******اسمهان وعبدالرحمن********من جديد

[روح حمود]

رووووووووووووووووووووووووعه

 

[~أسيل الورد~]

:tears::tears::tears: ابدااااااااااااااااااااااااع ,,,
والله مرررررررررررررررررره تحزن >>> اقصد عبير ,,
وكمان أفنان ’’’ وأبله جوهره ,,,
الحمدلله على النعمه اللي عايشين فيها ......

 

[ام ايساف]

ورا المنتدى قلب سوق عكاظ يلا جيونه كملي رووعه بس اتوقع سوسو ماتتحمل شده وقع خبر زواجها مع عبير وراح تخر الآكو والمآكو

 

[حبي هلي]

ماشاء الله عليك ابداااااااااااااااااااااااااااع :icon26::icon26::icon26: :icon26::icon26::icon26:
قصة ولا اروع فيها احداث حلوة ومفيدة ...فكرتك في طرح بعض
انواع الاعاقات والامراض تدل على الفكر الواسع واهتمامك بالقضايا الانسانيه ...
ماشاء الله تبارك الله.. الله يحفظك من كل شر ...
الشيء الحلو انك خليتي شخصية عبير مغروره وماتعطي فرصه للناس
بالتعاطف معها ...لان المشاكل اللي فيها تحزن وشر عبير مايعطينا فرصة للحزن عليها ...{وحدة ماتحب وجع القلب :bleh:}

 

[ام التوم]

مبدعة جدا خليتيني اشارك غصب في البداية كنت اقراء القصه للتسليه ولكن الآن كل جزء اخرج منه بفائدة مع الفكاهة اعجبني اسلوبك جدا لدرجة اني نفسي اتعرف على هذة الشخصية المبدعة والتي تجمع بين الدين والمباديء وبين الحياة والفكاهة اهنيك على تميزك وانتظر جديدك بفارغ الصبر

 

[جيانة]

