بادئ الموضوع تاريخ البدء
  • المشاهدات 79,908
  • الردود 329
الحالة
مغلق و غير مفتوح للمزيد من الردود.

سلة فواكه

New member
إنضم
5 أبريل 2007
المشاركات
4,025
مستوى التفاعل
0
النقاط
0
الإقامة
ارض الله الواسعه
ملاحظه :
لا احلل ولا ابرئ ذمه ولا اسامح من تنقل مواضيعي للمنتديات الاخرى
وساقف امامها للاقتصاص منها يوم القيامه


مساء الحب
كيف حالكم يابنات
سامحوني لطول الانقطاع بس كان عندي ظروف والحمدلله مرت على خير ورجعت لكم
طبعا هنا في هذا القسم ( دلع وغنج) كل وحده تدخل يكون همها الاول والاخير انها تكون دلوعه صح ؟؟؟
اكيد في شغلات واااايد تكون من ركائز الدلع وتعتبر اساسيات للدلع مثل الثقه بالنفس ,, يعني مستحيل اي وحده تنقصها الثقه بالنفس تتدلل وتتمخطر وتتمايل لان في شي اساسي ناقصها ويمنعها ...
وطبعا ما ننكر ان الاهتمام بالشكل شي مهم للثقه بالنفس يعني البنت الي تعتني بشكلها وبشرتها وقوامها وشعرها ,, اكيد ثقتها بنفسها تكون مضاعفه مئات المرات عن البنت الي ما تعمل ماسكات الا كل سنه مره والي ما تسوي رياضه الا كل 10 سنوات مره والي ولا عمرها اعتنت بشعرها ....
في هذا الموضوع بنحاول خطوه بخطوه نعالج هالمشكله ,, نكون جميلات ,,بعدها واثقات واخيرا دلوعات ...
خلنا نتكلم عن الاسرار الخفيه للدلع ,, لما نكتشف هذي الاسرار اكيد راح نكون دلوعات
خلونا اليوم مع السر الاول :
الشعر :
ما ننكر اهميه الشعر بالدلع ,,, يعني الشعر مثل ما يقولون تاج جمال المرأه ,, حاولي تحافظين على تاج جمالج وتلمعينه وتجملينه بدل ما تهملينه ,, اكيد الدلوعه تودي شعرها يمين ويسار وهي مو مهتمه ,, ترفع شعرها تسدل شعرها تربطه بشرايط وكلبسات حلوه ولا تهتم ,,, تسوي فيه حركات بكل ثقه ,,, لان شعرها صحي وجميل حتى لو ماكان ناعم
كيف تهتمين بشعرك ؟؟؟
خلطات العنايه بالشعر :
في خلطات كثيره وسريعه وما تكلف اي وقت واي جهد مثل ماسك الزبادي للشعر ,, طبعا ما يخفى علينا فوائد الزبادي للبشره والشعر ,,, هذا اذا ماكان عندج اي وقت ,, اما اذا كان لديك القليل من الوقت ممكن تخلطين مجموعه زيوت مثل زيت الخروع وزيت اللوز المر وزيت الزيتون وزيت جنين القمح ,,,, الخ واقصد زيوت الشعر وتخلينها بعلبه وقبل الحمام بساعه تخلينها على شعرج ما راح تخسرين اي شي وراح تشتفدين شعر اقل تساقطا ,, اقل تقصفا ,, اكثر لماعا ,,,, هذي الخلطات السريعه وما اقصد فيها البنات الي ماشاء الله مهتمين بشعرهم على طول ,,
خصصي يوم واحد بالاسبوع لشعرك وخلطاته ,,, اعتقد ان تاج جمالج يستحق ولو يوم واحد بالاسبوع ....
اختيار الشامبو المناسب للشعر :
طبعا كل وحده نوعيه شعرها مختلفه عن الثانيه ,, اكيد من كل شامبو في انواع مختلفه ومتنوعه للعنايه بالشعر اختاري النوع المناسب مع البلسم وكريم التصفيف ( المجموعه كامله ) ,,, وهذي المعلومه ما تخفى عليكم يا حلوات بس في بنات يستخدمون الشمبو والبلسم من نوع واحد وكريم التصفيف نوع ثاني ,,, اكيد مو غلط بس كل شي من نفس المجموعه افضل .....وطبعا لاتنسين الاستحمام بالماء البارد لان الماء الساخن يسبب تساقط الشعر وتقصفه
الاستشوار :
اذا كان شعرك يحتاج للاستشوار بصوره دائمه في كريمات تنباع لحمايه الشعر من الاستشوار وحرارته ,, اذا ما حصلتي في السوبرماركت تحصلين بالصالونات ,, عادي يبيعونها ,, انا الي عندي شريته من الصالون واسمه كريستال سيروم وااااايد زين وريحته حلوه وهذي صورته


