أحتاج دفعة معنوية يا أخواتي

[ورد الخال]

يا حبيبتي يا بلاك تيولب

موضوعك شدني كتير و قرأت كل الردود

فعلا إنتي بطلة الله يثبتك و ينصرك

كن مع الله و لا تبالي

:icon30:


​

 

[عنقود عنب]

السلام عليكم اختي تيولب

قصتك مؤثرة جدا .. يعني من بداية زواجكم .. تزوجك عليك وقت اللي المفروض تكونوا في احلى سنين الزواج

المهم اختي .. هو تزوجك وخلص

لا تقهرين روحك .. ولا تجلسين تقولين راح اكلم اهلة او ابوه او امهة

اتركيييية .. طنشية .. ادري يبغي لها قوة اعصاب .. لكن هذا لصالحك تدرين ليش

لان التفكير في كيفية ان تجيبية غصب عنه .. ويعطيك حقوقك وما ادري ايش .. هذه ما وراها الاحرق الاعصاب

اعتبريه انه مسافر عنك سفرة طويلة ...

خليك ريلاكس على الاخر .. ان جا عندك البيت يا هلا و يا مرحب

والا في امان الله ..

وسوي مثل ما قالت اخي النورس الابيض .. خذي منه اللي انت تحتاجينة واللي في مصلحتك مو عشان سواد عيونة

ولا تنسي ان تدعي الله في جوف الليل

وانشاء الله راح يرجع لك.. او على الاقل يعدل بيكم

لك تحياتي

 

[بنت الشموخ]

مساء الخيرات


الله معك واحنا نتظرك ونتتظر اخبارك وانشاء الله تتغيري اكثر واكثر..


دمتي بود

 

[غيمة صافية]

أخت بلاك توليب انشاالله الله ياجرك في مشكلتك الخوات كفو ووفوا في الردود والأقتراحات واعتقد هذي كلها مسكنات تريحك وبعدين ترجعين حق نفس الألم ..... وبعدين شنو الحل؟؟؟؟؟

بيد ربك سبحانه لا رايي ولا راي اي وحده ممكن يحل الي انتي فيه تري مايحس بالنار ألا رجل واطيها......خليج مع ربك اولا وآخرا وحتى لو عيالك أسألوا عنه قوليلهم معانا ربنا ونعم بالله ....

ارجعي إلي ربك عليج بالأستغفااار الأستغفاار.... عليك بالمناجاة ناجي ربك والقرآن (وقد جاءكم من الله نور وكتاب مبين ) النور هنا بالقرآن

ثم صلي على النبى الف مرة حتى لما تكونين متضايقة ...أو سرحااانة بلي انتي فيه صلي على النبي ....ففي الصلاة على النبى تحصلين على الآتي
تنالين شفاعة نبيك , كفاية هم الدنيا ..يفرج همك ., وبالصلاة على حبيبنا سبب لإجابة الدعاء ..

الهم صلي على محمد وعلى آل محمد......

حبيبت كلنا قلبنا معاج وبندعيلك وعليج باهذا الدعاء ((لا إله إلا الله العظيم الحليم , لا إله إلا الله رب العرش العظيم . لا إله إلا الله رب السموات ورب الأرض ورب العرش الكريم ))

 

[عوشي]

الله يساعدج يا بلاك توليب ويصبرج ، كملي طريقج وشوفي نفسج وعيالج ،
تذكرين انت عطيتيني دفعه قوية لمشكلتي المشابهة لمشكلتك تقريباً ، وانا صابرة عشان يعرف اني مو محتاجتله ولا يهمني فراقه .
وعليج بالدعاء والاستغفار والله يوفق الجميع:c014:

 

[نبراس الخير]

ana karit mochkiltik o jidan mota3atifa m3ak o karit rdod alakhawat fiha alkatir mima sayofidok wa aham chi tal3ih mine albik 3achan tikdari t3ichi hayatik bih aw mine ghiro okifayaanek mostakila 3alih bi3amal yichghilk o awladik orabina ma3aki o kalbi ma3ak allah ifaraj karbik amine ya rabe

 

[الدكتورة نبضة قلب]

الله يوفقج يا اختي الحبيبه
بشرينا عن اخبارج اول باول

 

[عنقود عنب]

اختي بلاك تيولب

طمنينا عنك

 

[Fairy Tale]

شكرا أخواتي على سؤالكم الدائم عني .. الله لا يحرمني من وجودكم ..