تكملة الجزء الخامس والثلاثون
ظلت اسمهان تصارع نفسها تسكت أو تتكلم عن اللي شافته من عبير!وكلمات أبلة جوهرة ترن في إذنها(من ستر مسلماً في الدنيا ستره الله في الآخرة)..لكن استقرت أخيراً إنها تكلم سماح زوجة أخوها بالموضوع وتبريء ذمتها!لأنها حست إنها مخنوقة وتركي شاب طيب ويستاهل..
اتصلت اسمهان بسماح وماكان في أحد بالبيت أمها وأبوها راحوا مشوار...وبعد السلام والسؤال عن الأحوال...
سماح:غريبة ياسمهونة هادة مذاكرتك ومتصلة!مليتي؟؟ولاتبين تسأليني عن محلات معينة أو أسواق؟؟؟؟
اسمهان:سماح أنا أبي أكلمك في موضوع مهم ولازم تعرفينه!
سماح:بخصوص؟؟
اسمهان:بخصوص عبير!
سماح حست إنه لهجة اسمهان ماتطمن فقالت بأسلوب جاف شوي:خير ان شاء الله؟وشفيها عبير؟؟؟؟
اسمهان:اليوم كانت خارجة من القاعة وداخت علينا بسبب انخفاض السكر...و
قاطعتها سماح بجفاف :خلاص..خلاص لاتكملين أنا عارفة الباقي!!
اسمهان:يعني تدرون إن عبيرمو طبيعية و...
سماح وهي تقاطع:إيه ندري وراضيين! ولو سمحتي لاتقولين مو طبيعية!هذا ابتلاء ومالها دخل فيه!الله يشفيها وبعدين انتي ليه شاغلتك عبير؟؟؟دعي الخلق للخالق..واهتمي بمذاكرتك أصرف لك!!!وهالكلام لايطلع لمخلوق!!
اسمهان:أنا آسفة إني اتصلت..لكن ودي أقول لكم انتم ناس غريبين!!!
سماح:قصدك أصيلين!! مع السلامة..
اسمهان:مع السلامة..
صكت اسمهان السماعة وتبللت عيونها بالدموع وصارت تسأل نفسها:فعلاً أهل سماح ناس غريبين عبير مافيها أي ميزات تخلي الواحد يتمسك فيها وبالرغم من ذلك عاجبتهم؟!طيب تركي شلون راح يتحمل منظرها؟واش اللي مخليهم يتمسكون فيها وهم يدرون إن أمها قوية؟
لكن بنفس الوقت حست اسمهان براحة إنها أبرت ذمتها وقالت الصراحة وهم بكيفهم!!
وطبعاً السالفة ومافيها إنه سماح بسبب مقاطعتها لاسمهان في الكلام ماسمعت الموضوع للنهاية!كانت سماح تظن انه اسمهان متصلة عشان تقول لها عن مرض عبير بالسكر لكن اسمهان كانت متصلة عشان تتكلم عن الحروق الفظيعة!!!
وبناءً على ذلك محد عنده علم بالمسألة هذي إلا اسمهان!!!!!!
___________
وكملت اسمهان مذاكرتها وتعشت وراحت تنام وأخذت نظرة على الجوال وكان المتصل عبدالرحمن اللي كان يبي يقول لها عن العرض اللي عرضه عليه تركي بالمشاركة في الزواج!
لكن اسمهان رمت الجوال بعصبية وقالت بنفسها:أف..توي مكلمتك أمس ياعبدالرحمن ومنبهة عليك إنك ماتكلمني ولاتسمع صوتي إلا يوم العرس!!وبالرغم من ذلك ضرب بكلامي عرض الجدار ويتصل!!طيييييييب يمين ماأرد!وقفلت جوالها ونامت!
وراح تركي ثاني يوم بعد المغرب لبيت عبيرمن غير موعد وفتحت أمها الباب وسأل عن أبو عبير وقالت أمها:كالعادة مسافر!!!
تركي :وعبير وينها ياخالتي؟؟؟
أم عبير:عبير عندها امتحانات وقاعدة تذاكر..خير؟؟
تركي:أنا كنت جاي أكلمكم بموضوع..وحكى تركي لهم عن فكرته بمشاركة عبدالرحمن في العرس!
أم عبير:بس إنت تدري إني ماأبي بنتي تتزوج الحين!
تركي:وش المانع ياخالة؟..بيتي وموجود..وانتم ساكنين بنفس البلد وقريبين منها يعني بنتكم ماراح تبعد عن عيونكم..والدراسة أنا حريص إنها تكملها وبأدعمها بكل اللي تبيه!
أم عبير:وماقال لك صاحبك بأي قصر بيسوي الزواج؟؟
تركي:إلا..بقاعة ليلتي..
أم عبير يوم سمعت اسم القاعة استخفت وقالت:ليلتي ماغيرها؟؟
تركي:إيه هي ماغيرها..اللي كبار الشخصيات بس يسوون أعراسهم فيها!!!
أم عبير:بس هذي تكاليفها غالية عليك مرة!!