بدائل الاستشوار :
اعرف بنت كل ما غسلت شعرها سوت له استشوار ,, كان شعرها غليظ ومع الايام صار وااايد متقصف ويتساقط لان الحراره لها تأثير سئ عالشعر ,, في بدائل ثانيهعن تصفيف الشعر بالمجفف
مثل الموس (MOUSS)
ما اقصد الموس الس يستخدمونها لازاله الشعر ههههه , اقصد الرغوه الي تجي في علبه طويله ,, تخلينها والشعر رطب وتسوي الشعر مموج ( كيرلي) يعني تعطي شكل جديد وجميل واكيد الدلوعه لازم تغير ستايل شعرها من وقت لوقت ,,هذا مثال للموس الي اقصده

طبعا في انوع كثيره واحسن نوع استخدمته هو ويلا ...
من البدائل الاخرى الرولات الي تنحط بالشعر

طبعا تعطي نتيجه حلوه وجذابه ,,, مثل هذي

واااااو صج دلوعه لما تحطين الشريطه الحمراء على شعرج وهو مموج ,,,

العنايه بالصالون :
اكيد تروحين الصالون لاغراض مختلفه ,, اجعلي شعرك غرض من هذه الاغراض وخصصي له يوم في الصالون للاعتناء به من حمام زيت وماسكات وغيرها ,,

اختاري ما يناسب شعرك :
طبعا الشعر لازم اطرافه تتعدل بالمقص كل 3 شهور والا تكون اطرافه تعبانه وناشفه ,,, احرصي على هالنقطه .. حتى لو كنتي ما تبين تقصرين من طوله فقط قومي بتعديل الاطراف ,,,,
اكيد المظهر الجديد المتجدد يعطي الدلوعه ثقه في نفسها ,, جددي في مظهرك ,, اختاري قصه الشعر المناسبه مع الصبغه المناسبه لك ... اكيد في وايد بنات يخافون يقصون شعرهم او يصبغونه ,, وياكثرهم الي اعرفه ,, لكن انا اقولهم جربو والتجربه خير برهان ,, راح تشعرين باحساس جديد شرط ان القصه او الصبغه تكون ملائمه وعلى يد خبيره ....

اي سؤال انا حاضره وانتظروني بالجزء الثاني ....
ما راح اتاخر عليكم


التكمله
صفحه 3
صفحه 6
 
التعديل الأخير:

البرائة

New member
إنضم
16 أبريل 2007
المشاركات
602
مستوى التفاعل
0
النقاط
0
والله افررررح لما اشوف مواضيعك لانها روووعه مثلك..

مشكورة سلة بس انا مايناسبني الكيرلي ابدددددددددا واصلا شعري بشهادة الكوافيرات اللي رحت لهم لايمكن انه يحتفظ بالكيرلي لفترة طويلة شوووي ويرد ستريت..فممكن تقولين لي كيف الدلع يكون مع الشعر الطويل الناااعم؟؟؟

متااااابعة بشدددددددددددددة..........
 