الصراحة مدري وش أقول لكم .. من يومين وأنا في حالة عدم توازن .. شفتوا اللي طايح في بحر يلعب فيه مثل ما يبغى .. أنا كذا حالتي ..والى هاللحظة ..

السبب .. ان زوجي من خمسة أيام افتعل مشكلة من لا شيء .. وهي خروجي مع صاحبتي بحجة أنه لا يعرف من هي ؟؟ طبعا هو ملاحظ التغيرات اللي علي ويقول لي متغيرة والله وطبعا جابت نتيجة كثير حلوة صار يمدح واجد ويتلزق واجد ( افهموها عاد ) عشان كذا شكله شاك في هالبنت وان لها تأثير علي مع انها صديقتي من أيام الجامعة بس خفت علاقتنا شوي بحكم مشاكلي وتعرفون بعد التخرج الكل ينشغل غير كذا هو مبسوط من تغيير تعاملي وهدوئي لكنه مو عاجبه تغير تفكيري تجاهه واحساسه بأني أعلم انه يخفي شيئا عني ( هذا احساسي انا هو ما صارحني )

المشكلة استمرت ثلاثة أيام انا زعلت وابتعدت .. ولما تناقشنا دخلنا في أمور كثيرة أهمها الحرية الشخصية .. طبعا هو يقول ان زواجه حرية شخصية مثل الهوايات مثل اي شي ومو من حقي اني اتضايق منها حتى لو مو عاجبني بس لازم احترم هالشي !! طبعا انا استغليتها وصرت اقول ان صديقاتي حرية شخصية وهي كذلك لكن الحين صارت الأمور مختلفة عنده يبغى يتدخل في كل شي باسم انه زوجي .. ولما شافني متمسكه بكلامه وتبريراته وتشدقه بالحرية الشخصية .. انهار من غير سبب واعترف لي بأشياء خلتني في حالة صعبة :tears: :tears: :tears:

كنا جالسين بعاد عن بعض .. قال لي تعالي جنبي .. وحط يده في يدي وقال بقول لك شي .. انا اخذت نفس عميق واحسست اني بموت من اللي بسمعه .. كانت عندي شكوك كثيرة لكن تبقى الحقيقة غائبة .. جلست اسمع له ..

تكلم عن الحب في البداية .. وتأكدي ان ما فيه قلبي غيرك وانت حبيبتي وصبرتي علي واجد وانا آذيتك كثير .. انا لي فترة اعيش في جحيم .. وطلقت الثانية ورجعتها بضغوط من اهلها .. وبيني وبينهم امور كبيرة وصلت لمحامين .. انا ندمان على كل شي .. سامحيني كابرت وعاندت وكله على حسابك انتي .. لكن كل ما حاولت اصلح شي تخرب من جهة ثانية .. الين قبل فترة ..من جد تربتطت وماني عارف كيف افك نفسي .. الحرمة حامل .. ( انا انهرت .. سكت واحس نفسي اطيخ من فووووووووووووووق ) ماني عارف وش اسوي .. ودمعت عيونه وضمني ..

والله ما اعرف وش أقول لكم .. والله جالسة ابكي الحين مع انه تجمد كل احساس فيني من لحظتها .. حسيت بشعور الخيانة .. عارفة لما تكونين حاسة بشي حتى لو كنتي متأكدة منه بس لما تسمعينه تنهارين كنك مصدومة .. يمكن لأننا احنا الحريم دايما نحاول نعطي الرجال ألف عذر ونكذب احساساتنا .. ووالله لو اقول لكم اني حسيت من يومها وواجهته وقلت له هي حامل قال لأ .. وانا كنت متأكدة من احساسي شي كذا يجيك من غير مقدمات ينغز في قلبك .. وقال لي تذكرين يوم سألتيني .. كان هو ذاك اليوم اللي عرفت فيه الخبر ..