تركي:مو هذي هي ميزة الشراكة بالزواج..كل الدراهم اللي معي وكنت مخطط أحطها بعرسي اللي بيكون مستواه متوسط..بآخذها وأحطها مع صاحبي وهو يدفع قدهم ونسوي ليلة ولا ألف ليلة وليلة!!!!
أم عبير:ومنهو صاحبك هذا حِنا نعرفه؟؟
تركي:إيه..اللي ماخذ أخت زوج سماح إختي!
أم عبير:إيه نعرفهم حضرنا ملكتهم وحضروا ملكتنا شكلهم ناس راهيين ومابيرضون لبنتهم بأي مستوى!تدري؟؟؟على بركة الله!
تركي:طيب وأبوعبير متى بأقابله؟وأناقشه بالموضوع؟ترى مابقى على العرس إلا28 يوم بس!!!!!!
أم عبير:أبوعبير خله علي أنا ولاتحمل هم..لايمكن يرفض لي طلب..بس انت ابدأ في تجهيز بيتك وترتيبات العرس!!
وأنهى تركي حواره مع أم زوجته وخرج...
ودخلت عبير على أمها وقالت:وش يبي تركي يمه؟؟؟
ام عبير:جاء يحدد موعد العرس..وبإذن الله بيكون بعد 28 يوم!!!!!!!!!!
عبير:شلـــــــــــــــون؟؟انتي وش تقولين؟؟مو على أساس إنه السنة الجاية؟؟مو انتي اللي كنتي توصيني ليل نهار إني أعلِّق تركي فيني وماتجي السنة الجاية إلا وهو يبي يتزوجني بأي طريقة وعقبها حتى لو درى بمشكلتي بيتغاضى عنها؟؟؟
أم عبير:وانتي يالهبلة تدرين وين بيسوي العرس؟؟بيسويه في أفخم قاعة بالبلد!اللي لو يفحط طول عمره ماقدر يجيب قيمتها!لكن الزواج هذا بيشارك فيه صاحبه وبتخف عليه التكاليف..هذا الزواج لازم يتم الحين وبأخلي كل أهلي اللي كانوا يقولون عبير محد بياخذها يشوفون عبير وين بتتزوج!!واش بيندفع لها!
عبير:يمه حرام عليك ماقدامنا وقت!الامتحانات باقي عليها أسبوعين متى يمديني أجهز نفسي؟
أم عبير:السوق ماهو بطاير!والدراهم وزاهبة!والسواق تحت يدي!انتي بس خلك في مذاكرتك وأنا عهدٍ علي لاأجيب لك جهازالكل يحكي ويتحاكى فيه!!!
عبير:بس يمه أنا مو راضية أستوعب شلون الأمور انقلبت بهالسرعة!طيب أنا إش أسوي لو درى تركي بــ علتي؟؟
أم عبير:واللي يسمعك ياروح أمك ..يقول إننا لو أجلنا الزواج سنة ثانية بنلقى حل!!مو الحال هو هو درى الحين ولابعدين مايختلف الوضع!! الشطارة بيدك انتي شلون تكسبينه وبعدها صدقيني لاألقى لك حل من تحت الأرض!
عبير:ومين بيشاركه بالعرس؟واحد من أقاربه؟؟
أم عبير:لا عبدالرحمن اللي مآخذ اسمهان..
عبير:وشهـــــــــو؟؟وانتم على كيفكم تخططون؟والله لو مايبقى غيرها بين الخلايق ماأتزوج معاها بليلة وحدة!!!!!
أم عبير:وليش يابعدي؟؟جربانة البنت؟ولا جاية من الشارع؟؟هذولا ناس لهم مكانتهم وسمعتهم مين بس مايتشرف انه يكون معاهم بليلة وحدة؟؟
خلك من أفكارك التافهة..والزواج بيتم يعني بيتم رضيتي ولا انرضيتي!!!!!
وخرجت الأم من الغرفة..وعرفت عبير إنه بعد كلمة أمها مافي كلمة ثانية!! واستسلمت!
________
طبعاً تركي من فرحته اتصل بعبدالرحمن وبشره بالخبر ثم راح لأمه وقال لها السالفة..ورحبت بالموضوع...
واتصل بسماح وقال لها وفرحت وقالت:يافرحة محمد ياتركي!!بأوفر عليه قيمة فستانين!وأفصل فستان واحد!
تركي:يبه سووا اللي تبونه أنا الدنيا موب شايلتني من الفرحة أخيراً بيصير لي بيت وأستقر!!!
سماح:آآآآآه ياتركي لو تدري وش كثر مشتهية أشوف وجه اسمهان لاوصلها الخبر!!
تركي:ليش بتفرح واجد؟؟؟
سماح:بتفرح؟؟؟!صحيح إنك مسكين! إلا بتطق من القهر!!
تركي:ياحليلها...أخاف لسه تبيني!!!
سماح:لا تطمن..إلا بتستخف على عبدالرحمن بس المسألة ومافيها غيرة نسوان!!!!!
واتصل عبدالرحمن وكلم أبواسمهان وبدأ يناقشه في مسألة الكروت والمدعوين واسمهان لسه ماتدري عن شي وقافلة جوالها وحاطة حيلها بالامتحانات!!

