرجة إنه أبوها اللي عايش معاها بنفس البيت كان يظن إنه جسم بنته تحسن كثير عن زمان!!بل وصل من تدليس أم عبير وغشها إنها أقنعت أبو عبير بأنها صارحت أم تركي بحرق عبير وتقبلوا الوضع عشان كذا أبوعبير كان متطمن جداً لهذا الزواج وباستمرار مسافر لأشغاله.....
وعبير هي البنت الكبيرة بعائلتها وعندها أخ اسمه سعد والثاني اسمه سامي أصغر منها...
________
يوم الأربعاء كان استلام النتايج وأصر محمد إنهم يحتفلون بنجاح اسمهان في مطعم مكسيكي!!وبالفعل راح محمد وسماح وأولادهم وأم اسمهان واسمهان ومروا على أسماء وأخذوها معاهم..واحتفلوا بنجاح اسمهان بعد ماتناولوا وجبة العشاء طلب محمد من المطعم تورتة كبيرة ولما جابوها الجرسونات الفليبنين على الطاولة قاموا يغنون للناجحة بلهجة انجليزية ومعاهم بالونات والأطفال داخلين جو ويصفقون....
وبعد ماراحوا الجرسونات كشفوا الحريم وجوههم لأنهم جالسين بجلسة عائلية فيها خصوصية وحاجز ساتر.....
الجميع:مبروك سمهونة..
اسمهان (بفرح):الله يبارك فيكم كلكم...
محمد:شوفي ياسوسو ترى هذي الحفلة سويتها لك بمناسبتين الأولى نجاحك والثانية توديع للعزوبية!كلها أسبوعين وتدخلين القفص الذهبي عاد انتي وشطارتك بتخلين القفص الذهبي يلق ويبرق طول العمر والا بتحولينه للقفص الأسود وتبلشين ولد الناس معك!!!!
الأم:قول خير ياحمود..عساها يارب تتوفق بكل حياتها وعسى الله يسخر عبدالرحمن لها..
اسماء:وعساها دوم ترفع راسنا قدام أهل زوجها ولاتفشلنا برفالتها..يمه حرام ترى مابقى غير اسبوعين اشتغلي عليها زين فيها وخليها تطبخ وتعجن كل يوم من الليل للنهارعساها تطلع بنتيجة بس!!
اسمهان:هذا اللي ناقص ياست اسماء!أدخل المطبخ وأسوي بنفسي عاهات وحروق قبل العرس!!الله يخلي رابحة وبديعة وأمل الجهيمي ومنال العالم!!!!
اسماء:ومين هم هذول؟؟اللي بيرسلون لك غداك وعشاك عقب الزواج؟؟
الأم:أختك ماقصرت حطت حرتها بالمكتبة وشرت كتب طبخ كبيرة كلفتنا حول ال800 ريال عسى بس تطلع منها بنتيجة!
وظلت العيلة تدردش بالمطعم لين مارجعوا لبيوتهم وهم مستانسين..
وعاد اسمهان ماقصرت بالروحات للصالون راحت لمشغل أخت صاحبتها مرام وصبغوا لها شعرها وسووا لها تنظيف بشرة وماسكات وحمامات زيت لشعرها..وبالبيت كانت تسوي لنفسها حمام مغربي وطايحة بعمرها تنتيف ..وكملت كل مقاضيها من السوق وقبل الزواج بأيام وصلت أختهم ابتسام وبدأوا الأقارب يجتمعون والكل يقدم الهدايا لاسمهان ويبارك..
وببيت عبير نفس الشي أقاربهم كانوا يجون يباركون وأما أهل أبوها ماكان بينها وبينهم ود بسبب علاقتهم المتوترة مع أمها لأنها انسانة قوية وماتقصر بزرع المشاكل بينهم!!!!
أما تركي مسكين طلعت له أم عبير بمشروع واشترطت عليه إنه بنتها ماتسكن في الملحق اللي فوق بيت أمه وقالت :لازم تشوف لبنتي بيت مستقل ويكون كبير!
وبعد شد وجذب وافق واستأجر شقة كبيرة وكان أجارها عالي وصاحب العمارة شخص راعي مشاكل وأصر انه تركي يدفع له أجار سنة مقدماً!!!!!
وكان تركي متضايق جداً من الضغوطات المادية اللي عليه لدرجة انه اشتكى لأمه الحال..
تركي:تصدقين يمه إني بديت أتحسف على كل ريال صرفته بهالزواج؟!!كل اللي اجتهدت وجمعته بهالسنين راح بغمضة عين في تجهيزات العرس والبيت والأثاث...ومو بس كذا أنا اضطريت أمد يدي على ورث الوالد وأتصرف بجزء منه!!!!
أم تركي:يفداك ياولدي يفداك...أساساً إحنا ليش كنا نجمع الفلوس؟؟مو عشان تفيدنا بوقت الشدايد؟؟؟
تركي:بس يمه اللي قاعدة عبير تسويه فيني هي وأمها اسراف زايد هم موب حاجته بس مدري ليش يبالغون بكل شي؟على بالهم أنا صاحب ملايين؟!!!!حتى شهر العسل قعدوا يتشرطون ويقولون لازم نسافر هنا وهناك!!من وين ياحسرة؟؟وأنا حطيت اللي وراي وقدامي بهالعرس!!!!
أم تركي:سافروا بس داخل المملكة..ترى السفر للخارج بيكلفك واجد..الله يهديهم بس..البنت هذي محد مخربها إلا نصايح أمها بس عقب ماإنت تتزوجها عودها على طبعك..
______
وفي الجانب الآخر كانت اسمهان رافضة ترد على عبدالرحمن صار كل مابغاها بسالفة يراسلها مسجات وتراسله فقط!!!
_________
انتظروني في العرس!!!!وكلكم معزومين!!!ههه
 
اخيرا اول وحدة ارد على جزة من الاجزاء ههههههههههههههه
بس صرااااااااحة نستنى الاحداث الجاية كيف حتكون الله الله عاد بالزواج خليه يطن ويرن
 
ههههههههههههههه
مارسلتي لي كرت الدخول مو في قاعة ليلتي تراني في جدة بسرعة ارسليه ولاتنسي تحجزي الطاولة اللي قدام لي ولاهلي كلهم
 
الحالة
مغلق و غير مفتوح للمزيد من الردود.
عودة
أعلى أسفل