طبعا هو سافر بحكم العمل لجدة من يوم الخميس .. هو يوم المصارحة .. وبيرجع اليوم .. حاول معاي يوديني فندق لحالي عشان اهدا انا رفضت .. قال نطلع نتغدا في مكان قبل ما اسافر طلعنا شوي وقلت له رجعني .. من جد شعوري اسمه عدم توازن .. رجعت ونمت اربع ساعات متواصله من غير ما احس بشي .. صحيت منهاره .. عيالي كانوا في بيت اهله ... شوي وجابهم اخوه .. حطيتهم ينامون وانا ما قدرت انام .. كتبت له كل اللي في قلبي بمسجات .. وانهيتها بأنك خسرتني وانك ما تستاهلني .. انهار .. دق علي ليه كذا يوم اني مشيت .. كان قلتي لي اجلس .. تهاوشنا بالتلفون شوي بعدين انتهت المكالمة على اننا اثنينا تعبانين ..

ثاني يوم أرسل لي دعاء .. يارب تبعد عننا شياطين الانس والجن وتجمع بينا على خير !! أنا انفجرت مرة ثانية بعد ما كنت هديت شوي .. وكلمته .. انهار من كلامي .. قام يبكي .. وقام يقول كلام غريب عن حياته معاها .. شي ما اقدر اقوله لكنها جحيم مو حياة .. طبعا انا ما صدقت كل الكلام لأنه بيكسر خاطري .. اختصرت وقلت له .. خاطري تشتريه بطلاقها .. اذا تبيني طلقها .. طبعا هو عذره البيبي وش اسوي فيه .. بكره بيحاسبني .. حتى عيالي بيسألوني ليه سويت كذا .. انا اختصرت كلامي وقلت هذا طلبي وغير كذا ما عندي .. وانتهى الكلام ..

دق الصباح يسأل عني .. ما طولت .. قال انه مو لاقي رحلة بيحاول يرجع قبل الليل .. بالسلامة .. ومع السلامة ..

وهذا كل شي الى قبل كم ساعة ..

اخواتي رجاء حار من اخت لكم تعذبت من جد والله .. اللي تقرا كلامي تدعي لي ان ربي يريح بالي .. هذا كل اللي ابغاه والله ..

قد يظن البعض اني اناية بطلب طلاقها .. لكن قصتي معها سأفرد لها موضوعا منفصلا .. لكن والله شهيد على ما أقول .. اني سعيت في صالح هذه المرأة لتبقى مع زوجها السابق بشكل ما تتصورونه .. حتى انها سكنت في بيتي أربعة أشهر .. ووالله ما قصرت معها ومع أهلها بشي .. ولما زوجي تقدم لهم ما فكروا بخاطري أبدا .. بالعكس بأي طريقة صرفوا بنتهم على حساب انسانة ضحت وتنازلت عن أشياء كثير في سبيل انها تعيش حياة سعيدة .. والله ليس حقدا عليها ولكنها تطاولت على أحلامي وسعادتي بلا ذنب مني .. لو لم أكن أعرفها .. لو لم يكن بيننا عشرة طويلة .. لقلت مالي ومالها .. أحمل زوجي كثيرا من الذنب وأحملها هي أيضا .. كيف توافق على شي كهذا ولما سألتها هل ستوافقين لو زوجك فعلها قالت ابدا وأوريه الويل .. طيب لماذا ترضين على بنات الناس خاصة من لم تسئ لك بل بينك وبينها جمايل كثيرة .. لكن كل واحد يرجع لأصله ..

دعواتكم فقط .. عسى ربي يكتب الخير ويرضيني فيه .. واسمحوا لي على الإطالة لكن سؤال يا عنقود العنب أثار شجوني .. شكرا لك ..

 

[شـغـف]

السلام عليكم

حبيبتي

قرأت قصتك للتو..