 

[حور و عمر]

طيب و بعدين اكيد يوصل الخبر لاسمهانو
شوقتينا جياااااااااااااانه معاكي

 

[umm yusuf]

مسكينه الاسمهانووووه هذه قاعدة تذاكر وماتعرف عن الموضوع اللي قاعد يصير من وراها
نفسي اعرف وش بيكون ردة فعلها

جيونه حبيبتي ارجووووك لاتتاخري حطي اليوم جزء بليزززززززززززززززز

 

[ام الشهد9]

خاطري أعرف شنو ردة فعل اسمهان اكيد بتضايق وايد كملي غاليتي منتظرتج.

 

[مجنونة ميدو]

والله شوقتينا الله يعطيك العافيه بس مالها حق ام عبير تخفي عن العريس العله الي في بنتهم نستنى النهااااايه معاااااااكي متابعين

 

[جيانة]

:icon26::icon26:الجزء السادس والثلاثون:icon26::icon26:
ثالث يوم بالامتحانات اتصلت سماح تسولف مع أم محمد...وبعد السؤال عن الأحوال...
سماح:طبعاً أكيد وصلتكم الأخبار إنه ليلتنا بتصير وحدة ان شاء الله وفرحنا واحد...؟؟؟
أم محمد:ايه وصلتنا وأبركها من ساعة يابنتي..اسمهان آخر وحدة بتتزوج عندي وتركي آخر واحد من عندكم وودنا نفرح فيهم...وأنا أكثر شي أسعدني إنه هالشراكة فيها توفير على العريسين واختصار للتكاليف شوي..قولي آمين عسى الله يوفقهم كلهم..
سماح:آمين يارب..طيب شلون عروستكم مع الامتحانات؟؟؟
أم محمد:رابطة راسها وشادة حيلها وحاطة حرتها بهاالكتب..الله يكتب لها النجاح بأعلى درجات يارب...كاسرة خاطري حتى الأكل ماتذوقه مع هالامتحانات!!
سماح:لاتشيلين همها..عقب الزواج بتجيك منتفخة كأنها برميل من زود الراحة النفسية!!!
أم محمد:طيب شلون بتسوون يابنتي؟ بدأتوا تجهزون شقة تركي؟؟
سماح:إيه الحمدلله...هند وأمي مو مقصرين ماشاء الله حاطين حيلهم معاه بالسوق..أما أنا كنت اليوم رايحة أستلم فستاني اللي كنت مفصلته لزواج اسمهان وقلت أمر بالمرة أكمل النواقص من اكسسوار وجزمة وخلافه..فحبيت أقول لك بالمرة تجين معاي وإذا لك أغراض ناقصة تاخذينها....
أم محمد:الله يرضى عليك..كلمتيني بالوقت المناسب لي كم يوم أكلم أبومحمد على السوق لكنه مشغول..واسمهان لاهية بمذاكرتها وكل ماكلمت أحد يزورني يتعذر بالامتحانات!!زين متى تمروني؟؟
سماح:بعد ربع ساعة..
وتجهزت الأم ومروا محمد وسماح وأخذوها معاهم للسوق وعجبها بعض الأغراض لاسمهان واشترتهم وساعدتها سماح بذوقها في بعض الأغراض واشترى محمد عشاء ونزلوا البيت يتعشون سوى...
وقامت أم محمد تنادي بنتها اسمهان تتعشى معاهم وتتفرج على الأغراض...
سلمت اسمهان على الجميع والارهاق واضح عليها....
محمد:وشفيك سمهونة؟؟تعبانة؟
أم محمد:إلا ذابحة عمرها بالمذاكرة..تقولون بتتخرج ذي السنة؟؟
اسمهان:طبعاً لازم أذبح عمري مذاكرة!طول حياتي وأنا متفوقة..تبوني هالحين أكحلها ويفضحني أبوي ويقول المعرس سرق عقلك؟؟؟
سماح:يلا هانت..إلا وش تعليقك على الشراكة بيوم الزواج؟
اسمهان:ياحليلك شكل الأخبار عندك بايتة!!مو نجلاء الله يسلمك رفضت عبدالمجيد!وقرر إنه يدور غيرها على راحته..وعلى كذا زواجي بيكون لحالي....
سماح:وشفيكم ياجماعة الخير؟؟محد علمها بالسالفة؟؟؟؟
أم محمد:لاماعلمتها وأنا مادريت إلا أمس!
محمد:أقول ياحلوة مو أخبار سماح اللي بايتة إنتي اللي أخبارك مخمجة وفايحة ريحتها!!ترى تركي بيتزوج معاكم بنفس الليلة؟؟