نجود

New member
إنضم
9 مايو 2008
المشاركات
6
مستوى التفاعل
0
النقاط
0
الله حلو موضوعج ـــــــــــــــ بس بقولج عن شعري انا قبل الزواج شعري كااااان روووووعه وثقيـــــــــــل وبعد الزواج صار يعني فابي ارجعه شو الحلـــ،،؟؟؟**:. ارجوج قوليلي ابيه يرجع شكل قبل,,,وتسلمين ع الموضوع الحلو,,,
 
التعديل الأخير بواسطة المشرف:

اسم مستعار

New member
إنضم
22 ديسمبر 2007
المشاركات
334
مستوى التفاعل
0
النقاط
0
مشكوررررررة منتظرين البقية

لدي سؤال أنا شعري كان كويس بعد مع تكرار الحمل و الرضاعة أصبح حالته غير
كيف أضبط حالته و أنا الآن حامل أنتظر الولادة
وجزاك الله خيرا
 
إنضم
22 نوفمبر 2007
المشاركات
132
مستوى التفاعل
0
النقاط
0
العمر
31
الإقامة
بوظبي
الموقع الالكتروني
🔗
رووووووووووووووووووووووووووعه


يسلمو اختي عنجد محتاجه متل هالموضوع


الله يجزيك الخير


بس بدي اسألك عن السيراميك مضر للشعر؟؟؟؟
 

عيشة هنية

New member
إنضم
2 مايو 2008
المشاركات
18
مستوى التفاعل
0
النقاط
0
اشكرك على البدايه الرائعة هذي انا من المتابعات لمقالاتك
وانا اؤكد على كل كلمة قلتيها انا شعري طبيعته جاف وجربت الفرد وما نفع مازاده الا نشفان
لكن الحين تعالي شوفيه حتى اخواتي انبهرو من التغير الرهيب الحاصل وناس سالوني ايش
نوع الفرد الي استخدمتيه وانا ارد بابتسامه كلها ثقه امنحي شعرك قليل من الوقت
ولو ساعه مرة اومرتين اسبوعيا لاي زيت او خلطة تناسبة وتري نتيجه كلها ثقة
ارجو ان تقبلوني بينكم --------داخلة عرض
 

ماسة نجد

New member
إنضم
9 يوليو 2007
المشاركات
173
مستوى التفاعل
0
النقاط
0
موضوعك روعة عزيزتي سلة فواكة
انا سمعت عن قناع الموز والكيوي للشعر انه يعطي مفعول سحري
ويقوي الشعر ويطولة
بس ما جربته
ايضا اتوقع ان الشامبوات تساقط الشعر
وسمعت عن صابونه الغار انها حلوة للشعر
وتوقف التساقط وجربتها وحده اعرفها وقف
عليها التساقط بعكس لما تستخدم الشامبو
 
إنضم
31 مارس 2008
المشاركات
174
مستوى التفاعل
0
النقاط
0
ماشاءالله دائــــما مواضيعك مميزة

يعطيك العافيه

لك خالص تحياتي
 
إنضم
28 ديسمبر 2007
المشاركات
397
مستوى التفاعل
0
النقاط
0
الإقامة
In my sweet world
يعطيج العافية سلة فواكه موضوعج {رووووعه} ،،،
وانا وحدة اموووت في هالسوالف ،،،
وايد بنات بس يغسلون شعرهم ويطلعون من الحمام وينشفونه بعنف هههههه ( حرب بين الفوطه والشعر) وبعدها تلفه بأي شي وخلاص !!
لازم ندلع الشعر بالحمام نغسله وندلكه بالشامبو شوي شوي ،، بعدين نحط بلسم وندلكه واااو شعور روعه
بعدين طبعاً السيروم مفعوله يجنن لما تستخدمينه وشعرج مبلل ،، تخلينه شوي يجف عقب نشفيه بالسشوار او سشوريه كامل او كيرلي او مموج انتي وذوقج راح يطلع شعرج رووووووعه صحي ويلمع ،، واحلى شي بعدها الشرايط والكرستالات والشباصات الحلوه تحسين بعدها انج فعلا اخذتي وقت وانتي تهتمين فيه هذا راح يكون اهتمام يومي غير طبعا الاهتمام عن الاسبوعي والشهري ،،،

الف شكر لج حبوبتي و في انتظار بقية الموضوع :in_love:
 

أحس فيك

New member
إنضم
15 فبراير 2008
المشاركات
1,861
مستوى التفاعل
1
النقاط
0
العمر
31
الإقامة
قطر بلاد العز والخير
مشكوورة يالغالية ((سلة فواكة))
تنبيهات مفيدة للبنات اللي يحبون شعورهم >> مثلي :icon31:
يعطيك العافية
 

اهات الروح

New member
إنضم
15 يونيو 2008
المشاركات
1,204
مستوى التفاعل
0
النقاط
0
يعطيك العافيه على المعلومات ننتظر المزيد بفارغ الصبر
 

سلة فواكه

New member
إنضم
5 أبريل 2007
المشاركات
4,025
مستوى التفاعل
0
النقاط
0
الإقامة
ارض الله الواسعه
والله افررررح لما اشوف مواضيعك لانها روووعه مثلك..