وهل استضفتها في منزل أهلك ام منزل زوجك؟؟؟؟؟؟؟





يا غالية..

كان الله في عونك.. ورددي حسبي الله ونعم الوكيل..

حسبي الله ونعم الوكيل..

 

[نبراس الخير]

allah yikone fi 3onek kalbi ma3ak

 

[دانـــة]

الغالية توليب

ربي يكون بعونج ويشرح صدرج ويفرج كربج ويسخر لج زوجج

انه ولي ذلك والقادر عليه

 

[عنقود عنب]

حبيبتي بلاك تيولب

والله قلبي معك ... واكيد ما في ادنى شك انك في نار ما يعلم بها الا الله

صراحة انصدمت لم قلتي انها كانت ساكنة عندكم .. ولم تطلقت من زوجها الاول تزوجت زوجك ... صراحة اعتبر هذه طعنة في الظهر ... الله يكون في عونك

لكن حبيبتي... الان زوجك محتاج لك بشكل كبير... وانت والحيدة اللي قادرة على احتواءة

فرصتك تبين له وش كثر انت شاريتة ...

لا تقولين ما اقدر .. او تقولين انه يكذب عليك لم يقول لك انك الوحيدة اللي في قلبة..

وش تبغين اكثر من انه طلقها ... وبالاغصب رجعها .. اكيد هو نفسة عافتها

مهما ظلت على ذمته فهي وقلتها واحد ...انت الاصل

خاصة لم يشوفك واقفة جنبة في هذا الظرف الصعب ...

لا تخلين الشيطان يلعب عليك .. اهم شي خففي عنه الضغط وبعدين بالنسبة لطلاقها ..لكل حادث حديث

واضح ان زوجك شاري خاطر خاصة هذه الايام انتهزيها فرصة واوقفي جنبة بدل ما تخلينة ينفر حتى منك

وربي ما يضيع حق مظلوم .. وانت اكثر وحدة انظلمت في سالفة زواج زوجك

ربي يسهل امرك

وطمنينا عنك

اختك عنقود عنب

 

[umm_reem]

:a200:

عجبتيني...انتي اللي رفعتي معنوياتي...بصراحه امشي ونحن من ورائك...الله يوفقج ويثبتج

 

[فرحات]

الله يعينج وينولج اللي في بالج...

 

[oga]

الله يكون فى عونك يا أختى ،عندما قرأت قصتك حزنت عليك كثيرا
وأسأل الله أن يريح بالك ويفرج كربك وينصرك عليها كما نصر أم الواليد

 

[Fairy Tale]

شكرا لكم جميعا والله اني ارتاح من ردودكم بشكل كبير واحيانا تخلوني أشوف أمور ما كنت أشوفها ..

أختي عنقود العنب معليش بثقل عليك شوي لكن والله محتاجة رأي وحدة فاهمه وعارفه بالدنيا وانتي بحكم خبرتك في الحياة ما شاء الله عليك ما قصرتي معي ..

كلامك حلو .. لكن انا بصراحة ما كنت مفكرة اني احتويه ابد .. كنت أبغى أبعده .. عارفه ليش ؟ اللي راح يصير واحد من اثنين ..

1- يا انه كان محتار كيف يوصل لي الخبر واسمع منه ولا اسمع من غيره غير كذا اخذ وقتي لما اتعافى من الصدمة بعدين يجي ويقول لي لازم عيالك يشوفون اخوهم الجديد !! عشان كذا ما يصلح يرمي كل اوراقه مرة وحده .. وطبعا بيستمر موضوع زواجه ولا بيتغير شي حتى لو كان فيه مشاكل لكن مو معناته توصل للطلاق ابدا .. لو كان بيطلق كان من اول وماله داعي العناد والمكابرة اكثر من كذا .. يعني هو بس يبغى يبري نفسه ويبعد عن نفسه شعور الذنب بحقي وبعدين تمشي الأمور على ما هي عليه ..