اسمهان بانفعال:يعني عبير بتتزوج معي؟؟
سماح:لا..بيخليها في البيت ويتزوج لحاله!!طبعاً معاك ياقمر!ليش عندك مانع؟؟؟؟؟؟
اسمهان:ومين قال لكم إني موافقة؟؟خلصت القاعات يوم تجي تزاحمني بزواجي؟؟؟
محمد:بسم الله الرحمن الرحيم..ليه؟ماهي مخلوقة وحالها حالك وودها تفرح؟؟
اسمهان:جعلها ماتتهنى ولاتتوفق!!
سماح:بسِك عاد!!وانتي كل ماجاء طاريها يركبك ستين عفريت!!اذكري الله!
اسمهان:أنا قلت اللي عندي والعرس عرسي..ومحد مشاركني فيه..وإذا أصريتوا بأبطل
أم محمد:وش هالراس اليابس يابنتي؟ بدل ماتقولين هذا عين العقل..وجا من يخفف التكاليف عن خطيبي.. وفرحتنا بتصير وحدة حِنا وأهل سماح تقولين كلام يفشل؟؟؟؟؟؟
اسمهان وهي تقطر عيونها:مالي شغل أنا رافضة يعني رافضة!!
محمد:إلا غريبة عبدالرحمن مابلغك بهالكلام بنفسه؟؟؟؟؟؟
اسمهان:لأني قافلة جوالي من بداية الامتحانات!
وطلعت اسمهان وفتحت جوالها ووصلتها رسايل واتصالات من عبدالرحمن يخبرها فيها عن الموضوع!!
ولما رجع أبو اسمهان من برة لقيهم مجتمعين ويتناقشون واسمهان زعلانة وتبكي ورافضة الشراكة!!
صاح عليها أبوها كم صيحة أخذت عقلها وانطمت!!!!
وسماح تقول:أنا متأكدة إنه عبير مو مثلك...أكيد استانست بالخبر وفرحت!!!!!!!!
راحت اسمهان تنام ودمعتها على خدها لأنه خلاص حكم القاضي!!!!!!!ههههه
________________
وثاني يوم بالمدرسة كان الزعل واضح عليها!وبعد الامتحان..تقابلوا الشلة....
أفنان:سوسو واشفيك حبيبتي؟؟لايكون ماحليتي زين بالامتحان؟؟
مرام: لا..أنا ملاحظة عليها إنها من يوم ماجت الصبح وهي زعلانة!!!
قامت اسمهان وحكت لهم عن السالفة!
رانية:أفا ياالعلم!!!هذي عين وصابتك يابنت الناس!!أو إنك نحيسة نحاسة مابعدها!!لو إنك يانجلاء موافقة على أخو عبدالرحمن ماكنتي بتكسبين أجرها وتفكينها من أم شرين هذي؟؟؟؟
نجلاء:اسكتي يارانية..أصلاً خطيبك من الأساس المفروض ماخلى واحد غريب يشاركه!!!
اسمهان:الصداقة بينهم قوية!وش تبيني أسوي؟
رانية:الله يعين..يعني أنا كنت بأموت من الفرح إني بأحضر زواجك وأرقص فيه..وآثاري الزواج بيكون مع عبير؟!!!وععععع يعني كأني قاعدة أرقص لها هي مالت عليها!!!!
نجلاء:وعاد الله يكون بعونك..بتبدأ حركاتها النص كم وبيبدأ التنافس يوم الزواج وكأنكم بحلبة سباق...هذا إن مالقيتها مرتزة عند نفس كوافيرتك!!!!!
مرام:وشفيكم على البنت؟كذا تشحنونها أكثر!خلاص مدام الأمر انحكم فيه وماصار لها منه مناص إذن ماله داعي النقاش!!!!!
أفنان:ياجماعة انتم مكبرين السالفة مرة!وشفيها لاتزوجت معاها عروس ثانية؟؟انتي بتنزفين قبلها يااسمهان صحيح؟؟؟
اسمهان:صحيح..
أفنان:وطول العرس بتكونين في غرفتك تتصورين..ووقت الزفة بتنزفين وتقعدين لك شوي على المنصة وبعدين بياخذك العريس وتروحون صح؟؟
اسمهان:صح!
أفنان:يعني فيه احتمال كبير إنكم ماتتقابلون أساساً وأكيد طبعاً مابتجلسون مع بعض..فليش الزعل والحركات اللي مالها داعي؟ صفوا النيات والله يبارك!!
رانية:أفنانوه؟قولي آمين!
أفنان:آمين
رانية:عساك تتزوجين بزواج جماعي من اللي يسوونها الجمعيات الخيرية ويكون معاك 777 عروس بليلة وحدة!!!!!!

