اسرار الدلع الواثق ,,,,دللي نفسك خطوه بخطوه معي

[بنت المغرب]

ميرسي حبيبتي على الموضوع الحلو
وفي انتظار البقية عزيزتي
تسلمي​

 

[كل المشاعر]

سلوووولة الرائعة...

مواضيعج كلها... فنتك... وحلوة ومميزة مثلج...

بالتوفيق... وبانتظار الجزء الثاني يا قلبي...​

 

[سلة فواكه]

شلووونكم دلوعات ؟؟؟
طبعا تكلمنا عن السر الاول وهو الشعر الان سوف نتكلم عن ثاني سر من اسرار الدلع ...
السر الثاني هو :
العيون

ااااه من العيون وسحر العيون ,, العيون مركز معرفه الاخرين لمدى ثقتك في نفسك وحبك لذاتك وتقديرك لها ,, كلما كانت العيون منكسره ضعيفه متردده دل ذلك على قله الثقه والتردد وكلما كانت نظراتك حازمه ثابته قويه وسعيده دل هذا على الثقه وحب النفس ( ما اقول صيري قويه عيون ,, بس خلج ثابته )
طبعا العين الجميله الصافيه اكيد صاحبتها يحق لها تتدلع ونص ,,, لكن الي عينها تحيط بها الهالات وماتعتني برموشها ,, اكيد صاحبتها ماراح تتدلع ولا شئ ..
اكيد العيون من اسرار الدلع ,, يعني الدلوعه تتفنن بنظراتها ... نظره عينها متزنه وحلوه ,, تجذب الكل من نظرتها ,,,
كيف تكونين ذات عين جميله وجذابه ؟؟
العين كسائر اعضاء الجسم , احنا كلنا نعرف شلون نحافظ عليها ونهتم فيها ,, لكن مع الاسف ننصح عيالنا والصغار وننسنى نطبق النصائح على انفسنا,, يالله خلنا نتكلم عن طرق الحفاظ على العين الجميله

الغذاء :
طبعا ما ننسى دور الغذاء في جمال العين , معروف ان السمك يساعد على تصفيه العين ,, كي تكوني ذات عين صافيه وشعر غليظ اكثري من السمك ,, سبحان الله ربي ما خلق شي الا ومنه مليون فايده. وطبعا اكيد في اطعمه تساعد على تقويه البصر واطعمه تدمر العين وتتلفها مثل الدهون الي مو بس تأثر على القلب والشرايين ,,,ومن الاكلات التي تساعد على تقويه البصر : المشمش, الذره , صفار البيض , الكبد , البقدونس , السبانخ, الفلفل الاخضر , المناجو , الطماطم.....
طبعا ما ننسى الماء الي له فوائد للجسم كله واكيد له فائده للعين وجمالها ..


العنايه :
طبعا في طرق كثيره للعنايه بالعين ,, اشهرها قطع الخيار الطازجه التي توضع على العين وطبعا هذا شي زين للموظفات والامهات لانه يساعد على تقليل اجهاد العين وتورمها ,,

ايضا كمادات اكياس الشاي لراحه العين وللعين المتعبه,, طبعا الطريقه الصحيحه لاستخدامها هي وضعها في ماء مغلي و نتركها تختمر 5 دقايق ,, بعدين نضعها بالثلاجه لمده ربع ساعه واخيرا على العين ,, طبعا هالطريقه معروف اثرها ومفعولها على العين ,,
طبعا ما ننسى الكريمات لحول العين,, عندنا وايد انواع مثل اولاي ...او كريم فيتامين e من بودي شوب ,, او كريم VICHEY طبعا هالماركه معروفه وايد وسمعت وايد بنات يتكلمون عن الكريم وقدرته على ازاله السواد حول العين ,, للامانه ما جربته وما اعرف اجاوب عن اي سؤال يخص هالكريم ,, لكن هو كريم معروف موجوده باغلب الصيدليات ...
ماننسى الرموش لانهم جزء مهم من العين و ما ننسى العنايه فيهم من خلال الزيوت مثل زيت الخروع الي يكثف الرموش ,, والابتعاد قدر المستطاع عن الماسكرا الي تكسر الرموش وتتلفهم


السهر :
مافي شي يعدم العين ويتلفها ويفقدها بريقها وجمالها مثل السهر وقله النوم ,, طبعا اخذ قسط كافي من النوم يخلي عينج جميله ومشعه على عكس السهر الي يتعبها ,,,



الاضاءه :
مشاهده التلفزيون بالظلام او الجلوس عالكمبيوتر او القراءه بالظلام لها لها اثر على المدى البعيد على العين ,, طبعا ما يحتاج اقول شلون يصير شكل العين لانها اكيد ما راح تكون حلوه ,,,مثل ما ننصح الاطفال بعدم ممارسه اي شئ بالظلام لازم نطبق هالنصيحه على نفسنا بالاول لانها ان ما ضرت عيونا في الوقت الحالي راح تضرها لاسمح الله بالمستقبل


ادوات التجميل:
طبعا كثره المكياج والمكياج الردئ يخرب العين ويتلف منطقه ماحول العين مما يسرع بظهور التجاعيد ,, طبعا لازم نتدارك الامر قبل فوات الاوان وطبعا في طرق نجمل بها العين من خلال وضع الرموش المستعاره من اجل تكثيف شعر الرموش وطبعا تعطي منظر جذاب ومثير بالاخص للرجل

... ايضا وضع العدسات التي تناسب لون البشره وشكل العين تخليج جميله ونظرتج اجمل ,,,


كيف تكونين ذات نظره دلع ؟؟
كل وحده تبي تكون نظرتها تنم عن الدلع ,, نظره تاسر فيها زوجها والمحيطين فيها ,, طبعا بعد ما تكون عينج جميله ورموشج طويله يجي دور النظرات الاسره ,, طبعا اذا عصبتي لازم تسوين كونترول على نفسج ,, في ناس لما يغضبون تطلع عينهم لبره اكيد ما تحبين زوجج يشوفج بهالطريقه لانها تمحي اي دلع ورقه في باله عنج ,,,
نظرات الدلع هي :
النظرات الحالمه ....
اكيد النظرات الحالمه هي طريق للزوج اقصد نظرات الحب مثل الافلام لما تكون العين مزيج من الخجل والحب والدلال والحنان هذي النظره ما راح تتقنينها الا بالتدريب والتكرار ,, نظره ليست فقط تجعلك دلوعه بل مثيره في عين زوجك

نظرات رقيقه ....
وهي النظرات التي يتخللها تحريك الرموش بخفه ودلال اكيد تعتبر نظره دلع ,,, اكيد عرفتو النظره الي اقصدها والي هي مثل نظرات بطلات الكارتون الرقيقات الدلوعات الي يحركون رموشهم بكل رقه نعومه ,,و حلو انج تحريكين رموشجج بهدوء بينما يكون زوجج يتكلم معاج وينظر في عينج ,,,,
واخيرا خلونا نشوف صور هالنظرات والتي تدل على الدلع والثقه بالنفس :

نظره استماع بحب وحنان للطرف الاخر

نظره امتنان وسعاده وحب وفيها شحنه كبيره من الدلع

نظره عتاب ممزوجه بالدلع

نظره تفكير بس ما يخفى عنها الدلع

لحظه جرح او حزن بس كلها كبرياء ودلع ..


يالله يابنات هالجزء كسر ظهري صار لي ساعه ونص وانا قاعده عليه اتمنى اشوف تفاعل حلو ... يالله ابي ارائكم وتعليقاتكم
ماخلصنا تو الناس ,, انتظروني مع السر الثالث

 

[boomb flower]

روووووووووووووووعه الموضوع افكارحلوه الله يعطيك العافيه ياسله فواكه

 

[ليدي]

موضوع حلو يسلموووووووو
الله ننظر المزيد >>>>>>طماعة

 

[MaNoRa]

مشاء الله عليج
الموضوع حده ه ه ه روعة
يالله كملي بسرعة انا بسوي نيو لوووك باسرع وقت ....
انا قبل لا اتزوج كنت مينونة بهالسوالف لكن بعد ما تزوجت و دراسة و وظيفة وحمل وولادة خلوني اندفن
حتى ريلي ذلك اليوم جدامي مدح وحدة تمشي مع زوجها و حاطة ميك اب
ويقول وايد حلووووو!!!!!!!!!!!!!
من ذاك اليوم وانا مقررة اعفس حياتي و حياته قبل لا تزوغ عيونة
سوري طولت عليج
بس لا تطولين علينا​

 

[الفجر القادم@]

تابعي حبيبتي سلة فواكه

واخيرا بنسير دلوعات

والله اني لما اشوف البنات الدلوعات عيني ماتفارقهم وودي اسير زيهم لكن ياحسرة.

لكن ان شاء الله معاك بنسير دلوعات

 

[سلة فواكه]

شكله الموضوع ما عجبكم
شدعوه كلمه شكر ما راح تضركم يعني

 

[*^ ندى الورد ^*]

انتظر السر الثالث بفارررررررررررررغ الصبررررررررررررررررر

 

[إلى القمم..!]

خطيييييييييييييييييييرة

الله يسعدك يختي

عاد مشكلتي الأزلية الهالات بعيد عنك

صحيح يجي لها فترة تخف إذا كنت مرتاحة نفسياً و مصطحة جسدياً

بس غالب الأوقات ماش الله المستعان ..

بالنسبة لي أتوقع أسبابها فقر الدم + الأرق أحيانا ..

يبيلي أهتم باللي داخل عشان يصلح اللي برا << فيني الصيحة *-*



مشكورة حبيبتي

 

[نبضة دلع]

اهلين حبيبتي سلة فواكه بصراحه اشتقنا لك ولمواضيعك الحلوه ....انا توني اقرا الموضوع اليوم
بصراحه روعه روعه .... دائما مواضيعك مميزه ومتألقه الف شكر ياقلبي ومتابعه معك حبيبتي

 

[هاااامة المجد]

مشكوووووووووووووووره يالغاليه

 

[noona 2002]

الله يعطيك العافيه .. منتظرين التكمله ..

 

[بسمةامل]

مشكوووره حبيبتي سله موضوعك رائع واتمنى اني اهتم بنفسي اكثر لاني للاسف مع اشغال البيت ومشاكل الاطفال اهملت نفسي جداا لكن موضوعك حمسني وبحاول!
حبيت انبه لنقطه ذكرتيها وهي الرموش المستعاره انا سمعت انها تدخل في حكم المحرم لانها تعتبر من الوصل والله تعالى اعلم
جزاك الله خيرا اكملي فنحن بانتظارك

 

[اطراف البدايه]

مشكوره حياتي تابعي احما بحاجت افكارج

 

[عالم اخر]

موضوع رائع تشكري

 

[عذوبه]

تسلم يديك موضوع راااائع كعادتك لا عدمنا جديدك المميز

 

[عذبةالوصف]

طرح راااااائع وشرح مبسط
والله يعطيك العااافيه
ومتاااابعين معااااااااك
بس لاتبخلي علينا بالصور التوووضحيه​

 

[نظرةعيوني ذلتهم]

مشكوورة حبيبتي على الطرح ولا اروع
تسلم ايدج​

 

[سلة فواكه]

واااااااو ثانكس عالتفاعل
اشوفكم جريب