2- يكون فعلا ناوي الطلاق .. لكن لو طلقها .. وين بيروح البزر ؟؟ طبعا أول شي بيسوونه اهلها بيرمونه عليه .. وعليه يعني عندي انا .. وهذا الشي اللي انا ما اقبله ومن جد خايفه منه أكثر .. احساسي يميل لهالشي .. بتقولون ما راح ترمي ولدها .. لا ترميه .. والا عاد زوجي بيخليه عندها اعرفه واعرفها .. شكله بيجيبه عندي زانا والله ما اقدر اقبل هالشي .. اجل بيساومني ويقول تبقى الحرمة تربي ولدها ويبقة ولدي جنبي مو معقول اخليه بعيد ( طبعا اهلها ساكنين في منظقة بعيدة جدا عننا ) وبعد كذا يجي بدل الولد عشرة وعلى هالحالة ..

أنا مو ناويه امشي الموضوع بسهولة .. ما دام هو راضي بوضعه وبيمشي كل شي على ما هو عليه خلاص .. انا بزعل بعد واخذ وقتي وكيفه هو .. والله اخاف انه بس يمثل علي حتى لو كان صادق لكنه يبعى يتخلص من شعور الذنب لا طلاق ولا يحزنون ..

شوروا علي تكفون .. اتجاهل وافرض رايي .. والا احتويه بهدوء ( طبعا هو لازم يجي الأول مو انا اروح له ) وش اللي بيحقق نتيجة .. احسه ضعيف الحين .. مو من حقي افرض شروطي عليه .. كفاية اللي صار .. رايكم لا تبخلون علي فيه .. واذا ما عرفتوا لا تنسوني من دعاءكم ان ربي يريح بالي ويرفع عني ..

 

[النورس الأبيض]

والله يااختي ماادري ايش اقللك كيف طلقها ورجعها بالغصب زي مايقول وهو ماهو كان قادر يجلس معاكم العيد وراح

لها مشوار من اليل علشان يشوفها مهو قادر يصبر هذى مهي تصرفات واحد طلقها ورجعها بالغصب انتبهي

يااختي انتبهي وخذي حذرك وحاولي تنظرين لصوره الكامله من دون عواطف علشان ماتتشوشين وتقدرين تشوفين الصوره صح ..................

الله يوفقك حبيبتي ويفرج عليك

 

[Fairy Tale]

النورس الأبيض .. كلامك صحيح .. انه يكذب ليضغط علي وحتى يكون في موقف الضعيف الذي لا يملك حلا .. يريدني أن أطبطب عليه وأقول له معليش انت تزوجتها تحمل وخلاص جيب ولدك أربيه والا جيبها نسكن كلنا في بيت واحد .. أعوذ بالله ان شاء الله أموت ولا يجي هاليوم .. ارتفع ضغطي من جد ..

لا أعرف لماذا انتابني شعور بالغضب الآن .. ودي أسوي مشكلة كبيرة معه :icon28: الله يعين ..

 

[عنقود عنب]

بلاك تيولب .. اختي الحبيبة

بعض الاحيان المواجهات والضغط وفرض الراي بالقوة لا تفيد .. لا تسمنها ضعف

بعض الاحيان اخذ المواضيع بشكل هادئ و تسويتها على نار هادئة تجيب نتايج افضل

انت اكثر واحدة تعرف زوجها.. هل هو كاذب ... صادق... يتصيد في الماء العكر .. او او او ؟؟؟

انت وش اللي تبغينة بالضبط ؟؟؟

اكتبي كل ما تريدين في ورقة .. وشوفي النقاط اللي راح تاخذين فيها حقك بدون ما توكنين قد قدمتي اكثر منه وسوية ...

يعني شوفي اذا احتوائك له راح تستفيدين منه اكثر من انك تخسرين سوية

او اذا كان فرض الرائ والابتعاد وتركه في هذه المحنة راح يجب لك حقك ويرضيك .. فسوية

ولا تنسي الدعاء والاستخارة

وفي انتظار اخر اخبارك اختي الحبيبة

.. ولا تتردي اختي في اي شي تودين ان تسألينا عنه

نحن خوات لبعضنا البعض

اختك المحبة لك عنقود عنب