 

[حلمي بعيد]

هههههههههههههههههههههههههههههههه
عجبتني دعوة رانيه
ههههههههههههههههههههه


يعطييج العافيه يالغلا

 

[umm yusuf]

ههههههههههههههههههههههههههههههه
رانية البنت دي دفشة دفاشة غير طبيعيه
بس تعرفي ياجيونه انك فتحتي عيوني على عادات في افراحكم تختلف عن عاداتنا
عندنا العروسه ترتز بالكوشه طول الليل ماتنزف وتطلع
لا لازم الكل يمقمق فيها من اول خصله بشعرها لاخر صبع برجلينها

ننتظر باقي التفاصيل وياريت يوم الزفاف تحطي لنا صورة فساتين زفاف العرايس وشكل الكيكه مثل ماعملتي بيوم الملكه
امووووواح على راسك

 

[nana9379]

ولعت الأحداث

 

[منى روووح2010]

يحلاااات رمستكن يالسعوووديااات غير فلة
هههههههههههه
تسلمين الغاااالية على هذا الجزء وان شاء الله الجااااي أكثر

 

[جيانة]

سامحوني على هذا الأسلوب الجارح ولكن أسأل الله العظيم رب العرش العظيم أن ينتقم من كل انسانة سوَّلت لها نفسها سرقة قصصي ونسبها إلى نفسها وجهدها الشخصي ونقلتها لمنتديات أخرى!
مشكلة عالم النت إنه عالم لايحفظ للشخص أي حقوق فكرية..والأدهى من ذلك أن هناك ناس يستبيحون سرقة أفكار الآخرين ونسبها لأنفسهم
وأنا من هنا أنادي بعالي الصوت:
لاأبيح ولاأحلل سرقة أي موضوع من موضوعاتي أو أي قصة من قصصي ونقلها فلقد طفح الكيل..
بعض الأخوات اللواتي استأذنوا مني في ارسالها عبر الجوال لم أرفض طلبهم أو صوروها على ورق في هيئة كتاب أيضاً سمحت لهم ولكن أن يصل الحد إلى سرقة أفكاري الشخصية والتي أتعب في تأليفها حيث إنه لايخفى عليكم إنني أؤلفها مباشرة وأكتبها من فوري لكم..ويأخذ ذلك مني جهد ووقت ولكني أراه فداء لكم ولمتابعتكم وردودكم الرائعة..
ولن أنسى ماحييت عبارات قالتها إحدى العضوات لي في منتدى آخر العام المنصرم عندما استأذنتني إحدى العضوات في ردها أن تنقل موضوعي وأجبتها أن لابأس بذلك بشرط الاشارة إلى الكاتبة الأساسية..ففوجئت بعضوة أخرى تكلمني بلهجة عامية تفتقر إلى الذوق وتقول:
ليه مين انتي؟وبأي مناسبة نشير لإسمك لما ننقل موضوعاتك..انتي كاتبة مغمورة وموضوعاتك أقل من عادية وفوق هذا كله لازم نستأذنك؟؟مين وين تطلع لنا هالأشكال؟؟
علمت حينها إنها انسانة والله أعلم قد لاتتورع عن سرقة أي موضوع وإلا ماثارت بهذا الأسلوب السخيف..وعندي ثقة لاغرور.بأن موضوعاتي لو لم تكن مقبولة لما أغرت أحد بسرقتها!!!!!
وحتى لو كانت كتاباتي أقل من عادية من حقي وحدي أن أقرر أين أكتبها وأختار المنتدى الذي تلائمني الكتابة فيه..ومن حقي أيضاً أن أحتفظ بقصصي وتعبي بعيداً عن أعين السارقين..
لذا أعيد وأكرر لاأسمح لأي انسانة مهما كانت أن تنقل قصصي لأي مكان!!!
وجب التنويه..ولن أسامح من يستبيح لنفسه السرقة مدى الحياة!!!!!!!

 

[منى روووح2010]

صدق والله
هذا من حقج .....
وتنقهر يوووم حد يااااخذ من أفكاااارك وينسبها حقه
الله يعيييينج

 

[FUTY]

الله يعطيج العافيه
متااااااااااااااااااااااااااااااابعه

 

[صبوحة2008]

حبيبتي جيونه ابي اعرف روايتك اسمهان وعبد الرحمن ليه وقفت انا تابعتها الا يوعم الملكه بعده وقفت ليه عسي المانع خير لا تطنشيني بليز اعطيني حل والله انها حلوه اله يسامحك شوقتينا وبعدين وقفتي ليه:icon31::harhar1:​

 

[سـري للـغـاية]

إختي هالشئ من حقج والله يلوم اللي يلومج