مشكورة سلة بس انا مايناسبني الكيرلي ابدددددددددا واصلا شعري بشهادة الكوافيرات اللي رحت لهم لايمكن انه يحتفظ بالكيرلي لفترة طويلة شوووي ويرد ستريت..فممكن تقولين لي كيف الدلع يكون مع الشعر الطويل الناااعم؟؟؟

متااااابعة بشدددددددددددددة..........

ايييي صح في ناس مايضبط معاهم الكيرلي
اذا كان شعرج طويل وناعم ممكن تسوين فيه وايد شغلات مثل ذيل الحصان وترفعينه ,,,او تجدلينه او ترفعينه كامل بكلبس كبير ,, يعني الشعر الطويل احس تقدرين تتفننين فيه اكثر من الشعر العادي
 

سلة فواكه

New member
إنضم
5 أبريل 2007
المشاركات
4,025
مستوى التفاعل
0
النقاط
0
الإقامة
ارض الله الواسعه
الله حلو موضوعج ـــــــــــــــ بس بقولج عن شعري انا قبل الزواج شعري كااااان روووووعه وثقيـــــــــــل وبعد الزواج صار يعني فابي ارجعه شو الحلـــ،،؟؟؟**:. ارجوج قوليلي ابيه يرجع شكل قبل,,,وتسلمين ع الموضوع الحلو,,,





هلا يالغاليه
بصراحه ماقدر اقولج شنو تسوين لاني مو اخصائيه بهالمجال
تغذي زين لان وايد تتخربط هرموناتهم بعد الزواج
 

سلة فواكه

New member
إنضم
5 أبريل 2007
المشاركات
4,025
مستوى التفاعل
0
النقاط
0
الإقامة
ارض الله الواسعه
لدي سؤال أنا شعري كان كويس بعد مع تكرار الحمل و الرضاعة أصبح حالته غير
كيف أضبط حالته و أنا الآن حامل أنتظر الولادة
وجزاك الله خيرا

حبيبتي انا مو دكتوره ولا خبيره وهذي مشكله اكثر الامهات ( ضريبه الامومه )
حاولي تعتنين فيه
 

سلة فواكه

New member
إنضم
5 أبريل 2007
المشاركات
4,025
مستوى التفاعل
0
النقاط
0
الإقامة
ارض الله الواسعه
رووووووووووووووووووووووووووعه


يسلمو اختي عنجد محتاجه متل هالموضوع


الله يجزيك الخير


بس بدي اسألك عن السيراميك مضر للشعر؟؟؟؟


اكيد مضر
لانه فيه حراره واي شي حار يضر الشعر
مشكوره على المرور يا قلبي
 

سلة فواكه

New member
إنضم
5 أبريل 2007
المشاركات
4,025
مستوى التفاعل
0
النقاط
0
الإقامة
ارض الله الواسعه
باقي البنات الحلوات
مشكورين على المرور واثراء الموضوع بخبراتكم ونصايحكم
وانا قريت كل رد بس والله مارديت الا على الاسئله لضيق الوقت سااامحوني واكيد انتو عاذريني
يابنات ارد واقول انا لاني اخصائيه ولا خبيره بالشعر وما اقدر افتي باي شي ,, يعني الي تبي تاخذ رايي اوكي بس الي تسالني عن اشياء تتعلق بالناحيه الطبيه والجسميه انا اسفه ماقدر اخذ ذنبها
يالله وين التفاعل عشان انزل الجزء الثاني ؟؟
 
الحالة
مغلق و غير مفتوح للمزيد من الردود.

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى