صباح الخير جميعا :icon31:
شكرا أخواتي على اهتمامكم .. النورس الأيبض .. عنقود عنب ومتفائلة التي يمدني اسمها بدفعات من الأمل .. وما يهونون الباقين والله ..
لا جديد .. اعتذر مجددا .. انهار .. بكى .. أنا آسف .. ما أعرف وش أسوي بنفسي .. أنا ظلمتك .. أنا آذيتك ... ومن هالكلام .. وأنا أقول وبعدين طيب .. وفي الأخير وشو .. يقول وش تبيني أسوي .. .... وطول الوقت على هالحالة
لنا يومين على هالحالة .. يتلزق فيني .. وأنا أتصدد عنه بكل طريقة .. كل شوي يتصل فيني على المكتب .. واذا ما رديت .. وين كنتي .. مدري وش فيه بدا يفكر غلط .. والا خاف من ردود أفعالي .. والا انا يتهيأ لي .. والله الواحد ما عاد يعرف شي ..
شيئين سويتهم وما أعتقد ان هناك حلول غيرهم أمامي ..
الأول .. جالسة ادعي ربي ليل ونهار وطول الوقت ..
الثاني .. دقيت على مملكة بلقيس .. استفسرت عن كم شغلة .. واليوم بقرر .. يا اني احجز تذكرتي واطير على ابو ظبي واقابل الأستاذة ناعمة .. والا أروح البنك وأودع المبلغ وآخذ استشارة هاتفية .. أنا قلبي مايل أكثر للسفر .. ودي أبتعد عنه .. خاصة ان اجازتي باقي عليها ثلاث أسابيع .. بس لما أفكر أني بتحمله كذا ثلاث أسابيع بعد أقول لالالالالالا خليني أخذ استشارة على التلفون رغم ان الموعد ما راح يكون قريب نفس المدة تقريبا .. غير كذا وش أقول له بروح أسوي في أبو ظبي .. ؟؟ أفكر أكذب عليه وأقول دبي مع بنت خالتي .. ما راح تكون عنده مشكلة كلها ثلاث أيام .. بستخير وأقرر .. والله يكتب الي فيه الخير ..
أختي نوارة الرياض .. أنا لم أطلب منه طلاقها .. هو الذي بدأ وأخذ يتكلم عن الطلاق وأنا لم أفهم ولم أستوعب أبدا .. هل هو صادق أم أنها محاولة لكسر الخاطر وتمشية الأمور على كيفه .. ومن قال لك أنه سيطلقها .. لو كان صادقا لفعل منذ وقت طويل .. بناء على الحكايات التي قالها هو دون سؤال مني .. هو من تحدث في هذا الموضوع .. وانا لم أتحمل هذا الأسلوب .. فقلت طلقها اذن وانا عارفه وموقنة انه لن يفعل .. لكني كنت أريد أن أوضح له ان لا داعي لكلام لا تستطيع تنفيذه .. دائما ما كان يتعامل معي كطفلة ساذجة .. كنت كذلك في فترة من حياتي القصيرة معه والتي لم تتجاوز أصابع يد واحدة .. لكن الطفلة كبرت الآن ولم تعد تريد الاستمرار في لعبة الخداع هذه ..
